Kna!

Kantan kurang gamako

Ia sikdikdik wal bijatchio
Kasrokata ang gisikko
Nisoon gital bilsiko
Reangjok salde taraken
Mikjapsa gitasan ongjok!
Mitela Gitel Nangni plak
Angna pattiarangna.
Rasong Isol Nangna ia Gital Salo

Reengon salrang tarakbee

Jajrenga chanchie gisiko
Indioba Nangming baksa
Kenja Anga mamingnaba
Angko daa watgalnabe
Bilgrioba anga papi
Regen anga Nang sambao
Sokna salsao salgichi
Banga dukni salrang ongjok
Ching jong ada noabirangna
Gimaatjok janggirangko
Masijae Gitel Nang kasaako
Bia Gitel chinga Uamangna
Anpilchina Nama Ramaona
Kasachakbo sakantinan
Guale chingni paprangko
Kna! Pilak angni ripengrang
Hai mitelna anching Gitelko
Uasan anchingni Isol
Aro anchingko Jokatgipa
Rasong ongchong Apa Isolna
Anchingko pattigipana
Kadonga anga salsao
Jringnan Nangming baksa ongna.

Nangni Bimungna Inchrogen jringjrotna

Gualjawa Nangna ching ringmitelna
Rasong ongchina jringjrotni jringjrotna

Onaha kusini salrangko Naan

Onaha rachakna duk suk pilakkon
Chansokja Nang chingna pattiarangko
Ringmitelgen Nangna Chinga salantin

Rakkibo ching pilak maa parangko

Onbo uamangna kusini salko
Pattibo chingni pilak ripengrangko
Onbo kusiniko uamang pilaknan.