Sa Aming Pamilya ( ni Narmie P. Maulingan Asuncion ALS CLC ) Ang pamilya ay ang pinaka maliit na yunit sa pamayanan. Ito ay binubuo ng ama, ina at anak. Ang ama ang haligi ng tahanan. Ang ina ang siyang ilaw ng tahanan at ang mga anak ang bunga ng kanilang pagmamahalan. Ano nga ba ang magagawa ko upang maging magandang halimbawa ng aming pamilya? Masaya ang pamilyang pinanggalingan ko. Naiintindihan namin ang damdamin ng bawat isa. Ang aming pamilya ang pinaka mahalaga para sa akin. Para sa akin marami akong magagawa upang maging magandang halimbawa sa kanila. Igagalang ko ang mga desisyon nila dahil alam kong lahat ng nais nila sa akin ay para sa kabutihan. Tutulong ako sa mga gawaing bahay. Mag-aaral ako ng mabuti upang makapagtapos. Makakatulong ako sa kanila upang maihaon sa kahirapan. Sa ganung paraan tutularan ako ng aking mga kapatid. Tutulungan ko ang aking mga pamilya na magkaroon ng edukasyon. Magsisikap ako sa pag-aaral upang magkaroon ng marangal na trabaho. Makakatulong ako sa aking pamilya at sa ibang tao. Gusto kong maging isang matagumpay na guro upang maturuan ang mga batang gustong mag-aral. Ibabahagi ko sa kanila ang lahat ng aking nalalaman. Sa bagay na iyon, maipagmamalaki nila ako sa lahat ng tao. Lahat tayo gustong maging halimbawa sa ating pamilya. Magsikap tayong gawin ang mga bagay na makakatulong sa kanila. Magdasal at humingi ng patnubay sa Diyos. Wala siyang hindi kayang ibigay kung para sa kabutihan ang ninanais.