P. 1
Lau Tu Foundation

Lau Tu Foundation

|Views: 2,594|Likes:
Dipublikasikan oleh chuahi

More info:

Published by: chuahi on Jun 24, 2012
Hak Cipta:Attribution Non-commercial

Availability:

Read on Scribd mobile: iPhone, iPad and Android.
download as PDF, TXT or read online from Scribd
See more
See less

03/21/2015

pdf

text

original

LAUTU FOUNDATION TUNGTLANG HRAMPI LE PHUNGLAM (Structure/Constitution and Bylaws) Bia Hmai Zei bantuk chan chung

kan um hmanh ah mah le ram le miphun thanchonak ca-ah mah tein cawlcangh lo ahcun hawi hnu phak khawhnak lam a um lo. Chan chia nih a kan den lio caan asi ca-ah, kum khua in sianginn kai caan asi rih mi, mino tete zong nih ttha-tthi in sianginn kan kai kho lo. Chungkhar khim deuh in rawl ei khawhnak hnga ding ca-ah ram dang kal i, kuli rianttuan dingah chan tiluan nih hranhram in a kan fial. Cuti cun Lautu fale tampi cu mah le khua le ram te ah dai tein um kho lo in ram leng khuaza ram kip ah kan i tthek dih Hi kong hi Lautu fale nih a tthatnak lei in zoh thiam ahcun, Pathian nih Israel mi ca-ah Josef Izip ram ah a rak thlah bantuk kha kan si ko. Cuca-ah Josef hi kan i zohchunh lai i, kan ti khawh tawk tein kan kaltakmi kan ram kha lam hla in kan ngaihnak le kan philh khawh lonak diriamnak ah thazaang chuah ve hna usih, ti hi Pathian nih a kan fialmi kan saduhthah cu asi. Lautu ram kan zoh tikah hin a kapkip ah hawi hnu ah kan um rih, ti cu fiang tein a lang. A ruang bik ah hmuh mi pakhat cu, fimthiamnak lei ah kan bau tuk rih ca-ah asi. Lautu mi chung in catang sang pipi a kai kho mi, degree sang deuh a hmu mi hi kut kut khat kut dong zat hman an si rih lo. Kan tlawm tuk rih. Cu hna a hung chang kho te ding mi mino ca cawng lio mi zoh tikah, a herh ning zat nak in an tlawm tuk. Aruang pi kan zoh tikah Lautu ram chungah fimnak ci ttha kan vawr kho lo, ti hi a lang. Lautu ram chung ah high school pakhat te cu kan ngei. Hi sianginn hi Lautu mi cathiamnak, fimthiamnak cawnnak hrampi asi awk asi nain, a der tuk. Kan hnu lei kum hra hrawng in tanghra a awng mi zoh tikah a kum fatin dengmang “NIL” a rak si. Atu kum cu pakhat te a awng ee, tu kum cu pahnih te lawng an awng ee, ti lengmang a rak si. A hram thihri a dertuk mi thingkung nih zeitiin dah fek tein a dir khawh lai i, a par a par khawh lai i, a thei a tlai khawh lai. Ruah tikah thin a kuai, lung a fak i, mit-thli a haa. Kum fatein a chuakmi tanghra awn le sungh cazin kan zoh tikah 3D nak tam a hmu khomi cu Hakha, Yangoon ti bantuk khuapi i, tangka tampi pekmi boarder ah chiah mi fale lawng an si tawn timi kha fiang tein hmuh khawh asi. Lautu fale nih tangka tampi dih in khuapi boarder thatha ah va chiah khawhnak lam hi a tlawm ngaingai. Cuca-ah, asi khawh ahcun khuapi ah tangka tampi dih hau loin, Lauturam chung te ah fungvei pum ei bu tein tang hra hi mark thatha in awngve kho hnaselaw, college le university ah an duh mi fimthiamnak cawngve kho hna seh, ti hi saduhthah cu asi bik. Hi tha kan pek mi hna nih hin thaizing kiptuh lei ah Lautu ram sersiam te hna seh, tthanchoter te hna seh. Cu kar lak ah kan banh khawh rih mi tete a um ahcun, a lam kip in kan thawhkehnak kan ram te cu philh hna hlah usih, hawi hmai ah an kal khawh lo hmanh ah hawi hnu ah sau tuk in i thlai hna hlah usih, ti hi kan tum mi kan saduhthah asi. Cuca-ah ramleng a phanmi Lautu fale hi khuazing Pathian nih Josef bantuk in kan hmang hram selaw, kan kaltak mi kan ram te hi kut khih in zoh sawh hlah usih. Ram leng khuaza ram kip ah a phan mi Lautu fale nih a hrampi kengruh(back-bone) can ah kan dir lai i, ramchung mi nih rianttuannak lei ah management kan lak piak hna seh, chawva lei in tha a chuah kho mi chuah ve hna seh, cuti cun i bawm lulmal hna usilaw, hawi hnu ah aa thlaimi kan Lautu ram ca ah hin Lautumi dihlak nih lungrual tein ttang tti hna usih, ti hi asi. Cu cu hi “Lautu Foundation” a rak chuahnak hrampi cu asi. Lungrualnak cu tthawnnak asi. United we stand!, Divided we fall!

