Anda di halaman 1dari 2

Aneuk ticem pala di duek bineh glee, beurijuek balee di duek lam rimba

Rihoen hate loen keu gata sabe, pajan ek sampe meureumpok teuma
Uloen yang rindu that tanglong hatee, beu seutia sabe saboh lam cinta
Gata loen sayang dinda loen sidroe,beu ek meusampoe geutanyoe dua

Bek na ragu di gata hai adoe, han mungken loen publoe keu laen dara
Gata loen sayang malam ngen uroe, keu gata sidroe sabe loen damba
Doa beu sehat keu gata sabe, beu tabah hate taat keu agama
Meunan syit gata wahai bohate, keu uloen sabe ta ireng doa

Jioh teureubang si gapeuh panjoe, keudeh troh sampoe u pidie jaya
Meubek ta reugam jarom ngen duroe, di pajoh asoe saket that luka
Meunan loen harap bak gata sidroe, bek that ta pakoe lalat di lua
Meunyoe ta dinge that brat meu paloe, oh akhe dudoe gata binasa

Beu meu saboh beu sapeu pike, keu laen hate meu bek ta hawa
Bak gata sidroe loen harap sabe, meubek ta ulangi lagee yang ka ka
Walau pun keluarga golom geu ase se, golom geu restui hubungan kita
Namun geutanyoe ta peukong hatee, ta harap sabe meubek keucewa



RACHMAD (r4im4)
Adak pih geukheun keu uloen sabe, loen aneuk bineh glee jioh ngen kota
Walau pun jioh sideh bineh glee, meunyoe ta pike han jioh beda
Yang jeut keu beda iman lam hate, oh uroe akhe hana lang padang masya
loen harap that wahai adek e, beukeuh meusampe seulama-lama

Lakee bak Allah yang maha ade, yang maha suji maha bijaksana
Oh ka meusaboh bek lee ta meu cre, bek ta meupakee lam rumoh tangga,
jodoh bak tuhan beu ek meusampe, jodoh yang suci sah lam agama,
beugot aqidah ibadah hantom pre, beu suci hatee bek lee lam dosa

meumada oh noe keu isi hate, loen chi-chi tre lon coba
lagak ngen hana pantoen loen ukee, mungken han sare meu siseu banja
walau bak ujong a deungen e, that hek kupike nyoe keuh phon mula
nyoe keuh mandum keu isi hate, ulon kirem lee keu gata R4Ima

Oh supot malam uloen duek sidroe, teu ingat adoe jioh dimata
Uloen chet buleun ka hantroh sampoe, cahya cukoep toe leumah udonya
Saleum loen kirem keu gata adoe, Sideh di nanggroe bak mudi mesra
Beugot ta baca bek meu keulidoe, beu mangat asoe leupie lam dada.

Wassalam Dari

R4im4 Rachmad/Im4h