LITURGI NATAL PAROMPUAN

HKBP RIAMA PPM 2009

Thema

Sub thema

Ai jaloon muna do saluhut nasa na pinangido ni rohamuna ditangiangmuna,

anggo na porsea hamu
(Mateus 21:22)
Hangoluhon ma na hinaporseaanmuna i, i ma Jesus Kristus na tongtong
sumarihon ngolunta.

Prolog liturgi I : Saluhut do ditompa Debata, langit, tano laut dohot nasa isina. Ditompa do
angka suansuanan, pahanpahanan, dungi jolma. Saluhutna i manjadi do
marhite sian hapistaran dohot hagogoon ni Debata di bagasan huasoNa na
badia i. Nuaeng tabege ma pangantusion na sintong taringot tu panompaon ni
Debata.
Liturgi I.no 1
Nai Parluhutan

Mansai uli saluhut na tinompa ni Debata, angka dolok dohot rura, angka suansuanan na
rumatarata, saluhutna i patuduhon hinauli ni panompaon ni Debata, tung na so hadodoan
do parbinotoanNa. Boha do ulaning i? Songon dia do dibahen Debata manompa nasa na
adong i? Sian dia do bahan manang alat ni Debata laho manompa saluhutna i?
(dung sidung liturgi I no.8 rap marende ma parliturgi I, BE.No.116:1)

Liturgi I.no 2 Ia panompaon na pinatupa ni Debata songon on do i. Ndada marhitehite alat manang
Op Martin br ulaula Debata manompa, ai ndada songon pande Debata manompa nasa na adong, alai
lobi sian i do. Holan marhite hataNa sambing do. Molo didok Debata jadi ma ho na tiur:,
Haloho
jadi do. Songon i do sude. Sandok molo didok Debata jadi, manjadi ma songon na
nidokNa i.
(dung sidung liturgi I no.8 rap marende ma parliturgi I, BE.No.116:1)

Liturgi I.no 3 I do tutu, tung halongangan do panompaon ni Debata, ai ndang sian na adong Debata
Nai Rini br manompa, alai sian naso adong do gabe adong. Ndang adong na so tarpatupa Debata.
Angka dia ma na tinompaNa i?
Samosir
Di mula ni mulana ditompa Debata ma langit dohot tano. Ditompa ma muse na tiur.
Digoar Debata ma na tiur i arian, jala dibahen Debata ma parsirangan ni na tiur sian na
holom, goar ni na holom i borngin.
(dung sidung liturgi I no.8 rap marende ma parliturgi I, BE.No.116:1)

Liturgi I.no 4
Nai Luhut

Di ari paduahon ditompa Debata ma hajanghajang di parsitongaan ni angka aek, bahen

parsirangan ni aek tu aek. Di ari patoluhon ditompa Debata ma tano manang darat asa
tarida na mahiang. Jala parpunguan ni angka aek, digoari laut. Jadi dipantubuhon tano i
ma duhutduhut dohot suansuanan na marparbue tudos tu mansamna. (dung sidung liturgi
I no.8 rap marende ma parliturgi I, BE.No.116:1)

Liturgi I.no 5 Di ari paopathon, ditompa Debata ma panondang di hajanghajang ni langit asa
Nai Anna br disondangi tano on. Di ari palimahon, ditompa Debata ma angka dengke dohot nasa na
marhosa, angka na manjirir di bagasan aek, ro di na sa pidong na martongatonga langit na
Manik
masiboan mansamna.
(dung sidung liturgi I no.8 rap marende ma parliturgi I, BE.No.116:1)

Liturgi I.no 6 Di ari paonomhon, ditompa Debata ma jolma tumiru rupaNa, tudos tu pangalahoNa, baoa
Nai Willi br dohot boruboru nasida ditompa, asa dirajai sandok tano on. Dungi diida Debata ma sude
na tinompaNa i nunga denggan situtu.
Dabungke
(dung sidung liturgi I no.8 rap marende ma parliturgi I, BE.No.116:1)

