Narayaneeyam

Dasakam: 1

-- Glory of the Lord

|| om shriikR^iShNaaya parabrahmaNe namaH ||

saandraanandaavabOdhaatmakamanupamitaM kaaladeshaavadhibhyaaM
nirmuktaM nityamuktaM nigamashatasahasreNa nirbhaasyamaanam |
aspaShTaM dR^iShTamaatre punarurupuruShaarthaatmakaM brahma tatvaM
tattaavadbhaati saakshaadgurupavanapure hanta bhaagyaM janaanaam ||

1-1

evaM durlabhyavastunyapi sulabhatayaa hastalabdhe yadanyat

tanvaa vaachaa dhiyaa vaa bhajati bata janaH kshudrataiva sphuTeyam |
ete taavadvayaM tu sthirataramanasaa vishvapiiDaapahatyai
nishsheShaatmaanamenaM gurupavanapuraadhiishamevaashrayaamaH ||

1-2

sattvaM yattat paraabhyaamaparikalanatO nirmalaM tena taavat

bhuutairbhuutendriyaiste vapuriti bahushaH shruuyate vyaasavaakyam |
tat svachChatvaadyadachChaadita parasukhachidgarbhanirbhaasaruupaM
tasmin dhanyaa ramante shrutimatimadhure sugrahe vigrahe te ||

1-3

niShkampe nityapuurNe niravadhiparamaanandapiiyuuSharuupe

nirliinaanekamuktaavalisubhagatame nirmalabrahmasindhau |
kallOlOllaasatulyaM khalu vimalataraM sattvamaahustadaatmaa
kasmaannOniShkalastvaM sakala iti vachastvatkalaasveva bhuuman ||

1-4

nirvyaapaarO(a)pi niShkaaraNamaja bhajase yatkriyaamiikshaNaakhyaaM

tenaivOdeti liinaa prakR^itirasatikalpaa(a)pi kalpaadikaale |
tasyaaH samshuddhamamshaM kamapi tamatirOdhaayakaM satvaruupaM
sa tvaM dhR^itvaa dadhaasi svamahimavibhavaakuNTha vaikuNTha ruupam ||

1-5

tatte pratyagradhaaraadhara lalita kalaayaavalii kelikaaraM

laavaNyasyaikasaaraM sukR^itijanadR^ishaaM puurNa puNyaavataaram |
lakshmii nishshanka liilaa nilayanamamR^itasyanda sandOhamantaH
si~nchat sa~nchintakaanaaM vapuranukalaye maarutaagaaranaatha ||

1-6

kaShTaa te sR^iShTicheShTaa bahutarabhavakhedaavahaa jiivabhaajaamityevaM puurvamaalOchitamajita mayaa naivamadyaabhijaane |

nOchejjiivaaH kathaM vaa madhurataramidaM tvadvapushchidrasaardraM
netraiH shrOtraishcha piitvaa paramarasasudhaambhOdhipuure rameran ||

1-7

namraaNaaM sannidhatte satatamapi purastairanabhyarthitaanapyarthaan kaamaanajasraM vitarati paramaanandasaandraaM gatiM cha |

itthaM nishsheShalabhyO niravadhikaphalaH paarijaatO hare tvaM
kshudraM taM shakravaaTiidrumamabhilaShati vyarthamarthivrajO(a)yam ||

1-8

kaaruNyaatkaamamanyaM dadati khalu pare svaatmadastvaM visheShaadaishvaryaadiishate(a)nye jagati parajane svaatmanO(a)piishvarastvam |

tvaiyyuchchairaaramanti pratipadamadhure chetanaaH sphiitabhaagyaastvaM chaatmaaraama evetyatulaguNagaNaadhaara shaure namaste ||

1-9

aishvaryaM shankaraadiishvaraviniyamanaM vishvatejOharaaNaaM

tejassanhaari viiryaM vimalamapi yashO nispR^ihaishchOpagiitam |
angaasangaa sadaa shriirakhilavidasi na kvaapi tee sangavaartaa
tadvaataagaaravaasin murahara bhagavachChabdamukhyaashrayO(a)si ||

1-10

This computer-based transliteration into English created by Lalitha and Sanatkumar for private circulation only.
R! 08/02/2014

Narayaneeyam

Dasakam: 100

-- Vision of The Lord

agre pashyaami tejO nibiDatara kalaayaavalii lObhaniiyaM

piiyuuShaaplaavitO(a)haM tadanu tadudare divyakaishOraveSham |
taaruNyaarambharamyaM paramasukha rasaasvaada rOmaa~nchitaangaiH
aaviitaM naaradaadyairvilasadupaniShat sundarii maNDalaishcha ||

