Synfocity = 585

Synod Information & Publicity Department, Synod Office (Third Floor), Mission Veng, Aizawl

www.mizoramsynod.org

mail us at : mzsynfo@gmail.com; mizoramsynod@gmail.com - Phone - 2314648

12 th May, 2016

PRESCOM Board Meeting vawi 161-na

May 6, 2016 (Zirtawpni) chawhma dar 10:00 khan Synod Office-a J.M. Lloyd Hall-ah Synod PRESCOM Board
meeting vawi 161-na a thu. Committee hi Rev. H. Lalrinmawia, Moderator-in a kaihruai a, member 40 an tel thei a ni.
He meeting hian thawktu dah ngheh (confirm) thu te, Department-a post awm zat siam that rawtna te, Overtime
Rate en that rawtna te an rel a, Annual Statement of Account an thlirho bawk.
Secretary report ngaihthlak a ni a, Synod Service Board leh Synod Executive Committee (SEC)-te remtih angin
Contract basis-a thawk lai mi 4 chu PRESCOM Asst. III-ah dah ngheh an nih thu te, Press lama 4 Color printer
khawihtu tur contract-a lak thu te, Synod Bookroom Headquarters Office sak thatna tura ruahmanna chungchang te,
Synod hnuaia daily rate-a thawkte ang lovin PRESCOM Department hnuaia thawkte ni khatah Rs. 300 pek nise, tih
chu Synod Executive Committee (SEC)-in a remtih angin December 2015 atangin hman tan a nih thu te, Saiha-ah
Bookroom Branch hawng tura hmalak mek a nih thu te, Synod Press-a hman tur lehkhapuan an lakna ber Cachar a mi
chu an dawr an khar avangin Guwahati lam atangin chah thin a ni a, kal man bakah paper man a lo to ve zel avangin
harsatna an tawh thin thu te, Bookroom tana Computer Software tha tak nei turin hmalak mek a nih thu te, April 6,
2016 khan Synod Moderator Rev. H. Lalrinmawian Lawngtlai Bookroom building thar a hawn thu te, Synod Bookroomin Special Sale, Mobile Bookshop leh Literature Campaign hmun hrang hrangah a neih thin thu te tarlan a ni.
Kum 2015-2016 Financial Year chhung khan Synod Press hian an Budget Rs. 4,91,20,000/- atangin Rs. 5,45,35,584/- lai
an thawk chhuak a, budget khumna hi Rs. 54,15,584/- a ni. Bookroom lam hian an Budget Rs. 7,82,00,000/- a nih
laiin Rs. 12,73,85,822/- zet an thawk chhuak a, budget khumna hi Rs. 4,92,85,822/- lai a ni.
Tun dinhmunah Synod Bookroom hian Branch 12 zet neiin Distribution Centre 27 a nei mek a. Kum 2016 chhung
hian Saiha-ah Branch hawn tura hmalak mek a ni bawk.

Aizawl West II Area Masihi Sangati Area hawn leh Area Meet vawi 1-na neih a ni
May 7-8, 2016 khan Luangmual Presbyterian Kohhra Biak Inah Aizawl West II Area Masihi Sangati Area hawn leh
Area Meet vawi 1-na neih a ni a. May 7, 2016 Inrinni zan khan Area Hawnna inkhawm neih a ni a. He inkhawm hi Rev.
K. Lalthlanpuia, Director, Masihi Sangati Kendra in a kaihruai a, Pu Zairema, Area Secretary -in inlawmna leh
inhmelhriattirna a nei a, Rev. B. Sangthanga, Executive Secretary in Area hawnna neiin thuchah a sawi a, Chawnpui
Bial Masihi Sangati te, Tanhril Bial Masihi Sangati te leh Area Standing Choir te an zai bawk.
May 8, 2016 Pathianni khan Area Meet Vawi 1-na neih nghal a ni a, thupui chu "Pathian lawmtlak inthawina" tih a
ni a, Speaker atan Pastor R.K. Lalawmpuia i/c. Aizawl West hman a ni. Pathianni Chawhma leh Zanah Speaker in
Pathian thuchah a sawi a, fellowship hrang hrang zaipawl ngaihthlak a ni bawk. Pathianni chawhnu-ah Speaker
Pastor. R.K. Lalawmpuian Lalpa Zanriah Sakramen a theh a ni. Inkhawm ban apiangin fellowship neih a ni a,
chawhma inkhawm ban atangin nilengin Counselling class neih a ni bawk.

