ROHLU

FEBRUARY 2012

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial

2012

ROHLU

Kum 6-na

February

Editorial Board Editor Joint Editor News Editor : Rev. Dr. Chalhnuna. : Lalringliana. : Lalthangzauva. Pro.Pastor Laldanmawia PB. Hrangthana TD.Zalawmpuia : Lalromawia. : Rev. C. Zalianthanga Rochharliana. Pastor Sapthangi Rev. E. Lalzarlawma

1.Upa ti ti - Rev. C. Zalianthanga 2.Chhut Rawh Le.... 3. Kum 2011 thlirletna 4. Indona - Rev. Lallawmthanga 5. Tin Jubillee lawm 6. Kum 2012 kan chhuang kai ta...... 7. Pathianin i sualnate a hneh thei a ni - John Wesley 8. Conference rorel pawimawh zualte....

Cir. Manager Members

HRIATTIRNA
District chhung a thawk tur Tirhkoh Pahnih (2) leh Missionary Pakhat (1) lak tur a ni a, Lawmman atan Rs.4000/-p.m a ni ang. A dil hun atan ni 23rd March 2012 thleng hun hawn a ni. Diltu chu Kohhran a fullmember a ni tur a ni a, kum 25 aia naupang lo a ni tur a ni. Thiamna lama Certificate neih ang ang dilnaah thil tel tur a ni. Rawngbawlnaa experience nei, kawppui (Nupui/Pasal) nei a ni tur a ni. Dilna hi District Office Chanmari; Aizawl (2305845) ah emaw, mahni Circuit Superintendent

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

ROHLU

Editorial :

Pathian khawngaihna leh a kaihhruainain kum 2012 January tla chu dam takin kan hmang zo leh ta a. January thla chhunga kan kohhran Local hrang hrang te chuan kumin chhunga kan hruaitu turte kan thlangin kan inruat fel a. Chumi hnuah District Conference rorelna pawh tluang takin kan zo leh ta bawk a. Pathian zarah kan dam anga kan tih tur chu kohhran leh Pathian tana kan mawhphurhna hlen ngei tura thawh a ni ta e. Kan Pathian lehkhabuah Tirhkoh Paulan heti hian kohhranho rawngbawl dan tur thil pawimawh pathum min hrilh a. Hetiangin:1. Thilpek hrang hrang a awm a, Thlarau erawh chu hmunkhat a ni. 2. Rawngbawl dan hrang hrang pawh a awm a, nimahsela Lalpa chu hmunkhat a ni. 3. Hnathawh dan hrang hrang pawh a awm a, Pathian erawh chu hmunkhat a ni tiin (I Kor. 12:4-6). Kohhranho hi Thlarau Pakhat chang vek kan ni a. Tin, kan vaiin Lalpa pakhat leh Pa Pathian pakhat bia vek kan ni a. Chuvangin, ringtu, kohhranhote hi engkima inlungrual dial dial nghal hmiah tur kan ni a. Thilpek hrang hrang pawh awm mahse, a petu Thlarau pakhat a ni a, Thlarau pakhata chhuak te chu inngeiha lungrual dial dial awm tak ti rawh u? Chutiang bawkin Hnathawh dan hrang hrang te, Rawngbawl dan hrang hrang te awm mahse hnathawhtirtu Lalpa pakhat a nih a, Pa Pathian
4

Mahse, a ni hauh si lo. Khawvela awm eng kohhrante pawh hian engkima lungrual dial dial leh engkima thukhat vua nih hi harsa kan ti a ni. Engvangin nge Tirhkoh Paulan Korinth Kohhranho hnenah inpumkhat taka awm tur leh rawngbawl tura fuih? Kohhranhi zinga duhthusam anga thil a awm lohvin Setana hnathawh a ni kan ti mai thei lo vang. Setana pawhin keimahni min hmang lo chuan thil sual a ti ngai lo. Korinth kohhran zinga thil fel tawk lo a awm pawhin Tirhkoh Paula chuan fing takin Sawt tlanna turin Thlarau hriattirna chu mi tin hnena pek theuh a ni tiin a hrilh a. Heta Sawt tlanna turin tih hi keiniho pawhin i chhinchhiah tlat ang u. Kan Local chhungah emaw, kan circuit chhungah emaw, kan district chhungah emaw, rawngbawl dan hrang hrang a awm a. Hnathawh hrang hrang pawh a awm a. Engpawh ti ila, eng pawh sawi ila, ngaithlatute tan sawt tlanna ni thei hram se a tha. Chuti lova ngaithlatute zingah inthenna emaw, inlungrual lohna emaw a awmtir thei a. Chuvangin Krista tana rawngbawltu leh hnathawktu, Thlarau thilpek changtute chuan sawt tlanna tur chauh ngaihtuahin Lalpa rawng i bawl ang aw! Farkawn Local thar lawmluh inkhawm....

