ROHLU

JUNE 2012

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial

2012

ROHLU

Kum 6-na

June

1.Literature Week 2. Aw ringtu tunge hruai thin che 4. Khawliantlira Chanchin 5. Ziak leh Chhiar

-Rev.Dr.Chalhnuna -Hminga Pi

Editorial Board Editor Joint Editor News Editor : Rev. Dr. Chalhnuna. : Lalringliana. : Lalthangzauva. Pro. Pastor Laldanmawia PB.Hrangthana TD. Zalawmpuia : Lalromawia. : Rev. C. Zalianthanga Rochharliana. Pastor Sapthangi Rev.E.Lalzarlawma

3. Pathiana Minung Pathum leh Ringtu-Mr.Pee bee

Cir. Manager Members

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

6. My Mom Only Had One Eye 7. Local News 7. Lawmpuina HRIATTIRNA May ni 24,2012 khan Aizawl leh Kolasib leh Lunglei Joint Circuit Naupang Sunday School Inkhawmpui Committee chuan District Sunday School Union-in kum 2012 Circuit NPSS Inkhawmpui hun tura a lo ruat tawh September ni 30 chu July 27-29 ah sawn turin (an bial tan chauh) an dil a. Chu bakah inkhawmpui tanpuina District pek Rs.15000/- chu an daih dawn loh avangin sum dil belhna an nei bawk a. January thlaa District rorel tuna tihdanglam hi thil tha a ni vak lo va, sikul naupang chawlh denchhena dil an ni a, an dil takah chuan phalsak mai ni ta se. Sum chungchangah erawh chuan District Sunday School Union hian sum hranpa a la nei lo va, chuvangin District Admin. Board ngaihtuah chi a ni zawk ang. Kum lo kal lehah erawh chuan uluk taka ro rel tum tawh ila. Dil belh, hun sawn tih ang hi awm toh lo se a tha ang. June thla chhung hian District Admin. leh Sunday School Committee neih tur a ni a. Chutah chuan a chiang thei ang. District Office. Aizawl.
3

ROHLU Editorial : Kum chanve kan hmang leh ta mek a. Thal hun a liam a, Fur ruahtui tam hun kan thleng leh ta. Mihring leh rannung, thlai chi tin reng chawm nan Pathianin Van a\angin tui min pe a, lo neitute thlai pawh an lo thar leh ta. Kan \hatna turin Pathianin engkimin min thawhsak \hin tih hi a va dik tehlul em! Pathian chu fakin awm rawh se. Tun thla kan Editorial thupui atan Zir thiamna (Education) tih i hmang teh ang. May thla chhung khan High School (HSLC) leh Higher (HSSLC) result a chhuak a. Kan kohhran a\ang pawhin 20 laiin an passed a. District Office pawhin kan lawmpui tak meuh meuh a ni. Zirna sang zawk College lama zir mek pawh an awm nual a. Taima taka zir zel tur leh, nu leh pate beisei ang ngeia zir puitling turin kan fuih duh bawk a. Zirna kawngah hian kan kohhran rorelna Local Board a\ anga District thlengin kan muthlu deuh hlekin a lang a. Zirlaite fuih thuah te, an harsatna hriatpuia \anpuina ngaihtuah thu-ah te hma kan la lo hle a. Kum tawpa Thalai hovin Board Exam Passed lawmpuina an neih bak chu kohhranin kan zirlaite chungah engmah tih kan nei ngai lo niin a lang. Theih chu ni se, kan kohhran mi zirlai harsa bik an awm chuan kohhran hian tlem tlem talin \anpuina ngaihtuahsak thei ila. Tin, College zirlai phei hi chu, tam pawh an ni ngai lo va, kum khatah Rs.3000/- te hian \anpui thei ila a \ha ngawt ang. Dik tak chuan, ram leh hnamin hma sawn se kan tih chuan, tin, kohhran pawhin hma sawn ila kan tih chuan, chu mai a ni lo, chhungkuain hma sawn ila kan tih chuan, chu mai pawh chu a la ni mai lo; tu pawh hian hma kan sawn dawn chuan Zir thiamna tel lo chuan hma a sawn theih hauh loh a ni. Zir Thiamna chungchangah hian Nitin Skula kal mekte chauh bur bun lo ila, sikula kal tawh lo puitling tan pawh engkima hmasawn nan zir tur tam tak kan nei a. Kohhran zinga
4

ROHLU thawha rawng kan bawl nan pawh thiamna (education) hi a pawimawh a ni. Pathian pawhin Israel mite kaihruai turin Mosia a va buatsaih nasa em! Zau zawka chanchin \ha puang turin Tirhkoh Paula kha a va buatsaih nasa em! Amah Paula ngei pawhin Ka nu pum a\anga mi tihrangtu a ti hial a nih kha. An hun laia Zirna sang ber leh zirtirtu ropui ber Kamaliela hnuaia zir chhuak ngei kha Pathianin a hmang a nih kha. Kan theih tawkin, kan mamawh thil i zir zel ang u tiin kan infuih a ni e. Nasa zawka Lalpa rawng kan bawl theih nan.

