Anda di halaman 1dari 19

DASAR FALSAFAH ADAT MINANG KABAU

DIKETIK ULANG

O L E H

Adii Divisi Dokumentasi Q_Bar Ranah Minang, 20

Sambah sujuik pangiriang salam Kabawah hidarat nan basamo Rancak dikali dalam-dalam Nan basuo urek tunggangnyo Elok dipanjek tinggi-tinggi Nak batamu pucuak buleknya Elok disibak dikali habih Nak jaleh elok buruaknyo Pihak diadat nan bapakai Nyato tuangan dek limbago Tando lai amuah mamakai Sipat nan ampek dilimbago Limbago bak bijo baiak Tanam ka anak ka manakan Nan elok samo kito ambiak Buruk nak samo di buangkan Adat babungo kambang Hiasan budi dalam hiduik Naknyo salamat ranah minang Jalan nan pasa ka dituruik Pusako babuah ranun Makanan kito urang minang Kito kakeh jikok talamun Rancak dicari jikok hilang Nan diadaatkan babuhua mati Istiadat babuhua sintak Tantukan bungkuih jo isi Jalehkan dima tampek tagak Istiadat la nyato bungo Nan diadatkan sifat dipakai Tantukan ujuang pangkannyo Disiriah sakapua kiton mulai Jiko mamanggang sampai masak Kalau mahanta sampai-sampai Kok tagak usah baranjak Tanah sabingkah dilapiak salai

Pendahuluan Memperhatikan fungsi sirih yang begitu penting tampaknya dalam segala perbuatan yang berkenaan dengan upacara adat, baik dalam kenduri maupun dalam segala hal yang berkenanna dengan pelaksanaan penyambutan tamu, helat berburu babi, ataupun dalam hal-hal lain seperti bersidang adat dan sebagainya. Bertitik tolak dari hal yang demikian, mak timbulah keinginan kaim untuk membaca, mempelajari tentang rahasia apa yang terdapat dibalik bahan-bahan yan ada dalam sirih sekapur tersebut. Setelah kami perhatikan dnagan sungguh-sungguh maka terbacalah oleh kami empat ungkapan yang tersirat darai bahan-bahan itu, yaitu : pertama sifat dari bahan-bahan itu masing-masing kedua keadaan sebelum dan sesudah dikunyah ketiga jenis dari bahan yang dipakai : 3 dari tumbuh-tumbuhan 1 dari hewan, yang baik pula e keempat dari pengolahannya : 2 bahan mentah ( sirih dan pinang ) 2 bahan masak (gambir dan sedah) berdasarakan itulah kami mencoba menterjemahkan makna dari sekapur sirih itu seperti yang dapat dibaca dalam buku kecil ini. Untuk dapat mengetahui uraiannya, kami silahkan untuk membaca kelanjutannya dalam buku ini. Trima kasih penyusun

Sepatah kata dari penyusun Disusun jari nan sapuluah ditakuakkan kapalo nan satu diunjuakan lutuik nan duo ampon dimintak pado Allah maaf lapado nan basamo urang diranah minang kabau nan mambaco buku ketek nangko kok banyak salah jo jangganyo maklumlah kito tantang itu. Ninik mamak jo alim ulama candiak pandai jo ibu bapak taruih ka nank mudo matah indak baibak jo basisia bukan dihinggo dibateh pamangku adat kasamonyo disitu ditimpokan nan bak pantun urang juo : sairiang balam jo barabah Balam banamo tigo gayo Barabah mandi dalam tabaek Hinggol di kayu nan manjulai Sairiang salam jo sambah Salam taserak ka basamo Sambah tatabuah ka nan rapek Paham ta pulang ka nan pandai Niniak mamak tiang dek adat bapucuak sabana bulek baurek sabana tunggang.pucuaknyo bulek dek adat urek nan tunggang dek limbago batangnyo gadang dek budiman dahan kokoh ukua jo jangko,rantiang nan banyak jo balabeh daun rimbo cupak nan duo bauh manih kato nan bana makanan anak kamnakan tuntunan anak mudo matah. Suri tauladan dalam kampuang contoh tabi`at di nagari. Inggiran silang jo salisiah tampek batanyo dek rang banyak karuah di datuak di janiahinyo kusuik di datuak di dalasainyo. Kapai tampek batanyo kapulang tampek babarito suluah dalam nagari tapatan daagang jolong tibo, mah cacek murah nasehat paham jo adat dengan sarak. Bajalan sabana luruih bakato dilingkuang bana nyato balabeh tahan uji bungka ganok nan tahan asah bana nyato tahan bandiang. Kasitu pintak di mohonkan kok salah tolong mamelok-i nyampang lamah tolonglah bilai, senteng tolong mauleh, umpang nan tolong manyisiknyo, kok kurang tolong manukuaknyo. Panjang kareklah dek datuak satitiak jadikanlawik sakapa bueklah ka gunuang. Pihakdi badan diri ambo bukan geneng karano aka indak rancak karano kain bukan nak tinggi dari pucuak indak nan gadang dari batang. Tinggi pucuak ka manjulai gadang batang ka babalai kuik di badan ka binaso. Taga dek patuah ka nan tuo, nan tuo di minang kabau Dt. Katangguangan duo jo Dt. Parpatiah nan sabatang adat mintak di pakai, limbago mintak dituang itulah pasan jo amanat dari beliau nan batigo kapado kito nan basamo urang di Ranah Minangkabau pamangku adat kasamonyo. Adat lah lamo kito pakai limbago lah lamo indak batuang kini di cubo manuangnyo kapado kito nan basamo. Bijo serak ka nan rapek tampang ditabua ka nan banyak ketek tahu gadang nak pandai palanca kaji dek nan tau padoman hiduik dalam adaik. Kok laimindak tasangkuik didaun kariang indak jatuah ka tanah lakang kok lai tibo di

tanah di subur nan baurek ba aka tunggang babatang babadan rampah barantiang badaun rimbun babungo babuah ranum makanan urang sakampuangnyo. Jampang kok malang ratak tangan bijo taserak ateh batu manjadi apo tabang tampang tabuah sio-sio nan bak malapeh badia pacah, dantam lai, arah manyimpang tembak tak sampai slamat uci tabuang sio-sio managih jari nan mamatiak. Salimbak nan dari pado itu dalam maurai mamapakan limbago adat minang kabau kok banyak salah pado nan bana kok indak tibo walaknyo alun taracak di kudonyo nyato bak gulai kurang santan nan bak batanak lambiak matah. Taruah bubuo nyo tak amuah babaliak ka bareh nyo lah sagan. Salah takakok malatiangkan salah awai mahampehkan jikok takakok takakok di nan indak kalau tawai di nan maaf di mintak banyak-banyak uasah ambo di bari utang, salah bariu ampun palipua jajak nan tadorong

