P. 1
Khutbah Ied 1431 H Bahasa Makassar

Khutbah Ied 1431 H Bahasa Makassar

|Views: 379|Likes:
Dipublikasikan oleh Abu Mujahidah Al-Makassariy

More info:

Published by: Abu Mujahidah Al-Makassariy on Sep 10, 2010
Hak Cipta:Attribution Non-commercial

Availability:

Read on Scribd mobile: iPhone, iPad and Android.
download as PDF, TXT or read online from Scribd
See more
See less

10/27/2011

pdf

text

original

Kitta Katubba Pa’lappassang Rumallang tahun 1431 H / 2010 M Battu ri Dewan Pimpinan Pusat Wahdah Islamiyah

MA’NANNUNGANG ILALANG RELLANA ALLAHU TA’ALA KARAENG LAMMOROKA NAMANGNGAMASEANG

 

    

Uru-urunayya kana’

Tena kana siratang, kanang- kanang lani pau, passangngali kana Sukkuru Pammujita, ri karaeng Malompoa, Sanrapang kana pannyungke, bicara pappakariolo, kana malabbiri angngimbolong makna masarro malompo’ maluara tampaserena. Sukkurukki lanri lebbatta nasare pakkasia mabaji, iareka nikmat, baji na barang-barang kammaya tompa Tappa massing niaka ribarambanta’ lompo taenaya passanggaenna, ajjari saba naki nia ngaseng a’ra’pungang ammempo abburung-burung ritampaka anne, naerang muri-muri. Ammujiki nasaba ataki ri Ia’ Karaeng angkammai sikontu alanga, Karaeng anjaria ero’na ‘ kuasa ri tunggala ta’se’re-se’rea , karaeng siratanga nisomba’ nipappalakki siagang nipakkusiangngi allo bangngi. Allahu akbar 2x Walillahilham Tau toa siagang saribbattang tunipakalakbirika gaseng niaka hadere

1

takabberena ammurusu ri pa’rasangang ammutusu attangnga langi naerang anging sa’ra rikasa’ra’kanna . Takabbere sibali-bali anggalluru attangnga langi. anne alloa. rannu saba ganna’na puasana. sileomi rannu nyawana. Subu-subu dudu inji. ta’le’basa ri teka kodi . ri tallasa katallasanta ri kampong pa’linoanta ri tompo’na anne lino Allahu Akbar 2x Walillahilham Ri anne kamma.rimangkananna . nutea’ lalo ta’liwa-liwa. se’rea anak sipammempoang inji tau toana. dinging-dinging pa’maitta. appakalompo Attakabbere’ se’re kana najului. (QS. ta’lappasa ri jekkong nawa-nawa. Insan Rabbani. ‘bellami ri passimbangenta ka’limbammi riaanja lingka ri padataring ri pa’rasangang ma’nannungang Tania kala’busanna . lanri niana niu’rangi rewasa le’ba laloa. Ri kajariang kammayami anne. Ganna ruana’ maeki naki tuli nia ampakabiasai massing kalenta. Bella ri gau salah. inaimo ati tapacce . saba parentana karaeng malompoa .pa’mai tadinging-dinging. maeki nani paccukku tappatta. “ apaji nanu to’dopuli lalo ri katojengang ri apa le’baka napassuroang menge rikau ke’nang siagang ri tau tobaka . “… siagang pa’cukku laloi bilanna puasanu nanu ppakalompo ri karaennu saba le’ba naserenu pappijo’jo dasi na dasi barang nia’jako sukkuru”. naki pattojeng panynye’reanta dasi na dasi barang katambanji mallatta. se’rea baine siagang inji bura’nenna. Assalawa ki’pabattu sallang ri Nabbita’ Na’bi jo’jo’na Karaeng Malompoa. to’doppuli ri panynye’reanta kippakatangkasa ri gau dosa kisipainga ri gau narellaia Karaeng La’birika namangngamaseang. takabbere angngeranga kana ta’kimbolong takabbere nabassukanga lila annarrusu ri ati maci’nong angngerang dinging-dinging. 2 : 185) Ikatte mami massing niaka ri lino. katenapa nasiapa sallona. Ma’nannungangki appakalompo. tugguru je’ne matanta. suara ta’muri-muri. anne kamma tenami risa’rinta tani cini rupanna tani langngere sa’ranna. kaikatte lagi tani asseng kalabbusanta . a’kumpulumi umma islanga sibatu lino’ a’rappungang a’gompo-gompo. nani langngere’mo sa’ra. Naki ma’nannungang tuli a’jari. ri pa’lappasang rioloa. akjari tunipinawang ri tunggala kana gautta. (Hud : 112) 2 . nakigassingmo ta’sunge’nge. maeki nani pajjari pappilajarang. sitojeng-tojengna Karaeng malompoa masarro naissengi ri apa niaka nugaukang “. naki massing sikatutui sipakainga.

