Liturgi-liturgi Distrik

I.

Liturgi I : Panompaon

Liturgi I.1 :
Ahu do bonana dohot ujungna, tung luhutna nasa na adong marhite sian Ahu do ninna
Jahowa. Ahu do na manjadihon laos Ahu do nampunasa, alani hupadiri pe luhutna i, asa
manjadi pasu-pasu di hamu dohot di saluhut na tinompa i. Marsangap ma Ho ale Amang
pardenggan basa, ai jadi-jadianMu do sude angka na masa. Ditompa Ho do sasude, dohot
daging nami nang di tondinami pe, pinuji ma goarMu. Tongtong do pasangaponnamiHo
saleleng ngolunami on.

Liturgi I.2 :
Jahowa do na manompa langit dohot tano on, rodi sude isina. Sasude na adong di portibi
on, Ahu do na manjadihon i. Ahu do Debatam haposan i, ai tongtong do hot rohangKi tu
ho saluhut jolma manisia. Di langit ni langitan, na hembang songon haen, marribu-ribu
bintang i tung ise do na mambaen? Nang sasude bohalta i, Nda Tuhan Debata? I ma tutu,
O Ale Tuhan Debatanami, dilehon Ho do sude di hami.
Liturgi I.3:
Balga nai tutu asi ni rohani Jahowa, na manompa nasa na adong di portibi on, asa sonang
jala denggan luhutna i dibagasan linggoman ni pangaramotionNa, tarjou do luhut na
tinompana i marolop-olop mangendehon gogona i, asi ni rohana i, habasaronna i.. Sai na
sian Debatatanta do nasa na adong. Nang rihit sangkamata, nang laut, nang tano on.
Tinompa ni hataNa do hau nang bulung i, nang nasa parbuena, nang angka bunga-bunga
i, nasa na uli basa ibana do na manjadihon i.

Liturgi I.4:

I ma tutu, O Debata dilehon Ho sude, ai Ho do na tongtong basa manumpak hami jolma.

Huhaposi hami do Ho ale Debatanami sitompa sasude! Saluhut hami jolma dohot saluhut
nasa na tinompaMi naeng sonang di rohaMu.. Ai ho do na margogo manompa sasude. Ho
do Ale Tuhan na pangoluhon i nang marmuduhon pe. Songon i do panarihon ni
DebatangKi di ahu. Tuhanki do sumarihon nasa na ringkot i di ahu. Holong ni rohaNai tu
saluhut hita jolma nda tung hasuhatan. Ai sun holong ni rohaNa mida hita angka manisia
natinompaNa.
Liturgi I.5:
Dipuji rohanami do goarMu ale Tuhan Jahowa, Ho do mual ni na denggan sasude di hami
angka jolma na di portibi on. Dilehon Ho do godang di hami marhite saluhut nasa
tinompaM na adong di portibi on. Asa tongtong sonang so hariboriboan hami mangolu di
bagasan portibi on. Singkop do ditompa Debata portibi on dohot nasa isina. Haholoman
hian do na manghuphupi tano on alai Debatanta do na mangalehon panondang asa tiur.
Alani parrohahon ma angka na tinompa ni Debata na mangalehon sonang dohot
pasingkophon ngolum asa marhatiuron jala gabe tau hasangapon di huasoNa.
Liturgi I.6: 1 Musa 1:1-2
Liturgi I.7: 1Musa 1:3 - 5
Liturgi I.10: 1 Musa 2:1-2
Liturgi I.11: 1 Musa 2.:3 - 4
Liturgi I.12: 5 Musa 4:32
Liturgi I.13: Psalm 89:12 - 14
Liturgi I.16: Pangungkapon 4:11

II.

Liturgi II: Hadadabu tu dosa.

