ANG REHAS NGA DILI MAKITA

Ang bisyo sama sa bilangguan:

Nga rehas nga dili makita . . .
Nga maong mobalhog sa galamhan
Sa makalolouy nga linalang.

Ang sigarilyo, inom ug uban pa . . .

Kadaghanan nga tawo gibiktima
Dili lamang dugang galastuhan
Apan sa lawas makadaut pa!

Sa matag usa ka sigarilyo . . .

Motibhang sa atong kinabuhi
Ug tulo ka minute matod pa –
Apan nganong dili biyaan?

Padayon ug sindi higala . . .

Aron si hinayhinay ibanan
Ang pinalanggang kinabuhi:
Tingali baya kini hunusan?

Ang inom, sigarilyo ug uban pa . . .

Usa ka dakong babag sa pangandoy:
Mga bisyong maoy mag-agni . . .
Ub mobanlud ngadto sa kada-utan.

May pangandoy ka bang tangtangon:

Ang kadenang migapos kanimo . . .
Ang mga bisyo nga nagabilanggo
Ug sa imong tanlag nagahasol?

SIYA lang ang kaabag Higala . . .

Mao nag DIYOS NGA MAKAGAGAHUM
Ang kasingkasing mo iyang lig-onon:
Aron ikaw makabuhat ug matarung!

Bonnie Alba