ROHLU

ROHLU

ROHLU

UPA TI TI
Recorder-Rev.C. Zalianthanga

Pu Thanga : E! Pu Lalate ho, hruaitu Upa rualte zu ni reng che u a, eng nge ni thil pawimawh ta le? In va zahawm \huau \huai ve maw le! Pu Lala : Khai a, zahawm teh suh e. Dist. Conference te kan hmang zova, ti ti hona nen i han thlirlet chhin mai mai teh ang kan ti a. Kohhran dangte pawh hian rorel khawmpui an neih zawh hian hruaitu \hahnemngai deuhte chuan thlirletna an nei \hin a, kan rorel a kal fuh em? tih leh tihsual emaw thil pawimawh tak hmaih emaw kan nei em? tih te i han bih let ho teh ang kan ti mai mai a ni. Pu Vana : E! lo ngawi lawk ula, kan rorelna lam kan thlir hmain, lawmna em em ka nei a, chu chu sum leh pai chungchang a ni. Kan District sum pai chung changa Auditor-te report-ah khan kum 2011 chhungin kan sumlut a\anga 50% kan chhun luh kha, rawngbawltu enkawlna leh District thil pawimawh hrang hrang kan hman bakah cheng nuai tam tak kan hmang bang thei hi ropui ka tiin lawmawm ka ti tak zet a ni. Keini kohhran dinhmun atan chuan thilmak a tlingin ka hria, a lawmawm em a kumin kumthar kan kallehnaah pawh hian a ai tam kan la ti thei lo anih pawhin, a ngai ang tala kal chhoh zel a pawimawh hlein ka hria. Pu Rova : Aw i han sawi pawp takah chuan hei hi kan ti ti ho atana ka rilru thu ken a ni ve reng a sin. Local \henkhatte kha sum report-a a lan danin 50% chhungkim lo an awm nualin a langa, hei hian ka rilru a tibuai deuh a. Chhun tur an nei lo6 nge, a nih loh leh anmahni

Hei hi infuih \hat leh inzirtir deuhte a la ngai em ni aw ka ti a ni. Pu Thanga : A ni tak e! Hei hi kan la hriatfiah tawk loh vangte pawh a ni mai thei. Hun rei tak hetianga hmang lovin kan lo awma, kan hmanna hi kum hnih vel emaw chauh a la ni a, kan la chhiang tawk lo te pawh a ni mahna, kan la inzirtir zel turah ngai ila, Faitham zatve District Ramthar suma lut turte pawh lut kim lo a awma, hengte leh thildangte pawh a \ha zawk kan la zawng chho zel anga, kohhran nghehna leh ropuina tur leh Ramthar rawngbawlna turte a nih avangin he lamah chuan tumah an paupengin ka ring lo kohhran hmngaihtu tan chuan. Pu Lala: Sum report a lawmawma, thil dangah in kai hlek teh ang. Kumhlui kaltaah khan Missionary tirh chungchangah thil a fel tawk lo nge ni, kan Mission chungchangah a kum kal chhung khan Missionary hna a felfai tawk lo deuhvin ka hria a. Kuminah chuan rorelnain a ruahman ang felfai zawk turah ka ngai a. Mission rawngbawlna a kal \hat chuan sum lut a tlahniam duh deuh tlangpui niin ka hria. Pu Vana : Inhan sawi takah chuan thil pawimawh tak tak an ni vek maia. Kan thlirlet kan tih rualin kan ngaihpawimawh lam kan sawi deuh niin a lang lek lek a, a pawi lem lo. Keipawh ngaihpawimawh deuh ka nei a, nikum lam aiin rorel kan thiam deuh niin a lang. Hun kan hmang rei lova, kan rorel a tawm zawk bawk a. Nakumah chuan kumin aiin Board hrang hrang ten an rorelna uluk takin lo thlirin, an thu passed te session puiah thlir thuaka pawm zung zung theih a nih chuan tun aiin a la fel anga,
7