LITERATURE WEEK
By Rev.Dr.Chalhnuna

Kumin 2012 District Conference rorelna No.48-ah chuan Ziak leh chhiarah hma kan sawn theih nan Literature Week hman ni se, kan ti a. A hun leh ni atan June 25-30 (ni ruk) ruat a ni. He thil rawt chhuaktu hi District Thalai nge, District Sunday School & Literature lam a\anga lo lut ka hre chiah lo va. Tute rawt pawh ni se Literature Week hman chu thil \ha a ni a. Kan Kohhran tan phei chuan thil \ul ngawih ngawih niin a lang. Thangthar Thalai Department hi hetiang lama mawhphurhna latu ni awm tak leh Ziak leh chhiar chungchangah pawh a buaipuitu tur leh anmahni ngei pawh inzir tur te an ni a. Chuvangin tunah pawh hian Local tina Wesleyan Methodist Youth Association Committee in Local Board hriatpuina hnuaiah he programme hi awm se \hain a rinawm. Chutichuan, June 25-30 (Ni 6 leh zan 6) hi a hlawk thei ang berin hman tum ni se. Tin, Kohhran Hmeichhia pawh hi Ziak leh Chhiar thiamna chungchangah a mamawhtu leh a buaipuitu tur pawimawh tak an ni bawk a. Chuvangin, he Literature Week hman dan turah mahni Local Board \heuhvin June ni 15 hmain hman dan tur 5 ngaihtuah \heuh ni se. A theih chuan Local lian deuhah chuan

ROHLU 1. Local chhunga ziak leh chhiar thiam lo, kum 50 hnuai lam engzat nge awm hriat chhuah vek ni se. Ziak leh chhiar zirtir dan ngaihtuah sak. Chhunah emaw zanah emaw. 2. Local chhunga ziak leh chhiar thiam tawh pawh- Tha zawk leh fiah fel zawka Bible te mipui hmaah kan chhiar theih nan chhiar dan inzirtir ni se. Chhunah emaw zanah emaw. 3. Lehkha thiam deuh tawh Pawl riat chunglam tan Thu ziak leh Mizo \awng ziak dan dik te inzirtirna neih ni bawk se. Chhunah emaw zanah emaw. 4. A chhunga kan sawi thil pathum zirtir turin mi remchang ruat \heuh zel ni se. Hengte hi Local Board-in ngaihtuah thei se, chu mi ruahmanna bawhzui turin Thalai leh Hmeichhe hruaitute pawh bang lo se. 5. Chhuna zirna nei thei te tan Local Board-in chhun thingpui etc. buatsaihsak ni se. 6. Local tinin kan Literature Week hman dan District Office-ah report theh luh vek ni se. Local Board Secretary-in emaw. 7. May Rohlu-ah khan Mr. Pee bee, Champhai khan Literature Week hmanna chi khat atan Article inziahsiak a rawt a. Thil \ha tak niin a lang a, mahse, hetiang kawnga hma latu tur kan la awm rih lo va, a rawtna hi kan han pawmpui mai a. Lawmman erawh thu dang ni se, tin, a thupui rawt kha thu hnih ni thei a ni a (Ziak leh chhiar); thu mal awlsam zawk NULA FEL CHU tih kan han thlang zawk e. Kut ziak a nih chuan Full scap thum, khawl chhut a nih chuan Full scap hnih aia tawi lo beisei a ni. He thil hi Office lamah endik a ni ang a, July ni 15 hmaa thehluh tur a ni. A endik na :- Thu phuah kalhmang, Mizo \awng kalhmang, Haw-

ROHLU Note: Mahni kut ngeia ziak chuan thu inangah Point a hmu sang ang. Khawla chhut a nih pawhin mahni chhut ni ngei se, a ziaktu ziak ang chiah chiaha chhut a nihzia hriatpuitu an awm chuan mi dang chhutsak pawh kan pawm thei ang. Tin, tuna kan Literature Week hman turah hian kan Thupui chu ZIAK LEH CHHIAR tih a ni a. Ziak zir chungchang ngawt pawh zir tham tak leh sawi tham tak a awm a. Chutiang bawkin chhiar chungchang pawh zir tur leh sawi tur tam tak a awm. Chutiang bawkin Chhiar chungchang pawh zir tur leh sawi tur tam tak a awm. Tunah Chhiar chungchang chauh tlem hansawi zui ta ila. 1. Lehkha chhiar pawimawhna : Methodist kohhran hruaitu hmasa ber John Wesley chuan Rawngbawltu \ha leh puitling ni tur chuan Lehkhabu chhiar mi (reader) a ni tur a ni, a ti \hin a. Mi ropui kan tih te, mi thiam kan tih te leh mi fing kan tih te hi mi chhiar zau leh chhiar tam an ni \hin. Zirna leh thiamna hi mihring puitlinga min siamtu a ni a. Welsh thufing 4 te hi i lo en teh ang:i) Zir lo chuan an hre lo. ii) Mi hre si lo, hre lo tih inhre si lo chu, mi-a a ni, kalsan rawh. iii) Mi hre si lo, hre lo tih inhria chu, Naupang a ni, zirtir rawh. iv) Mi hre si, hria tih pawh inhre si chu, Zawlnei a ni, amah chu zui rawh. Tichuan, thiamna bul, finna bul, remhriatna bul leh thiltihtheihna bul chu zir thiamna a ni. mi finga min siamtu, mi fela min siamtu leh zahawma min awmtirtu chu thui tak lehkha

