Angso Duo

Angso duo adonyo dimano

Angso duo ado di kota jambi
Adik cantik nak pegi kemano
Cari cari ado di muko srambi
Sungai Batanghari ngilir ke utaro
Berenang pagi hari badan sengsaro
Mango muda jangan simpan lamo lamo
Siapo siapo yang hendak pasti ado
Simpang sado adonyo dimano
Simpang sado ado di kota jambi
Hendak mudik duit idak ado
Kesal hati marah marah sendiri
Sungai Batanghari ngilir ke utaro
Berenang pagi hari badan sengsaro
Mango muda jangan simpan lamo lamo
Siapo siapo yang hendak pasti ado

Selendang Mak Inang

Mak inang selendanglah mak inang
Leok ke kiri kanan lengganglah ke kanan sayang
Selamo tunang duduklah batunang hai
tiduk dak nyenyak kenyang makanlah dak kenyang
Tarentang rawe si talilah rawe
Titian tupe balek si tungganglah balek sayang
Harilah petang sawe bebunyilsh sawe hai
Hitamlah manis baleklah ngajaklah balek
Cubolsh cubo lumbang mainlah galumbang
sampai ke tepi tampah membawalah tampah sayang
Cubolah cubo mumbang menanamlah mumbang hai
nasiblah baik tuan negeri batuah
Cik siti mengepanglah yang rambut
Rambut bekepang kanan sebelahlah kanan sayang
Kalaulah sudi sambut suratlah di sambut hai
Kalaulah ngidak laman buanglah ke laman

Orang Kayo Hitam

Orang kayo hitam, gagah perkaso
Namonyo agung dimano - mano
Sampai mataram orang kenali
Pusako bundo dibatang hari
Ayah bernamo datuk berhalo
Turunan suci asal bagindo
Putri pinang masak namo ibunyo
Dari pagaruyung negri asalnyo
Sutooo
Orang kayo hitam agung dimano mano
Keris si ginjai senjato yang utamo
Rangkaio pingai dulur yang tuo
Yang bijaksana mimpin negeri
Ke dataran lamo dulur yang mudo
Gunung balangsebo diuji kenari
Mayang mengurai istri setia
Anak tumenggung merah melato
Meriam sejiwa penjelmaannyo
sutoooo

Gadis Rimbo Bujang

Cantik nian gadis rimbo bujang, lesung pipih jalan melenggang
Elok nian gadis rimbo bujang, tutur saponyo sungguh menawan
Ku sapo dio tertunduk malu, ku rayu dio tersenyum sajo
Didalam hatinyo pun jatuh cinto
Cantik nian gadis rimbo bujang, lesung pipih jalan melenggang
Elok nian gadis rimbo bujang, tutur saponyo sungguh menawan
Sayangsejak dalam pertemuan, membuat hatiku tak tenang
Siang malam jadi pikiran.
Abang sayo juga merasokan sejak kito bertemu pandang susah tiduk susah makan.
Kalo itu yang kito rasokan, berarti kito samo samo jatuh cinto
Kalo abang nak ke rimbo bujang, naiklah omplen duduk didepan
Kalo abang benar benar sayang, apo tandonyo boleh kusimpan
Sayangsejak dalam pertemuan, membuat hatiku tak tenang
Siang malam jadi pikiran.
Abang sayo juga merasokan sejak kito bertemu pandang susah tiduk susah makan.
Kalo itu yang kito rasokan, berarti kito samo samo jatuh cinto
Kalo abang nak ke rimbo bujang, naiklah omplen duduk didepan
Kalo abang benar benar sayang, apo tandonyo boleh kusimpan

Dagang Manumpang ( Cik Minah )

Cik minah tekuluk putih
Pegi merancak darat pelayang
Tanjung putus pulaulah beralih sayang bang oi
Dusun merindang berajo hilang
Ikan sepat ikan tenggiri
Anaklah udang dibawah daun
Idak dapat rambut yang keriting sayang bang oi
Bila menggadih sepuluh tahun
Bahumo danau ketapang
Tanamlah padi sakiding duo
Sakit nian daganglah manumpang sayang bang oi
Aeklah keruh dimunum jugo

Ketimun Bungkuk
Sudah nasib ketimun bungkuk dak masok dalam timbangan 2 x
Dak jugo dalam itungan, dak oi sayang.
Apolagi masok dalam idangan 2x
Malang nasib ketimun bungkuk dak renti dicaci orang 2x
Dak jugo ditoleh kanti dak oi sayang
Tinggalah tegolek bawah timbangan 2x
Bilo nian nasib badan macam ketimun lain,
disapo dipilih kawan berego bukan main
malang nian nasib awak, kemano badan dibawak,
kemano kaki dianjak dak oi sayang
janganlah beibo nian wahai ketimun bungkuk
besok subuh masih ayam berkokoksegalonyo isi alam pasti ado duonyo
kalau ada malam ado siangnyo....

Batanghari
Batanghari aeknyolah tenang
Biakpun tenang deraslah ketepi
Anaklahnyo Jambi jangan lah di kenang
Siang tebayang bamimpi malam lah bamimpi
Anaklah Jambi jangan lah di kenang
Siang tebayang bamimpi malam lah bamimpi
Jalanlah jalan ke Ojong Jabong
Singgah sebentar di Penyaguan
Oy rindu dan dendam dik oy idaklah tetanggong
Budi setitik kenang jadilah kenangan

Rindu dan dendam dik oy idaklah tetanggong

Budi setitik kenang jadilah kenangan
Pegi besantai ke Tanggo Rajo
Nampaklah jelas Jambi Seberang
Maulah ku pinang dek oy apolah kan dayo
Sudahlah nasib orang diambeklah orang
Maulah ku pinang dek oy apolah kan dayo
Sudahlah nasib orang diambeklah orang
Batanghari kebanggaan Jambi
Sungai tepanjang sebatas negeri
Pojoklahnyo hati dek oy bawaklah menari
Mari berjoget lagu si Batang Hari
Pojoklah hati dek oy bawaklah menari
Mari berjoget lagu si Batang Hari