Anda di halaman 1dari 12

PARTORDING NI PARMINGGUON PASKAH I

(Parningotan Ari Haheheon ni Tuhan Yesus)


DOHOT
PARHEHEON KATEGORIAL PAROMPUAN
HURIA KRISTEN BATAK PROTESTAN

Tema:
TUTU NUNGA HEHE TUHAN JESUS
“Ai ndang dope diantusi nasida hata ni Surat i na mandok:
Ingkon hehe Ibana sian na mate”
(Johannes 20:9)

MINGGU, 24 APRIL 2011


01. Pangaradeon (martangiang na hohom diiringi musik BE.839 sa-ayat)
U: Hamu angka dongan sahaporseaon di bagasan Tuhan Jesus Kristus, sadarion
marlas ni roha do hita ala nunga ditaluhon Jesus Kristus huaso ni hamatean i.
Nunga hehe Kristus
H: Tutu, nunga hehe Kristus
U: Selamat Paskah ma di hamu
H: Selamat Paskah ma nang di hamu
U: Di Pesta Paskah na gok las ni roha on, ditotophon HKBP do gabe Pesta
Parheheon ni kategorial Parompuan HKBP
Ina: Las ma rohanta, hita angka ina ni HKBP ala dipapatar Jesus tu hita haheheonNa i.
U: Di bagasan las ni roha, tapangiar ma soaranta mangendehon naung hehe Jesus
sian hamatean mangungkap dalan di angka na porsea tu hangoluan
salelenglelengna, marende ma hita sian BE.91:1-3 “Hatuaon do” BL.55

03. Marende BE.91:1-3 “Hatuaon do” BL.55


Hatuaon do, las ni roha do, hangongot ni Tuhanta i.
Mago do hita, ngot ma Tuhanta, Las be, las be ma rohanta i.
Mago do hita, ngot ma Tuhanta, Las be, las be ma rohanta i.
Hatuaon do, las ni roha do, hangongot ni Tuhanta i.
Monang do Jesus, talu sibolis, Las be, las be ma rohanta i.
Monang do Jesus, talu sibolis, Las be, las be ma rohanta i.
( jongjong )
Hatuaon do, las ni roha do, Hangongot ni Tuhanta i.
Mungkap do dalan tu hangoluan, Las be, las ma rohanta i.
Mungkap do dalan tu hangoluan, Las be, las be rohanta i.

04. Votum-Introitus-Tangiang
U: Marhitehite Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia na tumompa langit dohot tano on.
U+H: AMEN
U: Nunga hehe Tuhan i, nunga tutu hehe Ibana. Ari on do na jinadihon ni Jahowa,
marolopolop jala marlas ni roha ma hita disi.
H: Batu naung binolongkon ni angka pande bagas, i ma jadi batu parsuhi.
U: Sian Jahowa do i masa, halongangan do i anggo di matanta. Haleluya.
U+H: (mangendehon) Haleluya…Haleluya…Haleluya
U: Martangiang ma hita: Ale Tuhan Jesus, Tuhannami! Na mandok mauliate do
hami tu Ho, ala ditaluhon Ho do dosa dohot hamatean marhitehite hamamateMi,
2 BIRO KATEGORIAL INA / BIRO IBADAH-MUSIK
ala disondangi Ho tanomannami, asa marpangkirimon na mangolu hami ala ni
haheheonMi.
H: Ndang pola be mabiar hami mida hamatean, ai Ho do Ulunami, ruasMu do
hami.
U: Dipaunsat Ho do hami sian haholomon tu hatiuron, sian hamatean tu hangoluan.
H: Antong pargogoi ma hami mamuji dohot mangoloi Ho ariari,
U: pasangaphon Ho di bagasan haporseaon na mangolu, paima sahat hami tu
lambungMu.
U+H: AMEN. ( hundul )