BAB I PEMBAGIAN ADAT DI MINANGKABAU I. ADAT USALI (ADAT SABANA ADAT)

Turun bijo dari langik, tibo di bumi jadi adat, banamo adat uasali atau adat sabana adat. Disiko balaku a,lam takambang jadi guru, limbagonyo mungkin jo patik. Iko balaku bagi saluruh alam, baiak hewan maupun tumbuh-tumbuhan. Bagi hewan alam takambang jadi guru, limbago atau dasr pertimbangan munkin jo patuik. Saba hewan itu hanyo baraja ka alam takambang, ko niduaknyo surang-surang dan lain sabagainyo pertimbangan nyo hanyo mungkin jo patuik. Selagi munkin, salagi patuik, dilibasnyo tanpa mambedokan salah atau elok buruak. Sarupo dendeng diateh atik. Patuik dimakannyo, karano dendeng, tapi indak mungkin karano tinggi. Mako dicaliaknyo sajo dari bawah. Atau ikan dalam tabek taganang, patuik ditangkok nyo karano ikan, tapi ndak mungkin dek aiya dalam. Mako dilieknyo sajo dari lua. Tapi kok pandai inyo baranang dilibasnyi contohnyo barang-barang. Mungkin jo patuiklah lah basuo sek inyo mako dilibasnyo tabek urang. Tapi untuak manusia dasar pertimbangan adolah salah jo bana bukan mungkin jo patuik. Adat uasali adaolah bahan baku untuak mambuek adat nan diadatkan. Nan dipakai didalam hiduik sahari-hari di minang kabau adaolah adat nan diadatkan alun ado manusia nan mamakai sesuatu nan usali laido, harus diolah atau dimasak labiah dulu, baiak itu pakaian, ataupun makanan nan usali itu adolah bahan baku nan mamakai usali itu hanyo hewan, iyo dimakannyo matah-matah, pakaiannyo pun usalisajak lahia. Adat usali itupun adolah adat babuhua mati babuhua mati karano sifatnyo memang baitu sampai hari kiamat. Dan indak adao siapapun dapek marubah sifat dari alam itu sajak mulo diciptakan sampai akhir nanti, indak kalapuak dek hujan, dan indak kalankang dek pane. Dianjak indak kalayua, dibubuik indak kamati, kamanoi kito pai sifatnyo kabaitu juo. Adat kabau mangoek, adat kambiang mambebek, ayam bakutat dan lain sabagainyoiotu akan tetap di nagara manapun di muko bumiko. II. ADAT NAN DI ADATKAN.

Satampang jatuah karanah minang, di sambuik datuak nan baduo, dipiliah jo hati suci,di sariang jo budi haluih, nyato dek bana manunjuakkan,mako dapeklah ampek bijo baiak. Diadatkan diminangkabau, kapadoman didalam hiduik, nan salamat lahia jo batin. Disiko balaku : Alam takambang jadi guru, buang nan buruak pakai nan elok . Sabagai wakil Alam takambang, guru dek kito urang mingkabau dimanopun kito barado. Nan ampek itu adolah : 1. Siriah sipatnyo atau adaiknyo Bijaksana 2. Pinang sipatnyo atau adaiknyo Jujur 3. Gambia sipatnyo atau adaiknyo Rajin 4. Sadah sipatnyo atau adaiknyo Berilmu Pengetahuan Nomor satu sampai tigo itulah nan sabarih indak buliah hilang, nomor itulah nan satitiak indak buliah lupo, kalau ingin salamat samparono. Bukan barih tulisan, sabab urang dulu itu alun pandai manulih lai do.

Siriah sakapua itulah nan limbago atau dasar dek adat nan diadatkan oleh datuak katumangguangan duo jo parpatiah nan sabatang tigo gati bilang pandai. Di adaatkan minangkabau. Kalau indak tapakai sipat nan ampek diateh itu, mako akibatnyo ka ateh indak bapucuak, kabawah indak baurek, ditangah-tangah diliriak kumbang. Kusuik indak kasalasai, karuah indak ta janiahkan. Sabalum adat dikacak, siriah jo kapau katangah kan. Iko bararti kamamulai adat atau ka baraja adat mulailah dari siriah sakapua tadi. Sabalun samo tagak disipat siriah nan sakapua, adat alun bisa dimuloi. Baiakdalam sidang diateh balai baiak nan duduak dilapiak, paham lah samo duduak disiriah, mako barulah sidang dapk dimulai. Sabab landasan alah ciek. Tapi kalau masih tagak di mungkin Jo patuik tak mungkin kusuik kasalasai, sabab landasan ciek surang nan balain-lain pulo, saratuih panghulu saratuih pulo padomannyo sasuai jo mungkin jo patuik inyo surang-surang. Badan lah duduak diateh lapiak,paham lah samo duduak diateh siriah nan sakapua, mako barulah karajo dapek dilangsuangkan. Insya Allah kaaruah janiah, kusuik salasai. Tak ado karajo tak kasudah, antah kok kandak nan kuaso takadia pulang ka nan Satu, tawakal kito pado Tuhan, nyato dek adat basandi syarak. MAKNA SIRIAH NAN SAKAPUA I. Dilahianyo siriah nan sakapua, dibatinnyo anak kunci adat sipatan paham ka dipakai, wakil dek alam nan takambang, guru dek kito urang minangkabau.. pandangan adat nyato duo, pandangan Syariat jo hakikat. Pandngan syariat tampak siriah, pandangan hakikat tampat sipat nan kaditiru tauladani, nan ka dipakai dalam iduik kalau iyo ingin salamaik, syariat dek kito mamakaikan, tkadia Tuhan nan manantukan.

Didalam siriah nan sakaoua ampek makna nan takanduang, partamo sumpah satiah (sumpah setia) rang dahulu mulonyo adat ka dibuek tabuhua mati di limbago.siriah dipinang rononyo hijau, sadah putiah bak banak balam, nan gambia coklat rononyo. Baitu siriah dikunyah, alun baralu sadah pinang, gambia mangakok karajonyo. Hijau hilang putiah pun lapeh, coklat baralah sandirinyo. Sakato baujuik jadi sirah indak mangarehkan tuah surangsurang. Makna tasirek didalamnyo, nan bana iyo dibanakan, nan salah iyo disalahkan,, walau tibo di badan diri. Diparuik usah dikampihkan, dimato ijan dipiciangkan. Baruak dirimbo disusukan anak dipangku dicampakan nan banan dianajk jaan. Itulah kandak dari adat, dek syara` nyato parintah dilannga badan sansaro,kok indak didunia di akhirat, elok jo buruak ka diliek, salah jo bana ka dietong, doso pahalo ka ditimbang. Kok elok kasamo galak, jampang buruak tangih taluluang, iko karajo sio-sio, disiko tangih tak ado ka maantokkan, rusuah tak adao nan kamamujuak, tolong tak dapek diaharokkan salain kapado nan tigo pakaro. Sadakah jariah, doa anak nan saleh, ilmu nan bamanfaat, dan sagalo amalan atau perbuatan nan elok didunia. Syara` manyuruah amar makruf,nahi munkar, adat bakandak pakai nan elok buang nan buruak, utang dek kito nan mamakaikan. Adat jo syara` di minangkabau nyato ba aua dengan tabiang, sanda basanda ka duo nyo tagantuang kito mamahami. II. Adopun makna nan kaduo, adolah sipat nan kadipakai, nyatolah warih nan ka dijawek, limbago nan kadituang kadalam siriah nan sakapua. Ikolah jinih makn nyo tantangan sipat kadipakai nan kaditiru taladani, mambantuak budi anak minang : 1. Sipat Siriah : Mamanjek indak mambalik, indak marusak tampek hinggok batang bajunjuang jo nan mati, daun ka ubek

