An Official Organ of The Bangalore Mizo Association Registered Under Societies Act of Karnataka No.

: BLU-S188-2007-08 Date 7 May 2007

Vol. XVIII Issue No.22 Bangalore Mizo Association Pathian Nitin Chhuak Chanchinbu Date: 26th Aug., 2012 Phek Khatna

BMA AW

TUALCHHUNG
$$ Minister chunga lawmthu: Tun hnaia harsatna kan tawh chungchangah, kan thlavang min hauhsak turin Mizoram sawrkar chuan Minister zahtawm tak tak Pu Lalrinliana Sailo, Mininster of H&FW, etc., leh Pu John Siamkunga, MLA te rawn tir thlain, anni hian theihtawp chhuah a Karnataka sawrkar hotu te min hmuhsakin, kan mamawh min sutkian sak a. Kan minister-te chungah hian Bangalore Mizo Association chu a lawm tak zet a ni. $$ Inremna ruai kil ho: Ni 22 august 2012, Nilai ni tlai dar 8:00 khan, chibing inthliarna duh lo pawl Rainbow Forum Karnataka te chuan Pu Lalrokhuma Pachuaua, DGPIG leh Bangalore-a hmarchhak state hrang hrang hruaitute SAMAD House-ah inremna chawhlui IFTIAR an kilpui a. He hunah hian Karnataka Governor Shri Hans Raj Bharwaj chu khuallian a ni. $$ Football Tournament: Bangalore khawpui chhunga hmarchhak mite tana harsatna a awm avanga BMA Football Tournament chawlhsan lailawk chu, chhunzawm leh thuai tur a ni. Team tinte inla-fit sauh sauh teh u.
taka Thahnemngai taka BMA AW latu zawng zawng te, BMA AW lakman in pek vek dawn e avangin kan lawm e. Tin, beiseiin in thu leh hla beiseiin BMA AW hian kartluanin a nghak thin che u.

Harsatna kan tawh hian, rahtha chhuah teh se.

Dr. Mahminga Sailo
Tlangnel taka khual kan chamna khawpui nuam leh changkang Bangalore chu, him tawk lo leh ralmuang lova inhriain kan unau tam tak ten thlabar leh hmanhmawh takin an chhuahsan chiam a. Mi tam takte pawh hlauthawng leh tidekin kan awm bawk. Thahnemngai taka kan tawngtaina Pathianin min chhansakin, Karnataka leh hmarchhak state sawrkarte hmalakna avangin kan buaina pawh a reh chho ta niin a lang a. a lawmawm tak zet a ni. MinisterHealth Minister-in min fuih! Pu Lalrinliana Sailo khan, thu a sawina apiangah thalaite incheina leh kan khawsakphung a vei ngang a ni, a sawilang ziah bawk. Sawi ve chiam ni ila, keia kara thusawi hi tukhawkha mahin min ngaihpawimawhsak ka ring lo, tin tlangval phunchiar min ti tawk an awm pawh ka hlau hlel lo ve. Mah reng reng se, ka ziak ve hrim hrim dawn. Pu Rina hian min fuihpawrh chu ka tingam chiah lo, mahse he thu ziak tur hian min fuih ka ti tho tho. A thawh thawhin thawk raw pip Tribal India rama kan chen a, Mizo kan nih chhung chu, Tribal kan ni reng dawn. Kan inngaih angin chhungkaw hausa leh khawsa thei tak atanga Bangalore leh India ram khawpui changkangah awmin, sum leh pai duhtawk hman tur nei pawh ni mah ila; kan Indian-pui ten min hriat dan chu Tribal a ni tho tho. Hetih vang hian, inngaihhniam tur ka tihna a ni lo. Marawhchu, kan ram a intodelh lohzia leh central sawrkar sum ringa khawsa kan ni tih hi hre nawn fo ila, kan dinhmun tawkin I khawsa ang u ka tihna mai a ni. Incheina I sawi phak a awm lo min ti ta ula, ni e tiin ka chhang ang che. Pu Rina Sailo ngaihdan ka tawmpui em em chu: zirlai thenkhat chu phaiah lehkha zirin, chhungte chawmhlawmin an awm dek dek a; a tam zawk chu London leh, New York khawpuia model thenkhatte inchei angin tuallaiah kan inchei ve ringawt a. Zahthlak tak a ni a ti tawl mai kha. Nia, I ngaihtuahna a thing lutuk min ti rawh sek sek, pawi ka ti miah lo. Kan chenna ram mite mittikham khawpa inchei leh nihphung danglam uchuak kan neih a, buaina tawk an awm fo hi intih changkanna kawrawng tak a ni zawk lo em ni? ka ti ve tlat! Nun fimkhur ila Vairama zir I nih chuan, kawng engemaw chenah an nundan leh tihdan phung I zawm ve a ngai (Phekhnihnaah chhunzawm a ni)

