PARTORDING NI PANGKATAION DI NA MARHATA SINAMOT/MARUNJUK Dung di pasahat protokol tu raja parhata, pangkataion di dok songonon : Di hita na mardongan tubu

bu pomparan ni raja sonakmalela, tinarlik huling-huling tarida holi-holi, molo marsiulaon angina hahana ma panamboli. Di hami anggi doli muna (haha doli muna), Marpaung ma nuaeng hasuhuton di ulaon ta sadarion, hupasahat hami ma tu hamu haha anggi na mi, hamu ma namarsiaturan. Jadi di pasahat ma tu marga Simangunsong na gabe parsinabung. Dung i, mardos niroha ma marga Simangunson. Dung I didok ma songonon: Dihita na mar haha maranggi, nungga dipajolo hamu ahu nuaeng na gabe parsinabung di ulaon ta sadarion, hu jalo ma i jala hupangido asa marsiurup-urupan hita, aut tung boha adong na hurang lobi.

Dung i didopakkon ma tu horong ni hula-hula dohot tulang. Di dok songon on: Di hamu hula-hula dohot tulang name (didok marga na), didok na tua-tua, di jolo hamu raja siaduon, di pudi hamu raja si paimaon, di siamun hamu raja panungkunan, panungkunan ni uhum dohot adat. Nuaeng pe raja nami , nang pe so apala tangkas hamu di siamun nami, anggo dibagasan roha nami tongtong do hami di siamun nami. raja nami raja bolon, naeng mulaan nami ma mangkata i dohot raja ni pangoruon nami (dokkon marga), mangido ma hami tu hamu hula-hula nami dohot tulang nami saluhut na, asa tangkas paihut-ihut hamu panghataion nami. molo tung adong na hurang lobi, nangetnanget hami ajar-ajari hamu, jala tiroi hamu. Boti ma raja nami.

Dung i di pasahat ma pangkataion I tu paranak. Laos songon pangkataion ni raja hata ni parboru i do nang hata ni raja hata ni paranak tu dongan tubu na dohot tu hula-hula, tulang na. Dung i di pasahat paranakma panghataioni tu parboru. Dung i mangkulingma raja hata ni parboru., Manghataima hita raja ni boru. Tek-tekdo mula ni gondang ser-ser mula ni tortor. Sungkun do mula ni uhum, sise mulani hata. Nunga marpungu hita di bagas (inganan) na marampang na marjual on, nunga hundul hita dikarosi nagabe singatni amak tiar, antong tiar ma parhorasan, tiar ma panggabean dihitaon saluhutna tumpakonin amanta martua Debata. Nunga butong hita mangan indahahan nalas, sagat marlompa juhut na tabo, bosur minum aek sitio-tio napinatupa muna raja ni pamoruon nami, pamurnas ma i antong tu daging saudara ma i tu bohi, sipalomak imbulu ma i, si paneang holi-holi. Bagot na mar halto ma ni agatan di robean, horas ma amanta raja inanta soripada, na manganton tu gandana ma di hamu pamoruon nami na patupahon. Bangkona ma i raja ni boru, sai jolo ni nang-nang do asa di nung-nung, sai jolo pinangan do asa sinungkun. Na manungkun ma hami tu hamu raja ni pamoruon, taringot tu sintuhu ni sipanganon i: diama laklakna diama unok na, diama hatana diama na nidokna. Tangkas ma hatahon hamu rajani pamoruon nami.

