Anda di halaman 1dari 2

Apo Kono Eh Jang

( P: )
Jang oh Jang
Mano pulak poi eh budak bertuah ni
Sonyap yo...
Siaplah jang oi...
Kobau tu tak boghi makan lai
( L: )
Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih
( P: )
Apo kono eh jang kau monong ajo
Orang ke bulan ekau di mano
Muko berpoluh apo teghaso
Carian ubek penawa duko
( P: )
Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah
( P: )
Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam
( P: )
Ha... tu lah, dulu lai den koba kan
Kojo jang... kojo.
Ni.. ke kobun maleh
Ke sawah liat pulak tu
( L: )
Ah.. Omak ni..
Sekolah tinggi tinggi takkan ke sawah do
Buek malu yo...
( P: )
Nak kan anak orang tak payah beduit
Apolah nak jadi kau ni jang oi hai...

( L: )
Abih macano mak
Badan seh ni nak domam yo ghaso eh
( P: )
Dah den koba an dulu kumpo kan duit
Pinanglah copek ini kau tangguh an
Ke sawah kota mengumpo belanjo
Bekonan den si milah buek menantu
( P: )
Apo lai kau sosakan
Menghaung tak ado guno
Milah kawin minggu dopan
Melopong kau jang putih mato
Jangan lai dikonang konang
Asik dikonang merano badan
( L: )
Bekocak air di boting
Limau manih betaruk mudo
Bio becacak koghih dan lombing
Putih kuning den tarik juo
( P: )
Kau nak apo an milah tu pulak
Jangan jang, malu omak
Kito yang susah nanti
( L: )
Seh tak kiro
Seh nak an jugo milah tu mak
Apo nak jadi, jadilah
( P: )
Dah di haruk setan ko budak ni
Dunio pun tak nampak layi...
( L: )
Ke jelobak ke jelobu
Tuai padi tigo tangkai
Kato ombung den...
Kato ongah den...
Kato ocu den
Podih nyo hati menanggung malu
Tak mati badan menghasai... Aih
( P: )
Apo kono eh jang...

(Dato Hattan)
Ko jolobak ko jolbu
Tuai padi tigo tangkai
Kalau kono komat jolobu
Tak mati badan menghasai
Gurindam dulu dulu jangan ponah
dipotikai
Tak tahu tanyo dulu jangan goma
memandai-mandai

Bilo tanyo suku mano nak jawab pun tak


ghoti
Poie tanyo omak poie tanyo uwan
Kok takdo kosompatan buleh tanyo
kawan-kawan
Aktiviti bergurindam tolah lonyap
dilupokan
sebagai suatu warisan
Ulang Chorus

(Waris)
Kisah eh bermulo mulut ughang kampong
Kisah ramai gadis cantik kek jolobu
berkampung
Ughang luar datang luar nak carian joki
Lain pulak jadi eh terpikek nak buek bini
Tapi silap kono komat sampai tinggalkan
keluargo
Kopit bawah kotiak bini tanggungjawab
lupo
Omak ayah rindu tapi dio buek bodoh
Dah takdo monyosa monangih dopan
kubur
Chorus
(Dato Hattan)
Ko jolobak ko jolbu
Tuai padi tigo tangkai
Kalau kono komat jolobu
Tak mati badan menghasai
Gurindam dulu dulu jangan ponah
dipotikai
Tak tahu tanyo dulu jangan goma
memandai-mandai
(Waris)
Ughang luar salah tafsir koba gadih kito
bahayo
Lopeh coghai semuo ghoto jadi milik dio
Jangan salah anggap napo lobihkan
pompuan
Sobab laki boleh hidup kalau campak
dalam hutan
Zaman dah boghubah adat di tolan zaman
Dah takdo mewaghisi coghito bertauladan
Apotah laie mengaku ughang nogori

(Dato Hattan)
Wak wak makan padi si lomang dalam
buluh
(Waris)
Kok dah dapek yg dicari jgn terlansung
semayang subuh
(Dato Hattan)
Ayam berkokok umah ponghulu itu tando
haghi nak siang
(Waris)
Kok dah dapek oghang jolobu tak sabar
nunggu malam ko siang
(Waris)
Ughang luar salah tafsir koba gadih kito
bahayo
Lopeh coghai semuo ghoto jadi milik dio
Jangan salah anggap napo lobihkan
pompuan
Sobab laki boleh hidup kalau campak dlm
hutan
Zaman dah boghubah adat di tolan zaman
Dah takdo mewaghisi coghito bertauladan
Apotah laie mengaku ughang nogori
Bilo tanyo suku mano nak jawab pun tak
ghoti
Poie tanyo omak,poie tanyo uwan
Kok takdo kosompatan buleh tanyo kawan
kawan
Aktiviti bergurindam tolah lonyap
dilupokan
sebagai suatu warisan
Ulang Chorus