05. Marende BE.93:1+3 “Pesta Paska hatuaon” BL.91


Pesta Paska hatuaon. Pesta Paska haluaon
Sian hamatean i, sian hamatean i.
Tuhan Jesus do pasuang, hangoluan, hasonangan
Tu saluhut jolma i.
Tuhan Jesus do na monang, Tuhan Jesus do pasuang
Las ni roha dame pe, las ni roha dame pe.
Dongan golom ma hataNa, na porsea di Ibana
Ndang tagamon mago be.
06. Patik
U: Patik ni Debata di Pesta parningotan ari haheheon ni Jesus Kristus, Paskah I
sadari on tarsurat di Kolosse 3:12-14, tajaha ma marsorinsorin,
Onpe, hamu angka naung pinillit ni Debata, angka na badia jala hinaholongan,
solukkon hamu ma parasirohaon situtu, habasaron, haserepon, lambok dohot
lambas ni roha!
H: Masipauneunean jala masisesaan dosa ma hamu, jumpa marpangkurangi na
sada dompak donganna; songon panesa ni Kristus di hamu, songon i ma nang
hamu!
Ina: Alai diginjang ni saluhutna i: I ma haholongon ni roha i; ai i do rahutrahut ni nasa
harimpason.
U: Antong rap mangido gogo ma hita sian Tuhan Debata laho mangulahon na
hombar tu patikNa i.
U+H: ALE TUHAN DEBATA SAI PARGOGOI MA HAMI MANGULAHON NA
HOMBAR TU PATIK-MI. AMEN.
07. Marende BE.89:3+5 “Ate di dia soropmi” BL.130
Mangolu do naung mate i, hurungan dilohahon
Dirante do musuNa i tabanNa diarahon
Tung ise na mangate be mangalo Ulubalang i
3 BIRO KATEGORIAL INA / BIRO IBADAH-MUSIK
Na so tarbaen so monang ( jongjong )
Ai manang ise na burju paubahon rohana
Na mangalehon situtu di Jesus i rohana
I do dongan ni Jesus i tumean hangoluan i Saleleng ni lelengna.