Paranak: Mauliate ma raja nami tapasahat tu amata Debata pardenggan basa i, di siala denggan ni basa na namangalehon tingki dohot ari na leheton tu hita boi hita pajumpang di bagasan hahipason dohot las ni roha. Nang tu hamu pe hula-hula nami, dohonon nami do mauliate godang disiala panjanghonon muna dihami minar do bohi muna manjangkon hami pamoruon muna on. Nunga manungkun raja i taringot di sintuhu ni sipanganon dohonon ma: Marbau tanduk, marbau holi-holi. Godang si butong-butong otik sipir ni tondi. Sitiktik marsigompa, golang-golang pangarahut na. tung so sadia pe sipanganon na hupatupa hami i, sai godang ma pinasuna. dang na mangholit hami raja nami, molo tung na mangholit ma hami tu gandana ma nahinolit. Manumpak ma tondi muna, manuai sahala muna di hami pamoruon muna on, angggiat di tambai Debata di hami sinadongan, gabe na niula si nur na pinahan asa anggiat boi do pe patupahon nami sipanganon na lobi tumago, jala na lobi tumangkas laho pasangaphon hamu hula-hula nami tu ari na naeng ro. Taringot di sintuhu ni sipanganon ni raja nami, parhorasan panggabean do. Boti ma. Parboru Mauliate ma raja ni boru. Parhorasan panggabean ma hape sintuhu ni indahan masak dohot juhut na tabo i . gabe ma hita on jala horas tumpahon ni Amanta martua Debata. Bona ni aekpuli ma di dolok ni sitapongan, sai martamba ma di hita angka na uli dor nang pansamotan. Alai raja ni boru, didok na tua-tua : marangkup do na uli mardongan na denggan. Siangkup na songon na hundul, si udurna songon na mardalan. Siangkup ni na uli si angkup ni na denggan tangkas ma hatahon hamu raja ni pamoruon name, boti ma. Alus ni paranak: Mauliate ma raja nami , toho do tutu songon na nidok muna i, sai marangkup do nauli, mardongan na denggan, siangkup na songon na hundul, si udurna songon na mardalan. Siangkup ni na uli siangkup ni na denggan, tangkas ma tutu hatahononton. Raja na mi, raja bolon, di haroro nami mandapothon hamu hula-hula nami, na adong do na solot di ate-ate nami, gompang di pusu-pusu nami na naeng hatahon nami tu hamu. Alai raja nami andorang so huhatahon hami, jumolo hami marsantabi di hata sidohonon nami molo tung adonng na sala nanget-nanget hami anju hamu raja nami. Balga bulu godang denggan baen hite-hite, molo balga anak magodang denggan ma hotripe, nunga magodang anak di jolo na mi, denggan ma atong hot ripe. Dilakaon anak nami ma langka na laho mangalului si rongkap ni tondi na. dipardalanan na raja nami, di lua-lua pat na ma ibana huhut dijou-jou jala dihirap-hirap rupa na uli parulan na denggan ni boru ni raja boru ni na mauli bulung, boru ni hula-hula nami diluaton . Diparjumpangan na sida raja nami dohot boru mu na denggan di jangkon boru muna ibana, jala dipanangkok tu tonga ni bagas. Dipangkataion nasida jumpang ma dos ni roha laho pajongjong pardongan saripeon. Songon naung tangkas nangkiningan diparnangkok ni mata ni ari nunga rap taudurhon na sida tu bagas joro ni Debata dina marpadan nasida di jolo ni Debata na pinatumpol ni naposo ni Tuhan ta, disaksihon amanta raja inanta soripada naung dos tahinasida mamungka parsaripeon. Disialani ma raja nami , ro hami mandapothon hamu tu tonga ni bagas namarampang marjualon mangido tu hamu hula-hula nami asa jangkon hamu ma anak nami i gabe hela muna jala geleng muna situtu. Taringot di somba ni adat somba ni uhum olat ni na tapartupa hami pasahaton nami ma tu hamu hula-hula nami. mardongan pos ni roha hami na so ampehonon muna tu hami na sotartuhuk nami. Jadi sitangkas ni ulaonta sadarion namarhata sinamot ma hita raja nami. Buti ma raja nami.