ROHLU Mizo \awnga thusawi hi a har lo. Mizo \awnga ziak thiam taka chhiar erawh thil har tak a ni. Pulpit a\anga kan chhiar tam ber Bible chhiartute, Pastor leh Upate pawhin kan chhiar \ha tawk lo fo. A vang pahnih a awm a. pakhatnaah chuan kan chhiar lawk lo va, chu chu kan fimkhur loh vang a ni. Kan sawi tum tak chu a pahnihna hi a ni a. Chu chu Mizo \awng hrim hrim hi chhiar dik hleih theih a ni lo. A vang chu horop kan nei tlem a, chu bakah kan \awng hi horopa innghat a nih bakah a thluka innghat (tone language) an tih chi hi a ni a. In hre thiam em? BAN tih ngawt pawh hi chi 4,5 lai a awm thei. A thlukin awmzia a siam \hin. Chuvangin, thiam taka mipui hmaa chhiar tur chuan lo practice (chhiar lawk) a ngai fo. Tin, kan aw pawh chi hnih chi thuma kan buatsaih a ngai bawk. Lehkha a ri-a kan chhiar dawn chuan fiah taka kan chhiar theih nan kan lei leh ka kan veng fimkhur tur a ni. Ri fiah tak, ring tawka chhiar turin inbuatsaih theih tak a ni. Lehkha chhiar thiam chuan ngaihsan a hlawh a mipui hmaa nawi taka Bible chhiartu chuan Pathian thu ropuina a tizahawm lo va, amah pawh in mite ngaihsan a hlawh lo thei. Thuhriltu turin nawi deuhva Bible changte a chhiar chuan a thusawi ngaithla turten amaha an beiseina a bo thei. Chuvangin mipui hmaa Bible chang emaw kan chhiar hi rawngbawlna pawimawh tak a ni a. Kan chhiar that loh chuan mite beiseina kan tikhawlo \hin tih hriain Lehkha chhiar i zir nasa ang u. 2. Chhinchhiahna Punctuation hman thiam a ngai : Lehkha kan chhiar reng rengin, eng \awng pawh ni se, thu tluantling, tawngkam sei lutuk chhiar hahthlak tur te ven nan Chhinchhiahna Punctuation hman zel a ni a. Chutiang chu hmang thiam ila, zah ila, kan chhiar \ha fo vang. Chhinchhiahna lar leh pawimawh zualte chu: i) , Hei hi Kawma (Coma) a ni a. Chawlhna rei lo ber a ni. 8 entirna: Tin, Zakaia chu a ding a, Lalpa hnenah chuan,

ROHLU ii) ; Hei hi Semi colon a ni a. Coma aia rei hret chawlhna tur a ni. Tawngkam awmze nei chinah dan \hin a ni. iii) : Hei hi Colon a ni a. Chawlh chungchangah chuan Full stop tluk a ni a. Chawlhna chhinchhiahna a ni chiah lo va, thu ziak kalhmang daidantu a ni ber. Entirna: Tichuan, ka sawi tur chu heti hian \hen ila: a), b), c). iv) ? Hei hi zawhna chhinchhiahna a ni. v) ! Hei hi Makna kan ti mai a. Thil mak, thu mak, thil ropui, mite thin ti-\hawng thei chhinchhiahna a ni. vi) . Hei hi Tawpna (Full-stop) a ni a. Tawngkam tling tihtawpna a ni. Chawlh hun chhung rei ber a ni. vii) Hei hi Invarted comma a ni a. Mi dangte thusawi chhinchhiahna a ni. Eg. Lalan, Naktukah ka lo kal ang a ti. Mite thusawi kan chhiar dawnin kan aw ki pawh tihsan a \ha. An thu uar tum ang zelin. viii) ( ) Hei hi Bracket a ni a. Lehkha ziaka thu belhchhah kual khungna a ni. Bracket, kual khung chhunga thu an chhiar hian an awm ri an tizawi hret \hin. Lehkha engpawh kan chhiarin, mite ngaihthlak tura chhiar kan nih chuan kan chhiar rang lutuk tur a ni lo va, tin, chawl lo leka thu kan chhiar inzawm put a nih chuan ngaihthlak a hrehawm bakah hriat tak tak theih a ni \hin lo. Chuvangin, chutiang ven nan Chhinchhiahnate hi siam an ni a.Chhinchhiahna hi zah ila, muang lutuk lo, rang lituk lovin kan chhiar thei ang. Hengte hi kumina kan Literature Week buatsaih nana ka thawh theih ni phawt mai teh se. Kan sawi leh kan ziak te zir nghal (practice) nan he Bible chang hi han hmang teh le: Tin, Zakaia chu a ding a, Lalpa hnenah chuan, Ngai teh, Lalpa, ka sum zatve pachhiate hnenah ka pe ang a; tin, tu lakah pawh thil engpawh lo hlepru ila, a leh liin ka rul leh ang, a ti a. (L.19:8-).
9