Liturgi I.no 7 Alai dung ditompa Debata nasa na adong, didok Bibel i, maradian do Ibana di ari
Nai Cristin br papituhon. Songon dia do lapatan nii? Ai naung maradian do Debata sahat tu nuaeng?
Manang ndang adong be ulaon ni Debata dung panompaon i?
Pinem
(dung sidung liturgi I no.8 rap marende ma parliturgi I, BE.No.116:1)

Liturgi I.no 8
Nai Lamhot

Ndang songon i lapatan ni i. Bege hamu asa hupatorang. Dung sun ditompa Debata nasa
na adong, maradian do Ibana tutu sian nasa ulaon panompaon, alai ndang maradian Ibana
sian ulaonNa, torus do Debata mangulahon angka na denggan na ringkot di ngolunta,
dipasupasu do hita saluhutna. Tapuji jala tapasangap ma Debata naung manompa hita
dohot na ringkot di hita jala dipasingkop do marhite pasupasuNa di ngolunta. Antong
taendehon ma pujipujian di Debata, sian Buku Ende No. 116:1 ditompa Ho do au.

Prolog liturgi II : Diginjang ni roha i do marhabangsa sibolis i laho mangelaela jolma i asa lam
tangkang jala mangalaosi Patik ni Debata, panghorhonna gabe uhum ni
Debata ma. Tapaihutihut ma liturgi on.
Liturgi II.no 1
Nai Argani

Mansai sonang jala denggan do inganan ni jolma na parjolo i dibahen Debata di

porlak Eden i. Ndang adong na hurang, singkop do sude diparade Debata di jolma
na tinompaNa i.

Liturgi II.no 2
Op Christin

Nuaeng tabege ma mula ni dosa dohot pangonai na tu jolma na parjolo i. Didok di

Bibelta i; ulok do na paotootohon jolma i gabe dibuat jala dipangan si Hawa
parbue ni hau i, laos dilehon tu si Adam.

Liturgi II.no 3
Nai Rosa

Ia parbue ni hau i, i ma parbue ni hau na diparsitongaan ni porlak i, na so boi jama

on apalagi ma panganon. Didok Debata do : unang pangan hamu sian i, jala
unang jama hamu, asa unang mate hamu. Alai tung mansai bisuk do sibolis
mangelaela jolma i asa manundali Debata. Disuanhon sibolis ma roha diri tu
jolma i gabe pia matana marnida, laos dipangan, gabe mardosa ma.

Liturgi II.no 4 Alai anggo nuaeng ndang adong be songon ulok dohot parbue ni hau songon na
Nai Duma Br tarsurat i. Alai, panginona ni dosa i do di hajolmaon sahat tu tingki on, na
Simanjuntak
mambahen uhuman ni Debata. Ia gombaran ni parbue ni hau na di parsitongaan ni
porlak Eden i nuaeng, i ma : hisaphisap maang hinagiot ni pardagingon na sai
tongtong mangalaosi Patik, aturan dohot Hata ni Debata.
Liturgi II.no 5
Op Mendez

Alai tandap do parulaon ni daging, i ma : parmainanon, hahodaron,

pargadombuson, hasipelebeguon, hadatuon, parmusuon, parbadaan, pangiburuon,
lessem, teal, rimas, ungutungut dohot angka na so tama diadopan ni Debata.

Liturgi II.no 6 Ia si Hawa gambaran nuaeng i ma : angka parompuan manang ina na so jolo
Nai Widia br marpanungkun tu si Adam, sinondukna i. Atik pe naung pinadomu ni Debata
Sirait
nasida jala nunga diaturhon baoa i do ulu di rumatangga, songon Kristus, Ulu ni
Huria i.
Liturgi II.no 7 Dibahen i ndang denggan molo so jolo masisungkunan laho mambuat haputusan
Op Esra br di rumatangga, ai i do bossir hasesega ni keluarga. Songon i do ngolu ni marhuria,
Simanjuntak
ingkon sungkunon jala niundukhon do angka aturan ni huria hombar tu lomo ni
roha ni Debata.
Liturgi II.no 8
Inang Guru

Nang si Adam pe mardosa do, ai diloas ibana do si Hawa pulik gabe mura
dihusipi angka sibolis. Sai tongtong ma marsada ni roha ama dohot ina jala rap
mangula asa ndada mura dipalindaklindak angka parjahat na laho manegai
parrumatanggaon. Rap renta ma ama dohot ina dohot iananghonna tu gareja, asa
unang diunjuni sibolis i. Amen.