Parboru: Mauliate ma raja ni boru nunga tung tangkas dihatahon hamu, na dibagasan roha muna. Toho do tutu na ni dok muna i , nunga rap taudurhon boru nami dohot anak muna tu bagas joro ni Debata di namarpadan ni nasida dijolo ni Debata napinatumpol ni naposo na, dina marsangkap nasida naeng pajongjong pardongan saripeon, anggiat ma tutu rongkap ni boru nami anak muna i, rongkap na gabe rongkap na saur matua rongkap na mamora, rongkap na maduma, alani pasupasu ni Tuhanta Nuaeng pe diharoro muna mandapothon hami hula-hula muna, na manungkun hutang ma hamu hape. Pitu ma ninna lili nami paualu jugian nami. Na uli ma antong nipi nami ai gohan muna ma hajut nami. Asa tangkas hita manghatai taringot ni sinamot sipasahaton muna tu hami, padalan hamu ma jolo pinggan panungkunan. Dung di pasahat pinggan panungkunan, jongjong ma raja parhata ni parboru ditiop pinggan panungkunan i, di dok hata na songon on: Amanta raja inanta soripadan naliat na lolo. Di son ro do pinggan panungkunan sian raja ni pamoruon (didok margana) pinggan pasu na hot di hundulanna, anggiat ma antong hot pasu-pasu ni amanta martua Debata di hita on saluhutna, marisi dison napuran si rata bulung anggiat ma antong rata parhorasan panggabean di hitaon tumpahoni amanta martua Debata. marisi do dison boras sirihurrihur, boras sipir ni tondi, anggiat ma antong torop maribur pomparanta huhut martangkang marjuara, pir ma pokki bahul-bahul parsalongan, pir ma tondi ta jala tongtong di ramoti Tuhan. Marisi do di son ringgit si tio suara sipalas roha ni amanta raja, anggiat ma tio parhorasan tio panggabean nag parsaulian dihitaon saluhutna tumpahon ni amanta martua Debata, jala las ma rohanta lao pasauthon sangkap ni geleng ta. Opat ringgiton songon tiangni pangsa, hubuat hami ma tolu asa anggiat tubu ngolu-ngolu. Raja ni boru, molo adong nina raja panungkun adong do raja pangalusi, on pe raja ni boru, pasahaton nami do sada pinggan panungkunan on tu hamu, asa sada hata muna dohot tahi muna, mangalusi sungkun-sungkun nami. Dung dipasahat i , ditorushon ma panghataion. Di hamu raja ni pamoruon, nangkining nunga di hatahon hamu na manungkun utang ma hamu hape diharoro muna, ulahan nami do mandok pitu ma lilu nami paualu jugian nami na uli ma antong nipi nami ai gohan hamu ma hajut nami. nuaeng pe raja ni boru, hatahon damang ma sian ni piga ma horbo piga ma lombu piga hoda sadia godang ma mas, perak, dohot sere. Asa mangarade hami laho patupahon inganan ni i. boti ma. Paranak: Mauliate ma raja nami. anggo disiala sangap muna dohot dibalga ni partubu muna na patut do hamu manjalo songon na ni dok muna i horbo, lombu, dohot hoda, mas, perak, dohot sere. Ianggo di tingki ni angka ompu nami na parjolo, torop do horbo na , lombu na, dohot hoda na, alai raja nami, di haroro ni japang nunga suda i di lua-lua. Tung adong pe pasi-pasi na nunga mampari nuaeng ala soadong be panjampalan na di kota bandung na balauon. Suang songoni do nang mas, perak, dohot sere, godang hian do i ditinggalhon ompu nami alai raja nami, nunga maos i tinopik, tinopik, tinopik muse, dina laho parsingkolahon angka bere muna on. Namangelek ma hami raja nami, disinamot sipasahaton nami tu hamu hula-hula nami, parsimnamot na hibul ma hami raja nami, rupiah ma pasahaton nami tu hamu. Jala molo siat pangidoan nami, di alap jual ma parumaen nami, binsan naung mangido raja nami, tong do pe elekhonon nami taringot di sinamot sisomba honon nami, sisahali mangelekhon ma hami raja nami. Boti ma.

