Anda di halaman 1dari 12

Estd.

ROHLU 2007

ROHLU
AUGUST 2011

THE WESLEYAN METHODIST CHURCH OF EAST INDIA: MIZORAM.

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial


2011

ROHLU

Kum 5-na

August

Editorial Board Editor Joint Editor News Editor Cir. Manager Members : Rev. Dr. Chalhnuna. : Lalringliana. : Lalthangzauva. Rev. E. Lalzarlawma : Lalromawia. : Rev. Lallawmthanga Rev. C. Zalianthanga Rochharliana.

1. Dan leh rinna - Pu V.Chhingkhuma 2. Dist.Half yearly A/C report 3. Upa ti ti - 2LT 4. Kum 50 a ni ta (2) - Rev. Dr. Chalhnuna 5. Harsatnain Pathian min hnaihtir - Upa Lalnunmawia 6. Thi tin thla leh thlaraute kal kawng - Rev. Dr. Chalhnuna 7. Kohhran Rawngbawlna Report

HRINGNUN THLIRNA
MAHNI...

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

** Mahni insiam\hat hi kohhran leh khawtlang siam\hatna bul a ni. ** Mahni inhmuh san luat leh hniam luat loh hi a tawk chiah a ni. ** Mahni tih tur hriat hi mifing leh mi ropuite hlawhtlinna a ni fo. ** Mahni pawimawh chin hriat hi mi pawimawh nihna a ni. ** Mahni thawhrim rah seng hi lawmman dik tak a ni. ** Mahni \hatna hre lotu chu mitdel ang a ni a, mahni \hatna chauh hretu pawh mit \ha lo ang a ni. ** Mahni hmasialtu chu sual thiltihtheihna neitu a ni.
3

ROHLU

EDITORIAL Tun thla chu Editorial Thupuiah PATHIAN KO


HHRAN thu i hmang teh ang. A hmasa berin Isua \awngkam hmang ila. Thuthlung Thar kohhran chu Ka kohhranho a ti a (Mat.16:18). Ama nunna thisen ngeiin a din a. A humhalh em em bawk a. Paula kohhranho a tihduhdah lai pawh khan Engah nge mi tihduhdah Isuan a tih khan Paulan a zawt let leh a, Isuan a chhang leh a, I tihduhdah Isua ka ni a ti leh a nih kha (Tirh.9:4,5). Zawhna siam ve ta ila: Engati nge Kohhranhoah buaina neuh neuh a awm \hin? tiin. A chhanna tawi thei ber pakhat chu -Kohhran awmzia leh a nihna tak kan hriat tawk loh vang a ni. Krista kohhran member rinawm ni tur chuan Krista kan hmangaih angin a kohhran pawh kan hmangaih bawk tur a ni. Krista hmu fiahtu chuan Krista chu a zah ngei ngei a. A thisen meuhva a din leh a lei Pathian kohhran pawh a zahin a ngaisang lo thei lo. Tirhkoh Paula chuan Ephesi kohhran hotute a fuihnaah Pathian kohhranho, ama thisena a leite chu chawm turin... fimkhur rawh u a ti a (Tirh. 20:28). A sawi zelnaah phei chuan Ka kal hnuin chinghne kawlhte in zingah an lo lut ang a, pawlho chu an zuah lo vang tih ka hria e. In zinga mi ngei pawh hi, zirtirhote in hnena pakaitir turin thu hran sawi in la awm ang a ti zel a (Ch. 30). Tunlai hian kan kohhran local hrang hrangah beihna kan tawk a. Chu chu ringtu kohhranhote tawh tur reng a ni. Eng ang thlemna pawh lo tawk ila Krista taksa a kohhran tichhe zawng leh timualpho thei zawng a nih chuan i kal thui lo ang u. Krista leh a kohhran huang bakah lawmna leh hlimna a awm tak tak thei lo. Kohhran hian chak lohna a nei thei a, mahse, a chak lohna tichak tura puitu ni lo va, sawichhetu leh kalsantu ka nih chuan mi chaklo lehzual ka ni ang. Chuvangin, mahni
4

ROHLU Beihrual Thla kan thleng leh dawn ta. Hlawhtling taka bei turin inpuahchah ila. Pathian leh a ram tan beia thawk turin i inpe ang u. Fakna Hla sa ila, Chanchin Tha puang ila, thlarauvin i \awng\ai \heuh ang u. Lalpan min hruai zel si a.

