June 2, 2013

BMCF Chhungkaw Chanchin

Naute Nei Kan member Pi Lily Dalpati
leh Pu Kishore-a te chuan naute duhawm tak Lalhruaizela Dalpati chu May ni 24 khan an nei a, kan lawmpui em em ani.

ZIRTIRNA KHIRH, DAWNSAWN HARSA

Tawngtaina
by B. Kapthuama
Tupawh ka tisa eia ka thisen in chu, keimahah a awm reng thin, kei pawh amahah ka awm reng thin. John 6:56

Damlo Tawngtaipui Ngai Kan BMCF President

nupui Pi Chhawnkimi chu damlohna in a tlakbuak vakin khumbetin a na a, hemi chanchin kan ziahlai (Dt 315-2013) hi chuan thawhpawh a la tho peih meuhlo a ni. Tin, kan Presidient Dr. F. Hrangkhuma pawh a damsam vak lo a, Pathianin damna kim a pek ve ve theih nan memberte i tawngtai ang u.

Lalpa, i thu hi a khirh a, i zirtirnate hi hriat thiam har ka ti. (John 6:60) Mahse i hnung zuitu inti tam tak ang a, phunnawia mahni ngaihdan zawma kal bo mai chu ka tum bik lo ania aw! (John 6:61, 66) Rinna kawngah hian beidawnna tawk fo thin mah ila, ka nun tibuai ngai lo, ka thatna tura min zilhhau ngai lotu chu, innghahna tlak Pathian i ni dawn si lo. Vawi tamtak mangang leh beidawnga ka awm chang pawha, min thlamuan leh chhawmdawl a, hahchawlhna leh damna min pe thintu inih avangin ka fak a che..
Galilee ram pela Tura leh Sidon bial thleng thlenga i kal a, Kanaan hmeichhia, a fanu ramhuai man i chhan chhuah sak beiseia a ngen ngawih ngawih che a, chhan pawh i chhan duh si loh, fate chhang laksaka, uite hnena paih chu a mawi lo ve, Israel hnam beram bo hnenah lo chuan tirh ka ni lo, tia i lo hawisan mai dante kha mak ka ti thin. (Mat.15:21-28, Mk.7:24-30) Abrahama leh a nupui Sari, mihring ngaiha chi thlah thei rual tawh lova upa tawhte hnen a, hnam hrang hrang lalte thlahtu anmahni atanga lo chhuaktura i tiam, Thuthlung Fa, Isaaka i pek ngei chu, Moria tlanga hlan let leh tura i tirh leh tlat si dante kha, hriat thiam harsa ka va ti em! (Gen.17, 18 & 22).

Chhiattawh Chungchang Tv. Lalruatkima (Rka kan

member hlui, rawngbawlna ah pawh tangkai tak, a bikin zai lamah phei chuan theihtawpa inhmang thin) chu May ni 10 khan pumpui ulcer kaihhnawih thil vangin chatuan ram ah a chawl ta. A chhungten Pathian awmpuina an chan zui theih nan tawngtainaah i hria ang u. (Source:
BMCF Group Facebook)

Kan Koinonia Editor lo ni reng tawh thin Tv. Samuel Lalrozama Hmar pawh, a nu V.L Rammawii chuan cancer natna vangin May ni 27 khan chatuan ram ah a chawlhsan a, kan tuarpui tak zet a ni. Tv Samuela leh a chhungte tan Pathian awmpuina leh thlamuanna i dil sak zel ang u.

Hetiang zirtirna harsa ka tawh thinah hian, Pathian engkim chunga roreltu i nihna ka hriat chian leh zualna leh, kei mah ngei pawh rinna kawng ka zawhna a, beidawng lova a tawp thlenga rinawm pawimawh zia mi hmuh chhuah thar tirtu ani fo zawk si. Zan khawthim leh ruahpui vanawn kara kawlphe engin hmuh ngai loh ram a rawn chhun eng thin ang hi a ni. I zirtirna khirh khan hi i hnung zui intite zinga a tak leh lem hriat hranna, ringtu dik leh der thliartu, nun dawngdah, tive mai mai te titiautu a ni fo thin. I kawng mi kawhhmuh hi, ka khawvel nun kawng zawh duh zawng kalh fotu ni thin mahse, ka Lal Isu, Setanan kawng dik lova min bum leh hruai a tum fo thinna ai chuan, ka thlang zawk fo ang. I thununna thute chu engtikahmah ka theihnghilh lovang; nangin chung chuan mi tiharh ta si a.(Sam119:93).