Parboru: Mauliate ma raja ni boru. Molo tung pe di hata hon hamu na soadong be horbo, lombu, hoda dohot mas, perak nang sere, tangkas do huboto hami toruk ni roha muna do i, ai tangkas do huboto hami pahompu ni namora do hamu anak ni paradongan. Baliga ni lampedang mardangka bulung bira. Barita ni hamu (dokkon marga) , tarbarita sahat ro tudia. Taringot tu pangidoan muna, asa parsinamot na hibul ma hamu, di alap jual boru nami, jala sisahali mangelekhon hamu disinamot na naeng pasahaton muna. dang taraluson hami do pe I so jolo mangalap hata hami tu boru nami dohot tu haha anggi nami, lumobi manjalo panuturion hami sian hula-hula dohot tulang nami. lehon hamu ma partingkian di hami asa mardosni roha hami na mardongan tubu dohot boru nami lumobi manjalo panuturion sian hula-hula dohot tulang nami. Dungi jongjong ma raja hata i di dompakhon ma dongan tubu na. didok songon on: Dihita na marhaha maranggi, dohot di hamu boru nami, nunga tangkas tapaihut-ihut panghataion dohot raja ni pamoruonta, adong pangidoan nasida taringot di sinamot ni borunta, parsinamot na hibul ma nasida, ima horbo na, lombuna , hoda na dohot mas na. pangidoan nasida na paduahon, di alap jual ma borunta marlapatan ma i hita bolahan amak di ulaon unjuk i. pangidoan nasida namangihut asa sisahali manghatahon ma nasida disinamot sipasahaton nasida tu hita. Boha pandapotta taringot tu si?. Parjolo ma hupasahat hami panghataion on tu hamu boru dohot bere nami, dung sidung i dipasahat ma muse tu dongan tubuna, dung sidung i di dopakhon ma tu hulahula dohot tulang, didok songon on: Di hamu raja ni hula-hula nami, tulangnami, bona tulang nami, tulang rorobot nami, dst. Di dok na tua-tua: di jolo hamu raja siaduon, di pudi hamu raja sipaimaon, disiamun hamu raja panungkunan, panungkuunan ni uhum dohot adat. Nunga tangkas di paihut-ihut hamu pangkataion nami dohot raja ni pamoruoon nami, adong pangidoan ni pamoruon nami taringot di sinamot ni bere mu, pahompu muna. parsinamot na hibul ma nasida , disi ma horbo na, lombu na, dohot mas na, rupiah ma pasahaton nasida tu hami. Jala di alap jual ma beremu, pahompu muna, jala sahali manghathon ma nasida di sinamot sipasahaton ni nasida. Dang taralusan hami do pe i raja nami sojolo mangido panuturion hami sian hamu hula-hula dohot tulang nami, nuaeng pe hupasahat hami partingkian on tu hamu. Dung sidung i didok raja hata i ma tu paranak: Di hamu raja ni pamoruon nami, nunga tangkas dos tahi nami hami namarhaha maranggi dohot boru nami, lumobi ma nunga ditutur-tuturi dohot diajar-ajari hula-hula nami dohot tulang nami. taringot di pangidoan muna i huolohon hami ma i, boti ma. Paranak: Tongtong do songon na niulahon i parboru diulahon (mangalap hata tu dongan tubu na) manjalo panuturion siang hula-hula na tulang na, dung sidung i didok ma songon on: di hamu raja ni hula-hula nami, nunga dos tahi nami na marhaha maranggi dohot boru nami lumobi ma i , nunga manjalo panuturion hami sian hula-hula dohot tulang nami, nuaeng pe hatahonon nami ma sinamot ni boru ni raja i, godang na lima 50jt rupiah ma sitombol ma i raja nami rambu pinudun, disi ma horbo na, lombu na, hoda na, dohot mas na, digabehon raja i ma. Boti ma.

Parboru: Mauliate ma raja ni boru, andorang so hu gabehon hami parjolo ma jolo mangido pandapot hami sian suhut sihabolonan. Di hamu hasuhuton bolon nami nunga tangkas dipaihut-ihut hamu panghataion, nunga hubahen hami nasa gogo nami laho manjalo sinamot na godang sian raja ni pamoruonta, alai didok na sida 50jt rupiah ma natarpasahat nasida sinamot ni borunta. didok na tua-tua lata pe na lata duhut-duhut do sibutbuton hata ni raja pinaraja, hata ni suhut do na manontuhon. Nuaeng pe pinasahat ma panghataion on tu hamu. Dungi dialusi hasuhuton ma: Mauliate ma di hamu haha nami (anggi nami) sian mulana pe panghataionta nunga hupajolo hami ho hahang na tua-tua (anggi natua-tua) manang songon dia pe haputusan mu , naung songoni ma haputusan nami. boti ma. Dung i didok raja parhata i ma tu paranak : Nunga tung tangkas pe hami mangalap hata tu hasuhuton nami. jadi disinamot na nihatahon mu na i 50jt rupiah hugabehon hami ma i.. boti ma. Paranak: Mauliate ma raja nami, raja bolon, tung malambok pusu do hami raja nami, ala sude do pangidoan nami di olio hamu. Nuaeng pe raja nami, molo uli roha ni raja i pasahaton nami ma bohi ni sinamot tu hamu raja nami godang na 45jt rupiah. Gohan nami ma i muse di mata ni ulaon ta i 5jt rupiah na i. boha raja bolon? Dungi dipasahat paranak ma patujolo ni sinamot i tu parboru. Dung dipasahat i, mangkuling ma raja hata ni parboru. Di dompakhon ma tu hula-hula dohot tulang Didok songonon: Di hamu hula-hula nami dohot tulang nami, nunga hujalo hami bohi ni sinamot ni bere muna, pahompu muna 45jt rupiah. Pos ma roha mu raja nami, na ro do hasuhuton nami mandapothon hamu tu tonga ni bagas muna laho pasahathon jambar muna. boti ma. Diuduti ma muse panghataion didok raja hata ni parboru: Di hamu raja ni pamoruon nami, nunga hujalo hami bohi ni sinamot 45jt rupiah. Nang pe didok hamu sitombol rambu pinudun disinamot ni boru nami, anggo suhi ni ampang na opat tongtong do pasahaton muna di mata ni ulaon i. Paranak: Nauli ma i raja nami, pos ma roha muna tongtong do pasahaton nami panandaion tu hamu hulahula nami di mata ni ulaon i. Parboru: Di hamu raja ni pamoruon nami, nunga dipasahat hamu patujolo ni sinamot tu hami. Tangkas do dison hubereng hami tulang ni na naeng hela nami, ima haha parhundul nami (didok margana), boha taringot tu jambar nasida, jambar tiptip marangkup? Hamu ma namanungkun nasida manang hami? Paranak: Mauliate ma raja nami, hami ma namanungkun hula-hula nami. Dung i disungkun ma hula-hula na. didok songon on: Di hamu hula-hula nami(didok margana) , boha raja nami taringot jambar muna , jambar tiptip marangkup?, dison do pasahaton nami mangang di mata ni ulaon ni ma haduan? Dungi dialusi hula-hula na i ma: Mauliate ma raja ni boru, taringot disungkun-sungkun muna di jambar na i, jambar tiptip marangkup asa tung jagar di mata ni ulaon ma pasahat hamu. Boti ma.