08. Manopoti Dosa


U: Hamu angka dongan na hinaholongan ni Tuhan Jesus Kristus. Sian sian bortian ni
dainang nunga mardosa hita jala sahat tu nuaeng pe jotjot do taarsahi Debata
marhite hata, pambahenan dohot pingkiranta na maralo tu lomo ni roha ni Debata.
Alanii, tapaunduk ma rohanta marsinggang tu adopan ni Debata laho manopoti
dosanta na godang i.
( martangiang na hohom diiringi musik BE.683 sa-ayat )
U: Ale Tuhan Debata, Amanami Parasiroha na sumurung jala pardengganbasa. Na ro
do hami nuaeng tu joloM mangarsakhon dosa dohot pangalaosionnami. Jotjot do
hulaosi hami patikMu na mambahen jut rohaM marnida hami jala ndang
huhaholongi hami Ho sian nasa rohanami dohot sian nasa gogonami dohot sian
nasa ateatenami dohot sian nasa pingkirannami.
H: Ale Tuhan. DihiriM Ho do sian hami asa manghaholongi dongannami doshon
dirinami. Hape, ndang huhaholongi hami dongannami doshon dirinami, baliksa
tahe jotjot do hubahen hami sogo ni roha ni dongannami marhite hata dohot
pambahenannami.
U+H: ALE JAHOWA, UNANG AHU PINSANG DI BAGASAN RIMASMU, JALA
UNANG AJARI AHU DI PARPIARPIAR NI MURUK-MU.
U: Ale Tuhan Jahowa, di na hubolus hami ariari ni ngolunami di portibi on, huadopi
hami do angka hamaolon dohot parungkilon. Jotjot do hami ndang marhaposan tu
Ho, holan gogo dohot pingkirannami do na hupangasahon hami. Gabe jotjot ma
hami manabu tu pandelean, ngolu na bobonosan, ngolu na tahutan ala so Ho
hubahen hami haporusan dohot partanobatoan ni ngolunami.
Ina: Ale Tuhan Jahowa, di igil Ho do sian hami asa gabe ina na pantas marroha. Hape
di parngoluonnami siganup ari ndang marsitutu hami manghangoluhon i. Jotjot
do hami lemba mangajarhon hataM di tongatonga ni keluarganami.
U+H: ALE JAHOWA, UNANG AHU PINSANG DI BAGASAN RIMASMU, JALA
UNANG AJARI AHU DI PARPIARPIAR NI MURUK-MU.
U: Ale Tuhan. Disuru Ho do hami patundukhon dohot mangarajai angka na
tinompaMi. Hape ndang huulahon hami parsuruonMi hombar tu lomo ni rohaM
alai hombar tu lomo ni rohanami do laho pasombuhon hagiot ni dagingnami.
Ndang hujaga jala huramoti hami angka na tinompaMi baliksa tahe husegai hami
do hinauli ni natinompaMi.
U+H: ALE JAHOWA, UNANG AHU PINSANG DI BAGASAN RIMASMU, JALA
UNANG AJARI AHU DI PARPIARPIAR NI MURUK-MU.
4 BIRO KATEGORIAL INA / BIRO IBADAH-MUSIK
U: Ale Tuhan, lehon ma tu hami tondiM na badia i, asa unang ganggu rohanami di
asi ni rohaM, alai asa hot rohanami marhaporseaon laho manggotaphon nasa dosa
dohot roha portibi on, asa hupasahat hami dirinami tu Ho, gabe pelean na
mangolu jala na badia marhitehite Tuhan Jesus Kristus Tuhannami. Amen.
H: (mangendehon) BE.683:2+3 “Di adopanMu Jesus”
Di adopanMu Jesus, marsomba au huhut tungki
Lao manopoti dosangki, di adopanMu Jesus.
U: Tabege ma hata bagabaga ni Debata taringot tu hasesaa ni angka dosanta: Parasi
roha jala pardengganbasa do Jahowa, lambat tarrimas jala parasi roha godang.
Ndang dibahen tu hita hombar tu angka dosanta, jala ndang dibaloshon tu hita
hombar tu angka hajahatonta. Ai songon dao ni langit sian tano on do gogo ni asi
ni rohana di angka na mangkabiari Ibana. Songon dao ni habinsaran sian
hasundutan dipadao Ibana sian hita angka pangalaosiontai. Songon asi ni amaama
tu angka anakna asi ni roha ni Jahowa di angka na mangkabiari Ibana.
H: (mangendehon) BE.683:4 “Di adopanMu Jesus”
Di adopanMu Jesus taruli au di asiMi.
Tu Ho ma sahat diringki, di adopanMu Jesus.
U: Hasangapon ma di Debata na di ginjang.
U+H: AMEN

09. Marende BE.94:1+3 “Ale tondingku naung hehe” BL.44


Ale tondingku, naung hehe Tuhanmu. Nunga ditaban do banua toru.
Las ma roham ai martua ma ho. Rap dohot Jesus mangolu ma ho;..
Tahaburjuhon mangalo dosanta. Jala tabaen Tuhan Jesus donganta
Pos ma rohanta di Tuhanta i. PamonangonNa do hita sude ;..