Prolog liturgi III : Ragam cara dibahen sibolis i laho mangago jolma i, alai ndang dipasombu
Debata songon i masa sahat tu ujungna, ai Parasiroha godang do Ibana,
alani i diparbagabaga do laho paluahon jolma i sian dosa.
Liturgi III.no 1
Op Esta

Anggo ninna rohanta nian pintor diuhum Debata ma jolma i saleleng ni lelengna
ala nunga mardosa; alai ndang songon i sangkap ni rohaNa, ai so tardodo
holong dohot asi ni rohaNa i. dilehon dope tingki parasian laho paubahon roha.
(Sidung liturgi III.2, marende ma parliturgi III, no.173;1)

Liturgi III.no 2 Songon sintong na mangolu Ahu, ninna Jahowa; tung so lomo do rohangKu
Nai Winda br mida hamatean ni parjahat, na lomo do rohangKu mida hamumulak ni parjahat i
Opusunggu
tumadinghon dalanna, asa mangolu ibana. Antong marende ma hita sian ende
No. 173:1 sai mulak, sai mulak

Liturgi III.No 3 Parasiroha jala Pardenggan basa do Jahowa,lambat tarrimas jala parasiroha
Nai Bolive br godang. Ndang dibahen tu hita hombar tu angka dosanta, jala ndang dibaloshon
Nainggolan
tu hita hombar tu angka hajahatonta. Songon asi ni roha ni amaama mida angka
anakna, asi ni roha ni Debata di angka na manghabiari Ibana.
(Sidung liturgi III.2, marende ma parliturgi III, no.173;1)
Liturgi III.no 4 Ro ma hamu tu Ahu, asa mangolu tondimuna, ninna Jahowa. Tung sura rara
Nai
Mei
br dosamuna songon abit bunga dapdap, bontar do bahenonKu songon itak, nang
Panjaitan
pe rara songon abit hasumba gabe songon hapas do muse.
(Sidung liturgi III.2, marende ma parliturgi III, no.173;1)
Liturgi III.no 5 Songon on do Hata ni Jahowa : nunga pola hupasisi angka pangalaosim songon
Nai Tina br ombun, jala songon ombun manorop angka dosam. Sai mulak ma ho tu ahu, ai
Sianturi
Ho do sipalua ahu.
(Sidung liturgi III.2, marende ma parliturgi III, no.173;1)
Liturgi III.no 6 Ai songon on do holong ni rohaNa mida portibi on, pola do AnakNa na sasada i
Nai Cristopel br dilehon, asa unang mago ganup na porsea di Ibana asa hangoluan na hot ro di
Sitorus
saleleng ni lelengna di Ibana.
(Sidung liturgi III.2, marende ma parliturgi III, no.173;1)
Liturgi III.no 7 Molo tongtong do hita mangolu di bagasan Hata ni Debata, pos ma rohanta, sai
Nai Adolf br na donganan ni Debata do hita laho mangalo hisaphisap ni daging dohot
Siburian
maninggalhon dosanta.
(Sidung liturgi III.2, marende ma parliturgi III, no.173;1)
Liturgi III.no 8 Antong rap ma hita manjanghon Sipalua i, taungkap ma rohanta asa bongot Raja
Nai Juanda br i di rohanta. Lam marsihohot ma hita umbege, mangguruhon dohot mangulahon
Togatorop
hataNa jala dapotan upa ma hita di haroroNa i. Amen
(Sidung liturgi III.2, marende ma parliturgi III, no.173;1)
Prolog liturgi IV : Lam dipatuduhon Debata do tu jolma i, holong dohot asi ni rohaNa,
diparbaga do haroro ni Sipalua laho paluahon jolma I sian ihotihot ni
sibolis i.
Liturgi IV.no 1
Nunga mandate roha ni bangso paimahon haluaon sian Debata, ai tarbuang do
Nai Pandi br bangso Israel ala ni dosana, masihol bangso Israel mulak tu bona pasogitna tu
Gultom
huta Jerusalem, asa sumuang muse marsaor nasida di Bagasjoro. Sai hira na
ditadinghon Debata do panghilalaan nasida, alanii maimaima do bangso i di
haroro ni Mesias Sipalua i.
Liturgi IV.no 2
Ro do Hata ni Debata tu Panurirang Jesaya mandok ; apuli, apuli hamu ma
Nai Masata br bangsoKi, ninna Debatamuna. Hata apulapul ma dok hamu tu roha ni isi ni
Rajagukguk
Jerusalem, jala jouhon hamu ma tu nasida Nunga marujung parungkilonna, ai
nunga salose dosana i, ai nunga dijalo sian tangan ni Jahowa silompit dua
singkat ni saluhut dosana.
Liturgi IV.no 3
Ro do Hata ni Debata tu panurirang Jesaya mandok : tung sura rara dosamuna
Nai Monang br songon abit bunga dapdap, bontar do bahenonku songon itak; nangpe rara
Pardosi
songon abit hasumba, gabe songon hapas do muse. Di ari na sasada i sogot, uli
jala marmulia tunas ni Jahowa, gabe huhut uli parbue ni tano i di angka na
malua sian Israel.
Liturgi IV.no 4
Ai ndada pingkiranKu, pingkiranmuna i, jala ndada dalanmuna angka dalanKu,
Nai Marten br ninna Jahowa. Tagan diparpiar ni murukKu Hutabunihon do bohingKu
Haloho
satongkin maradophon ho, alai marhitehite denggan basa salelenglelengna
asianKu ho, ninna Jahowa sipalua ho.
Liturgi IV.no 5
Alai anggo ho huta Betlehem Eprata, mametmethu do ho nian anggo tung pola
Nai Patuan br jujuron tu angka huta marriburibu di Juda, hape sian ho do haroroan ni na gabe
Sianipar
panggomgomi ni Israel, jala angka haroroanna sian nahinan, sian angka ari na
robi salelenglelengna.