Liturgi II.I : Ndang tarbahen jolma mangaradoti dirina gabe madabu ma jolma i tu
bagasan dosa. Nunga susa be sasude jolma hinorhon ni dosa. Marragam do hasusaan na
adong di portibi on hinorhon ni dosa i.
Liturgi II.2: Bisuk do ulok i laho mangela-ela jolma i asa unang mangolu dibagasan
Debata. Marragam cara dibahen ulok i tu jolma i asa mangalo hataNi Debata. Hisap ni
jolma i do dipangke sibolis i songon sinjata laho padabuhon jolma i tu bagasan dosa.
Liturgi II.3: Nang pe tung mansai godang naung dipasonggop Debata sude na denggan
tu angka jolma manisia, ndang tagamon bohi ditundali angka jolma i tu hata ni Debata.
Madabu do nasida tu bagasan dosa. On ma mula ni dosa.
Liturgi II.4: 1 Musa 3:1
Liturgi II.5: 1 Musa 3:2-3
Liturgi II.6: 1 Musa 4-5
Liturgi II.7: 1 Musa 3:6
Liturgi II.8: 1 Musa 3:7
Liturgi II.9:1 Musa 3:8
Liturgi II.10: Alai tarbahen angka tinompanai dope marsidalian muse. Umbahen na maol
jumpang hamubaon ni roha. Asa ala ni pardosaon i sahat ma jolma I tu hamatean.
Saleleng ndang bohi jolma i mangarajai dirina, lam tu godangna ma uhum na ro jala sahat
tu hamatean.
Liturgi II.11: 1 Musa 3:11
Liturgi II.12: 1 Musa 3:12
Liturgi II. 13: 1 Musa 3:13
Liturgi II.14: Parjamita 5:5

Liturgi II.15: 1 Timoteus 2:14

Liturgi II.16: 1 Timoteus 5:22

III.

Baga-baga ni Debata taringot tu haluaon marhite Sipalua

Liturgi III.1 : Didok Debata do, ndang lomo rohangKu mida hamatean ni parjahat,
mulak ma nian nasida mananda asa mangolu nasida. Debata parasiroha lambat tarrimas
jala ndang dibaloshon angka dosanta i hombar tu pangalahonta.
Liturgi III.2: Na tolhas do tu hita uhumNa na sumurung i. Dibaen holong rohaNa di
angka na porsea i. Ai ndada dilaluhon tu hita rimas i. Sai lam dipatuduhon do tu hita
denggan basaNa i. Ai songon hasundutan, dao sian purba i, bolong dosa i sian hita dibaen
Ibana.
Liturgi III.3: Ganup ari do hita mardosa, alai ganup ari do disesa Debata dosanta. Ndang
hea gotos rohaNa maniopi rimas i. Nang pe ingkon pinsangan hita dibahen dosantai.
Ndang maposihu disi uhum na nidabuhonNa.
Liturgi III.4: Tongtong do ditatap Tuhan i hita. Asi do rohana mida hita angka pardosa
laho paluahon hita. Luhutna do dosanta diporsan Ibana asa unang saut mate hami dibahen
dosai i. Sai togui ma hami Ale Tuhannami.
Liturgi III.5 : Tutu do Ho Ale Tuhan, sondang na sian Ho ido hatiuron sian ginjang.
Baen ma ture, sondangi ma nang rohanami, asa sonang hami saluhut jolma pardosa on lao
manjalo hangoluan, na pinatupami, O Tuhan!

Liturgi III.6 : Tuhan Debatanta do raja na tumimbul i. Ibana do sigomgomi hita jolma.
Denggan ni basaNa i do na pangoluhon hita, atik pe naung mardosa hita. Ale Tuhan
Debatanami jalo ma puji-pujiannami tu Ho, pargogoi ma hami saluhut manisia na
tinompaM.
Liturgi III.7: On pe, Tuhantai do na manumpahi hataNa tu hita jolma pardosa asa
tatadingkon dosa i. Doshon hauma na dumenggan ma rohanta di joloNa. Sai dilopokkon
do tu hita HataNai, asa tongtong lam ture hita di ngolunta.
Liturgi III.8: Mansai godang situtu do angka dosa dipingkiri rohangki. Longang situtu
do rohangku manimbangi lambas ni Roha ni Tuhanki mida pangalaosiongku. Ala ni
dipuji rohangkon do Ho ale Tuhan tung marribu hali do!
Liturgi III.9: Sasintongna ndang adong siboanon sian hita tu Debata. Ai pogos do hita di
hangoluan on. Alai ingkon marpos ni roha ma hita di Ibana, ndang pasidingonNa hita sian
Ibana. Dipasaut Ibana do baga-baga nanaung dilehonNai tu hita.
Liturgi III.10: Songon pidong rajauali manjagai anakNa i. Songon I do dipabali Debata
jea i sian hita jolma pardosa. Sai diiring-iring do hita masuk tu HarajaonNa. Nang
anakNa sasadasa diseahon laho paluahon hita sian hadosaonta. I do na pinabaga-bagahon
Debata tu pamagohon angka dosanta.
Liturgi III.11: Ganup taingot hata borngin, ndang patut lupa hita di hagolapon na
manghuphupi portibi on, alai holom pe borngin, andul humolom dope portibi on, na gok
dosa i. Molo songon i do hape sai rarat dosa i, andigan do bohi mulak tu Debata? Alai
unang ma marsak rohanta tahe, ai diparbaga Debata do Sipalua tu hita jolma.
Liturgi III.12:Jesaya 7:14
Liturgi III.13: Jesaya 1:1-2