Pentikos Ni
May 15, 2016 (Pathianni) hi Pentikos Ni a ni. Pentikos tih awmzia hi Sawmngana tihna a ni. Thuthlung Hlui-ah
chuan Kalhlen Kut tiak ni atanga ni sawmnganaah an hmang thin.Thuthlung Thar hunah erawh chuan Isua Thawhleh
tuk (Easter) atanga ni 50-naah hman a ni ta a ni. Presbyterian Kohhran chuan Pentikos ni hi Assembly puala
tawngtai rual hun atan a hmang thin.
Kumin Pentikos Ni-a Inkhawm dan tur hetiang hian ruahman a ni:
Chawhma Inkhawm :
Thupui
:
Thlarau Thianghlim Damna thlentu
Chhiar tr
:
Tirh 3:1-10
Chawhnu Inkhawm :
Thupui
:
Thlarau Thianghlim Huaisenna thlentu
Chhiar tr
:
Tirh 4:8-22
Zan Inkhawm :
Thupui
:
Thlarau Thianghlim Inhmangaihna thlentu
Chhiar tr
:
Tirh 4:32-37
Zan Inkhawmah hian PCI General Assembly puala thawhlawm khawn a ni ang a, Bial Treasurer kaltlangin Synod
Office-ah theh luh tur a ni. PCI General Assembly Headquarters:Shillong atangin tawngtaina thupui tur duan a ni a,
tawngtaina thupui turte hi phek lehlamah tarlan a ni.

Campus Ministry
May 9, 2016 (Thawhtanni) khan Republic Higher Secondary School, Ramthar Vengah hun an hmang a, May 13,
2016 (Zirtawpni) hian Pianghleia High School, Electric Vengah hun an hmang leh ang.

Synod Social Front

May 9 - 12, 2016 chhung hian Shillong-ah Regional Disability Consultation neih a ni a, hetah hian Pu Andrew Varte,
Asst. Coordinator a kal.

Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni.
S.No Khua
Pek chhan
Chhungkaw zat
Chhawmdawlna pek zat
1. ITI Vengchhak
Rethei/Harsa
2
Rs. 6,000/2. Mualpheng
Damlo rei/Rethei
1
Rs. 3,000/3. Bolia
Thlipui tuar
1
Rs. 40,000/4. Zawlnuam Thuampui
Thlipui tuar
1
Rs. 5,000/TOTAL
Rs. 54,000/-

Worship Dept
w May 12 & 13, 2016 zan hian Ramhlun North Bial KTP Conductors' Training neih a ni dawn a, hemi hunah hian
Pu Lalromawia, Senior Instructor a kal ang.
w May 14, 2016 (Inrinni) nileng hian Muallungthu Kohhranah Khuangvuak Training neih a ni dawn a, hemi hunah
hian Pu. Lalromawia, Senior Instructor a kal ang.
Contd,..

Synod Information & Publicity Department, Synod Office (Third Floor), Mission Veng, Aizawl

Missionary Pastors Orientation Farewell

May 13, 2016 (Zirtawpni) chawhnu hian MTC Chapel-ah Missionary Pastors Orientation Farewell hun hman a ni
dawn a, hemi hun hi Rev. Lalramliana Pachuau, Senior Executive Secretary in a hmanpui ang.
Inkhawm hi Rev. Dr. K. Lalrinkiman a kaihruai ang a, Rev. Lalrintluangan thu a sawi ang a, Refresher Trainees te
hnen atangin special item beisei a ni bawk. Certificate sem leh thusawi hi Rev. Lalramliana Pachuau, Senior Executive
Secretary in a nei ang a, Mrs. Esther M.S Pautu in ngaihhruina thilpek a hlan ang. Rev. Lalrosiama, Delhi F/S in
thusawiin Rev. Lalduhawm Ralte in tawngtaisakna hun a hmang ang.

Whit Monday
May 16, 2016 (Thawhtanni) hi Whit Monday a ni a, Synod Office leh Synod Department hrang hrangte an chawl ang.

Hruaina Eng FM Radio & TV Programme

w MAY 13, 2016 (FM ZOAWI AIZAWL @ 7:30 P.M.):
Zaipawl : Mizoram Synod Choir - Lalber min hruai zel rawh, Solo : Lalhlumawii - Thisen a thiltihtheihna,
: Dr. Babie Zirnunsangi - Cancer Chungchang, Group : Ark Of Melody - Thlarau Thianghlim hruai,
Leprosy Mission Choir - Fak r'u, Solo : Ricky Hyden Feat Andrew - I Ropui nan
w MAY 13, 2016 (FM LUNGLEI @ 7:30 P.M.):
Zaipawl : Mizoram Synod Choir - Lalber min hruai zel rawh, Solo : Lalhlumawii - Thisen a thiltihtheihna,
: Dr. Babie Zirnunsangi - Cancer Chungchang, Group : Ark Of Melody - Thlarau Thianghlim hruai,
Leprosy Mission Choir - Fak r'u, Solo : Ricky Hyden Feat Andrew - I Ropui nan
w MAY 15, 2016 (Tv Programme) @ 3:00 p.m) :
Sermon : Pentikos Ni Pual, Weekly Round Up, Synod hmunhmate

Thusawi
Zaipawl :

Thusawi
Zaipawl :

