@1a [dd] #/ /rgya gar skad du/ dz'a ta ka n'a la/ bod skad du/ skyes pa'i rabs

kyi rgyud/ bam po dang po/ bcom ldan 'das ngag gi dbang po la phyag 'tshal lo/ /dpal [dd]*ldan yon tan dam pas yongs bzung bkra shis pa/ /grags pa'i gzhir gyur ma smad shin tu yid du 'ong/ /thub pa'i sku tshe snga ma'i spyod pa rmad byung rnams/ /bdag gi snyan dngags me tog*snyim pas gus pas mchod/ /grags pa'i mtshan mar gyur pa bzang po 'di rnams kyis/ /bde bar gshegs 'gyur lam rnams gang yin bstan par 'gyur/ /yid la dad pa*med pa rnams kyang dad par 'gyur/ /chos dang ldan pa'i gtam gyis rab tu dga' bar 'gyur/ /'jig rten mchog gi spyod pa dam pa phyogs tsam gyis/ /bdag gi snyan dngags mnyan*du rung bar bya ba'i phyir/ /lung dang gtsug lag rig par mi 'gal lam bdag gis/ /de ltar 'jig rten don gyur snyam nas 'di brtsams so/ /rang don brtson pas gzhan don brtson pa gang*@2a */ /yin pa/ /yon tan bsgrub pa bzang po'i rjes su mthun ma gyur/ /thams cad mkhyen ces brjod pa ma nor gsal bar grags/ /mnyam med de dang chos dang dge 'dun spyi bos 'dud/ /bcom ldan*'das de sku tshe snga ma la yang/ sems can thams cad la rgyu med par rab tu byams pa'i ngo bo nyid yin pas/ sangs rgyas bcom ldan 'das la sems rab tu dang bas phyag 'tshal lo/ /de yang 'di skad thos so/ /*bdag cag gi bla ma dkon mchog gsum bla mar byed pa/ sgrub pa'i yon tan rnams kyis bla ma mgu bar byas pa/ yon tan gyi tshogs kyis bla mar gyur pa rnams kyis/ bcom ldan 'das kyi sku tshe snga ma'i rtogs pa brjod pa*'di yongs su bsgrags pa rjes su thos te/ byang chub sems dpa' yid dam bcas pa khyad par can dang mthun par gyur pa/ sbyin pa dang/ tshig snyan pa dang/ don spyod pa la sogs pa shes rab kyis yongs su zin pas skyon med*cing snying rje'i rgyu mthun pa rnams kyis 'jig rten yongs su 'dzin pa na/ rang gi chos la mngon par dga' ba las gyur pa'i gtsang sbra dang/ spyod pa dang ldan pa'i bram ze'i rigs chen po je mtho je mthor gyur pa zhig tu skye ba*@2b yongs su bzung bar gyur to/ /zhes grags so/ /de skyes pa'i las bya ba la sogs pas sbyangs pa rim pa bzhin du byas shing mngon par skyes pa ni/ rang bzhin gyis yid gzhungs pa dang/ mgon skyabs kyi khyad par dang/ shes pa ched cher 'dzin pa dang/*le lo med pas ring po ma thogs par rig pa'i gnas bco brgyad dang/ bdag gi rigs dang mi 'gal ba'i sgyu rtsal rnams la slob kyi slob dpon gyi go 'phang dam pa thob par gyur to/ /rig byed shes la de ni tshangs pa bzhin/ /rgyal po rnams kyis bkur bas rgyal*po bzhin/ /skye dgu rnams la brgya byin mngon sum bzhin/ /shes 'dod rnams la don spyod pha dang 'dra/ /de skal ba dang ldan zhing yon tan khyad par can du gyur pas/ rnyed pa dang/ bkur sti dang/ grags pa'i khyad par rnams rab tu byung bar gyur to/ /byang chub*sems dpa' de blo chos la goms par bsgoms pa dang/ rab tu byung ba la 'dris par byas pas de la mngon par dga' bar ma gyur to/ /sngon gyi spyod pas de'i blo yongs su dag /'dod pa rnams la skyon mang mthong nas ni/ /khyim na gnas pa nad bzhin yongs*spangs nas/ /nags tshal gnas shing rab tu brgyan par gyur/ /de ni der yang chags med de yis su/ /shes rab yongs su sbyangs shing zhi ba yis/ /mi yi 'jig rten dam pa'i spyod bral ba/ /ngan par spyod la chags pa bzlog pa bzhin/ /de yi rang bzhin*byams pa'i bdag nyid kyis/ /rnam par brlan pa bzhin du sems mthun zhing/ /phan tshun gnod pa med pa'i sems gyur nas/ /dka' thub can bzhin gcan gzan khro bo'ang spyod/ /spyod pa dag cing dbang po dul ba dang/ /chog shes ldan zhing snying rje'i yon tan*gyis/ /'jig rten dag na skye bo ma 'dris pa'ang/ /gzhan la de byams bzhin du de la byams/ /'dod pa chung la ngan g yo mi shes shing/ /rnyed dang grags dang bde la ma chags pas/ /de la lha rnams yid kyang mgu gyur nas/ /dang zhing gus la rab tu gzhol bar*@!a */ /byed/ /de ni rab tu byung bar mis thos te/ /de yi yon tan rnams kyis sems drangs nas/ /gnyen dang yongs su bzung ba rnams spangs te/ /dgongs sgrub bzhin du de yi slob mar gyur/ /tshul khrims gtsang sbra dbang po dul ba dang/ /dran pa ma*nyams rab tu dben pa dang/ /byams la sogs dang yid ni ting 'dzin la/ /de ni slob ma rnams la ci nus ston/ /de nas bdag nyid chen po de re zhig cig na slob ma'i tshogs rnams ni phal cher yongs su rdzogs shing rgya char gyur/ dge ba'i lam la ni rab tu bkod/*'jig rten pa rnams ni nges pa'i lam dam pa la btsud/ ngan song gi sgo ni bcad pa bzhin du byas/ bde 'gro'i lam ni lam po che bzhin du byas nas/ tshe 'di la bde ba spyad pa'i phyir de'i tshe rjes su mthun pa'i slob ma ma pham pa dang 'grogs te/ rnal 'byor dang mthun*pa'i gnas ri'i sman ljongs zhig tu gnas shing spyod do/ /de nas ri khrod de na ni/ /stag mo phru gu 'brangs pa zhig /phru gu 'brangs pa'i sdug bsngal gyis/

/spyod pa nyams par gyur pa mthong/ /mig gnyis lta ba zhan par gyur/ /bkres pas lto ba rab tu*nyams/ /phru gu bdag gi bu yin kyang/ /kha zas bzhin du lta bar gyur/ /ma la yid gcugs 'jigs med cing/ /nu zho 'dod phyir lhags pa la/ /stag skad nyer nyer sgra 'byin cing/ /gzhan gyi bu bzhin spang bar gyur/ /byang chub sems dpas de mthong*nas/ /brtan yang snying rje'i dbang gyur pas/ /sa g yos pa yis ljon shing bzhin/ /gzhan gyi sdug bsngal gdungs pas 'dar/ /bdag gi sdug bsngal chen pos kyang/ /snying rje'i bdag nyid brtan pa gsal/ /gzhan gyi sdug bsngal chung dus kyang/ /'dar*bar gyur pa de rmad do/ /de nas byang chub sems dpa' rtabs shing rings rings skad du/ smra ba'i tshig rang bzhin khyad par can gsal bar ston pa/ snying rje'i dbang gis tshig 'bru gsal bar slob ma la smras pa/ bu bu 'khor ba yon tan med la ltos/ /gcan*@!b gzan mo ni ltogs nas su/ /byams pa'i mtshams las 'das nas ni/ /rang gi bu yang za bar 'dod/ /kye ma ho bdag la byams pa 'di/ /ha cang ma 'os mi bzod do/ /gang phyir ma yis bdag gi bu/ /za bar 'dod pa ga la srid/ /gang phyir 'di 'dra'i las dag*kyang/ /byed par rtsom pa de lta bu'i/ /bdag la byams pa'i dgra bo de/ /'phel bar byed pa su zhig yod/ /de bas na stag mo dag dang phru gu rnams ma rung bar ma gyur pa 'di bkres pa'i sdug bsngal bsal ba'i rgyu ga shed na myur du tshol cig /bdag kyang 'di'i thub chod*'di las bzlog pa'i phyir 'bad do/ /des kyang de mnyan te de bzhin du bgyi'o byas nas/ de'i zas tshol ba la 'bad par gyur to/ /de nas byang chub sems dpas slob ma de snyad btags te btang nas bsams pa/ bdag gi lus 'di tshang bar yod bzhin du/ /ci phyir gzhan*las sha ni btsal bar bya/ /des kyang rnyed dam mi rnyed gtol med la/ /bdag gi dgongs pa 'di yang mi 'grub srid/ /gnyis su na/ bdag med 'jig la snying po med pa'i lus/ /sdug bsngal drin med rtag tu mi gtsang ba'i/ /lus kyis gzhan la phan thogs*'gyur ba la/ /dga' bar mi 'gyur de ni mkhas ma yin/ /bdag gi bde la chags nas gzhan dag gi /sdug bsngal yal bar 'dor ba mthu med dam/ /gzhan dag sdug bsngal bdag la bde ba med/ /nus pa yod bzhin ci ste yal bar dor/ /nus pa yod*bzhin bdag gis yal bor na/ /gsod pa'i dgra yang sdug bsngal bying ba la/ /yal bar bor na sdig pa byas pa bzhin/ /bdag gi sems ni 'dam bu mes tshig bzhin/ /de bas lus kyis bsrung bar bya ba ni/ /g yang sar lhung la thug pa'i srog yod pas/ /*phru gu bsad la stag mo bsrung ba dang/ /stag mo las kyang de yi phru gu bsrung/ /gzhan yang/ 'jig rten phan brtson rnams la bstan pa dang/ /brtson 'grus zhan pa spro ba bskyed pa dang/ /gtong phod rnams ni dga' ba bskyed pa dang/ /skye bo dam pa'i yid ni drang*@"a */ /ba dang/ /bdud kyi sde chen spa ni bkod ba dang/ /sangs rgyas yon tan dga' ba dang ba dang/ /bdag gi don brtson ngo tsha bskyed pa dang/ /'jungs dang 'dod chen can yang ngo tsha bskyed/ /theg pa mchog la brten pa dad bskyad cing/ /gtong bas*snyems pa ngo mtshar bskyed pa dang/ /gtong la dga' ba rjes su yi rang rnams/ /mtho ris lam chen rnam par sbyang phyir ro/ /lus tsam gyis kyang gzhan la phan thogs par/ /nam zhig 'gyur zhes bdag gis gang bsams pa/ /smon lam la ni 'bras bu yod par bya//*byang chub mchog kyang rab tu nye bar bya/ /'gran phyir ma yin grags pa 'dod phyir min/ /mtho ris 'dod dang rgyal srid bsgrub phyir min/ /bdag gis bde ba mchog thob phyir min gyi/ /gzhan don bsgrub phyir bdag gis 'di brtsams so/ /de bas bdag ni 'di yis dus*gcig tu/ /'jig rten dag la sdug bsngal bde 'byung ba/ /gsal zhing bsgrub pa rtag tu nus gyur cig /nyi mas mun bsal snang byung nus bzhin no/ /mthong zhing thos sam rjes su dran kyang rung/ /reg gam gtam du brjod par gyur kyang rung/ /rnam pa kun du 'gro la*phan pa ni/ /bde dang ldan pa rtag tu byed gyur cig /de ltar gzhan don bsgrub phyir nges byas nas/ /srog dang bral yang rab tu dga' gyur te/ /brtan pa'i lha rnams ngo mtshar skye 'gyur bar/ /bdag gis lus ni de nas bor bar gyur/ /de nas stag mo des byang chub*sems dpas lus bor ba'i sgra de thos shing ngo mtshar skyes nas/ bdag gi phru gu bca' ba btang ste/ de nas mig gnyis kyis bltas nas/ byang chub sems dpa' de'i lus srog dang bral ba mthong nas/ de ma thag tu nye bar 'ongs nas bza' bar brtsams so/ /de za*zhing 'dug pa dang/ de'i 'og tu de'i slob ma des sha ma rnyed par slar 'ong ste/ mkhan po gang na bzhugs snyam nas bltas pa na/ byang chub sems dpa' der lus srog dang bral nas stag mo des za zhing 'dug pa mthong ba dang/ des de'i spyod pa khyad par can de ngo mtshar che*@"b bar bzung nas/ mya ngan dang sdug bsngal gyi shugs btang ste/ de'i yon tan gyi gzhi la smon pa'i tshig tu smras pa bzhin du yid la bsam pa tshig tu smras pa/ ae ma'o sdug bsngal can la snying re rje/ /bdag nyid che ba bdag gi bde

