Nmulai nko edisi i in kanan masekal neik Amneikhanaf Edisi 07, 9 Funn 2011

Funan Nua Npoi Haefes

Publikasi Gratis neik Uab Met neu Kit Ok-ok a-nbi Format PDF
Abmepu : Yohanes Manhitu, Yogyakarta. Email: ymanhitu@yahoo.com

Tolas a-nbi Biboki. Foto: Herisandy Umbu Deta

Tuis neu Edisi i

Ampaer Richard Daschbach, SVD (Profil) Fatu Rosetta ma In Etus (Hanaf nko Pah Bian) Aofnonon ma Nimaf (Varia) Nenomatne Nbolen (Puisi)

Tbait Tenab teik Uab Met (oras i Amneikhanaf) Edisi 07, 9 Funn 2011Tkoenoktm teu Blog Uab Met http://uabmeto.blogspot.com

Profil
2

Ampaer Richard Daschbach : Kaesmut Amamat ma Amolok Met

AMPAER Richard Daschbach SVD nane sekau ka? Nane ampaer kaesmut l namantea Pah Timor nbi ton 1966 nko Pennsylvania, Pah Amerika Serikat. Natuin in kanan, hit tahn tak in uispaer nko komunitas SVD (Societas Verbi Divini, Sosietas An Uisneno) ordo-es l Santu Arnoldus Yansen nahakeb a-nbi Steyl, Balanda, 8 Funsi 1875. Oras fka natua ntt a-nbi Pah Amben, uispaer i l a-nbi ton nane f ton bnua ma neis ntulun tosran nbi Pah TTU. Nbi ton 1982 in a-ntam neu Pah Oekusi natuin Nameko, ma nanaob mepu nbi Kuan Lel-f. Nko kuan i in a-nss neu Nitib. Ma ok nko pis nane in nain balan neu Kutt (kuan-es anpaumak nok Nipaen, nakat nok TTU), ma mun i, natuin hanaf nko Oekusi, in es a-nfain Kuan Mahat (npaumak lalan neu Wini). Nbi Oekusi, tosran bian a-nteke nak Ampaer Gaspar, fun mnet he ntek in kanan. In nanaob mepu l ben a-nbi Pah Timor. Nbi oras tuis i mamok Ampaer Richard f nabala es Oekusi ma nanaob mepu ton bhammes ben a-nbi Pah Timor. Tuis i ka nok fa neksalit he tnaeb tsek Ampaer Richard in kanan, a he tak ala in nmeskun es namliab hit uab; atoni bian kah. Au ala loim he umnau ufan in mepu nbi atoin-Timor, neis-neis amolok Met, sini tnankin on tosran. Natuin misi knin he ntaul ma neik tuaf neu Uisneno Amonit, Ampaer i lo nsuis ma ntm neu uembub (umsub) masi aimas naheun in human. In haef namfau natai bet (ma) ma nabs (nasb) leku-sene. Ma neis nko nane, in namolok tosran in uab (Uab Met)

Ampaer Richard Daschbach, SVD

Foto: http://www.oecusse.com

Neu, kalu kaesmut i namolok nams lekleok neik Uab Met, nans hit uab tuaf ka tamlil fe he tamolok piuta. .

naleok ma nams, ma nanaob mepu Uisneno neik uab nane, l a-nmo tuaf namfau nahn Uisneno In an knin. Au, ok tuaf pukan bian, fain saksi neu in mepu nane. Neu mis, in a-nsiap s-s ok-ok neik Uab Met. Nko mis in n talantea msoupun, hit ka tnen fa uab bian es mapak, alakun Uab Met. Masi