ROHLU

CHHUT RAWH LE

ROHLU

kan awlsam bawk ang, hei hi uluk taka kan thlir erawh a ngai a ni. Pu Rova : Tun tuma kan rorelnaah ka lawm em emna chu kan rorel a thianghlima. Rorelnaa lam \ang nei leh mite tana ngaihthlah hrehawm tur \awngkam hmang kan awm lova, ka lawm hle a ni. Kohhran rorel a kal fuh chuan kohhran hmasawnna a ni a, a kal sual erawh chuan kohhran ti \huanawptu leh kohhran kehna thleng pawh thlen thei a nih avangin rorel hi \awng\aina hautak deuh nen kan hman a ngai reng a ni. Pu Tluanga : Aw le! vei zawng zawng leh ngaihpawimawh kan han sawi a\ang hian kan kal tawh dan leh kan hmabak tihtur a lang chiang viauin ka hria a. Kohhran a kal \hatna turin, rorel khawl a thianghlim a ngaia, sum pai enkawltu ten rinawm taka an enkawl a ngai a, mipui lamte pawh hian thuawihna leh taimakna nen mahni kova mawhphurhna awm te kan hlen a ngaive a ni.Chutianga mahni hna \heuh rinawm leh fel taka a kal \heuh chuan a infinkhawm chuan kohhran nghelnghet a siam ang. Aw le heng lo pawh Evangelism chungchang leh Mission chungchangte sawi tur a tama, inkhawmhona neih leh vat

Khawvel lam chanchin bu leh Kristian lam chanchin bu i hmuh theih ang ang te inchhiar zau la. TV leh Radio te enin ngaithla la. Tin, Bible-ah Mathaia bung 24 leh Luka 21 chhiar bawk la. A \ul i tih angin a dang pawh dap zau ang che. Nguntaka i ngaihtuah chuan khawvelin enge a hmachhawn tih pawh fiah takin i hmu thei ang. Heng a hnuaia kan tarlante hi Lal Isua lo kal lehna dawn huna thil awmdan tur leh khawvel tawp dawn a thil awm dan tur min hrilh te chu an ni. 1. Krista der. 2. Indo thu leh indo thu thang. 3. Hnam hrang leh hnam hrang an indo vang. 4. Ram hrang leh ram hrang an indo vang. 5. Hmun hrang hrangah \am te a tla ang. 6. Lirte a nghing ang. 7. Zawlnei der an lo chhuak ang. 8. Chanchin Tha hnam zawng zawnga hrilh a ni ang. Heng hi Mathaia bung 24:4-14 chhung ami lak chhuah a ni. I mita i hmuh te, i benga i hriat leh i tawn mek te ngaihtuah nawn rawh le. Lal Isua lo kal lehna ni leh khawvel tawpna ni tur hi Pathian chauh lo chuan tuman, vana vantirhkohte pawhin, Fapa pawhin a hre lo. Hemi avang hian Lal Isua hi a lo kal leh dawn lo tihna a ni lova, rinhleh tur pawh a ni hek lo. Nova damlai ang bawk kha mihring fapa lo kal lehna chu a ni ang. Chung ni tuilet hma te chuan Nova lawnga
9

ROHLU

ni thlengin an eiin an bar a, nupui pasal an innei \hin; tui a lo let a, an zaa a lakbo vek hma loh chuan engmah an hre lova; Mihring fapa lo kal lehna chu chutiang bawk a ni ang (Mat. 24:36-39) a ti a ni.Inringin ngaihven rawh u. Kumin 2012 hi Scientist-hoten Nibiru Arsi vakvai-in khawvel a sut chhiat rup theih hun tura an chhut chu a ni. Nibiru chanchin chu Television lamah chiang takin pho chhuah a nih tawh kha. He hun thin\hawng tak hian i hun a tibuai em? I zamin i khur hial em? Hetianga chhiat rup rupna lo thleng thei laka himna chu Isua a ni. Isua hi hlimna a ni, Isua hi lawmna a ni; Isua hi nunna a ni, Isua hi damna a ni. Pic. Farkawn Local Thar hotupa leh Pastor-te