Parboru: Di hamu raja ni pamoruon nami, nunga tung las roha nami di bahen hamu. Nuaeng pe dang holan roha nami nanaeng las bahenon muna, nang hamu pe ingkon las do rohamu na bahenon nami olat ni natarpatupa hami. Aut tung boha adong sipangidoon muna sian hami hula-hula muna rade do hami pasahathoni olat ni natarpatupa hami. Boti ma. Paranak: Mauliate ma raja nami, tung malambok pusu do hami umbege hata muna i. ai so mangido do pe hami, nunga di dodo hamu nadibagasan roha nami. godang do sipangidoon nami sian hamu raja nami, di angka pasu-pasu muna lumobi ma i asa sude hami ulosi hamu di mata ni ulaontai dohot ulos herbang. Boti ma. Parboru: Mauliate ma raja ni boru. Pos ma roha mu, sude do hamu ulosan nami. nang pe so sude dapotan ulos herbang, pasahaton nami do tu na sodapotan, i ma ulos natinonun sadari. Digodang ni ulos herbang sipasahaton nami tu hamu, godang na 17 bulung (lembar) ma, gabehon hamu ma. Boti ma. Dung sidung i saluhutna , diuduti ma manghata i taringot tu partingkian, undangan, dohot angka na asing. Sipata adong do na manjalo pinggan panungkunan andorang so dipungka pangkataion, didok songonon: artia bona ni ari, sipahasada bona ni bulan. Asa denggan hita manghatai , pasahat hamu ma pinggan panungkunan. Songon na diginjang i do pangkataion di namarunjuk. Perbedaan na holan disitangkas na i do. Hira-hira songon on ma didok di si: Mauliate ma raja nami raja bolon, toho do songon na ni dok mu na i, sai marangkup do nauli, mardongan do na denggan siangkup na songon na hundul, siudurna songon na mardalan. Nunga tangkas raja i manungkun taringot di sintuhu ni ulaonta sadarion. Di na sogotan, diparnangkok ni mataniari , nunga rap taudurhon anak nmi na gabe hela mu na boru muna na gabe parumaen nami tu bagas joro ni Debata, dina manjalo pasu-pasu pardongan saripeon nasida sian Tuhanta. Marhite na posona, disaksihon hita na tua-tua na . Asa tung apala singkop pasu-pasu i di nasida naeng ma dohot hamu hula-hula nami tulang nami, dohot sude amanta raja inanta soripada masumasu rumah tangga naimbaru on, anggiat tibu nasida marurat tu toru mardangka tu siamun tu hambirang, rugun marbulung tu ginjang. Asa tarjalo pasu-pasu sian hula-hula ingkon jolo gararon do adat tu hula-hula, hombar tu adat pamasumasuon ni anak ni raja dohot boru ni raja. Di ari naung salpu raja nami, nunga dos rohanta dina marhata sinamot hita, ia sinamot sipasahaton nami tu hamu raja nami, godang na 50jt rupiah. Dihatihai raja nami, nunga hupasahat hami bohi ni sinamot godang na 45jt rupiah. Gohan nami ma i raja nami, 5jt rupiah nai ditingkion. Jadi sitangkas ni ulaonta sadarion namanggarar adat ma hami tu hamu hula-hula nami, huhut manjalo adat sian hamu hula-hula nami. boti ma.