(Phek hnihnaah chhunzawm a ni)

Vol. XVIII Issue No. 22 Bangalore Mizo Association Pathianni Nitin Chhuak Chanchinbu Date: 26th Aug., 2012 Phek Hnihna
Editor Tv. Lalmuanzuala Joint Editors Dr. Lalhmingmuana Sailo Tv. MC Zirsangzela Circulation Managers Nl. Lalchhanhimi Nl. Lalngaihsaki Hnamte BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

(Article chhunzawmna)

Tunhnaia harsatna kan tawh ang, chibing inhmuhthiamlohna hi khawvel hmun hrang hranga thleng reng a ni, a hluar zel bawk ang. India mi tam tak pawh Australia leh ram danga chengte hmuhmawh an nih chhan tam tak zingah, an inkhurbing leh tualchhungmi an kawm lo lutuk hi a ni an ti. Tin, khawtual mi te aia lehkha an thiamin leh an taimak vangin hnathawh lamah an tluang viau si a. Itsiktu an awm thuai a, harsatna an tawh phah fo a ni an ti. A dik hmel viau. Khualtha nih tum zel ang Tualchhung mite zingah thian tha emaw hmelhriat tha neih tum la. A tan tangkai hun I neih theih ang bawkin, I tan an la tangkai ve thei. I chunga that an chhuah lem loh pawn vui ngawt lo la, that an chhuah leh lawm ang che. Mikhual kan nih avangin, zaidawh leh thuhnuairawlh tur zawk kan ni si. Hetih lai hian, mahni dikna leh chanvo hauh ngam lo khawpa dawihzep erawh a tha miah lo. Chumi tithei tur chuan nun uluk leh entawntlak kan neih a ngai.

E-mail: bmanews@gmail.com Website: www.bangaloremizo.info

Xw||t Xw||t
Tun hnaia kan boruak tawn meuh chuan Bangalore Mizo te mai bakah, rampum min barakhaih hle a. He hun remchanga latu thenkhat misuaksual kut tuartute an lainatawm bawk. Chutih rualin, engamah hmaa ralkhel vak te, khawtlang dinhmun pawh hrechiang lem lova tlanchhe nghal ngawt an tam erawh chuan ngaihtuah a tithui deuh. Mizote hi hnam huaisen kan ni kan ti a, a huho chuan kan huaisen viau niin a alang. Amarawhchu, kan changkang tial tial a, tanrual erawh kan thiam lo tual tual tih hriat tur awm zauh zauh hi a pawi. Mihring kan pung a, pawl pawh a pung ve zel bawk. Khawtlang tana thawk vek kan nih lai hian, thawk bik leh thu bik riau nia ingngaih mai te hi mihring nihphung a ni, chutih rualin thiltha erawh a ni hauh lo. Chuvangin, engpawh tiin, kan thawhna pawl a dang a nih pawn, khawtlang tana thahnemngai takin I thawk dial dal ang u. Intihrang tham kan awm lo, Kan tlem em hi.

He khawpui nuam taka I cham chhung hian, hnamdang nundan tha ila. zirin, a tha lo erawh hnualsuat thung ila. Mizo thalaite hi puitling takin awm ang u, Zoram nghahfak kan ni e.

BangaloreBangalore-a cheng Hmarchhak mite tan North East Union of Karnataka din a ni
Nimin tahrikni 25, august 2012, inrin ni chawhnu dar 2.30 khan hmarchhak state hrang hrang aiawh te chuan, kan minister zahawm tak takte ngenna angin Mizoram House, Koramangala-ah, a vawikhat Koramangalana atana inhmukhawmin; lungrual leh inpumkhat zawka hma lak dan tur leh thil tul hrang hrang sawiin hun an hmang. Hmarchhak mite tana thawhhona tha zawk leh chak zawka hmalak zel tha an tlang a. Hmalakna tur atan pawl din ngei tha an tih avangin hmarchhak state hrang hrangte tan pawl an din a. He pawl thar hi North East Union of Karnataka tih a ni. North East Union of Karnataka dinna ah hian hmarchhak state aiawh hrang hrang an kal tha hle a. Tripura leh Meghalaya state aiawhte erawh mimal tulna avanga an zinbo lai tak a nih avangin an tel thei lova; he pawl din a nih tur thu erawh hrilh hriat an ni a. Inhmuhkhawm neih leh huna tel ve ngei an tum thu dawn a ni bawk. North East Union of Karnataka atan hian state tin aiawh atan mi pali zel ruat an ni ang a, heng mi palite hi Executive Committe member an ni nghal ang. Executive Committee te hian tahrikni 1, September 2012 hian Hruaitu thlanna hun an nei ang. Karnataka North East Union of Karnataka hmalak zelna tura an mamawh phuhruk nan leh a tul apianga hman turin Arunachal MP, Pu Takam 40000/Sonjoy chuan Rs 40000/- a pe a ni. He pawl dinna tura thahnemngai taka sulsutu BMA hruaitute an fakawmin, kan theih ang tawka tawiawm vek kan tum dawn nia.