KUM 2011 THLIRLETNA

ROHLU

Muslim khawvel a buai : Muslim ram a nghing nasa hle a. Mipui lungawi lo chuan Tunisian sawrkar an nam thlu a, kum 23 meuh ro a rel hnuin president Zine El Abidane Ben Ali chu Saudi Arabia-ah a tlan chhia a. Chutiang bawkin Egytian President Hosni Mubarak pawh mipui lungawi lo chuan bang turin an nawr a, tichuan Egypt ram rorelna chu sipai kuta hlanin a chhuah san leh a. Libya ram roreltu a vanglai nia, messiah anga an ngaih revolutionary leader Muammar Gaddafi duh lo pawl an hel a, Civil war a chhuak a, a tawpah UNO tanpuinain Gaddafi sawrkar chu paih thlak a ni a, Gaddafi pawh kah hlum a ni a. Al-Qaeda dintu leh hruaitu Osama bin Laden pawh Amareca sipaite chuan kum sawm chuang an zawn hnuin Pakistanah an that a. vawiin thlengin Afganistian a la buai reng a, Syria a buai bawk a ni. Hei hian sakhaw puithuna atthlak (fundamentalism) duh lohna leh mimal thuneihna (dictator) duh lohna a lantir a ni. Chutih rualin muslim sakhaw zuitute hian zawn an nei a ni tih a ti lang chiang hle. Super Power Thar : Hmasang atanga mi thiamten an lo hrilh lawk tawh angin mi lian muhil China chu a rawn tho ta a, tunah khawvelin Super Power pakhat ni lovin Super Power pahnih USA leh China a nei leh ta a ni. Tun hma Beijing leh Sanghai bicycle khawpui chu car man ta leh tha tak takin kawng a hnawh jam ta a ni. Hei hian khawvel hi a ngaiin a awm reng lo va, ram rethei te pawh an lo hausa ve a, hnam ropui tak a ni thei a ni tih kan mit hmuh ngeiah a tarlang a ni. India kal siam : India sawrkarin econamic liberalization policy a kalpui atangin kum 20 mual a liam ta, nasa takin kawng hrang hrangah, a bik takin software industry-ah a thang chho a. China hmasawn dan kan thlira, India thalai tam takin hmasawnna kawng daltu Ram hruaitute zinga Corruption tam
11

10

ROHLU theih tawpin sawrkar dinglai beih nan an hmanga, tunah chuan India hmasawnna kal pawh a ding leh ta chut mai le. Chhiatna rapthlak : Khawvela khawpui mawi Rio de Janeiro Brazil khawpui-ah chuan tuilian leh chirh leimin avangin mi 903 an thi a. Lirnghing na tak (A 9.1-magnitude) leh tuilian rapthlak (tsunami) avangin Japan ramah mi 15,822an thi a, mi 3,926 an awmna chin hriat loh an ni. Kawlphetha siam chhuahna (nuclear power plant) pali-te chu Tsunami in a ti chhia a, ni zung hlauhawm tak (radiation) a siam chhuak a, hei hian mihring nun nasa takin a tichhia a ni. Hei hian khawvel hnam fing leh ropuite pawh hian chhiatna rapthlak tak atangin an inveng him thei lo a ni tih a tilang chiang nawn leh a ni. Zoram khawvel : Tlang ram chhengchhe tak, mihring nuai sawm chauh awmna khawvel hi : a) Kristian ram a ni a, ram ralmuang tak (abode of peace) a ni a. b) Za zela sawmnga (50%) chu Biak Inah kan lawi a, Pathian ram thilpek a tha a, missionary rawngbawlna lamah kan la phur hle a, piangthar tamna ram a ni. c) Chak takin khawtlang nun a danglam mek. d) Danglamna chak tak karah hian mumal taka kal dan tur kawng kan la dap chhuak thiam lo. e) Retheihna leh mawlnain min la tuam reng a ni. f) Politic inthlanna ah kan chakna tur a nih phawt chuan eng thil pawh kan ti duh a, dawt sawi kan hreh lo va, belhchian dawl lo thutiam tam tak kan siam thin. g) NLUP kan buaipui viau a, sawrkar leh mipui kan dem ve ve a ni. h) Sixth Pay Commision Recommendation kan hmanga, NLUP kan kalpui bawk si a, chutih rualin tax system a mumal lova, revenue kan nei tlem bawk si a, sum indaih lohna a nasa hle a ni. i) Kohhrana thawktute meuh pawh (Govt. Aided kohhran school a thawktute an nuarin school an kal duh lo hial a ni, kohhrana thawktute nawrh vawi khatna a ni hial awm e. 12