Penulis: M.Simangunsong JL. Lebak no. 74/125A

HASANGAPON MA
G= Do; 4/4 irama Tortor - Embas

5 . 3 3 5 4 . 3 2 4 Ha sa nga pon ma di Tu han

3 2 1 si par

2 7 1 . 2 3 ho long ro ha i

4 . 3 A la

2 a

4 3 . 2 1 3 si ni ro ha na

2 . 2 1 2 3 . na ma non tong i

4 . 3 2 4 3 . 5 5 5 Pa lu a hon hi ta si an

2 . 1 7 6 5 . 5 ha ho lo mon i Tar

6 . 4 4 4 5 . 3 3 3 4 . 2 u li pa su pa su son dang ha ti

3 2 1 u ron i

5 . 3 3 5 4 . 3 2 4 Tung man sai u li do par sa 3 1 1 Tu ng 1 5 3 1 u 2 5 5 li 7 5 5 hu

3 2 1 o ran 1 5 1 ri

2 7 1 . 2 3 di hu ri a i 7 5 4 5 a 1 3 1 i . . .

4 . 3 2 4 Ga be si ti 2 6 4 si 7 6 4 ti

3 . 2 1 3 ru on ang ka 1 5 3 ru 1 3 1 on

2 . 2 4 2 3 pam baen na mi i 7 5 5 na 2 5 5 ma 1 5 1 i

. . . .

4 . 3 2 sai ma si 2 6 4 sa 7 6 4 su

4 3 . 5 5 u ru pan di 1 5 3 de 5 3 1 u

5 su

2 . 1 de u 7 4 2 la

7 6 5 la on i 5 4 2 on 5 5 1 i

. 5 su . . .

6 . 4 4 4 5 . 3 2 3 man tu hau na deng gan na ra 4 6 4 Sa 2 6 4 o 3 5 1 lo 7 5 1 an

4 . 2 3 mos par bu 2 5 6 5 na 1 5 4 5 ma

2 e

1 ni 5 3 1 i

. . . .

. 3 2 1 2 2 . 1 Ia tung a dong si lu . 1 7 6 7 7 . 6

2 4 lu an 7 0 0 2

0 5 5 . 3 3 3 sai da pot na ma 0 5 0 5 5 . 1 5 . 5 1 5 1 5

3 3 2 1 2 2 . 1 i ma nang do hot si ja 1 5 1 i 1 0 0 7 0 0 6 7 0 0 7 . 6 0 0

0 3 3 . 1 1 1 Sai da pot na ma

2 4 0 5 5 . 3 3 3 la han sai jum pang na ma 7 0 0 2 0 5 0 5 5 . 5 . 1 5 1 5 1 5

3 5 5 5 i An tong ta 1 5 1 i 3 1 1 an 3 1

6 u

4 6 la ma 2 6 4 1

. 6 6 6 5 3 5 ang ka na deng gan i . 4 . 1 4 1 4 1 3 1 1 5 3 1

3 4 1 1

0 3 3 . 1 1 1 Sai jum pang na ma

1 1 4 tong ta u

4 4 la ma

. 4 4 4 1 1 1 ang ka na deng gan i

. 5 . 3 . 1

5 3 1

5 3 1

4 2 7

2 7 5

4 2 7

. 4 . 2 . 7

4 2 7

4 2 7

3 1 5

4 2 6

5 3 7 3 i

5 3 1

5 3 1

5 3 1

6 . 5 4 . 3 1 . 6

4 2 1

6 4 1 4 ta

. 1 1 1 5 An tong ta u

5 5 la ma

. 5 5 sa da

5 1 2 ni ro ha

1 1 1 4 . 1 1 a sa tung tar ba ri

. 6 . 4 . 1 . 4 sa

6 4 1

6 4 1

5 . 4 3 . 2 1 . 7

3 1 5

5 3 1

. 5 . 3 . 1

5 3 1

5 3 1

4 . 3 2 . 1 5 . 5

2 7 5

4 2 5

. 4 . 2 . 5

4 2 5

4 2 6

3 . 2 1 . 7 5 . 4

1 5 3

1 5 3 1

. . . .