June 2, 2013

bmcfkoinonia@gmail.com
9886756098 / 988698965

Zirlai nih lai atanga, lehkhabu aia thlalak (photography) kan lo bih nasat zawk vang a niang chu, camera kan lei thar tir pawh khan ka man ve nghal deuh uar uar chuan ka hria a. Thlalak dan chi hrang hrang chu kan lo hmu ve tawh na a, mahse ka mithlaa, ka lak tum dan leh ka thlalakte chu a inper san chang a tam thei hle mai. Mihring thiamna, Science leh technology atanga thlalak mawi tak, art lo chhuah dan hian ka ngaituahna a la khawp maia. Chu ai chuan, hetiang thil zawng zawng hi Pathian ropuina pho langna a nihna lai hian, ka ngaituahna a ti kal thui lehzual thin. Mihring nun hi camera a mode hrang hrang set kual a thla kan la angah te hian ka ngaihtuah thin. Mode thenkhat chu thlalak nan a mawi viau a, mahse thenkhat tan chuan en tlak loh thlalak mai te pawh a ni thei. Kan hringnun hi mode hrang hrangah set kual a ni thina. A thenin tuarna phena Pathian malsawnna kan hmuh thiam laiin a then tan tan chuan vuina ti tamtu mai a lo ni thin. Thlalakte lo en tam na na chuan thil chik te hi a lo awl hle maia, he hian an mawina laia min hmuh fiah tir thin. Mahni tan kan nungin, mahni buai buaiin kan buai a, thil han enchiang/bihchiangna hun pawh nei lek lovin, kan en liam puat puat a. Pathian thil siam chi hrang hrangte hi kan lo chik ngai lova, mahse an lo va ropuiin mihring hian kan lo va tluk lo thin em. Thil siam dangte chuan, an Siamtu in a siam ang thlapin, an dinhmunah engmah sawisel lovin, an Siamtu chu an faka. Keini mihring te hian malsawmna phenah hian lungawih lohna hi kan zawng reng emaw tih mai tur zawk hi a nia. Thlalak (Photography) phennaah hian Pathian ropuina ka hmu chhuak nasa khawp mai a. Mahse, engkimah hian Pathian hi a lo awma, kan lo hmu hmaih mai mai zawk thin hi a lo ni.

Mizote kan vanneih bik em em na chu, Christian chhungkua a kan piang hrim hrim hi a ni, han ti ila, a dik kan ti tlang awm e. Lal Isua hming lam rikna leh Amah zahna chhungkua a kan seilian thei hi Lalpa zahngaihna a ni ti rawh u? Hemi rual hian, kan ngaihtuah hmaih miahloh tur erawh chu, Christian-a ka pianna hian ka mawhphurhna ava tisang em tih hi a ni. Kan tetlai atangin inah te, school-ah te leh sunday school ah te Christian nun tam tak kan zir chho a, puitling kan nih thlengin kan nun vawngtu a ni fo thin. Amaherawhchu, he kan pianpui Christianna chauh hi ami kan zirpui te , hnathawpuite leh midang ringlotute hnena kan chhuan tur neih chhun chu? Tihian i inzawt ve ngai em le? Ringtu ka ni a, ka pianpui Christianna leh ka tetlaia atanga tunthleng a fel taka ka awmna chauh hi ami ka thlamuanpui a ka chhuanpui reng dawn? Ringtu dik tak erawh chuan ti hian a ti thin, Lalpa bak hi chhuantur ka neilo a, a khawngaihna vang chauh a tun thleng thei hi ka ni sia . Chutiang bawkin in ng chu mi mit hmuhin ng rawh se; chutichuan, in thiltih hatte an hmu ang a, in Pa vna mi an chawimawi thei ang. Matthaia 5:16. Ringtu tan chuan he thu hi kan nun inennawn nan a tha tak ava ni tehlul em! Chuvangin, i inzawt nawn leh ang u hei hi, ka thiltih that atang hian miten (ringtu puite leh ringlotuten) Pathian nge an chawimawi keimah?

June 2, 2013

One Body in Christ

SPECIAL SUNDAY - Thalai Pawl kaihhruaiin Praise and Worship hun hlimawm tak hman ani. Kohhran mi ten hlim leh lawm takin Lalpa ropuizia hla leh thusawi tein an puang chhuak a. Lalpa chu fakin awm rawh se!

SPECIAL NUMBERS Pathianin a pek talent te hmangin, Amah chawimawinan leh fak nan Member ten thahnemngai takin an chanvo te an rawn tihlawhtling thei a. Pathian chu fakin awm zel rawh se!

June 2, 2013

You and God A Readers Column

We ask, You share Your Testimony

Editors Recommended Resources

Ringtutan a tangkai PC apps, mobile apps, powerful sermon links ,articles, websites etc. I hunawlah heng thilte hi lo chhiarin, ilo en ve chhin dawn nia

A:

Bible App for Mobile

Bible apps tam tak a awm a, amaherawhchu offline a chhiar theih leh hman awl tak hi a tam lo. Chung zingah chuan Crossway.org in a free a download theih a siam ESV Bible hi han hmang ve chhin teh. Android leh iOS (iPhone and iPod Touch, iPad) tan a download theih e.
For Android: http://bit.ly/UZBnOsr For iOS: http://bit.ly/13x3DzC

Christian Shop Online

A: T-shirts leh Accessories Pathian thu mawi tak taka inziahna leh a design nalh tak tak leitur i duh chuan, ahnuaia site hi visit ngei chi a ni. (No, we were not paid to write this! )
www.lifestoreindia.com

Inspiring Article
A: Zac Poonen, Indian Navy a kum 11 a tan hnuah, India ram ah leh khawvel hmun hrang hranga rawngbawl turin Pathianin a kochhuak a. Bangalore-ah Christian Fellowship Church dinin kum 40 chuang Pathian rawng a bawl tawh ani. A article ziah pakhat Evangelism should lead to Discipleship tih hi ringtu tan chuan chhiar ngei chi ani.
Article Link - http://bit.ly/13AnPR9