Sermon

Indona

ROHLU

by Rev.Lallawmthanga, Leia indonna a awm hmain vanah indona a lo awm tawh a. Lucifar-a, Pathian siam vantirhkoh zingah pawh mawi chungchuang taka thuam chuan, a mawina chu chapo puiin a siamtu do nan a hmang a, sualah a tlu ta a Van indona-ah chuan Mikaela Pathian vantirhkoh chungnung ber leh a hote leh Lucifar-a leh a hote an indo a. Lucifar-a leh a ho te chuan an hneh ta lova leia paihthlakin an awm ta a ( Isai 12-17, Ezek 28:12-17, Job 1:10, Luka 10:18). Leia an paih thlak hnu chuan Lucifar-a chu; Setana, Diabola, Rulpuitar etc tih a lo ni ta a. Chuchu ringtute a chhun azana hektu a ni bawk a (Thup 12:7-9). Chuvangin kan chenna khawvel hi Setana leh a hote leh Pathian mi (ringtute) indona hmun (field) a ni a, chuvangin Kristian te hi infiamna khawvela awm kan ni lova indona khawvela awm mek kan ni tih hi a pawm awm em em a ni. He khawvela Kristian nun chu raldo reng nun a ni. Isua ringtute hi Krista sipai kan ni vek a, ral do lovin tumah kan awm thiang lo. Engtin nge kan ral do hi kan hneh theih ang? Kan hlimthla atana Pathian hnam thlan Israelte pawh kha an thlahtu Abrahama atangin hnam anga an awm theihna tura Jokoba leh a chhungte Aigupta rama an pema, sal an nihna ata Pathianin Mosia hmanga a hruaichhuah atanga Kanan ram an luh hma kha chuan ral an do kan hre tam lo hle a. Mahse ramtiam Kanan, khawizu leh hnutetui luanna Josua leh Kaleba hova an luh
13

hnu kha chuan raldo tur an hmachhawn reng a nih kha. Pathian thu ang zela ke an pen chuan indona-ah hnehna an chang thin a, a thu an hawisan chuan ral laka an tlawm a hnam dang salah an tang thin. Pathian thu an awi avanga Tu nge kan do anga , engte nge kan buan ang? Pathian khawngiahna avanga leh Thlarau thianghlim tanpuina zarah Isua Krista ringtu kan nih hnu chuan Krista sipai kan lo ni ve ta a, Pathian hmelma chu kan hmelma a lo ni ve thei ta a ni. Kan Lal Isua hnehtu Krista zarah Setana leh a hote ngamtu leh hnehtu kan lo ni ve thei ta a ni. Pathian chu fakin awm rawh se! Kan hmelma Setana leh a hote hi fing tak leh remhre takin an che thin a, a chang chuan Krista rawngbawltu tha tak angin an in lantir hial thin a ni (II Kor 11:13-14). Fing tak leh vervek taka che thin kan dote leh anmahni kan hneh theihna tur kawng Tirhkoh Paula chuan heti hian min hrilh a. Diabola ngamthlemnate chu in do zawh nan Pathian ralthuam famkimin inthuam rawh u. Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e(Eph 6:11-12). Kan do leh hneh tur thil dang kan hmuh leh chu tisa thiltihte tiin min hrilh a. Chung te chu;- inngaihna te, bawlhhlawhna te, hurna te, milem biakna te, dawithiamna te, huatna te, inhauna te, thikna te, thinurna te, inkhinna te, awm hranna te, rin hranna te, itsikna te, zu ruihna te, zu hmun hlimna te (Gal 5:19-21) a ti a. Chutiang thil tih hmangte chuan Pathian ram an chang lo vang, a ti hmiah mai a ni. Boruak mai hnek lova mahni inhnek a tul a ni.
14

ROHLU

Engtinnge kan dote hi kan hneh theih ang? Kan do te hi mahni chakna leh thiamna hmanga do hneh chi an ni lova, Pathian chakna hmang chauha hneh theih an ni. Kan Lal Isua pawhin keimah lovin engmah inti thei lo a ti si a. LALPA chakna chauh hi ringtu ten hnehna kan chan theihna kawng awm chhun a ni. He mi hrefiah lote tan ringtu nunah hnehna a awm thei lo. Kan buante hi tisa leh thisena awm an ni lova, an hnathawh dan pawh Pathian thu leh Thlarau Thianghlim thiltihtheihna hmang chauha hneh theih an ni. Engtinnge Pathian chakna kan hman theih ang? - Ringtu kan nih hmaa kan nuna Pathian Thlarau Thianghlim hnathawh dan hi hriatfiah harsa tak a ni a. Isua ring turin min pui thin a, mahse Pathian chakna hmang turin min pui thei rih lo. Chuvangin Pathian thu leh Thlarau Thianghlim thiltihtheihna hi kan pianthar hma chuan kan hmang thei lo. Krista nun neitu, mi piangthar nih a pawimawh hmasa ber a ni. Ringtu kan nih hnu-ah erawh Thlarau Thianghlimin chuan min tanpui a, min tichak a, min thlamuan a, min tithianghlim thin a ni. Hei hi ringtu ten Pathian chakna leh thiltihtheihna kan hman theihna hnar a ni. Thlarau Thianghlim-ah chauh lo chuan tuman Isua hi Lalpa a ni an ti thei lo. Chuvangin Thlarau Thianghlim tilawmtu kan nih chauh lo chuan Lal Isua chakna kan hmang tak tak thei lo. Thlarau Thianghlim thiltihtheihna leh Pathian ralthuam famkima kan inthuam zel chuan hnehna kan chang zel dawn a ni. Pathian ral thuam famkim kan inthuamna tur chu hengte hi an ni. Kawng thutaka hren, felna awmphaw hak, remna Chanchin Tha inbuatsaihna keah buna din, mi
15