LAUTU FOUNDATION TUNGTLANG HRAMPI (Structure/Constitution and Bylaws)

I. Amin: II. Mission and Vision:

Lautu Foundation
Lautu miphun nih a lamkip in thanchonak caah riantuantinak bu asi.

III. Tinhmi (Aim and Purpose): A. B. C. D. E. F. Fimnak cawnnak thanchoternak Ngandamnak lei thanchoternak Lautu ram hunchonak lei riantuannak Lautu ram vawlei, thingram le tiva…etc, humhaknak Lautu nunphung le ca hunchoternak Zatlak Pulcim (emergency) bawmhnak

IV. Hruaitu Bu (Management Board)

A. Ruahnak Petu (Patrons)----- Khuakip upa dihlak itel khawh ding in thim ding B. Presidents (2): i) Ramleng ii) Ramchung C. Vice Presidents (5): i) Asia ii) Australia+Newzeland, iii) US+Canada, iv) Europe le v) ramchung in pakhat cio an si lai D. Executive Secretary (1) E. Associate Secretaries (5): i) Asia, ii) Australia+Newzel iii) US+Canada, iv) Europe le v) ramchung in pakhat cio asi lai F. Treasurers: i). Ram leng ii). Ramchung

USA Rangoon

..

G. Assistant Treasurers i). Ramleng ii). Ramchung H. Auditors: i) Ram leng (2) ii)Ram chung (2)

USA Rangoon

I. Executive Members (10): i) Asia(India, Malaysia, Singapore, Japan, Korea tbk.,) in pa (2) ii) Australia, Newzeland in pa (2) iii) America+Canada in pa (2) iv) Europe in pa (2) v) Ramchung pa (2) J. Phaisa Kawltu (Fund Raising Committee) :Presidents hruainak in EC nih a herh ning in committee an ser lai. V. Term: Kum 4, Voihnih tiang pehkhawh a si lai.

VI. Member sinak Lautumi poh member sikhawhnak ‘right’ an ngei lai. Mah le umnak ram cio i, kum tin thawh dingmi tangka a thomi poh cu LF member ah pom piak an si lai. Lautumi timi hna cu; (a) A pupa thawhkehnak in Lautu asimi, (b) A pu/pa thawhkehnak in “a nu” asiloah “a pa” pakhatkhat Lautu asi lai i, a mah pumpak nih Lautumi ka si, a timi poh kha vuleicung khuazei ram ah an um zongah “Lautumi” ah pom an si lai (c) Khua dang peng dang in Lautu khua khatkhat ah a ra I, hmailei ka chiat ka tthatnak vielte khuami hna he kaa hrawm lai, tiah ttha tein khua a rak sa mi hna kha Lautumi ah pom an si. A cunglei (a), (b) le (c ) hna hi an status an i khat dih. Lautumi timi cu, holh dangdang in "Laimi", "Zomi", le "Chin", timi miphun pakhat chung um tteng-nge pakhat kan si. Lautu peng chungah, Aasaw(Fanthen), Capaw, Hnaring, Hriangpi, Khuahrang, La-u, Lawngthangtlang, Leikang, Leipi, Pintial, Sate, Sentung, Surngen, Thangaw, Tisen, Zuamang,

