P. 1
BMA Aw: 28th January 2007

BMA Aw: 28th January 2007

|Views: 87|Likes:
Dipublikasikan oleh bangaloremizo

More info:

Published by: bangaloremizo on Aug 18, 2009
Hak Cipta:Attribution Non-commercial

Availability:

Read on Scribd mobile: iPhone, iPad and Android.
download as PDF, TXT or read online from Scribd
See more
See less

08/09/2011

pdf

text

original

Editor: Madawnga Hauhnar Joint Editor: K. Laltlankima Circulation Managers: Lalhriatpuii Margareth L.

Fanai

Email: bmanews@gmail.com Phone: 988627194 / 9844721375 Website: www.bangaloremizo.info Aman: Rs 15 p/m

An Official Organ Of The Bangalore Mizo Association. Regd. Under Societies Act Of Karnataka No. 415/85-86 Dated February 20, 1986

Vol. XII

Issue No. 3

Bangalore Mizo Association Pathianni Chhuak Chanchinbu ‘ HUAI’APIANG HI AN ‘ LO AT A’

28 January 2007

th

- Samuel Lalrozama H. (Sammy)

America rama research an neih pakhatah chuan risk la tam apiang te hi an hlim zawk tlat mai tih thu Times of India newspaper-ah an rawn chhuah ka hmuh chuan, ‘ dik awm mange aw!’ tiin ka ngaihtuah vang vang a. Risk la tur chuan mi huaisen a leh tum ruh nih a ngai ve tlat ani. ‘ huai’ kan tih ang chi deuh hi nih a ngai ani. Risk lak chuan thil thar tawnna boruak hlimawm At taka chenna in min khuh a, hlawhtlinna in a zui phei chuan mahni inrin tawkna leh phur taka kal zel chakna a chawk thova, hlutna riau neia inhriat thar lehna a thlen thei a, chu chu hlimna nasa takin a zui thin; nun a ti nuam sawt thei ani. Hlawhchham palh tak pawhin, huai taka tuar ngamna boruakah chen a awl bik. Tum zeta hlawhchham chu, tum miahloh ai chuan a hlawk zawk reng reng, tin, mi ngamloh han tih chu a hlu ve hranpa riau ani . Tv-ah fear factor tih te kan hmu fova, boruak sang tak takah te an inkhai a, khawmual kaikuang te a nung chungin an inhmuam hnem siak a, sum tam tak hlawh turin mi pangngai tih ngamloh an ti a, mi pawhin kan ngaisng thin ani. Mitin tan hian risk lakna tur hi kan nitin nunah thil ho te teah tam tak a awm thei. Kum riat kalta khan State level Martial arts tournament, pui tham lutuk lem lo a awm dawn tih chu ka lo hre ve a, kar khat vel chu inpuahchahna hun ka nei a, a ruk tak chuan ka inring tawk lo viau mai, mi tam takin thla khat vel an lo inpuahchah tawh a. Tin, tellohna chhan tur tha deuh mai pakhat ka nei a, chu chu ka ngal dinglam hi kar khat kalta vela kan accident na, a pem lian khawp mai a, ka tihrawl vel chu a na hle a, ka bai deuh hial a ni. Ka ke hman thiam lam chu ka hmang theilo ani ta ber mai . Mahse lehkha zir hi ka ngaih pawimawh em vangin tournament-te hi ka khel ve hman ngai lova, tel ve chu ka chak ve ngawih ngawih a ni. Tichuan tumah pawh hrilh lem lo chuan ka hming ka pe lut ve ta tawp a, risk chu ka la ve ta ni, Pathian zarah serious takin ka inhliam belh em lovang chu, ka ti a. A ni chu a lo thleng ta a, hmun hrang hrang atangin an rawn kal khawm a, ka uniform neih ang ang chuan ka inthuam ve a, Bathroom-ah ka lut a, Pathian hnenah ka inhlan a, ka chhuak leh chu kan khel tan ta mai a. Vannneihthlak takin kan weight categoryah chuan mi an lo tlem hlauh a, pali chauh hi kan lo ni a, semi-final chu a ni nghal ta reng mai. Risk ka lo la chu ka ti fuh tan khawp mai. Mahse kan han in bei chu ka ngal chu a thi nasa khawp mai a, ka kekawr te chu a rawn huh tlang a, puan them hian ka tuam ve tawp mai a, ‘ va atthlak ve’ a entu thenkhat chuan an lo ti hial a, beiseina a bo duh angreng khawp mai. Ka tum ber chu knock out a lova a tawp thlenga din chu ani ta mai. Chet pawh chu a harsa thin khawp, a tawp lamah chuan ka luah hian a rawn ri chawrh a, ka lu a hai tep a, ka ke na lutuk bawk nen ka inthial ruh chu na tuar hmel ni lova inti pachang hmela lantir ka tum a, in surrender-nan a towel var rawn vawm luh tir chu ka rilruah a lang lo hrim hrim. Tichuan dar chu titawp turin a rawn ri ta nge nge, lawm takin ka chhuak ta a, point-ah ka hnehlo tih chu ka inhre sa a. Silver medal chu ka dawng ve a, ka medal ka lak ve vawikhatna a ni a, ka lawm khawp mai. Hlimna nasa tak min pe a, chu medal te reuh te chuan, martial arts zir zawm zel chakna thar min pe bawk ani, vawiin nia International payer hial ka lo nih tak hnu pawh hian, ka ngal ser hi ka hmuh chang apiangin ka medal lak hmasak ber tum kha ka hrechhuak fo thin a, vawiina he ka dinhmun min thlentu hi a ni ve tlat ani, Thil thar tam tak tawn tur hi zirna kawngah leh hnathawhnaah te kan nei fo thin, interview leh exam pek tur te pawh aniang, Pathian hminga huai taka risk lak ve tawp mai hi kawng sual ber a lo ni lo fo, mahse ‘ huai’ satliah hi chu nih i tum lovang u. at Mahhni ngaihin intifing lo ila , Amah i rawn zel ang u (Thuf 3:7-8 ang deuh khan). Pawl 11 kan zir lai pawh khan Engineering coaching institute pakhatin IIT mock test a huaihawtah chuan entry fee Rs.500 lai pe in ka va exam risk ve tawp a. Thlakhat hnuah chuan result a chhuak a, Delhi region-ah chuan top 30-ah ka lang ve tlat mai, exam pe an tam lutuk lo ani tih chu a hriat a, mahse chu rank chuan lehkha zirna kawngah phurna thar min pe a. Pawl 12–ah chuan mi tam takin a an lo chawlhsan tak Medical leh Engineering subject lak kawp chu ka chhunzawm zel a, literature(English) lamah hian ka tuiin tih that ka duh bawk sia, zir nasat a ngai khawp mai, mahse ka ‘ huai’ chhoh zel a, final result a lo chhuak ta nge nge a, CBSE board chu 1st ah ka pass ve a, English at subject-ah chuan letter te ka hmu ve hial a. Kan rin Pathian pakhat dik tak hi a lo nung takzet a, risk lak a ‘ huai’ hi phurna thar at min pe fo tu ani tih ka hmu chhuak thar leh ngawih ngawih ani. Chuvangchuan risk lakna chance kan nei hlauh anih chuan hawisan lo ila, huai takin i bei zel ang u, hlimna min petu a ni thei ani tih hi i theihnghilh lovang u, kawng engkima min hruaitu chung Pathian kan hnenah a awm bawk a, engkimah Pathin rawn chungin i ti zel ang u . ‘ huai’ nazawng hi ‘ a’ kan nilo ania… At mi (Sammy-a, article i rawn thawh thin avangin kan lawm tak zet mai – Ed)

KEIMAHNI

## Nimin January 27, Inrinni khan BMA Executive Committee, President Pu K. Lalrokima inah neih a ni a. Registration tih nun tur
umzuizel dan turte, dan ennawn chungchangte, BMA website chungchang te, Korean nena football inkhelh chungchang te, jersey neih chungchang te rel a ni. Dan ennawn chungchangah hian Pu Lalrokhuma Pachuau (Convener), Pi Dr. Lalrinawmi Ralte leh James CVL Thafamkima te ruat an ni bawk.

## Mysore lama kan member te pawhin Mysore Mizo t-shirt an siamtir a. Chu chu peihfel a ni tawh a. Remchang hmasa berah an tshirt thar release function neih an tum. He an t-shirt hi Bangalore lama siam a ni.

