ROHLU

AUGUST 2012

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial

2012

ROHLU

Kum 6-na

August

1. Harsa ang reng tak si... 2. Chhandamna changtu tihtur ruata

PB. Hrangthana Upa Vanlal-

Editorial Board Editor Joint Editor News Editor : Rev. Dr. Chalhnuna. : Lalringliana. : Lalthangzauva. Pro. Pastor Laldanmawia PB.Hrangthana TD. Zalawmpuia : Lalromawia. : Rev. C. Zalianthanga Rochharliana. Pastor Sapthangi Rev.E.Lalzarlawma

3. Gosen-ah Naupang Inkhawmpui... 4. Beidawngte hnenah Lalpa V.Chhingkhuma 5. Khawngaihna Thutak 6. Pathian Fakna Hla Dr.Chalhnuna 7. Kohhran News 8. WMYF Budget thun dan Rev.C.Zalianthanga Rev.

Cir. Manager Members

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

Thla thar September tha hi BEIHRUAL tha a lo ni leh ta reng mai a, kumin 2012 Beihrual thupui tur hi KHAWNGAIH RAWNGBAWL HNA tih a ni a, Upa Lalringliana leh Rev.E.Lalzarlawma te buatsaih a ni. Zan sawm panga zir tura thupui siam a ni a, Beihrual programme kan siam dan leh a rei zawng chu eng pawh nise Local thuneihna a ni a, Local tinin hlawk thei ang bera kan hman theuh kan beisei. Kan thupui Khawngaih Rawngbawl Hna a nih anga Kohhran hoten khawngaih rawngbawl hna kan thawhna zawnah hmasawnna thar kan chan theuh theih nan tawngtaina nen Pathian hnena
3

ROHLU

Editorial : INTIHSIAKNA THA

E khai! OLYMPICS hun a zo leh ta maw! 2012 Olympic chu London khawpuiah nghah a ni a. July ni 17 atangin August ni 12 thlengin neih a ni. Intihsiakna chi hrang tam tak a awm a, a pumpui thu-ah USA an sang ber a, China pahnihna, Great Britain pathumna, India 54-na a ni. Medal an lak dan chu hetiang hi a ni: Gold Silver Bronze Belh 1.USA 44 29 29 102 2.China 38 27 22 87 3.Britain 28 15 19 62 Kum 2016-ah Rio de Janeiro, Brazil lawng chawlhna khawpuiah an nei leh ang. Ram lian India hi a la hniam hle a, 54-na vel a ni a. Hun dang ai chuan tlemin an titha ve hret a. Thil chi li-ah medal 6 an la ve a, chungte chu Badminton-ah Saina Nehwal Bronze Boxing Mary Kom (Meitei) Bronze Kristian a ni Shooting Vijay Kumar Silver Gagan Narang Bronze Wresling Sushi Kumar Silver Yogeshwar Dutt Bronze Olympic-a intihsiaktute zawng zawng hi an fakawm em em mai a. Theihtawp tak meuhvin an inbuatsaih a. Ei tha an ei a, insum ngaihnaah an insum a, an tihtur an zir nasa a. An hriselna an ngaipawimawh bawk a. Chak ngei turin, lawmman hmu ngei turin an inbuatsaih hlawm a ni. An rilru an tihuaisena, tum ruhna an neia, thimrimna laka inven an zir bawk a. Anmahni tan mai ropuina a zawng lo va, an ram leh hnam timawitu nih an tum vek a ni. Ringtu nun lamah i han lalut teh ang. Tihkoh Paula chuan
4

ROHLU Tirkoh Paula hunlai pawh hian Intihsiakna (olympic) ang hi a lo awm tawh a. Mite pawhin an hlut em em thin a. Mipui tam takin an thlir thin a. Tirhkoh Paulan damlai ringtute hi intlansiak mek kan nihzia min hrilh a. Mi thianghlim kal tawh ten min thlir a, chutichuan, chhumpui nasa tak ang thlirtuten min hual vel avang hian min tihnawk apiang i dah ve ang u a ti a. Amah pawhin Tiam chin lam panin ka tlan ngat ngat a nu. Boruak mai hnek lovin mahni ka inhnek zawk thin a, ka taksa ka tichhel a, ka thuhnuaiah ka dah tawh a...Nunna lallukhum chu ka tan dahin a awm tih ka hria a ti a. Chawimawina leh lallukhum medal leh pangpar vuai thei leh chhe thei dawng tur mahin Olympic-ah an bei nasa a, lallukhum chhe thei lo, nunna lallukhum dawng turin Rinna intihsiakna tha chu bei ila, kan chan chatuan nunna hi i vuan tlat ang u. Inthlahdah thei kan ni lo, min tirit leh min tihnawk apiang i dah ve ang u. chu chu kan tan malsawmna, Krista tan ropuina a ni ang. (I Sermon....... HARSA ANG RENG TAK SI...? by: PB.Hrangthana, Champhai. Nimahsela heta kal tra mi hralh avng hian lungngai suh ula, mahni inhaw duh hek suh u: mite nunna chhandam trin Pathianin in hmaah mi lo tr hmasa a nih hi.(Gen.45:5) Josefa chunga thil lo thleng hi mumang pawha a man phak ngai loh a ni ngei ang. Pathian chuan khawvel chhandamna tura a remruatna chu amah hmangin a rawn thawk tan tih pawh a hre hek lo vang. Pathianin mihringte chhandamna a ruahmannaah Josefa chuan chanvo pawimawh tak a nei a; mahse, chu chu amah chuan a hre phak hauh lo. Kan harsat leh mangan laiin Pathian kan au va, eizawnna mumal i mamawh em em a, Pathian hnenah i dil thin a ni mai thei. 5

