Buka jo itu foto yang mo edit di photoshop. Kalo ini ada pake ti Vita pe Foto.. model dia.

Kalo suka mo pangge ba foto langsung kontek jo langsung noh p dia. Mar cari sandiri depe nomor hp. Hahahhaa.

Oke langsung jo ka TKP.

Langkah 1 Duplikat depe foto. Deng cara tekan Ctrl+J di keyboard. Kalo nyanda mangarti deng duplikat, kase dobol dang dpe foto jadi ada dua itu foto :D Jadi dua toh depe gambar ?? kalo sudah lanjut torang ka step berikut.

Langkah 2 Ini torang somo ba poles depe muka deng cara ba Masking. Di photoshop torang pake Quick Mask Mode. Atau tekan Q Jo di keybord. Napa depe gambar lo Quick Mask Mode.

Baru itu pilih Brush Tool di Toolbox samping kiri. Itu depe gambar disablah ada to ??

Langkah 3 Abis pilih brush tool, torang somo masking depe muka. Depe cara torang goso deng brush depe muka. Mar inga, Cuma bagian pipi, testa, idong, deng talinga yang torang mo goso. Karna bagian mata, bibir, rambut, deng alis itu yang harus kase timbul ato kase tajam. Jadi nyanda usah goso itu. Kase biar saja. Kalo so sudah ta masking samua, baru tekan Q Jadi ta seleksi samua toh ? supaya Cuma yg torang masking yg ta seleksi torang langsung jo ka langkah berikutnya.

Langkah 4 Torang pilih Select > Inverse. Itu depe pilihan ada di toolbox atas. Lia bae bae ada tulisan SELECT disitu.. :D jadi yang tadinya ta seleksi samua, skarang Cuma bagian yg torang masking yang ta seleksi setelah torang pilih select > Inverse.

Langkah 5 Abis ta seleksi samua, torang simpan itu depe hasil seleksi deng cara bale ulang ka menu Select > Save Selection. Baru simpan deng nama Wajah. Baru klik OK.

Langkah 6 Torang maso ka menu Filter > Blur > Gausian Blur . baru atur depe radius 7.0 pixel. Atau terserah noh mo kase brapa dpe radius, tergantung selera . Baru klik OKney. baru Ctrl+D mo se ilang itu tanda seleksi.

Sudah noh. So klar ini ba make over pa ti vita.