ROHLU

ROHLU

sual thal alh thei zawng zawng tihmit thei rinna phaw lak, chhandamna lukhum leh Thlarau ngunhnam (Pathian Thu) lak, eng hunah pawh Thlaraua tawngtaina leh dilna tinreng mi thianghlim zawng zawng tan neih a thahnemngai taka ngaihven te an ni (Eph 6:14-18). Paula vekin Thlarauvah awm rawh u, tichuan tisa chakna chu in zawm dawn lo nia. Tisa hian Thlarau dona lam a chak thin, Thlarau pawhin tisa dona lam a chak bawk si thin; thil tih in tumte chu in tih theih loh nan chungte chu an inkalh a ni a ti a (Gal 5:17). Kan awmna tura ruatlawk Kristaa kan awm reng a, Pathian tilawmtu kan nih chauhin Pathian chakna hi kan hmang tak tak thei dawn a ni. Pathian tilawma A chakna hmangtu kan nih zel theihna tur chuan A Thlarau thianghlim min pek tivuitu, tilungngaitu kan nih loh a tul a. A lama rilru dik tak putute chunga a chakzia lantir turin LALPA mit chu khawvel zawng zawngah a leng ruai ruai thin a ni (II Chro 16:9) . Lalpan a thu malsawm rawh se, Amen. LOCAL THAR LAWMLUHNA NEI Champhai Circuit chhunga Local thar FARKAWN Local chu lawmluhna hun February ni 18 khan neih a ni. Hemi hunah hian District Hruaitute, Champhai kohhran zaipawl leh Champhai Circuit chhunga Local hrang hrang atangin kohhran mipui thahnem takin an hmanpui bawk Farkawn Local te hian dona leh sawiselna karah pawh khawhar lo leh chak taka rawng an bawl zel theinan kohhran mipuiten tawngtainaah i hre reng thin ang u.
16

ZOKHAWTHAR LOCAL-IN TIN JUBILEE LAWM

ROHLU

Zokhawthar Local hian Pathian malsawmna leh kaihhruaina dawngin Tin Jubilee an lo hmang ve leh ta reng mai. Tin Jubillee hmang thei tura hruaitu kan Pathian hming fakin awm rawh se. Zokhawthar Tin Jubilee lawm nan hian District Conference chuan Rs. 10000/- a pe, hei bakah hian Champhai Circuit leh an Local-in ropui taka lawm anih theih nan tan nasa takin an la a, tichuan February ni 10, 2012 khan ropui takin Ruai nen Jubilee hi lawm a ni ta a ni. Hemi hunah hian Champhai Kohhran Zaipawl ten thiam taka Pathian an fak ngaihthlak a ni bawk. Kohhran pawn lam mi, khawtlang hruaitute leh NGO hruaitute kim taka sawm an ni a, ral leh lam atang pawhin kohhran hruaituten an tawiawm tha hle niin thu kan dawng bawk. Zokhawthar Tin Jubillee hi kan DS Rev.C. Zalianthanga leh District hmeichhe bial fanga feh chhuak ten an hmanpui bawk. Jubilee lawmna hi February ni 12 sunday zan thleng Crusade a chhunzawm nghal a ni a, Speakerah Evan. Zoliankunga hman a ni. Kohhran mipuite leh Jubillee chhimtute an hlim tlanga, hlawkthlak an ti hle. Zokhawthar Tin Jubillee lawnaah hian Lalpa Zanriah Sacrament kilho a ni a, Naupang pahnih Baptisma chantir nghal a ni bawk.