ROHLU CHHANDAMNA CHANGTU TIHTUR Josefa chan hi mahni han inbel ta ila. Dik taka thil kan tih avanga kan chunga harsatna lo thleng tlat thinte hi tawrh a va hrehawm thin em! Keimahni zir loh vang pawh ni lo, engti kawng maha kan dan theih si loh, harsatna kan chunga lo thleng thinte hi a va runthlak thin em! Nu leh pa sual tak kara nau lo pianga sei lian te hi an va khawngaihthlak em! Anmahni duh vanga hetiang inchhung atanga lo piang hi an ni hlei nem. Engati nge leiminin kan in a tihchhiat bik? Engati nge ka nupui/pasal hian zu ngawl a vei bik? Engati nge ka kawppuiin Cancer natna a vei bik le...? Nu leh pate hi keimahni thlan an ni lo va; mahse, anmahni vangin an faten harsatna an tawk erh thei. Driver zu ruih vangin mi an thi fo thin. Mi dangin min itsik a, dawta min hek avangin nasa takin kan buai phah thei. Pasal bengtlalo tak avangin nupui fanauten harsatna nasa tak an tawk thei. Hetiang harsatna hrang hrang hian zawhna harsa tak tak a rawn chawk chhuak a. Pathian hi a awm a niha min hmangaihtu a nih chuan, heti kauva ka tawrh lai hian a awm mai mai dawn em ni? te pawh kan ti thin. Harsatna hian mi tam tak rinna a tichhia a. Hei vang hian a ni Josefa chanchin hi ringtute tan a pawimawh em em ni. Josefa chanchina thil chiang tak chu Pathian chu a ngawih vung vung pawhin min theihnghilh ta tihna a ni lo; min ngaihsak lo tihna a ni lo tih hi a ni. Kan nuna Pathian inrawlh dan chu kan chunga thil lo thlengte atang ringawta teh chi a ni lo. Thil pahnihin a teh theih; Kan nunin hma a sawn dan atang leh a remruatna a hlawhtlin leh hlawhtlin loh atangin. Pathianin harsatna ka tawh mek hmanga a thiltum tihhlawhtlin a tum chhung chuan engtin nge ka lo awm ang? Chhiar tur: I Petera 1:20,21; 2 Timo. 3:16,17.

ROHLU

Thuhma : Chhandamna changtuten kan tih ngei ngei tur, ngaihtuah maia thil ho tak anga lang, kan tih avanga malsawmna kan dawn leh dawn lohna ni ve thei, kan kohhranin kan ngaihpawimawh tak takte kan zir ang. Ringtute chuan kan hriatsa vek anga lang, mahse, kan ngaihthah avanga hma kan sawn tur anga kan sawn lohna anih ve avangin a pawimawh em em a ni. Heng thil pali te kan hman \han chuan keimahni nun \heuhah pawh min ti \hang liantu anih avangin a pawimawh em em a ni. Ringtuten kan tih tur thil chi li kan zir dawn a, hei hi kan kohhranin a ngaihpawimawh em em a, ringtuten malsawmna kan dawnna hnar pawh niin kan hria a ni. 1. Bible chhiar : Bible hi kan chang tarlana kan hmuh angin, miten an mahni irawm chhuaka an ziak ni lovin, Pathian thlarau a\anga an dawn a ni a. Pathianin a thawkkhum thunung, kan nun kawng min hruaitu atan Pathian min pek a ni. A chhung thu hrim hrim hi a nunga, thil a ti thei a, mihring ngaihtuahnate pawh tidanglam thei a ni a, Bible kan chhiar hian Pathian kan pawla, Bible chhunga thute hi thu nung anih avangin kan chhiarin Pathian kan bia a, anin min be bawk tihna a ni a, amah nen kan inpawla, kan in be reng \hin tihna a ni. Amah nen kanin pawl renga, a thu keimah niah a nun reng chuan kan thlarauvin hlimna thar a changa, nun hlimna thuruk kan changa, thlarau lam malsawmna kan dawn ang zelin taksa lamah pawh malsawmnain a um fo \hin a ni. Chutichuan, Bible kan chhiar chuan Lalpa nen inhmachhawnin kan inbia a, amah nen kan in pawl a ni. Path7