PATHIAN MITE KAMCHHUAK ** Mi \henkhatin dik lo takin, mihring hian thil \ha ti tur te, Pathian hmangaih tur te, mahni duh hun hunah inlamleta sim mai turin duhthlanna a nei tiin min hrilh \hin.Amaherawhchu, tuman duhthlanna in nei lo, sual tih duhna chauh lo chu. I duhthlanna chuan theih ni se Pathian pawh a lalthutthleng a\ anga hnuhthlak a duh ngei ang.! - Goerge Whitefield ** Darkar rapthlak ber tura ka lo suangtuah \hin chu, naupang ka nih lai a\anga ka thuruk zawng zawng leh ka thil sual tih zawng zawng te, >ngah tih lan a nih a, mi zawng zawng inkhawmpui hmaah puandarh veka a awm hun tur chu a ni. Heng thil ngaihtuah hahna zawng zawngte hian min kalsan tak avangin Pathian hnenah lawmthu awm rawh se. Chanchin Tha chuan ka sualna zawng zawng Kristaah lak bo a nih tak thu min hrilh a.Pathian hmangaihna chuan ka sual zawng zawng min lak bo sak a, a hnungah a dah ta a. Hnuchhawn ram chu misualte tan hmun him awm chhun a ni. Pathian chu a hawi kir leh tawh lo vang, hmalam panin a kal zel dawn. ** Chhiahkhawntu \awngtaina kha hre reng rawh.A \awng\aina chu Pathianin a chhang a.Pharisai chapo tak erawh kha chuan a \hatna kha a chhuang a, Pathianin a hnawl a, chhiahkhawntu \awng\aina anga mahni tlin lohna hriaa Pathian i pan chuan he chhiahkhawntu ang hian i hlawhtling ang. Isua Krista thisenah chuan misual ber tan pawh ngaihdamna a awm a ni. - George whitefield
5

ROHLU DAN LEH RINNA V. Chhingkhuma. Lev.18:1-5; Galatia 3:2

alpa Pathian chuan a mite a hruai chhuahna Aigupta mite tih dan anga dan tihdik tuma \an la turin min zirtir lova. Min hruai luhna tur Kanaan mite tih dan anga tih ve pawh a phal lo a ni. Aigupta milem biate tih anga biakna chu Kross-ah hnawl a ni tawh tih min hrilh ta a nih hi! Lalpan a mite a hruailuhna tur Kanaan mite pawh Baal pathian betu an nih avangin milem pathian chu kan biak atan min thlansak lo a ni. Dan chu kan tlin lohzia min hailan saktu a ni a, mifel leh tling, \ha famkim Krista hnen lama min hruaitu a ni. Dan awm hmain khawvelah sual a awm tawh. Sual chu sual a ni tih min tarlan saktu chu dan a ni. Dan chu Krista mizia a ni a, kan fel lohna min hmuh tirtu darthlalang a ni. Chutichuan, kan bawlhhlawh zia kan in hmuh veleh mahni intenna neiin mahni felna leh \hatnate ring tawh lovin Krista rinnaah min hruai lut ta a ni. Kan sualzia kan in hmuh tam deuh deuhna leh keimahnia sual mizia hriatna a pun nasat poh leh khawngaihna hlutzia hriatna a pung \hin. Dan lo awm chhan chu bawhchhiatna chu sual a nihzia lantir turin a ni. Dan chuan bawhchhiatna sual lakah min chhandam thei lova, chhandamtu hnena min hruaitu a ni zawk e. Mahnia sual mizia hmelhriat lote chuan Krista mizia leh a famkimna an hmu ve phak ngai lo. Dan chu bawhchhiatna chhiatzia tilang fiah tura thutiam belhchhahna a ni. Isua Krista rin hi thutiam channa a ni. Pathian thiltiam chu a ringtute pek a nih theih nan dan zawmkim tuma \anlakna zawng zawng laka min chawlhtirtu chu rinna hi a ni. Chutichuan Pathian lawm zawng mi nih theihna chu rinna chauh hi a ni a. Kan tih avanga neih theih a ni lo. Dan thiltih avangin thiamchanna a awm lova, rinna avang zawkin thiam channa a lo awm a ni. A nih leh dan chu engmah
6

ROHLU Hnai love, dan avanga thiamchhanna a awm si chuan Krista chu a thlawnin a thi a ni ang. Chutichuan dan chu kan sawh nghet zawk a lo ni e. Kan \anlakna leh thiltih avangin mi tumahin malsawmna an hmu lo vang. Kan tih avanga malsawm dawn tumna hi rinna a ni lo va dan zawm tumna mai a ni. Dan thiltihna hnuia awmte chuan thuthlung thar an la thleng ve lo mai a ni e. Rinnaa ke penna chu Pathian thunung hriat fiahna neih hi a ni. Lalpa tihlawm tuma \anlakna hi rinna a ni lova, sakhaw kawng leh tisa thiltih a ni. Lalpa chuan a thu hriatfiahna zelah chawlhna min pe \hin. Kan tihve chiam avanga lungawina awm tura ngaihnate hi dalna lungpui Krista chuan a hnawl a ni zawk. Rinna tel lova kan tihve lam tundin tumna hi tlukna a ni. Isua Krista tello va mihring theihna avanga ke penna hi tisa a ni a, thinlung ram vakvel leh sakhaw kawng mai a ni. Dan chuan min chhui mualphova Krista chauh ring thei turin min hruai lut \hin. Dan chu Pathian thianghlimna lantirtu a ni a, chu thianghlimna chuan min han ep a; a hmaah chuan tih mualphovin kan awm a rinna dik tak chuan min nei thei ve ta a ni. Chutichuan Krista misualte tana thiamchanna chu kan ring ve ta a lo ni e. Harsatna leh manganna a lo thlena, chu harsatna chu la kiang tura nasa taka \awng\ai hi thlarauva \awng\aina a ni lova mangang \awng\aina mai a ni. Ringtute chunga harsatna leh manganna a lo thlen changte hian a pumpelh emaw a hel zawng ke penna a awm ve lo. Harsatna leh manganna a lo thlena a pumpelhna emaw a hel zawnga ke penna hi ringtute ke penna ni lovin Levia chi puithiam ke penna a ni. Hnehtu Isua rinnaa paltlang theihna a lo awm \hin. Tawrhna tello, ringtu intite nunah rah \ha a chhuak ve ngai lo. Lalpa hmaa 7 ding \hinte chuan an nun an kalsan \hin. Mahni nun chan lo rawngbawlna chu a thi \hin.