Vol. XVIII Issue No. 22 Bangalore Mizo Association Pathianni Nitin Chhuak Chanchinbu Date: 26th Aug., 2012 Phek Thumna

MIZO KHAWTLANG NUN

CHHIATNICHHIATNI-THATNI
(Thulakna: C.Y.M.A website)
Kan lehkhazir avang emaw hnathawh avang ten, Bangalore Mizo thalaite leh nu leh pa thenkhat zingah pawh, Mizorama awm tam lem lo kan awm nual awm e. Mizo khawtlangin, chhiatni-thatni kan inrelbawl dan pawh, kan khawsakzia ang zelin a danglam ve hret hret a. A bik takin thalaite chuan, Mizo kan nih anga hriattur leh kan tihtur te kan hriat nawn fo a pawimawh hle a ni. A chipchiarin ziaklang thei lo mah ila, kan hriat atan tangkai tur awm deuh te tarlang ila. tlaivarpui/Mitthi Lumen: 1. Ruang tlaivarpui/Mitthi Lumen: (a) Ruang tlaivarpui hi thalaite mawhphurhna a ni a, hetiang huna lan loh hi thil zahthlak tak a ni. (b) Ruang tlaivarpuinaa inchhunga thutna a awl reng laia pawna awm hi a mawi lova, nula tan phei chuan a mawi lo lehzual. (c) Khawvar veleh haw mai tur a ni lova. Nu leh pa hmel a lan tam hma chuan haw loh a tha ber a, tlaivar thlaktu nu leh pa pawhin tlaivarte hmakhawngai taka kal hma pawh a tha khawp mai. Nu leh pa hian nula leh tlangval tlaivar thlak hi kan mawhphurhna a ni a, nu leh pa thenkhat an taima tawk lo hle, tan lak a tul. thil 2. Lusun chhungte tan thil khawn: Mitthi an awma thingfak hnih leh buhfai dut no khat (thing tuah lote chu thingfak aiah Rs 2/-) khawn thin a ni a. Ram lo thang zelah remchan lohnate awm thei. Chuvangin Branch tinin mahni veng mil ang zelin mahni veng chhungah mitthi chhungte tanpuina an rel mai thin. Thlanlaih: 3. Thlanlaih: (a) Thlanlaih laia kan inchhawk rang lutuk thin hi tlawmngaihna thil mah nise, hna a tisawt lo thin a; chuvangin val upaten hna sawt dan tur ngaihtuaha remruat thin a tha hle. (b) Thlanlaihnaa kal si, vawikhat mah lut lova a bul

Enge an sawi?
Bangalore-ah hi chuan vai inhnuai luah
mentality hi nei ila a tha mai, hehe. Kan dinhmun diktak pawh a ni tlat. Tv. Makima Chawngthu

Engtik lai pawha fimkhur hi kan tih tur a ni.

Mikhual kan ni miau a, kan rama mikhual te pawh kan enchik fo ve tho hi. Mikhual chu a khaw mi te

induhdanin kan in-adjust zawk tur a ni

Nl. C. Mawipuii

Mizo thalai tam zawk chu, phaiah nu leh pate

chawmhlawmin lehkha an han zir dek dek a, London leh ram changkang zawka milarte (celebrities) incheiin an han inchei nghal ngawt a. Kan bula cheng vaiho lahin Tribal kan nih leh

central sawrkar chawmhlawm kan nih hi an hre ve bawk si a. Tuna harsatna kan tawh chhan ber hi ni lo mah se, Mizo thalai tam takte inchei duh dan leh khawsak phung hi chu an fimkhur a ngai ka tiin, ka
vei khawp mai. Pu Lalrinliana Sailo, Minister of H & FW, GoM