100-1

niilaabhaM ku~nchitaagraM ghanamamalataraM samyataM chaarubhangyaa

ratnOttamsaabhiraamaM valayitamudayachchandrakaiH pinchChajaalaiH |
mandaarasra~N niviitaM tava pR^ithukabariibhaaramaalOkaye(a)haM
snigdha shvetOrdhvapuNDraamapi cha sulalitaaM phaala baalenduviithiim ||

100-2

hR^idyaM puurNaanukampaarNava mR^idulaharii cha~nchala bhruuvilaasaiH

aaniila snigdhapakshmaavali parilasitaM netrayugmaM vibhO te |
saandrachChaayaM vishaalaaruNa kamaladalaakaaramaamugdhataaraM
kaaruNyaalOkaliilaa shishirita bhuvanaM kshipyataaM mayyanaathe ||

100-3

uttungOllaasinaasaM harimaNi mukura prOllasad gaNDapaalii

vyaalOlatkarNapaashaa~nchita makaramaNii kuNDaladvandvadiipram |
unmiiladdantapankti sphuradaruNatarachChaaya bimbaadharaantaH
This computer-based transliteration into English created by Lalitha and Sanatkumar for private circulation only.
R! 08/02/2014

Narayaneeyam

priitiprasyandi mandasmita madhurataraM vaktramudbhaasataaM me ||

276

100-4

baahudvandvena ratnOjjvala valayabhR^itaa shONa paaNipravaale

nOpaattaaM veNunaaliiM prasR^ita nakhamayuukhaanguliisangashaaraam |
kR^itvaa vaktraaravinde sumadhura vikasadraagamudbhaavyamaanaiH
shabda brahmaamR^itaistvaM shishirita bhuvanaiH si~nchame karNaviithiim ||

100-5

utsarpatkaustubhashriitatibhiraruNitaM kOmalaM kaNThadeshaM

vakshaH shriivatsaramyaM taralatara samuddiipra haara prataanam |
naanaavarNaprasuunaavali kisalayiniiM vanyamaalaaM vilOlallOlambaaM lambamaanaamurasi tava tathaa bhaavaye ratnamaalaam ||

100-6

ange pa~nchaangaraagairatishaya vikasat saurabhaakR^iShTalOkaM

liinaaneka trilOkii vitatimapi kR^ishaaM bibhrataM madhyavalliim |
shakraashmanyasta taptOjvala kanakanibhaM piita chelaM dadhaanaM
dhyaayaamO diiptarashmi sphuTamaNirashanaa kinkiNii maNDitaM tvaam ||

100-7

uuruu chaaruu tavOruu ghanamasR^iNaruchau chittachOrau ramaayaaH

vishvakshObhaM vishankya dhruvamanishamubhau piita chelaavR^itaangau |
aanamraaNaaM purastaannyasana dhR^itasamastaartha paalii samudgachChaayaM jaanudvayancha kramapR^ithula manOj~ne cha janghe niSheve ||

100-8

This computer-based transliteration into English created by Lalitha and Sanatkumar for private circulation only.
R! 08/02/2014

Narayaneeyam

277

ma~njiiraM ma~njunaadairiva padabhajanaM shreya ityaalapantaM

paadaagraM bhraanti majjat praNata jana manO mandarOddhaarakuurmam |
uttungaataamra raajannakhara himakara jyOtsnayaa chaashritaanaaM
santaapa dhvaanta hantriiM tatimanukalaye mangalaamanguliinaam ||

100-9

yOgiindraaNaaM tvadangeShvadhikasumadhuraM mukti bhaajaaM nivaasO

bhaktaanaaM kaamavarSha dyutaru kisalayaM naatha te paadamuulam |
nityaM chittasthitaM me pavanapurapate kR^iShNa kaaruNyasindhO
hR^itvaa nishsheShataapaan pradishatu paramaananda sandOhalakshmiim ||

100-10

aj~naatvaa te mahattvaM yadiha nigaditaM vishvanaatha kshamethaaH

stOtraM chaitatsahasrOttaramadhikataraM tvatprasaadaaya bhuuyaat |
dvedhaa naaraayaNiiyaM shrutiShu cha januShaa stutyataa varNanena
sphiitaM liilaavataarairidamiha kurutaamaayuraarOgya saukhyam ||

100-11

om namO bhagavate vaasudevaaya|

om namO naaraayaNaaya|
om namO namaH

This computer-based transliteration into English created by Lalitha and Sanatkumar for private circulation only.
R! 08/02/2014