ma chags/ /dam pa rnams kyi spyod pa*mchog tu byas/ /gzhan gyi dpal dang grags pa zil gyis mnan/ /ae ma'o rab tu dpa' ba 'jigs pa med/ /yon tan byams mchog rnam par bstan/ /ae ma'o yon tan chen po bdag gi lus/ /phyag gi gnas kyi khyad par can du byas/ /rang bzhin zhi ba sa gzhi*bzhin du brtan/ /ae ma'o gzhan gyi sdug bsngal mi bzod pa/ /ae ma'o dpa' bo phun sum tshogs pa 'dis/ /bdag gi skyon ni rab tu grags par gyur/ /mgon po 'dis ni mgon dang bcas byas pas/ /da ni 'gro ba mya ngan bya mi dgos/ /gzhan gyis pham du byas*pa'i bdud dag kyang/ /da ni nges par shugs kyang nar zhes 'byin/ /yong ye skal ba chen po 'di sems can thams cad kyi skyabs su gyur pa/ thugs rje shin tu rlabs che ba/ snying stobs dpag tu med pa/ byang chub sems dpa'i don ji lta bu nyid la phyag 'tshal*lo/ /zhes smras nas/ de nas de'i don de tshangs par spyod pa rnams la sbran no/ /de nas de yi spyod pas ngo mtshar gyur pa'i slob ma dang/ /dri za gnod sbyin klu dang sum cu rtsa gsum bdag po rnams/ /phreng ba na bza' rgyan dang tsandan phye ma char phab pas/ /de yi*sku gdung rin chen mdzes pas sa gzhi khebs par byas/ /de lta bas na/ bcom ldan 'das de sku tshe snga ma la yang sems can thams cad la sgyu med par rab tu byams pa'i rang bzhin can sems can thams cad bdag gir gyur pa yin pas/ sangs rgyas bcom ldan*'das la rab tu dad par bya'o/ /dad pa skyes pa rnams kyis sangs rgyas bcom ldan 'das rnams la dga' ba bskyed par bya'o/ /de lta bas na de ni bdag cag gis dad par bya ba'i gnas yin no/ /zhes de ltar yang sbyar bar bya'o/ /de ltar chos kyang bya dka' ba mang*@#a */ /pos bsgrub pa yin pa'i phyir rim gro bskyed de chos mnyan par bya'o/ /de ltar snying rje ni gzhan la phan 'dogs pa'i rgyu yin zhing ngo bo nyid khyad par can bsgrub pa yin pa'i phyir/ snying rje'i yon tan la yang bsngags pa brjod par bya'o/ /byang chub*sems dpa'i rtogs pa brjod pa'i rgyud las rtogs pa brjod pa dang po'o// //bcom ldan 'das des bya dka' ba brgya phrag mang pos/ bdag cag gi don du dam pa'i chos 'di yang dag par bsgrub pa'i phyir rim gro bskyed de chos mnyan par bya'o/ /de yang*'di skad thos te/ bcom ldan 'das 'di byang chub sems dpar gyur pa'i tshe/ dpag tu med pa'i dus nas goms par byas pas/ bsod nams kyi las bsags shing 'dris par byas pa de/ re zhig cig yul shi pi pa rnams kyi rgyal por gyur to/ /zhes*grags so/ /de byis pa nas rgan po la bsnyen bkur byed pa la dga' ba/ dul ba la rjes su dga' ba/ rje blon byams pa/ rang bzhin gyis yid gzhungs pa/ rig pa du ma rtogs pas blo rgya che ba/ spro ba dang/ gsang tshig dang/ gzi byin gyi mthu dang skal ba phun sum tshogs pas skye dgu*rnams bdag gi pu bzhin skyong bar gyur to/ /de la 'khor gsum rjes mthun yon tan tshogs/ /phan tshun 'gran pa bzhin du gnas par gyur/ /dngos po thams cad yongs su rdzogs gyur zhing/ /'gal zhing 'khrug pas gtses pa med par gyur/ /ma dul*'chal pa rnams la 'phya 'gyur ba/ /blun po rnams ni rab tu phung byed pa/ /bdag nyid chung du rnams ni myos 'gyur gang/ /dpal de de la ming ni don bzhin gyur/ /rang bzhin rgya che snying rje'i yon tan ldan/ /rgyal po de ni nor la dbang yod phyir/ /phongs pa rnams*ni 'dod pa'i don grub pas/ /ngo 'dzum mi gnag bzhin bzang mthong bas dga'/ /de nas rgyal po sbyin pa la dga' bas/ grong khyer gyi kho ra khor yug tu sbyin pa'i khang par nor dang/ 'bru dang/ yo byad thams cad phun sum tshogs pa brtsigs su bcug nas/*@#b bdag gi bdag nyid che ba dang rjes su mthun pa/ re ba ci lta ba bzhin du skong ba/ gus pa dang bcas pas yid dga' bar byed pa/ dus bzhin du 'byor pas yid du 'ong ba'i sbyin pa'i char rdzogs ldan gyi dus kyi sprin bzhin du phab par gyur te/ zas 'dod pa rnams la ni zas/*btung ba 'dod pa rnams la ni btung ba/ mal cha dang/ stan dang/ gos dang/ bza' ba dang/ byug pa dang/ spos dang/ phreng ba dang/ gser dang/ dngul la sogs pa 'dod pa rnams la de dag char bzhin du phab po/ /de nas rgyal po de'i sbyin pa rlabs po che de thos*nas/ phyogs tha dad pa'i yul na gnas pa'i mi rnams ya mtshan che zhing snying dga' bar gyur te yul der lhags so/ /mi yul kun tu yid kyis brtags na yang/ /gzhan du bslang ba'i skabs ni ma rnyed nas/ /phongs pa rnams ni dga' bzhin der lhags pa/ /nags*tshal glang po mtsho chen dang lhags bzhin/ /de nas rgyal po de skye bo slong ba thob tu re bas yid dga' bar gyur pa 'gron po'i chas su zhugs pas/ mi sdug par gyur pa rnams so so nas lhags pa dang/ skye bo mdza' bshes byes nas 'ongs pa dag /mthong bar gyur na*dga' ba'i mig bgrad bzhin/ /slong ba'i tshig ni gtam snyan thos bzhin dga'/ /byin nas dga' ba slong ba las kyang lhags/ /sbyin pa las byung de yi grags pa'i dri/ /phongs pa'i tshig gi rlung gis bsgrags pa dag /rgyal po gzhan gyi dregs pa med

byas*pas/ /spos kyi glang pos glang po gzhan gyi bzhin/ /de nas re zhig cig /rgyal po de sbyin gtong gi khang pa rnams nyul du song song ba dang/ phongs pa rnams re bskong ba'i slong ba'i skye bo 'du ba nyung ba mthong nas/ sbyin pa'i bsod nams mi 'phel bar 'gyur*bas mgu bar ma gyur to/ /de la brten nas phongs pa tshim par gyur/ /sbyin la dpa' ba de ni snying ma tshim/ /phongs pa rnams kyis slong ba'i tshad dag gis/ /de yi sbyin pa'i tshad la thub ma gyur/ /des bsams pa phongs pa rnams 'dzem pa med cing bag med*@$a */ /par/ bdag gi lus slong ba yang yod na skyes bu dam pa ya rabs de dag re skyid/ ngas nyon mongs pas phongs pa rnams tshig rtsub pas bsdigs te bskrad pa bzhin du nor tsam la yang bag bskum ste slong mi phod par gyur to snyam mo/ /de nas*rgyal po'i sbyin pa rlabs po che/ /bdag gi lus la 'ang mngon par ma chags par/ /sbyin par bya ba rnam rtog de rig nas/ /bud med khyo la gdung bzhin sa g yos so/ /de nas lha'i dbang po brgya byin sa gzhi g yos pas ri'i rgyal po ri rab rin po che'i 'od*gsal ba yang g yos par gyur pa dang/ 'di ci snyam du rtogs pa skyes so/ /rgyal po de'i rnam par rtog pa khyad par can de las sa g yos par rig nas/ sems la ya mtshan che bar gyur nas bsams pa/ sbyin la rab tu dga' ba'i yid kyis su/ /'di*ni rgyal bos gyi nar rnam brtags sam/ /bdag gis lus 'di nges par sbyin byas na/ /'on te snying nas 'bad de bsam pa yin/ /de bas na/ da 'di re zhig brtag par bya'o snyam mo/ /de nas rgyal po de blon po'i tshogs kyis bskor te 'khor gyi nang na 'dug pa*dang/ phongs pa rnams la gar 'os 'os su gang ci 'dod ces bos te/ nor bu rin po che dang/ gser dang/ dngul dang/ nor gyi tshogs rnams ni byung ste/ dkor gyi bla ma rnams kyis spyan pa byas nas gos rnam pa sna tshogs kyis bkang ba'i snod rnams ni kha*phyes/ bzhon ba dul ba sna tshogs kyis drangs pa'i shing rta'i khyad par bzang po rnams ni bsogs/ skye bo phongs pa rnams ni so so nas lhags pa dang/ lha rnams kyi dbang po brgya byin bram ze rgan po long ba cig gi gzugs su bsgyur nas/ rgyal po'i spyan sngar*'ongs bar gyur to/ /de nas rgyal po de'i snying rje dang byams pa bsgom pa'i lta ba brtan zhing gsal la zhi bas bsu ba bzhin 'khyud pa bzhin du bltas pa dang/ rgyal po'i 'khor rnams kyis ci 'dod ces dris nas/ mi'i bdag bo dang nye bar 'ongs nas rgyal*@$b bar gyur cig tshig gis shis pa brjod de/ rgyal po la 'di skad ces smras so/ /sa bdag dam pa khyod kyi spyan 'tshal phyir/ /rgan po ring nas mi mthong bzhin du mchis/ /padma'i spyan mnga' spyan ni gcig pus kyang/ /'jig rten bdag pos 'jig rten bgyi ba*'grub/ /byang chub sems dpas yid la bsams bzhin smon lam rab tu grub pas rab tu dga' zhing rab tu spro bar gyur te/ ci bram ze 'dis 'di bden par smras sam/ 'on te 'di lta bu'i rtog pa la goms pas/ bdag nyid kyis 'di lta ba zin snyam du rtogs pa*skyes nas/ yid la mig slong ba'i tshig snyan pa nyan par 'dod de/ mig slong ba de la smras pa/ bram ze'i gtso bo nga la mig slong ba/ /su yis bstan nas khyod ni 'di ru 'ong/ /mig ni rab tu gtang dka' zhes grags pa'i/ /srid pa su zhig nga la med par*'gyur/ /de nas bram ze'i cha lugs su bsgyur ba'i brgya byin des/ rgyal po de'i bsam pa rig nas smras pa/ brgya byin 'dra ba brgya byin gyis bstan nas/ /khyod la spyan slong slad du 'dir mchis so/ /de yi srid dang bdag gi re ba dag /spyan stsal bas ni*'bras bu mchis par mdzod/ /de nas rgyal po des brgya byin smos pas/ lha'i mthus bram ze'i mig 'di/ gdon mi za bar cho ga 'dis mig dang ldan par 'gyur ro snyam du bsams nas/ rab tu dga' ba'i tshig gsal bas de la 'di skad smras so/ /yid la*rib gang gis 'dir 'ongs pa'i/ /bram ze khyod kyi re ba de ngas bskang/ /nga yi mig ni ya gcig 'dod pa las/ /khyod la mig ni gnyis ka ngas sbyin gyis/ /des khyod autpal rgyas pa'i mig gis gdong brgyan nas/ /ci ste 'di nyid yin nam 'on te ma yin zhes/*nam rtog yengs pa de 'di yin zhes ngo mtshar gyur/ /ji ltar 'dod pa'i gnas su 'gro bas mthong bar song/ /de nas rgyal po de'i blon po rnams mig sbyin pa stsol bar rig nas brtab pa dang bcas pa'i shugs kyi skrag pas gdungs pa'i yid du gyur nas/ rgyal po la*@%a */ /smras pa/ sbyin pa la dgyes ches na mi rigs pa dang gnod par 'gyur ba mi brtag par lha de ltar mi mdzad du gsol/ spyan stsal bar mi rigs so/ /bram ze 'di ni gcig pu'i phyir/ /bdag cag thams cad mi 'dor gsol/ /skye dgu*bde bar bskyed pa rnams/ /mya ngan zhugs kyis mi bsreg gsol/ /dpal chen skyed par byed pa'i nor rnams dang/ /dpal dang ldan pa rin chen ba bzhon dang/ /dul ba'i rta dang sbyar ba'i shing rta stsol/ /glang po dregs pas gzi ldan 'gying ba stsol/ /rkang gdub*'khrol ba'i sgra rnams grags pa yi/ /khang pa dus rnams kun tu bde ldan pa/ /ston ka'i sprin bas rab tu dkar ba stsol/ /'gro ba'i mig gcig nyid kyi spyan ma stsal/ /gzhan yang rgyal po re zhig dgongs