ROHLU Thlarau chu engtin nge kan dawn ang? Thiltih vangin em ni? A ni lo, rinna zawka dawn a ni. Kan dil vak lam pawh a ni lo.Thutak zawng zawnga min hruailuttu chu thlarau thianghlim chu a ni. Min hruailuhna pawh chu Kross hi a ni. Bible hian Kross a tinzawn tlat a ni tih hriatnaa chawlte hi ringtute kan ni. Kan mizia khenbehna zelah minung Krista a lo parchhuak \hin. Lalpa fakin awm rawh se. Kan felna Krista hmaah engmah ti thei lo, ching kan ni tih hriatna nungin min kaltlang veleh khawharnu dinhmunah kan ding \hin. Fa neih tuma \an lakna a bova, rah chhuah \hulh chuang lo Krista chuan amah ringtuteah rah a chhuah mai \hin. Krista chu a ring apiangte tan dan tibangtu a ni (Rom 10:4). Kristan dan a tihfamkim veleh keini hi kan mualphova amah ringlo thei lovah min siam ve ta a lo ni e. Lalpan chhiartu zawng zawngte

Wesleyan Methodist Church of East India Mizoram District HALF YEARLY A/C REPORT. (January-July) 2011 LOCAL YEAR Chanmari Edenthar Falkawn Champhai Zk.thar Sazep Ngur 340 472665 331350 18000 52910 6000 3850 39210 4000 3530 2250 360 600 821 Nil 3600 24000 1600 1000 260 1131 3000 PTR 50% 2010 2011 1/2 491586 377770 33950 RAMTHAR 2010 30000 28000

ROHLU

FAITHAM 41190 22230 2857

2011 1/2 2010 2011 1/2

23330 14795 4225 300 Nil 1190 6000 2160 350 310 509 3910

Dungtlang 1936 Kolasib

58813 89903

WMC NEWS
Kohhran chhunga chhiat ni that ni, rawngbawlna leh hriattur pawimawh in hriattirna buatsaih a ni a, Mobile Phone-a SMS hmanga inhriattirna a ni. A zawm dan : SMS - in Thawnna : JOIN WMCNEWS (Hawrawppuiin) : 09223492234.
8

Gosen Bawktlang Lawngtlai Lunglei DWMWA


Total

33331 29950 4591 5230

2400 600

2400 300 Nil 900

9450 1062 300

6300 415 Nil 585

21490 10000 1500 6100

36000 28000
97121 90591 87047
9

1147872 931243

ROHLU UPA TI TI Record-tu 2LT Lala pu - E! pu Van, lo leng teh u, tunlai chu Upa hote leh hruaitute nen hanin kawma titi ho ka chak riauva, in lo leng chu ka va lawm ve. Pu Vana - Aw! a ni tak maw, i han tih takah chuan inkawm hova titi ho ka chak ve viau a sin, englam hawi nge maw i rilrua lo khat liam chu ni, a \ha khawp ang chu, hei pu Rova te, Pu Zova te an awm bawk a, eng ber nge kan sawi ang, nangmah ngeiin i vei zawngte chu rawn \heh phawt la thildang mahni vei zawng zawngte kan chhunzawm ang chu. Lala pu - Ni e, vei zawng leh rilrua titi ho atan rilrua awm a tam a, kan sawi zel turah ngai ila. Ahmasain, hman niah kan District Auditorten sum an audita, kum chanve chhunga kan balance neih hi kum danga kumpui lingleta kan balance aiin tam zawk angin an sawia hei hian kohhranin hma kan sawn a ni tih tilangtu niin ka hria. Ka lawm rilru hle a, chu chu kan sawi hmasa duh a nia. Pu Zova - E, i han sawi takah chuan keipawh ka rilruin ngaihtuah chhuah a nei nghal mai a ni. Tunhma chuan kan Dist. inenkawlna atan sumphut (Budget) kan siam \hin kha a ni a. Rorel a hrehawm thei hlein ka hria. Local tinte chanpual tur sumphut kan han siam den den a, Local \henkhat an tlawmngaih em em leh \hahnem an ngaih em em laiin, Local \henkhat ten theih tawp chhuahin kan \anga, kan target sum titlem zawngin \an kan la nasa \hin a. Pu Rova - E keipawh in han sawi takah chuan hriatchhuah ka nei. Kan target sum bakah Local \henkhat Biak In sakna leh thil dang eng eng emaw \anpui ngai an lo awm a, chung \anpuina atan chuan Special Budget-te kan ti a, kan siam thluah a, pek tur list -te kan nei a Conference minute-ah meuh a chuanga,
10