Susamachar Prasaran Programme

w MAY 15, 2016 (Pathianni) 5:00 pm.
Group/Choir/Solo : Electric Bial Masihi Sangati Zaipawl, Group/Choir/Solo : Chawnpui Kohhran - Saron Ka
Gulab, Sermon : Rev Laltharzuala - Sansar se Prem na karo, Group/Choir/Solo : Dawrpui Bial Masihi Sangati
- Jaya, Group/Choir/Solo : Melthum Masihi Sangati - Krista Zara Unau

Moderator Programme
Synod Moderator Rev. H. Lalrinmawia chuan tunkar tawpah hetiang hian hun a hmang ang :
w May 14, 2016 (Inrinni)
Zan
Happy Valley
Madanrting
May 15, 2016 (Pathianni)
Chawhma
Shillong
Shillong
May 15, 2016 (Pathianni)
Chawhnu
Umpling
Madanrting
May 15, 2016 (Pathianni)
Zan
Madanrting
Madanrting

ASSEMBLY PUAL TAWNGTAI THUPUI

Kum danga kan tih thin ang bawkin kumin 2016 hian Presbyterian Church of India (PCI) puala tawngtai ni (Assembly
Day of Prayer) atan May 15, 2016 (Pathianni), Pentikos Ni hi ruat a ni leh ta a. Thuchah chhiar chhuah tr pawh PCI
Assembly lamin a rawn buatsaih a, Kohhran tinah thawnchhuah tawh a ni. He hun hi mahni remchn dn anga hman
mai tr a ni ang.
May 15, 2016 zn inkhwm thawhlwm hi Assembly Mission and Evangelism rawngbwlna puala lk khwm tr a ni
a, Synod Office kal tlanga theh luh tr a ni ang.
Tawngtai thupui trte 1. Presbyterian Church of India-in hm a swn zl avanga lawmthu sawi.
2. PCI Administrative Secretary pathum a) Rev. David T. Lhouvum
b) Rev. V.L. Luaia Hranleh
c) Rev. G.S. Lyttan te leh an chhungkaw tn
3. PCI General Assembly-in Dimasa-Halglong, Byrwai Marngar, Amjong, Sekmai, Mangjing, Mokairam leh Moreh-a
Missionary a dahte tn.
4. PCI-in khawvl hmun hrang hranga CWM hnuaia Missionary a tirhte tn.
5. PCI hnuaia Synod/Presbytery/Bial/Kohhran/Thalai leh Hmeichhia-ten Missionary an tirh chhuah/chwm zawng
zawngte tn.
6. PCI General Assembly-in tluang taka Pathian ram rawngbawl hn a thawh zl theih nn.

CHARITY STORE LEH TARTE INKAWMHLIMNA HAWN A NI TA

TARTE INKAWMHLIMNA
Ram changkang zelah Tar leh kum lama upaten ngaihsak an mamawhzia hriain Synod chuan Tarte
Inkawmhlimna (Old Age Day Care Centre) a hawng ta a. Hetiang hian kalpui a ni.
A hmun
:
Synod Conference Centre, Mission Veng
A hun
:
Zing dar 10:30 - Tlai dar 3 (Monday - Friday)
Hriat tur pawimawh te:
1. Inkawmhlimnaa tel tur hian kum bithliah engmah a awm lo.
2. Inkawmhlimna hmunah hian intihhlimna chi hrang hrang leh chanchinbute dah a ni.
3. Chhunah thingpui leh a hmeh pek an ni ang.
4. Kal leh haw chungchangah an chhungte emaw an Kohhran emawin a buaipui tura ngaih a ni.
5. A tel tur tan pawisa chawi engmah a awm lo vang.

CHARITY STORE
Mi rethei leh harsa zawkte tanpui nan Synod chuan Charity Store a buatsaih a, a duh apiang tan dawr theih
a ni ta. Nitin Office hun chhungin dawr theih an ni a. Inrinni pawhin chawhma hawn thin a ni. Heng thawmhnaw
leh bungbelte hi man tlawm te tea hralh a ni a, sumdawn nana hman erawh phal a ni lo.
Mi rethei leh harsa zawkte tan thawmhnaw, bungbel, hmanraw chi hrang hrang leh pawisa pawh pek
theih reng a ni a. Chung thilpek chu fel taka chhinchhiah zel a ni bawk.
A hmun
:
Pu R. Zathanga Building, Tuikhuahtlang (Sikulpuikawn chhak)
REV. B. SANGTHANGA
Executive Secretary, Synod Office

BIAL ZIAKTUTE HRIATTIRNA

Bial Ziaktu address kimchang, (Bial ziaktu hming leh Postal address leh phone no.) la thehlut lo zawng
zawng te a ranglama Synod Office a thehlut theuh tura ngen in ni e.
Synod Social Front Helpline: 9089777129;
Tuai & Patil
: 8729800130;
MailHelpline
us at : mzsynfo@gmail.com,
Students Helpline :mizoramsynod@gmail.com
9856883377

Synod Information & Publicity

Phone - 2314648

Synfo