ROHLU ian awm a ni tih hriaa kan chhiar chuan Pathianin kan hnenah thu a sawi a, a thu hmanga min biakna aw hriat ngei tuma kan chhiar chuan kan hre ngei ang. Chuvangin, Bible kan chhiarin mahni chanchin ziakna anga chhiarin kan nun dan tehnana hmanga, zawm tuma hunbi nei taka kan chhiar chuan Lalpa hnen ata a thu kan hriata kan nitin nun atan pawimawhte chu kan chang fo \hin a ni. 2. Tawng\ai : Tawng\ai hi ringtuten Pathian hnena kan mamawh tin reng kan thlenna hmanrua pawimawh tak a ni a. Aelfric (Elfirika) chuan Ka \awng\aiin Pathian hnenah thu ka sawi a, Bible ka chhiarin Pathianin ka hnenah thu a sawi a ti a ni. Thuthlung Tharah hian Lal Isuan a zirtirte \awng\ai dan a zirtir dan kan hmu a, Paulan bang lova \awng\ai turin min fuih a. Thuthlung Hlui hun lamah pawh Sam ziakah chuan lawmthu sawina, fakna leh dilna thu tam tak kan hmu a ni. Amah kan biak theihna tura Pathianin tihdan tur min ruatsak chu \awng\ai hi a ni. Chutichuan, kan \awng\ai hian thildilna,Pathian pawlna, mite tan dilsakna, lawmthu sawinate a ni a (I Tim.2:1-3). Chuti anih chuan ringtute thawlakna \ha ber a lo ni reng tihna anih chu. Chuvangin kan taksa leh thlarau tana mamawh zawng zawng chu \awng\aina hmanga Pathian hnena thlen tur anih avangin, Pathian engkim neitu leh pe theitu hnena thlen kan nih inhria in urhsun takin \hing\hi emaw bawkkhup emaw ban pharin emaw kan \awng\ai tur a ni. Chu chu Pathian hnen ata malsawm kan dawnna hnar a ni bawk a ni. 3. Inkhawm : Pathian Biak Ina inkhawm ngai lo mi chu a nun a ro \hin a, a rei deuh chuan nung tih pawh in hre lo khawpin a awm theih. John Wesley-a chuan Mahni maiin ringtu tak anih theih loh a ti hial a. Biak Ina lawi ngai lo ringtu in ti chu mahni ngaihdana kal mai mai \hin an ni a, Pathian
8

ROHLU nen a inpawlna thu nung tak tak an pai ngai lo. Hebrai ziaktu chuan \hen khat tih dan anga kan inkhawmnate bansan mai lovin infuih tawn zawk rawh u (Heb.10:25) a ti a. Harsatna leh tihduhdahna kara an awmlai pawhin Pathian faka inkhawm chu an nun tithlamuangtu a ni fo \hin a ni. Sam 84:1,2 ah chuan Aw sipai hote Lalpa, i awmna chu a va duhawm em! Ka nunna hian Lalpa biak in hung chhung kawtlaite chu a ngai em em a, a ni; a chauh phah hial a ni a ti a. Chu chuan Pathian biak ina in pawlho leh Lalpa fakho hlutzia a hre chianga, i biakin hungchhung kawt laia nikhat awm hi ni sangkhat aiin a \ha zawk a ti hial a. Biakin a ni khat Pathian bia leh inpawl hona neih chu hmun danga ni sangkhat aiin a hlu zawk a ni. Hei hi malsawmna hnar a ni tih a hriat vangin a hlutna a hria a ni. 4. Thilpek : Ringtute nun puitlinna leh hmasawnna nei a, nun puitling leh duhawm tak kan neih theihna tura rahbi pawimawh tak chu thilpek rawngbawlna hi a ni. Thilpek hi mitinin Pathian rawng kan bawl \heuh theihna a ni. Thilpek han tih hian, Pathian ram, Sawma pakhatte, Thilhlante, mirethei thilpekte leh Pathian kan biakna atana thilpek chi hrang hrang a huam vek a. Sawma pakhat leh thilhlan hi Pathianin ama ta anih thu leh kan pek chuan malsawm let a tiam thu kan hmu a (Mal.3:9,10). Mi ngilnei, retheite ei tur pe \hin tu chuan malsawmna a dawng ang (Thuf. 22:9) Jerusalem \am \anpuina an khawn khawm laiin Paula chuan Mitinin ui chunga pe lovin, pek loh theih loh anga ngaia pe hek lovin, an thinlunga an phal tawk angin pe rawh se, Pathian chuan lawm taka petu a ni a