su gsol/ /gzhan gyi mig gzhan la ji ltar sbyar*du rung/ de ste 'di lha yi mthu ci lags na/ khyod kyi spyan la yang ltos ci 'tshal/ lha gzhan yang gzhan gyi 'byor pa dbang byed pa/ mig gis dbul la ci zhig bgyi/ /de bas dkor las stsal du gsol/ /lha gcig thub chod mi mdzad gsol/ /*de nas rgyal po des/ blon po rnams la byams pa'i tshig 'jam pos smras pa/ gang zhig sbyin zhes smras nas ni/ /mi sbyin pa yi blo bskyed pa/ /de ni 'dod pa'i zhags pa yis/ /bdag nyid slar ni 'ching bar byed/ /sbyin no zhes ni khas blangs nas/ /gang*zhig yid la gzhan sems pa/ /ser snas ma nges blo can de/ /de las sdig che gang zhig yod/ /sbyin no zhes ni khas blangs pas/ /phongs pa'i re ba brtan byas nas/ /bslu ba'i tshig ni rtsub po de'i/ /skyin po'i bsab pa ci yang med/ /gang yang khyed*na re/ lha'i mthu nyid kyis 'di'i mig yod par ci'i phyir mi 'gyur zhes zer ba de yang nyon/ rgyu gcig gis ni 'grub pa yi/ /'bras bu gang yang yod ma yin/ /lha rnams kyis ni byas pa yang/ /rgyu rkyen gzhan la ltos pa yod/ /de bas na ngas sbyin pa chen po*@%b byed pa la khyed kyis gegs byed par mi rigs so/ /de nas blon po rnams kyis smras pa/ lha nor dang/ 'bru dang/ rin po che la sogs pa rnams stsal bar rigs kyi/ spyan ni stsal bar mi rigs so/ /zhes bdag cag gis sngar gsol ba lags te/ de bas na*bdag cag lha shul ma lags par gshegs su mi gsol lo/ /rgyal pos smras pa/ gang zhig slong ba de nyid sbyin par bya/ /mi 'dod pa ni byin yang dga' mi 'gyur/ /chus khyer ba la chu yis ci zhig bya/ /de bas slong ba'i don 'di 'di la sbyin/ /de nas*rgyal po'i blon po chen po rab tu yid gcugs shing 'dris pa gcig byams pa'i shugs kyi zhes btang ste/ rgyal po de la smras pa/ kye cung zhig gzhes shig /la las dka' thub ting 'dzin cho ga chen pos gang zhig thob 'gyur zhing/ /gang la brten nas mchod*sbyin chen po mang pos grags dang mtho ris thob/ /brgya byin longs spyod la yang 'gran pa'i rgyal po'i rgyal srid thob pa de spangs nas/ /ci zhig mthong nas khyod kyis mig sbyin cho ga 'di ni su las lobs/ /mchod sbyin byas pas sum cu rtsa gsum nye/ /grags pas*kun tu rab tu gsal 'gyur zhing/ /mi dbang gtsug gi 'od kyis rkang brgyan pa/ /ci zhig 'dod phyir mig ni sbyin par byed/ /de nas rgyal po des blon po rnams la byams pa dang bcas pa'i tshig gis smras pa/ da 'bad 'di nas sa kun thob phyir min/ /mtho*ris thar pa grags pa thob phyir min/ /slong ba 'di ni don med mi 'gyur zhing/ /'jig rten bskyab phyir nga ni 'di ltar 'bad/ /de nas rgyal po des me tog autpal mthing ga'i 'dab ma ltar mdzes shing yid du 'ong ba'i mig ya gcig sman dpyad las byung ba bzhin*du dal bus ma snad par phyung ste rab tu dga' bzhin du mig slong ba la byin to/ /de nas lha'i dbang po brgya byin gyis ci nas kyang mig de de'i mig tu gnas par gyur pa/ rgyal po 'khor dang bcas pa des mthong bar gyur pa de lta bu'i rdzu 'phrul mngon par byas so/ /de*@&a */ /nas mig ya gcig phyes te/ slong ba po la bltas pa dang/ rgyal po de snying rab tu dga' bar gyur nas/ mig ya gcig kyang de la byin to/ /de nas rgyal po de yis mig byin nas/ /padma med pa'i padma'i mtsho 'dra gdong/ /gzhan la med pas*rab tu dga' bar gyur/ /bram ze'ang mig dang ldan par 'khor gyis mthong/ /rgyal po'i btsun mo 'khor dang pho brang 'khor rnams kyang/ /mya ngan mchi mas sa gzhi thams cad chag chag gdab/ rgyal po rdzogs pa'i byang chub blo brtan mthong nas ni/ /brgya byin de*yang ngo mtshar che zhing rab tu dga'/ /de nas brgya byin ngo mtshar chen pos sems rab tu dga' ba dang dang bar gyur nas 'di snyam du sems so/ /ae ma'o brtan zhing snying stobs che/ /ae ma'o sems can phan 'dogs pa/ /las 'di mngon sum gsal gyur kyang/ /the*tshom za bar gyur pa 'dra/ /de lta bas na ngo mtshar che ba'i sems can 'di yun ring du 'di ltar nyon mongs su gzhug par mi rigs kyi/ thabs kyis 'di'i mig slar skye bar 'gyur bar bya'o snyam mo/ /de nas rgyal po de'i rim gyis mig gi rma ni sos so/ /btsun*mo'i 'khor dang pho brang 'khor gyi mi rnams kyi mya ngan srabs kyi song nas/ rab tu dben par 'dod pa'i phyir rdzing bu'i 'gram na me tog gi ljid kyis non pa'i shing bzang po stug po yod pa ser bu bsil zhing bde la dri zhim po'i ngad ldang ba/ bung ba mang pos sgra 'byin pa*zhig tu skyil mo krung bcas te 'dug pa dang/ lha'i dbang po brgya byin mdun du 'ongs so/ /de nas rgyal pos 'di su yin zhes dris pa dang/ smras pa/ nga ni lha'i dbang po brgya byin yin te khyod kyi drung du 'ongs so/ /gshegs pa legs so ci bzhed pa bka' stsal du*gsol/ zhes zhes dang bcas pas smras pa dang/ rgyal bo la yang smras pa/ rgyal po drang srong nga la ci 'dod pa'i mchog de slong cig /de nas rgyal po de sbyin pa la goms shing slong ba la ma goms pa'i phyir brtan pas 'dzum zhing ngo mtshar mi che zhing rlabs can du smras pa/ brgya byin bdag*@&b la nor mang

zhing/ /dmag tshogs che zhing mthu dang ldan/ /da ni long bar gyur pas bdag /'chi ba 'ba' zhig mngon par 'dod/ /gzhan yang slong ba rnams ni yid la re ba kun/ /yongs su bskongs pas rab tu dga' 'gyur zhing/ /legs par lta ba'i*bzhin rnams mi mthong bas/ /de phyir dbang po bdag ni 'chi bar dga'/ /brgya byin gyis smras pa/ skyes bu dam pa rnams 'di lta bu nyams su myong bar gyur gyis/ de snyam du ma sems shig /'on kyang khyod la ngas dri'o/ /slong ba rnams kyis 'di lta'i*gnas skabs gyur byas nas/ /da ni de la khyod kyi yid ni ci snyam sems/ /ci nas yid ni rab tu ches par 'gyur ba ru/ /de ni gsang ba med par rab tu smra bar gyis/ /rgyal pos smras pa/ bdag dom du zhugs pa de tsam du khyod la ci yid ches/ 'on kyang lha yi*dbang po gsan du gsol/ /de tshe nga ni de ltar slong rnams kyis/ /slong zhes nges par smra ba'i tshig rnams la/ /shis pa brjod pa bzhin du bdag dga' na/ /bdag gi mig ni ya gcig mthong bar shog /de nas rgyal po de'i bden pa'i byin rlabs kyi mthu dang bsod*nams spel ba'i khyad par gyis/ tshig de skad smras ma thag tu me tog autpal mthing ga'i dbus rin po che aan da rnyil gyis spras pa 'dra ba'i mig ya gcig mthong bar gyur to/ /ya mtshan che ba'i mig des mthong bar gyur nas rgyal po de sems rab tu dga' bas/ yang*brgya byin la smras pa/ gang yang bdag la mig ya gcig slongs nas/ /de la bdag gis mig gcig dga' bzhin byin/ /dga' zhing spro la rtse gcig sems gyur na/ /ya gcig mig kyang bdag la yod par shog /de nas de skad smras ma thag tu rgyal po de'i*mig ya gcig kyang snga ma dang 'dra ba bzhin du yod par gyur to/ /de nas ri dang bcas pa'i sa chen g yos/ /rgya mtsho'i rlabs kyang dus las 'das pa byung/ /lha rnams kyis ni rnga bo che dag kyang/ /zab cing snyan pa'i sgra chen sgrogs par gyur/ /phyogs rnams kun kyang*@'a */ /dangs shing gsal bar snang/ /ston ka'i dus bzhin nyi ma gsal bar snang/ /tsandan phye mas bsgos pa'i me tog rnams/ /nam mkha'i nang nas ldeng zhing bab par gyur/ /lha yi bu mo 'khor bcas lha rnams kyang/ /ya mtshan che ba'i mig*bgrad der lhags gyur/ /ser bu yid du 'ong ba bde ba ldan/ /'gro ba rnams kyi yid kyi dga' bar gyur/ /'byung po mthu chen ngo mtshar gyur pa rnams/ /yid ni rab tu dga' bas khyab gyur nas/ /rgyal po'i spyod mchog bstod pa'i gzhi brjod pa/ /snyan pa'i tshig*rnams kun tu grags par gyur/ /ae ma'o rlabs chen ae ma'o snying rje che/ /'di yi sems ni ji ltar rnam dag ltos/ /ae ma'o bdag gi bde la sems ma chags/ /brtan zhing dpa' mchog khyod la phyag 'tshal lo/ /padma'i spyan ni dpal ldan slar rgyas pas/ /*khyod kyis 'gro ba mgon bcas bgyis pa legs/ /ae ma'o bsod nams tshogs ni don yod pa/ /ring zhig lon nas khyod kyi byin gyis rgyal/ /de nas brgya byin gyis legs so legs so/ /zhes bya bas de mgu bar byas nas yang smras pa/ rgyal po khyod kyi bsam pa dag*pa ni/ /nga yis sngar nas mi shes ma yin te/ /rgyal po khyod kyi mig 'di gnyis/ /de ltar khyod la sbyin pas na/ /dpag tshad brgyar ni khor yug tu/ /brag ri rnams kyis bar bcad kyang/ /khyod kyi mig ni 'di gnyis kyis/ /thogs pa med par mthong bar 'gyur/ /*zhes smras nas/ brgya byin de nyid du mi snang bar gyur to/ /de nas byang chub sems dpa' blon po chen po rnams dang/ rjes su 'brang ba rnams dang pho brang 'khor gyi mi rnams ya mtshan che zhing sems rab tu dga' bar gyur pa'i mig gis lta zhing/ bram ze rnams kyis*kyang rgyal bar gyur cig /ces bya ba'i shis pa brjod pa'i tshig smra bas mngon par dga' bar byas te/ pho brang dam pa rgyal mtshan dang ba dan sna tshogs btsugs pa/ mngon par mtho ba'i rgyan rnams kyis brgyan par phyin nas/ 'khor gyi nang na 'dug ste dga' ba lta*@'b ba'i phyir lhags pa'i blon po la sogs pa bram ze dang/ pho brang 'khor gyi mi ya rabs rnams la de ltar bdag gis nyams su myong ba'i chos bshad de/ rab tu sbyin pa'i bsod nams las gyur pa'i/ /lha yi mthu ldan nga yi mig mthong nas/ /phongs pa rnams ni*nor gyis mgu byas la/ /'jig rten na ni su zhig bsgrim pa lhod/ /dpag tshad brgya ni tshun chad du/ /brag ri mang pos bar bcad kyang/ /shin tu ring na gnas pa yang/ /blta bar bya ba gsal bar mthong/ /gang phyir mi yi mig ni 'dir byin nas/ /mi las 'das*ba'i lha mig bdag gis thob/ /gzhan la brtse zhing dul ba las byung ba'i/ /sbyin las gzhan pa'i mngon mtho'i thabs gang yod/ /shi pi pa rnams de ltar rig byas nas/ /sbyin dang spyad pas nor rnams don yod byos/ /'jig rten 'di dang gzhan la'ang 'di nyid*ni/ /grags pa che ba'i bde ba 'byung ba'i lam/ /'jig rten phan phyir byin pa gang yin pa/ /snying po med pa'i nor yang snying por spyod/ /sbyin pa byas na gter dang 'dra bar 'gyur/ /ma sbyin na ni shin tu chud zos 'gyur/ /de ltar bcom ldan 'das des bdag*cag gi phyir bya dka' ba mang pos dam pa'i chos 'di bsgrubs pa yin pas/ rim gro bskyed de chos mnyan par