ROHLU Aw! Ringtu, tunge hruai \hin che? by Hminga Pi Changthlan -Rom 8:14 Khawvel mihringte hian hruaitu kan nei \heuh \hin a. Min hruaitu erawh an inang vek lo thei a ni. Khawtlang, ram leh hnam hruaituten mipui an kaihruai \hin a. An tum ber leh an duhnate chu ram mipuite ei leh in an lo hnianghnara, an thlamuana, tuma tihbuai loha hmasawnna \ha len zel hi an tum a ni \hin. Khawvela kan chen chhungin thil hlu tak a ni. Mihringte hi kan rilru ngaihtuahna hian min tiche in min tikal \hin a. Miin In a sak chuan a in sakah a rilru a awm lian bera, chu chuan a \ul apiang thawk tur leh a hna thawh zel turin a ti kal \hin a. Chutiang bawk sumdawngtute, lo neitute leh kawng dang danga eizawnna neitute hi kan hna leh kan thil ruahman hian a \ulna hmun apiangah min ti kal \hin. Pathian mite, miropui leh a mi hman \angkai tak takte pawh tisa thil, duhamna leh ch^kna sualin a hruai peng ve fo \hin. Pathian mi hman a mite chunga rorel tura a thlan leh hriak thih dawng ngei, a hun chhungin Israelte an thlamuangin ei leh inah pawh an hniang hnara, an ramte a zauva, an \ henawm ramte pawhin an hlauh leh ngaih ropui em em a ni a. Amaherawhchu, tisaa a dina, khawvel tukverh an dak chhuah meuh chuan tisa thil hruaikawitu a nei maia, Pathian ngaiha tualthah leh uire hial a lo thlen ta a ni. Pathian hruaia a awm chuan amah hmanga Pathianin a mite a kaihhruai dan te kan enin a ropui hle a. A tisa duh dan in a kaihhruai chuan thil rapthlak tak a thleng ta a ni. Awle! kan chang thlanah khian lut ta ila. Pathian Thlarau hruaia awm apiangte chu Pathian fate a ni a ti a. Naupang chu a nu leh a paten an hruai \hin a. Chutiangin Pathianin a fate chu min hruai \hin. Kan chak lohnaah chakna thar min pe a,
10

ROHLU

Hetianga Pathian Thlarau Thianghlimin min hruai mek laia, kan tisa thinlungin min la peng leh mai \hin hi a ni ringtu nuna thil buaithlak tak chu ni. Thil \ha tih kan tum laiin sualin min lo lambuna tlukna chhe te te kan dawng leh \hin a. Kan tlukna chu thilhote anga lang, mahse a tawpa thil rapthlak tak nisi a ni a. Chuvangin, van khua leh tui nihna changtu, a thlarau kaihhruaina changtu kan nia, kan chhandamna atan ni lovin chhandam kan nih avangin, roluahtu tur kan nih avangin kan nun danah Pathian fate awm anga awm a ngai a ni. Pathian fate hlei hlei hian sual lam kawng zawh turin kan hman hlel emaw tih mai turin kan awm \hin. Kan inngaihtuah chian a va pawimawh dawn em! Krista Isua a nunna thlarau dan chuan sualna leh thihna dan ata min tichhuak tawh a. Chuvangin he khawvel dan anga awm lovin thlarau Thianghlim, keimahnia thawk \hintu kaihhruaina ang zela awm a va pawimawh em! Tunlai keini Thutak fa inti te pawh hian i inngaihtuah chiang teh ang u. Thlarau Thianghlim chuan thatchhe tur leh sual turin min hruai lo. A hrehawmah pawh chhel taka tuar turin, harsa leh retheih thlak deuh pawh ama hming avang chuan lawm taka tuar turin min duh a ni. I inngaihtuah chiang ang u- Inkhawm kan peih lo te, thilpek leh \awng\aia kan dawngdahte, ringtu awm dan tur a ni ngai lo. Thlarau Thianghlim hruaia kan awm chuan tisa chakna sual tinreng bawihah kan tang tawh lova, amah nen nitin

11

ROHLU PATHIANA MI NUNG PATHUM LEH RINGTU Rev.Dr.Chalhnuna Kan hnung thla May ni 27 kha Thlarau Thianghlim lo thlen ni (Penticost) Pathianni a ni a. Kohhran tam tak chuan June ni 3 hi Pathiana Mi Nung Pathum (trinity) Sunday atan an hmang \hin a. Wesleyan Methodist kohhran pawh hi chutianga hmang \hin kan ni. Kumin hian, tun hma pawhin, heng ni pawimawhte hi duh angin kan hmang \ha tawk \hin lo va a pawi hle. Thawktute tlin lohna a ni a, min hriat thiam kan dil nghal bawk e. Theih ni se, heng ni pawimawh atan hian Programme siam ila, local lian leh te deuh tan pawh programme inang hmang ila a \ha tur hi a ni a. Kum lo kal leh turah chuan Literature lam hna a tlem deuh tawh ang a, buatsaih theih ngei pawh tum ila. Kan Thupuiah khian Pathiana Minung Pathum leh Ringtu kan ti a. Chu mi awmzia chu hei hi a ni : (i) Kristian inti zingah, kohhran pawl \hen khat Trinity ringlo an awm a. Kohhran tam ber leh Kristian tam ber erawh chuan Pathiana Minung Pathum (trinity) hi kan ring a. Kan thurin innghahna pawimawh ber a ni. Kawng lehlamah chuan, hetia ni pawimawh tana Programme kan siam loh pawh hian, kohhran puitling ve thawkhat-ah kan inngai tawh a, kan upate leh kan thuhriltute hian Sermon Thupui atan an hman thiam ve tawh kan ring bawk a ni. Trinity pawmtute kan ni si a. (ii) Pathiana Minung Pathum leh Ringtu kan tih awmze pahnihna atan ringtu mimal nun nena kan inkungkaihna lam thu lo sawi ila. Hei tak hi Thupuia kan thlan chhan ber pawh a ni. Pathiana Minung Pathum PUMKHAT ni si kan nei hi Kristian sakhaw thurin chhuanawmna ber a ni a. Keini ringtu mimal tan pawh Pathian Mizia kan hriat chianna bul leh, rinna
12