ROHLU Pu Vana - A nia lawm, hei kan Dist hian Local tin a\anga 50% kan chhun chinah chuan Pathian malsawmna kan dawng a, kan intodelh thei a, kan buai lova a lawmawm hle mai. Pu Rova- Mipui an thuhmun fo thei lo tih a nia, \ha hlea a lan laiin Local \henkhat chuan kan chhung tam lutukte an ti a, an phun nawi deuhte ni awm a sin. Local Board-ah pawh ngaihdan inang lova han buai lek lek te pawh an nei hial awm a sin. Lala Pu - A! hei hi chu an ngaihtuah chian loh vang mai mai a ni. Kan pi leh pute, nu leh paten tunhmaa hlo thlo \hin an nih angin, \hian rualte a huhovin an inlawma, michak ten nunau leh chak lo deuh te an kaihkep \hin angin, Local chakten a chak lote kan kaihkepna a ni a, a chak lo tan a chak deuh te kan lawmna kan va zenna a ni a, hei hi hre thiam se tu tan mah tha natna tur a awm lo. Pu Vana - Dist. tana 50% kan chhun hi \ha ka ti hle a, ka duh dan tak chuan kohhran dang zawng zawngin an tihdan angin, 100% (avaiin) chhung thei ila \ha ka ti a. Tichuan Biak In sak \ul leh thildang rawngbawlnaah leh Literature lamah hma kan sawn deuh zawkin ka ring a, mite tihdan pawh a ni a, mamawh neite leh Biak In sa tur ten Dist.-ah bawk kan thlen \hin a ni a, Dist hian van a\angin an dawng bik si lo, an lu a hai ve em em \hin a ni. Pu Zova - Keipawh tunhma thil ngaihtuah chhuah ka nei a. Budget Estimate kan siam a, namen lova kan ngaihtuah \hin lai khan kan rawngbawltu pakhat chuan- kan lawmman tur ngaihtuaha, mite (Upate) nasa taka an \ang ka hmuh hian rawngbawltu nih hrehawm ka ti a, kawng danga eizawn mai hi a \ha zawk lawm ni aw ka ti a ni, a ti a. A ni taka, chu tiza11

ROHLU Lala pu - Kohhranin hmasawnna rahbi thar kan rap zela, vawi leh khatah 100% chu pe lo mah ila, zawiin hma kan sawn chho zel ang chu Local tharte Lalpan min pe anih loh chuan thingtlang khawte lamah Biak In kan sa zo khata, khawpui chhung kan bitum tawh dawna, \awng\aina nen kan bei anga, Lalpan khawpuiah pawh hian Biak in min la pe ngei ang. Pu Vana - Hei, tunah hian Dist. tih changtlun hi a pawimawh em em mai a. Hman ni khan Upa \henkhatte ti ti chuan tunlai Xerox chang kang, manto lutuk si lo, neihte a rawt a, an tuitlang hle a, chu chu nei ta ila, mi dawrah lehkha chhuttir ngai lovin kan zirlaibu zawng zawng awlsam takin kan chhu thei dawn a lo ni reng a. Chutiang zelin kan pawimawhte a tahtawlin kan ngaihtuah anga, hun rei lote-ah kan changtlung ve mai ang. Pu Zova - E! hetiang kan sawina karah hian tunlai ka rilrua awm reng \hin kan sawi ve mai mai teh ang. Kohhran hmasawn tur hian Missionary rawngbawlna-ah a kal chak a ngai a. Tuna kan kal mek danah hi chuan, a field chung changah leh a miah duhanga kan la tih theih loh vangte pawh a ni thei anga, kan kal dan hi duhthu a sam lo deuh a ni. Rawngbawlna hi kal chakin, a field chiang se, report-na a \hat chuan kan mipui lam hi chuan Missionary tirh nan sum an ui lo tlangpuiin ka hria. Hei hi chak zawkin engtin nge hma kan lak ang tih hi kan ngaihtuah \hain ka hria. Pu Rova - A ni khawp mai. Lal Isuan a zirtirte a thuchahah pawh khawvel zawng zawnga kala chanchin \ha hril (Mission) a ni. Kohhran hmeichhiate hetiang lamah an rilru a kalna a, a lawmawm a. Chumi rualin, kan Dist. hian a field chung changahte, a miah te leh a hmun ena finfiahna lamah duhthu samin hma kan la la thei lo hian min ti\huanawpa, hei hi chu
12