onnane, neu st, tosran nabe neik Labit (Uab Indonesia) a Tetun. Au f umnau, haef namfau in nateab hantonas ma honet neu tosran neik tuis a-nbi Uab Met nmskun ma mamalak neik in kanan bian: P. Eli Anunu Sasi, SVD. Nbi oras f an-an, au ka uhn fa leko nans es Uab Met musti mapak neu st, tuis, ma salit humaf bian. Me namuin, oras au nekak nahnen, au eik nekak nok nanak pules s l uispaer kaesmut i nanaobe piuta nbi in mepu. Tebes, nane naleok neu uab i in monit ma mlian. Ntomneu molok, Ampaer Richard, ka ala fa nbi umeklej (umeklei/umekr), nbi in ume ms in namolok Met nok kit. Masi in nahn nak hit askolat kit, hit lof musti nhaman (nhosn) kit neik Uab Met. Oras f bi Oekusi, haef namfau au nao kios Ampaer

Tbait Tenab teik Uab Met (oras i Amneikhanaf) Edisi 07, 9 Funn 2011Tkoenoktm teu Blog Uab Met http://uabmeto.blogspot.com

Edisi 07, 9 Funn 2011

>>
a-nbi in ume abt Kutt. Ma oras hai miuk onnane, molok lof a-nsai nams; hai ka meik fa uab Indonesia a uab Ingls (fun inkun amolok uab Ingls ma au uhn uab nane masi kle-kle), me hai molok a-nmulai ma namsoup neik Uab Met. Neu, kalu kaesmut i namolok nams lekleok neik Uab Met, nans hit uab tuaf ka tamlil fe he tamolok piuta. Ofmasit a-nmu uispaer kaesmut bian a-ntein es namolok Met naleok onl Ampaer Richard, me talantea neno i ala in es au uhine leko, masi l ben hai ka miuk fa. Mun i nmu kaesmut namfau (ka uispaer fa) es namin he nahinan Uab Met nane in gramatika ma masan onm. Me haef namfau sin f a-nheu neu baha tuis a molok ntomneu Uab Met. Hit tafnekan he haef amnemat sin a-ntuin ma namolok neik Uab Met. Natuin au tenab, henait uab i namlia ma nmoin piuta, hit, tatm nok kanan atuis, asinmk-uab, amoriset (ateliti) ok-ok, musti tatbk tko ntomneu Uab Met ma tlak teu teik/tpaek Uab Met. Ntomneu lasi i, au uk ak Ampaer Richard es alklalan alekot neu kit, fun ka ala fa ntui sulat ma st neik Uab Met, me ini ms a-npaek uab nane he namolok humaf nok humaf ma nekaf nok nekaf nok in tosran. Lasi humaf i neik kit neu Santu Sirilius ma Santu Metodius (nuasin oliftataf), noin alekot ma makan nua es un masoun nko Konstantinopel (mun es Pah Turki) he nnaon neu Pah Eropa Neonsaet (Pah Slavia) he nanaob misi knin. Es onnane, sin nuasin matek nak Rasul Pah Slavia. Nbi nae, sin nuasin ka nasmanan fa he nsek tosran fe sin he npaek uab Yunani (uab liturgi), me sin nuasin nmepun mtan he nmo alfabet (huruf) atomas neu topukan nane. Alfabet nane namfau es mamnait nko huruf Yunani ma (fun huruf ka ntea fa) nselo nok huruf bian nko uab Ibrani. Nalail onnanete, sin a-ntui nafan Sulat Knin ma onen sran namfau neu uab kuatuaf neik alfabet fe nane. Tkios, santu nuain i ka ntuin fa ntomneu molok kuatuaf, me sin a-ntuin npaek molok pah fe nane. Es onnane, talantea mun i santu naek nua in i sin misi in nobi (hukun) f nabala, nane esl alfabet Siril (huruf Siril) l mapak nanoeba es Pah Rusia ma pah bian-bian l un nasitbok nko Uni Soviet. Ampaer Richard, masi ka nmo fa namns onl santu olif-tataf nuain i he naim huruf neu atoinMet, in a-ntulun, neik in lalan ma mepu, namliab uab l haef namfau mapnikan. Neis-neis, nbi neno un uab i matal (mabandu) nbi skl. Ntomneu panat uab, hit nabe tak on i: Atoni mes ka nabe fa he npanat ma npoip hau f es l ini slekin ma toen namfau lef. Me kalu hit ok-ok neno-neno ku mes, masi foknaise namnaun hau f nane lof ka nmaet nt fa. Ma onl apopit mes, Ampaer Richard (l nm ma npaek hauno nko hau f nane) namlil ma nmakoe piuta he npoip hau uf matan nane. Talantea neno i au uhn ma palsai, Ampaer Richard f namtasab lulun neik puah, manus, ma ao. Ma Uab Met f naheun in tenab ma namlia nbi in nekan nanan. Haef amunit, oras au nao he kiso nbi in sonaf Kutt (l mahakeb es nuf in n), in kab (okmam) naek f namtk ma Uab Met in hanan f naheun sonaf l alakle he mnik neik fatu bnoko. Etus ntomneu uispaer kaesmut amamat ma amolok Met i nheu ba l i nai. He usoup tuis palpal i, au ukeo he hit, uab tuaf, ma ka uab tuaf sin, tfe up naek neu molok l un-un, natuin in tulun, Uisneno In an masen ma namlia nbi hit nekak nanan. Yohanes Manhitu in tuis Yogyakarta, Funbosamnu 2007