Liturgi III.14:Jesaya 2:1-4

Liturgi III.15: Jesaya 60:1-2
Liturgi III.16: Jesaya 9:9
Liturgi III.17: Jesaya 40:1-2
Liturgi III.18 : Maleakhi 3:1
Liturgi III.19: Mika 5:12
Liturgi III.20: Psalm 118:24-25
Liturgi III.21: Yesaya 9:1
Liturgi III.22: Jesaya 9:2
Liturgi III.23: Joh.1:6-7
Liturgi III.24: Joh.1:8-9
Liturgi III.25: Joh.1:10-1

IV.

Hasasaut ni baga-baga i, ima hatutubu ni Jesus Kristus.

Liturgi IV.1: Hasasaut ni baga-baga I, ima hatutubu ni Jesus Kristus. Ibana do Debata na
ro tu portibi on, na gabe jolma humongkop hita. Ditadingkon Ibana do surgo I asa gabe
jolma songon hita.
Liturgi IV.2: Lukas 2:1-2
Liturgi IV.3: Lukas 2:3-5
Liturgi IV.4: Lukas 2:6-7
Liturgi IV.5: Lukas 2:8-9
Liturgi IV.6: Lukas 2:10
Liturgi IV.7: Lukas 2:11-12

Liturgi IV.8: Lukas 2:13-14

Liturgi IV.9: Ise do Jesus naung tubu i? ibana do naung manaluhon dosa dohot sibolis.
Ibana do naung manaluhon hamatean I asa malua jala mamora angka na porsea di Ibana.
Begeonta ma hatorangan na dumasip taringot tu Sipalua i.
Liturgy IV.10: Borngin na badia, borngin hatiuron mamboan dame dohot panghirimon tu
hita jolma. Panondang i naeng marsinondang tu na holom, manondangi hita jolma na di
hagolapon, na maimaima haroro ni Panondang na bolon i, ima Kristus Tuhanta i.
Liturgi IV.10: Joh 4:5
Liturgi IV.11: Ulaon.5:29
Liturgi IV.12: Ulaon.5:30
Liturgi IV.11: Ulaon.5:31
Liturgi IV.12: Kol.1:14-15
Liturgi IV.13: Kol.1:16
Liturgi IV.14: Kol.1:17-18
Liturgi IV.15: Kol.1:19-20
Liturgi IV.16: Jou-jou ni Debata di jolma i asa olo manjalo haroro ni Sipalua i. Naeng
ma hita marsinondang dompak angka donganta dungi mardapot-dapot ma las ni roha di
halak na marungkil jala marolop-olop halak na pogos marnida pambahenanni Debata.

V.

Songon dia ma hita jolma manjanghon Sipalua i.

Liturgi V.1: Boha do pangaradeionta di haroro ni Sipalua i? Unang ma holan hasomalan