Lautumi cu Kawlram, India, Bangladesh le vulei cung ram kip ah kan um VII. Member sinak in I dinhnak Tangka thawh khawhnak hmunhma ah a um ko nain kum hnih a peh tein tangka a tho lo mi cu member sinak aduh ti lo, tiah theihpiak an si lai. Executive Secretary nih ttha tein counselling a tuah hnu ah a duh tilo hringhran asi ahcun a mah duhning kha zulhpiak asi lai. VIII. Palai(Representatives) le Upa thimnak i). Mah umnak ram ai-awh-tu ding an palai cio kha an mah tein an i thim lai i, an min cazin kha LF Lutlai sin ah an pek lai. A zat cu milu zoh in asi lai. ii). Mah tein aa thim kho lo mi an um ahcun LF upa nih an thimpiak hna lai. An mipi nih an hnatlakpi hnu ah fehter asi lai. Fianternak; i) Atu LF upa a um ciami tampi cu ramchung pale ruahnak pekmi hna le ramleng chairman le secretary nih thimmi(appointees) an si i, an rammi nih hnatlak pimi an si ca-ah palai ah pommi an si.

IX. Fees 1. Membership Fees a dang tein a um lo. Ram le miphun caah rian ttuan khawhnak hnga ding caah tangka a thomi cu member an si colh lai. 2. A tanglei bantuk in tangka thawh asi lai. a. US $ 50 (Australia, Canada, Europe, Japan, New Zealand le USA) b. US $ 50 (Korea) c. US $ 30 (Singapore) d. US $ 20 (Malaysia, Philippines, India…etc.) e. US $ 10 (Ramchung) K. 10,000.00 X. Tangka Chiahnak (Bank Saving) 1. USA 2. Rangoon XI. Hmannak Kong: :Financial policy fiang tein a ngei lai i, cu policy ning cun hman asi lai. XII. A cunglei phunglam zapi hi kum dih fate a kum fatein zoh tthan lengmang asi lai. A herh ning in hrawh, remh le chap khawh asi lai. xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx Lutlai officers le bu member zapi ttuanvo le zulh ding phunglam(Duties and Responsibilities) A. Foundation Chungtel (Member) dihlak nih ruang tein zulh ding phunglam i) ii) iii) iv) “Lautu Foundation” Phunghram le phunglam an ngei lai. “Lautu Foundation” Phunghram le phunglam an zulh lai. Lautu Foundation nih a ttuan mi rian project hmuitinh theih ding Kum tin thawh mi tangka hman tein thawh ding

v) vi) vii)

Cunglei lutlai upa pawl nih rinhchannak le zumhnak bochannak he fialmi rian pello tein ttuan khawh i zuam ding. Member a lut rih lomi an luh zokzok nak hnga ding in forhfial ding, sawm ding. Bu rian le bu chung herhpang kongkau ah ramleng ummi nih ramleng president/secretary sinah pehtlaihnak a tuah lai i, ramchungmi nih ramchung president/secretary sinah pehtlaihnak a tuah lai.

B. (1) President Tuanvo le Tavuan (Duties and Responsibilities) Kum khat ah voi hnih EC meeting a kawh lai. Cu meeting cu maivan email chung in tuah asi lai. ii) Meeting tuah tikah Chairman a ttuan lai iii) EC tam deuh hnatlak pi a herh mi rian ttuan ding pawl kha EC upa hna sinah email a kuat hna lai i, ruahnak vote a hal hna lai. iv) Duh le duh lo vote kap hnih aa tluk ahcun a mah duhnak lei kap ah thimfung a pek lai i, cu ning cun rian a kalpi lai. v) Rian ttuan ding project a suai lai i, EC ah a chuahpi lai. vi) EC upa tam deuh hnatlaknak (simple majority) in rian cu ttuan lengmang asi lai. vii) Rian hma a kal deuhnak hnga asi ahcun, a herhning in komiti hmetete a ser lai i, ttuanvo a pek hna lai. viii) Ramleng ah member tam deuh an um lawng siloin, communication a tthat deuh ca-ah ramleng um president nih fak deuh in rian a ttuan lai. ix) Ramchung president le ramleng president cu communication cat loin an ngei lai. x) Ramchung president nih ramchung um Associate Secretary le Ngunkeng an i bawm lai i, ramchung ttuan hnga ding rian vialte an hruai hna lai. ( 2). Vice Presidents ( 5 ) i) President rian bawmtu an si lai. ii) Caan karlak ah President a um lo sual tikah EC hnatlaknak in pakhatkhat nih president ttuanvo a lak lai i, bupi a hruai lai. iii) President thar thim a herh tikah an mah pali le Executive Secretary lak in pakhatkhat kha president ah EC nih an thim lai I, bupi hnatlaknak in an fehter lai.. (3) Executive Secretary (5) i) Ramchung ramleng secretary vialte, ramkip representatives dihlak he rian an ttuan tti lai i, a hruai hna lai. ii) Meeting minutes cazin ttha tein a ken lai. iii) Thawng thanh tu ah a lu bik asi lai. iv) Tangka kholh caan a phak tikah ramkip upa pawl he ttha tein pehtlaihnak a ngei lai. v) Forhfialtu lutlai zong asi lai. (4) Associate Secretaries (5) i) Executive Secretary rian kha an umnak area cio in an bawmh lai. (5). Treasurer (Ngunkeng) i) Lautu Foundation Financial policy ning in feltein rian an ttuan lai. i)