Maeki nani lappa lima bajunta. Eeh … ikambe ngaseng tumabuttaya ri tau niparentaya kiu’rangi kania’kanta . ri pangngajara’na Na’bita. apami sallang kajarianna. naki tea takkaluppa ri gau’na pa’rasangang labattua ripadataring Allo ribokona Karaeng kammaya Ero’na. nisa’belammi pakkaletutuna tupanritaya tanipilangngeri panggappana tucara’detta. nipa’bulosibatangngimi teka kodia. A’jari jarung teka kodia a’jari pintala’tommi tujekkong nawa-nawaya. naki tea tong takkaluppai. Iaminne rewasaya. tamakullemaki lari rikajariangna umma Islanga. Lunturu’mi pangngajaranna agamaya kaburu’mi syarea’ka. Umma islang niaka hadere Ikatte ngaseng ritampaka anne tuni pilei ri Karaeng malompoa massing nasare pa’pijo’jo . ma’nannu gang lalang tappa tuli’ gau kuntu tojeng. ampabetai agamata. angnganiang gau baji abbulo sibatang accera sitongka-tongka ampakasalamaki pa’rasanganta.Allahu akbar 2x Walillahilham To’dopuliki ri syarea’na Islanga. assallerang tommi gau tuna taniaka siri’na. iamintu oloanna mabajika oloang narellaia karaeng malompoa. ri gau pakkalinoanta ri ekonomita. antimbo ruku’mi sipa kodia rapang pippisi ri bosi-bosiya . lappaenteng kana tojeng. Allahu akbar 2x Walillahilham Apaji na’jarimo jamang-jamang . sukkarami ni gappa rurunganna gau mangngeranga kabajikang. solla naki bella ri tuna kasiasi. Nipassamaturukimi sipa’ jekkong nawa-nawaya. ri amala mabaji ri gau katarompokang ri kana tojeng tanaleo gau salah. nicini’mi tasiratanga nicini. bajikami nikana kodi. A’jari tunipinawangmi gau salaya. kijagai baji-baji kiboli ilalang tampa majarre. susami niboya oloang kana tojenga. angngangkaki deraja’na tumabuttayya. Al An am : 129) 3 . Apami sallang kajarianna pallinoang tabiasayami sallang lakajariang ta’bale’mi sallang linoa kakodia nikana baji. bori pammantanganta. Passangngali antamaki attangnga. naki basse lipatta. apaji naki katutui . *. naki jari jarung kalli pangngala. Syarea ampakatinggi kaniakkanna rupa tauwa. ambunduki salayya. namassing kijagai kaniakkanna. pamminawangngang angngeranga katarompokang . saba anjo pammarentata sanrapangi rupa carammeng tumabuttaya . apaji naki sabbara lalo ilalangna tuli a’gau baji. (QS. kamma nakaya karaeng malompoa : “ Siagang kammayaminjo napa’jari ripa’simbangenna ke’naning tau bali’ballangnga a’jari bela-belana iareka pammarentana battu ripa’simbangenna saba panggaukanna tonji “. Rigau kammayami anne masarro masiratangmi pammarentaya bella ri gau salah batunna kana koruptorka siratangmi ta’tinro amboyai timungang passulukanna negarata battu ri majaiya masaalah : ri pa’simbangenna kompor gaska tenapa nale’ba batuiseng rimaraengngannayya.

Umma islang niaka hadere … Eeeh… ikambe ngaseng ana mudaya ikatte ngaseng penerusnaki agamata bangsata .anak rimang ri tau toana. teaki ma’ring nakelo kagassing nakana mange assikolah nangngaji nari tanjungja ammenteng. kapunna repakki sisala-salah singkampongki sallang tasipakatau. Appakkaletutua ri kattengaseng tau tuaya. *. Ikatte bainea bentennaki kamponta. Teaki ero sigenra-genra ripassabakkang sike’de dudu. Inai – Nai Tau anrurungangi puasa rumallanna siagang puasa annang allo ri bulan sawwala sanrapangi tau puasa sitaung sallona (HR Muslim ). ri molkaji ammo’joro tani asseng panggaukanna . najallomi sarenna nakusissing batang kalenna. Susami sallang pa’samaturukanga bellami julukanaya allanynya tommi parekanna bajika ri boritta. siampi tasipammanaikangngi sitette gantiro tasipangngallea pepe sitinrangngang palang tuka sipangngammukang taipalolo . punna kajarianmo kamma ya ammayumi sallang rapanga tani pinawang mania tommi bontoa angngalle kappo manaung tommi kappoka angngalle bonto. anak sholeh . 4 . anjo ana jari taunta belo-belona atinta panrannuang rikatte battu ri Karaeng mala’birika namangngamaseang . kamma ri pappasanna Nabbita : “appuasaki annang allo ri anne bulanga. maiki naki massing ampaccukkuki amalatta .siagang ri pa’simbangenna. kanang-kanangki nisa’bu punna baji gau-gautta lammorokki niu’rangi punna sukku agamata. ikatte bainea balangpareka ri burannenna siagang ikatte burannea tinggi langgaya ri bainenna sikatutuiki sikalabini rimang sibatu balla sileporang bangngi allo. sassalalang tattappu’mi sallang kalenta garring Tania balleanna erokki sallang mate nataero allampa nyawata . Ikatte tau towa balangpareka riana’na ri ana’ jari taunta belo-belona matanta bunga-bunganna atinta kiajaraki ri agamaya ri gau kuntu tojeng barang ante kamma na’jari anak sholeh. Rioloang takutongko’na katubbaku rikala’busang ceramaku appasanga rikatte ngaseng ri bura’ne siagang baine ri ana siagang tau toa punna le’baki sallang rumallang ri le’banna khatubbaya ri wattunta jamataeng sipammoporangki massing ri dosata.*.kipa’jarilaloi anatta. karumallang labattua ri gau’na tampolea tena tompa tantuanna. Apami sallang kajarianna punna naallemo tasiratang naalle nakajariang tojeng tommo nasikalinna bokojilampanna. Mus’ab Ibn Umair . ribokota amma’risi. “. belo-belonaki lino teaki ma’ring najina pammanrakinna burannea baji kananna. Bulan rumallangnga anne kamma niami ammaliang bella ri passimbangenta a’lampami tamassaile abboko rikatte angngerangi catatan puasata sassalalammi tau balangpareka ri puasana ranggaselami tau tagannaka tarawena amala baji nasike’de dudu tonja. ikatte tau toaya teaki ero najina . sallang lana tabaki pa’kuta’nang ri allo ribokona Karaeng Malompoa : kemai kila’busu masa mudata ‘ lanri kammanaminjo ki pare laloi masa mudata a’gau baji amal sholeh. tuli nipau nibicara ampe-ampeta. sanrapang Ali Bin Abi Tholib tucara’de’na agamata .