ROHLU 1. Pa Pathian: Pa Pathian chu thil engkim siamtu leh enkawltu, roreltu hmanngaihnaa khat a ni a. Khawvel pum tlan nan a Fapa neih chhun min pe. He Pathian Pa ber hi ringtute Pa a ni. Hetiang Pa kan neih avangin Pa Pathian chu fakin awm rawh se! 2. Fapa (Isua) Pathian : Fapa Isua, Pa Pathianin khawvela a tirh leh a pek chhan ber chu mi sualte chhandamna thawhsak turin a ni a. Chu chu Pa thupek ang zelin a hlen chhuak vek a. A nunna chu kan nun nan Kraws-ah a hlan a. Ama felna, thianghlimna leh \hatna chu kan sualte aiah, thiam kan chan theih nan min pe ta a ni. Isua chu khawvel Chhandamtu a ni. Amah chu ka Lalpa leh Chhandamtu atan ka rin avangin Pa Pathianin a fapa leh a fanu atan min pawm thei ta a ni. Min chhandamtu Isua Krista hming chu fakin awm rawh se! 3. Tinungtu Thlarau Thianghlim Pathian : Mihring tupawh mai hi, hnam fing a ni emaw, hnam mawl kan ni emaw, mahni ngawt chuan Pathian ngaihsakna leh a lam hawi theihna kan nei hauh lo va, mahse Pathian hmangaihna avangin, kan chhia leh \ha hriatna hmangin, Thlarau Thianghlim Pathian chuan englai pawhin Pathian lam hawi turin min bei a. Hmuh theih leh hmuh theih loh kan ngaihtuahna hmangin kan hnenah thu a sawi reng a. Thlarau Thianghlim chuan Isua Krista min kawhhmuh a, a thu min zirtir a, ring thei turin min pui a, keimahniah Isua Krista chu a piantir a, emaw, Isua Krista-ah min piantir a, kan lal leh chhandamtu atan kan lo pawm ta a ni. Pathian lam min hawitirtu leh Isua min rintirtu hi Thlarau Thianghlim Pathian a ni. Tinungtu Thlarau Thianghlim Pathian chu fakin awm rawh se! Tichuan, heti hian Pathiana Minung Pathum (Trinity) chu kan sawi hrang diat diat a, chu chuan kan rilru leh kan rinna pawh a tifiah hle a ni. Sakhaw dang betuten Vanah Pathian a awm an ti ngawt ai chuan Kristian-te Pathian chu a hriatchian
13

ROHLU Mihringin kan hriat theih ngei nan Mihringah, Isua Kristaa a inpuanna hi a fiah em em a ni. Isua Kristah chuan Pa hmel, Pa rilru, Pa hmangaihna kan hmu a. Chu pawh chu mihring rilru leh hriatna pangngaiin a hre thei lo va, Thlarau Thianghlimin min hriattir chauhvin kan hre thei a ni. Vawiin thlengin Thlarau Thianghlim chu ringtute zirtirtu pawimawh ber a ni zel a. Fapa Isua Krista pawhin tun thlengin rum sawi hleih theih lohvin min \awng\aisak zel bawk a. Kan tihve tur erawh Pathian fak leh chawimawi a ni a. A duhzawnga awm tur leh a ram tana thawk turin kan za hian min sawm a ni e. Lalpa tan thawk ila, Lalpa tan i nung an u. Kan thawh rimna a thlawn dawn si lo. Lalpa chu fakin awm rawh se. Vawikhat khawng dangin i han sawi leh teh ang: Kan Pathian pakhat, minung pathum, pumkhat Pathian chanchin leh amah avanga kan chanchin te kan sawi zo ta a. Hengte Pathiana minung pathum chungah hian lawmthu kan sawi ngai em? Pa Pathian chungah lawmthu kan sawi ngai em? Pa Pathian kan fakin kan chawimawi ngai em? Fapa Isua Krista, min chhandamtu chu kan fakin kan chawimawi ngawi em? A nih loh leh Thlarau Thianghlim Pathian, min tipiangthartu leh tun thlenga min kaihruaia min tichaktu hnenah lawmthu kan sawi ngai em? Chhanna chu mimal mawhphurhna a ni. Kan tan hian an va \angkai hlawm em! Tun thlengin, vawiin thleng hian engkimah, kawng tin rengin kan \hatna turinin min thawhsak reng a ni. Chutichuan, Pa leh Fapa leh Thlarau

ROHLU KHAWLIANTLIRA CHANCHIN (Chhunzawmna) A inlarna hmuh : Lawihmuna a awm lai hian Kohhranah a kul a taiah a \ang a. Burma ram Tiau ralah thu hrilin a han kal a. Thu hrila a kal haw hnu Inrinni zan inkhawmah an Upa chuan, naktuk chawhnu inkhawmah ramtima a kal chanchin leh a inhmeh zawng Pathian thu te sawi turin Tliran hun a hmang ang tiin a puang a. Tichuan,March 3,1913 Pathianni chawhnu inkhawmah chuan pulpitah thusawi turin a ding ta a. Riangvaite leh hausate u, raah \hain rah rawh u, tih hla a han thlang a. A hla thlan an sak lai chuan a ding thei ta lo va, a mit a meng thei lo bawk a. A han men leh chuan, Phaizawl zau tak, \iauphovah hian saphai lian em em a hmu ta a. A lan dan chu In tia zet niin a hria a. A ang huau mai bawk a. A ka chhungah chuan Kohhranho hi an lo inkhawm a, tui takin an lo zai a. Bible leh hla bute an lo sep sup sup mai a, nuam an ti em em hian a hmu ta a ni. An inkhawmna chu rul kawchhung a ni tih a han hriat chuan a hlau ta em em a. Tul chuan a ka a chip chuan a lem a ni mai dawn si a. Pathian fapa a lo kal hunah chauh lo chuan a ka a ang leh duh dawn si lo tih a hriat chuan, mite chu a khawngaih ta em em a. Chu veleh chuan muhil \hangharh ang mai hian a hrah tain a inhria a. A hla thlan chang tawp ber chu a sa ve leh ta a ni. Hla an sak zawh chuan, Unaute u, ka ram thim fanna leh Pathian thu inhmeh zawngte sawi tura tih ka ni a. Mahse, kan hla sak lai khan thlarauva zelin ka awm a. Thlarau mita mentirin ka awm avangin ka thil hmuh chu sawi lo thei ka ni lo, tiin a thil hmuh chu a sawi ta a ni.
15