Liturgi IV.no 6
Ida ma, gabegabean ma sada na marbaju jala tumubuhon sada anak, jala
Nai Debora br bahenonna goarna : Immanuel. Hehe ma ho, marsinondang ma ho, ai na ro ma
Nainggolan
panondangmu, jala hamuliaon ni Jahowa binsar di atasmu. Alani pauli hamu
dalan ni Jahowa, patigor hamu di adaran dalan balobung ni Debata. Ingkon
gohan do nasa rura, jala parejeton nasa dolokdolok dohot buntulbuntul, jala
gabe na hornop do na marnangkok tuat, jala gabe rura tanggurung ni dolok.
Liturgi IV.no 7
Ai nunga tubu di hita sada posoposo, dilehon tu hita sada Anak, pampe tu
Nai Friska br abaraNa do sogot harajaon, jala bahenonna goarNa : Sipartahi halongangan,
Siahaan
siulubalang ni Debata, Ama saleleng ni lelengna, Raja Hadameon.
Liturgi IV.no 8
Nai Vivi

Alai jongjong anggo Ibana, jala marmahan mangasahon gogo ni Jahowa,

marhitehite hamuliaon ni goar ni Jahowa Debatanta; jadi maringan ma nasida, ai
timbul ma ibana disi ro di angka ujung ni tano on. Amen.

Prolog liturgi V : Nunga jumpang tingkina hombar tu bagabaga ni Debata taringot Sipalua,
natinubuhon ni si Maria, na gabegabean sian Tondi Porbadia di huta
Betlehem.
Liturgi V.no 1
Op Toni

Dungi ro ma uju i parenta sian Kesar Agustus, ingkon suraton nasa jolma di
gomgomanna. Pamilangan parjolo ma i, uju digomgomi si Kirenius tano Siria.

Liturgi V.no 2
Nai Denni

Jadi borhat ma sasude, asa disurati, ganup tu bona ni pinasana. Borhat ma nang
si Josep dohot si Maria, na sian Galilea, sian Nazareth, nangkok tu luat Judea tu
huta ni si Daud na margoar Betlehem, ala sian pomparan jala marga ni si Daud
ibana. Pasurathon dirina rap dohot si Maria, oroanna i naung gabegabean. Jadi
di na disi ni nasida, gok ma ari ni hangoluanna.

