ANG PAMILYANG WATI

Dunay usa ka pamilya sa wati nga nawadan ug amahan kay naligsan mitungod kay nangita kini ug pagkaon ug migawas sa yuta. Duna silay duha ka anak, puros lalaki, si Sidro ug si Abel. Ilang inahan nagngalan ug Maria. Sobra ka strikta ang ilang mama kanila kay mahadlok siya nga mawala ang iyang mga anak sama sa nahitabo sa iyang bana. Usa ka adlaw, gikapoy si Sidro ug puyo sa ilang panimalay ilalom sa yuta. Sige siyag tanaw sa ubang wati nga sigeg gawas ug suroysuroy uban ang ilang mga kaduwa. Iyang gisuwayan ug pag pananghid sa iyang mama kun pwede ba siyang mugawas ug makig dula sa iyang mga amigog amiga. Miana siya, Ma,

pwede ko mugawas? Sige nalang ta dire sa balay,gikapoy nako, gusto ko makigdula sama nila. Mitubag iyang mama, Ayaw dong! Wa ka ba masayod sa nahitabo sa imung amahan? Dili ko gusto nga mahitabo usab ninyo ang nahitabo sa inyong amahan. Pero ma, wa ka maluoy namo? Sige nalang mig puyo dire sa balay, maypa sila sige nalang ug gawas, dula dinhi, dula didto. Wa pa gyud mi kasuway nga nakadula og balik sukad ato nga panghitabo ni papa, pugos ni Sidro. Mga anak, paminaw lang gud mo nako kay ako ang nakahibaw, maunsa pa lang nya mo didto, tubag ni maria. Sa kalagot ni Sidro, miadto siya sa iyang higdaanan ug gipanglambos ang mga butang.

Hapit na ang tag-uwan nya nangita na daan ug makaon ang ilang inahan para naa na silay makaon sa pag-abot sa ulan. Miana si Sidro sa iyang kaugalingon, Nawala na si mama, pwede nako mugawas sa panimalay. Nakita ni Abel ang padulong sa paggawas sa iyang kuya sa kanilang panimalay paadto sa ibabaw sa yuta. Dali-dali niyang gipugngan ang iyang kuya, Kuya, ayaw ug gawas, kasaban ka unya ni mama. Kadyot ra bitaw ko Abel, mubalik ra dayon ko, mutan-aw ra ko unsa kanindot sa itaas tubag ni Sidro. Ug sa dihang walay mabuhat si Abel, migawas na ang iyang kuya paadto sa itaas.

Sa dihang nakagawas na si Sidro sa ilang panimalay, nalipay siya sa nakita niyang kanindot sa itaas sa yuta. Nisuroy-suroy siya. Tungod sa kalipay na nasinati niya, wala niya nabantayan nga hinay-hinay na siya ug palayo sa ilaha. Miingon siya, Kanindot ba diri sa gawas uy, karon pa jud ko nakabalik ug ari. Nilabay ang pipila ka mga oras, nakasinati siya ug kainit na nakapag pauga sa iyang panit, Kainit ba uy, uga na kaayo akong panit. Mukalot unta siya sa yuta para mauli sa ilaha pero naglisod siya ug kalot tungod kay asplato na ang iyang gikamangan . Kinahanglan na nako mangita ug tubig para mabugnawan ko, ingon ni Sidro.

Sa dihang nangita siya ug tubig , milabang siya sa pikas. Wala siya kabutyag nga sa iyang paglabang, naay dako nga trak ang padulong. Ahhhhh!!!!!!! Tabang!!!!!!!!, syagit ni Sidro. Nasayod sad ni Sidro nga sayup ang iyang gibuhat, ug kahibaw siya nga wa na jud siya paglaom na mabuhi mahitungod sa kadugay sa iyang pagkamang na gipun-an pa sa gikapoy niyang kalawasan ug sa kadako sa ligid sa trak na nahitungod ug hapit na maduol sa iyaha, mao nga kini nalang ang iyang nasulti sa iyang kaugalingon, Ma, Abel, pasayloa ko, sakto ang inyong gisulti, wala unta ko migawas sa atong panimalay, dili unta ni mahitabo. Pagkasulti niya ani, naligsan, napisat, ug namatay na jud siya.

Sa ilang panimalay, Si Abel gikulbaan na ug maayo kay busa wa pa hing abot ang iyang kuya sukad ganiha nga migawas kini. Asa na kaha si kuya karon? Nganu wala pa man kini siya miuli? ang pangutana ni Abel sa kaugalingon. Ug sa dihang miabot ang ilang mama, nakita usab sa iyang mama ang kulba sa nawong ni Abel. Abel, ngano man ka? Ngano ing-ana man ang imung panagway? pangutana ni Maria kay Abel? Nigawas man siya ma, paglakaw nimo. Akong gipugngan si kuya nga di mugawas pero nipugos jud siya ug hing sulti nga mubalik ra daw siya dayun. Ganina pa man siya migawas ug hangtud karon wala pa siya miuli ari sa atua ma. Ha??? Ganiha ra siya migawas? Oo ma,

ganiha ra jud.kalit lang gani ko gikulbaan ma. Diyos ko! Tabangi mi, wala untay mahitabo nga dili maayo kang Sidro, kahilakong sulti sa mama. Tungod ana, migawas si Maria para pangitaon si Sidro kauban si Abel. Ma, asa ta padung? pangutana ni Abel. Bisan asa basta makit-an lang nato ang imung kuya nak tubag pud sa iyang mama. Nihilom si Abel ug musunod lang sa iyang mama. Sa ilang pagpangita kay Sidro, may nakita sila nga usa ka wati tunga sa aspaltong kalsada. Ma, tanawa! Naay naligsan! siyagit ni Abel. Asa man dong??? kulbaan na pangutana sa iyang mama. Maayo unta ma nga dili na si kuya.

Dili jud na mamahimong si Sidro..DILI JUD! suway sa iyang mama. Miduol sila sa wating napisat. Sa ilang pagduol, nihilak si Maria kalit kay iyang nakitan nga si Sidro ang maong naligsan ug napisat. Siiiiidrroooo??!!!!, naghilak ug siyagit sa mama. Kuya Sidro! ang nasulti sad ni Abel ug gisumpayan Sala man ni nako ma, kung wala lang jud naku siya gipasagdan nga mugawas, dili unta ni mahitabo! hinulsong sulti ni Abel. Abel, ayaw basula ang imung kaugalingon . Wala kay sala. Imung kuya man ang nipugos ug wa gaminaw sa akong mga pahinundom.

Mao to, wala na silay nabuhat ug ginaampo na lamang na maayo unta na bisag asa si Sidro karon.NALIPAY SIYA.

MORAL LESSON: Kitang mga bata, maminaw gayud ta sa atung mga ginikanan kay sila mismo ang nasayod sa panghitabo sa atong lisod nga kinabuhi.

TO GOD BE THE GLORY!

NINA:
VERIEL QUIDATO CHERYL MAE POLO NICOLA MARIE AMOIN GERWAYNE MAE CHUA RALPH NIO PATALINGHUG ARNCLAUDE CHRISTEVEN LECERA FELLBERT BERDIN ARNEL JAY FLORES JURILYN PADICA