Ako si Jessica P. Castillo, 16 taong gulang na ipinanganak sa JP
Hospital sa ika-9 ng Oktubre taong 1998. Ako ay nakatira sa Brgy. Parian, Calamba City, Laguna. Ang aking mga magulang ay sina Jocelyn Castillo at Crispin Castillo. Ang aking mga magulang ay may sariling pinapatakbong tindahan upang may maipangtustos sa pangangailangan at pag-aaral naming magkakapatid. Ako ang pangatlo at bunso sa aming magkakapatid. Sila ay sina Christian Joseph Castillo at Josue Castillo. Lumaki ako sa pangangalaga ng aking mga magulang. Lumaki akong kapiling ang aking pamilya. Isa lamang akong normal na bata na nakaranas din makipaglaro sa mga kaibigan sa kalye at maging sa bahay ng kaibigan. Nag-aral ako ng kinder hanggang sekondarya sa sarili kong bayan. sa Jose Rizal Memorial School(Central1) ako nag-aral mula kinder hanggang elementarya. Isang normal na estudyante lamang. Marami ring kaibigan. Ngunit sa pagtungtong ko sa sekondarya ay dalawa ang aking pinasukan. Hindi naman ako nahirapan dahil mas dumami pa ang aking kaibigan. Sa unang taon ko bilang hayskul ay sa Saint John Colleges at ang mga natirang taon naman ay sa Jesus Is Lord Colleges Foundation. Nagtapos ako ng may karangalan at ito ay bilang isang salutatorian. Isang karangalan na hindi ko lubos akalain na aking makakamit. At dahil sa karangalang ito, alam ko na magagamit ko ito sa pagtungtong ko sa kolehiyo. Hindi lang dahil sa discount sa tuition, kundi naisip ko na maipapasa ko ang lahat ng mapagdadaanan ko rito. At ito na nga ang panahong akoy tumungtong sa kolehiyo. Panibagong makakasalamuha at panibagong kapaligiran dahil ibang bayan ang paaralang aking pinasukan. Ang napili kong paaralan ay ang University of Perpetual Help System Laguna sa kadahilanang sila lang ang paaralang may kursong Dentistry sa buong bayan ng Laguna. Ang iba ay sa Batangas at Maynila na. Hindi ako pinayagan ng aking mga magulang na mag-aral sa sobrang layong lugar dahil gusto nilang masigurado ang aking kaligtasan. Kasalukuyan akong nakikipagsapalaran sa unang semester ng taong ito. Naghahabol ng mga grade para sa mga subject na hindi naman ako bagsak ngunit dahil sa isa akong Iskolar ng Bayan, kailangan ko panatilihing mataas ang aking mga grade. Isa sa mga natutunan at pinanghahawakan ko sa pagtungtong ko sa kolehiyo ay ang hindi pera ang kapalit ng paghihirap ng mga magulang natin kundi ang makita lang nila tayong nagsisikap na magtagumpay. Kasama ang Diyos, ipagpapatuloy ko lang ang daluyin ng buhay upang maipagpatuloy ko pa ng maganda ang aking talambuhay.