dek urang banyak. Artinya : BIJAKSANA 2. Sipaat Pinang : Tagak nan luruih pulang paih, bapantang bengkok ditanganh, walau ka baa sampik hiduik basilang kayu bakuliliang, malilik aka di kida, maraok rotan disuok, bio bio ma amun amun, kacang mianng mambunuah pimpiang, haram dek pinang ikuik bengkok. Inyo katagak luruih juo, tagak tapek urangnyo kokoh, pantang dek pinang ka bakucak. Artinyo : JUJUR : Tahan susah jo sanang, tahan disapik guntiang basi, tahan di kampo baji kayu, pantang dek inyo kamangaluah. Daun caia gaatah lah hilang, pupuak tapkaijuo, jikok tamakan jadi ubek tabuang jaadi pupuak. RAJIN makna nan tasirek : Asanyo sipuik lingkitang gadang, tahan didalam jo nan dangkek,tahan dikariang jo nan basah, alah katanganh jo katapi, pueh malawik jo mandarek. Alah babaka jo basiram, alah batampo masak-masak, haru satahun pajalanan. Di london urang bailmu kamari babaun juo. Artinyo : BERILMU PENGETAHUAN.

3. Sipat Gambia

4. Sipat Sadah

III.

MEMBENTUK MANUSIA SEUTUHNYA

Jikok dihinok di manuangkan, diliek jo mato hati pandang hakikat kito pakai tampaklah isi dalam kulik.didalam siriah sakapua ampek bahan didalamnyo. Tiga dari tumbuh-tumbuhan, ciek nan dari hean jinak. Dapek di baco nan tasirek, pasan nan adao dilimbago kapado kito nan basamo urang dirananh minang kabau pamangku adat kasamanyo, panghulu sabagai tiang. Buanglah sipat hewan buruak nan manjadi manusia se utuhnya, tirulah saipat tumbuh-tumbuhan, nan mambari indak maharok, tulus ikhlas karano Allah. Di olahnyo buah dari bungo, sampaimanjadi buah ranum, rupo elok baunyo ranum, rupo elok baunnyo harum, dibari rono nan rancak nak datang urang manjapuik. Santano tak ado urang nan datang, untuak mambiak jo manjuluak, jo suko rela nyo jatuahkan. Sakaali hram minta pupuak, puji nan indak inyo haarokan, puji lah nyato untuak Tuhan, umat tak buliah kito puji, alam lah nyato ciptaanNyo. Jampang kok ado nan mamupuak, jaso nan langsuang inyo baleh,di pgadang buah di dahan, diprancak bungo di tangkai, nan sanang hati rang mamandang, nak lamak dek lidah nan mamakan. Antah kok datang amoh jahek, boneh manjadi ampo tabang, lah samo malang nasib kito, ka Tuhan kito ba do`a jo usaho di cubo pulo. Tirulah sipar hewan jinak, sarupo lingkitang gadang, ataupun pensi bahan sadah. Laku elok budi kaatuju tahan didalam jo nan dangkek, tahan di basah jo nan kariang. Di aiya ketek inyo tanang di aiya dalam inyo suko juo. Jalannyo luruih pulang pai, indak manggaduah suok kida, rajin tak ado bandiangannyo. Lah nyatoinyo indak bakaki, jo lidah balan juo, tugas nan pantang nyo tinggakan. Oh cucu niniak nan bapasan, usah kalah pulo dek cipuik, lingkitang indak bakaki,tangan jo aka indak ado. Patangkan itu anak cucu oi, baitu niniak bapasan, tasirek dalam limbago, limbago adat nan di adatkan, siriah nan sakapua itulah pasan niniak kito. IV. Iko makna nan kaampek, siriah jo pinang bahan matah, sadah jo gambia bahan masak,

nyato saimbang kaduonyo ciek mlambangkan pertanian, nan ciek lambang perindustrian, harus saimbang kaduo nyo, usahlah tingga salah ciek nak nyo salamat samparano. Baitu baitu pasan di limbaago untuak hiduik ba ekonnomi, manuruik limbago adat kito. Limbaago pasan dalam buek. Pepatah Pasan dalam Kato. : Minum makan sawah ladang. (Pertanian) : Panggalasan kain jo baju (Dagang Industri) : Tanam Nan Bapucuak (Pertanian) : Paliharo nan Banyawa (perternakan) : Bumi sanang, Padi manjadi, Taranak Bakambang biak, Anak kamanakan aman Santoso. Siriah sakapua itulah nan limbago dek adat nan diadatkan di minang kabau. Itu nyato pusako, maanahnyo itulah warih, warih batuang mako bajawek, pusako batolong mako kambang. Itulah limbaago nan ka batuang (atau dijabaarkan) ka anak kamanakan supayo warih na nyo jawek. Sadangkan mungkin jo patuik adolah limbago adat usali untuak alam semesta dan indak dapek dituang atau dijabarkan. Jadi siriah sakapua itu adolah kapalo adat nan di adatkan, kalau memang itu kapalo adat, la jaleh disitulah latak utak autau pengatur dan kendali dari adat nan di adatkan itu. Kapalo adat siriah sakapua, latak utak nyo di mungkin jo patuik itu kan aneh bin ajaib. Latak utak di kapalo, kito lah tantang itu. Panghulu pamagang hulu adat, hulu adat siriah sakapua,. Itulah nan harus di pegang dek panghulusebagai pedoman dalam mamakai adt nan ka diadatkan. Nak lapeh darah balianyo nan mudo-mudo, suaokanlah siriah nan sakapua. Usah siriahnyo disuokkan,tuang makna didalamnyo, untuang tapakai ciek-ciek padomandalam hiduik. Kok siriah alah di suokkan, nyampang kok inyo lengah jo lalai jo itu pulo inyo dilacuik, padoman kan alah kito agiah. Di urang tahu adat, tatonggok ampek baban nan ka dibaok, tujunjuang di pundak urang panghulu yaitu : 1. mananam adat dengan manuang limbago siriah sakapua ka anak jo kamanakan dilngkuang cupak adat. 2. Mumupuak nan rancak tumbuahnyo, lupo baingekkan. 3. Mnyiang-nyiang jikok samak 4. Kusuik manyalasai, karuah manjaniahkan. Nomor satu sampai tigo itu adolah manyiang sabalum tumbuah, manimbang sabalun ado atau preventif bahaso kininyo. Nomor adolah manimbang di nan ado, manyiang di nan tumbuah aau penanggulangan masalah (risk takking, decision makking). Kalau nan tigo partamo lai tapakai, mako nomor ampek indak ka sabanyak jikok nan tigo diateh balupokan. Kalau limbago lai baatauang, adat tapakai sandirinyo, alamaik pusako ka batolong, sasuai jo pasan adat limbaago kito. Tapi kok limbago indak batuang, nan indak tapakai, alamaik pusako nan ka lindang talamun indak ka babakeh, hilang nan indak ka bacari, hanyuik nan indak kabapintehi, hanyuik antah kamano muaronyo. Hilang adat habih pusako, korong jo kampuang manangguangkan, nagari ikuik sansaro antah ka baa jadinyo tibo di anak cucu kito. Limbago dasar dek adaik, adat adolah tuangan limbago dalam buek, pusako hasil dari ka duonyo. Itulah tali nan tigo sapilinan. Limbago babijo baiak, tananm ka anak kamanakan Tujuannyo