10. Epistel: 1 Samuel 2:1-2, 6-8


U: Dung i martangiang ma si Hanna, ninna ma: Marolopolop ma rohangku mida
Jahowa, timbul do tandukku di bagasan Jahowa, na hirtap situtu do pamanganku
dompak angka musungku, umbahen na las rohangku di pangurupionmi.
H: Ndang adong na badia, tudoshon Jahowa, ai ndang adong dungkon ni Ho, jala
ndang adong partanobatoan, dungkon ni Debatangku.
U: Jahowa do na mambunu dohot na pangoluhon; Ibana patuathon tu banua toru
dohot panangkokkon muse.
H: Jahowa do na mambahen pogos dohot mambahen mamora; Ibana do paijurhon,
laos Ibana patimbulhon muse.
U: Ibana pahehehon sian orbuk halak na tarjepol hian, jala dipatimbul na pogos i
sian gambo laho pahundulhon tu lambung ni angka na sangap, jala diturpukkon

5 BIRO KATEGORIAL INA / BIRO IBADAH-MUSIK


habangsa hamuliaon tu nasida, ai Jahowa do nampuna angka ojahan ni tano on,
jala dipaojak di atasna hasiangan on.
I ma sahatna. Martua ma na tumangihon hata ni Debata jala na umpeopsa.
U+H: AMEN

11. Marende BE.633:1+3 “Nunge hehe Kristus i”


Nunga hehe Kristus i, haleluya. Sian hamatean i, haleluya
Parlangitan jouhon ma, haleluya. Tano on alusima, haleluya. Jongjong---
Tartaban naroko i, haleluya. Dibaen Tuhan Jesus i.
Nunga mungkap surgo i, haleluya. Di na tinobusNa i, haleluya.