Liturgi V.no 3
Nai Febri

Ditubuhon ma anak buhabajuna, diborhos ma, dipeakhon ma tu bagasan

panggagatan, ala so adong inganan na asing di parmianannasida. Jadi adong ma
marborngin di ladang na disi ni angka parmahan, mangingani pinahan nasida.
Jadi didapothon sada Surusuruan ma nasida, jala marsinondang ma sangap ni
Tuhan i humaliang nasida, gabe mabiar situtu ma.

Liturgi V.no 4
Alai didok Surusuruan i ma tu nasida ; unang mabiar hamu, ai barita halalas
Ny Naiputpulu ni roha godang do huboan tu hamuna, parsaulian ni sandok bangso i. ai
br Manurung
naung tubu do di hamu saborngin on, di huta ni si Daud, Sipalua i, i ma
Kristus Tuhan i. on ma partinandaan di hamu: posoposo do dapotonmuna, na
binorhos peak di panggagatan.
Liturgi V.no 5
Hansitna i tutu na tinaon ni si Josep i, tarlumobi ma si Maria naung gabegabean,
Nai Hilad br alai ingkon oloan nasida ma parenta ni Kesar, jala mardalan mansai dao jala
Sianga
maol situtu sidalanan i. Boasa ingkon songon i?
Liturgi V.no 6
Ai toho do i hansit, alai unang alo tu haporseaonta, molo ingkon songon i
Nai
Uli
br sitaonon ni si Josep dohot si Maria. Ai laos disi do sangkap hatuaon ni Debata.
Situemang
Dipardalanan na tu Betlehem i do masa hasasaut ni bagabagaNa marhite
hatutubu ni Jesus, Tuhan Sipalua hita.
Liturgi V.no 7
Sasintongna mansai maol do siat tu pingkiran jala ndang tarjalo roha. Hape laos
Nai Prengki br songon i do dibahen Debata dalanNa jala hurang tarjalo roha do, boasa
Rajagukguk
diinganan na lea hatutubu ni Sipalua i, di bara ni pinahan.
Liturgi V.no 8
Ai songon timbo ni angka langit sian tano on, songon i do tumimbo angka
Nai Dame br dalanKu sian dalanmuna i, jala angka pingkiranKu sian pingkiranmuna i, ninna
Haloho
Jahowa. Alani unang manigor maralo tu rohanta, molo pe songon i dalan
dibahen Debata. Nang di pardalanan ngolunta on pe, molo masa pangunjunan
dohot parungkilon, unang pintor mandele, atik dalan ni Debata do i laho
mambahen hasonangan di hita. Tapuji ma goarNa na marmulia i. Amen

Prolog liturgi VI : Nunga ro rajanta Sipalua i, ndada holan hita dipalua, alai dohot do nang
portibi on. Sude ma na sa na manggulmit, na sa ulu ni tot marsomba tu
Ibana, Raja Hadameon i.
Liturgi VI.no 1
Nai Doli

Puji ma Jahowa ale todingku, jala nasa rohangku dibagasan mamuji goarNa na
badia i. Ibana manesa dosam sudena. Ibana pamalum angka sahitmu sudena,
Ibana paluahon ngolum sian hamagoan, Ibana martumpalhon denggan basa
dohot asi ni roha.

Liturgi VI.no 2
Puji ma Jahowa ale tondingku, dipamahap do rohangku marhitehite denggan
Nai Johanes br basa, Ibana do patupahon angka pambahenan hatigoran, Ibana do pabotohon
Simanjuntak
angka dalanNa.
Liturgi VI.no 3
Nai Sonya

Puji ma Jahowa, hamu angka parrangan parbanuaginjang, na mangoloi angka

parentaNa, na sai tongtong tangi tu angka hataNa. Hamu angka naposoNa na
mangulahon lomo ni rohaNa.