bya'o/ /de bzhin gshegs pa'i che ba nyid dang/ snga ma bzhin du snying rje'i yon tan bsngags pa dang/ tshe 'di nyid la bsod nams kyi 'bras bu mthong bar*'gyur ba la yang brjod par bya'o/ /de ltar rim gro bskyed de bsod nams bsags pa ni/ bdag gis mthu chen po thob par 'gyur ba'i me tog grags pa'i rgyun chags pa yid du 'ong ba tshe 'di nyid la bstan pa yin no/ /yul shi pi pa'i rgyal por skyes pa'i rabs te gnyis*ba'o// //sems rab tu dang ba las byung ba dang/ snod khyad par can la sbyin pa byin pa ni rnam par smin pa che ba'i phyir chung zhes bya ba gang yang med do/ /de yang 'di skad thos te/ bcom ldan 'das 'di byang chub sems dpar gyur pa'i tshe/ yul kos le'i rgyal*@1(a */ /por gyur to zhes grags so/ /de yang spro ba dang gsang tshig dang mthu dang nus pa phun sum tshogs pa la sogs pa rgyal po'i yon tan rnams mchog tu gyur du zin kyang skal ba phun sum tshogs pa'i yon tan bzang pos 'byor pa lhag par gyur to/ /*skal ba phun sum tshogs brgyan pas/ /de yi yon tan lhag par gsal/ /ston ka'i dpal ni gsal gyur pas/ /zla ba'i 'od zer gsal ba bzhin/ /des dgra dregs pa rnams kyang btang/ /de la brten pa rnams la chags/ /khros dang byams pa'i rjes 'brang*dpal/ /rgyal po gzhan la de ltar gyur/ /de ni chos kyi bdag nyid gyur pas na/ /gzhan la gnod pa'i sems dug med par 'gyur/ /de yi dpal ni dgra la mi 'go bas/ /'bangs kyang de la glo ba nye bar gyur/ /de bdag gi tshe snga ma 'das pa rjes su dran par gyur to/ /*de rjes su dran par gyur pas rab tu skye bar gyur nas/ dge sbyong dang bram ze dang phongs pa dang slong ba rnams la/ bde ba'i rgyu dang gzhir gyur pa'i sbyin pa khyad par can byin par gyur to/ /tshul khrims kyi sdom pa ngan pa ma yin pa dang/ gso sbyong nges par gnas pa dag kyang dus*mtshams kyi nyin par yang dag par len to/ /rgyal po'i 'khor dang/ bdag gi btsun mo'i 'khor gyi nang na bsod nams kyi mthu bsgrags pa dang/ 'jig rten pa rnams legs pa la bkod pa 'dod pas dang ba'i sems kyis don nges pa'i tshigs su bcad pa 'di gnyis yang*dang yang du smras so/ /bde bar gshegs la bkur sti byas pa chung ngu yang/ /'bras bu 'byor pa chung ngu med ces sngon thos kyi/ /zan dron khengs pa rtsub mo lan tsh)a med pa yi/ /'bras bu 'byor pa chen po 'di ltar gyur la ltos/ /shing rta sna tshogs rta dang glang po 'gying ba*dang/ /bdag gi dmag tshogs chen po 'di dang sa chen 'di/ /nor mang dpal yang rjes chags btsun mo rgya chen ldan/ /zan dron changs cig 'bras bu grub pa bzang po ltos/ /blon po chen po rnams dang/ bram ze rgan po rnams dang/ pho brang 'khor gyi mi stod rim rnams*@1(b yid la ngo mtshar cher gyur kyang/ rgyal po chen po ci la dgongs te/ tshigs su bcad pa 'di gnyis rtag tu gsungs zhes de la slar zhu ma nus so/ /de nas rgyal po de'i btsun mo gnang chen smra ba'i spobs pa thogs pa med pa cig ngo mtshar skyes nas/ gtam gleng ba'i skabs*su bab ste 'khor gyi nang du de la zhus pa/ mi yi bdag po nges par gsungs pa ni/ /thugs la dgongs pa dgyes pa zhal du byung/ /khyod kyis de skad gsungs pas bdag gi sems/ /ngo mtshar che bas rab tu g yengs par gyur/ /skye bo 'di yis de ni thos rung na/ /rgyal*po ci phyir gsungs pa bka' stsal gsol/ /gsang na de skad gar yang mi bsgrags te/ /de bas bdag gis gus pas zhu ba lags/ /de nas rgyal po de dga' zhing rab tu byams pa'i lta bas btsun mo la bltas te/ 'dzum pa'i bzhin mdangs dang ldan pas smras pa/ /*don dang rgyu mtshan ma phyes par/ /nga yis smras pa 'di thos nas/ /'di ni khyod nyid 'ba' zhig tu/ /ngo mtshar che gyur yid g yos min/ /blon po chen po tshogs pa 'di dag thams cad kyang/ /yid ni ngo mtshar chen pos rab tu g yos par gyur/ /nga yi pho brang 'khor dang*btsun mor bcas pa yang/ /gang phyir nga yis de skad smras pa mnyan par gyis/ /gnyid las sad pa bzhin du skye ba ngas dran pa/ /tshul dang ldan yang nor tsam gyis ni mtho ba la/ /las kyis mgu bar byas nas dman chas 'tsho ba yis/ /gla mi gcig tu grong khyer 'dir ni nga gyur to/ /*gzhan gyis brnyas shing ngal ba dman pa'i gla de yang/ /skyabs su re zhing mi 'tshor dogs nas de la zhugs/ /dge slong bzhi sde bsod snyoms phyir lhags mthong bar gyur/ /dbang po dul zhing 'dge slong dpal gyi rjes 'brangs bzhin/ /'jam pa'i yid kyis de la phyag*'tshal nas/ /zan dron tsam cig bdag gis khyim du gus par byin/ /de yis myu gu tsam zhig byung ba 'di yin te/ /rgyal po gzhan gyi gtsug gis nga yi zhabs la gtugs/ /nga yis de la bsams nas ni/ /lha mo khyod la smras pa yin/ /bsod nams kyis ni*@11a */ /ngoms mi myong/ /dgra bcom mthong bas mi ngoms so/ /de nas lha mo dga' zhing ya mtshan che ba'i mig bgrad nas/ rgyal po la rab tu gus par blta zhing smras pa/ mngon par mtho ba'i khyad par 'di lta bu ni/ bsod nams kyi rnam par smin pa lags*par gda'o/ /rgyal po chen po 'di ltar mdzad