12. Manghatindanghon Haporseaon

13. Tingting - Tangiang Pangondianon

14. Marende BE.627:1… “Jesus naung hehe” (pelean kantong 1a & 1b)
Jesus naung hehe, Haleluya. Puji endehon Haleluya
Hamonangan ni Tuhan i, na manaluhon sibolis i.
Reff: Las ma roham puji ma Tuhan i, ala naung talu hamatean i
Sesa dosanta, haleluya; mangolu Jesus, haleluya.
Di ari na patoluhon i, maloha do tanomanNa i.
Jesus Raja hangoluan i, na patundukhon sibolis i.
Reff: Las ma roham….. ---musik---
Bege nidok ni suruan i, ida hamu ma ulosNa on.
Ndang di tanoman be Tuhan i, unang mabiar be hita on.
Reff: Las ma roham…..
Tabaritahon Tuhanta i na hehe jala mangolu i.
Singkop do panghophoponNa i di hita jolma pardosa i.
Reff: Las ma roham…….
19. Jamita: Johannes 20: 1 – 10
20. Marende BE.96:1… “Nunga talu hamatean” BL.101 (pelean tu kategorial ina)
Nunga talu hamatean dibaen Tuhan Jesus i.
Ai na hehe do Ibana songon na nidokNa i.
Reff: Haleluya, haleluya, nunga hehe Jesus i.
Haleluya, haleluya, nunga hehe Jesus i.
Ia angka boruboru lao do tu tanoman i.
Ndang disi be Tuhan Jesus nunga hehe sian i.
Reff: Haleluya…. ---musik---
Marlas roha be ma hita ala hehe Jesus i.
Ai malua sude hita sian hamagoan i.
6 BIRO KATEGORIAL INA / BIRO IBADAH-MUSIK
Reff: Haleluya….
Sai tapuji ma Tuhanta na marholong roha i.
Tapasangap ma Ibana na marasiroha i.
Reff: Haleluya…..
21. Responsorium Paskah (jongjong)
U: Hamu angka dongan sahaporseaon. Hata ni Debata di 1 Korintus 15:55 mandok:
"Jo hamatean, didia hamonanganmi? Jo hamatean, didia soropmi?" Haheheon ni
Jesus patuduhon na Debata situtu do Ibana jala na ditoru ni huasoNa do
hamatean i. Ndang tartiopan ni hamatean i Jesus, dipatunduk Ibana do hamatean
i marhitehite na hehe Ibana sian na mate.
H: Tadok ma mauliate tu Debata, na mangalehon di hita hamonagan maralohon
dosa dohot hamatean marhitehite haheheon ni Jesus Kristus sian na mate.
U: Haheheon ni Jesus patuduhon tu hita na tutu situtu do na hinatahonNa. Ai nunga
di hatahon Ibana hian taringot tu haheheonNa i andorang so tarsilang jala mate
di hau pinarsilang Ibana. Haheheon ni Jesus pasingkophon tu hita bagabaga ni
Debata taringot tu hangoluan sisaleleng ni lelengna.
Ina: Tadok ma mauliate tu Debata, naung mangungkap di hita dalan tu hangoluan
salelenglelengna marhitehite haheheon ni Jesus Kristus sian na mate.
U: Hata ni Debata di 1 Korintus 15:14 mandok: “Ai anggo so hehe Kristus sian
angka na mate, rumar ma jamitanami, laos rumar ma nang haporseaonmuna”.
Haheheon ni Jesus sian na mate patoguhon haporseaon dohot panghirimonta
angka na porsea di Ibana, na so hamatean ujung ni pardalanan ni ngoluna alai
hangoluan salelenglelengna do.
H: Tadok ma mauliate tu Debata, na patoguhon haporseaon dohot panghirimonta
taringot tu hangoluon sogot marhitehite haheheon ni Jesus Kristus sian na
mate.
22. Parsuruon
U: Huria na hinaholongan ni Tuhan Jesus Kristus. Di taon 2011 on marjubileum
150 taon ma hurianta HKBP. Alanii tanda ni las ni roha dohot olopolopta di
jubileum 150 taon HKBP naeng ma tapatuduhon parsitutuonta mamaritahon
barita naung hehe Tuhan Jesus sian na mate jala Ibana do dalan tu haluaon
dohot hangoluan salelenglelengna.
H: Sai di pargogoi Tuhan i ma hita mamaritahon barita haheheonNa i di
tongatonga ni portibi on.
U: Jubileum 150 taon HKBP naeng ma patubuhon di hita girgir ni roha
patubegehon taon parasi ni roha on ni Debata tu na humaliang hita ala nunga
dipapatar Debata tu hita asi ni rohaNa na balga i na paluahon hita sian huaso ni
dosa dohot hamatean marhitehite haheheon ni Tuhan Jesus Kristus. Antong,
borhat ma hamu tu tongatonga ni portibi on, tongtong ma galak palitomuna,
patuduhon hamu ma habasaon dohot habasaronmuna tu saluhut halak. Urupi
7 BIRO KATEGORIAL INA / BIRO IBADAH-MUSIK
hamu ma angka na gale, na pogos, na sopot so marama so marina, dohot angka
na mabalu di haporsuhon nasida.
H: (mangendehon) BE.669:1 “Ringgas au paboahon”
Ringgas au paboahon, barita na uli
Barita haholongon ni Jesus Tuhanki
Ringga au paboahon ai na sintong do i
Mambuat nasa holso soada tudos nii.
Ref: Ringgas au paboahon, barita na ummuli
Barita haholongon ni Jesus Tuhanki.
23. Tangiang Panimpuli
U: Tangiang Pelean (sian agenda HKBP) – Pasupasu – Amen

Acara Ibadah Buhabuha ijuk


1. Marende No. 96:1-3 Nunga talu hamatean BL. 101 (Pelean II)

Nunga talu hamatean dibaen Tuhan Jesus i

Ai naung hehe do Ibana sian hamatean i

Haleluya, haleluya, nunga hehe Jesus i

Haleluya, haleluya, nunga hehe Jesus i

Ia angka boruboru lao do tu tanoman i

Ndang sisi be Tuhan Jesus, nunga hehe sian i

Haaleluya, haleluya, nunga hehe Jesus i

Haleluya, haleluya, nunga hehe Jesus

2. Votum Introitus

U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Porbadia.
8 BIRO KATEGORIAL INA / BIRO IBADAH-MUSIK
H : Amen.