Liturgi VI.no 4
Puji ma Jahowa, hamu ale angka na tinompaNa, di sude inganan ma
Nai Josua br hinarajaanNa. Puji ma Jahowa, ale tondingku. Jahowa do nampuna sude portibi
Simbolon
on dohot nasa isina.
Liturgi VI.No 5 Ibana do nampuna portibi on dohot nasa na mangolu di bagasanna. Ai Ibana do
Nai Parayoga br paojakhon i di bagasan ni aek na bagas di toru ni tano on, jala pahothon i di atas
Simbolon
ni laut angka na bagas i.
Liturgi VI.no 6
Nai Farisa

Puji ma tuhan i, Debata ni Israel, ala ditopot bangsoNa jala dipatupa haluaonna.
Dipatindang do di hita tanduk haluaon, di bagas ni si Daud naposoNa i. Hombar
tu na hinatahonNa marhite soara ni angka panurirangNa na badia i sian na robi.

Liturgi VI.no 7
Ari on do najinadihon ni Jahowa, marolopolop jala marlas ni roha ma hita disi.
Nai Putri br Iale Jahowa sai manumpak ma Ho! Iale Jahowa sai Ho ma mambahen manjadi!
Manalu
Pinasupasu ma na ro marhitehite goar ni Tuhan i.
Liturgi VI.no 8
Op Holong

Beta ma hita saluhutna mamuji Goar ni Jahowa na marmulia i, ai Parasiroha

bolon jala Pardenggan basa, hamoraon dohot hasangapon dohot hagabeon na
salelenglelengna dilehon tu hita. Amen

Prolog liturgi VII : Nuaeng begeonta ma hatorangan na dumasip taringot tu Jesus Sipalua i.
Ibana do Sipalua naung rot u Portibi on manaluhon dosa dohot hamatean,
asa malua jala mamora saluhut angka na porsea di Ibana.
Liturgi VII.no 1
Nai Vetrika

Dung i toropan do nasida na gabe porsea ala ni Hata ni Jesus. Gabe didok nasida
ma tu boruboru i; ndang be ala ni pandokmi, umbahen na porsea hami; ai nunga
hubege jala hutanda hami sandiri, Ibana do tutu Sipalua portibi on.

Liturgi VII.no 2
Nai Enjel

Dung i ninna si Petrus dohot angka apostel i ma mangalusi : Ingkon oloan do

iba di Debata asa di jolma. Di pahehe Debata ni angka amanta do Jesus,
napinusamuna, uju digantung hamu Ibana tu hau. Tu siamunNa do dipabankit
Debata Ibana gabe Partogi jala Sipalua, laho mangalehon tu halak Israel
hamubaon ni roha dohot hasesaan ni dosa.

Liturgi VII.no 3 Mandok mauliate ma hamu di Ama i, naung patauhon hamu, manjalo tohap na
Nai Yunike br di bagasan hatiuron i, siteanon ni angka na badia i. Ai nunga diroro hita sian
Sumbayak
gomgoman haholoman i, jala dipaunsat hita tu bagasan harajaon ni Anak,
haholongan ni rohaNa.
Liturgi VII.no 4 Di bagasan Ibana do adong di hita haluaon i, i ma hasesaan ni angka dosanta.
Nai Andre br Ibana do suman ni Debata na so tarida i ; na parjolo tubu sian na sa na tinompa
Silalahi
dohot andorang so haoojak ni tano on.

Liturgi VII.no 5 Ai marhite sian ibana do ditompa saluhutna, na di banuaginjang dohot na di

Nai Irvan br banua tonga on, na tarida dohot na so tarida i, angka habangsa, angka harajaon,
Simanullang
angka gomgoman, angka parhuasoon, saluhutna i do ditompa marhitehite Ibana,
jala marhapatean tu Ibana.
Liturgi VII.no 6
Nai Charli

Jala di jolo ni saluhutna do Ibana, jala saluhutna i do hot di bagasan Ibana. Ibana
do ulu ni pamatang i, i ma huria i. Ibana do parmulaan, naung parjolo tubu sian
angka na mate, asa Ibana parjolo di na saluhutna. Ai ditontuhon Debata do
naeng maringanan di bagasan Ibana sandok hagogokna i.