## Kan lawmpui e. BMA Senior Adviser leh BMCF Vice President ni bawk, Rev. Dr. F. Hrangkhuma chu thlaruk vel Acting Principal a lo chelh tawh hnuah 19th January atang khan kum 2008 March thleng atan South Asia Institute of Advanced Christian Studies (SAIACS) Principal atan dah fel a ni ta. Principal thar zawng tur hian Search Committee din nghal ani a, September 2007-a appoint tura ruahman a ni. Principal thar tur hian Rev. Dr. Hrangkhuma kaihhruaina hnuaiah a thawk rih phawt dawn a ni. Rev. Dr. Hangkhuma hi Principal atan kum lamah upa (overage) tawh ani a, hetia Principal hial a lo ni leh thei ta hi Pathian malsawmna takzet a ni. Tluang taka a hna a kalpui zel theih nan I tawngtaipui theuh ang u
BMCF INKHAWM PROGRAM

A Hun: 4th February 2007, 3:00pm Hruaitu: Rev. Lalhmingchhuanga Jongte Tantu: Tv Rosangliana Chhangte Thawhlawm Hlantu: Tawngtairual Special Number: Tv Darliansanga Thuhriltu: Pi Lalmuankimi Changvawn: “Isua Krista chu niminah nen, vawiinah nen, kumkhua pawhin a pangngaiin a awm fo vang.” Hebrai 13:8

EDITORIAL

Mizo te hi hmasawnna kawngah kan chakin thil thar han lak mai te hi kan thanlen hma na kawng tak a ni a. Engemaw kawng zawng tak chuan a tha hle mai. Technology lamah te hian kan rilru in rual a awt a, a awhna avangin nasa takin min ti thang a ni. Kan mizia tlangpuia bet reng thil tam tak zinga tlem te, khawvela mipakhat kan nih ve zia hriatna kan neilo hi. Hei hi hrechiang ila chu mi tihdan entawn ringawt a khawsak te, mahni tih theih ngei pawh tihve thin loh na min pe te hi a reh ngei ang. Thil, miin an uar avanga uar ve kher hi a tul ber emaw ni le!? Zirna lam nise mahnia awm tel thiamna lampang a kal aiin midang tih ang tih duhna kan nei a. Ze nghet chet chawt kan nei silo. Heng ang thil hi a thatlohna a tam tlat mai. Zuk leh hmuam mawlh mai pawh hi, tih theih zawng zawng kan ti. Sahdah, gutkha, pan parag, thingpui thleng hian, Indian tam tak chuan ‘mirethei, eitur nei thalote inhnangfakna a ni e’ tih hi an pawm tlat a sin.

Ngaihdam dilna
Pathianni hmasaa BMA AW chhuak kha power supply neih loh leh Bangalore east lama buaina a chhuah avang khan Xerox tha kan hmu thei lo a, copy tam tak a in cut a awm nual a, pawi kan ti hle. Tin, vawiinah engemaw rokhawlhna avangin DAWN TISEI kan rawn tichhuak thei lo bawk a, heng zawng zawngah hian chhiartute ngaihdamna kan ngen e.

Inkhel turu
Zirtawpni khan Republic Day football match turu lutuk Sawtilam FC leh Hetilam FC ten inkhelhna tur field an hmuh zawh tawh ngang loh hnu ah tlai dar 3:30 khan Shantinagar field ah an khel. A tirah Jeevanahalli ground ah khelh an tum a, tournament an lo nei a, Shantinagar lam an pan ta ani. Vai naupang criket khelin hnawk an ti hle a, anni pawhin hnawk an ti hle bawk. Mahse tumah an inhau lo. Khelh hun chhung an siam lo, mahse goal 3 a luh hunah halftime, goal 6 ah game over tiin thu an siam. Robert te, Rka te, Zaite te, Zorema te, vai naupang cricket khel karah ball an khalh kawi ziai ziai mai chu… a entu lam pawh an hawisawn nasa thei hle. Sawtilam FC hi FC Kan Veng, UVCE leh Shalom FC atang tein an ni a, Hetilam FC te chu Josephites, Wisdom leh Koramangala te an ni. Pakua ve vein an inkhel a, bench ah 1 ve ve an nei. Entu mipui pakhat an nei bawk. A chang chuan bench ah 3 te an lo awm a, a chang leh 1 chauh te.. An pet goal an pet goal a, a tawpah score zat an hre lo. Goalkeeper an tam hle a. A tawp lamah phei chuan a eng zawk team ah nge an khelh zawk hriat theih loh an tam lutuk. A nuam an ti hle mai a. An han khel zo chiah chu ground chhungah aiin ground pawnah players an lo tam zawk nia.

MIZORAM CHANCHINTHAR $$ Federation of Mizoram Govt. Employees & Workers (FMGE&W) chuan Central Pay Commission recommend anga 50% DA existing-a behtir (emerge) tura an dil chu January thla chhung sorkar nghah an tum. FMGE&E Executive meeting chuan chu an thil dil chu Mizoram sorkar hnathawk tan tihhlawhtlinsak turin Chief Minister hnenah a lo thlen tawh a, an thil dil hi January thla chhunga tihhlawhtlinsak anih loh chuan February thla tirah extended council meeting kovin, hma lak zel dan tur rel ni se, an ti. Sorkar hnathawk leh an chhungte damlo, damdawiin-a admit kher lo pawh Doctor enkawl ngai si te senso MR bill phalsak turin FMGE&W chuan sorkar an lo ngen tawh bawk a. He an thil dil pawh hi January thla chhung ngeia remtihsak turin sorkar an phut bawk a ni. $$ Sunhluchhip khaw V/C, YMA leh Zirlai Pawlte chuan January 24 khan an khuaa zirna beihpui thlakna chi khat atan education campaign an buatsaih a, he hun hi khawtlangin awmni khamin an hmang a ni. He hun hi Aizawl district SSA DPC Pu Robert Romawia Royte leh Aizawl North SDEO Pu Lalramthianghlima bakah, Darlawn BRC-a thawktuten an hmanpui. He hunah hian zirna chungchanga sorkarin SSA hmanga a hmalakna hrang hrang te, nu leh pa leh NGO-te mawhphurhnate inzirtirin sawihona hun an hmang. Sunhluchhip zirlai pawlte chuan an khuaa zirlai tithate hnenah chawimawina an hlan bawk. - Courtesy Vanglaini $$ Ningani, January ni 25 khan Central YMA Executive committee te chu an thukhawm a. An thurel tam tak zingah sorkarin Aieng chi a lei turah Central YMA tanpuia a sawmna chu pawmin, theihtawp chhuaha puih nise a ti. Tin, Mizoram Peoples Forum (MPF) hnenah pawh Rs 50,000 thawh ve a remti bawk. $$ Aizawl Doordarshan Kendra chu January ni 26 atang khan digitalize a ni ta. Hetiang ang hi Northeast ah chuan Guwahati tih lohah a hmasaber a ni.

$$ Mizorama taxi intlanchhawk tura tih chu Governor MM Lakhera leh Transport Commissioner Pu RK Thanga-te'n February ni 1 hian ennawn leh tur ani tih an sawi. ZTDA hian Ningani khan black day neih an tum a, chu pawh chu an thulh ta a ni. $$ Aizawl Development Authority chu Nilaini khan an Chairman ni bawk Pu Zoramthanga inah an thukhawm. Aizawl khawpui master plan te, zonal development plan te, inrelbawlna tur dan leh dun fel tak neih a pawimawh thute leh an hmalak mekna te an thlir ho.

SPORTS $$ FA Cup 4th round khelh mek a ni a. Nizanah Manchester United leh Portsmouth an inkhel. Manchester United chu 2-1 in an chak. An chakna goal hnih te hi Rooney pet goal ve ve a ni. Zanin dar 7:20pm ah Chelsea leh Nottingham Forest te an inkhel ang a. Dar 9:30pm ah Arsenal leh Bolton an inkhel bawk ang. $$ Thawhlehni 30th January zan dar 1 a EPL inkhel turte: Arsenal vs Manchester City, Westham United vs Liverpool, Bolton vs Charlton, Portsmouth vs Middlesbrough, Reading vs Wigan te leh Shefield United vs Fulham te an ni. Nilaini 31st January zan dar 1 a EPL inkhel turte: Chelsea vs Blackburn, Everton vs Tottenham, Manchester United vs Watford te leh New Castle United vs Aston Villa te an ni. $$ Zirtawpni khan Ronaldo chuan AC Milan tan medical test a nei ta. $$ Spanish League lamah, tukin zing dar 2:15 khan Villareal leh Real Madrid te an inkhel a, Villareal te 1-0 in an chak a ni. Real Madrid hi tunah 3-na niin point 38 an hmu. Barcelona te chu pakhatna niin 39 points an hmu thung a ni. $$ Australian Open hmeichhe final ah Serena Williams leh Maria Sharapova te chu an inkhel a, Serena Williams chu 6-1, 6-2 in a chak. Williams hi unseeded a ni a, tunah 14th ah a kai chho ta a ni. Vawiinah mipa final Gonzalez leh Roger Federer ten an khel mek. Dar 1:30pm vel atang khan match an tan a ni. $$ Nimina Chennai a West Indies leh India ten ODI an khelhah West Indies te chu 3 wickets in an chak. He one day series hi India in 2-1 in hma an la hruai.