(6) Assistant Treasurer (2) i) Treasurer rian bawmtu an si lai. ii) Treasurer a um lo tikah treasurer rian a chawn lai. (7) Members (12) i). EC meeting felfai tein an kai lai i, ruahnak tthattha an chuahpi lai. ii) Thimfung pek a herh tikah pello tein pek khawh an i zuam lai. (7) Representatives (Ramkip Kusale) An umnak ram le khua cio ah hruaitu upa an si lai. Thawngthanh mi pawl kha an umnak ram i member zapi an theihter hna lai. iii) Tangka kholh caan a phak tikah ttuanvo an lak lai. ================================================================ i) ii)

LAUTU FOUNDATION Hruaitu Bu (Management Board) (2009-2013) A. Ruahnak Petu (Patrons) 1. Bawi Ngan (Yangon, Hriangpi) 2. Ca Ling (a) Kyaw Lin (Hakha, Thangaw) 3. Ca Uk (a) Kyaw Oke (Thantlang, Thangaw) 4. Fr. Kung Tial (Hnaring) 5. Hi Tial (a) Hawi Tei (Hakha, Fanthen) 6. Hmung Kio (Thantlang, Thangaw) 7. Khar Dua (Fanthen) 8. Khin Tlung (Yangon, Fanthen) 9. Khua Le Ling (Hnaring) 10. Lian Tial (Hakha, Sentung) 11. Lian Uk (Yangon, Sate) 12. Maj. Bawi Tial (Mandalay, Hnaring) 13. Major Hlung Ce (Yangon, Hriangpi) 14. Mang Khu Ling (Yangon, Hnaring) 15. Ne Dun, Palik bawi pensen (Yangon, Sentung/Surngen) 16. Oo Htay (a) U Thei (Yangon, Tisen) 17. Rev. Di Van (Hakha, Sentung) 17. Ria Ce (Thantlang, Hnaring) 18. Thawng Er (Yangon, Thangaw) 19. Van Za Kio (Khuahrang) 20. Za Tei (Gangaw, Hriangpi) 21. 22. 23. 24. 25.

( A herhning in chap le remh tthan lengmang asi lai)

2.Presidents (2): 1) Pu Tial Hu (USA) 2) Rev. Dr. Samuel Ngun Ling (Yangon) 2. Vice Presents (5) 1. Fr. Hre Kung (Hakha, Hnaring) 2. Pu Lian Khia (Norway, Khuahrang) 3. Van Hre Lian (Australia, Sentung) 4.Pu Tin Rung (Canada, Longthangtlang) *5.Malaysia D. General Secretary: Pu Thawng Uk (Norway)

E. Associate Secretaries (5) 1. Rev. Dr. Van Bik (Yangon) 2. Pu Chan Luai (USA, Sate) 3. Pu Hia Mang (a) Salai Liantu (Australia, Tisen) *4. Malaysia (1) 5. Pu Lian Cung (a) Salai Lunglileng (Siangapore, Thangaw) F. Treasurer: 1. Sang Hei (USA, Fanthen) 2. Ralbawi Benjamin (Yangon, Thangaw) G. Assistant Treasurers 1. Ngun Thawng (USA, Hnaring) Note: A tlawmbik minung pahnih min in bank ah tangka chiah asi lai H. Auditors (4) . 1. 2. 3. 4. Rev. Pa Hrang Hmung Pu Thang Za Lian Pu Cung Uk (USA, Surngen) Pu Naa Aung (USA, Khuahrang)

I. Members (12): 1. Kung Za Hmung(Hnaring) 2. Rev. J. Peng Hu (Hnaring) 3. Sayaci Rung Lian (Australia, Thangaw) 4. Rev. Van Bik (Falam, Sentung) 5. Win Maung (USA, Hriangpi) 6. Pu Kaa Hmung (Denmark) 7. Pastor Chan Hnin (Hnaring) 8. Rev. Zo Bawi (Thangaw, USA)