Adat babungo kambang, hiasan budi dalam hiduik Pusako babuah ranum, makanan urang minangkabau. Nan ka mamasak tungku tigo sajarangan : Niniak mamak, pamagang tampuak adat Alim ulama, pamagang tampuak syara` Cadiak pandai, pamagang Iptek. Nan ka mamakan anak kamanakan jo nan mudo maatah di nagari. Tamakan indak tamakan, itu tantu bgantuang pandai atau tidak pandainyo tukang masak manyajikan ka nan mudo maatah tadi. Untuak iu tantu kito harus barusaho agar adat itu tampak rancaknyo, dan taraso lamaknyo. Jan rancaknyo urang rancak nyo awak sajo. Usah sayang tak maabeh, ataupun banci tak manantu. Kok sayang tampak rancaknyo, kok banci jaleh buruaknyo, baitu mako ka jaleh jantan batinonyo. Kadang-kadang indak tahu mako indak kenal, indak kenal mako indk sayang, indak sayang mako indak suko. Jaleh ujang jo pangka, tantukan dasar, bentuk dan tujuan adat itu. Disitu tantu elok buruaknyo. Jo modal siriah sakapua itulah niniak mamak muyang kito manaruko sawah jo ladang kini nan kito tarimo sabagai pusako. Dengan pusako itu lo lah kitao dapek basikolah, saindakindaknyo untuak minum makan manjalang gadang. Gembira kito manarimo pusakonyo, gambira pulolah kito manarimo adatnyo handaknyo. Pusako ditarimo jo sanang hati, adatnyo di mutahkan, raso-raso baalah tu agaknyo. Raso kurang lamak yo ndak. Dek manarimo sajo lai kurang lamak, apolagi dek nan mambarikannyo. Kito barangkalli dapat membayangkan situasi saat ninnik muyang kito manraruko sawah j ladang itu dahulu. Keadaan lam nyo nan masih hutan belantara, rakyatnyo nan masih primitif, alun lai pakakeh nan sangek sederhana. Di tambah jo nusuah alami nan mangarikan. Namun dalam situasi nan sarupu itu dapek dek inyo mambuek sawah joladang nan sabanyak itu, itukan mengagumkan. Tampak tagambar sumangeknyo, sumangek niniak muyang ktio walau kito indak mancaliak. Tapi tagambar jaleh di sawaah nan ba petak di nan data, bajanjang di nan lereng, ladang batumpuak di lereng bukik. Kasadonyo maninggakan bukti isu dari karajinan,ilmu,kejujuran dan kebijaksanaan niniak muyang kito nan harus kito tiru. Urang nan mamakai sipat nan ampek yaitu : 1. Bijaksana. kandak dek adat, parentah dari syara` 2. Jujur. Kandak dek adat, parentah dari agamo 3. Rajin. Kandak dek adat parenntah dek agamo 4. Berilmu pengetahuan. Parentah dek agamo Itulah nan di sabuij urang tahu di ampek di minangkabau,nan niaso kito danga nan di sabuikkan dek nan tuo-tuo. Disiko tampak jaleh bahaso adat basandi syara`,syara`basandi kitabullah. Dengan caro baitu, mako dunia dapek akhirat dapek. Dan nan ampek di ateh harus di pakai kalau iyo baradat jo ba agamo. Ba adat sapanjang jalan Ba agamo satiok datiak Usah di lupo di tinggakan Itulah tando urng cadiak Nan ampek itu harus sajalan ka ampek-ampeknyo. Sabab hilang ciek, mako hilang ka ampekampeknyo. Itulah mako di katokan : Sabarih bapantang hilang, Satitiak bapantang lupo . jiko lah hilang nan sabarih, satitiak lupo sandirinyo, dan sabaliaknyo jikok lah hilang nan satitiak, alamaik hilang nan sabarih.