ROHLU GOSEN-AH NAUPANG INKHAWMPUI KAN NEI A.... Kumin 2012 January thlaa District Conference rorel dan chuan September ni 30 khi a ni a. Mahse, sikul chawlh remchanna umin Aizawl leh Kolasib Circuit infin chuan July ni 27-29 khan Kolasib Circuit chhunga Gosen Local-ah HLIM TAKIN neih a ni a. Kan Inkhawmpuiah hian Naupang leh Zirtirtute nen mikhual 150 zet kan ni a. Intihsiakna chi kim neih a ni. Naupang Inkhawmpui chungchangah hengte hi han sawi ta ila: 1. A hmasa berah chuan Circuit Naupang Inkhawmpui Committee te chungah lawmthu kan sawi duh a. An khawmpui Chairman Pu Lalbiaksanga hi a fakawm a. Naupang leh Sande Sikul hi a vei a, a tuipui em em a, amah pawh a inpezo bawk a. Taima taka a kaihhruaina avangin inkhawmpui tha tak kan nei thei thin a ni. A chungah kan lawm hle a ni. Tin, Local hrang hranga zirtirtute chungah pawh lawmthu kan sawi lo thei lo va. Naupang ninhlei tak tak enkawl hi thil awl tak a ni lo tih kan hre theuh va. Bible chang en lova sawi thei tur leh, Hla thiam taka sa thei tur chuan nasa taka zirtir an ngai a. Zirtirtuten dawhthei takin, taima takin an zirtir a, inkhawmpui hlawhtling tak kan nei thei thin a ni. Zirtirtute chungah lawmthu kan sawi bawk e. 2. Naupang inkhawmpui tha tak leh hlawhtling tak kan neih a zarah tha lehzuala kan neih zel theih nan Thurawn (advice) kan nei duh a. Kan thalai leh naupang zirtirtute hi lehkhathiam tak tak leh fel tak tak vek an ni tawh a. Thil vawikhawt hrilh hi an tan a tawk a, an hman nghal theih pawh beisei a ni. Mizo tawng pathum chauh i han zir teh ang. a) Chuan tih hi chutichuan emaw tichuan emaw aia an hman niin a lang a. Kan zirtirtu thenkhatin an hmang
10

ROHLU Kohhranho leh thiltihna thenkhatah chuan chutichuan, emaw tichuan emaw tiin hmang thin ila b) Atang tih pawh hi a fel lo. Hei hi atanga emaw atangin emaw an tihna, an sawina ni tur a ni a. Kaihtawi chi a ni lo. Bible kan chhiar dawnin, Johana ziak, Chanchin Tha, bung 3, chang khat atangin chang ruk thleng i lo chhiar ang u tih a ni thin. c) Cher tih pawh hi inkhawmpui lai khan kan hre zeuh zeuh bawk a. Hei hi Chairman tih aia an hman a ni. Kan thutna Chair (cher) hi an sawi tum a ni lo va, inkhawmna hruaitu sawina a nih chuan a tlaunin Chairman tia lam hram hram a tha. Tawng hmang dik tur chuan taihmak a ngai fo. A tawp ber atan Gosen Local chungah leh Gosen khawtlang chungah lawmthu sawi kan ba em em a ni. Mikhual 200 dawn lai min thleng a. A thleng tam ber chuan 14 an thleng hial awm e. Kohhran in tinah 4/5 leh a aia tam kan thleng a, zo em em-in min mikhual a, an fakawm tak meuh meuh a ni. Tin, kan kohhran ni lo, kohhran dangte pawhin Mikhual min pe ve rawh u an ti a, an inhawng em em tih kan hria a, mikhual pawh an pe niin ka hria. Gosen khawtlang an lungrual a, an chungah kan lawm em em bawk a ni. A tawp tak takna atan chuan, kan hotu Rev.C.Zalianthanga nena kan titinaah chuan, Naupang inkhawmpui kan hmanpui a, kan uap hi a tha ngawt mai. Theih ni se, Champhai Bial Naupang Inkhawmpui pawh hmanpui ila a tha ang, min sawm chuan kan kal leh dawn nia kan ti a ni. Lalpan kan hma min hruai zel rawh se.

11

ROHLU

BEIDAWNGTE HNENAH LALPA V.Chhingkhuma

Keimahah thil tha reng a awm lo tih ka hria; thil tha tih duhna chu keimahah a awm na a, thil tha tihna erawh chu a awm si lo Rom 7:18. Eden bawhchhiatna avanga lo awm mihring hlui hlih thlak tuma kan beih vak hnu pawha kan hlawhchhamna hi Lalpa remruatna a lo ni. Adama hnuhnung, Krista tholeh nun chu neih tuma nasa taka kan beihnate pawh chuan awmzia reng an nei si lo. Mite nun kan en a, an mahniah Krista hmel kan hmu si a, an thlarau nun chu tha tiin neih ve tumin tan kan la vak thin. Kan tan laknaten awmzia an nei thei bawk si lo, miten an hria ang tih hlauvin kan inthup tang tang thin. He nunin a hrin chhuah chu tih theih reng ka lo nei lo tih in hmuhfiah hi a lo ni. Engmah tih theih ka nei lo tih inhriatna chuan beidawnna khurah min thuttir ngawt mai thin. Kan hlawh chhamnaah Lalpa a rawn hlawhtlin theih nan beidawngin min siam thin. Mi beidawng tawh te hi kaihhruai kan awlsam tlat vang a lo ni, Lalpa chu fakin awm rawh se. Mahni tlin loh zia leh tlakchhamzia in hre chhuak vawng vawng khawpa tal hrep tawh hnu ni lote hnenah thlarau lam rawngbawlna phurrit Lalpan a pe ngai lo. Mahni chak lohzia hmu chiang apiangten midangte chak lohna pawh an hriatthiam pui thei thin a ni. Jc Metcalfe chuan, Midangte kaihruai thei tura Pathianin a koh chhuahte chu hlawhchhamna khura tal hrep tawh te an ni chawk thin a ti a ni. Mahni theihnaa thanlen tuma bei vak hlawh12

