MBUROJA.net
Falja e namazit përpara imamit
Mexhmu Fetaua Ibn Uthejmin, 13/44
Pyetje: A është e lejueshme për një pjesëmarrës të xhematit të qëndrojë përpara imamit [në
namaz]?
Përgjigje: Pikëpamja e saktë është se, është e detyrueshme që imami të qëndrojë përpara dhe
sʹështë e lejueshme për një pjesëmarrës të xhematit [kongregacionit] të qëndrojë përpara imamit,
ngaqë imami do të duhej të jetë një shembull dhe vendi i tij është përpara pjesëmarrësve të
xhematit. Pra, sʹështë e lejueshme që një person të falë namaz përpara imamit. Pejgamberi,
salallahu alejhi ue selam, falej përpara sahabëve, Allahu qoftë i kënaqur me ta, dhe bazuar në
këtë, namazi i atyre që falen përpara imamit nuk njehet, dhe ata duhet ta përsërisin namazin.
Por, disa dijetarë kanë bërë përjashtim në rastet e domosdoshmërisë, siç është rasti kur xhamia
është e vogël dhe sʹka hapësirë të mjaftueshme për çdonjërin; në këtë rast, ata duhet të falen në
të djathtë dhe në të majtë të imamit, si dhe përpara tij dhe pas tij, për shkak të
domosdoshmërisë.