Kalau lai tahu di ampek Karuah janiah kusuik salasai Dunia akhirat nyato dapek Itulah uarang cadiak pandai Dan sipar nan ampek di ateh adolah main Basic of management atau dasar utama kepemimpinan di dunia. Sekolah pun anam puluah tahun lai di bidang manajemen apopun indak kadapek tambahan salain dari nan ampek di ateh, tatap dalam lingkungan nan ampek pokok di ateh. Dan iko harus dimiliki oleh setiap pribadi urang minang sabab : Setiap kamu adalah pemimpin, dan setiap pemimpin akan diminta pertanggung jawabanatas apa yang dipimpinnya (hadist) kalau mau berusaha memakainya, maka banyak sekali keuntungannya. Awak sanang, pahalo dapek pulo, dan sabaliaknyo kalau ditnggakan badan susah dosopun dapek. Itu karajo sio-sio. Sio-sio alah urang takasia hutang tumbuah, urang takabua udu Allah. Semoga Allah menjauhkan hal-hal yang demikian dari kita semua. Amiin yaa Rabbal Alamiin. Adat mayuruah kito baguru ka alam takambang, sadangkan syara` atau agamo mamarentahkann agar kito mambaco (iqraq) tentang alam semesta dan mengambil pelajaran dari padanya. Banyak nan dapek dibaco dialam takambang itu guno diambiak untuak palajaran bagi urang nan mampagunokan daya fikir atau berakal. Yang pada saat nya nanti akan : Allamal Insana maa lam Ya` lam. Akan memberi tahu manusia tentang apa yang tidak diketahuinya. Walau adat baiak agamo handaknyodapek dipahami dan diamalkan dalam hiduik demi kebaikan kito basamo dan kebaikan pribadi masiang-masiang didunia maupun diakhirat nanti. Agama sebagai dasar atau sandi adolah petunjuk bagi umat Islam dalam menempuh hidup didunia agar bahagia dunia dan akhirat. Kalau pitunjuak harus dipahami, untuak dapek memahami haarus belajar dan belajar. Utlubul `Ilma Minal Mahdi alal lahdi (hadist). Adat pun manyuruahkan : Nak tahu batanyo, Nak pandai baguru sabab indak mungkin tahu tanpa batanyo, indak mungkin pandai tanpa baguru. Kurang paham tarabo-rabo (tawai-awai), indak ilimu suluah padam galok gulito tangah hari, tak ado tampak dikakok. Tapi urang tahu di ampek, banyak bangkalai nan kun sudah baiak fisik maupun mental. Mancaliak fisik jo fisik, mancaliak mental jo mental. Pandangan adat nyato duo syari`at jo hakikat. Pandang syari`at tampak lahia, pandang hakikat tampak sipat. Alun bakilek lah bakalam Alun bakilek lah bakalam Bukan lah sangkok tigo puluah Alun takilek lah tapaham Raso lah sampai dalam tubuah Baitu ungkapan nan manyaatokan ke arifan uarang nan mamakai sipat nan ampek dilukiskan oleh pepatah dan petitih adat minangkabau.sipat nan ampek itu adolah limbago nan inadak buliah tagisia sabab bagoyang adat dibueknyo. Adat mintak iyo babari tapi dek malah indak mandapek, jo apo pintak ka dibari. Jadi makna siriah sakapua sabagai limbago adat nan diadatkan sacaro umum adao ampek yaitu : 1. benarkan yang benar, dan salahkan yang salah 2. empat sipat yang harus dipakai pamangku adat 3. buanglah sipat hewan yang jahat dari pemangku adat 4. cita-cita jangka panjang (long term Planing)

Itulah limbago nan ka dituang, supayo adat nan tapakai, agar pusako nan tatolonng. Iko adolah pasan dari adat nan ka diadatkan kapado segenap pamangku adat nan diadatkan oleh Dt. Katumangguangan, Dt, parpatiah nan sabatang tigo jo cati bilang pandai kapado warga minangkabau. Mako pakailah sipat nan ampek kok iyo adat lai bakai. Kok indak tapakai nan baitu, rabab sajo manyampaikan, pulang maklum kabasamo. Uarang baradat nyato arif. Tantangan siriah iko tigo pulo macanyo yaitu : 1. Siriah Adat. Siriah adat karajo-rajo, pwnyambuik tamu siriah lua (Gubernur, Bupati dsb). Iko indak buliah di sudi disiasek sabab waktu pendek nan pertimbangan lainnyo saarupo tampek dan lain sabagainyo. 2. Siriah Pusako. Siriah pusako ka niniak mamak, baiak didalam alek jamu atau diateh balai adat. Namonyo pusako inyo mintak ditolong. Talamun inyo bakakeh, hilang inyo tolong cari, kok hanyuik tolong pintehi dan saribu satu permintaan tolong lainnyo untuak jalehnyo adat kito. Balai adat jo balai jamu adolah tampek untuak mabicarokan adat. Alek jamu tampek manuang limbago supayo ketek tahu gadang nak pandai, manabua tampanag di nan rami, manyerak bijo di nan rapek,nak tahu anak kamanakan, tantangan sipat nan dipakai. Balai adat lah memang tampek mangaruak sahabigamahawai sahabihuang, mahai sahabih raso, tampek mancaliak siriah pisek di patanyokan. Kok indak ado maknanyo,untuak apo sarok balai atu sampai di baok naiak. 3. Siriah Balega. Siriah balega di kamatian, manati urang datang manjaguak. Indak pulo buiah di sudi di siasek sabab urang nan kamalangan, namun maanah itu juo. 4. Siriah Panggilan. Untuak maundang urang datang. Dilingkuang adat kasamonyo, arif kito mamahami. Jikok masak siriah kadibaco, masak nan tigo pakaro, nak jaleh duduak tagaknyo elok disiko diuraikan. Yaitu : 1. partamo masak dibatang. Sajak satampok dari tanah, mulo kakarakok nan manjala. Hiduik nan angok-angik ikan tampan nan jio-jio patuang, awai suok kaca kakida, hanyo malilik nan bapantangkan. Dek rajin manantang bulih, dapeklah tampek pagantuangan iyo dikayu nan sabatang. Ma elo maragang rueh, dipanjek batang nan tatagak, dititih dahan nan manjulai, tibo dipucuak manko tahu, budi elok baso katuju dek kayu babimbiang pulo. Siriah lah nyato tahu diri indak marusak tampek hinggok, manumpang indak manggaduah, pantang bajujunjuang jo nan mati. Lahia batin rela dipakai untuak ka ubek lua dalam, pamelok koto jo nagari. Dulu mudo kinilah tuo, daun layua tampak lah lisuik, rononyo kuniang mangarubseng, jatuah ka bumi jadi pupuak makanan tanaman mudo-mudo. Dek mudo inyo mangacambah, tuo silaro nyo jatuahkan. Tingga dek kito manarimo kok elok dibaok lalu kok indak sentak suruik, paso tak ado didalamnyo, tiang di urang nan mamakai. Tugas dek siriah manjatuahkan, utang di bumi manarimo. 2. kaduo masak di kunyah. Diambiak siriah sahalai, sarato alat salangkoknyo, dikunyah kiri jo kanan, nan aianyo pamerah bibia, taraso paik, kalek, asam jo asin haram tapaham maknanyo. Alamaik baju nan kakamuah, untuang gigi kok lai kuek. 3. nan katigo masak dipaham. Dikunyah jo kiro-kiro, diraguak jo budi haluih, paham

