PENDAHULUAN Bismilahir Rahmanir Rahiem

TAUHID (KEIMANAN) A. TUJUAN 1. Menanamkan keyakinan tentang Alloh. 2. Mendidik anak agar cinta kepada Alloh disertai rasa taat akan segala perintahnya 3. Memberantas keyakinan yang menyimpang dari ajaran Islam (Tauhid) yang sebenarnya, seperti : Khurofat dan Tahayyul B. METHODA (CARA) 1. Bercerita tantang Rahman Rahimnya Alloh Swt, Keesaan-Nya dan kekuasaan-Nya, 2. Cerita orang-orang yang teguh imannya, seperti : Sahabat Bilal, serta sahabat Nabi yang lainnya, 3. menghapal Syiiran yang berkenaan dengan Rukun Iman dan Rukun Islam, 4. Tanya jawab. C. HARAPAN-HARAPAN. Bila ada kesalahan cetakatau kurang baik susu dalam diktat ini , koreksi dan teguran dari peminat demi perbaikan selanjutnya.

Garut, 19 Oktober 1990 Penyusun

Maman Nurzaman Romli.

RUKUN AGAMA : 1. Sadaya rukun Agama, Aya tilu sing uninga, Hiji Iman dua Islam, Nomer katiluna Ihsan. 2. Iman hartina percaya, Patekatan teu cangcaya, Ucap lampah teu sulaya, Jeung parentah anu mulya. 3. Islam artinya sumerah, Patuh tunduk serta pasrah, Ngamalkeun Agama Alloh, Nu dicandak Rosulullooh.

RUKUN IMAN : 8. Rukun Iman aya genep sadayana, Genep wajib dipercaya, Kahijina wajib Iman Ka Alloh nu maha heman. 9. Kadua ka malaikat, katilu Rosul ulah lepas, kana kitab nomer opat, lima ka poe akherat. 10. Qodho qodar kagenepna, Papasten tinu kawasa, Sae atawa awona, Urang wajib percayana. SIFAT GUSTI ALLOH 11. Alloh wajib kasipatan, Ku sifat kasampurnaan, Serta mustahil pangeran Kasifatan kakurangan. SIFAT WAJIB, MUSTAHIL, JAIZ. 12. Sifat Alloh mun diwincik Aya tilu masing telik, Sifat wajib kahijina, Mustahil nu kaduana. 13. Sifat jaiz katiluna, Wenang pihartieunana, Ngayakeun ngaeuweuhkeunana Kumaha kersa anjeunana. 14. Sifat nu wajib di Alloh, Hiji wujud ulah salah, Wujud pihartieunana, Pangeran wajib ayana.

15. Dalil Alloh wajib aya, Buktina alam sadaya, Nyakitu deui manusa, ALLOH nu ngadamelna. 16. Tah kitu ceuk dalil aqli, Aya makhluq jadi ciri, Kana wajib wujud gusti, Kabeh alam jadi saksi, 17. Sifat wajud sabalikna, Mustahil di anjeunna, Nyaeta Adam hartina, Mustahil teu ayana.

22. Dalil yen Alloh teh baqo, Alloh parantos ngandika, Wayabqo wajhu robbika, langgeng pangeran andika. 23. Sifat baqo sabalikna, M ustahil anjeunna fana, Sabab pihartieunana, Yen Alloh aya ruksakna. 24. Alloh ruksak pamohalan, Mustahil kanggo pangeran, Sabab sulaya jeung Quran Nu didawuhkeun pangeran.

4. Ihsan pihartieunana, Ibadah sing sabenerna, Berbakti sumujud nyembah, Lir ebreh ninggal ka Alloh. 5. Najan urang teu tiasa, Ninggalna ku dua soca, Alloh mah maha uninga, Ninggali salalamina. RUKUN ISLAM : 6. Rukun Islam aya lima, pidawuh Rosul Utama, Hiji ngucapkeun syahadat, kadua ngadegkeun sholat, 7. Katiluna wajib zakat, Shaum rukun nu ka opat, Munggah haji kalimana, Mun kawasa di jalana.

18. Wajib qidam kaduana, Alloh tipayun ayana, Sarta taya mimitina, Tur moal aya tungtungna.

25. Ari sifat nomor opat, Lihawadtis muhkolafat, Hartina teh teu sarua, Jeung makhluk teu sarua.

19. Dalilna yen Alloh Qidam, Pidawuhna dina Quran, Huwal awwalu wal-akhiru, Hartikeun ulah kaliru. 20. Lalawanan sifat qidam,h Uduts sarua jeung alam, Alloh Huduts pamohalan, Sabab mustahil di pangeran. 21. Sifat baqo katiluna, Hartaina langgeng ayana, Alloh mo aya robihna, Wajib baqo saendangna.

26. Dalil Alloh ngulayaan, Makhluk moal nyarupaan, Jeung kaneh sifat pangeran Cukup aya dina quran. 27. Lil-kahadits mukholah, Anu mustahil di Alloh, Hartina teh nyarupaan, ALLOH sarua jeung alam. 28. Qiyamuhu binafsihi, Sifat nu wajib di gusti Alloh jumeneng nu anjeun Hanteu aya nu nyieun.