Liturgi VII.no 7 Nang sian Jesus Kristus, sitindangi haposan i, na parjolo tubu sian angka na
Nai Miranda br mate sigomgom angka raja ni tano on! Ibana do manghaholongi hita jala dipalua
Napitu
hita sian angka dosanta marhitehite mudarNa na badia i.
Liturgi VII.no 8
Op
nisi
Rosalinda
br
Tampubolon

Dijadihon do hita gabe harajaon hamalimon ni Debata, AmaNa i. Di Ibana ma

hasangapon dohot hagogoon ro di salelenglelengna. Ida ma, na ro ma Ibana di
bagasan ombun! Idaon ni nasa mata do Ibana, nang angka naung manullang
Ibana, gabe mangangguhi be ma saluhut bangso ni tano on mida Ibana. I ma
tutu. Amen.

Prolog liturgi VIII : Parbuehon ma haporseaon dohot pamujianmi tu Debata di bagasan ngolum
marhitehite parange na tama, daulat, burju mangula jala masihaholongan.
Liturgi VIII.no 1
Diungkap Sipalua i do pintu harajaon ni Banuaginjang laho mangarahon angka
Nai Varadatya br na niasianNa, asa malua nasida sian gomgoman dosa jala maringan di huta na
Siagian
pinauli ni Debata.
Liturgi VIII.no 2
Didok Jesus, Sipalua i do; Ahu do pintu i, paluaon do ganup na bongot sian
Nai Daniel br Ahu, na laho bongot jala laho ruar ma ibana, dapotan jampalan, asa adong
Naibaho
hangoluan di nasida.
Liturgi VIII.no 3
Nunga taboto jala nunga diungkap pintu i tu hita, alai mansai dao do i sian
Nai
Chrina
br portibi on, sian roha ni na so tumanda Ibana. Hita pe soratan jala loja
Simbolon
digosagosa portibi on dipardalananta laho manjumpangi pintu i, antong boha na
ma?
Liturgi VIII.no 4
Didok do muse : Ro ma hamu tu Ahu, hamu angka na loja jala na sorat asa
Nai
Lusi
br hupasonang hamu Ahu do panondang ni portibi on, naso tupa mardalan di na
Hutajulu
holom na mangihuthon Ahu.
Liturgi VIII.no 5
Haporseai ma na tutu do Ibana pangapul na sumurung dohot pandaoni bolon di
Nai
Andre
br angka na marsak dohot na marsahit, dilehon do tu hita aek dohot roti hangoluan
Sinaga
asa ndada be mauas dohot male angka na manganhon sian i.
Liturgi VIII.no 6
Inang Pandita

Dung i dipaborhat do hita tu portibi on laho mangarahon angka donganta, ai

ddidok do : Ahu do mamillit hamu jala Hupadiri hamu, asa laho hamu
marparbue, jala asa mian parbuemuna i. Alani i dungo jala hobas ma hita
mangulahon tona parsuruonNa i, hohosi ma gontingmu jala pagalak ma palito di
tanganmu.

Liturgi VIII.no 7
Nai Kristin

Beta hamu dongan laho mangula di porlak ni Tuhan i, asa dapotan na tama hita,
jala parangehon ma na tama jala marroha na daulat ma hita asa masihaholongan
sama hita songon Kristus i manghaholongi hita.

Liturgi VIII.no 8
Antong solukhon hamu ma holong na sian Kristus Jesus, Tuhanta i. Ai i do
Ny
Siregar
br patukhon hita laho manghaholongi dongan jolma. Amen
Siahaan

Prolog liturgi IX : Nunga ro jala nunga marsaor Ibana di hita nang di rohanta, aha do
panghorhonna molo sai burju hita mangihuthon Ibana dohot mangulahon
lomo ni rohaNa? Tangkas ma tapaihutihut liturgi on.
Liturgi IX.no 1
Nai Quenda br
Rajagukguk
Liturgi IX.no 2
Op Josua

Martua ma na pogos tondi, ai di nasida do harajaon banua ginjang. Burju ma

ibana mangulahon lomo ni roha ni Debata asa dipamora ibana.

Liturgi IX.no 3
Nai Hasurungan

Martua ma na lambok roha, ai teanon ni nasida do tano on. Halambohon do

paombunhon rimas jala hahilashononna hinadeak ni hadameon.

Liturgi IX.no 4
Ny Silitonga br
Sitorus
Liturgi IX.no 5
Nai Leo/ Ny
Rumahorbo

Martua ma na mauas male mida hatigoran, ai sipabosuron do nasida. Jaloon na

ma jala daion na ma denggan basa ni Jahowa.