Sumber l mabaca:
http://oecusse.com/topu/index.htm http://yesaya.indocell.net/id536.htm http://www.macedoniainfo.com/cyrill_and_methodius.htm

Tbait Tenab teik Uab Met (oras i Amneikhanaf) Edisi 07, 9 Funn 2011Tkoenoktm teu Blog Uab Met http://uabmeto.blogspot.com

Edisi 07, 9 Funn 2011

>>
Fatu Rosetta ma In Etus
tahn, nbi Mesir Ahunut in tabu kanan tuis matu neik hieroglif (huruf magambar), ma oras Fatu Rosetta nane in arti f kamahin, atoni moderen sin ka nahn fa tuis humaf nane nak s. Fun ahnmolok-sin nahn namts uab Yunani, ma uab Demotik (uab humaf es l mapak nbi dokumen bian), ahntuis ma ahnmolok-sin nabe nanes nan uab teunin nane sin arti. Es onanne, hine neu Mesir Ahunut ma in budaya ok-ok naskk natfei neu pah-pinan. Neu, Mesir Ahunut in monit hit nabe tnoin ma tahne. Fatu Rosetta nane fautmatu l naheun nok hanpules neu Usif Ptolemy V Epiphanes l mateab nko anfuat-sin, fun usif i nanaob mepu alekot neu pah ma to(b) Mesir nobtemen, nbi Pah Mesir in nanan ma nbi pah taispanif. Nmu ahnmolok nua es nanaob mepu he "npukai" Pah Mesir Ahunut in misteri natuin tuis abt Fatu Rosetta. Ahinet ahunut esl Thomas Young, dokter, ahnfisika, l nafinib tabu he nahn tuis hieroglif nane in otan. Me in mepu nane ka namts fa leko he "npukai" nan misteri naek nane. JeanFranois Champollion, atoni-Prancis, ahnmolok uf, ma egiptologis (ahli ntomneu Mesir), l nm namuin, es nats mepu nane lekleok talantea in nesan, ma natuin in banit alekot ma amasat nane atoinamfaut nabe nahn s-s ok-ok l matu neik huruf hieroglif nane, l nkn informasi ma hine ntomneu to(b) nbi Pah Mesir Ahunut (Mn) in monit. Es onanne Champollion namuin matek nak ahakeb Egiptologi moderen. In tuis amfaut sin natm nok Summary of the Hieroglyphic System of the Ancient Egyptians (1824) ma Egyptian Grammar (1836-1841) ms Egyptian Dictionary (1842-1843). Yohanes Manhitu in tuis Yogyakarta, 29 Funnu 2008