9. Hnaring khuabawi/Hnaring Saya nu le pa bu Chairman 10. Thla Hu (Singapore, Hriangpi) 11. Malaysia 12. Rev. Si Thar J. Phaisa Kawltu (Fund Raising Committee) 1. Project Director: :Presidents nih a changchang in ttuandingmi projects kha a herh a tining in a thim lai i, a hruai lai. 2. Funding Directors: ( i) Pu Kung Za Hmung (ii) Ramlengmi mah umnak ram cio i, upa vialte K. Communication Directors: (i) Thawng Za Hre (Norway) (ii) Tin Hmung (Malaysia) (iii) Chan Luai (USA) (ix) Ram Tin Van (Australia, Fanthen) L. Term: Kum 4, Voihnih tiang pehkhawh a si lai. * Upa nih thimmi hna an si. An rammi hnatlaknak in fehter asi lai. An ram in mi dang an thim duh ahcun an mah nawl asi lai. xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

LAUTU FOUNDATION TANGKA CHIAHNAK LE HMANNAK PHUNGLAM (FINANCIAL POLICY) TANGKA CHIAH LE KEN NINGCANG PHUNGLAM Lautu Foundation tangka cu a tanglei bantuk in chiah le ken asi lai: 1. Lautu Foundation ah pekmi tangka poh cu foundation nih a ngeihmi bank (USA le Myanmar) ah chiah colh lengmang asi lai. 2. Foundation riantuannak ah hmanchom a herhmi caah a tambik US $300 tiang Ngun Keng (Treasurer) kut ah chiah le ken khawh asi lai. 3. Membership fee siseh, annual fee siseh, pumpak in hlutmi siseh, Khrihfabu asiloah Fellowship bu nih hlutmi siseh, a lenglei bu dangdang (organizations) nih hlutmi siseh Ngun Keng nih anmah le cazin cio in fel tein a chiah dih hnu ah Foundation nih a ngeihmi Bank account chung ah hmunkhat te ah a khumh (deposit) hna lai. 4. Foundation nih kumkhat chung a hmuhmi phaisa dihlak chungin zakhat ah pakul (20% of total annual income) cu tangka hrampi (Endowment Fund) caah bank Saving account dangtein chiah le fim asi lai. 5. Foundation nih a ngeihmi tangka siseh thilri siseh ahohmanh pumpak nawlngeihnak hmang in pumpak min in chiah le ken khawh asi lai lo. 6. Foundation nih a ngeihmi tangka cu ram hnih (two countries) nak tam ah a chia lai lo. Tangka chiahnak ram ah Treasurer le a dang officer pahnih (officer pathum) min in bank ah chiah asi lai. 7. Foundation nih a ngeihmi tangka siseh, thilri siseh, foundation he aa pehtlaihmi a dangdang thil sihnaseh, ruahphak lo in a chuakmi (emergency) harnak thil ruang ah rawhralhnak le zatlaknak (loss) pakhatkhat ruangah riantuannak ngol ding asi sual ahcun, a tangmi chaw le thilri zapi fimhlomnak kong ah Hruaitu bu (Management Board) cheuthum cheuhnih hnatlaknak in biachahnak tuah asi lai.

