55 E. York St.

#18
Akron, OH 44310
USA
ZOVONTAWI FUND MAHIAL THU TANGKONA
Date: 11/11/2014
Amasa in Zomi akua mah peuh i biak Topa Pasian in thupha hong pia
ciat ta hen ci in World Zomi Congress phualpi pan in deihsak thu kong
puak uh hi.
Hun sawtpi tak i piak leh i hanciam pih a hi Zosuan Vontawite in dikna,
suahtakkna leh khangtohna detdo, i neih leh ngah theih nang
nasemnate a kizang ding ngimna tawh i khon, Zovontawi Fund zong
October 31, 2014 ni in i hun ciangtan hong beita ahihi.
Tua i hun ciangtan hong bei tawh kitonin November 01, 2014 ni in WZC
phualpi tukhawmna leh genkhawmna kinei hi. Tua hun ah Palai siksan a
Zovontawi Fund dongna pen mahial bawl ta ding ci in kithukim a, tangpi
tangta zong zasak ding ci in ki khensat pah hi.
Tua November 01, 2014 kikumkhawna tungtawnin, hih phualpi lai tawh
Zovontawi Fund ki mahial taktak ta hi cih thu kong tangko khia uh hi.
Hih bang a lawhcing tak leh buaina nawgkaina gentham ding bangmah
omlo a i kalsuan theih pen, a masa in i biak pa Pasian tung ah lungdam
thu i ko hi. Anihna ah nisim mimal, innkuan, khua leh tui vaite kawmkal
ah, Zomi leh Zogam a ding ci a thasial lotak a palai hong sepsak
akhuakhua, a gamgam a Zovontawi Fund palaite tung ah zong gam leh
nam tangin lungdam thu kong ko uh ahihi. Athumna ah Zogam leh Zomi
a ding ahihnak leh ci a, neihman lamman hilo phal man tawh Zovontawi
Fund a hong kihel diamdiam, Zomi mi malmal tungah vaisailam te'n
lungdam thu kong ko uh ahihi.
Maban a sep ding bawl ding omte ah zong tu a bangmah in pilna
siamna, tha leh zung, neihsa lamsa iit lo in pangkhawm ciat ve ni ci in i
kizawn khol ahihi.

Maban sep ding hong om toto ahihmanin, tuni a hih tangkona lai hong
suak khit zawh a kipan, i Zovontawi Fund pen palaite kiang pan
kaikhawmna phualpi in hong kineita ding hi ci in palaite zong i ki zasak
khol hi.
November 01 ni genkhawmna leh kithukimna tungtawn in November 30
ni dong kikaikhawm ding a, tua nimit lap dingin palai lam te'n zong hong
hanciam ding in i ki hanthawn pah hi.
November 30 kaikhawm ni hong ci'n ciangin Budget geel kipan ding
hang a, tua tungtawn in Zogam nasepte abanban in kizomto suak ding
cih thu, tangpi tangta te tungah WZC phualpi pan in kong tangko khia uh
hi
Zomi leh Zogam a ding na seppih uh,
Central Committee
World Zomi Congress
Zogam