14

ROHLU ban mai a nia ka duh, a han ti a. A \hut hmain pakhat a lo ding a. Ani chuan, Kei chu Lal \awng\aina sawia inhup pawh ka ngam lo, ti hian i chhuak vek mai ang u, a rawn ti ve a. Chu veleh mipui chu an ding huk a, an chhuak ta a ni! Chuta \ang chuan Tlira chuan zan tin inlarna ropui leh mak pui pui a hmu ta a ni. Inlarna hmuhtirtu chuan heti hian a hrilh, Ka thil hmuhtir che hi Pathian thu a ni a, i ziak tur a ni, tiin. Chu thu chu a nupuia nu\a Hanga a hrilh a. Ani chuan, I hnena thusawitu hi ramhuai a ni ang, ziak duh suh, a ti a. Hun engemaw ti chen a u Hanga thu awih chuan a ziak lo va. Mahse, zantin mai inlarna ropui leh rapthlak tak tak a hmu reng mai si a. A hmuhtirtu lah chuan a ziah loh chuan i tan a \ha lo vang a ti bawk si nen, a mangang ta hle mai a. Chawlhkar thum lai ziak lova a awm hnu chuan, Hanga chuan inlarna rapthlak tak mai a hmu ve ta a. Chuta \ang chuan Hanga pawh chuan a ziah chu a remtihpui ve ta a ni. A lehkhabu ziak : Tichuan, March 23,1913 a\ang chuan a thil hmuhte chu a ziak ta a. A thil hmuh leh hriatte a ziak lai hian ziak hmasak tur leh hnuhnun tur thlengin a hmuhtirtu hian a hrilh zel \hin a. Hetih lai hian hna a thawk mumal hlei thei lo va. Chaw lah a ei thei hek lo. Chuvangin, a cher em em mai a ni. Natna erawh chu a nei hran lo. Heng a thil hmuhte hi a tam ber chu in lama a ziah a ni a. Thenkhat erawh chu daiah te a ziak nual bawk. Tichuan, kum thum leh a chanve lai a thil hmuhte ziahna hun atan a hmang a. A thil hmuhte chu hlawm thumah a \hen a. A lehkhabu kawmah chuan heti hian a ziak a. 1. Sakawlh lal Manna 2. Van thar bu 3. Veilam kel khaw runtu tiin. Heng lehkhabuah te hian

ZIAK LEH CHHIAR

ROHLU

By: Mr.Pee Bee, Champhai

THUHMAHRUAI: Mizoram chhunga kan kohhran rorelna sangber, District Conference vawi 19-na rorel no. 48nain a tarlan angin, ni 25 30,June 2012 hapta khat chhung hi Literature week a ni a. He article pawh hi Literature week pual liau liaua ka serhhran a ni a, chhiartu zawng zawngten hlawkpui vek thei i la aw? Mahse, kei lungmawl ve tak, miril pawh ni lo hian, tu lairil chu nge ka luahkhah ve theih ang ni..? A enga pawh chu ni se, kei hian ka hlawkpui phawt a, midang pawn inhlawkpui ka beisei. Chuvangin, ziak leh chhiarah hma kan sawn zel theihnan kohhran member zawng zawngten tih tur kan nei. MIMAL CHIBAI BUKNA: June ni khat, kum 1951 leh 1958, a hringnuna hmang tangkaitu, kan chanchinbu Editor zahawm tak; Rev.Dr.Chalhnuna duhsakna chibai ka buk. Rawngbawlna pawimawh tak tak chelh chunga ziak leh chhiara a taimakna a fakawm hle. E taka! Pu Hnuna hian Dt.1.6.1951 niah a kawppui awm mi, Biate khua nula fel tak Pi Biaki chu nupuiah a nei a, Kum 1958 June ni khat khan Pastor hna a tan bawk a ni. Chuvangin, a tan chuan June thla hi a pawimawh reng tawh ang. Heng zawng zawng ka hriat ve theihna chhan chu, Pu Hnuna hian a chanchinte sawi maiah duh tawk lovin ziakin a dah tha thlap a, kei a fate pawh rual pha lo, a tute rual lek hian ka lo hre ve thei ta a ni. Kan thudangalai chuan, Article ka ziak ve tawhnaah chuan ka hming hi Mr.Pee Bee tiin ka chhukai thin a, Rohlu May thla issue-ah khan ka hming dik tak ziak lang tura Editor kamliam a awm a, a zahawm khawp mai. Ka hming dik tak chu PB.Hrangthana a nia, he chanchinbu News Editor zinga pakhat ka ni ve nghe nghe.
17