pa la gus pa ni/ bsod nams kyi 'bras bu mngon sum du gyur pa'i slad du'o/ /de bas na 'di ltar dngos sdig mi mdzad pa dang/ skye dgu rnams la pha bzhin du yongs su skyong ba legs par mdzad pa dang/ bsod nams kyi*yon tan bsgrub pa la mngon par phyogs pas lags so/ /grags dang dpal dang sbyin pa phun sum tshogs pas 'bar/ /bka' lung gnyen po rgyal po gzhan gyi spyi bos nod/ /bser ma langs pas rlabs bskyod rgya mtsho'i gos gyon pa'i/ /chos kyi tshul bzhin sa chen*yun ring skyong bar 'gyur/ /rgyal pos smras pa/ lha mo de de ltar ga la zhig ma yin/ mtshan ma bzang pos mngon par mtshon pa legs pa'i lam/ /de nyid la ni bdag gis da dung bstan par bya/ /'jig rten pa ni sbyin pa'i 'bras bu thos nas ster/ /nga bdag*nyams su myong na ci phyir sbyin mi bya/ /de nas rgyal po des lha mo bzhin du dpal 'bar ba'i lha mo la rab tu byams pas bltas nas/ dpal phun sum tshogs pa la sems zhen pas yang smras pa/ skar ma'i nang na zla ba bzhin/ /bud med nang na rnam par mdzes/ /shin tu*yid 'ong 'byung ba'i las/ /dge ldan khyod kyis ci zhig byas/ /lha mos smras pa/ lha bdag gis kyang tshe snga ma cung zad cig bgyis pa rjes su dran no/ /de smros shig ces rgyal pos dris pa dang/ smras pa/ byis pa'i tshe na myong ba rjes dran bzhin/ /bdag ni bran*mo byed pa'i tshe na zan changs cig /thub pa zag pa zad la gus par phul ba yis/ /de tshe gnyid kyis log pa 'dir ni sad pa bzhin/ /mi rje lhas mdzad dge ba de ni bdag gis dran/ /de yis bdag ni sa dang bcas pa'i mgon du gyur/ /zag pa zad la byas pa chung ba gang*@11b yang med/ /ji ltar thub pas bka' stsal bzhin du khyod kyis gsungs/ /de nas rgyal po des bsod nams kyi 'bras bu mthong bas/ bsod nams la gus pa bskyed par sems rab tu dad par gyur pa'i 'khor ya mtshan che la rtse gcig tu gyur par rig nas/ nges par*'di 'dra cung zad cig rjes su dran to/ /dge ba mi che bas kyang rnam smin rgya chen dpal 'di mthong nas su/ /sbyin dang tshul khrims spyad pas bsod nams bya la mi 'bad su zhig yod/ /nor gyis chog par yod kyang ser sna'i mun pas gang zhig blo bsgribs nas/ /sbyin pas*grags pa thob par mi byed mi de bltar mi rung/ /dbang med par ni gang zhig btang dgos de bzhin su la'ang phan mi thogs/ /nor de rigs par btang na gal te yon tan 'ga' zhig thob gyur na/ /yon tan rnams ni yod bzhin de la su zhig ser sna'i lam la brten/ /sbyin*pa las byung yon tan dga' ba la sogs sna tshogs grags dang ldan/ /sbyin pa zhes bya gter chen rjes 'gro rkun po la sogs thun mong min/ /sbyin pa 'dod dang ser sna'i skyon gyis rdul can sems ni sbyong bar byed/ /sbyin pas 'khor ba'i lam bgrod ngal ba med pa bzhon pa bde*ba yin/ /sbyin pas bde ba mang po 'grub cing grogs po bzang po'i mchog yin no/ /'byor pa phun sum tshogs pa'am bka' lung yon tan nam/ /sum cu rtsa gsum pho brang gnas sam gzugs bzang yon tan nam/ /gang zhig 'dod pa de dag thams cad sbyin pas*thob par 'gyur/ /de ltar nges don gtan la phab na sbyin pa sus mi byed/ /sbyin pas nor gyi snying po len par gsungs/ /sbyin pa dbang phyug rnams kyi rgyu zhes gsungs/ /sbyin pa dpal ldan skye po mchog gi tshul/ /shes rab chung dus rdul tsam sbyin mi nus/ /de nas*'khor de dag gis rgyal po de'i tshig bzung ba la rab tu dga' zhing gus par byas nas/ sbyin pa la sogs pa'i yon tan bsgrub pa la mngon du phyogs par gyur to/ /de bas na sems rab tu dang ba las byung ba dang/ snod khyad par can la sbyin pa'i rnam par smin pa che ba'i phyir/*@12a */ /sbyin pa chung zhes bya ba gang yang med do/ /de bas na sems rab tu dang bas blan med pa'i bsod nams kyi zhing 'phags pa'i dge 'dun la sbyin pa byin na/ bdag kyang de lta bu'i phun sum tshogs pa 'am de bas kyang khyad par du 'phags pa thob par 'gyur ba ring*por mi thogs so snyam du bsams te/ dga' ba bskyed par bya'o zan dron changs cig byin pa'i skyes pa'i rabs te gsum pa'o// //bam po gnyis pa/ skyes bu dam pa rnams ni bdag brlag par 'gyur ba la mi 'dzem par sbyin pa byed na/ bde bar 'dug pas*lta su zhig sbyin par mi byed/ de yang 'di skad thos te/ bcom ldan 'das 'di sngon byang chub sems dpar gyur pa'i tshe/ skal ba khyad par can dang ldan pa yon tan spro ba phun sum tshogs pas nor phun sum tshogs pa dang ni ldan/ spyod tshul mi mthun pa med pa'i ngang tshul can*yin pas/ 'jig rten pa rnams kyis bkur sti bya ba'i gnas su ni gyur/ cho rigs btsun pa dang ni ldan/ rig pa sgyu rtsal gyi khyad par rnam pa du ma khong du chud pas/ blo rab tu dri ma med par ni gyur/ yon tan che bas rgyal pos ni bkur stir byas/ rab tu sbyin pa'i ngang tshul*can yin pas/ 'byor pa rnams ni 'jig rten pa rnams dang thun mong du spyod pa'i tshong dpon zhig tu skyes so/ /zhes grags so/ /phongs pa rnams ni dga' 'gyur bas/ /phan tshun kun tu bsgrags pa ni/ /de ming sbyin la dpa' ba

zhes/ /phyogs bcu kun tu khyab par gyur/ /*sbyin nam mi sbyin snyam pa'i rnam rtog pa/ /yid la sems pa phongs pa rnams la med/ /de yi sbyin pa'i mthu chen grags par gyur/ /phongs pa rnams ni yid ches spobs shing slong/ /des ni bdag gi bde phyir nor mi sbed/ /'dren pa dang ni chags pas zil gnon min/ /*des ni phongs pa'i sdug bsngal bzod mi nus/ /de bas med ces smra ba spas par 'gyur/ /de nas re zhig cig sems dpa' chen po de zas kyi dus la babs pa'i tshe/ khrus byas byug spos kyis byugs pa dang/ g yos mkhan mkhas pas g yos pa'i bza' ba dang/ bca' ba dang/*@12b btung ba dang/ ro dang 'jam pa la sogs pa'i yon tan dang ldan pa sna tshogs bshams pa dang/ rang sangs rgyas nyon mongs pa'i bud shing thams cad bsregs pa bsod nams kyi tshogs rnams 'phel bar 'dod pa cig de'i khyim du bsod snyoms kyi phyir 'ongs so/ /'ongs nas*kyang de'i sgo khang na bsdad de/ dogs med mi g yo brtan zhing zhi ba yi/ /mig gis sa la gnya' zhing gang du blta/ /rab tu zhi bar gyur cing de na bsdad/ /de lag padma'i mchog ni lhung bzed thogs/ /de nas bdud sdig can gyis byang chub sems dpa'i sbyin pa phun sum*tshogs pa la mi bzod pas de la gegs bya ba'i phyir/ rang sangs rgyas de dang bar sgo gnyis kyi bar na sems can dmyal ba chen po'i nang na me chen po 'bar ba/ zabs su mi 'gred du yod pa rab tu zab pa/ mthong na rab tu 'jigs pa/ 'jigs su rung ba'i sgra bsgrags pa/*skye bo mang po rnam par g yo bas gang ba cig mngon par sprul te/ de nas byang chub sems dpas rang sangs rgyas bsod snyoms la gshegs par mthong nas/ chung ma la bdag nyid kyis 'phags pa la bsod snyoms phul ces smras so/ /des de ltar mnyan nas de bzhin du*bgyi'o zhes smras nas/ bza' ba dang bca' ba bzang po khyer te song song ba las/ sems can dmyal ba'i gnas mthong ba dang/ 'jigs shing skrag nas mig rig rig por gyur te/ sgo drung nas slar log pa dang/ 'di ci nyes byang chub sems dpas dris pa dang/ de*skrag pas skad 'gags nas de la smra yang de'u ma nus te smras so/ /de nas byang chub sems dpas bsams pa/ ae ma ho/ 'phags pa 'di bdag gi khyim nas bsod snyoms ma bzhes par slar bzhud na ga la rung bsams nas des smras pa la ma nyan par/ rings*rings ltar bza' ba dang/ bca' ba bzang po bdag nyid kyis khyer te/ mthu chen po de la bsod snyoms 'bul ba'i phyir/ sgo khang gi drung du phyin pa dang/ sems can dmyal ba'i gnas chen po rab tu 'jigs pa de mthong bar gyur to/ /de nas 'di ci zhig yin snyam du rnam par*@1!a */ /rtogs pa skyes pa dang/ bdud sdig can khang pa'i ngos kyi rtsig pa'i nang nas byung ste/ lha'i lus ya mtshan che bar mngon sum du bstan nas bar snang la gnas te/ phan par 'dod pa bzhin du gsal bar smras pa/ kyi khyim bdag sems can dmyal*gnas chen po 'di ni/ ngom grog chen po zhes bya ba yin no/ /phongs pas bsngags pa'i tshig gis bslus nas ni/ /sbyin la zhugs pa gang gis nor chud gsan/ /de dag lo ni stong phrag du mar yang/ /'di na gnas 'gyur dbyung ba rab tu dka'/ /nor ni 'khor gsum byang bar*rgyu yin te/ /de med byas na su yis chos ma brlag /nor chud gsan pas chos ni brlags gyur na/ /ci phyir sems can dmyal bar gnas mi 'gyur/ /sbyin pa'i phyir ni chos kyi rtsar gyur pa'i/ /nor ni khyod kyis chud gsan sdig byas pas/ /dmyal ba'i gshed po mi*bzad 'bar ba'i lces/ /de phyir khyod ni za bar 'dir 'ongs so/ /de bas blo ni sbyin las bzlog na legs/ /'on te 'phral du ltung bar khyod mi 'gyur/ /snying rjer du zhing 'gre ldog byed pa yi/ /gtong ba 'di dang lhan cig khyod ma 'grogs/ /sbyin pa tshul min mi byed*len pa po'i/ /skye bo rnams ni lha yul 'gro bar 'gyur/ /de bas mtho ris lam bsgrib btang nas ni/ /sbyin la brtson pa bzlog par gnas par gyis/ /de nas byang chub sems dpas bsams pa/ 'di skad zer ba'i bdag nyid ngan pa 'di ni/ bdag gis sbyin*pa byed pa la nges par gegs byed pa yin no snyam nas/ bdag gis snying stobs kyi khur ma bor te/ brtan par byas nas/ tshig 'jam po'i rgyun ma chad par de la 'di skad ces smras so/ /bdag cag 'dra la phan par dgongs nas ni/ /khyod kyis 'phags pa'i lam 'di*rnams bstan pa/ /gzhan la phan 'dogs mkhas pa'i spyod pa can/ /lha rnams kyis ni de ltar bgyi ba'i rigs/ /nyes pa 'byung ba'i sngon nam 'og tu yang/ /zhi ba'i lam der 'chi ba rab tu rigs/ /nad la chog spyad pa nongs pa yis/ /tshabs cher gyur la dpyad kyis phan mi*@1!b thogs/ /sbyin la zhugs pa bdag gis sdug bsngal 'di/ /dpyad kyis rlon pa rab tu mi 'gyur ro/ /khyod kyis phan par bstan pa'ang mi nyan par/ /bdag gi sems ni sbyin las slar mi ldog /sbyin pa sdig pa 'gyur zhes gang smras shing/ /nor yang chos kyi rgyu yin*zhes bgyi ba/ /sbyin pa ma gtogs chos lam gzhan yod pa/ /des ni gter sbas chos kyi rgyur 'gyur ba/ /'on te rkun po 'ong nas phrog gyur tam/ /'dod pas khyer te mi snang 'gyur ba'am/ /me yis tshig na