Dawn tisei
Eng eng emaw sawi hova tlangval hawklak rual khat lo thu bial laih chu ka va zawm ve a. Bangalore khawpui a nawm thin nen, tuna kan dinhmun tawn mek chu, a zia lo ngei mai, tiin an zinga puitlin hmel deuh chuan hmai uang lo zet hian a lo sawi sap sap a. a thiante chuan a thusawi pawmpui takin sawi belh pawh tum tawh lem lovin an ngawi thap a. An zinga tlangval pakhat, chuan ti hian a ti ta roh a. Mizote hi, hnam huaisen kan ni, mi lu la hnam kan ni tiin kan pi leh pute atanga huaisen kan ni kan ti fova. Mahse, tun tum kan boruak tawn hian min barakhaih riau asin! Mizoramah Silchar vai chhe ve tak tak ten chhangthawp zuar emaw, thirchhia zawngin an vak reng a. Zuirui leh tlangval sual deuh phei chuan chhaih paratin kut lo thlak tawk te an awm thin. Mahse, sawi leh sel nei lovin taima takin an thawk mai a. Keini, vai 2/3 hmaa zam lo val inti tam zawk erawh, vai hlauvin an tlanchhe hawlawi si! Mizo tam zawk hi chu an lo huaisen miah lo niin ka hria a ti a. A fiamthu thawh ber kher chu, tun an pawmpui lo nge ni, nuihpui an awm lem lo nangin; dawn erawh a tisei ang reng

vela lo mutte leh bial hran lo siamte hi chin loh tawp tur a ni.
(c) Tleirawl zakzum zawk lut mai ngam si lote tih tlangnel dan hi rual u zawkten thiam ti fo se a tha. (d) Thlanlaihnaah phawk chhuaha intihberh vak hi chin loh nise.

YMA chu tanpui ngaite tanpuitu a ni

Vol. XVIII Issue No.22 Bangalore Mizo Association Pathianni Tin Chhuak Chanchinbu Date: 26th August, 2012 Phek Lina

HVLT MAWIA MEMORIAL TROPHY BMA ANNUAL FOOTBALL TOURNAMENT LEAGUE TABLE
Kum tina Bangalore Mizo te tana BMA-in programme a huaihawt thin zinga thalaite hlut ber HVLT Mawia Trophy, Memorial Trophy, BMA Annual Football Tournament thawhkhatna chu hlawhtling taka khelh a ni tawh a. Member ten kan hlutin chhimtu pawh kan thahnem hle a. A lawmawm hle. Team tinte dinhmun chu a hnuaia tarlan ang hi a ni e. Group A Team Diakonos FC Bangalore Seniors FC AIT FC Mandya FC Group B Team KLE FC Chingsui FC Grace Home FC The Krups Group C Team BZ Memorial FC FC Josephites St. Anthonians RAD P 2 1 1 2 W 1 1 0 1 L 1 0 1 1 D 0 0 0 0 Pts 3 3 0 3 GD -1 3 -1 -1 P 2 1 1 2 W 1 0 0 0 L 0 1 0 0 D 1 0 1 2 Pts 4 0 1 2 GD 2 -2 0 0 P 1 2 2 1 W 1 0 1 1 L 0 2 1 0 D 0 0 0 0 Pts 3 0 3 3 GD 2 -5 2 1

BMA Football Tournament Ni Khatna

Bangalore Mizo ten kan ngaihhlut leh nuam kan tih em em BMA Football Tournament chuan ngaihhlut a hlawhin, team chhuak te pawn tan an la nasa hle a. Hetih mek lai hian, BMA Football Tournament hi FootballFootball-a inelna ngawr ngawr siam tuma buatsaih a ni lo tih hre nawn ila. He infiamna mawi tak kan khelh hi, member tinte inhriattawnna leh inunautawnna tura buatsaih a ni tih hria ila. Team hnehna changte pawn chak dan thiamin, tlawm zawka tang te pawn tan ulh lutuk emaw tum lovin, hlim tak leh hlawh takin he hunpui hi hman theuh I tum ang u. Tin, team tin ten duhthawh luat avanga thil fello leh phalloh tihluih loh hram tum ila. Kan thattlanna

sub-cmommitteetur leh a dik zawk a nih phawt chuan, BMA Football Tournament sub-cmommittee-te hian, thutawp an siam thei a ni tih hre nawn bawk ang u.
Goal thun hmasa ber Yellow card hmu hmasa ber Goal thun hnem ber (mimal) Goal thun hnem ber (team) Goal thun tlem ber (team) : : : : : Jevis (RAD) Marcos Lalhruaitluanga (The Krups) Manga (KLE), Michael (FC Josephites), Lalrinawma (AIT) Goal 2 theuh AIT, KLE, BZ Memorial, Josephites Goal 3 theuh Bangalore Seniors, Grace Home, The Krups, St. Anthonians Goal an la thun lo vek. 18 11 The Krups (card 4)

Goal lut tawh zawng zawng zat : Yellow card hmu tawh zawng zawng zat : Yellow card hmu hnem ber team :