Foto: Situs Internet

Haef-haef kalu atoni ntek nan Pah Mesir in sejara, neis-neis neu Mesir Ahunut in etus, atoni lof namolok a-ntek nan Rosetta Stone (Fatu Rosetta). Neu, Fatu Rosseta nane s? Nane fautao ben es, l matu nbi ton 196 fka Kristus. Ma in matu neik uab humaf teun: Hieroglif Mesir, Demotik, ma Yunani. Fun fatu i es ahinet-sin nabe nfei en neu noin ma hine moderen ntomneu Pah Mesir Ahunut, es matek nak Egiptologi Moderen. Fatu i Napoleon Bonaparte in solalus-sin es napeni nbi bale-es kanan al-Rashid (Rosetta) nbi ton 1799, oras sin f nakhain uemfatu-es a-nbi bale nane. Natuin hanmantan Aleksandria nbi ton 1801, fatu nane mnat neu atoin-Ingls sin ma nko tabu nane mabelak es London (Pah Ingls in kota ainaf). Alaha in conto es neno i malil neu atoin-amfaut es Museum Mesir, es Kairo, Mesir in kota ainaf. Nans es Fatu Rosetta makan? In makan, fun natuin tuis neik uab teunin l matek nbi fafon, ahnmolok-sin nabe nanes Hieroglif Mesir nok uab Demotik, ma uab Yunani, ok sin nahn tuis hieroglif nane in arti (otan) nak s. Hit masit

Tbait Tenab teik Uab Met (oras i Amneikhanaf) Edisi 07, 9 Funn 2011Tkoenoktm teu Blog Uab Met http://uabmeto.blogspot.com

Varia : Hum-Hum Ntomneu Uab Met

Aofnonon ma Nimaf
Yohanes Manhitu es nasoni neu uab Ingls

Foto-sin: Mamnait nko Microsoft Clip Arts

Tbait Tenab teik Uab Met (oras i Amneikhanaf) Edisi 07, 9 Funn 2011Tkoenoktm teu Blog Uab Met http://uabmeto.blogspot.com

Sastra : Puisi

Jendela Nenomatne Nbolen

Nko: Yohanes Manhitu
Meiskan ma nipu nhelsok onl musu akalat, kolo-sin a-nluman ma nfen tab neu mesin. Sn ma pehe fai afinit napeinin anin amalulet. Au upn neno nbol eik kumanit ma omakut. Mauthe neno afinit i njali noin-es neu kau, mauthe neno fu neik kau tetus ma nt piuta; ma mauthe meu ma sin uheun ok halinat fun manas lof a-nbol piuta nbi au monit.
Foto: Situs Internet

Nko: Yohanes Manhitu

Nbi uemkase fautin, ho lof neuspalaf l nabia nesu In upan lo ka nesu naek ini fun fesat ume kamajendela. ammte biasa mnan. nfinin fa manes

Musaitanfa noit kalu susar a-ntoman ko! Muton kum ho pehe kalu lasi nsimakan ko! Kais mufinib tabu alekot kalu nemantean ko! Kais mupnikan ho Apakaet kalu mmaus ko! Neno abolat, amneikifnekan neu monit fe; neno abolat nane amneikmesin amaneot. Sekau es ka nsinmakan fa nope aknin? Sekau es a-nmnisin monit aklim?

Yogyakarta, Funbos 2003

Haef namfau kam naheun a lasimtaus l ma nkan ko.

ho nemae naplenat

Ho mumtau mis he mkios mutuin nesu, me jendela nfe ko baelson he mupn.

Haef bian ho smanam ka nt fa manas fun in nl nko mesin atan alekot. Jendela nfain lalan mes neu mesin

Neu totis ma komentar ntomneu media i, msoun email neu ymanhitu@yahoo.com

Tbait Tenab teik Uab Met (oras i Amneikhanaf) Edisi 07, 9 Funn 2011Tkoenoktm teu Blog Uab Met http://uabmeto.blogspot.com