TANGKA HMANNAK PHUNGLAM Lautu Foundation tangka/thilri vialte cu a tanglei bangin hman asi lai. 1. Foundation nih kumkhat chung a hmuhmi tangka dihlak chungin zakhat ah pakul (20% of total income) cu tongh ti lo dingmi tangka hram (Endowment Fund) caah chiah asi lai. 2. Foundation nih kumkhat chung a hmuhmi tangka chungin 10% cu Bupi Emergency Fund ah a lut lai. Zeibantuk emergency ah hman ding timi cu upa nih an ceih lai. 3. A tangmi 70% chung in rianttuan ding project a suai lai i, EC simple majority hnatlaknak in cu tangka cun project rian kha a ttuan lai. 4. A ttuan liomi project chung ah a poipang tukmi (emergency) thil ruangah tangka hmannak a chambau ahcun EC le MB members cheuthum cheuhnih hnatlaknak in emergency fund chung in 50% kha a hlei in hmannak nawl pek khawh asi lai. 5. Foundation nih a ngeihmi tangka siseh thilri siseh ahohmanh pumpak nawlngeihnak hmang in pumpak thathnemnak ca-ah a hmang lai lo. A tlawmbik Executive Committee hnatlaknak a um hnu lawng ah hman khawh asi lai. 6. Foundation nih a ngeihmi tangka cu vulei uknak (politics) lei riantuannak ah siseh, mi zapi a hrawkhral kho tu le a buaiter kho tu, hnahnawhnak a phunphun a chuahpi kho tu riantuannak caah siseh, hman lo ding asi lai 7. Foundation nih a ngeihmi tangka cu Lautu miphun a lam kip in thanchonak (fimnak cawnnak, ngandamnak, pawngkam zohkhenhnak, khua le ram thanchoternak tbk.,) rian a phunphun tuannak ah le daihnak remnak dawtnak le lungkhahnak a chuahter kho tu riantuannak phunkip caah hman asi lai. 8. A cunglei phunglam zapi hi kum dih fate a kum fa tein zoh tthan lengmang asi lai. A herh ning in hrawh, remh le chap asi lai. 9. Foundation tangka hmang in riantuannak a um tik poh ah a tanglei hna hi zohchih peng asi lai: (A) Lautu ram chung khuakip buaktlaknak zoh ding (Regional Balance); (B) Nu le pa buaktlaknak zoh ding (gender balance); (C) Miphun thleidannak tuah lo ding (racial balance); (D) A herh taktakmi le biatak thil kha zoh ding (need-based and reality); (E) Mit hmai zoh in riantuan lo ding (avoid bias); le (F) Nawh thuh peknak le laknak tuah lo ding (avoid bribery) asi lai. @@@@@@@@@@@@@@@@@@@@@@@@@@@@@@@

Lautu Foundation Tuan ding rian Project (1) 1. Education (Fimnak cawnnak) (a) Foundation nih a ngeih mi Boarding School (Hnaring) Cachimhtu thla hlawh pek, (b) High School ah tang 8, tang 9 le tang 10 chimtu hna lawm man tlawm te cio in pek ding ( c) Scholarships (University Students, a herh tuk ah ruahmi an um ahcun Bibal Siangakchia zong ruahpiak an si lai 2. Zatlak Pulcim (Emergency) Bawmhnak 3. Meivannak (Hydro-electric

Lautu Education Fund(LEF) 1. "Lautu Education Fund" timi min in "Lautu Foundation" rian project (1) kha a ttuan lai. 2. Project Fund a ngei lai. 3. LF nih LEF caah Fund a kawl lai i, hmuh hmasa mi USD 15,000.00 chung in 75% kha LEF project ah a hman lai i, 20% kha LF bupi tangka hrampi ah chiah rih asi lai. A tangmi 5% cu Bupi Emergency Fund ah a lut lai. Zeibantuk emergency ah hman ding timi cu upa nih an ceih lai. 4. Lautu Foundation Phunghram tungtlang ning in a kal lai 5. Foundation nih project committee dang a ngeih hlan chung, LF upa zapi nih hi project ca-ah rian an ttuan lai. LEF HMUITINH RIAN (Project Plan) A. Hnaring High School Tang 10 result tthanchoter ding B. Sianghleirun siangngakchia scholarship pek ding A. Hnaring High School tang 10 result tthanchoter ding LEF nih hi rian hi a thawk hmasa lai. A rianttuanning cu; 1. Siangngakchia nih zan ah ca ttha tein an zoh khawhnak hnga ding caah high school ah over time ca chimh timi a um lo ding in Saya-Mihbah a tinn he an khan tti lai.

