AYA NAON JEUNG ITEUNG

1. Iteung : Lita Lusiana

2. Kabayan : Ute Nurdiansyah
3. Abah : Yoga Siregar
4. Ambu : Iin Dimastriani
5. Ocoh : Tatat Rohimah
6. Acih : Lisnawati
7. Tukang Jamu : Nurjamilah

Kacaritakeun di hiji lembur aya hiji kulawarga ngaranna kulawarga Kabayan.

Dina hiji poe kacaritajeun Nyi Iteung keukeuh hayang meuli tv

Iteung : Akang… akang…! Kamana atuh si akang teh? Akang… akang.. iih nyi iteung
meuni geus lieur neangan?
Kabayan : Aya naon atuh Iteung? Meni asa rariweuh ieu teh. Titadi hayoh we pulang
anting kaditu kadieu. Aya naon atuh?
Iteung : Akang pokona mah Iteung hayang apal, isukan akang kudu meuli tv jang
Iteung!
Kabayan : Ke heula atuh Iteung! Meni asa tara-tara ngadadak hayang dipangmeulikeun
tv, nya kunaon kitu?
Iteung : Ah pokona mah Iteung hayang tv, mun teu dipangmeulikeun Iteung rek
bebeja ka si Abah!
Kabayan : Ari masalah ka si Abah mah gampang atuh Iteung, paling oge si Abah nitah
ngajual domba. Matak geus ayeuna mah ulah waka bebeja heula!
Iteung : Aeh-aeh si Akang pinter oge nya. Sok atuh ayeuna mah geura jual buru-buru
domba na ngarah Iteung buru-buru boga tv!
 Kacaritakeun Iteung geus meuli tv, tvna ditunda di kamar.

Abah : Ambu! Ambu! Kadieu geura sakeudeung!

Ambu : Aya naon abah!
Abah : Itu tenjo geura kaditu… kakamar Iteung meni asa rame, aya naon nya?
Sugan pasea jeung si borokokok…
Ambu : Iteung ari eta tv meunang timana meuni weuteuh keneh pisan?
Iteung : Nya meunanng meuli atuh ambu! Kapan Iteung teh kamari teh tos ngajual
domba jeung kang Kabayan, tah duitna ku Iteung dibeulikeun kana tv.
Ambu : Nya si kabayan bogaeun domba timana?
Iteung : aeh aeh ari Ambu! Pan Iteung teh ngajual domba nu abah, da ceuk kang
kabayan oge lamun Iteung bebeja ka abah hayang meuli tv, abah bakal
ngajual heula domba.
Abah : Haah!! .. naon domba abah di jual ku si borokokok?.. dasar minantu kurang
ajar. Kamana si borokokok kabayan… Kabayan!
Ambu : Sabar atuh abah ulah waka ngambek! Ka si kabayan urang tanya heula sing
bener. Bari ge itu sangu ku ambi geus disiapkeun dina meja, hayu urang
dalahar heula!
Abah : Pokona lamun si borokokok datang kadieu, ku abah rek di tampiling siah!!
Kabayan : Assalaamu’alaikum! Abah, Ambu, wah kabeneran geus ngariung, asa rada
lapar yeuh!!!
Abah : Aya naon siah kadieu?!!?
Kabayan : He he… aeh Abah ari lemesna pangambung abah teh naon?
Abah : Cucungik sia kehed!!
Kabayan : Atuh eta dina cucungik sia kehed aya remeh. Matak ge ari tuang tong
rarusuh teuing ..
Abah : Naaa ari maneh ngomong teh teu sopan pisan, domba aing dikamanakeun?
Hah!!
Kabayan : Geus dijual da nyi Iteung hayangeun tv, jadi abi ngajual domba abah.
Abah : Naha atuh bet ngajual domba nu dewek?.. usaha sorangan! Dasar si
borokokok!
Kabayan : Nya atuh abah ari kitu mah, abi isukan rek indit nyaba ka Jakarta jeung nyi
Iteung.
Iteung : Naon akang? Iteung rek dibawa ka Jakarta?
 Kacaritakeun nyi Iteung jeung Kabayan arindit ka Jakarta
Sataun ti harita, kacaritakeun nyi Iteung jeung kabayan balik ti Jakarta, nyi Iteung balik ti
Jakarta jadi rada seksi.

Iteung : Heh! Ceu! Apal teu kamari Iteung tas dibawa ka Jakarta ku kang Kabayan,
meni rame siah di Jakarta mah..
Ocoh : Nya aya naon wae di Jakarta teh?
Iteung : Wah!! Di Jakarta mah aya monas meni jangkung, kapan eta teh meunang
nyieun kang kabayan. Terus iteung di ajak asup kana keong emas, meni
badag siah, eta oge sarua meunang nyieun kang kabayan.
Acih : Naha bet Iteung buru-buru balik kadieu?
Iteung : Kapan ceuk kang kabayan oge eta monas jeung keong emas anu gede teh
jang Iteung, ke rek dibawa kadieu.
Tukang Jamu: Wah meni hebat nya salaki nyi iteung mah bisa nyieun monas jeung keong
emas.
Iteung : E…h kang kabayan tea… atuh, salaki iteung pokona mah. Iteung ayeuna mah
geus teu hayang tv, da nu sok aya dina tv na ku kang kabayan rek dibawa
kadieu.
Tukang jamu : Wah maenya??
Iteung : ee..h enya, da ceuk kang kabayan oge lamun engke kang kabayan balik,
iteung rek di pangmeulikeun monas, keong emas, kapal,.. wah pokona mah
sagala rupa. Malahan mah domba si abah oge cenah rek digantian ku kang
kabayan.
Acih : Cageur kitu si Iteung teh? … meni asa ngacaprak ngomongna teh .. Ceu!
Ceu! Hayu ah urang balik!
Ocoh Jeung Tukang Jamu : Hayu atuh!!
Iteung : Hey.. Ceuceu. Tungguan Iteung! Maenya iteung ditinggalkeun didieu
sorangan..

Akhir carita nyi Iteung jadi beunghar ngan hanjakal jadi jalma sombong.