Spy Camera %% The Three Amigos, Pu Muankima, Pu Zira leh Pu Josiah te chu tukin zing dar 1 khan an zawngtah mission beiin an feh chhuak. Tun tum ah hian chimpanzee style an hmang tih thu kan dawng. An mission hi a hlawhtling hle a. An chet tlatna hnu hma hi a pe hun a ni awm e. %% Vawksa rep Guwahati atanga Bangalore thleng chhe miah lo a rawn ken thlak dan thuruk ka hria a lawm. - James, Shantinagar %% BMA inkhelh a awm dawn hi chuan player pawimawh ka nihzia hi ka hrechhuak thin. – The Bold Thanghminga %% Muanpui, Power Rangers ho an lo kal kha Garuda Mall ah, nuam ang chu aw vawiin tlai chu!! Kal ve ila. – Zualtea

Vol. XII

Issue No. 3

Bangalore Mizo Association Pathianni Chhuak Chanchinbu HMANGAIHNA KA LA NA NA NA… (Thalaite pual)

21 January 2007

st

- Samuel Lalrozama H. (Sammy)

Nulat tlangval hriat chhoh tan tirh vel hi chuan tupawh mai hian hmangaih neih hi kan chak ber pawl a ni awm e. Saptawnga ‘ love you’ tih hi a awl khawp mai. Mahse mizo tawnga han leh chuan a ril raih mai, ‘ hmangaih che’ han tih thlawt mai chu a I ka rapthlak fu ani. Chik takin kan chhungril hi han inen theuh ila, mahni chhungte, zem khat zenpui ngei mai te hi kan hmangaih ber te anni a, midang hmelhriat ngai miah loh han hmangaih hi chu har deuh mai ania, mahse tupawh hian kan mamawhin kan chak ber ani si, hmangaihtu neih hi. Chuvang chuan hmangaihna hi hriatthiam a ngai a, mi tam takin kan hrethiam lo fo; inngainatna, ‘ infatuation’an tih ang deuh hi a awm thei. Kawppui, min duhtu tak tak neih hi thil lawmawm ber ani a, moral support tha tak min petu an ni thei, mahse mi zawng zawngina kan zawn – hmangaihna hi chu kan hmu lo fo thin. ‘ theih tawpin ka duh ve a’ te kan ti thin. Induhna hi Ka inhmangaihna a nilo, kan duh chhan chu kan ngaihsan vang emaw tha kan tih vang emaw te a ni thei. Mi tam takin ‘ hmangaih kan deuh neih ai chuan min hmangaihtu neih a tha zawk, a bik takin hmeichhe tan’te an ti thin, mahse hei hi thil diklo hul hual ania. Nih chu ani khawp mai, miin min hmangaih tak tak chuan an hmangaihna hmuin keini paw’ kan hmangaih ve ngei ang hun inher liam n zel ah. Mahse, lehlamin an tuar chhuah kan nghak ani ber a, kan inkhel ani ber, gambling ang deuh hi ani. A lo tuar chhuak peih kherlo thei, a lo peih anih pawhin hlimna famkim chu a neih a va beisei awmloh em mihring ve tho ani si a, a hmangaihna pawh a a ruk takin a dai telh telh lovang tih tunge sawi thei. Chutianga risk lak ai chuan a tantu nih zawk chu a tha mai ani - hmangaihna pe chhuaktu nih chu; inthenna a lo awm palh pawhin theihtawp kan lo chhuah si a, inchhirna pawh a awm tlem nge nge ang . ‘ Khati khan ka lo awm lo ani..’ tia inchhir te hi a awm duh chawk ania. Keini pawhin chutiang vek a hmangaih let ve chu tum nghal ila, tichuan khawvela hlim ber kan lo ni thei zawk dawn ani. Chuvang chuan hmangaihna kan beisei chuan kan pe chhuak hmasa phawt tur ani. Inngaihzawnna chuan induhna tak tak a thlen theia, chu chu hmangaihnaa kan chantir dawn chuan hmangaihna chu kan pek chhuah phawt a ngai ani, chumi tur chuan

kan thinlung chapo tak hi kan dah tlawm a ngai fo, hlimna thuruk chu hei hi ani - kan kawppui te awm tura kan duh ang chuan awm hmasa ila, tin, tilo tura kan duh chu tilo hmasa ngam ila, chumi tur chuan inngaihtlawmna nun neih a pawimawh. Pathian pawhin kan beisei leh remruatte chu a malsawm ngei ang, Ani chuan chapote a dodal a, inngaitlawmte erawh chu khawngaihna a pe si thin a (I Pet 5:5) . Tirhkoh Paula khan Korinth khuaa mite hnenah khan hmangaihna dik tak chu a sawi chiang (I Kor 13:4-7). Kan hmangaih em em kan kawppui ten min then leh si anih paw’ an nunah thu pawimawh tak kan ziak dawn ani tih hi i n theihnghilh lovang u. An hriatchhuah changin lawmna nasa tak an nunah a thlen ve ngei ang, kawng dik kawhhmuhtu pawh ani hial thei ani. Thiltha ti chu kan ni ta reng mai. Tin, hmangaihna hi thlarau nun nen a inkawp tlat tur a ni. Kan Lal Isua Krista tluka entirna tha pe an awm dawn ami!! “I thinlung zawng zawngin Pathian i hmangaih tur a ni” tih chu thupui berah rawn hmangin, hmangaihna mihringte dawn phak rual loh chu min rawn pe ta anih kha, a nunna hial hlanin. Chutiang ema hmangaihna hmuh chuan mihring thinlung sual tak mai pawhin Pathian hmangaih let ve chakna chu a tizual sawt ani. Hmangaihna hi uanpui chi ani lova, lak nat a ngai ani. Lerh vanga mi tam tak kawp kual thinte hi chu engtikniah emaw chuan tlukchhiat hun an nei nge nge thin. Mi rilru an lo tih nat zawng zawng kha anmahnia let hun a la awm dawn tlats . Chumai bakah engkimtithei Pathian pakhat dik tak kan rina hnena inhlan fo hi kan thil tih tur mak mawh ani - kawppui thlan chungchangah leh kan kal zel dan turah leh a tawp (inneihna) kan thlenpui hmain. Fimkhur takzet a ngai ani, kan khingpui Diabola lah chu sakeibaknei rum thin angin a ei theih tur zawngin a phi ruai si thin a (I Pet 5:8). Pathian hian A hmangaih hringfate tana tha ber tur hi a hria a, kawhhmuh theuh hi a duhin a chak a; chu kawng chu hmu turin Amah kan rawn fo a ngai ani. Mihring duhthlanna hi chu a thamral leh mai thina, Pathian hriatpuinaa thil thlan erawh zawng chatuan atan a ni zawk. Lalpa tih chu finna zirtirtu ani a; inngaihtlawmna chu chawimawia awmna a ni si a (Thuf 15:33). Kan rilrua lo vei ruk em em mai, phu lo riau a kan inhriat si te pawh hi Pathianin rem a tih chuan kan tan kawng a rawn sial mai ang, Amah hi han ring phawt mai ila. Chuvang chuan hlim taka awm kan duh a, hmangaihtu tak tak kan zawng anih chuan, tawngtaina nen, hmangaihna dik tak pek chhuah inhuam chungin vawikhat chiah chu han bei chhin teh ang u, kan inchhir lovang. Waaa nuam dawn em! Sas te nen len dun chu ? ## January ni 27 tlai dar 4 hian President Pu K. Lalrokima In, UTC main campus ah BMA Executive committee koh a ni a. Committee member te kal ngei tura hriattir in ni e. ## Mandya leh Mysore lama kan member te pawhin exam an zo ta hlawm a, class an kal leh tan ta. Vawiin 3:30pm hian St. Joseph Parish Hall Mandya ah Mysore Mizo Congregation Inkhawm an nei tan leh ta. Tin, Mysore lam pawhin an T-shirt tur an buaipui leh mek bawk e. ## Nimin Inrinni khan kan members Brother Charles leh Brother Raymond te awmna Deena Sheva Ashram, Roman Catholic Institution chuan Silver Jubilee an lawm. ## Mysore khaw chhunga kohhran hrang hrang 16 te chuan kohhran leh pawla inlungrualna leh thawhhona tha an neih theihna tura tan laknan vawiin chawhnu hian inhmuhkhawmna an nei. Hetah hian kan member JC Lalnunsanga chu a hnarkaitu pawlah a tang ve a ni.