17

ROHLU

Kum 2012 Kan lo chuang kai ta, eng tin nge ni zel ang le...

PATHIANIN I SUALNATE A HNEH THEI A NI J.W. Sermon Thlarau dana awm, chungril lam sual chambang la nei si, a thil tihna kawng engkimah sual bet la nei si, amaherawhchu, chung sualte tan chuan hmun kian bik si lote hi an tan thiam loh chantirna reng a awm tawh lo tih a ni ve tho ang em? I thinlung chu chutianga a la awm a, i pathian ngaihsak lohnate avang chuan in tilungngai duh suh. I chapona, mahni hma sialna, rin lohna, i thu sawi leh thil tih engkima bet tlat avanga amah anna, pathian ropuina chang zo lo i nih avang khan phunnawi duh hek suh. Nangmah i inhre chiang tluk bawka i thinlung chhung sualna zawng zawng hriat chiana awm tur chu hlau suh. A ni, pathian duh zawng chu hei hi a ni, nangmah i inngaihtuah dan tur aia sang chuan inngaihtuah suh. I tawngtai zel dan tur pawh heti hian ni rawh se:- Ka thlarauvin a tuar theih tur ang zelin, ka chhungril lam sual thukzia min hriattir la, chapona chhunga thuhruk tlat, rin lohna zawng zawng puang chhuak ang che. I tawngtai chhan a nih rualin i thinlung khuhna hawn a ni bawk ang; chutih hunah chuan engang rilru pu nge i nih tih a entir dawn che a ni. I rinna chu a tling ta lo tihna a ni lo tih hria ang che.Tlawm mai zawk rawh. Vaivutah thuin inngaitlawm ang che. Nangmah kha chu engmah lo, engmah lo aia te zawk lehhlutna reng neilo i nih hria ang che.Chutih hunah pawh chuan In thinlung mangang suh se, hlauh pawh hlau suhse.
19

ROHLU

Mihring thiam leh finna eng mah a nih lohzia kan hria a. Lal ropui tak, eng emaw hun lai chuan miten an duh em em leh an chawimawite pawh puan chhe hnangkhai anga hnawlin an awm leh thin a ni tih kum 2011 chhung hian kan hmu a. Hnam fing ropui tak pawh chhiatna rapthlak atangin an inveng him thei lo a ni tih kan hmu. Chuvangin:* Pathian lo chu rin tlak tak tak an awm lo. * Mihring finna leh hriatna hi a famkim lo. * Hun rei tak lalthutthlenga thut hi tun lai hunah chuan a theih tawh loh a ni. Hming chhiatna mai a ni. * Tun hma nena khaikhin chuan tuna kan dinhmun hi tha tawk hle mahse, lungawi lohna a hluar tial tial a, mihring duhawmna hian chin lem a nei lo a ni. * Kan hriat ang tawkah thudik innghahna kan mamawh hle a ni. * Hnam anga kan than loh chuan mimal hausakna leh hmasawnna hian awmzia a nei thui lo hle. * Hruaitute leh mipuite kan tanrual loh chuan hmasawnna tak tak a thleng dawn lo a ni. * Kan tanrual theih nan hruaitu rintlak kan mamawh

18

 Pa hnena min sawipuitu, Isua Krista mi fel chu kan nei a ni tih hi vuan nghet tlat zawk ang che. Lei aia van a sang zawk angin, ka sualte ai chuan a hmangaihna chu a sang zawk ti bawk ang che. Chutiang taka mi sual an nih inhria te chungah chuan pathian chui zahngai thei pathian a ni a sin! Chuvangin, pathian ngei chuan a hmangaih tawh che a! A fa i ni e! thil tha lo zawng zawng lakah chuan aveng ang che. Sual hlira khat taksa, nangmaha khen beh nihna nei tawh kha tihborala a awm tur chu a tha a ni lawm ni? Chutiang chuan tih ni ngei rawh se! Chutichuan, thlarau leh taksa bawlhhlawhna zawng zawng lakah tlen fai i ni tawh ang. Pathian hmangaihna thianghlim tak chauh lo chu i thinlungah engmah chambang a awm dawn tawh lo a ni. A lawmawm hle lo maw? Thlmuang takin awm mai rawh Lalpa i pathian chu i thinlung zawng zawngin, i thlarau zawng zawngin, i chakna zawng zawngin i hmangaih tur a ni. (Marka 12:30). Rinawmna chu a ta a ni a, a thutiam tawh chu a hlen zel ang. Sipaihote Lalpan a hlen chhuah hma loh chuan, dawh thei taka rinna thil tih chhunzawm zel, hmangaihna bawih nih bang lovin, lawm taka inremna neih, inngaihtlawm taka innghah hmiah mai zel, phunchiar