U : Unang ho mabiar, Ahu do bonana dohot ujungna. Na mangolu do, jala naung

mate do Ahu najolo, jala ida ma, Ahu do na mangolu ro di saleleng ni lelengna, jala

di Ahu do anakhinsu ni banua toru dohot hamatean.

H : Nunga hehe Tuhan i, nunga tutu hehe Ibana. Ari on do na jinadihon ni Jahowa,

marolopolop jala marlas ni roha ma hita disi. Batu naung binolongkon ni angka

pande bagas, i ma gabe batu parsuhi. Pinamasa ni Jahowa do i, halongangan

do i anggo di matanta.

U :Naung tartanom do hita rap dohot Ibana marhitehite pandidion i tu bagasan


hamatean, asa marparange hita di bagasan ngolu na imbaru, songon Kristus naung
hehe sian angka naung mate hinorhon ni hasangapon ni AmaNa.

H : Ai anggo nunga sangkambona hita dohot Ibana, di na rap mate hita dohot Ibana i,
suang songon i ma hita nang taringot tu haheheon.

U : Ai taboto do : Nunga tarsilang hadirionta na buruk raphon Ibana asa pinasohot


daging pardosaon, asa unang be hita mangadop di dosa.

H : Alai molo naung mate hita rap dohot Kristus dihaporseai

rohanta, rap mangolu ma hita dohot Ibana.

U : Timbul situtu do siamun ni Jahowa; siamun ni Jahowa do sibahen hamonangan.

Martangiang ma hita : Ale Tuhan Debata, Amanami jala Parasiroha ! Mauliate ma


rohanami jala pujionnami Ho, ala naung ditubuhon Ho hami paduahalihon sian
godang ni asi ni rohaM tu pangkirimon na mangolu marhitehite haheheon ni Tuhan
Jesus Kristus sian na mate. Na marlas ni roha do hami nuaeng marningot
haheheonNa i. Nunga talu sibolis, talu hamatean, talu banua toru. Ndang mabiar be
hami mida hamatean dohot soropna, ai nunga monang Tuhannami. Ala ni i umbahen
hupangido hami: Sai asi ma rohaM, patogu ma haporseaonnami maniop Barita na
Uli i, asa unang ganggu rohanami di na hubolus hami hamatean i. Sai pasabam jala
pamalum ma rohanami. Tompa ma roha na ias dohot tondi na marsihohot di bagasan
hami, asa tarhajongjongkon hami, naung pintor hami ala ni hatigoran na pinatupa ni
Tuhan Jesus Kristus. Sai sungguli ma pangkirimon na mangolu di hami, asa tarapul
rohanami marningot angka dongannami naung jumolo nialapMi, jala asa tarapul

9 BIRO KATEGORIAL INA / BIRO IBADAH-MUSIK


rohanami manaon sitaonon di hasiangan on. marhitehite Goar ni AnakMu Tuhan
Jesus Kristus Tuhannami. Amen.

3. Marende No. 94:1-3 Ale Tondingku Naung Hehe BL.44

Ale tondingku naung hehe Tuhanmu, nunga ditaban do banua toru

Las ma roham ai martua ma ho, rap dohot Jesus mangolu ma ho;..

Talu sibolis dibahen Tuhanta, Nang hamatean nang dosa sudena

Sai dihalashon rohanta ma I, pangoluonNa do hita sude;..

4. Manjaha Epistel : Jona 2:1-11

U : Dung i diparo Jahowa ma sada ihan raja, asa di bondut si Jona. Jadi di bagasan

butuha ni ihan i ma si Jona tolu ari tolu borngin.

H : Dung i martangiang ma si Jona tu Jahowa Debatana, sian butuha ni ihan i.

U : Jala didok ma: Joujou do ahu sian hagogotanki tu Jahowa gabe dialusi ibana ahu.

Sian butuha ni parbeguan ahu mangangguhi: Ditangihon ho do soarangki!