ROHLU Tun aia chak zawkin hma kan la la turah i ngai ang. Pu Chala - E khai, Upate u, a bul a\angin in zingah ka tel ve lo na a, in thusawiin ka rilru a khawih riauva, kan rawnin rawlh ve teh ang a (Upaho-e, in thlahrun tur a awm lo, thil \ha tur sawiho hi kan tum ber a nia lawm). Nia, engdang tehchiam chu ni lovin, kohhrana sawma pakhat pek leh kohhran hmasawna hi inthlun zawm tlat a ni a. Tun aia kohhran leh Pathian ram a lo zau zel theih nan sawma pakhat leh thilpek chungchang hi infuih deuh \hain ka hre ve a nia. Kum tinin kan Pathian ram leh thilpek dang dangah hma kan sawn zel tho na a, kan kohhran chhungah hian sawma pakhat la pe lo an ui vang pawh ni lo, a ngaihna a hriat loh vanga pe lo an ni hlawma, heng mite hi zirtir vek thei ila, an tan a \ha ang a, kohhran tan a \ha bawk anga, Lalpa ram a lo zauzel nan a pawimawh hlein ka hria. Lala pu - Vawiina kan inkawmna a hlimawm hle a, hengho pawh hi Bible Society chungchangte, kohhran inzawm khawmna chungchangte, mite nena rawngbawlho thiam dante zir a pawimawh hle a, hun kan la nei zel anga, kan la inkawmho leh ang chu. Vawiin a tan chuan duh tawk dawn ta ila, kohhran hian a theology leh chhandamna lam chu thuhranah dah ila, kan evangelist-te leh kan Pastorte bi tum turah ngai ila. Kohhran mipui zawng zawngin rawng kan bawl ho theihna ber chu thilpek a ni a. Sawma pakhat leh thilpek chungchang na deuhvin infuih ta ila, a pek dan dik leh Dist. rorelna zah thiama, chhun turte fel taka tihte, ramthar rawngbawlna, kan mipuite vei ber mai, chak zawka kal dante leh zauzawka mite nen rawngbawlho dante, midang Para Church ang chite nen pawh pen rual dan zawna hlawk zawka rawngbawl dante kan la ti ti ho leh turah i ngai ang. Hotunu- in leng mi\ha kan neih hi thingpuite rawn lum leh rih la maw le, Mizote chuan
13

ROHLU lutuka amah emaw ka nihte a lo ti vel nia... ) Mang\ha phawt mai ule.

KUM 50 A NI TA (2)
Rev. Dr. Chalhnuna

July thlaa chhuak KUM 50 A NI TA tih kha Pi Lalramlianin a chhiar a, Khati ang kha ziak leh rawh a ti a. Adama ang deuhvin hmeichhe thu awihin ka han ziak leh ta e. 1. Circuit Bial fan dan : Dannaranin Nilai niah bial fangin ka chhuak ber \hin a. Thian pakhat ka hruai zel a, zan mut puan tlem kan keng a, ni khatah Rs. 2.50 lawmman kan pe \hin a. Upa ka hruai tam ber a, Pathian thu leh kohhran chungchanga tawnhriat nei tam te hi kan tlawh kohhrante pawhin an hlimpui \hin avangin. Tin, ke hlira bial fan a ni a, khawhar kawng fahranah titipui atan Upa rintlak ka hruai \hin a ni. Khaw khatah zan khat chauh kan riak \hin a, Nilai a\angin kaw li te kan fanga Pathianni kan hmanpui \hin a 2. Ei leh in : Rihkhawdar leh a bul khaw 5 bak chu Buh hawpkhawp thar lo an ni deuh vek a. Hriattir lawkna awm hauh lova tlai lama khua kan luh chuan zanriah chaw atan Buh ni lo, mai te, bal te, vaimin te, buhtun te kan ei chang a awm a. Tuk\huan-ah erawh chuan Buhrum kan ei \hin. Khaw harsa deuh takah pawh Dam loh nikhua leh mikhual neih nikhua atan Buhfai hi eng emaw zat chu an vawng \heuh niin ka hria. Chawhmeh lam chu sawi tam ngai lovin Thingtlang a ni a, sawi tam a ngai lo ve. Vawikhat chu zanriah kan eia kan Antui hawp chu Alu pum chhumna tui a ni a. A hang tehchiam lo. Min mikhualtuten duhsak taka min buatsaihsak a nih avangin
14

ROHLU an mi duhsakna a ropui khawp mai. Vawikhat chu Chawnghoih khuaah kan riak a. Pu Zachhawna inah kan thleng a. Zanriah ei kham chuan pa pakhat hian Ar hi a rawn khai lut a. Engtizia nge? tia kan zawh chuan Kan lalten han pe rawh u min ti a, Ar khai a nih kha a ti ta a. Sawrkar milian bial fangte hi khawtlang lal leh upaten Ar an pe \hin a. In tin hi an inchhawktir a ni awm e, Hei hi ka thil tawn mak tak leh ka lawm em emna pakhat a ni. Sawrkar mi kan ni lo va, mi ropui pawh kan ni lo va, mahse, Chawnghoih lal leh upaten mi pawimawh pakhata pastor bial fang min ngai a, Ar khai min dawntir hi thil ropui takah ka ngai a ni. Tuna ka ngaihtuah let hian Pi Sapi pateho an nih ka ring ta. Kum 1960-1963 chhung kha a ni. 2. Mizo In : Vawikhat chu Fur chhiat lai tak hian bial kan fang leh a. Kan thlenna In chu Mizo In dik tak kha a la ni a. A liang a hniam hle a, Ft. 6 vel chauh a ni a. Chhuat chungah =hehlan an siam a, vaimin hi a khatin an zar a, chhuata kal chuan kun zel a ngai \hin. Chhuat erawh chu Thingphel hlai pui pui hi phah vek a ni a, a \ha khawp mai. Chhuatah hlir kan mu \hin. Puan-hlap kan phah a, mutna a d<p lo hle. Chung lai chuan choka hran nei hi an la awm lo va, In a te tlangpui a, tlangram khaw vawt ram a ni a, in a phui up hle zel a. Hei hian in a tilum a, a nuam a. Mahse. Choka nei ina lo riak \hang tan chuan mei khu rim hi a lo buaithlak khawp mai. Mut a tui thei hauh lo nia. Chutia In a hniam viau bakah, In hnuai chu Bawng emaw, Sial emaw riahna a ni leh a. Bawng leh Sial rim pawh thil buaithlak an tling.Mahse, chung hun lai chuan mi neinungte