bsod nams thob 'gyur bar/ /mi yi blos ni rtogs*par mi nus so/ /nor sbyin pas ni dmyal bar 'gro ba dang/ /len pa lha yul 'gro zhes bya ba yang/ /khyod kyis sbyin las bzlog par byas mod kyi/ /de yis bdag ni sbyin la brtson par 'gyur/ /khyod kyi tshig de gzhan du ma gyur cig /bdag la slong ba de dag mtho ris*dang/ /'jig rten phan phyir bdag ni sbyin pa byed/ /bdag ni bde ba bsgrub phyir 'di mi byed/ /de nas yang bdud phan par 'dod pa bzhin brtan par bya ba'i phyir lag pa brkyang nas/ byang chub sems dpa' la smras pa/ 'di ni nga yis phan pa'am brdzun smras pa/ /legs*par rtogs la gang du bde bar song/ /bde dang ldan pas gus byas bde bar gyis/ /yang na 'gyod bzhin nga ni dran par byos/ /byang chub sems dpas grogs po khyod bzod pa mdzod cig ces smras nas/ phongs pa rnams kyis bag phab spobs te slong ba la/ /sbyin pa'i dus*su brnyas te ma byin dga' ba bas/ /mi bzad me lce 'bar ba'i sems can dmyal ba der/ /me lce 'bar bas phog nas spyi gtsug ltung yang rung/ /de skad smras nas byang chub sems dpa' bdag gi skal ba'i mthu la brten nas sbyin pa la nyes dmigs med par yang shes te/*bu smad dang g yog 'khor 'gro mi ster ba rnams bor te/ blo la the tsom med cing sbyin pa byed par 'dod pa skyes te/ dmyal ba'i nang nas phar song ngo/ /de nas de yi bsod nams mthu yis der/ /'dam rdza ba med par 'dam las skyes pa byung/ /ze'u 'bru dkar po*@1"a */ /so yi phreng ba dag /bdud la 'phya ba bzhin du dgod par gyur/ /de nas byang chub sems dpa' bdag gi bsod nams khyad par can las byung ba'i padma'i stegs bu las song ste/ rang sangs rgyas kyi drung du phyin nas sems rab tu dang zhing dga' bas de la*bsod snyoms phul lo/ /de yi yid ni rab tu dang bya'i phyir/ /de nas dge slong de ni mkha' la lding/ /des ni de na char 'babs 'bar bar byed/ /glog dang bcas pa'i sprin gyi dpal bzhin mdzes/ /bdud ni yid la bsam pa ma grub nas/ /yi chad nas ni mdangs kyang*nyams par gyur/ /de la phyogs te lta yang ma nus nas/ /dmyal ba dang bcas de na mi snang gyur/ /de ci'i phyir bshad ce na/ de ltar skyes bu dam pa rnams ni bdag brlag par 'gyur ba la yang mi 'dzem par sbyin pa byed na/ bde bar 'dug pa lta su zhig sbyin par mi byed/*de bas na snying stos can ni bsdigs kyang mi rigs pa byed du gzhug mi nus so/ /zhes kyang bshad par bya'o/ /tshong dpon gyi skyes pa'i rabs te bzhi pa'o// //skyes bu dam pa rnams ni 'byor pa zad du dogs nas/ sbyin pa byed pa la zhum par mi 'gyur ro/ /*de yang 'di skad thos te/ byang chub sems dpa' gtong ba dang/ tshul khrims dang/ cho rigs dang/ dul ba dang/ mang du thos pa dang/ shes rab dang/ dregs pa med pa la sogs pa'i yon tan dang ni ldan/ 'byor pa phun sum tshogs pas ni nor sbyin po dang 'dra/*glo bur pa thams cad la sbyin pa byed pas sbyin pa'i 'byor pa ni rgyun mi 'chad/ 'jig rten la phan pa'i don byed pa'i phyir sbyin pa po'i gtso bo tshong dpon zhig tu gyur to/ /zhes grags so/ /ser sna la sogs pa'i nyes pas zil gyis mi gnon pa'i phyir/ ming yang zil*gyis mi gnon pa zhes btags so/ /'dod pa'i don phyir the tshom med gyur pas/ /dga' ba skye ba'i khyad par rgyur gyur pa/ /phongs pa rnams kyis de ni mthong ba bzhin/ /des kyang phongs pa rnams ni mthong na dga'/ /slong bas slong zhes nges par bslongs pa la/ des*@1"b ni med ces bya bar mi 'gyur te/ /de yi sems ni nor la chags pa'i skabs/ /snying rje chen pos rab tu med par byas/ /phyongs pa rnams kyis de yi khyim nas ni/ /nor gyi snying po phyung na rab tu dga'/ /rgyu rkyen med par myur du chud za ba'i/ /nor ni shin tu mi bzad nor mi*rigs/ /'jig rten dag na nor ni phal cher yang/ /chags pa'i gzhi dang ngan 'gro'i grogs su 'gyur/ /de yi nor ni bdag dang gzhan dag gi /'byor pa thob pas don dang ldan par 'gyur/ /de nas sems dpa' chen po des/ kun tu slong ba rnams ji ltar 'dod pa*bzhin du nyon ma mongs par gus pa khyad par can gyis brgyan cing/ nor sbyin pa rlabs po ches rab tu tshim par byas pa dang/ lha rnams kyi dbang po brgya byin gyis sbyin pa rlabs po che de thos nas/ yid la ya mtshan che bar gyur te 'di sbyin pa la brtan nam mi brtan nyams bskyed*pa dang/ 'di'i nor zad kyis dogs pas ser sna byed du gzhug pa'i phyir/ nyin re zhing rim gyis 'bras bu dang nor dang/ rin po che dang/ yo byad kyi rnam pa de dang de dag mi snang bar byas so/ /sems dpa' chen po de ni sbyin pa la mos pas/ chu yi thigs pa nyi mas phog pa*bzhin/ /de yi nor ni ci tsam zad gyur pa/ /de tsam gyis ni sbyin pa chen po yi/ /me yis tshig pa bzhin du khyim nas 'byin/ /de nas lha'i dbang po brgya byin gyis sems dpa' chen po de'i nor thams cad zad par gyur kyang/ sbyin pa la rab tu gzhol bar gyur pa rig*nas blo la shin tu ngo mtshar bar gyur te/ de'i nor gces pa thams cad nub cig mi snang bar byas nas/ thag pa zhig dang zor ba zhig bzhag go/ /de nas

byang chub sems dpas nang par nam langs nas dus bzhin du langs te bltas pa na/ bdag gi khyim gyi nor dang/ 'bru dang/*yo byad dang/ mi rnams ni med la sgra ca co yang med la sdug bsngal ba ltar 'dug cing/ srin pos phung bar byas pa bzhin du bltas na nyams mi dga' bar gyur pa mthong nas/ 'di ci nyes snyam du rtogs pa skyes te/ kun tu nyul nyul ba dang/ thag pa bsdogs pa zhig dang/*@1#a */ /zor ba zhig de na 'dug pa mthong nas/ des bsams pa/ gal te 'ga' zhig gis slong ba'i tshig smra ma phod de/ bdag gi zho shas 'tsho bas bdag gi khyim du spobs pa de lta bu bstan na ni bdag gi nor legs par spyad pa nyid du gyur to/ /de ste*bdag skal ba chung ba'i skyon gyis mthong bar gyur pa ma bzod nas sus kyang ma spyad par med par gyur na ni ma rung bar gyur to snyam mo/ /nor rnams ngo bo mi rtag par/ /bdag gis snga nas shes zin na/ /phongs pa rnams kyi sdug bsngal gyis/ /bdag gi yid ni 'dir*bsregs so/ /sbyin dang bkur stis yun ring bde byas pa/ /bdag gi khyim ni nor dang bral mthong nas/ /mtsho skams drung du skom pa lhags pa bzhin/ /bdag gi phongs pa de dag ji ltar 'gyur/ /de nas byang chub sems dpa' bdag gis brtan pa la brtan pas*zhum pa dang spro ba'i blo zhi bar ma gyur to/ /de'i gnas skabs na yang slong ba la ma goms pa ngo shes kyang gzhan la slong ma phod pa dang/ slong ba de ni de ltar dka' ba lta zhig snyam nas/ des slong mi rnams la de bas kyang rjes su brtse bar gyur to/ /de nas bdag nyid chen po*des slong mi rnams la 'ongs pa legs so/ /zhes bya ba tsam la ltos nas/ bdag nyid kyis thag pa bsdogs pa de dang zor ba gnyis blangs te/ nyin re bzhin rts)a btsongs pa'i rin rnyed pa tsam gyis skye bo phongs pa rnams slong ba la mgu bar byas so/ /de nas lha'i dbang po*brgya byin gyis de rab tu dbul bar gyur kyang de ltar zhum pa med cing sbyin pa la rab tu gzhol bar mthong nas ya mtshan che zhing gus par gyur te/ lha'i lus mngon sum du bstan nas bar snang la gnas te/ sbyin pa las bzlog pa'i phyir sems dpa' chen po la smras pa/ khyim*bdag byams kyis 'gyod pa'i gnas skabs 'di lta bur/ /sbyin pa drags pas khyod kyis myong ba ni/ /rkun pos ma khyer chu dang mes ma chig /rgyal po rnams kyis nor yang ma 'phrogs so/ /de bas khyod la phan phyir nga yis smra/ /sbyin la zhugs pa'i chags pa*@1#b btang bar gyis/ /'di ltar gyur kyang gal te ma sbyin na/ /sngon gyi 'byor pa bzang po thob par 'gyur/ /chung du god kyang rtag tu spyad na ni/ /yun ring spyad na mig sman zad la ltos/ /bsags na grog mkhar mthon por gyur la ltos/ /dar bar 'dod pas bsdam par byas*na legs/ /de nas byang chub sems dpas sbyin pa'i yon tan bstan pa'i phyir brgya byin la smras pa/ spyan stong mnga' ba rab tu phongs gyur kyang/ /'phags pas ma rabs chos bya rab tu dka'/ /gang zhig thob phyir ser sna'i sems byung ba/ /brgya byin nor de bdag la*med kyang rung/ /slong ba'i sdug bsngal shi dang 'dra ba yi/ /gnyen po'i lam du bgrod par 'dod pa la/ /de yis phongs pa ya rabs gzi byin can/ /su zhig med ces zer ba'i ser bas brdeg /slong bas gdungs nas ngo zung gnag gyur pas/ /phongs pa rnams*ni mgu bar mi 'gyur ba'i/ /nor ram rin chen lha yi rgyal srid kyang/ /de lta bu dag bdag ni sogs sam ci/ /gang zhig ser sna'i skyon ni 'phel 'gyur zhing/ /gtong ba'i sems kyang skye bar mi 'gyur ba/ /bdag lta bu yis de ni btang ba'i rigs/ /yongs su*bzung bar snyad btags phongs pa yis/ /glog ni 'gyu ba bzhin du mi brtan nor/ /kun dang thun mong phongs pa du ma'i rgyu/ /bde ba 'byung ba'i rgyu ni sbyin pa yin/ /ya rabs su zhig ser sna'i lam la brten/ /brgya byin khyod kyis bdag la gnyen po bstan/ /phan*pa smras pas bdag la brtse bar bgyis/ /sbyin pas yid ni dga' la goms par gyur/ /de bas lam min su zhig dga' bar 'gyur/ /khyod kyi thugs ni khro bar gyur pa yis/ /lam du 'jug par bgyi ba mi rigs so/ /ngo bo nyid ni mi mthun phyogs kyi lam/ /bgrod*dka' bzhugs pa slab ma yin no/ /brgya byin gyis smras pa/ khyim bdag 'byor pa phun sum tshogs shing bang mdzod yongs su gang ba dang/ /zhing gi so nam legs par byed cing rlabs che rnam pa sna tshogs byed pa dang/ /dbang phyug dbang du gyur pa la/ /rim pa 'di 'jig rten na dar bar 'gyur*@1$a */ /gyis/ gnas skabs 'di lta bu mi rung ngo ltos shig /bdag gis blo yis lcogs shing ma yengs pa 'am/ /grags pa'i rjes mthun rigs dang mthun pa 'am/ /las kyi yon tan gyi ni 'byor thob nas/ /nyi ma bzhin du 'gran zla zil mnan te/ /skye bo*rnams ni zhor la grogs btsal nas/ /mdza' bor bcas pa'i gnyen rnams mgu byas te/ /rgyal po las kyang bkur sti thob gyur nas/ /mngon par chags bzhin dpal gyis 'khyud gyur na/ /de nas sbyin pa'am bde ba'i rim pa la/ /rab tu zhugs nas skye bos 'phyas gdab*med/ /'dab gshog ma rdzogs mkha' la 'phur 'dod bzhin/ /sbyin pa 'ba' zhig 'dod pas brlag