disitu batonggoknyo. Dikana rupo lah tampak, diliek raso lah dapek paham lah tibo dalam dado, tak guno siriah singguang. Tapi kunyah dek duo dalam adat, kunyah sya`riah kunyah hakikat rancak dipakai kaduonya tapi samantangpun baitu kunyah hakikat nan utamo. 4. baraja, tahu, mangarati tapi ta pahami mangko ta amalkan. Papalan sapanjang buek, bincangan sapanjang adat nyatlah adat nan dipakai, usah baduto jo munafik larangan adat jo syara`. Jikok balangga baingkari, suliklah ambo manyabuiknyo. Maklum pulang nan ka tahu, baa hukum malangga syara`. Angguak-angguak geleng amuah. Iko aratinyo bijaksana. Kalau datang urang maminang anak awak, kalau indak suko indak buliah di tulak matah-matah sajo. Sabab rusak pargaulan di bueknyo. Dan mungkin bakarjo pulo si guno-guno jo caro haluih kito lakukan sarupo dialog nan biaso yaitu : Paminang : apo mah, dek kami lai bakumbang jati, disiko babungo kambang, kok kito padakek hubungan nan alah dakek, di paelok hubungan nan alah elok baanyo, lai munkin. : kalau itu dek kami rancak. Nan bak calempong elok bunyi alun diukua nyo lah samo, alun diagak lah sasuai. Hubungan dakek tambah dakek, nan elok batmbah elok. Tapi samantangpun baitu, tantu lamak dek nan kamamakan, rancak dek nan kamamakai. Bataanyolah kami ka nan punyo diri. Kalau itu jawabnyo bararti indak amuah atau angguak, sabab angguak nan dahulu, alamaik geleng balakangnyo. Jawabnyo nantik alah jaleh yaitu : alah yo lah malang kit, nan kito kan lah sasuai, tapi inyo alun namuah lai, kasakolahnyo dulu keceknyo. Tapi kalau nan kalai, iyo geleng badahulukan. Dijawab dengan mangamukokan kasulitan sarupo ekonomi nan alun mamungkinkanlah,inyo alun basiapan dan lain sabagainyo. Kalau itu alamaik pinangan ka ditarimo. Dan berlaku demikian itu bukanlah termasuk munafik, sebab kita dianjurkan memelihara tata pergulan. Litak takaca, manang tarabo. Itu sebagai akibt dari maninggakan sipat nan ado didalam siriah sakapua tadi, nan mambaok fatal dalam kahidupan. Sebagai akibat dari maninggakan sipat nan ampek. Tarutamo bijaksana" indak ingek sabalum kanai, hiduik indak ba plaining atau barancana, akibatnyo tantu iyo baitu. Nan kuriak kundi Nan merah sago Nan baiak budi Nan endah baso Kalau ditanyo budi nan mano nan di mukasuik dek pantun diateh itu tadi. jawabnyo adolah : budi nan mamakai sipat nan ampek yaitu : Budi yang bijaksana Budi nyang jujur Budi yang rajin dan Budi yang beriilmu pengetahuan Jawab

Nak tinggi naikakan budi baarti tingkekekan sekala dari sipat nan ampek itu tadi, supayo nak tinggi sagalo-galonya kecuali hati, hati tetap randah. Nan iko berarti agar kito mapunyoi pendirian yang kokoh, yang tidak mudah terombang ambing oleh pendapat orang lain yang belum tentu kebenarannya. Atau jangan menyalahkan yang benar atau membenarkan yang salah hanya karena uang atau hal-hal lain. Kalau itu terjadi, dat syara`sekaligus telanggar. Arti yang kedua tak kalah pentingnya ialah : Jaan bapangaruah harta atau pangkat ka mental, bia kayo, bialah bakadudukan tinggi. Dalam bansaik, atau baa juo jan ado pangaruah nyo ka mental kito. Jan ba[pangaruah lahia ka batin. Sabab kalau hati digantuangkan ka kedudukan atau materi, tantu naiak materi naiak pulo hati. Habih materi atau jabaan habih pulo hati. Itukan karajo sio-sio. Akibatnya nantik stress dan sabagainuyo. Nan bana tampek picayo, nan taguah tampek bagantuan, sangkauikkan ka nantinggi, sandakan ka nan gadang. Nan banan, nan taguah, nan tinggi , dan nan gadang kito alah samo tahu, yaitu : pencipta alam semesta ini, Allh subhanahu Wa Ta`ala. Itulah tampek gantuangan batinatau hti kito. Saba dek adat basandi syara`.syara` basandi katabulah. Syara`mangato adat mamakai kito nan hutang manjalankan. Disamping sirih sekapur sebagai dasar utama atau limbago adat nan diadatkan, ado tigo lai pakaina adat minang kabau yaitu : Marawa sapatagak Pakaian panghulu Nan duo iko sabagai lalt pembantu pelaksanaan dalam nauang limbago. Caro manjabarkan dan manyampaikan ka anak kamanakan, dan anak mudo matah dinagari. Marawa sapatagak sipaf mandidik, dan pakaian panghhullu sipat nan kadipakai dalam mamimpin. Penghulu adolah siriah sakapua. Jaleh nan kdipangang dek panghulu hanyolah siriah sakapua itulah. Ukia rumah gadang, iko adolah target nan ka dicapai dek adat nan diadatkan dek minang kabau. Membentuk mental manusia minang kabau sampai masyarakat nyo rukun sarupo ukia rumah gadang. Bacampua gadang jo ketek, panjang sampai jo nan jo nan pendek. Indak amuah badeguih suduik, bapanttang baradu tajam. Saliang elok maelokkan, salliang rancak marancakkanm rancak nan gadang dek nan ketek, elok nan ketek dek nan gadang. Santiang nan panjang dek nan pendek, rancak nan pendek dek nan panjang. Kato bakieh badalalat, rundiang balapah ba manah, tiok buek ado tujuan, tiok kakok ado mukasuik, baitulah adat minag kabau. Kok tagak maninjau jarak, kok duduak marawik ranjau, wakatu tak ado nan tabauang. Tagak alif duduaknyo wau bengkok dimakan siku-siku, pantangkan tagak si manangguang, manangguang makaoo kabedo. Bagitulah pinta pinto ada, paso tak adao didalamnyo, labo rugi ka kito surang. Caliaklah sipat nan ampek, nan mano dek kito nan tacicia, atau kok tingga salah ciejk. Mano limbago nan tagisisia. Tapi itulah tugas dek nan tahu, Balighul anny walau ayah sampaikan walaupun satuayat,