LAWMTHU SAWINA

Kan nau, Joseph Zosangliana, January ni 9 zana a boral chungchangah BMA leh BMCF te min buaipuinaah kan lawm tak zet a. A ruang zana hun hlu tak senga min tlaivarpui tute, a tuk nilenga min lenpuitute leh thlanmual lama min vuiliampui tute zawng zawng chungah lawmthu kan sawi e. Mimal tin te hnenah lawmthu sawi theilo mah ila hei hi kan lawmthu sawinaah min lo pawmsak turin kan ngen a che u. In rawngbawlnaah leh in thiltih apiangah Lalpa’ malsawm che u rawh se. n In khawngaihna dawngtu, Jim Lalrammawia te chhung Lingarajapuram, Bangalore.
BMCF INKHAWM PROGRAM

A Hun: 28th January 2007, 3:00pm Hruaitu: Pu Joshua Lalrempuia Tantu: Nl Rebecca C. Lalmalsawmi Thawhlawm hlantu: Tv Lalsawmliana Sailo Special No.: Tv Michael Lalhriatpuia Thusawitu: Pu PC Lalduhawma Changvawn: ‘ Kan thlen chin atangin hma i sawn zel ang u’Philipi 3:16 Vawiin tlai dar 3:30 hian Rev. R. Lalnunzira leh Rev. Sairengpuia te chu zaitur Andrew Lalruatfela leh RJ Lalnunpuia te hruaiin Mandya ah Mandya leh Mysore Mizo Inkhawmna hmanpui turin an kal.
EDITORIAL

Tunlai chu hnam inthliarna te, thil kal tawh siamthat theihloh a chunga buaina han siam leh te, ram chak tak nih tuma thiamna hrang hrang hmanga han in lantir te leh thildang dang boruak a lar hle mai. Engtinnge keini in rilru kan put ve le? India ram chhungah ngei pawh hian India mi hnam thenkhat ngei pawh hian kan Indian puite atang hian hmuhsitna te, endan bikna te leh thliarhranna te hi chu kan tawng ve ngeiin a rinawm. Mi lian leh larte chuan boruak an nei hma ta deuh a, hriat hi an hlawh hma bik e tih mai a ni. Khawii hnam pawh hi han inthiam leh han inpuh thei mai chi kan ni lo niin a lang. Khawvel hnam tam tak chi hrang hrang kara hnam thenkhat han inhmuhsit deuhna chu lian lo chi a nilo, keini ram khat chhunga mi pawh inhmuhsitna leh inthliarhranna a awm si

chuan. Tin, engatinge thil kal tawh, awmze nei lutuk thei tawh lo a buaina nasa takte kan han siam leh mai thin hi le! Hengte hian rilru a luah a.
DAWN TISEI HMUHTHEIH PATHIAN

- James CVL Thafamkima Naupang te takte kum sawm mi emaw lek hi vawikhat chu Broadway kawtthlera pheikhawk zawrhna dawr pawnah hian a ding a. Darthlalang chhan atang chuan dawr chhunga pheikhawk mawi tak tak mai inrem that mai chu a en ngawih ngawih a. Chutihlai chuan nu pakhat hi a rawn kal a. Chutia naupang te taktein pheikhawk dawr chhunga pheikhawkte nguntaka a thlir lai a han hmuh chuan a rawn pan hnai a, “Taite, enge ni i en a? A van hmuhnawm awm ve” tiin nui sang chung hian naupang chu a han bia a. Chu naupang chuan Dawr chhunga pheikhawk intlar that mai chu kawkin, “Pathian hnenah pheikhawk bun khat chauh tal min pe turin ka lo tawngtai a” tiin a chhang a. Chu nu chu a ngawi vang vang a, chutah naupangte banah chuan kaiin dawr chhungah a hruai lut ta a. Dawr nghaktu hnenah chuan naupangte tana mawza bun ruk han la turin a ti a, tin, tui leh inhrukpuan a dil tel bawk a. Dawrnghaktu chuan a thil dil ang chu a rawn pe thuai a. Chu nu chuan naupangte chu a silfai a, inhrukpuana a hruk hul hnu chuan mawza bun khat chu a han buntir a a, chutah naupangte-in nalh a tih ber mai pheikhawk chu a leisak bawk a. Chumi hnu chuan, naupangte chu mawza dang panga lai mai a leisak chu pein, dawr atang chuan a hriauchhuak leh ta a. A kalsan dawn lai chuan chu naupangte chuan a rawn au zui a, “Pathian nupui em ni i nih ?” tiin a rawn zawt a. MIZORAM CHANCHINTHAR $$ Science & Technology Wing, Planning Department chuan Mizoram chhunga inkalpawhna kawng leh la siam tur te, ramngaw leh tui awmna te tihlanna Map, Remote Sensing & Geographical Information System hmanga an buatsaih ‘ Road Network Mapping of Mizoram,’ tih chu Ningani khan I&PR Conference Hall-ah Technical Adviser to CM, Pu Ramhluna Khiangte chuan a tlangzarh. $$ National Games vawi 33-na February 9-18 chhunga Guwahati a neih turah Assam state aiawhin Mizo 3 te chuan Wushu an khel dawn. Zirtawpni khan Guwahati-ah training nei turin an kal. Chu’ ngte chu, James Mesak (60kg), Vanlalrengliani (52kg), Lalbiaknungi (45kg) te an ni. National Judge Pu Vanlalhruaia Sailo in anni hi a hruai a, Assam team-te training a pe nghal dawn. $$ Aizawl khawpui cheinan Mizoram sorkarin cheng vaibelchhe 2011 project report a siam chu sorkar laipui chuan a pawm thu MNF thuchhuah chuan a tarlang. He scheme hi tunhnaia Urban Development & Poverty Alleviation Ministry hnuaia policy thar Jawaharlal Nehru New Urban Renewal Scheme (JNNURM) a ni. Aizawl khawpui cheina tur sum lo kal tur hi PWD leh PHE chuan 80% an buaipui ang a, a bak chu Department dangte'n an hmang ang. $$ Assam sorkarin Bairabi khaw piah lawka Welcome Gate an siam chu January 16 khan Kolasib Sub.Headquarters MZP chuan an vaw chhia. Assam sorkar lamin he gate an siamna hi Chief Minister hmasa Pu Ch. Chhunga leilet huam veka an ram anga rawn ngaiin an siam a ni a, helai hmunah hian nikum hmasa lam pawh khan Assam lam chuan an siam tawh a, chu chu tihchhiat a lo ni tawh bawk a ni. - Courtesy Vanglaini $$ Nikum chhung khan Leithûm khua ah chuan mitthi an awm lo. Leithûm khua hi In 100 vel awmna a ni a, Champhai district a awm a ni. Kum 2006 chhung khan mitthi pakhatmah nei lova, Mizoram khaw hrang hranga malaria leh natna chi hrang hrang te, accident avanga thihna te a awm laia, kan khuaa ruang chhuak leh lut awm miah lo chu Pathian malsawmna a ni, Leithûm Welfare Committee Aizawl chuan a ti. Leithum Branch YMA hruaitute chu In tinah lutin Pathian hnenah lawmthu sawina an nei nghe nghe a ni. $$ January 25 hian Mama telna club Kingfisher East Bengal te chu Aizawlah an kal dawn. January 27 ah Ramhlun Sports Complex hawnnaah Mizoram XI nen an inkhel ang.
SPORTS

$$ January ni 29 hian S. Malsawmtluanga khelhna Kingfisher East Bengal leh Mizoram XI te chu AR Lammualah Forest and Wildlife Football Exhibition Match an khel dawn. S. Malsawmtluanga chuan Mizoram lo kal chu a chak tawh hle tih thu a sawi. Kar kalta Ningani khan Kingfisher East Bengal leh Mohammedan Sporting te an inkhel a, KEB te chu 2-1 in an chak. S. Malsawmtluanga pawhin a khel a, a pet goal teuh thei hle. An chakna goal phei chu ama siam a ni a. Man of the Match ah thlan a ni nghe nghe. $$ Nizan EPL match a hmuhnawm khawp mai. Hetiang hi an inkhel result chu a ni e; Liverpool 2 – 0 Chelsea, Aston Villa 2 - 0 Watford, Fulham 1 - 1 Tottenham, Reading 3 - 1 Shefield Utd, Portsmouth 0 - 1 Charlton, Middlesbrough 5 - 1 Bolton, Manchester City 0 - 3 Blackburn Rovers, Newcastle Utd 2 - 2 Westham Utd. Zanina inkhel turte chu: 7:00pm - Wigan Athletics vs Everton 9:30pm - Man U vs Arsenal te an ni a. Tunkar Inrinni chu match a awm dawn lo. Tuna EPL a point hmu sang 5 te: 1. Manchester United - 57 points 2. Chelsea - 51 points 3. Liverpool - 46 points 4. Arsenal - 42 points 5. Bolton - 40 points $$ Tukin dar 9 atang khan India leh West Indies te chuan Nagpur ah One Day International cricket an khel.