chham hrep tawhte chuan Pathian ngei hi thanlenna ram luahtu a nihzia an hmu phak ngai lo. Ringtu thenkhatin an nun kawnga an hlawhchhamnate an buaipuia midangte hriat hlauvin theihtawpin khuh mawi an tum fo thin. A chang chuan mahni inthiam chawpa namnul mai an ching bawk. Kan hlawhchhamna chuan hlawhchham ve ngailo mi hlawhtling Kristaa innghah ngamna leh lohtheihlohva tluk luhna hun remchang min siamsak zawk thin. Pathianin ama lawmzawng tak keimahniah a thawh theihna tur chuan mihringa thiltha tih duhna lo awm hi tunge a nih a, khawilam atanga lo chhuak nge tih kan hriatfiah a tul a ni. He mizia hi setana mizia a ni tih hriat chiannain a ti chawl hmasa thin. Sual mizia, tisa mizia a chawla kan rin Lalpa chuan kan thatna turin kawng engkimin min thawksak thin. Nangpawh Pathian tana thawh ve i lo tum chhenna kha bansan ve tawh la, thiltha tih duhna awm si, tihna nun awm si lo mihring hlui mizia hriat fiahnaah i chawl ve ngei ang. Thildang engmah hmuh tum lovin Lalpa chauh hmu turin ama thu chu enin chhiar ve rawh le. Bible hriat phahna atan hman tum suh la, Lalpa pawl nan chauh hmang zawk ang che. Chutichuan ama lawmzawng keimahnia a thawh tur chu eng nge ni? Hei ngei hi a lo ni e: Isua nunna pawh kan taksa thi theiah hian a lan theih nan II Kor.4:10. Kan nun hlui hmihring hlui hi keimahni chin fel turin Lalpan min hnutchhiah lo. Kristan Krawsah thihna hmangin a chingfel tawh. He thutak hi tholeh nun ringtuin a hriat tlat chuan sual mize inlar thin lakah a buai ve ngai tawh lo a ni. Hei hi Thuthlung Thar inthlunna leh Tihthianghlimna thu hriat fiahna leh innghahna bulpui a ni. Thiamchantirna 13 tobul chu Kalvari a ni a, tihthianghlimna tobul pawh Kal-

ROHLU

Kan bawhchhiatnate avang chuan ngaihdam kan tul si a. Kan nihna atang erawh chuan lakchuah kan ngai a ni. Tun hmaa kan nun, kan lo chetchhiat tawhna zawng zawngte pawh chu Pathian hmaah a lang tawh lo. Krawsah a thi tawha Krista chauh hi kan nunna a ni tawh si a. Keimahni lamah hian tling lo teh mah ila, vanlal fa duhlai ka ni tih rinna leh innghahna hi thuruk ropui ber a lo ni. Beram No thisen ngeia hming ziak chu Pathian thlatrauvin a lo nemnghet tawh si a. Hei ngei hi chatuan atana sal chhuahna thupuan chu a lo ni e. Nangmahnia thiltha titantu khan Isua Krista ni thlengin a ti famkim zel dawn chu ngei chu ka ring tlat si a tih thutiam hmangin kan tlin lohna leh hlawhchhamna te hmangin chu thil tha chu Lalpankeimahniah a thawk tan dawn a lo ni reng mai Lalpa chu fakin awm rawh se. Amen.

ROHLU

KHAWNGAIHNA THUTAK
(chhunzawmna)

ROHLU

SUNNA
Zoruatpuii D/o Laltlanmawii, kum 14 Champhai Local Sacrament Department chu July ni 21-a ZK Nigh Bus Accident-ah khan a borala, Zoruatpuii chhungkhat laina zawng zawngte kan tawrhpui tak zet che u a ni. Zoruatpuii hi tleirawl fel tak, inkhawm taima em em Sunday School te ngaipawimawha kalkim thin a ni

14

2. Convincing Grace (Sual hriattirtu khawngaihna) Khawngaihna hmahruaiin mihringa thi tawh thlarau a tihharh hnuin, chhandamna kawnga rahbi pawimawh ber sual nih inhriatnaah a hruaia. Chutichuan sual nih inhriatchhuahna neiin, simna hmasa, thiam chantir hmaa simnaah a thlena, sual awmzia a lo hre ta a ni. Chutichuan mahni inhriat chhuahna a lo nei a, sual leh thatlohna tin reng bawm khah a nihzia a lo inhre chhuak ta a ni. Sual thuk taka tang a nihzia leh Pathian thinurna leh chatuan hremhmun bak hlawhchhuah tur a neih loh zia a hre chhuaka, thlarauva pachhe tak dinhmuna ding tih inhriain, mahni in dawm kang zo tawh lo, chhantu mamawh ngawih ngawih nih a lo inhre ta a ni.Chuti taka mahni in hriat chhuahna chuan inngaihtlawmnaah bul a tana, sual nih inhriatna chuan hma a sawn zela, simna thuk zawkah a hruai lut a ni. Sual bul atanga lo awm, sual rilru pu mi a ni tih a nihre chiang tial tiala, chuti taka inhriat chianna chuan inngaihtlawmna thuk leh ze dikah a hruai luta, Pathian hnen atanga dawn inngaihtlawmna, Kristiante nun bul intanna ze dik hmangaihna nunah a hruai lut a ni. Chutichuan, sual nih in hriatchhuahna atanga simna ze dik a lo neia, chu chu a rah hmuh theihin a lo awm a ni. Siam that chakna rilru thianghlim tak a lo neih phah a, a chunga thil lo tisualtu unaute a ngaidama, thil tha lo leh sual a chawlhsana, thiltha ti atan siam a nihna chu bul a intan ta a ni. Pathian khawngaihnain thil a tih theihna a
15