sambing Advent on, alai naeng ma mangarade roha na ungkap asa unang marisuang
saluhut pambahenan ni Debata dohot Anakna Tuhan Jesus Kristus rap dohot Tondi
Parbadia i.
Liturgi V.2: Jou-jou do Debata di hita jolma asa manjalo haroro ni Sipalua i. unang ma
marisuang pambahenanNi Debata tu hita dohot haroro ni Sipalua i laho manobus hita.
Alai marsinondang ma hita dompak angka donganta marhite puji-pujian tu Debata,
marhite pambahenanta songon halak naung mananda Ibana.
Liturgi V.3: Unang sai longang rohamuna umbege hata haluaon i, unang sai so hita
marnida balga pambahenan ni Debata. Jalo ma tua dohot haluaon na binoan ni Jesus, jalo
tu bagasan roham asa malua ho sian hamagoan i.
Liturgi V.4: Nang pe lam tu majuna huria I, sai lalap do lam tu godang na poda naso
mardomu tu lomo ni roha ni Debata. Lam tu ngali na do holong ni roha jolma I, jotjot do
masa bada ala naung lao dame i. Alai Jesus do hatiuron I, sondang na sian Efrata na
binoan ni Jesus, ido na tuk mangalehon dame tu hita jolma. Jesus na tubu i do gabe sada
panondang nauli.
Liturgi V.5: Martua ma halak na porsea mida haluaon i. Haporseai ma Jesus Kristus asa
dapotan hangoluan ho dohot isi ni bagasmu. Ianggo au dohot donganku sabagas ingkon
Jahowa do oloannami.
Liturgi V.6: Unang ma dirimpu rohamuna: Ahu ro mangarumpakkon patik i, manang
hata ni angka panurirang i pe. Ndang ro Ahu mangarumpakkon; na pajongjonghon do

Ahu, ninna Tuhan Jesus. Na so tupa sega sian patik I nanggo sada sisiasia manang
sanggurit pe, paima saut saluhutna.
Liturgi V.7: Tanda naung dijangkon ho Jesus I, tung denggan ma roham maradophon
alom! Asa molo diboan ho sipelehonmu tu langgatan i, dung i tarsinggot roham disi di
sogo ni roha ni donganmu dompak ho. Mardenggan ma jolo ho dohot donganmi, asa ro
ho pasahathon sipelehonmi!
Liturgi V.8: Ra hea do dibege hamu hata na mandok: Mata do abul ni mata, ipon do
abul ni ipon!. Alai anggo Jesus mandok tu hita: Unang ma taalo na jahat! Molo adong na
mamastap hurum siamuntai, tarehon ma nang hurum sihambing!
Liturgi V.9: Ra hea do dibege hamu hata na mandok: Holong ma roham di donganmi;
hosom ma ia di musum!. Alai anggo Jesus mandok tu hita: Holong ma rohanta di
musumusunta; tatangiangkon ma angka na paburuburu hita. Asa tung gabe anak ni Ama
na di banuaginjang I hita.
Liturgi V.10: Ai dipabinsar Ama na di banuaginjang I do mata ni arina tu angka parroha
na jahat nang tu na bonar, diparo do udan tu parroha na tigor nang tu na geduk marroha.
Aha ma upani halak na holan marholong roha di angka na manghaholongi ibana?
Liturgi V.11: Didok Tuhan Jesus do muse tu hita ingkon sun denggan do rohanta songon
Amanta na di banuaginjang i. Alani rohanta na sun denggan i tapatuduhon ma marhite
holongta dompak donganta nang musunta!
Liturgi V.12: Jala bunu hamu ma ruasmuna, angka na di tano on; parmainanon,
hahodaron, riting ni roha, hisap-hisap na roa, ro di pangahution, ima pardebaton na leban.
Angka rimas ni Debata do i. Alani ingkon gabe jolma naimbaru ma hamu tanda
dijanghon hamu haroro ni Sipalua i.

Liturgi V.13: Unang ma masigabusan hamu, ai nunga ditanggal hamu jolma na buruk I
rap dohot angka parulaonna. Jala nunga disolukkon hamu naimbaru I, na pinaimbaru, asa
tandaonna rupani na tumompa Ibana.
Liturgi V.14: Kollose 3:11
Liturgy V.15: Kollose 3:12
Liturgi V.16: Kollose 3:13
Liturgi V.17: Kollose 3:14-15
Liturgi V.18: Kollose 3:16
Liturgi V.19: Kollose 3:17
Liturgi V.20: Lam ringkot do panjouonMu di au pardosa on Ale Tuhannami, Jesus nami.
Antong lam las ma rohangku manggolom hataMon. Na mangihuthon Jesus parroha
naburju, ingkon dapotan parjambaran do. Na ro ma au o Tuhan. Naeng sonang dohot ahu!

10