Martua ma na marsak roha, ai siapulon do nasida. Benget ma rohana jala sabam

manaon angka parungkilon i, apusan ni Debata do iluilu sian mata nasida.

Martua ma na asi roha, ai siasian do nasida. Martua ma parroha na ias, ai idaon

nasida do Debata. Tatingkathon ma marngolu masiurupan, mardiakoni sosial,
asa dipabosur Debata hita marhitehite asi ni rohaNa na godang i.

Liturgi IX.no 6 Martua ma sibahen dame, ai goaron do nasida anak ni Debata. Molo dung anak
Nai Tina br ni Debata nasida, marhuaso ma nasida di sude hamoraon dohot hamuliaon ni
Samosir
Debata. Taradoti ma hadameon di luatta, di huria nang di tonga ni bagasta be, ai
i do dihalomohon Debata.
Liturgi IX.no 7 Martua ma na pinaburuburu ni halak ala ni hatigoran, ai di nasida do harajaon
Nai
Juli
br banuaginjang. Las ma rohamuna jala marolopolop, ai godang do upamuna di
Pasaribu
Banuaginjang i, ai songon i do dipaburuburu angka panurirang na jumolo sian
hamu.
Liturgi IX.no 8
Nai Rikki

Martua ma hamu molo marhapantunon hamu tu sasude, haholongi ma angka

dongan, habiari ma Debata jala pasangap ma angka raja.

Liturgi IX.no 9 Martua ma angka na mamio angka na pogos, angka na martihas, na pangpangon
Op Yolanda br dohot na mapitung asa lehononmu mangan, ai baloson ni Debata ma di hamu
Sinurat
rap mangan di harajaonNa i.
Liturgi IX.no 10 Antong paserep ma roham jala parbadia i laho manjanghon hata ni Debata dohot
Nai Santi br mangulahon, ai didok do : Martua ma angka na tumangihon Hata ni Debata
Hombing
jala na umpeopsa Amen.

TERTIB ACARA NATAL PAROMPUAN

HKBP TAPIAN NAULI TAON 2007
Thema

Sub thema

Ai jaloonmuna do saluhut nasa na pinagidomuna di tangiangmuna, anggo na

porsea hamu! (Mateus 21:22)
Marhite Natal ina mangarahon saluhut ruas ni huria HKBP Tapian Nauli
manghangoluhon Tuhan Jesus Krisrus na tongtong sumarihon ngolu ni angka na
porsea.

I. PATUJOLO.
1. Hata Patujolo.
a. Ketua Dewan Koinonia
b. Ketua Seksi Ina
c. Mewakili sian Ina
d. Mewakili sian Ama
2. Pagalakhon lilin natal (diiringi musik/ orgel sian BE. No. 54)
a. Parjamita.
b. Ketua Dewan Koinonia
c. Ketua Seksi Ina
d. Mewakili sian Ina
e. Mewakili sian Ama

II. IBADAH NATAL.

01. Marende No. 57:1+3 Nunga jumpang muse
02. Votum : 54/A.1 + 74/ 8
03. Marende No 56:1-2 Sai ro ma hamuna
04. Liturgi I
05. Koor
06. Liturgi II
07. Marende No. 53:1 + 4 Di Betlehem do tubu
08. Liturgi III
09. Marende No. 49:3-4 Sai ro ma tu bara
10. Liturgi IV
11. Marende No. 3:1
Puji Jahowa Ale Tondingku
12. Liturgi V
13. Koor
14. Liturgi VI
15. Marende No. 52:1-2 Hatuaon do
16. Liturgi VII
17. Marende No. 54:1+3 Sonang ni borngina i
18. Liturgi VIII
19. Marende No. 48:1 Ria ma hita sasude
20. Liturgi IX
21. Marende No. 46:1-2 Na sian ginjang do au ro
22. J a m i t a :
23. Marende No. 62:1---(Papungu Pelean) Halalas ni roha godang
24. Tangiang Panutup dohot pasupasu.
Amen..amen..amen..

SELAMAT HARI NATAL

&
TAHUN BARU 01 Januari 2008