15

ROHLU 3. Khawnvar neih loh vangin kan inkhawm thei lo : Vawikhat chu Nilaini bawkah Bial fang turin Rihkhawdar a\angin Upa Vaitlaia (L) hruaiin kan chhuak leh ta a. Kan thlennate chu lo-ah an feh a, tlai takah, thim dawnah an lo haw a. Zanriah kan ei kham hnu chuan, Kan inkhawm ang em? Nilai zan pawh a ni a kan han ti a. In neitu, an kohhran hruaitu ber ni bawk chuan, Kan Lal\in chimni a keh a, zanah kan inkhawm thei lo a ti ta a. Inkhawmna kan nei thei ta lo va. Thil ho tak angin a lang a, mahse, Hualnga tlang dung a\ang chuan Champhai lamah emaw, Falam lamah emaw lei tura kal a ngai a. Hna thawk mi vek an nih avangin zin chhuah pawh a awl bawk lo. Chuvangin he kohhran hi an demawm lo ve. 4. Pathian malsawmna : Tunah chuan Pathianin mal min sawm a, khaw tinin malsawmna kan dawng a. Khaw kilkhawr lutuk pawh an awm ta lo. Khaw tinah in \ha pui pui a awm tawh a. Dawrkai pawh an awm zel tawh a. Kohhran pawhin hma an sawn a, Lal\in chimni keh pawhin inkhawm a \hulhtir thei tawh hek lo. Heng zawng zawng min neihtirtu chu Pathian a ni. Tisa thila kannitin mamawh leh kan thlarau tana malsawmna

ROHLU HARSATNAIN PATHIAN MIN HNAIHTIR II Korinth 12:7-10 Upa Lalnunmawia

arsatna kan tawh \hinte hlawkpui tura Pathianin hmanruaa a hman dan tlem han sawi dawn ila. Mihringte nunah hian harsat lai leh nawmsak lai hi a awm a, harsat lai hun hi kan nunah a tam zawk a ni hial awm e. Mi awhawm awm taka lang, hlim awm taka langte pawh hi han bel chiang ila harsatna tam tak an nei fo \hin. Tin, mi hlawhtling tam takte pawh harsatna paltlang, harsatnain a tihchhelte an ni tlangpui awm e. Tirhkoh Paula pawhin, Hrehawmna /harsatnaah pawh lawmin i awm ang u, hrehawmna chuan chhelna a siam a, chhelna chuan hriatfiahna a siam a, hriatfiahna chuan beiseina a siam tih kan hre si a tih min hrih a ni (Rom.5:3-4). Tin, Lalpa zawlnei kal hmasate pawh khan harsatna an tawk nasa hle hlawm a, mite hmuhsit leh endawng, tihduhdah an tuara, khang an harsatna tawhte khan Pathian an ngaihna tizualin an chak phah \hin a nih kha. Tirhkoh Paula pawh hian harstna tam tak a tawk a, chung zingah chuan hnawksak a tih pakhat chu-Setana kut-thak hnawih nana a taksaa hling a pai kha a ni. Paula harsatna hi engber nge a nih chu kan hre lo naa, mahse hnawksak chu a ti hle. Pathian hnenah \um thum ngawt la kiang turin a dil a, mahse a chhanna chu Ka khawngaihna i tan a tawk e, ka thil tihtheihna hi chaklohnaah a sin tih famkimin a awm ni tih hi a chhanna chu a ni. A hrehawmna chuan Pathian a hnaihtir chauh pawh ni lovin, Pathian thiltihtheihna inpuanna a ni tih a hriatfiah phah tlat a ni. Keini pawhin harsatna hrang hrang kan nei ngei ang, heng kan nuna harsatna kan neihte hi Pathian ngai lo thei loa min siamtuah kan hman thiam a pawimawh. Chutianga harsatna a \angkai zawnga kan hman thiam chuan keinin vanduainaah kan ruat a hmangaihna
17

16

ROHLU Kan harsatna hrang hrangte hi chapo thei loa min siamtu, Pathian au lo thei lova min siamtu hmanhrua a ni tih pawm thiam a va \ul em. Ringtute chuan harsatna leh mangannate hi Pathiana lawmna leh hlimna tam tak min neihtirtu a nihzia kan hriatfiah a va pawimawh em. A tawp berah chuan hei hi hre reng ang u. Ringtute chuan harsatna kan tawhte hi Pathiana kan lawmna titamtu tur a ni tih hi. Keimahni maia kan tihtheih loh zia kan hriat tam pauh leh Pathian kan ngaih a zuala, kan chak lohna leh kan hrehawmnate hian Pathian chauh bel lo thei loin min siama, Pathian lo chu belh tur kan neih loh zia tichiangtu a lo ni reng a ni. Chu chu hrehawmnain Pathian min hnaihtir dan a lo ni tlat a ni. Lal Davida chuan, Tih hrehawma ka awm hma khan ka vak bo \hin a, tunah erawh chuan i thu ruatte ka zawm ta. I thu ruatte ka zir theih nana tih hrehawma ka awm kha ka tan a \ha a ni a lo ti reng a ni (Sam 119:67-71). Taksa leh Thlarau malsawmna kalkawng pawh hi hrehawmna tho a ni. Hrehawmna pumpelh zawnga eizawnna kawng dapte, a hahdam zawng chauh ngaihtuaha thlarau chhandamna buaipuite hi a hlawhtling tak tak thei lo. Hrehawm hmasak hi Pathianin rem min ruatsak dan a ni a, thawhrimna hmasak hi hlawhtlinna kawng a ni a, tuarna hmasak hi malsawmna hnar a ni. Chuvanga kan chunga harsatna lo thleng \ hin hi lawm takin i pawm ang u. Hrehawmna chuan chhelna kawngah min hruai a, chhelhna chuan hriat ngai loh min hriat-

