Presbyterian Kohhran College Veng chuan August ni 13, 2010 zirtâwp zân hi CHHÛNGKAW ZÂN

atân hman tur a ni a. Zan dar 6:30 – 7:30 inkârah chhûng tinte Chhûng Inkhâwm nei \heuh turin
inbuatsaih ila. Darkar bituk huna hman remchâng lote pawhin kan remchân hunah hman mai nise.
Chhûng Inkhâwm hunah a hnuaia thute hi chhiarchhuah \heuh nise.

Chhûngkua chu…

• Chhûngkua chu kuta sak ni lo va, mihring, thisena inlaichîn, in khata awmkhâwm ringawt
hi chhûngkua a tling zo lo. Chhûngkua chu thinlung, rilru leh thlarau inzawmna leh
inpumkhatnain a siam a ni.
• Chhûngkua chu Pathian hmâa mipa leh hmeichhia pumkhata insiamna a\anga in\anin
fanau rochanten an tiphuisui \hîn. Fanau rochante hi Lalpa laka mi an nih avângin
Pathian min pêk ang zêla lungawi te, Krista hriatna leh a thua kaihhruaite hi nu leh pa
mawhphurhna a ni.
• Chhûngkua chu thisena inzawmna piahlamah hmangaihna leh lainatnaa inphuarkhâwm a
ni tur a ni a, inhmangaih tawna inlainat tawn tur hian inngaihsak te, inpawisak te,
inngaihchân leh thu inawih tawnte hi a kila lung pawimawh a ni.
• Chhûngkua chu Pathian chênna leh a in thianghlim a ni a, chhûngkua zawng zawng puipa
chu Pathian a ni. Pathian a lal berna leh puipaa Pathian neitu chhûngkua chu Kristian
Chhûngkua a ni.

Chhûngkuaah chuan…

• Chhûngkuaah chuan mihring, mize hrang hrang nei an awm khâwm a, pumkhata inphuar
khâwm turin inhriatthiam tawn te, indawhtheih tawn te leh inzah tawnte a pawimawh êm
êm a ni.
• Chhûngkuaah chuan chhûngkaw member tinten mawhphurhna an nei vek a,
mahni mawhphurhna leh chanvo \heuhte \ha taka hlen chhuah hi chhûngkaw
hlimna thlentu a ni.
• Chhûngkuaah chuan inkaihhruaina \ha a awm tur a ni a, chhûngkaw member tinten
chhûngkaw dân leh inkaihhruainate an zahin a pawisa tur a ni. Chhûngkaw kalphung leh
inkaihhruaina hi nu leh pa duhdân ni lovin chhûngkuaa inrâwn tlâna a \ha ber tur zawn
thiam a pawimawh.
• Chhûngkuaah chuan member tinte an pawimawh êm êm vek laiin dân leh thuneih dân
indawt a awm a, hei hi pawisak tur a ni. Chhûngkuaah pawimawh lo bîk leh pâwnlâng bîk
an awm tur a ni lo va, chhûngkuaah neitu rilru leh thinlung an put vek theihna turin
inngaihpawimawh tawn \hin tur a ni.
Chhûngkua chuan…

• Chhûngkua chuan Pathian a be \hin tur a ni a, chhûngkaw maichâm a siam \hin tur a ni.
Chhûngkuaa Pathian be ngailo chu tui pêk loh pangpâr ang a ni a, a pârvul ngai lo vang.
• Chhûngkua chuan Pathian malsâwmna an dawn ang zêlin thilpêk an pe \hin tur a ni.
Thilpêk pe ngailo chhûngkua chu duhsaktu chunga lâwm nachâng hrelo ang a ni.
• Chhûngkua chuan a lâkluh mila nun leh khawsak a thiam tur a ni. Mahni thawhchhuah
phu lova khawsak leh nawmsak tumte hi awhna leh duhâmna suala min hruai lûttu,
hlemhlêtna kawnga min hnûk lûttu, hmuhsitawma min siamtu a ni.

Pathian Thu chuan…

• “Hmangaihna awmnaa anhnah chaw rin chu huatna awmnaa bâwngpa châwm thau ei
aiin a \ha zâwk” (Thufingte 15:17).

• “Hmeichhe ân hmang leh phunchiar nêna awm ai chuan thlalêr rama awm a \ha zâwk”
(Thufingte 21:19).

• “A pa hmusittu leh a nu thu awih ngainêptu mit chu phai choakin a kher chhuak ang a,
mupui noten an ei ang” (Thufingte 30:17).

• “Mipa tawh phawt lu chu Krista a ni, hmeichhe lu chu mipa a ni” (I Korinth 11:3).

• “Inhruaina fing awm lohnaah chuan mite an tlu \hin a, remruat thiam tamnaah himna a
awm” (Thufingte 11:14).

• “Nangnin pate u, in fate tithinur suh ula, Lalpa thununnaah leh zilhnaah chuan enkawl
zâwk rawh u” (Ephesi 6:1)…. a ti.

Issued by Kristian Chhûngkaw Committee, Presbyterian Kohhran College Veng, Aizawl: 2010