4 4 1 . 2 hat ro di ba

1 1 ri ba

. 1 1 1 5 . 5 5 5 ro han ta ga be so nang

. 5 5 5 5 . 5 1 lu hut na do tu re

0 0

0 0

0 2 0 7 U 5 ang

0 2

0 3

3 . 4

5 3 ha 2 3 so nang

B: 0 1 7 6 U li ni

2 7 0 7 li do u 7 2 ka na

2 7 0 li do 7 1 . mar sa

1 1 . 2 3 sa da ni ro 7 1 . 2 3 1 da ro ha i mar

0 6

0 5

0 5 0 3 ro 3 2 tu a

5 . 6 3 . 4 di ma .

7 5 tu

7 5 a

0 2

0 2

0 4 4 4 0 3 3 3 Sai so nang sai so nang 4 4 . 4 3 . 3 5 . 3 so nang sa hat ro di ma

0 7 2 7 0 7 2 7 tar so ngon bang so na 2 na 7 di

. 1 7 6 5 7 tar so ngon bang so

0 0

3 1

3 . 4 1 . 2

5 3

5 3

0 0

6 4

6 4

6 4

0 0

6 4

6 4

6 4

0 0

5 3

5 . 6 3 . 4

7 5

7 5

Di to bus Tu han 1 . 7 1 . 2 3 5 5 5

O lop hon 4 4 . 4

o lop hon 4 . 5 6 . 7

le leng ngo lu na 6 lu 5 . na .5 6 7

to bus Tu han i mar o lop

o lop sa le leng di ngo

An tong ta

0 6 0 4

6 4

6 4

0 6 0 4

6 4

6 4

0 5 0 3 ta 5 Je

5 3

5 3

0 5 0 3 I . 5

5 3

5 3

0 4

4 2

0 4 0 2

4 2

4 2

0 2 2 ta 2 pu

Ta pu ji 1 pu 6 ji 4 ma

Tu han ta . 1 4 6

pu ji 3 sus 1 i

ba na 1 3

pu ji 3 ji 4 ma

go ar Na . 2 Go 3 . 4 ar Na

Tu han ta

an tong ta

0 5 0 3

5 . 6 3 . 4

7 5 i . 5

. .

0 6 0 4

6 4

6 4 at 4

0 6 0 4

6 4

6 4 ta 6

0 5 0 3

5 3

5 0 5 3 0 3

5 3

5 3

Go ar Na 3 i .

ang gi 6 7 1 ma 6

ma hi . 1 4

mar go go 5 par 3 1

ma ngu la . 5 1 3

Ang gi at

ni an

tong tong di

go goi

ma ngu la

0 4 0 2

4 2

4 2

0 4 0 2 Ro

5 . 4 1 . 7 ha Na

3 . 1 . i 1 . i

0 5 0 3 0 1 0 1 ta

5 . 6 3 . 4 1 . 1 3 . 1 pu ji

5 . . 2 3 . . 7 . 5

4 . 3 2 . 1 5 . 5

3 1 5

1 . . 5 5 . . 3 3 . . 1

lo mo ni 2 lo 3 4 mo ni

7 . 5 . ma

. 7 3 . 2 Ro ha Na

. 5 5 . 5 Tu han Ja

5 1 . . 1 ho wa pa

5 . 6 3 . 4 1 . 1

5 . 3 . 7 .

. 2 . 7 . 5

4 . 3 2 . 1 5 . 5

3 1 5

. 05 03

5 . 6 3 . 4 1 . 1

5 . . 5 3 . . 5

6 . 7 5 . 5 4 . 2

1 . . 0 5 . . 0 3 . . 0

5 .

3 . 01

1 . . 3

3 . 1 5 . . 5 5 . 5 Sa ngap ma tong tong go

5 1 . ar na

01 3 . 1 5 . . 5 5 . 5 1 . . 0 Ta pu ji ma pa sa ngap ma

KOOR: MARANATHA HKBP BANDUNG TIMUR