ROHLU THI TIN THLA LEH THLARAUTE PIALRAL KAWNG by Rev. Dr. Chalhnuna

Tunlai hian Nitin Chanchin Bute chuan Thi =in Thla chungchang an ziak fo va. Thenkhatin August hi Thi =in thla niin an sawi a, \henkhatin September a ni e, an ti bawk a. Dikna chin pawh a nei ve ve bawk. Kawlriauva-pa nupui neih hmanhmawhin a nupui thi tawh chu August thlaah a =in ta a. Thlai ilo pawh an thar kim ve tawh bawk a. Mi tam ber erawh chuan an chaw lian ber pakhat vaimim an seng zawhah hahdam deuhvin an chhungte thi tawh thlarau chu September thlaah an =in \hin a. Thi =in awmzia tak chu mitthite thlarau nen inzawmna nei tawh lo tura in\henna a ni. Hnam mawl tak kan nih lai a\angin, kan pi leh pute hun a\angin Mizote hian thlarau kan neih hi an lo ring tlat a. An lo thih hian mitthi thlarau chu ni eng emaw chhung, thla eng emaw chhung chu mahni in velah la awmin an ring a (Judate pawhin hetiang hian an ring ve bawk). Chuvang chuan an ei leh in ve tur tlem t> hi an pe ve reng a, chu chu mitthi chhiah an ti a. An hmangaihte chu duat takin ei tur an pe zel \hin. Tin, nikhua a lo rei deuh hnu, thla thum te a lo ral hnu chuan mitthi thlarau chu a chenna hmun tur Pialral lam pan turin an thlah ta a. Chu tak chu THI =IN an tih chu a ni. Pialral chu khawvel leilung piah ram sawina a ni a, Pial tih chu lei tihna a ni. Chutia an chhungte berin Thi =in hun an hman takah chuan mitthi thlarau chuan a chatuan hmun tur kawng Rih lam chu khawhar takin a pan ta a. A chenna hmun tur tak a thlen hmain mitthi thlarau chuan thil pawimawh deuh deuh pali a tawng a. Chungte chu hengte hi an ni: 1. Hring lang tlang : Mitthi thlarau khawhar taka kal mek chuan a lunglen leh khawhar tizual turin Hringlang tlang
19

18

ROHLU dawn em! Kal zel lo thei lo a ni si a, in lam leh a chhungte ngaihtuah leh hnunglam hawi reng chunga a kal lai chuan hmun nuam tak pangpar hmun a thleng ta a. 2. Heng pangparte hi an mawi em em hlawm a. A bula kal apiangte chuan an thliak zel a. Chu pangpar chuan thiltihtheihna pawimawh deuh mai hi a nei a. Mitthite thlarauvin hnunglam a ngaihna zawng zawng a tihrehsak a, an hnunglam reng an hawi tawh ngai lo. Mahse, an rilruah khawvel leh an chhungte ngaihtuahna a la bo lo va, chu chuan a la delhzui zel rih angin an ngai \hin. Mahse, hmun pawimawh 3-na a thleng leh a, chu chu Lunglo Tui awmna hmun a ni. 3. Lunglo Tui : Mitthi thlarau khawhar leh lungleng em em chuan tui fim thianghlim tak tling chu a hmu a, a in ta a. He tui hian Hawilo par ai khan thil tihtheihna a nei tam zawk a, mitthiten an chhungte leh khawvel an ngaihna zawng zawng kha a tihrehsak vek a, khawvel ram reng an ngai tawh ngai lo. Tichuan, tunah chuan rilru hah leh lunglenna nei lovin an kal ta a, rei lo teah an chatuan hmun tur luhna kawngka Paula kawt chhuah an tih chu an thleng ta \hin a. 4. Paula kawt chhuah : Mitthi khua leh pialrala lut turin mitthite thlarau chuan pawla kawt chhuah an lo thleng ta a. Kawngkhar (Gate) vengtu chu pawla a ni a. Hetah hian awlsam taka lut nghal mai thei mi chi thum an awm a. Chungte chu Thangchhuah te, nula invawng thianghlimte leh nausen eng mah la ti thei lo te an ni a. Thenkhat erawh chu Pawlan sairukherhin a perh a, ( a sai a); a perhna chu artui tia tiain a ngawt an ti \hin. Pialral kaite chu an nihlawh hle a. Hna an thawh a ngai tawh lo va, faisa-in an chawm an ti \hin. Mi \henkhat erawh chu
20