29. Lawan qiyam binafsihi, Qiyamuhu bighoerihi, Hartina teh dijenengkeun Heunte jumeneng ku anjeun. 30. Wahdaniyah kagenepna, Hartina wajib tunggalna, Hiji sifat reujeung dzat na, Nyakitu deui afalna. 31. Ari lalawananana Nyaeta Taaddud hartina, Pangeran seueur jumlahna, Mustahil kangge anjeunna. 32. Sabab sifat wahdaniyat, Pangeran taya syarikat, Rencang atawa sobat, Suci tina eta sifat. 33. Wajib Qudroh eta katujuhna, Alloh kawasa sifatna, Ngayakeun ngeuweuhkeunana, Teu hese kangge anjeunna. 34. Dalilna Alloh kawasa, Lamun Alloh teu kawasa, Tangtu makhluq moal aya, Sabab taya nu ngadamelna. 35. Bumi langit jeung eusina, Kabeh diayakeunana, Ku sifat Qudrot anjeunna, Kawasa taya watesna.

36. Sifat Qudroh sabalikna, Al-ajzu hartina, Alloh apes teh mustahil, Bukti makhluk jadi dalil. 37. Kadalapanna Irodah Kersaan Gusti Alloh Ngayaan alam sadaya, KALAYAN kersa anjeuna 38. Lalawananana Irodah Mustahil Alloh karohah, SABAB taya nu marentah, Maksa atawa nitah. 39. Wajib ilmu kadalapan, Maha uninga Pangeran, Pinterna taya bandingan, Moal aya nu nyamian. 40. Sifat ilmi sabalikna, Al-jahlu bodo hartina, Alloh bodo pamohalan, Mustahil kango pangeran. 41. Kasapuluh wajib hayat, Hirup hurip moal pegat, Najan dunya geus qiyamat, Alloh tetep wajib hayat. 42. Lalawanana sifat hayat, Mustahil pangeran maot, Maot pihartieunana, Pangeran aya pupusna.

43. Alloh pupus pamohalan, Sabab jumeneng pangeran, Hirup lain dihirupan, Hirup lain kunu lian. 44. Wajib bashor ka sabelas, Gusti Alloh maha awas, Paninggalna cekas awas, Kanu hideung kanu bodas. 45. Dalilna Alloh Ningali, Sarta wajib ti ajali, Wahua samiun basher, Hartikeun masing kapikir. 46. Lalawana sifat bashor, A-ma hartina teh paor, Lolong teu bias ningali, Eta mustahil di gusti. 47. Dua belas wajib sama Maha ngadangu hartina, Nu deukeut tur anggangna, henteu samar ka anjeuna. 48. Lalawana sifat sama, Mustahil Alloh ash-shoma, Sabab hartina ash-shoma, Alloh torek pangdanguna. 49. Mutakallim tilu welas, Ngadawuh nu maha welas, Wakallamallohu musa, Taklima geura pariksa.

50. Riwayat ayat diluhur, Wangkid musa di gunung tur, Anjeuna nampi pihatur, Ti pangeran Robbun Ghofur. 51. Mutakallim sabalikna, Bakmun pireu hartina, Alloh pireu teh mustahil, Ayat tadi jadi dalil. 52. Tah kitu sifatna Gusti, Titenan masing taliti, Sangkan nyembah jeung babakti, Sapuk jeung parentah gusti. 53. Lamun urang henteu telik, Inggis tohid jadi musyrik, Umaku pangeran esa, Buktina nyembah berhala.] 54. Mun itikad kacampuran, Ku sawareh pamusyrikan, Pati tohidna robah, Kabeh ngajadi khurofah. 55. Sabab musyrik ngadung harti, Midua nyembah ka Gusti, Teu saeutik nu babakti, Ka kubur ka para wali. 56. Gunung luhur dipunjungan, Kai gede disuguhan, Batu, keris dikukusan, Dipuja lir ka Pangeran.

57. Tukang musyrik itikadna. Ibadah jeung ngaduana, Make antara nyembahna, Nganggap karamat ka benda. 58. Tawasul kana berhala, Menta diijabah dua, Boga rasa gede dosa, Ngadua langsung mo bisa.

64. Nyaeta bidah khurofat, Tahayul musyrik masiyat, Islam dicampur ku adat, Agama ruksak teu sehat. 65. Paham hindu pasolengkrah, Ngukur agama ku lumrah Quran teu dipake hujjah, Amal lain tina sunnah,

IMAN KA MALAIKAT 71. Iman rukun iman kaduaa, Percaya ka malaikat, Tegesna wajib dipercaya, Yen malaikat teh aya. 72. Malaikat makhluq gusti, Ahli ibadah ngabakti, Tara baha jeung masyiat, Salilana tunduk thoat. IMAN KA KITAB-KITAB 73. Rukun iman katiluna, Percaya kana kitabna, Nu ditampi para nabi. Wahyu tinu maha suci. 74. Kitab zabur kahijina, Navi dawud nu nampina, Kitab toret nu kaduana, Ditampi ku nabi musa. 75. Kitab injil katiluna, Ka nabi Isa lungsurna, Sarta ka opatna Quran, Candak nabi akhir zaman. IMAN KA PARA ROSUL 76. Rukun iman ka opatna, Iman ka para rosulna, Utusan anu kawasa, Pikeun mimpin umatna. 77. Sakumna para utusan, Sadayana kasifatan, Ku sifat-sifat anu wajib, Oge mustahil jeung jaiz.