angkuasai lino kammaya tompa akherat.Ri allo mala’birika anne maeki naki ammotere angkusissingi massing atinta amparessai batang kalenta antekamma kale’bakkanna . kipa’jari agamaku karaeng pangnala ri tunggala urusangku.. Karaeng Malompoa ikatteji karaeng angkammai langika na buttaya . Ooo… karaeng malompoa … anrinni . niondang ri kamponna ritau tale’baka rella ri agamata karaeng. ki tuntungi niaka inja attallasa. ooo … karaeng taena nakkulle kubalasa pakkatuona passangngali pappala doangku ri Katte karaeng. Sileo ranggasela paccei atingku karaeng kania inja sari’battang julu agamaku tamakkulle tasampangmi allappasa . Kipammopporangi dosana kasarei pangngamaseang kipammopporangi le’ba matea.. kitolongi umma islang niaka ri Palestina . Ooo… karaeng taenayya pajjuluanna … ki pa’jarilaloi ana jari taungku belo-belo rimatangku ki pa’jarianga anak sholeh . .. 5 . maeki naki ka’rang sombalatta naki gunciri gulinta kitangkasi nawanawanta kipakalompomi tekatta kissamaturu mammuji appakalompo sukkuru appakatuna kale ampassareang leko sike’keki kalenta naki pala doang ri Karaeng malammoroka namannarima toba. Eeee…. Kisarea karaeng kalompoang nyawa solla kugau baji mange riia. pasalamaka ri lino karaeng kammaya tompa ri allo riboko-Ta. Ooo… Karaeng Mala’birika… kijo’jokanga ma’nassana tojenga se’re katojengang kilopoanga atingku lamminawang . angkatuowa siagang pacce ampakalompoa ri kamase sileporang sabbara tu’guruki je’ne matanna karaeng saba gaukku . anne alloa karaeng rannuwa nasannang nyawaku.Eee Karaeng ku. kuassengikaraeng rimajaina salangku kipammopporanga karaeng ikatteji siratangkupalapammopori . Karaeng malammoroka namangngamaseang ri Katteja Karaeng appala pa’lengu ri Susana tallasakku kilomo-lomoang laloi dakkaku kisarea pangngamaseanta . Ri anne alloa sujjuka ri dallekanta rimajaina dosaku karaeng .. “… Ooh . ri Afganistan siagang ri tunggala pammantanganna . ri Katteja anynyomba karaeng baji ku assenna jaina passareta pangngamaseangta mange rinakke kuassengi karaeng inakke majai gau salangku kipammopporanga karaeng taena karaeng mammopporo passangngali Ikatteji Karaeng. kipakasingarranga ri ma’nassana kodia se’re kakodiang naki pakalompo nyawako bella ri anjo kodia. Riruayya tumangnganakkanku attalasaka iareka le’ba matea iyami saba karaeng naku asseng kalompoanta.

… amin …amin…amin Wassalamu alaikum warohmatullahi wabarokatuh. 6 .Ooo… karaeng kisareang laloa ri tompo’na anne lino iangaseng kabajikanna siagang kabajikanna allo ribokota kipakabellalaloa battu ri pammanrakinna pepe’na naraka .

You're Reading a Free Preview

Mengunduh
scribd
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->