ROHLU

ROHLU KUM 2012 DISTRICT CONFERENCE ROREL TLUANG TAKA ZAWH A NI. January 18-25 khan kum 2012 District Conference rorel chu tluang taka zawh fel a ni a, Conference rorel kohhran tana hriattur pawimawh zual te a hnuaiah hian kan rawn tar lang e. 1.Kum 2012 chhunga Rohlu Editorial atan hengmite hi thlan an ni: Editor - Rev.Dr. Chalhnuna, Joint Editor - Upa Lalringliana News Editor - Lalthangzauva, PB.Hrangthana, TD.Zalawmpuia, Pro.Pastor Laldanmawia Cir. Manager - Pu Lalromawia Members - Rev. E. Lalzarlawma, Rev. C. Zalianthanga, Upa Rochharliana, Pastor Sapthangi. 2. Rawngbawltute awmna tur (post ) hetiang hian siam a ni: Rev. C Zalianthanga - Chanmari Rev. E. Lalzarlawma - Champhai Pastor sapthangi - Lawngtlai Pro. Pator Laldanmawia - Kolosib Pro.Pastor Sanghmingthanga - Zokhawthar April thla chhunga in sawm fel theih beisei a ni. 3. DWMYF(Thalai) in Missionary chawmna atan Kumkhat ah Rs. 7000/- a rawngbawl an inhuam. 4. DWMWA(Kohhran Hmeichhia) in Missionary chawmna atan thlakhat ah Rs. 4000/- a rawngbawl an inhuam.

20

21

ROHLU 5. DWMWA (Kohhran Hmeichhia) in 2012 Inkhawmpui neih an dilna chu phalsak an ni a, A hmun Edenthar Local, Aizawl A hun Ni 23-25th March 2012 Inkhawmpui Hawngtu Rev.C.Zalianthanga D.S Thupui Nangin min thlanglo, Kei man ka thlang zawk che u(Johana 15:16) 6. Circuit Naupang Sunday School Inkhawmpui neih a ni anga, a hun atan September ni 30, 2012 ruat a ni, a hmun chu Circuit Committee kutah dah a ni. Hetiang hian inkhawmpui neih a ni ang. Champhai Circuit a hranin, Aizawl Circuit, Kolasib leh Lunglei Mission Circuit an inkawp ang. Inkhawmpui senso tur hetiang hian ruahman sak an ni: Champhai Circuit - Rs. 10000/Aizawl, Kolasib, Lunglei - Rs.15000/Inkhawmpui thupui atan : Pathian chu hmangaihna a ni I Joh. 4:86 a ni ang. 7. Kum 2012 District hruaitu atan a hnuaia mite hi tlan an ni: District Superintendent - Rev. C. Zalianthanga Asst. Superintendent - Upa H. Vanlalvuana Secretary - Pu Thangchhunga Asst. Secretary - Upa Lalringliana Treasurer - Upa Vanlalruata Fin. Secretary - Office Worker Auditor te: Upa Thanghmasaa (conviner) Upa Zohmungsanga, Upa Rochharliana, Upa F. Lalpekruala, Upa Lalnun22 mawia

ROHLU 8. District WMYF 2012 hruaitu atana an thlante : Chairman Upa Lalnunmawia. Chanmari Vice Chairman Upa Rochharliana. Chanmari Secretary Tv.TD.Zalawmpuia. Chanmari Asst. Secretary Pu Lalthangliana. Chanmari Treasurer Pu Vanlalchhawna. Edenthar Fin. Secretary Pu C.Lallianmanga. Champhai Journal Secretary Tv.Lalthangzauva. Champhai 1) Pu Thangchhunga. (Conv.) Champhai 2) Pu PB.Hrangthana. Champhai 3) Pu Lalromawia. Chanmari 9. District WMWA (Kohhran Hmeichhia) 2012 hruaitu atana thlan tharte : Chairman Pi Lalramliani. Vice Chairman Pi Lalengpuii. Secretary Pi Zoramsangi. Asst. Secretary Pi Vanlalveni. Treasurer Pi Lalrinpuii. Fin.Secretary Pi Vanlalsawmi. Journal Secretary Pi Khuangi. Auditors Chanmari Champhai Chanmari Zokhawthar Chanmari Chanmari Champhai

23