par 'gyur/ /de bas sdom zhing mi g yeng gnas bcas la/ /sbyin pa thong la re zhig nor sogs shig /'byor pa med par gang zhig mi sbyin pa/ /de la ma rabs gyur pa ci zhig*yod/ /byang chub sems dpas smras pa/ khyod de ltar ha cang dus ma che bar thong zhig /gzhan gyi don pas gang zhig bdag don cher 'dzin pa/ /des kyang 'byor pa khyad du bsad nas sbyin dgos so/ /gang dag chags pa spangs nas sbyin par dga' 'gyur ba/ /*'byor pa chen po yis kyang dga' ba de mi myong/ /'byor pa 'ba' zhig gis kyang mtho ris thob mi 'gyur/ /sbyin pa yis ni grags pa snyan pa thob par 'gyur/ /ser sna la sogs skyon gyis zil gyis gnon mi 'gyur/ /de bas 'byor pa de phyir sbyin pa sus mi byed/ /gang*zhig skye shis nyen pa'i 'jig rten skyong 'dod pa'i/ /snying rje'i dbang gis bdag kyang rab tu gtong byed cing/ /gzhan sdug bsngal bas bdag gis bde ba mi myong bas/ /de bas dpal ldan khyod kyi nor yang ci zhig bya/ /lha'i dbang po gzhan yang/ nor rnams phun sum*tshogs pa bzhin/ /tshe yang gnas pa mi brtan te/ /de bas slong mi mthong na ni/ /phun sum tshogs la mi lta'o/ /shing rta gcig gis gang du sa la lam drangs pa/ /de bzhin gzhan dang gzhan yang lam der brtul te 'dong/ /de ltar thog ma'i lam ni bde ba 'di*@1$b bor nas/ /yang dag ma yin lam du 'jug pa bdag mi dga'/ /gal te bdag ni phyis kyang nor dang ldan gyur na/ /slong mi rnams kyi sems ni nges par mgu par bya/ /brgya byin bdag ni sbyin las ldog par mi byed cing/ /'di ltar gyur kyang ci 'byor pa ni sbyin par bya/ /*de skad ces smras pa dang/ lha'i dbang po brgya byin yid rab tu dga' bar gyur nas/ legs so legs so zhes bya bas mgu bar byas te rab tu gus shing byams pa'i lta bas bltas nas smras pa/ skye bo rnams ni grags dang 'gal bar 'gyur ba'i las/ /mi bzad ngan*pa rnams kyis 'byor pa thob par 'dod/ /bdag gi bde la chags pa'i nyes dmigs mang mthong nas/ /shin tu g yeng ba'i sems kyis chags pa rab tu 'jug /khyod kyis nor ni zad par 'gyur ba'ang ma bsams shig /bdag gi bde nyams nga yis bslus pa'ang ma*bsams par/ /gzhan gyi nor bsgrub pa la sems ni brtan gyur pas/ /bdag nyid phun sum tshogs par rab tu che bar bstan/ /ae ma 'o rlabs chen khyad par 'phags pa gsal ba yis/ /snying gi ser sna'i mun pa rab tu bsal bar gyur/ /nor ni med par gyur kyang de*la chags pa yis/ /rab tu sbyin las zhum pa'i skyon du yongs ma gyur/ /gzhan sdug pa yis sdug la ngo mtshar mi che ste/ /snying rje'i dbang gis khyod ni 'jig rten phan par 'dod/ /gangs kyi ri bo rlung gis bskyod par ma nus bzhin/ /rab tu sbyin las bdag gis*bskyod par mi nus so/ /grags pa kun tu bsgrags phyir yongs su brtags pa 'dis/ /khyod kyi nor 'di rnams ni bdag gis sbas par gyur/ /de ltar ma byas na ni nor bu bzang po yang/ /nor bu de ni grags dang rin chen mi rtogs so/ /de bas slong mi rnams la*sbyin pa'i char phob la/ /sprin chen gyis ni mtsho rnams gang ba bzhin du byos/ /ngas ni rjes su bzung bas nor rnams zad mi 'gyur/ /bdag gis gtses pa 'di yang khyod kyis bzod par byos/ /zhes bya bas de mgu bar byas nas/ brgya byin gyis de'i nor gyi rnam pa*@1%a */ /de dag slar byin te/ bzod par byas nas de nyid du mi snang bar gyur to/ /de lta bas na skyes bu dam pa rnams kyi bdog pa zad du dogs pa'am/ 'byor pa la chags pa'i phyir sbyin pa dang 'gal bar mi byed do/ /tshong dpon zil gyis mi gnon pa'i skyes*pa'i rabs te lnga pa'o// //sems dpa' chen po rnams ni dud 'gror gyur kyang sbyin pa ci nus byed pa yod na/ mir gyur pa rnams lta su zhig sbyin pa mi byed/ de yang 'di skad thos te/ dgon pa'i gnas ldum bu dang/ rts)a dang shing ljon pa yid du 'ong ba yod pa/*me tog dang 'bras bur ldan pa dang/ chu gtsang ma bee *'urya mthing ga dang 'dra ba/ 'bab pa'i mtshos mtha' bskor ba/ sa gzhi ne'u gsing sngon po 'jam pa dang ldan pa/ skye bo dka' thub can dag gnas pa cig na/ byang chub sems dpa' ri bong zhig tu gyur te gnas so zhes*grags so/ /de ni lus bzang snying stobs che ba dang/ /stobs kyang che zhing gzi mdangs che bas na/ /gcan gzan ngan pas glags lta bag mi tsha/ /ri d)ags rgyal po'i tshul gyis de na gnas/ /bdag gis pags pa aa dzin gyon/ /bdag gi spu yis shun phrags byas/ /*rts)a yi myu gus sems mgu zhing/ /thub pa bzhin du de na mdzes/ /de yi lus dang ngag yid la/ /byams pas yongs su bskor ba yi/ /ri d)ags slob ma bder gnas shing/ /bdag nyid ngan pa spangs par gyur/ /de'i yon tan khyad par can gyis byams pa dang gus*pa bskyed pas sems rab tu chags pa'i grogs gsum yod pa ni/ sram dang/ ce spyang dang/ spre'u rnams so/ /de dag kyang phan tshun gnyen 'dun 'brel ba bzhin du gcig la gcig byams shing chags par gyur/ gcig la gcig spobs shing bkur sti byed pas rab tu*mdza' bar gyur pa'i grogs po bzhin du dga' zhing de na gnas te/ dud 'gro'i rang bzhin la ni de mi phyogs/ /srog chags rnams

la snying rje che ba dang/ /brkam pa med pa dang/ rku ba mi dran pa dang/ chos dang mthun pa'i 'tsho ba la gnas pa dang/ rnam par shes pa*@1%b gsal bas dul ba dang/ sdom pa spyod pa brtan pa'i phyir/ lha rnams kyang ya mtshan du gyur to/ /bde dang mthun zhing yon tan mi mthun tshul/ /yon tan mthun zhing bde dang mi mthun tshul/ /mi yang yon tan phyogs la brten na ni/ /rnam par mdzes pa dud 'gro smos*ci dgos/ /ri bong gzugs can mkhas te de rnams kyi/ /gzhan la snying rje che ba'i bla mar gyur/ /yon tan rjes 'gro rang bzhin phun sum tshogs/ /de rnams grags pa lha yul du yang grags/ /de nas re zhig cig bdag nyid chen po des phyi dro'i dus su grogs de rnams*chos nyan pa'i phyir lhags te/ rab tu gus pas bkur sti byas pa dang/ zla ba yar gyi ngo 'i tshes bcu bzhi la dkyil 'khor yongs rdzogs su nye ba nyi ma dang thag ring ba rnam par dkar zhing mdzes pa/ dngul gyi me long lung med pa 'dra ba ngos cig cung zad sngo ba shar ba la bltas*nas grogs rnams la smras pa/ dkyil 'khor cung zad ma rdzogs pa/ /bzang po 'di la dgongs pa bzhin/ /dge ba rnams la gso sbyong gis/ /spro ba zla ba 'di ston to/ /de bas na nges par sang ni tshes bco lnga ste/ khyed rnams kyang gso sbyong dang sdom pa la*brtson zhing/ rigs par rnyed pa'i kha zas kyi dus su lhags pa'i glo bur pa byung na mgron gyis la srog gzung bar bya bar rigs so/ /khyed rnams ltos shig /'du ba gang yod mtha' ni bral bar 'gyur/ /dar ba yod na de yang rgud pa'i mtha'/ /tshe yang glog bzhin*'gyur zhing mi brtan no/ /de phyir bag yod pa la brtan par gyis/ /de bas sbyin pa tshul khrims brgyan pa yi/ /bsod nams dag ni khyed cag spel bar gyis/ /kye ho ngan 'gro'i nang na 'khod pa'i tshe/ /'jig rten rnams la bsod nams rten gyi mchog /skar*ma rnams kyi dpal ni zil mnan nas/ /gzi mdangs yon tan gyis ni zla ba mdzes/ /'od zer can rnams nyi mas zil[+] mnan nas/ /mdzes par gang 'gyur de ni bsod nams mthu/ /sa yi dbang gyur rnams kyi bsod nams mthus/ /rgyal po rnams dang blon po dregs*@1&a */ /pa rnams/ /dregs pa kun spangs rta mchog tshul dag gis/ /dga' ba bzhin du bka' lung nyan par byed/ /so chis bya ba'i don la 'bad gyur kyang/ /bsod nams mi ldan dpal min rjes su 'brang/ /bsod nams che bas de ni bskrad pa bzhin//*de dang mi mthun drung du khros bzhin 'gro/ /sdug bsngal gzhir gyur gtam ngan rjes 'brang bas/ /sdig pa'i las lam de las slar log la/ /de las bsod nams spyad pa dpal ldan pa/ /bde ba rab byung bsgrub la blo byos shig /de dag gis de bzhin bgyi'o zer nas*rjes su bstan pa mnyan te phyag 'tshal bskor ba byas nas/ rang rang gi gnas su song ngo/ /grogs de dag song nas/ ring po ma lon par bdag nyid chen po des bsams pa/ mgron cig byung na de dag gis/ /cir yang rung bas mgron byar yod/ /bdag gis*ci yang sbyin du med/ /bdag gis so rtses bcad pa yi/ /rts)a yi myu gu kha bo ni/ /mgron la sbyin du yang mi rung/ /mi nus pa ni yong ye smad/ /de bas ci yang mi nus pa/ /bdag ni gson yang ci la phan/ /bdag ni mgron cig byung gyur na/ /dga' zhing mya ngan skye*bar 'gyur snyam mo/ /da mgron byar rung ba snying po med pa'i lus 'di gar bor na/ 'ga' zhig la phan thogs par 'gyur snyam du bsams pa dang/ bdag nyid chen po des dran pa rnyed pa/ ae ma'o/ dbang bdag la yod cing rnyed sla ba bdag gi lus po 'di nyid mgron*rnams la sbyin du rung ba'i nor kha na ma tho ba med pa bdag la yod bzhin du ci'i phyir mya ngan byed/ bdag gis mgron byar rung ba 'di rnyed kyis/ /snying khyod da ni mi dga' ma byed cig /bdag gis da ni mgron rnams spobs pa la/ /rdzogs par yod pa'i lus 'dis bkur*sti bya'o snyam du nges par bsams nas/ sems dpa' chen po de rnyed pa'i mchog rnyed pa bzhin du dga' bar gyur cing de na 'dug go/ /de yi snying la rnam rtog pa/ /khyad par can ni skyes gyur pas/ /mthu dang rab tu dang ba dag /lha rnams la ni bstan par gyur/ /de nas*@1&b sa gzhi ri dang bcas pa g yos pa ni/ /rgya mtsho 'khrug pa'i gos gyon dga' ba bzhin/ /mkha' las lha yi rnga sgra rgyas par grag /phyogs kyang rab tu dang ba'i gos gyon gsal/ /sprin kyang glog dang ldan pa 'brug gi sgra/ /rgyun chags dal bus sgrogs shing dgod pa*bzhin/ /phan tshun bdas pas rdul rnams lhags pa yi/ /me tog rgyun chags rnams kyis de la 'thor/ /ser bu dal bur ldang ba'i rlung gis kyang/ /ljon shing sna tshogs me tog dri zhim rdul/ /rab tu 'khrigs pa srab mo'i gos bkram bzhin/ /rab tu dga' bas de*la mchod byed 'dra/ /de'i rnam par rtog pa rmad du byung ba de la rab tu dga' zhing yid la ngo mtshar skyes pa'i lha rnams kyis kun tu bsgrags pa lha'i dbang po brgya byin gyis thos nas/ yid la ya mtshan dang ngo mtshar che bar gyur nas/ de'i bsam pa nyams bskyed pa'i phyir/*phyir nyin nyi ma phyed kyi dus na nyi zer gyi 'od kyis ni rab tu gsal bar gyur/