Spy Camera
% Zirtawpni khan UVCE a zirlai mi 14 vel lai chu Wonder laa ah intihhlimna hun hmangin an kal vel a ni. An hlim hle tih thu kan dawng. % Tleirawl hunlai pel tawh mah ila keichu Wonder laa ah khu chuan rain disco khu nuam ka la tiber. – Dr Manuni % Jima, anthur tui hang te hi i in duh ve lawmni? – Pi Mapuii % Prem-a leh Orlando bloom-a te hairstyle la min ti zel si a, ka peih tawh lo a lawm. – Zaitea % Vellore ah hi chuan inkhelh theih bawk silo a, ka in fit loh ka hlau si a ka in diet tawp. - Robert % Nimin Inrinni zing, zing tak maiah khan Pu Muankima leh Pu Zira te chuan thuam famkim nen Pu Josiah zawngtah duat em em mai an va lo a, a kungah an lawn chilh theih thu kan hrelo naa an hlawhtling thawkhat hle tih thu kan dawng. Motor chungah te an inkokichhuan nge maw ni le an ti.

Vol. XII

Issue No. 2

Bangalore Mizo Association Pathianni Chhuak Chanchinbu

14 January 2007

th

KAN INKHELH MUAL - Samuel Lalrozama H. (Sammy) Kan inkhelh mual (Ring/Tatami) kil li neia siam, lian lutuk lem lo, kil khatah chuan ka thu a, ka thianpa chuan ka dar vel chu a malis hauh hauh a. Ka bag chu min han pe a, tui bottle ka han phawrh chuan ka rosary ah lai chu a rawn bat chhuak tel palh a, Isua, kross a an khengbet lai lem ka han hmuh chuan ka thinlungah beiseina thar tam tak a lo lut leh a. Tichuan tui ka in zo chu mit sen ram chungin ka han melh phei a, chhungrilah chuan ka khur deuh zawih zawih, ka chau hle bawk. Ka tumpui pa, feet ruk zet a sang, cher ria zaih mai, zuang thauh thauh chu ka va hmu a, inti pachangin ka ding a, amah chu tawk turin ka pan phei ta a, ka ke chuan min zo tawh lovang tih erawh zawng ka hlau khawp mai a… . Semi-final a ni a, a hmain mi pali ka lo hneh tawh a. Hei hi ka tawn tlang leh chuan final ka lut dawn ta. Rilru tawngtaina nen, ‘ Pathian hmingin’ tiin ka lut leh ta a… . Ka hneh leh ta hram a, mahse ka hahin ka chau khawp mai. Chumi hnu maiah final fight an rawn puang leh nghal mai si… ka zuang lut leh… ka ke chu ka khai thei tawh mang lova, kut chauhin ka bei ani ta, point an chhiar zo chu 3-1 in ka hneh ta lo… Mahse a ropui e, Karate ka vawikhat khelhna a ni a, a har khawp mai, inpuahchah lawkna pawh a awm si lo, he tournament hma ni hnih a hre ve chauh kha ka ni a, experience atan tiin ka tel ve ani. Taekwondo leh Tangsoodo-ah te chuan National level hial Pathian zarah lo khel tawh mah ila martial arts chi hrang hrang te hian mahni dan leh dun hrang theuh an nei ve vek sia. Tun tum chu National level em ani lo na a, South Indian Open (2003) ani a, state pali an rawn tel a - kei private in ka khel ve a. Ka thiante pali min tawiawmtute nen chuan college lam panin kan haw a, lawmna tur pawisa pawh ka nei si lo, ka thiante hnena lawmthu ka sawi mawlh mawlh hnu chuan ka tih theih tawk leh hlu ber Pathian hnena lawmthu sawi chu ka bawhzui ta mai a. Room-ah chuan ka Silver medal chu ka hum a, ka inngaihtuah a, mihring takin duhthlanna pahnih chu ka nei ve hian ka inhria - final a ka chak ta lo chu pawi ti a rilru tih hah nge ka thlan dawn inring miahlo chunga medal ka la hlauh mai lawmpui chu. A pahnihna zawk chu ka thlang ta a ni. Pathian pakhat dik tak kan rin hi a nung tak zet ani tih ka hre chhuak thar leh a. Mihringte hi Pathianin duhthlang thei turin zalenna min pe bawk a, kan duhthlanna leh ngaihtuahnate hian kan nun a kaihruai thei teh ania… Mahse kan duhthlanna te hi kaltlangpui tur chuan Pathian rawn fo tur ani. Mahni finna a innghah ching mi chu thil ti sual der ani teh meuh mai. Chutiang bawkin kan nun hi inkhelh leh infiamna mual ani a, nitin mai hian beihtur hi kan nei reng a ni. Kan hmaah hian harsatna te hi lian leh chak hmel deuh hian a rawn ding fo thin a. Bangalore-a awmte hi zirlai tam zawk kan ni a, kan zirlaiah rokhawlhna hrang hrang kan tawk thin. Tin, a kuma kum hlauh hial te pawh kan awm fo. Mahse beidawng lo ila, Pathian kan hnenah a awm tlat ani tih hi hria ila, kan hmaa beih tur kan neih, hlauhawm hmel zet chu hneh tawh angin thlir ila, Pathian zarah kan hneh ngei bawk ang… . chu harsatna leh manganna aia chak Pathian kan nei si a. Tin, hlawhchhamna kan tawh chang te pawh hianin Pathianin kan tan kawng tha zawk a ngaihtuah ang tih hi ring tlat ila. Lalpan thil engkim hi chhan nei theuhin a siam si a (Thuf 16:4). Tin, khawvel thila hlawhchhamna te hi thlarau tan hlawkna ani fo thin tih hi i hre nawn leh bawk ang u… Kan hun kal tawh thlir let ila, kan hlawhtlinna te hrechhuak ila, kan hlawhchhamna te chu theihnghilh ila, inzir nan hmang zawk ila, intiphur thar ila nitinin, hlawhchhamlo tak tak mihring an awm hlei nem. Tichuan beiseina nen hmalam hun thlir ila, kawng engkimah Pathian hmingin ti thei zel ila, kan hlawhchham ngai lovang… Mahni hi insit lo ila. Pathianin midang aia vanduai bikin tumah hi min siam si lova. Tupawh hi Pathianin a duh dan taka a siam theuh kan ni a, mitin mai hian midang aia that bikna engemaw tal kan nei theuh ani … Everyone is God’ special. s Chuvang chuan, kan duhthlanna leh ngaihtuahna thinlung te hi Pathian rawn chungin fing takin i hmang fo ang u… . Kan Pathian rin a hi a hlawhchham ve ngai lo ani tih hi theihnghilhlo ila , Amah rawn nachang hria ila, Anin min kaihruai zel ang. (I kawng zawng zawngah Amah hre reng la, i kawngte chu a kawhhmuh zel ang che - Thufingte 3:6) KEIMAHNI ## Pathianni hmasa Inkhawm ban khan BMA Office Bearer te chu an thukhawm a, website a lo phuisui zawk nan Web Team member a ruatbelh. Chungte chu – BMA Office Bearer bakah Tv. Amos Lalremtluanga, Nl. Lalfakawmi Khawlhring leh Rev. Lalhmingchhuanga Jongte te an ni. Tin, Administrator turin Pu Joshua Lalrempuia, Moderator turin Pu R. Lal Rinawma te a ruat a. A dang zawngte chu Web Content Developer turin a ruat bawk. ## Kan member Jimmy F. Lalnunzira, Manipal Hospital a enkawl chu dam takin nimin Inrinni khan a lo chhuak ta.