SIFAT WAJIB, MUSTAHIL DI ROSUL 78. Sifat nu wajib di rosul, Hiji shidiq tara rahul, Shidiq pihartieunnana, Rosul neber salamina. 79. Sabalikna sifat shidiq, Pamohalan Rosul kidzib, Sabab kidzib hartina bohong, Mustahil Rosul ngabohong.

59. Amal kitu teu karasa, Henteu boga rasa dosa, Padahal Alloh geus atra, Marentah langsung ngadua. 60. Uduni astajib lakum, Pidawuh Alloh geus malum, Hartina pek maneh menta, Langsung ka kami menta. 61. Kami pasti ngaijabah, Kana dua anu maraneh, Tah kitu pidawuh Alloh, Amalkeun ulah rek salah.

66. Ibadah nu samistina, Nyaeta niru ti nabina, Teu meunang sakama-kama, Sangkan amal ditarima. 67. Mun ibadah campur bidah, Pasti timbul hilapiyah, Parebut ngadu masalah, Ngabela paham anu salah. 68. Quran jeung hadist saluyu, Henteu aya nu diadu, Sabab eta kabeh wahyu, Lain pangaturan nafsu.

80. Kadua wajib amanat, Jujur mustahil khianat, Para rosul kawajiban, Ngemban amanat pabngeran. 81. Wajib tabligh katiluna, Nganepikeun agamana, Ka masing-masing umatna, Sangkan salamet hirupna. 82. Sifat tabligh sabalikna, Kitman nyumputkeun hartina, Rosul kitman pamohalan, Nyumputkeun tugas pangeran.

62. Iman urang masing tuhu, Numutkeun aturan wahyu, Nyakitu deui ibadah, Masing cocog jeung parentah. 63. Amal anu kudu diraksa, Taliti masing toweksa, matak sasarna agama, Lampahna lalawora.

69. Wama yantiq anil hawa, In huwa illa wahyun yuha, Lain ucap tina rasa, Anging wahyu nu kawasa. 70. Tah kitu pidawuh Gusti, Mang kade sing taliti, Patokan islam geus pasti, Quran reujeung hadistna.

83. Pathonah nu kaopatna, Wajib pinter di anjeunna Ari lalawananana, Biladah bodo hartina. 84. Rosul bodo pamohalan, Sulaya tina timbalan, Diangkat jadi utusan, Ku Alloh nu maha heman.

SIFAT JAIZ DI ROSUL 85. Rosul teh bangsa manusa. Seliran maha kawasa, Sifatna taya bedana, Reujeung manusa liana. 86. Sok ngaleueut rejeung dahar, Keuna ku lapar hanaang, Kulem atawa teu damang, Nu kitu ngaranna wenang. 87. Ngan beda jeung nu lianna, Rosul ku Alloh dijaga, Dijaring sarta di raksa, Tina ngalakukeun dosa. IMAN KANA POE QIYAMAH 88. Rukun iman kalimana, Yakin akherat teh aya, Tempat kabeh jalma-jalma, Geusan narima amalan.

92. Amal manusa di dunya, Hade atawa gorengna, Hade wawalesna surga, Goring tempatna naraka. 93. Meungan ganjaran siksaan, Hasil amalan sorangan, Jalam lian moal nulungan, Amal mah sewang-sewangan. 94. Najan adat geus ilahar, Hadiah ngariung dahar, Tahlilan sugan diganjar, Dioper kanu lian.

95. Kayaning tilu tujuhna, Matang puluh jeung natusna, Newu jeung saterusna, Bu bidah hukumna. IMAN KANA QODO JEUNG QODAR 96. Rukun iman kagenepna, Iman kana papastenna, Katetepan nu kawasa, Nangtukeun kabeh manusa. 97. Makhluq gusti sadayana, Geus diatur ku anjeunna, Boh bagja boh cilakana. Kabeh papasten anjeuna. 98. Masing-masing boga nasib, Ngan bae teu kabeh gaib, Urang wajib narekahan, Sabab qodar tara ngabejaan

89. Di dunya kadar ngumbara, Lain pikeun saendengna, Lamun geus satang mangsana, Mulang ka tempat asalna. 90. Raga jeung nyawa pisah, Manusa moal walakaya, Najan lubak libuk harta, Taya bisa nu ngabela. 91. Dipundut kunu kawasa, Asup kana jero kubur, Digotong diruang batur, Nyorangan dijero kubur.