Rev.C.Zalianthanga

hman thiam dana zirin Pathian ruat khawngaihna hnar te a lo hreve deuh deuh ta a ni. Nun in thlakthlenga, pawn lam nun thlenga lo dang lam ta angte pawhin a sawi theih a ni. John Wesley-a chuan (Thiltihte vol8,Pg.203) hetiang hian a ziak, Zu ngawl vei a lo harh fima, insum dan tawk a rawn thiama. Nawhchi zuar leh mihurten inngaih leh uire an bansana, mi suaksual chuan hnehchhiah leh thil dik lo tih a chawlhsan. Mithatchhia pawhin hna a thawk tana, mahni kutkawih chaw ei a lo tum ve tan ta a, uikawm pawhin retheite an hrai a, saruakte ansintir a,an nun pumpui anin thlakthleng a,sual tih an bansan a,thil tha tih an zir tan ta a ni ; ti in. Heti hian sual hriattirtu khawngaihna chuan thlarau thianghlim kaihhruainain amaha sualin bu alo khuar tawhna zawng zawng hmuh chhuahtirin thil tha ti atana siama awm a nihna chu bul in tanin famkim taka thianghlim turin thlarau thianghlim hruaina a lo chang chho mek zel a ni. 3. Justifying Grace (Thiamchantirtu khawngaihna) Thiamchantirna chungchangah hian Wesleyan Methodist thurin ah chuan - Mi tupawhin sual a sima, mahni in chhandam thei lo anihzia hriaa, Isua Krista a rin veleh thiam chantirin a awm a, a piangthara, Pathian chhungkuaah pawmin a awm a, Thlarau Thianghlim hriatpuinain a chhandamna chu hriat chiantirin a awm. Isua Krista kan Lalpa leh chhandamtu khawngaihnaa thil tha min tihsakna avang chauhin Pathian hmaah mifela pawm kan ni a, keimahni tih that vang ni lovin rinna avang chauh
16

ROHLU

zawkin thiam chantirin kan awm a ni. Mi an sualte ngaihdama awm a, Pathian faa pawma awm chu mi piangthar a ni a, piantharna chu thlarau thianghlim hnathawh a ni. Chu nun thar chu Isua Krista nunna avanga dawn leh chan a ni a. Chutichuan, an pianthar hmaa sual thil tihtheihna, anmahni khuahkhirha an chunga thu neitu lak atangin chhanchhuah an lo ni a, faa pawmna thlarau an chang ta a ni. Tichuan, Pathian an hmangaiha, thinlung leh duhna tak tak nen Pathian khawngaihna kal tlangin rawng an bawl thin tiin. Khawngaihna chuan mihringa a hnathawh chu sual man chu thihna a ni a, chumi lak atanga chhuah chakna min siama, chu maiah tawp lovin tal chhuahnan thil tha tiha Pathian lawm zawng nih duhna neiin, tha nia an hriat apiang tih an chaka, lang thei sual khawih lo turin an in sum thin. Amaherawhchu, hetianga a kal zelnaah hian mihring lam duh dan leh ngaihdanin a hruai peng daih thei a. Khawngaihnain in a hruaina Krista rinna aiin mihring lam rinna a nasa thin a, tichuan mihring lam rinna aiin Pathian rinna nungin amahah hna a thawh veleh mihring lam a tawp a, Pathian lam rinna a lo nung a ni. Chutichuan khawngaihna hnathawh chuan rinna nung min siamsakin, ring theiah min siam ta a ni. Chu rinna chuan Pathian a ring ta a, keini chu ringtu kan lo ni ta a ni. Chutichuan thiamchantirtu khawngaihna chuan ring theiah min siama, amah kan lo ring ta a, Rinna chu a hnukpui ber a lo ni ta a ni. Chuvangin rinna pawimawhna tlem lo tarlang ila: 1) Rinna chu chhandamna a ni (Eph.2:8) 2) Pathian lawmzawng mi nih theihna a ni (Heb.11:6)
17

ROHLU

3) Pathian hmaa thiam channa a ni a, Pathian nen kan in rem lehna a ni (Rom.5:1) 4) Taksa damna a ni (T.T 3:16) 5) Rilru Thianghlimna a ni (TT 15:9) 6) Chheltaka min tantirtu a ni (Heb.12:2) 7) Khawvel siamtu chu Pathian a ni tih kan hriatna hi rinna thiltih a ni (Heb.11:3) Heng zawng zawng hi khawngaihna hmahruai in a bul min tansakin a tawp thlengin ringtute kan kawng min lo buatsaih a ni.