lupo-lupo maingekkan, jikok takalok manjagokan, usang-usang mampabaru, jikokmasiak diambun-ambun. Pusako mintak ditolong, saribu satu parmintaan, tasirek didalam pasan. Jikok talamun tolong kakeh, hanyuik nan tolong dipintehi kok hilang tolong lah cari, tabanam iyo basalami, singkek tolong maulehnnyo, tabangkalai tolong sudahkan. Dan saribu satu parmintaan tolong nan lainnyo harus kito panuahi. Dek adat kito ciek basamo, mako adolah hak dan kawajiban kito untuak mampalajari, manggali nilai-nilai luhur nan ado didalam adat dan budaya niniak muyang kito. Sabab itu sendiri adolah karya nurani nan suci atau karya fitra suci niniak muyang yang penuh kemurnian logis Mannfaat bagi urang nan amuah mamakainyo didunia sampai akhirat nanti, kalau sipat nan ampek tadi lah dipakaikan, handaknyo adat itu lah dapek dipahamai sarupo mamahami pakaina agar dapek pakai manuruik semetinyo. Untuak itu harus belajar. Aday manyurah : alam tkambang jadi guru. Agama mamarintahkan untuak mamparhatikan bumi jo langik dan sagalo nan ado antaro kaduonyo untuak ka palajaran. Kitab adat siriah sakapua, kitab agamo nyato Al Qur`an. Kaduonyo iko adolah ayat tuhan, ciek nan tusurek mako disiko jaleh bahaso adat basandi syara` syara` basandi kitabullha. Adat manuju kabanaran, syara`manuju kabanaran. Dengan mamikiakakan bumi jo langik dan sagalo nan ado antaro ka duonyo itu dapek duo hal yang paliang pantiang yaitu : partamo kayakinan terhadap pencipta alam itu (iman) tatanam. Nan kaduo, cakrawala berfikir luas, nanar terlatih dan daya fikir berkembang. Maka dengan sendirinya orang itu akan pintar. Kalau tempat perfikirnya saja langit dan bumi, maka persolan yang sklanya dibawah itutentu persolan kecil saja baginnya. Supaya pintar tentu daya pikir harus dilatih dengan baik. Akianyo aka manjadi kuek. Kalau kak lah kuek dengan sendirinyo nafsu mangalah, emosi manurun dan kito labiah banyak mampagunokan aka dari pado nafsu atau emosi. Untuak batindak bijaksana kito harus malawan nafsu atau setan. Sabab dek setan manusia jan bijaksano handaknyo.baitu juo untuak jujur, rajin dan mancari ilmu. Seluruhnyo iko memang melawan setan. Sabab dek setan manusia iotu salalu dalam kabengkokan, kalalaian dan dalam kebodohan supayo dapek dipabudaknyo sampai hari kiamat. Uramg bijaksana, jujur, rajin dan berilmu, insya Allah indakmtalokdek setan mandayo. Sabab itu alah saparo dari takwa. Tagwa itu adalah iman : beriman,memelihara hubungan dengan allah dan mamaliharo hubungan dengan sesama manusia. Memelihara hubungan dengan allah ialah : dengan melaksanakan rukun islam nan limo Mamaliharo hubungan manusia dengan : mamakai sipat nan ampek BAB II MAKNA MARAWA SAPATAGAK Pihak mawara sapatagak ikolah contoh jo pitunjuak mandidik anak kamanakan sarato anak mudo matah. Caro manunjuak maajari manuang limbago adat panyampaian siriah nan sakapua. Usah siriahnyo disuokkan tuang makna didalamnyo supayo warih nak bajawek adat nak dapek dipakaikan pusako supayo nak tatolong.

Caliaklah sabar batuang tuo mahadok-i rabuang jolong tumbuah sadatiak indaknyo lengah saminik bapantang lupo. Siangnyo caliak-caliakkan kok malam iyo badangakan silaro taruih bajatuahkan kapupuak dek rabuang jolong tumbuah. Pantang maimpok mamatahkan pantang mangasek mangasari takuik dirabuang katakajuik. Maklum kito tantang rabuang miyang gata kalupak kareh, daun runciang mancucuak pulo. Kok tinggi tabao dek rueh gadang tabao dek ungkamnyo lupo dek urek nan alun hinggok. Dicaliak miang lah gata, diliek pungkam lah gadang, rueh lah panjang dari urang lupo di urek nan tagantuang. Tiok rueh bakatak-katak, pandangan bapantang tunduak, awan putiah dicaliaknyo, angan manantang akngik biru dunia di awak maso itu raso didalam tapak tangan. Kito kan samo dari sinan, maklum kito tantang itu. Tapi sarancak sabaiaknyo, adat dek mudo magacambah, adat nan tuo manyilaro supayo warih nak bajawek turun tamurun bakeh cucu., supayo adat nak tapakai. Dalam mancaliak nan bakian basaba nan tuo tantng itu, usah diimpok bapatahkan, jaan dicacek diracau jaan dikasek dikasari. Siram sirami jo salero nak capek rabuang gadangnyo, nak rabang miang nan manggata, nak lapeh kalupak kareh, nak hilang runciang nan macucuak, naknyo manjadi batuang pulo, pandai manyilaro ka nan mudo. Salimba nan dari pado itu, tabiang sanang lurah balinduang basukur rumpuik kataduhan silaro dapek kapupuak. Baitu adat magatokan, tuo saatnyo manyilaro, mudo masonyo mangacambah, hutang dek kito malakukan. Nan syara` firman Illahi. Na adat sipat pilihan. Kaduonyo tuntunan budi. Di batin kok lai tapahami. Di lahia lai talakukan Bak basi Namo batuang itu sandiri barasa dari kato-kato : Batu ang atau betul anda. Batua caro inyo mamliharo jo mamimpin rabuang dan batua caro inyo katatangga sakaliliangnyo. Manahan tabiang nan karuntuah, malindungi lurah jo tanaman nan ketek-ketek dibawah inyo. Mako dinamokan batu ang atau batuang. Dek sipatnyo nan batua mako ba-tuang kamarawa sapatagak kacontoh mambari pandidikan atau mabina generasi mudo bbagi pamangku adat nan diadatkan yang nio mamikian atau ulil albab lah batua, ba-tuang mako batua ang. Tapi ingek nan dibawah (anda) itu adolah rabu ang (paru-paru anda). Bina dan peliharalah baiak-baiak supayo adat anda lestari, kalau indak amuah punah. Nan akianyo barubah manjadi rabuang. Hanyo duo tanam-tanaman nan ketek banamo gadang bagala. Yaitu siriah, dek ketek banamo karakok lah gadang banamo siriah nan barangkali baraso dari kato suri atau contoh. Nan kaduo batuang, dek ketek banamo babuang,lah gadang banamo batuang. Nan dijalan kaduonyo tapakai sabagai limbago adat nan diadatkan di Minang Kabau. Di adatkan dek datuak nan batigo. Alam takambang jadi guru, buang nan buruak pakai nan elok, saba kito disuruah baraja ka alam, mako niniak muyang kito alah dahulu baraja ka alam, walau ka batuang sakalipun.