## Kan member te, UVCE, Dr. AIT leh PES Mandhya Engineering college a zirte chuan exam an zo fel leh ta a. UVCE a 2nd year zirte chuan practical exam an nei mek a, tun thla ni 18 hian an zo dawn a ni. Result tha tak an neih kan duhsakna tak meuh meuh a ni. HRIATTIRNA ## BMA Day a thlalakte kha Tv John Sailo hnenah a lam theih a, tin, a order theih nghal zel bawk e. ## Chhinlung Magazine kha tlem a la awm a, Rs 50 in a lei theih reng e. Mizorama eirukna leh hlemhletna chungchang te leh thuziah tha tak tak awmna a ni a, lei ngei chi a ni. ## MYSORE MIZO CONGREGATION. Nikum August 2006 atang khan ZD Lalnunsanga, Samuel Lalrawngbawla leh Pu R. Lal Rinawma te hmalak nain inkhawm an nei thin a. 21st January 3:30pm ah hian St. Joseph Parish Hall, Mandya ah inkhawmna hi neih leh tur a ni. DAMLO/LUSUN ## Kan member Tv. Joseph Zosangliana chu Nilaini khan Pu Jim Lalrammawia te in Lyingarajapuram ah a boral a. A tuk Ningani khan CSI thlanmualah vuiliam a ni. Lusun chhungte BMA chuan a tuarpui tak meuh meuh a ni. BMCF INKHAWM PROGRAM A Hun: 21st January 2007, 3:00pm Hruaitu: Tv. Zoramthanga Tantu: Tv. John Thanzauva Thawhlawm: Pi Rosy Malsawmthangi Special No.: Nl. Kim Kimi Bawitlung Thuhriltu: Nl. Lalbiakliani Pautu Changvawn: ‘ Kan thlen chin atangin hma I sawn zel ang u’Philipi 3:16 EDITORIAL Ka ngaihtuah fo thin. Nunphung zirna atan Zawlbuk nge tha zawk ang sikul tih hi. A hun leh a hmun a lo danglam tawh avangin chhan thiam a har deuh pawh a ni thei e. Mahse anmahni hunlai leh an vanglai ve ve han khaikhin ta ila, an tangkaina leh khawtlanga an hnathawh lang atang te, zirtirna an pek leh chumi in a rahchhuah atang te, anmahni hun mil zela an zirlaite an enkawl dan leh kaihhruai dan atang te, mimal leh khawtlang nuna nghawng an neih dan atang tein han teh ta ila, kan rilruah mahni chhanna theuh kan pai awm e. Kawng tam takah sikul hian Zawlbuk kha a khum zawk e kan ti a nih pawhin a awm tho e. Mahse tlawmngaihna leh aia upa zah inzirtirna atan chuan sikul hian Zawlbuk kha a khum zo meuh dawn em ni le tih ngaihdan a piang ve thei bawk awm asin. A bak chhanna dang awm thei ang chu mahni a ilo chhan ve atan kan khek tawh ang che.

DAWN TISEI - James CVL Thafamkima Vawikhat chu pa pakhat hi lumehna dawrah a lu met turin a rawn kal a. Lumettu nen chuan a lu meh chhung chuan an inkawm a. Thil eng eng emaw an sawi kual hnu chuan Pathian chungchang hi an sawi ta a. Lumettu chuan,"Kei chu Pathian a awm hi ka ring hauh lo mai" a han ti a. Lu a mehsak mek pa chuan,"Eh! engvangin maw?", tiin a han zawt a. Lumetttu chuan,"Pathian a awmlohzia chu khawlaia va chhuah zawk sawn a chiang reng mai. Kawtthlerah sawn nu leh pa pawh nei lo kutdawh naupang tam tak i va hmu ang a, tin, khawvel hi tahna leh tuarna hmun a ni tih i hmu bawk ang. Pathian chu hmangaihnaa khat an ti a, a awm takzet anih chuan heng tuarna te hi a thlen a phal tawp nang", a han ti a. Chupa chuan inhnial chiam mai a hlauh avangin Lumettu chu chhang mai lovin a ngawihsan ta a. Lumettu-in a lu a meh zawh hnu chuan kawtthlerah a va chhuak a. Kawngah chuan pa pakhat bawrchhawr em em mai leh sam sei hniang hnuang, balh hmel zet mai hi a va hmu a. Lumettu hnenah chuan a lokir leh a, "Ngawiteh Lumettu pawh hi an awm lo tawp anih hi", a rawn ti lut a. Lumettu chuan, "Hei ka awm a, min hmu reng a ni lovem ni?" tiin mak ti tak hian a lo zawt a. Chupa chuan, "Ni lo, Lumettu hi an lo awm lo tawp. Awm nise chuan lumeh ngai ngawih ngawih, sam sei bal hniang hnuanga khawlaia vak vel hmuh tur an awm lovang", a han ti a. Lumettu chuan, "Eh! Lumettu chu kan awm ngei a, mahse, min pan nachang hre lo hi an tam em a lawm" a lo ti leh a. Chutah chupa chuan ngun taka Lumettu enkar chung chuan, "Pathian pawh hi a awm ngei a, mahse, Amah panna chang hria hi an vang em a ni, hei vang hian a ni tuarna te hi a tam em em " a lo tisam et a. MIZORAM CHANCHINTHAR ## Mizorama Kohhran hrang hrangte chuan ni 12 (Zirtawpni) khan Missionary Day an hmang hlawm a, an hlim hle a ni. He ni hi kum 113 kalta a Welsh atanga missionary te Mizorama an lo luhni kha a ni. ## All Mizoram Farmer’ Union chuan tuna Agriculture Director ni mek Dr. OP Singh chu bang turin an ngen. Director hi loneitu te s tana a tangkai loh avang leh a thawhpui thatloh em avanga hetianga a chunga lungawilo an ni. ## January ni 10 zana United Penticostal Church te intihbuainaah Police 4 te an inhliam. He intihbuaina hi UPC(NE) leh UPC(MZ) te inkarah a ni a. Aizawl Tuikhuahtlanga UPC quarter chu 1994 a inthen a nih hlim khan an pahniha inremnain insem a ni a. UPC(MZ) te chuan an luah lam quarter chu UPC(NE) te hriatlohin an lo zauh a, chu chu thalaite chuan hriain buaina an siam ta a ni. Police te chuan pawl pahnih te inkarah chuan tangin an tiang leh lung thawhte chu an tawng palh ta a ni. Police 4 leh midang 2 te chuan hliam an tuar.

## Vawiin ni hian Mizoram MLA thenkhat leh Officer thenkhat te, Andaman & Nicobar Island a Tsunami thlenna hmun te tlawh a zinte chu Aizawl ah an kir leh ang. ## Mizoram Home leh Health Department te chuan Chhatisgarh malaria tamna hmun, Sukhma hmuna awm Indian Reserve battalion te tan malaria damdawi tam tak an thawn. ## Mizoram a pawl dingthar pakhat Aizawl Development Authority te chu 24th January hian an Chairman ni bawk Chief Minister Pu Zoramthanga office ah inhmuhkhawmna hmasa ber an nei dawn. ## All Mizoram Farmer’ Union te chuan Nilaini khan Mizoram Boxer lar tak Nl Jenny Lalremliani chu chawimawina an nei a, s tangka fai Rs 1000 an hlan bawk. ## Mizoram Consumer’ union te chuan tun Nilaini khian Food, Civil Supplies & Affairs te nena tangkawpin ni hnih chhung awh tur s Convention-cum-workshop Vanapa Hall ah an buatsaih dawn. SPORTS $$ Nizan inkhel result tlem a zawng; Chelsea 2 – 0 Wigan, Man U 3 – 1 Aston Villa, Arsenal 2 – 0 Blackburn Rover. Zan rei lam khan FC Barcelona leh Espanyol an inkhel a, FC Barcelona an chak bawk. $$ David Beckham an Real Madrid a chhuahsan dawn a, kum 5 atan Los Angeles Galaxy ah contract a ziak fel ta. August 2007 atang chuan America a league sang ber Major League Soccer ah a khel tawh dawn a ni. Hetiang a nih tak avang hian Real Madrid coach Pu Fabio Capello chuan,‘ contract tawp thleng chu a khel tawhlo ang’ a ti. Beckham hian a insawn hunah pawh kartin $1 million a la A hlawh reng dawn a, thil dang eng eng emaw te nen phei chuan kum khatah $250 million aia tam a contract chhung hian ala la lut reng thei dawn a ni. Tunah hian Beckham vang a ni thei ang chu, MLS hian US TV nen Euro 15 million in inremna an siam tawh nghe nghe. Beckham tel hma hian Euro 200,000 a ni. $$ English Premiere League, tunkar Inrinni January 20 a inkhel turte; 6:15pm - Liverpool vs Chelsea, 8:30pm - Fulham vs Tottenham Hotspur, 8:30pm – New Castle vs Westham te an ni. $$ FA Cup lam inkhelh hun; 16th Jan.- Man City vs Sheffield Utd, Barnsley vs Southend Utd, Ipswitch Town vs Chester City, Oldham Athletic vs Wolverhampton Wanderers, Middlesbrough vs Hull City te an ni a. $$ Vanlalengmawia, Luangmual Vengthlang, Aizawl chu tunah hian Muay Thai World Championship, May thlaa Thailand a khelh turah Karnataka state aiawh a khel turin a lo chhuk a. February thla atang hian Bangalore ah coaching class an nei dawn a ni. Ani hi nikum 2006 February thla khan Asian Open Kick-Boxing Championship, Bangalore a khelhah khan 60-63kgs category ah Gold Medalist a ni. $$ Naktuk Thawhtanni hian Billiard leh Snooker a National Championship, Bangalore a khelh tura Mizoram aiawh tur mi 5 (Sub Junior – 1, Junior – 2 leh Senior – 2) te chu Guwahati atangin an lo chhuk dawn. Prelims an nei anga, an dinhmun a zirin an khel chho dawn a ni. Inkap lawk ang… . @ Khawngaih takin ‘ HUAINA’ damdawi hria in awm chuan min pe teh u - Mazauva UVCE @ Nizan 8:25pm a Star Sports aiah Cricket khelhna channel an rawn pe zawk kha chu… ava zialo tak. - Pa Sapa