H : Nunga direongkon ho ahu tu bagasan lung tu bagasan pusupusu ni laut, gabe pusat

mangkaliangi ahu, sude angka ombakmi dohot galumbangmi mangalungkupi.

U : Ianggo ahu, nunga hudok: Nunga bali ahu sian jolo ni matam; alai tahe

ulahanku dope mamereng dompak joro habadiaonmi.

H : Nunga nian dihaliangi angka aek i ahu, pola tos hosangku, lung i

pasampaksampak ahu sirambon do alit tu ulungku.

U : Nunga mangungkor ahu sahat tu bona ni angka dolok, ransangransang ni tano on

pe nunga tarsordak humaliang ahu ro di salelenglelengna. Alai dipanangkok ho

ngolungku sian godung ale Jahowa Debatangku.

H : Uju mandate hosangku di bagasan, Jahowa ma huingot, jadi sahat ma tangiangku tu

10 BIRO KATEGORIAL INA / BIRO IBADAH-MUSIK


ho, tu joro ni habadiaonmi.

U : Alai halak na marsomba tu ganaganaan sipaotooto, i ma na manadingkon

hasonangannasida i.

H : Alai anggo ahu mardongan soara pujipujian ahu mamele tu ho, gararonku do na

huparbagabaga, Jahowa do nampuna hatuaon.

U : Dung i didok Jahowa ma tu ihan i, gabe diutahon ma si Jona tu pasir.

I ma sahatna, Martua ma na tumangihon Hata ni Debata jala na umpeopsa. Amen.

5. Marende BE. No. No. 91: 1-2 Hatuaon do BL. 55

Hatuaon do, las ni roha do hangongot ni Tuhanta i

Mago do hita, ngot ma Tuhanta, las be, las be ma rohanta i 2x

Hatuaon do las ni roha do hangongot ni Tuhanta i

Monang do Jesus, talu sibolis, las be, las be ma rohanta i 2x

. Jamita : Johanes 20:9

7. Marende BE. No. 627:1-2


Jesus naung hehe, haleluya, puji endehon haleluya

Hamonangan ni Tuhanta i, namanaluhon sibolis i

Las ma roham puji ma Tuhan i, ala naung talu hamatean i

Sesa dosanta haleluya, mangolu Jesus haleluya

Di ari na patoluhon i, maloha do tanomanNa i

Jesus Raja hangoluan i, na patundukhon sibolis i

Ref: Las ma roham….

. Tangiang Panutup

U : Ale Tuhan Jesus, Tuhannami ! Na mandok mauliate do hami tu Ho, ala


11 BIRO KATEGORIAL INA / BIRO IBADAH-MUSIK
ditaluhon Ho do dosa dohot hamatean marhitehite hamamateMi.

H : Mauliate ma Tuhan ala disondangi Ho tanomannami, asa marpangkirimon na mangolu


hami ala ni haheheonMi. Ndang pola be mabiar hami mida hamatean, ai Ho do ulunami,
ruasMu do hami.

U : Dipaunsat Ho do hami sian haholomon tu hatiuron, sian hamatean tu hangoluan. Antong


pargogoi ma hami mamuji dohot mangoloi Ho ariari, pasangaphon Ho di bagasan
haporseaon na mangolu, paima sahat hami tu lambungMu.

H : Ale Tuhan Debata ! Suru ma Tondi Parbadia tu rohanami, asa tarapul situtu rohanami
marhitehite haheheon ni AnakMu, Tuhan Jesus Kristus, jala asa lam ganda
haporseaonnami marhitehite pangkirimon na mangolu, asa tongtong huingot hami, na
hehe do hami muse sian na mate songon Tuhan Jesus Kristus, Tuhannami, naung hehe
sian na mate i.

U : Rap mandok ma hita tangiang Ale Amanami...Pasupasu

H : Mangendehon Amen...amen...amen

Selamat Paskah

12 BIRO KATEGORIAL INA / BIRO IBADAH-MUSIK