16

ROHLU

ZIAK: Hruaitu ropui Mosia khan Aigupta sal a ta, Israel fate a hruaichhuahlai khan; an awmdan tur Thu sawm pek kha sawi maiah duh tawk lovin, Pathianin Lung phekah a ziak ngat a nih kha! Tin, Lung phkte chu PATHIAN kutchhuak a ni a, tin, a ziakte pawh chu PATHIAN ziak ngei, lung phkte chunga ziak a ni(Exo. 32:16). Kan Lal Isuan, hmelma tenawm ber Setana; a beih let dan pawh kha tih ziak a ni tih a ni lawm ni? Mi thianghlim Tirhkoh Paula pawhin, Kohhran leh unaute hnenah thu ziak (lehkha) a thawn taima hle a. Kristian mi ropui Tertuliana, AD 195 chholai vela Rom sawrkar laka ringtute thlamuantu, zirtirna dik lo hnial thluk tumna leh Kristian zirtirna dik chawisan tumna; ziaka rawngbawl hna thawktu hi a entawn tlak hle. Kan District Chairman Rev.C.Zalianthanga pawhin, Senior department zirlai bu hnihnaah Ziaka rawngbawlna tih thupuia hmangin naupangte tan zirtur tha tak a buatsaih thei hi a chhuanawm tak zet a ni. Aw le, unau duhtak; Nang leh kei hian, sawi mai duh tawk lovin ziak ngeiin thu dah i tum ang hmiang. Eng vangin maw..? Tawngkaa thusawi chu a danglam thei a, kan theihnghilh thei a ni. Hun a lo rei deuh phei chuan sawi chhawn mai maite a nih thin avangin a thu a tidanglam thei a, hriat dan a dang thei bawk. Ziaka a awm chuan a thu a ngai renga, tihdanglam theih a ni lo. A ngai renga a awm avangin a tlo bik a ni. Committee minute leh Journal record velte pawh ziak ngeia vawn a nih avangin a hlutna kan hrethiam mai em? Bible pawh hi ziaka an dahthat avang leh a pawimawhna hre chiangtuber Pathian a nih tlat avangin kan nei thei chauh a nih hi. Kan
18

tawngka chhuak zawng zawng hi ziakin dah that sen a ni lo va, amaherawhchu thil pawimawh chin tal hi chu ziak ngeia vawn that theih ni hram se aw..? CHHIAR: A ziak lamah thiamna kan nei vak lo a ni mai thei? Mi ziaksa tal hi chu kan chhiar thiam ve em ang a. Chuvangin, lehkha chhiar hrim hrim hi kan taimak theih chuan kan va hlawkpui dawn em! Bible chhiar te, Rorel tawhna minute chhiar leh chanchinbu chhiar te hi kan tuichilh a pawimawh hle a. Lehkha chhiar hi savings bank account-a pawisa dah nen a inang khawp mai. Kan pawisa dahin pung a nei chhawng zel angin lehkha chhiar hlawkna pawh hian pung tam tak a nei chhawng zel thin. Nimahsela, lehkha chhiar hlawkna chu a dang daih thung; a hlawkna leh a pungte chu hmang chhuak hiau hiau mah ila hman bang lam khan a kiam phah miah lo nia mawle..! Thufingin Chhiar tam hi finna a tih hi nang leh keia tan pawh a dik thei tih hre thar lehin kan chhiar hram hram zel a hun ta khawp mai.

ROHLU

TLANG KAWMNA: Pathian hmangaihna leh a thuawih a hlawkzia te changtu kan lo nih theih nan Bible chhiar leh, kan chanchinbu Rohlu hi a lo hlut zel theih nan; thu chhuah tur sermon te, Testimony te leh Article te ziakin thawhkhawm hram hram zel ang u. Nang leh keiin kan ngaihpawimawh loh chuan tu in nge ngai pawimawh

19

MY MOM ONLY HAD ONE EYE Jona Pa Ka nu hi mit khing del a ni a. Ka huain ka zahpui thin ngei mai. Mite zinga min ti hrilhhaitu a ni fo thin. Ka kalna skul-ah chaw chhumin a inhlawh thin a. Classroom a min tlawh tura a lo kal hmasak ni berte khn aww..!..ka va zak tak em!.. en pawh ka lo en tha duhlo..ka classmate pakhatin, E he..i nu chuan mit pakhat chauh a nei a ni maw..? tiin hmusit takin min tawngkhum lehnghal a. Chutiang ang nu han neih chu tiin keimah leh keimah te hi ka inhua a, ka nu pawh chu dam reng turin ka duh hlawl lo. Eng emaw chang phei chuan,Engvangin nge mi nuih mai mai tura min siam? Thi vat la a tha ang. tiin kamchhe tleuh nan tak ka hmang fo thin a ni. Ka nu chuan engtin mah min chhang ngailo. Kei lahin ka thinurna leh lungnihlohna chu tuibur hmuamda chhung lek pawh ka mangngilh duh thung lo. In chu chhuahsan hlan ka nghakhlel em em a, lehkha zir zawh vat a, nupui fanaute neih vea in-dan vat tumin lehkha ka zir ta sauh sauh a. Hunte lo liamin lehkha ka zirzo ve ta a. In ka lei a, nupui te neiin chu ka in tharah chuan ka nupui fanaute nen hlim takin kan chengho a, kei pawh chuan nuam ka tiin ka hlim nangiang mai. Nikhat chu rin loh tak maiin kum rei tak ka hmuh tawh loh ka nu khan kei a fapa, a monu leh a tute hmuh chkin a lo kal nawlh mai a. Kawngkaa a din lai chuan ka fate/a tute chuan la hmu ngai hek lo..an lo nuihzat khawp mai a. Kei chuan thinrim takin,Ngahnge ka fate tihthaih tura i lo kal? Chhuak leh vat rawh. ka lo ti tuarh a. Ani chuan dam diai hian,E..a ni maw..a va pawi ve..address diklo min pe a nih dawn chu tiin a kal ta a. Ka thaw huai a.
20