ROHLU

ROHLU 2. Lentupui leh tukram phulleng fan changin, Sirva zai mawiten thing tin awi e; Khua chuan ila, tlang sang tinreng atangin, Dan ten luang e, lui leh thlifim nuamte. 3. Lal Pathianin a Fapa chu zuah lovin, Ka dawn seng lo, dairial changin a tir; Kraws chungah chuan ka sual a phur lawm takin, Thisen chhuakin a thi, ka sual tlanin. 4. Krista chu a au thawm nen a lo kal hun chuan, Min hruai ang vanah hlimin ka khat ang; Lawm takin ka chawimawi ang, a hma kunin, Aw ropui ber, tiin ka fak tawh ang. He hla ropui tak hi Rev. Carl Gustov Boberg, (8591940) Sweden mi phuah a ni a. German tawng te, Russia tawng te leh tawng hrang hrangin lehlin a ni a. English tawnga lehlin chu Indopui hmasa hun lai khan an ramah leh an awp ramah an sa lar ta em em bawk a, Mizo tawng pawhin Pu Muka (19041999) leh Pu Liandala (1901-1980) te khan an letling ve a. Kan nihlawh hle a ni. He hla hian Sam No.8-na a tlawhchhan hle a. Pathian chu leilung leh a chhunga awm zawng zawng te, tlang sang leh lui te, boruak leh thlifim te, van leh vana awm arsi te nen siamtu a nihzia min hrilh a. Khawvel hi Pathian siam a ni a, Pathian ropuizia an lantir a. Pathian ngaihsak mite chuan Pathian faknan an hmang thin. Thil siamte hmanga Pathian fakna chu he Hla chang khatna leh chang hnihnate hi an ni a. Tin, chang thumna leh chang 4-naah chuan Pathianin a Fapa khawvel tan a pek thu leh, kan sual ngaihdam nan Krawsah Isua a thih thu min hrilh leh a. Chu Isua ngei chu ropui takin au thawm nen min hruai turin a lo kal leh dawn a. Vanah hlim
19

PATHIAN FAKNA HLA

By Rev.Dr.Chalhnuna

SAM BU hi Fakna Hla Bu a ni a. Judate Pathian fakna Hlabu a ni a. Keini Kristiante pawhin kan hmangzui ve zel bawk a. Mizote hi hla sak duh mi, Hla ngaina mi, zai pawh thiam tak kan ni a, hla pawh kan ngah a, sak pawh kan sa nasa hle a ni. Kan inkhawma kan Pathian biakna min kaihruaitu leh hlimna min petu pawh hla a ni. Tin, kan Hlabu-ah hian Hla Thupui chi hrang hrang an awm a. Tunah Pathian Lalzia leh ropuizia fakna hla zinga pakhat, Kristian Hlabu No 18-na hi i han zir teh ang. 1. Aw Lal Pathian, i kutchhuak thil siam tinreng, Dawn changin mak tiin ka lo khat thin; Zantiang ziar zozai leh chung khawpui ri, I thil tih theih boruak zauva lang nen. Chutin fak che thlain a nuam Lalpa, 18 Aw ropui ber, Aw ropui ber! Chutin fak che thlain a nuam Lalpa,

ROHLU Hetianga kan tana engkim siam a, chhandamna kawng min siamsaktu Pathian chu Aw ropui ber, Aw ropui ber tiin tunah leh nakin thlengin kan sa zel dawn a ni. Upate tihdan takin, kan naupan laia ka Hla hriat Mizorama Missionary te phuah ni awm tak chu hei hi a ni. A bul leh a thunawn chauh ziak ila: 1. Mizo fate u, finna zawng ula, in theihtawpin bei rawh u. Thunawn- Kan tlang a thawveng e, kan luikawr a nuam e, Kan tlangval an thiam vei nen, kan nula hmel a tha e; Thil bawlhhlawh chawimawi kan duh lo, Thil tha thil mawi pawm kan duh e; He mi hian hrehawm a um bo, Mizo lawm teh u. He hla phuahtu rilru pawh hi a Kristian hlein a lang. Mizoten luikawr te hi mawi kan ti ngai lo va, tlang thawveng chu nuam kan ti ve ngei a, mahse Pathian fak nan kan hmang nasa lem lo. Hnam fing zawk te hi chuan Pathian fak nan an hmang thin. A tawp atan he Mizo hla phuahtu rilru hian hnam mawl pawh hmusit mai lovin, a tha zawngin Kan tlangval an thiam vei nen, kan nula hmel a tha e a han ti hial hi chuan Mizote min tilawm tak meuh a ni. Mi mawl te, piandan nalh vak lote pawh hian fak kan duh ve tho va. Chuti a nih chuan Chutin fak che thlain a nuam Lalpa kan ti ve ngei dawn lawm ni? Aw ropui ber, Aw ropui ber,

