KEJUNG NIMBHERE

Duh guste,ngatorana sasembeen,Patekkaagi molong tor ngimpo kembengnga

ojen,samogeh bejreh mosem nimbhere.

Barat ngocera atandheng bumi

Petteng asalebung maondung padi
Ajegei anggei tor beleng se atapa
Maberes rengsana katak sepelkak

Antos,kejjeeggi cellot eterrak

Laas merkek deddhi binis
Jegung nyelbi senyaka
kantos ngijung gumbhire
epapa derres angin nemor
Sape-sanaleka ngokos melkot
Pangonong rengsah acallong
Tongar etajeterros meddel
Herrree.nguncelat agumbek
Gubengan aesse dhebe samosem.

Nak-kanak padhe apak-kopak

Tak jimet ekakan kolotdhe areh
Aerengan lebet tabun padhe gumbhire
Ngidingagi kejung sandor tor mamaca
Padhe ngantos rarampadhen,malate tompang
Sareng bauna mangle selober
Arebbue ponar sapereng.
Antos,kejjeeggi ondem bedhi ngucera

Geruduk kelap bedhi ngumber

Nguncelat eponca bere dhejeh
Apanglepor katak se pelka
Nambei tana seporoh
Majerna kerrongnga belettang
Kantos tekka aguru rongkang
Nyelletdhegi koncona padi ben rengsah
Dhu Guste,
Lanyo aros gilina
Padhepa ka tase
Beddei kantos anyi

SUMENEP.02.12.2016