Vol. XII

Issue No. 1

Bangalore Mizo Association Pathianni Chhuak Chanchinbu

7 January 2007

th

BMA DAY REPORT Thawhtanni, 1st January 2007 khan BMA Day chu Goodwill Girl's High School-ah hman a ni a. Kum hlui thlah zana kan member meng rei tak tak leh mutmu pawh tuah hman mang lo an tam tehreng nen, beisei ai takin kal kan thahnem a, nuam hup hup tak a ni. Kumtharni niin Zoram lam angin sakhaw thil taka lawmna hranpa buatsaih hran lo mah ila, BMA Day hmanga kumthar kan chuangkai thei kha a ropui ngawt mai. Hun hmandik chungchangah bawk kan buai leh. Chawhnu dar 1:30 p.m. a ruai theh tan tura kan inruahman ang khan kan orderna ten an rawn peih thlap a. A hun taka chaw ei tan hman kha ui-hum pawh kan tling meuh lo. Ruai kha riltam tawh lama theh kan ni bawk a, a ei theih phian mai. Puar-peng-pawnga kumthar ruai kan theh hnuah Nl. Thaarie leh a thuihhruai ten mawi tak maia an chei Hall chhungah ngei khan kan hunte kan hmanga. Tv Obeda leh a thiante Banner siam pawh a mawi kher mai. Kan hunte kha tawngtainain Rev Lalmuankima, Registrar, United Theological College Bangalore-in min hlan sak te te a, chutah a tel ve lo te tana inchhirna ngawih ngawih tham khawpa nuam khan kan hunte kan hmang chho ta. Ropui tak a ni. A tir phatah BMA mipui ten kan nghahhlelh em em BMA WEBSITE (www.bangaloremizo.info) hawnna chu Pu Joshua Lalrempuia'an a kaihruai ta a. Projector leh tul dang te Pu Joshua hian a rawn ngaihtuah thlap a; Website chanchin leh buaipui dan chungchang a sawi hnuah kan Website chu Bangalore Mizo tena kan chhuanvawr leh kan harsatna a hnena kan thlen apiang min

sutkiansak thintu Pu Lalrokhuma Pachuau IPS (ADGP, Lok Ayukta) chuan min click hawn sak ta a. Kut beng leh au thawm a tha ham ham kher mai. Hemi hnu hian Pi Nutei (Dr Lalrinawmi Ralte) chuan BMA chanchin thangthar te hnenah min hrilh leh a; a ngaihnawm kher mai. Kan hun hman a nuam chho telh telh a. BMMP ho an che turu leh khawp mai. BMA thil tihpui deuh apiangah hian Minu Pawl ho hian an thawhhlawk thei teh a nia. Tv Sammy (Kung Fu thiama kha) leh a thiante drama chan pawh kha mipui in kan lawm khawp mai, naupang lam te phei chu an tihlim hle a ni. Grace Home nula ho lam kha an nalh. Nula Linda te, Mamuani te, Matei te, Nini te, Miriami te leh an zavai mai khan an lo zei hawh hawh khawp mai. Paho pawh an dak fan nasa teh asin. BMA naupang ho lam pawh khan an thiamin mit an ti tlai kher mai, an zirtirtunu Nl Hriati a fakawm khawp mai. Bangalore-ah hian zaithiam kan lo nei tha ngawt mai. Kan zaithiamte zai ngaihthlak a nuam a, a tawpa Nl Mimi Renthlei rawn inthehthil vel leh zai paha a han insawi vel a hring a hrana hmu theia kan awm kha insawitheihna tham a ni. Bangalore hi chu kan heti tlat ! Kan Secretary leh Bangalore tlangval fel ni bawk Tv Tlana report pek zawhah BMA hla, Kungi Pa (Rev K Lalrinmawia) phuah kan sa a, malsawmnain kan inkhawm Rev Sairengpuia Sailo in min tin ta. Programme zawh hnu-ah pawh thalai thahnem takin inlungrual taka Hall kan han thianfai leh kan han senghawi vel kha hmuh a nuam kher mai. BMA dam reng mawlh rawh se.

Hma kan sawn e…
James CVL Thafamkima

'Kan Website' tia koh theih kan nei ve ta ! Kan zavaia ta, kan tan leh zohnahthlak zawng zawngte tana siam a ni. Hmasawnna rahbiah rau rau pawh hei hi chu a pawimawh pawl tak a ni. Rilru-ah kumhnih lai liamtaa Website awt ngawih ngawih chunga 'neih ve' kan rawt laite kha a lang iarh iarh a. Khatih lai khan vawiina kan Website anga changtlung leh changkang hian ngaihtuahna pawh a luah phak hauh lo. Vawiinah Website chhuanawm zet mai kan lo nei ve ta a. Ni e, chunglam kaihhruaina leh malsawmna, Pu Joshua Lalrempuia leh kan Senior Adviser Pu RL Rinawma te hmanga lo langchhuak a ni. Tlawhtu pawh kan nei ve nghal malh malh viau a. Thu leh hla lamah te, infuihna leh nunkawng inkaihhruaina lam atana thu tha tak tak te, thalai lam lawmzawng leh rilru tih thawlna lam tha tak tak chhiar tur kan nei nghal a. Thuziakmi leh ziak ngai lem lo te pawh khan tan la ila, Mizo Website changtlung leh chhiar manhla ber pawlah i han chhuah dawn teh ang. Kan ti tak tak ta a, theihtawp i chhuah ang u aw le

KEIMAHNI ## Chhinlung Magazine kha lei tur ala awm nual e, han lei zel rawh u. Article ngaihthlaknawm tak tak, tunlai mi tam tak tena kan vei em em thupuia hmanga mithiam tak takte ziah awmna a ni a, lei ve ngei chi a ni ang. ## BMA Directory 2006-2007 la neilo kan awm a nih chuan hruaitute hnenah kan ngaihven vat dawn nia. A tangkai hle mai a, mitin ten neih theuh pawh tum ila a tha awm e. Tin, hralh zo tawh leh hralhban nei te kan la awm a nih chuan hruaitute hnenah kan hlan vat dawn nia.
DAMLO/LUSUN ## Kan member Jimmy F Lalnunzira (Jimmy-a) S/o F.Lawmkima Khatla Bungkawn, Aizawl chu Manipal Hospital-a ICU-ah dah

mek a ni a. Tunah hian a tha tawh hle a. Naktuk hian a awmna ward ah sawn a ni ang. A lo thatchhuah leh thuai theih nan i tawngtaipui ang u. Amah hi BOSCH-a Automobile Engineering, Internship ti lai mek a ni. ## Mysore-a kan member Lalthansiami ( Teteii ) LLB I Yr zirlai chu a pa, Pu H. Lallunghnema(45) chuan Jan.4 khan Serkawn Hospital-a a boralsan a. BMA in kan member hi a tuarpui tak meuh a ni. Website lampang $$ Site tha leh tlawh man hla tak ani, tan han la sauh sauh teh u. Graphics a mawiin error poh a tlem hle mai... hetiang site tha visit tur kan nei hi keini tan malsawmna a ni tihloh phal rual a ni lo e. Ngal fimin dam hlawm teh u By : Zotea Tochhawng, United Kingdom $$ BMA Website thar inneih avangin Pathian hnenah lawmthu ka sawi ani. In website kan fang vela a bengvar thlak dawn hle in ka hria. Lalpan malsawm zel che u rawh se. By : Ms. VL Muani Tochhawng, Mumbai
BMCF INKHAWM PROGRAM