ROHLU A chunga kan sawite khi kan pi leh pute rindan a ni a. Keini Krista kohhran miten thlarau thawhlehna kan rindan nen a inang lo em em a. Thlarau thawhlehna an ring te, an lawmpuiawm a, mahse an thlarau nun kawng rindan erawh chu a hahthlak hle mai. Keini Krista zara nun rak neitu apiangte chu kan dam lai leh kan thih hnuah pawh engmah lungkham nei lovin Pathian faahte siama kan awm hi a va ropui tehlul em! ChanchinThaa min zawng chhuaktu kan Pathian chu fakin awm rawh se! Amen. Mihring nihna dik tak Hringlang tlangah Thlarauvin min chuantir a, kan mizia kan hria a, khawvel hawisan theihna Hawi lo par Krista kan nei a, chu mai ni lovin Lunglo tui Krista thisen chu intir kan ni ta a. Chu mai ni lovin Mitthi khaw chabi neitu Krista ngei chuan Nangni thawkrim leh phurrit phur zawng zawngte u, ka hnenah lo kal rawh u, keiman ka

21

ROHLU

ROHLU

KOHHRAN RAWNGBAWLNA REPORT


Champhai Naupang Sande Sikul Dept. chuan Naupang sikul chawlh lai hun remchang zawngin Zirtirtuten July Ni 25 kar khan Lang Camp naupangte an neihpuia an hlim tlang hle niin thu kan dawng. Hetianga naupang ten sikul an chawlh lai hun awl \ha taka an hman theih nana Pathian thu lama inkaih hruina hun \ha tak an buatsaih hi an fakawm a,an zirtirtute inpekna a ropui hle a ni. Champhai Local WMY pawhin August ni 1-6 chhung khan Thalaite pualin Camping a buatsaih bawk a, member 23 vel Camping-ah hian lutin an hlawk tlang hle niin thu kan dawng bawk. Evan Matlana leh Evan. Sanglian\hianga te Speaker an ni. Champhai WMY hian August ni 15 leh 22 hian Group Nite hman an tum bawka hemi hunah hian an local chhunga group hnihte programme siam hmangin he group nite hi a hlawk thei ang bera hman an tum a ni.An rawngbawlna leh hmalak zelna turah Lalpan malsawm zel rawh se. Chanmari Local WMY huaihawtin August ni 8-15 chhung khan Crusade neih a ni a, Evan.Vanlalvena (Ventea) Speaker a ni. Crusade bul lam zan hnih thum chhung chu boruakin a bumro deuhva, mahse Pathianin boruak \hatak pe chhovin crusade hlimawm tak leh hlawk thlak tak an hmang a ni. Crusade an neih chhung hian zaithiam Nl. Lal\hakimin zaia Pathian faka rawngbawlna a nei ziah \hin a, boruak a tinuam hle. He Crusade hi Pathianin mal a sawma \halaite an rawngbawlnaah hmasawnna rahbi thar an rah zel theih nana kaihruaitu a nih ngei kan beisei a ni. Champhai Local Pastor Quarter-a dah tur Thuthlengsei pahnih Ngur Local-in tunhnai khan an pe a an rawngbawlna a ropui hle. Ngur Local kohhran nu ho hian Inrinni apiangin
22

NPSS CIRCUIT INKHAWMPUI

September ni 2-4 chhung khian Champhai Circuit, Aizawl leh Kolasib Circuit Combine Naupang Sande Sikul te chuan inkhawmpui an nei dawn. Tunah hian theih ang tawkin Zirtirtute leh naupangten inbuatsaihna an nei mek a, he inkhawmpui atana an inbuatsaihnaah hian nu leh paten mahni fate nasa taka in lamah \an lo lakpui turin kan inngen a ni.

Pawl dang leh kan vela kohhran dangte angin zingah emaw tlai lamah emaw zan lamah pawh nise han in koh khawm zung zung theih a ni ve lo a, keini veng hrang hrang kar hla tak taka awmte chuan Sunday hi kan hun neih ve chhun a nih \hin avangin nu leh paten kan fate an inkhawmpui thu leh hla turte in lamah ngun taka lo zirpui \hin nise a lawmawm ngawt ang. Hetih rual hian nu leh paten kan fate inkhawmpuiah hian tel ngei turin fuih bawk ila, naupangte tein heng inkhawmpui thu leh hla an zirte Pathian faknana an hmana, mipui hmaah an theih ang tawka an sawi \hin hi nakina an nun kaihruaitu pawimawh tak a la ni thei a ni tih kan hriat sak a pawimawh hle. Aizawl leh Kolasib Circuit Combine Inkhawmpui hi Edenthar Local-in an thleng ang a, combine a inkhawmpui an neih vawi thumna a ni ang. Inkhawmpui thupui chu - I nu leh i pa chawimawi rawh Ephesi 6:2 a ni ang. Engpawhnise, Kohhran hruaitute, nu leh pa leh \halaite pawh in kan hma lawka NPSS-in Inkhawmpui an neih turte pawh hi khawhar taka hman liam tir mai lovin, kan theih tawpa \awiawm hi kan tih tur a ni tih hriain \awng\aina nen
23