2. Boarder inn kong (a). Boarder inn hi Hnaring RCM le Lautu Baptist Association nih an hlut khawh dingmi inn a um ahcun LF nih lunglawmtein a cohlan lai. (b). A um lo ahcun Sianginn he aa naihnak ah inn a cawk lai. (c ). A cung lei pahnih an um lo ahcun a mah tein a sak lai. (d) Hi inn saknak ah hin CAD bantuk ramrian a ttuanmi NGO sinah bawmhnak a hal lai. (e) Cu boarder inn a ngeitu(owner) cu "Lautu Foundation" asi lai. (f) Cu boarder inn cu a min ah "Bawinu" tiah sak asi lai. (g) Ca zohnak Hall pahnih ah tthen asi lai i, "PA" khan kha Lautu ram chung in tang 10 a awng hmasa mi, asiloah Hnaring High School in tang 10 a awng hmasa mi "PA" min bunh asi lai i, "NU" khan kha Lautu ram chung in tanghra a awng hmasami, asiloah, Hnaring High School in tanghra a awng hmasa mi "NU" min kha sak asi lai. Foundation caah tangka a thomi min vialte kha cafang ngan piin vampang ah tar a si lai. (h). A mah tein building a ngeih khawh hlan ah cun inn a hlan lai 3. Siangngakchia kong (a) Hnaring High School ah a kaimi tang 8, 9 le tang 10 an zapi zan ah boarder ah ca an zoh lai. (b) Cazoh caan hi aa rem lai ti ning in asi lai (7.00pm -10.00pm) ? (c) LEF Saya te nih guide an tuah hna lai, ca an chimh pah hna lai. (d) Sianginn Saya te zong an siarem ning in an lut ve lai. (e) Cazohnak facility le cachimtu ttha kan damh piak hna lai. (f) Ti-rawl eidin an mah tein an i damh lai. Asi khawh ahcun a cancan tete ah special dinner pek an si lai. LEF nih meh a dangh hna lai, tinak asi. (g) Nu pawl cu boarder ah an riah hrimhrim a hau lai.

4. Saya kong (a) Sianginn saya te hi sianginn ah ca ttha tein an chimh duhnak hnga ding ah "Saya Mihbah Atinn" tawlrelpinak in lawmman tlawmte cio in kan pek hna lai. Zan zong ah an huam ahcun boarder ah an lut ve lai. (b) LEF nih English, Science le Arts chimtu ding ah Saya pa 3 a hlan lai. Mirangca an thiam khawhnak hnga ding hi a bik in ruah piak an si lai. Rev. Si Khia nih Hawaii ah a thlah mi program hi pehzulh khawh ding in a kan zuam piak lai. America ah sianginn kai ka dih hnu ah Hnaring ah a tlawmbik kum 2 tal ka ttuan ko lai a ti mi lawng kha kaiter an si lai. (c) A dang Saya pa 2 lakah pakhat cu Kawl holh a thiammi, Daidin, Gangaw lei mi asi lai. A dang pakhat cu a herhning in lak asi lai.

(d) LEF Saya te ttuanvo cu zan cazoh caan ah siangngakchia guide an tuah hna lai. High School ah a herh ning in an lut ve lai. 5. Boarding Master pakhat a um lai. Boarding Master cu pastor bantuk Pathian rian a ttuan mi asi lai. B. Sianghleirun Siangngakchia Scholarship 1. Kum 2008 ah Hnaring High School in tanghra a awngmi hna lak ah degree ka hmuh hnu ah Hnaring ah LEF fialning in ca ka chim lai a ti mi kha English major a hmuh khawh ahcun university kai ter ding. Asiloah MIT ah BAR kaiter ding. 2. 2008 kum thawk in a kum fatein "D" a hmumi pawl laksawng pek ding. 3. Fund umtu zoh in scholarship pek ding. C. Mei kong Siangngakchia cazoh khawhnak ca ah hin mei hi a biapi tuk. Thinlung thazaang a tthawnter deuh pin ah mit ngadamnak ca zong ah a ttha. Electric mei hi ttha tein van khawh ahcun Lautu ram hi hi nak in a let in a tthangcho deuh kho lai. CAD ah bawmhnak kan hal lai. Asiloah, CAD nih a mah rian ah aa khinh khawhnak hnga kan nawl lai. Brother Kung Za Hmung caah thla fakpiin cam hna usih! D.A cunglei chimmi Boarder a ngeih khawh hlan ah ttuan dingmi rian A cunglei chimmi Boarder a ngeih khawh hlan ah LEF nih a ttuan hngami rian cu Hnaring BEHS le Hnaring ah a um ciami Baptist le Catholic Boarder pahnih hna kha a herh ning in a bawmh hna lai.
@@@@@@@@@@@@@@@@@@@@@@@@@@@@@@@@@@@@@@@@@@@@@@

vanbik4@gmail.com; salaidaniel@gmail.com; thawng_uk@yahoo.co.uk; timothyhrang@gmail.com; sitharnnk@gmail.com; nling06@gmail.com; benjamin.mail08@gmail.com; cluai2008@gmail.com; sikhiamit@gmail.com; sangheu@yahoo.com;

You're Reading a Free Preview

Mengunduh
scribd
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->