ROHLU KOHHRAN NEWS : Inkhawmpui Hlim taka hman zawh a ni ta : Aizawl leh Kolasib Circuit Combine NPSS inkhawmpui vawi 4-na chu July ni 27-29 chhung khan Gosen Local-ah hman zawh a ni. Local thum Chanmari, Edenthar leh Kolasib atangin Palai mi 150 vel an kal thei a ni. Thu, Thu Inchhang, Hla, mimal Solo leh lengkhawmzai tea intihsiakna neih a ni a, a pumpuiah Edenthar Local an ti tha ber a ni. A thlengtu Gosen Local-te inpekna a ropuia, mikhual chungah an tha em em a an fakawm hle mai. Thupui sawi tura ruatte an tel tha a, an Circuit chhunga rawngbawltu awm ten an tawiawm tha bawka inkhawm boruak a nuamin, thu leh hlaa inpawlhona a kham awm loh hle mai. Hetih lai hian Lunglei Mission Circuit pawhin NPSS Inkhawmpui an Circuit chhunga a vawi khatna July ni 28-29 khan Lunglei Local-ah an hmang ve bawk a, Lawngtlai atangin City Ride -in mi 18 vel an thawk chhuak a, Inkhawmpuinaah hian Beginner leh Primary ten intihsiakna an nei a ni. NPSS Inkhawm hlimawm tak an Circuit chhunga a vawikhatna ni bawk an hmang thei hi Naupangte mai bakah kohhrana nu leh pate pawh an hlimin an phur hle a ni. AIZAWL CIRCUIT WMYF MEET - Aizawl Circuit WMYF chuan Meet hlim takin an hmanga, August ni 9-10 zan khan Indoor games items chi hrang hrang hmangin Chanmari Local Npss Hall-ah sport an nei. Member 50 vel sport-ah hian an kal thina, Aizawl Circuit chhunga Local pahnihte rawngbawlna zawna taksa rilru leh thlarauva inpumkhatna tha a awm zel theih nana buatsaih a nih angin memberte an hlim tlang hle. August ni 12 Sunday chawhnuah Meet hi chhunzawm leh a ni a, hetah hian Edenthar Local-ah Sport lawmman semna leh Thupui sawihona (Talk show) neih a ni a,
21

20

ROHLU Inkhawm Nungchang, leh Committee kalphung tih thupui hmanga neih a ni. Member 60 vel an kal khawma Member Senior zawkte beisei angin tel tam chiah lo mahse member naupang zawngte an tel tha hle a, hetianga member naupang zawkten thalai rawngbawlna hlutna chang hriaa an ngaipawimawh hian Meet an buatsaih chhan a hlawh tling thawkhatin Circuit Committee chuan a hria a, a lawm hle a ni.. Champhai Local Ramthar Board hmalaknain July leh August thla chhung hian Kohhran chhunga mamawhtute inah Home Crusade neih chhunzawm zel a ni a Bial Fang : Champhai Circuit Bialtu Rev.E.Lalzarlawma leh Pro. Pastor Sanghmingaten tunlai hian Circuit chhunga bial fan programme an hmang mek. Camping Nei : Zokhawthar Local NPSS pualin July 30-5 Aug. chhung khan Camping neih a ni a, Missionary Nl.Mawipuii leh a thiante Speaker-atan hman an ni. Camper mi 60 vel an awm a, Champhai lam atang pawhin naupang 20 vel an tel bawk. A hlim tlanga hlawk thlak an ti hle. August ni 19 khan Champhai WMYF leh NPSS department-ten Joint Committee an neia, rawng an bawlho zelna tur atana thil tul leh pawimawh an tih te sawihona an neia an hlim tlang hle. Champhai Circuit NPSS dept. ten September 29-30 chhunga Inkhawmpui an neih turah thu leh hla zirin an in buatsaih mek. Biak In Sa mek - Champhai Local-in Biak In sak an chhunzawm zela, a hmalam ban tur tunah an siam a, kohhranhoten tha leh tawngtainain theih tawpin an bei a, local dangte pawhin i tawngtaipui zel ang u.
22

ROHLU Kolasib local pawhin Biak in sak tumin hma an la mek a,August ni 13 leh 14 khan kohhran hnatlang neih a ni a, ni 14 ni hian zing kar atang JCB nen thawh a ni a, kohhranhote an phur hlawm hle, Biak In tha tak an neih theih nana Tawngtainaa hre reng thin turin Local dangte min ngen a ni. W.M.W.A DAY hman turin Local hrang hrangte an inpuahchah meka, Champhai Local chuan Debate-nate neiha ropui taka lawm an tum a ni, sum tuak nan Sahbawnte siamin an zuara tan an la nasa hle.

W.M.Y.F KUM 2012 LOCAL HRANG HRANG TE BUDGET LEH THUNDAN LOCAL BUDGET PEK BALANCE 1)Chanmari Rs. 15600/Rs. 5000/Rs. 10600/2) Champhai Rs. 20000/Rs. 20000/- Nill 3) Edenthar Rs.6600/Rs.6600 Nill 4) Zokhawthar Rs. 4000/Nill Rs.4000/5) Kolasib Rs 4000/Nil Rs 4000/6) Gosen Rs 3600/Rs.3600 Nil 7) Ngur Rs 600/Nil Rs 600/8) Lawngtlai Rs 2000/Nil Rs 2000/-9)Sazep Rs 600/Nil Rs 600/-10)Dungtlang Rs 600/Nil Rs 600/11) Bawktlang Rs 600/Nil Rs 600/Budget lo thun lo te a ranglama thun dan ngaihtuah thei zel turin kan in ngen e.

23