African Jewels : Sereto sa Basadi ba Afrika

God Bless The African Jewels, the Mothers of a nation... Kera bona basadi bommago bana bago swara thipa ka bogaleng. 'Tlou-gadi ta Afrika direng di gata fase gwa roromela mobu ware Thobela!!!

God Bless The African Jewels, Our Givers of life our Pillars of Strength... Kera bona bo Rakgadi'a tona bareng go kgalema thari'e sese goa kwala! Bareng go bea la bona labo botlana goa eletega 'thaba sa Afrika!

God Bless the African Jewels, Our Sources of Hope Our Voices of Reason... Kera bona boHunadi sebelega-mma le boRamogohlo moo ke nyanteng letswele ! Ke rola kefa ke rolela tona 'natla te di ntirilego monna wa maledu 'tlou-gadi te di mphilego mpho ya bophelo !

God Bless the African Jewels, Our Crying shoulders ... ke realo ke lotha bona boMmakgoi badirakhuto sethabeng, le tona 'ngweti ta gore mohlang di fihla bogadi ra bona ka mabala a kgahlia, 'ngweti tago thabia bommatswale ,barwedi bago benya ka lerato le hlompho! Halala!!!

God Bless The African Jewels, our mothers, our sisters, our daughters... Ke realo ke hlompha lena bahlokomedi ba masea , Rereng re tsoga ra hweta le etwa go bowa nokeng, mollo o tuka le ngwako o hlwekile!

Kera lena boMogataa motho rereng gere bowa maemong ra hweta le sote le go ala le adile ele lona rato la nnete, rato la basadi tlou-gadi tabo rena!

God Bless The African Jewels, the women of faith , the women of stature and integrity Halala Basadi , bo mmane lebo kgaetedi bago re bepula mola resa nkga mekgatho halala!!! Kea boeleta kere ke rola mongatse ke rolela lena lere rweago kobo ya lerato lare phutha magole ele ge mapelo a eja serati! Lena basad-sadi bago logela teng ta rena maano leka mohlang wa tlala le thego!

God Bless The African Jewels, descedants of Lilian Ngoyi, Charlotte Maxeke and Ruth First Ya lena tema ea bonala basadi, maina a lena pelong ta rena a ngwaletwe sa ruri ketla le leboga ka eng ge gauta le taemane disa lekane le bohlokwa bja lena sethabeng? Ketla le leboga ka eng ge ese sona reto seo se twago teng ga pelo yaka ? Sona reto se kese ngweteng ka keledi teo di elago geke gopola rato la lena le botho bja lena basadi ba Afrika!

God Bless The African Jewels, the seeds of potency, Precious Stones of the Motherland Re pheleleng bommago bana , re pheleleng bokoko le borakgadi, bommane le bokgaetedi, barwedi le balekane, matoba a thaba sa tharientsho !!! Halala Basadi ba Afrika Halala!

*Le retwa ke wa lena tlogolo sa Hunadi, itibulo la Ramogohlo mmelega masogana a mararo yo a ilego boyabatho!

Godfrey Maja