ROHLU

ROHLU A hnu thla tam vaklo liam hnu chuan nikhat chu School Reunion/Class Reunion tur chungchang lehkha ka dawng a. Kan nu hnenah chuan sumdawnna lam thila kal tur anga insawiin ka chhuak ta a. Reunion prog. kan hman zawh chuan kan piah lawka in chhete ding chu ka va pan a, a bul hnai thenawm ami te chuan a thih tawh thu min lo hrilh a. Ka mittui far khat pawh a tla lo. Ka ta tura a hnutchhiah, a lehkhaziah min lo pe a..ka hawnga kan en chuan ti hian a lo inziak a: Ka hmangaih ka fapa, Engtiklai mah hian ka theihnghilh ngailo che. Kan inhmuh hnuhnun ber ni a i fate ka tithlabar erawh kha chu pawi ka ti takzet a ni. Reunion naah ilo kal tih kha hriatin ka lawm a. Mahse hmu tur che a khum atanga tho turin ka sakruangah laitha reng a zm mawlh tawh silo. Kha lehchen i zahna thlentu ka ni thin kha pawi ka ti em em bawk a ni.Mahse hei hi lo ngaithla la..naupangt i nih lai khan i chetsualna lamah i mit khing lehlam i tichhe palh hlauh mai a. Tichuan, i nu ka nih angin ka fapa kumkhuaa mit khing del a ni tur chu ngaingam lovin ka mit khing lehlam hi ka pe ta che a ni. Chutianga keimah avanga ka fapain mit thar nena khawvel thar i hmachhawn ni a ka thinlung lawmzia kha aww... ka chhuang takzet che a sin. Ka hmangaihna zawng zawng i hnenah, I nu. (He thu tawite hi Thungaihnawm huang atanga lak a ni a,

21

ROHLU LOCAL NEWS : * Champhai Local chuan tunlai hian Biak In sak ngawrh takin an kalpui mek. Tarlan thin tawh angin Champhai Local hian kumin chhungah Biak In hi sak zawh hman ngei tumin tan an la mek a, kohhranhote an tanrualin biak in saa hnatlang pawh an thahnem thei hle. Champhai Local te hi tunhnai May leh June tha tir lam khan Pathianin rawngbawlpui tur duhawm tak tak chhungkaw 4 a pek belh a, kohhranhote an lawm hle. * Champhai Circuit-in an circuit chhunga rawngbawlna nei tura an rawih mek Evan. Laltlanthanga chuan tunlai hian rawngbawlna ngawrh takin Local hrang hrangah a nei mek zela chhimtuten hlawkthlak an ti thei hle. * June 14 Nilaithawhtan khian Champhai Circuit chhunga Committee peng hrang hrangten kum chanve rorelna an nei dawn * Zokhawthar Pastor Quarter chu tunhnai mai khan thawmthat ngai laite thawmthat a ni. Kohhranhoten hnatlangin Pastor quarter chelbawl hna hi an thawk a ni. * Aizawl Circuit leh Kolasib Circuit NPSS Department chu July ni 27-29 chhunga inkhawmpui an neih turah theihtawpin an inpuahchah meka, thu leh hla intiahsiakna an neih turte an zir ngawrh tawh hle. * June ni 29 hian District Admin. Board chuan kum chanve rorel a nei dawn. * DWMYF pawhin June 28 zan dar 7:00 hian kum chanve rorelna a nei dawn bawk a ni. * Lawngtlai Pastor Quarter chei that a ni a, kar hnih chhung Upa te leh Thalaiten hnatlangin an thawk a, Bathroom leh a kawt lung te rem that a ni. * June 12 khan Lunglei Mission Circuit chuan kum
22

LAWMPUINA
Kumina HSLC leh HSSLC Exam pass thar te: HSLC 1 Div.
st

ROHLU

Ngurthanmawii Jenny Lalrindiki Lalthlamuani Lalrintluanga

d/o C.Tlangthana Aizawl d/o Mangkaithanga Aizawl 3rd d/o Vanlalchhawna Aizawl 1st s/o Upa Thanghmasaa Aizawl 1st

Div. Div. Div. Div. Div. Div.

David Lalrammawia s/o Thangzawna Aizawl 1st Div. Lalbiakzauva s/o Hrangmanliana Aizawl 1st Lalhmingmawii Zosiamliani d/o Lalhnehliana Champhai 2nd d/o C. Lalkianruala Champhai 2nd

(Letter in 4 subject)

Lalramchuana s/o Vanlalhruaia Aizawl. Lalramhlua s/o Vanlalzika Champhai Distinction

Div.

HSSLC Ramdinthari

d/o Upa Runrosiama Aizawl 2nd d/o Sawicheuva Aizawl s/o Upa Lalnunzira Cpi 2nd Div. s/o Ngurchuhvela Aizawl.
23

Lalmuanthangi Lalramdina Laltlangmawia 2nd Div.