A Hun : 14th January 2007, 3:00pm. Hruaitu : Nl. Mary Lalhriatzuali Tantu : Nl. Lynda Laltanpuii Thawhlawm Hlantu : Pi Laldingliani Special No. : Nl. Saizampuii Sailo Thuhriltu : Pu PC Lalnunzira Changvawn: “Kan thlen chin atangin hma i sawn zel ang u” Philipi 3:16

EDITORIAL Kumthar 2007 kan lo chuangkai leh ta der mai. Pathianin tun hun thlenga min hruai hi a lawmawm tak zet a. Pathian hnenah lawmthu awm rawh se. Kumthar pawh hi a kutah i hlan theuh ang u. BMA AW pawh tluang takin a kal chho zel a. Kumthar a lo ni a enkawltu thar siam a lo ngai ta a, hotuten keini ho chu min han ruat a, a lo enkawl tawh tute hnung kan dawl zolo ang tih kan hlau hle mai. Mahse, chutih laiin kan theihtawp kan chhuah dawn a, a hma aia tih hmasawn a ngaihnaah te leh kawng dang dangah, chhiartu zawng zawngte thurawn kan han ngen nghal bawk che u a ni. Article te a tam thei ang ber thawh tum ila, tin, thuchhuah tur dang dang te pawh in han thlen thin dawn nia. Amaherawh chu, he chanchinbu hi mimal emaw chhungkaw inbeih nan emaw te chuan a rem lo e tih hi kan inhriattir nawn leh nise la. Kumthar a lo nih ang ngei hian kumhluia kan thil tih atang tea inzirin hmalam i pan zel ang u. Chhiartu zawng zawngte, kumthar chibai kan buk a che u.

Dawn Tisei
- James CVL Thafamkima Vawikhat chu tlangval pakhat hi tuipui kamah a leng a. Chutia a len vel naah chuan nula hmeltha leh duhawm zet mai hi a hmu fuh ta a. Chu nula thatna leh duhawmna chuan a zem a ta vek a. Mahni intheihnghilh thak khawpin a rukin a zui ta a. Darkar khat vel dawn lai a zui hnu chuan chu nula chu a ding a, a rawn lehhawi ta thut mai a. Tlangval pawh chu a ding chawt a, han relh bo mai na tur awm tawh hek lo le, inhmachhawnin an ding ta a. Chu nula chuan engvanga chutia zui zel chu nge anih a han zawt a. Tlangval chuan, chu nula anga hmeltha leh duhawm chu a piana hnulamah a la hmuh ngai loh thu te, a hmuh tirh atanga a hmangaih nghal bur mai thu te chu hrilhin inneih puiah a sawm ta ngawt mai a. Chu nula chuan, “ Ngawiteh tlangval, kei aia a let sawma hmeltha ka unaunu’ tha a tih em avang chein nichin atang tawh khan a zui zel che a, hnung lam I hawi loh avangin I hmuh hmaih mai mai anih n kha”, a ti a. Chu veleh chu tlangval chu beiseina nen a han hawi let a, a hnungah chuan nula satliah ve tak hi a lo ding a. Chutah, a hmaa nula ding hnenah chuan,” Engahnge dawt min hrilh le?” a han ti a. Chu nula chuan, “Nang paw’ dawt min hrilh ve tho a n alawm” a lo ti sam et a. Hmangaihna te hi zawng thawklehkhata piang mai thei a ni lo asin.

MIZORAM CHANCHINTHAR

## Mizoram sawrkar chuan Mizoram chhunga Taxi te a inchhawka January 5 atanga tlan tura thu a chuah leh chu Taxi drivers ten an duhlo hle ani. ## Mizorama Liqour Total Prohibition Act chuan zu khapna kawngah hna nasa takin a thawk zel a, krismas leh a vuakvet ah pawh zu a vang hle a, chumi avang chuan mi tam takin grape wine an in nasat phah a ni. ## Mizoramah Kristian tena kan kutpui, krismas leh kumthar hlim taka an hman zawh hnu maiah chuan Setana betute nia ngaihte chuan Aizawl chhim lama Presbyterian Biakin thenkhate chu nasa takin an suasam. ## Jacob Lalrindika, kum 30 a upa Ramhlun Venga January ni 2 a boral dan chungchangah Police ten inhnamhnawih ngei ni a an hriat mi 7 te chu tunah an man tawh tih thu an sawi. ## Tunlai khaw awmdanin a zir loh avanga Thlawhna service a mumal loh avangin state danga lehkha zir leh hnathawk a awm Mizorama chawlh hmang leh krismas hmanga hawte chuan kal let lehna chungchangah harsatna an tawk nasa hle. Thlawhna te hi an cancel ngun em vang a ni. ## Mizo mai pawh nilo khawvel hmun hrang hranga Kristian tena kan nghahhlelh em em thin Krismas chu a lo zo leh ta a. Amaherawhchu, motor chetsualna leh sualna chi hrang hrang erawh Mizoramah a tam hle. Krismas leh kumthar lai hawl vel khan Mizoramah mi 10 te chuan an nunna an chana, heng zinga 6 te chu motor accident vanga thi an ni. ## Mizoram Journalists Association hruaitute chuan Krismas hma vel khan Journalist Association hminga Aizawl khawpui hmun hrang hranga Petrol pump vela pawisa lo khawn thin an awmthu an hria a, a pawi an ti hle. Courtesy – Newslink In Kap Zuai Ang… … @ Eng inkhel maw? Naktuk thu ka sawi dawn a, tehkhin thua hman tangkai deuh tur lo phei chu tih chi tawhlo tlat. – Pu Rengpuia UTC (Nimin inkhel enpui atan an sawm ni ngei tur a ni.) @ Solo, zai zawh veleh chhuahtlang nghal tawh awihloh, a tawp tal chu thlen ve tur. - Chin-a @ Tv Thawmmawia a rawn thleng thla leh chiah chu Grace Home ho pawh an ter et et leh tan ta… … Gimme power!

@ Sammy, a phone number chu i hmu thei ta em? Directory ah khan alo dah si lova. Engtinnge niang le… . Amah zawt tawp la ni mai a lawm le… …
SPORTS -

Joar Panzela

Nimina National Football League, Bangalore Stadium a khelhah chuan Mohun Bagan leh HAL te 0-0 in an in draw a ni. Mohun Bagan hi PC Lalawmpuia awmna club a ni. January 11 ah HAL leh Kingfisher East Bengal te chu Bangalore ah an inkhel ve leh anga. East Bengal ah hian Malsawmtluanga (Mama) hi ala awm a . Tun tum hian a khel ve ang nge kan la hrelo. A khelh ve ngei kan beisei. Tin, nizan FA Cup inkhel a hmuhnawm hle. Khelh hnuhnung zawkah Arsenal in Liverpool 3-1 in an hneh a. Tuna EPL Standing top 10 te chu hetiang hi a ni e, an point dinhmun nen. 1. Manchester United - 54 pts 2. Chelsea - 48 pts 3. Liverpool - 40 pts 4. Arsenal - 39 pts 5. Bolton - 39 pts 6. Portsmouth - 36 pts 7. Tottenham - 32 pts 8. Everton - 31 pts 9. Reading - 30 pts 10. Manchester City - 29 pts Kar leh Inrinni 13th January a inkhel turte chu: 6:15pm – Watford vs Liverpool. 8:30pm – Chelsea vs Wigan. 8:30pm – Manchester United vs Aston Villa. 10:45pm – Blackburn vs Arsenal, te an ni. Tin, chanchin dang deuhah chuan Boa Morte, Fulham a khel kha Westham chuan US$ 9.76 million in an lei fel tawh bawk.
LAWMPUINA

## Lalmuansangi Hnamte chuan Mount Carmel College atangin a zirlai BA 3rd semester chu Distinction-ah a pass. ## Lalmalsawmi pawhin BA 3rd semester hi 1st –ah a pass bawk. ## Dr.AIT atanga Electronic and Communication Engineering zir zo Vanlalpeka c/o H.Lianzuala chuan Campus Interview kal tlangin Wipro Company-ah Project Engineer hna a hmu. -Heng hlawhtlinna hmu kan han hriat theih mai te hi BMA chuan a lawmpui tak meuh meuh a, heng kan han tarlan bak pawh hi an awm ang tih kan ring a, khawngaihin inhriattir theih nise kan lawmna a nasa leh zual dawn a ni.
--------------- Service without humility is selfishness and egotism -------------------

You're Reading a Free Preview

Mengunduh
scribd
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->