Yang benar itu adalah dari Allah, dan janganlah kamu ragu-ragu begitulah kira-kira salah satu bunyi firman Allah dalam Al-Qur`an nul kariim. Namun ado panyakik dalam hati manusia nan mahambek manusia manarimo kabanaran. Panyakik itu adolah : Panyakik maraso tahu, maraso pandai Angku, sombong, takabur dan maraso serba cukup. Indak jujur, indak amuah mamareso maruah tubuah, Mancari dimano kakurangan diri dan indak amuah maakui Nan bana itu bana nan salah itu salah Sabalum panyakik itu baiak, sulik bagi manusia itu untuak manarimo pitunuajk dari siapopun. Kalau ditunjuaan dek urang nan kayo, inyo kamanjawab inyo kayo tantu iyo, murah mangecek. Tapi kalau di aja dek urang bansaik, inyo kamanjawab hiduik nyo sajo ndak salasai do, urang lain pulo ka diajai. Itulah bayonyo kalau urang bodoh indak tahu dibodoh, inyo akan selalu dalam kebodohan kalau begitu ssipo lai nan kamanunjuak-I urang nan sarupo itu, itulah urang urang nan kurang dapek ditukuak, umpang indak dapek disisik, singkek indak dapek kadiuleh. Inyo indak tahu tapi indak tahu bahwo inyo tu indak tahu. Iko sangek susah untuak di bari nasehat oleh siapopun. Salah satu hadist Nabi Muhammad SAW manyatokan bahwa : Ado tigo kategori,karakter atau golongan manusia yaitu : 1. urang pandai indak tahu bahaso inyo pandai. Itu adolah urang takalok, jagokanlah. 2. urang bodoh atau urang indak tahu, tapi inyo tahu bahaso inyo indak tahu, itu adloh urang cadiak, ajalah 3. urang indak tahu, tapi inyo indak tahu bahasi inyo indak tahu. Itu adolah urang bebal, jauahilah. Ubek untuak urang itu hanyolah takbr ampek kali. Itu adolah baiak balanjalan. Na`u zubillah min zalik. Awak buliah pandai, tapi9 jan maraso pandai. Buliah kayo, jan maraso kayo maraso ikolah nan harus dibuang jauah-jauah. Sabab itu akan mambao karah kangkuhan dan congkak. Dimano sipat sangat dibenci oleh Allah dan manusia. Supayo nak jan tamasuak urang nan marugi, kito harus selalu nasehat-menasehati kearah kebenaran dan kearah kesabaran. Adat lamo pusako usang, limbago warih nan bajawek, baitulah adat pusako dalam buek, warih limbago nan batuang. Limbago nan batuang mako bajawek, adat bapakai mako kaelok, pusako batolong mako ka kambang. Marawa nyto pusako, maanahyo itulah warih. Hutang nan tahu manuangnyo, hutang dek nan mudo manarimo. Tapakai ataupun indak hutang nan alah babayiakan, pasan nan alah basampaikan nak jan klabadan ka manyesonyo, nak balatakkan baban nan bajunjuang. Adat istiadat itulah pusako dalam buek, nan banyak pulo maanah nyo hutang dek kito mambaconyo. Baiak dialua pasambahan atau dijuadah nan tahidang, lukisan limbago kasamonyo, tunduak kasiriah nan sakapua, sipat nan ampek nan mangungkuang. Sawah lading pusako di nan batin, pamimpin adat jo pusako tabhua mati di limbago, didalam siriah nan sakapua. itu dari balajar dan

Di Adatkan. Diadat kan datuak nan batigo kapado urang Minang Kabau, dan juo babuhua mati dek sabab jo akibatnyo. Sabab mamakai jadi salamat, akibat maninggakan kacau balau, kusuik nan indak kasalasi, karuah nan indak amuah janiah. Ka ateh indak kabapusuak, kabawah indak kabaurek, ditangah digiriak kumbang. Itulah akibat sansaromyo kok tingga sipat nan ampek, lupo diwarih nan bajawek, hilang limbago nan dituang. Lambing marawa sapatagak batuang mamaluak rabuang, kain nan kcuik kateh kambang kabawah, lambing dek rabuang jolong tumbuah, di paluak jo kasiah sayang, dalam pangkuan batuang tuo. Paham kito maanahnyo, baco dibaliak nan tasurek, ado maanah nan tasirek, urang nan arif bijaksano, urang casiak cahdo kio, alun takilek lah takalam, paham lah tibo dalam dado tahu diujuik muasuiknyo, cancang tarah urang dahulu lai balapah ba maanah. Di batin samo dipahami, dilahia samo diamalkan nak nyo salamt samparono. Nak elok korong dikampuang, salamt dusun jo nagari. Kalau rabuang lah jadi batuang, guno banyak indak tabilang, nan luruih pambuluah ayi, nan bengkok katali bajak, rantiangnyo katangkai kayia, nan pendek cupak jo gantang. Bilahnyo kadindiang rumah. Nan gadang paga parak, nan ketek ka pasak suntiang abunyo kapupuak padi, saketek indak nan tabuang. Tapi sabaliak pado itu, jampang kok rabuang ptah puscuak, sampai tuo indak tapakai rusak binaso kasadonyo, ruyuang lunak sambilu maja guno tak dapek di harokkan. Itulah malang nasib rabuang jikik ta himpok tapatahkan, tabilang, nan luruih pambuluah aia, nan bengkok ka tali bajak, rantiangnyo katangkai kayia, nan padek cupak jo gantang. Bilahnyo ka dindiang rumah, nan gadang ka paga parak, nan ketek ka pasak suntiang abunyo ka pupuak padi, saketek indak nan tabuang. Tapi sabaliak pado itu, jampang kok rabuang patah pucuak, sampai tuo indak tapkai rusak binaso kasadonyo,. Ruyuang lunak sambilu maja guno tak dapek diharokkan. Itulah malang nasib rabuang jikok tahimpok tapatahkan, kalau di kasek dikasari kalau di hino dirandahkan. Dek batuang pandai mamimpin, usahkan dahanyo jatuahkan, rantiang pun tak buliah rareh ibo di rabuang ka sansaro. Iko nan patuik kito tiru dalam mandidik anakanak. Dibimbiang jo kasiah jo sayang, si aja jo lamah lambuik, nan bak mambuek randang padan, makanan adat minang kabau. Indak masiak dek paneh tangah hari masiak dek ambun tangah malam indak di busao api gadang, jo api ketek dimasakkan, masak nan sampai kadalamnyo, dilua bapantang anguih. Pahamlah mamak tantang itu, tambuak dek mamak nan sarueh, tuang ka anak kamanakan. Dek ketek taraja-raja, lah gadang tabao-bao, lah tuo tarubah tidak. Biat pantang taubah, ka cobe dibao mati. Baitu kato urang bijak, nan alah pueh asam garam. Lamo hiduik banyak dirasai, jauh bajalan banyak diliek, jiko mato lai nyalang. Pandai mambaco nan tasirek jo mato mato batin dalam dado, mato hati dipakaikan. BAB III 1. Makna Saluak atau Deta Ba deta saluak palangi jantan, bayangan isi dalam kulik, panjang tak dapek ka diukua, leba tak dapek ka bilai. Sabalik lingkaran kuniang, ikek satuang jo kapalo, tiok

marangkak, tambuak dek paham tiok lipek. Lukisan arif bijaksano siriah sakapua ka padoman, limbago adat di minang kabau. 2.

V.