phyogs thams cad kyi smig rgyu 'khrigs pa'i gos ni gyon/ nyi ma tsha ba'i 'od kyis ni mgo g yogs/ mig gis bltar yang mi bzod par gyur pa'i tshe na/ nags tshal chen po rnams kyi grib ma nyi*zer gyis bsgribs pa lta bur gyur/ tsha ba'i sbrang bu rnams kyi sgra ni cher grag /bya rnams lding zhing rgyu ba'i rgyun ni chad/ mgron po rnams ni tsha bas gdung zhing ngal bar gyur pas na/ lha rnams kyi dbang po brgya byin bram ze'i gzugs su bsgyur nas lam nor ba 'dra bar*byas nas/ bkres pa dang skom pa dang ngal bas gdungs shing mgrin pa 'gag pa bzhin du de dang nye sa cig tu sgra phyung ste dus shing bos pa/ grogs dang bral ba gcig pur gyur/ /nags tshal stug po'i nang du 'khyams/ /bkres shing ngal bas bdag lus dub/ /*dge sems kyis ni bskyab par rigs/ /bdag ni lam dang lam min mi shes pas/ /gcig pu phyogs slar gar 'gro gtol yang med/ /dgon pa 'di na tsha zhing skom pas gdungs/ /ma 'jigs sgra yis su zhig bdag tshim byed/ /de nas skyes bu chen po des*@1'a */ /snying rje rje skad zer ba'i sgra de thos nas snying 'dar bar gyur te rings rings ltar mgyogs su song ste/ phyogs der phyin pa dang/ mgron po lam nor te nyam thag pa de mthong nas nye bar lhags te/ gus pa dang bcas pas dbugs phyung zhing smras pa/ bdag*ni dgon par 'khyams snyam du/ /khyod kyi bsams pa de thong shig /bdag gi slob ma 'khod bzhin du/ /bdag cag gang phyir nye bar 'khod/ /de bas de ring bdag cag gis/ /bkur sti bya ba yongs bzung zhing/ /zhi ba yongs su bzung nas su/ /song ni ji ltar*'dod par song/ /de nas cang mi zer bas mgron du bos pa khas blangs pa/ sram gyis rig nas/ dga' bas rtab rtab por gyur zhing mgyogs par song ste/ nya mo bdun khyer te 'ongs nas smras pa/ nya pa rnams kyis brjed nas bor ba'am/ sdangs te brgal nas*thang la 'dres pa dag /mi dga' gnyid kyis log pa'i nya bdun po/ /bdag gis rnyed pa 'di dag zo la 'dug /de nas ce sbyang yang ci snyed pa'i zas dag khyer te 'ongs nas phyag byas te gus par smras pa/ skyin gor gcig dang zho ni rje'u gang zhig /la la cig gis*bor ba rnyed pa 'di/ /bdag la phan pa'i phyir ni der bsnams la/ /yon tan gnas khyod nags tshal 'dir bzhugs shig /ces smras nas yid dga' bzhin du de la byin no/ /de nas sbre'us shing thog aa mra'i 'bras bu rab tu smin pa 'jam po ldong ros kyi phye mas kha bsgyur*ba 'dra ba ser ba rtsa ba dmar ba'i snye ma dag khyer te 'ongs nas thal mo sbyar te de la smras pa/ aa mra smin dang yid du 'ong ba'i chu/ /grib ma bsil ba dam pa rnams dang 'grogs/ /bdag la mchis kyi tshangs pa rig pa'i mchog /'di dag bsnams nas khyed ni 'dir*bzhugs shig /de nas ri bong gis zhes dang bcas pas de'i drung du 'ongs te gus par lta zhing/ bdag gi lus kyis mgron du byed pa ni/ /nags kyi ri bong la ni ci yang med/ /mungga dang ni til dang 'bras kyang med/ /bdag gi lus ni me la bsreg pa 'di/ /*@1'b bsnams la de ring dka' thub nags na bzhugs/ /gang gi don grub nor ni ci yod pa/ /phongs pa 'ong na da ni de la 'bul/ /bdag la lus las lhag pa'i nor yang med/ /de bas bdag gi nor phyir 'di khyer cig /brgya byin gyis smras pa/ bdag cag lta*bus gzhan dag gi /srog kyang gcod par mi byed na/ /de ltar rab tu byams bstan pa/ /khyed lta bu la smos ci dgos/ /ri bong gis smras pa/ bram ze chos la 'di lta bu'i snying rje nye bar gnas pa ni rigs kyi/ de bas na bdag la phan pa'i thabs 'ga' zhig gud*nas btsal te 'ong gi de'i bar du bdag la phan pa'i slad du re zhig 'di na bzhugs shig /de nas lha'i dbang po brgya byin gyis de'i bsam pa shes nas/ me'i phung po gser btso ma'i mdog 'dra ba cung zad 'bar ba me stag rnam par 'phro ba du ba med pa zhig mngon par sprul*lo/ /de nas ri bong gis phyogs kun tu bltas pa dang me'i phung po de mthong ngo/ /mthong nas kyang yid dga' nas/ brgya byin la smras pa/ bdag la phan pa'i thabs 'di bdag gis rnyed de/ de bas na bdag gis lus longs spyod du byas pas phan gdags*pa'i bsam pas 'bras bu dang bcas pa bdag la mdzad par rigs so/ /bram ze chen po gzigs su gsol/ /sbyin par bya dang sbyin 'dod gzhol sems dang/ /khyod lta bu yi mgron dang ldan gyur pa/ /'di lta bu ni rnyed pa rab tu dka'/ /de la brten nas bdag*ni don yod 'gyur/ /ces mgron la dga' ba'i phyir gus shing rim gro bskyed de/ de la 'di skad smras so/ /de nas de ni me 'bar de nang du/ /nor 'dod pa dag gter ni mthong ba bzhin/ /rab tu dga' bas me yi nang du zhugs/ /padma rgyas pa'i chu nang dang pa*bzhin/ /lha rnams kyi bdag pos de mthong nas/ yid la ngo mtshar skyes te/ bdag nyid kyi lus su gnas nas/ lha'i me tog char bzhin du 'bab pa dang bcas pa'i tshig rnar snyan cing yid du 'ong bas mngon par bstod de/ bdag nyid kyi lag pa padma'i 'dab ma 'dra*@2(a */ /ba/ dpal phun sum tshogs pa/ sor gdub kyi rgyan bzang pos brgyan pa gnyis kyis de blangs nas/ sum cu rtsa gsum gyi lha'i ris na gnas pa'i lha

khyed rnams ltos shig /skyes bu chen po'i lus rab tu ya mtshan che ba 'di la rjes su yi rang*bar gyis shig /mgron la byams pas de ring ma chags par/ ae ma'o/ 'di yis ci ltar lus btang ba/ /sems can mi brtan rnams kyis dman ma yang/ /de ltar the tshom med par gtong mi nus/ /'di lta'i rigs dang de dag 'gal ba yi/ /gtong*ba rgya chen sems kyang gsal ba 'di/ /lha mi bsod nams mi byed pa rnams la/ /dpe bstan bzhin du 'di ni rnam par gsal/ /ae ma'o yon tan goms byas pa/ /'di yi blo la bsgos pa dang/ /ae ma'o dam pa'i spyod gzhol ba/ /spyod pa rgya chen 'di yis bstan//*de nas brgya byin gyis de'i las khyad par can brtan pa'i phyir/ 'jig rten la phan par bsams nas/ khang bzangs mchog rnam par rgyal ba dang/ lha'i 'dun sa chos bzang gi khang pa brtsegs pa dang/ zla ba'i dkyil 'khor la ri bong gi gzugs brnyan gyis brgyan*te bzhag go/ /zla ba'i dkyil 'khor bzang po la/ /ding song du yang ri bon g gzugs/ /me long dkyil na gzugs brnyan bzhin/ /rab tu mngon par mdzes par snang/ /de dag phyin chad 'jig rten pas/ /ku mu ta yi kha 'byed pa/ /mtshan mo'i mtshan ma zla ba*la/ /ri bong mtshan ma can zhes grags/ /de bas na de ltar sems dpa' chen po dud 'gror gyur pa rnams kyang ci nus par sbyin pa byed pa mthong na mir gyur pa su zhig sbyin pa mi byed/ de bzhin du dud 'gror gyur pa rnams yon tan la dga' na/ dam pa rnams kyis*mchod par gyur pa'i phyir/ yon tan la gus par bya'o/ /zhes kyang bshad par bya'o/ /ri bong du skyes pa'i rabs te drug pa'o// //dka' thub kyi nags tshal na gnas pa rnams la yang gtong ba dang dpa' ba gnyis rgyan du gyur na/ khyim na gnas*@2(b pa rnams la smos ci dgos/ de yang 'di skad thos te/ bcom ldan 'das 'di byang chub sems dpar gyur pa'i tshe/ 'jig rten la phan pa'i phyir 'khor ba na gnas pa'i tshe/ spyod pa dang yon tan rnam par dag pas mngon par mtshon pa/ sa'i steng na rgyan du gyur pa/*zla ba'i dkyil 'khor yongs su rdzogs pa nam mkha' la shar ba bzhin du bram ze'i rigs cig tu skyes par gyur to/ /zhes grags so/ /de bzhin du thos pa dang/ dran pa las byung ba'i cho ga bzhin du skyes pa'i las la sogs pa'i bya ba rnams ni byas/ rig byed yan*lag dang bcas pa ni bslab/ mkhas pa'i grags pas ni mi'i 'jig rten ma lus par khyab par byas/ sbyin pa po yon tan la dga' ba rnams kyis gsol ba btab ste/ phul ba rnams blangs pas 'byor pa'i phyir/ nor rab tu phun sum tshogs par gyur to/ /*gnyen dang mdza' bshes brtan dang phongs rnams dang/ /mgron dang bla mar bkur sdi bya ba rnams/ /'byor pa des ni rab tu tshim byas nas/ /yul du sprin gyi char chen bab pa bzhin/ /mkhas pa'i phyir ni de yi grags pa de/ /gtong ba dang ni dpa' bas lhag gyur pas//*ston ka'i zla ba rnam par dag pa dang/ /yongs su rdzogs pas lhag par gsal ba bzhin/ /de nas bdag nyid chen po de khyim na gnas pa bya ba ngan pas brel ba'i nyes pas glags pa/ bag med pa'i gnas su gyur pa/ nor sgrub cing bsrung ba'i zhar gyis rnam par dkrugs*pa/ nye bar zhi ba dang 'gal ba/ sdug bsngal mang po'i mda'i 'ben du gyur pa/ so tshis kyi las bsgrub pa mtha' yas pas dub par gyur pa/ chog mi shes pas bde ba myong ba chung bar rig nas/ rab tu byung ba ni de'i nyes pa med cing bde ba la chos bsgrub pa dang rjes su*mthun pa/ thar pa'i chos brtsams pa'i gnas su gyur par mthong bas nyon ma mongs par rnyed pa'i nor phun sum tshogs pa 'jig rten gyis bkur sti byas pa/ yid du 'ong ba de dag kyang rts)a bzhin spangs nas/ rab tu byung ba dka' thub can gyi chos 'dul ba dang/ sdom pa*@21a */ /la rab tu 'bad par gyur to/ /sems dpa' chen po de rab tu byung bar gyur kyang/ grags pa che ba dang/ sngon shes pa rjes su dran pa dang/ srid pa'i yon tan dang rab tu zhi bas mtshon pa'i phyir legs par 'dod pa'i skye bo rnams de'i yon tan*mang pos yid mgu bas de'i phyi bzhin du 'du zhing 'ong bar gyur to/ /de'i skye bo khyim pa'i 'du 'dzis rab tu dben pa'i bde ba med par byed pa/ 'khrug pa dang g yeng ba dang bar chad du gyur pa de la mi dga' nas sems rab tu dben pa la dga' ba'i phyir/ ku ru zhes bya ba'i*gling lho phyogs kyi rgya mtsho'i nang na 'dug pa/ rgya mtsho'i rlabs rlung gis bskyod pa/ aan da rnyil gyi bcag 'phro ltar sngo ba 'thor bas mtha' ma bskor ba/ sa gzhi bye ma skya bos khebs pa/ shing ljon pa rnam pa sna tshogs pa me tog dang/ 'bras bu dang 'dab mas brgyan pa*rnams kyis mdzes par byas pa/ chu gtsang ma btung du rung ba yod pa cig tu gnas nas/ dka' thub la gnas shing dpal dang ldan par byas so/ /lus bzang de ni dka' thub kyis/ /rid par gyur cing de na mdzes/ /mkha' la zla ba tshes pa bzhin/ /gzi*mdangs che ba'ang mkha' la snang/ /spyod dang dbang po rab tu zhi zhing dul/ /brtul zhugs sdom la nges byas nags tshal gnas/ /blo yi mthu chung rnams kyis thub pa zhes/ /bya

dang ri d)ags rnams kyang de la 'khor/ /de nas bdag nyid chen po de dka' thub kyi nags*tshal na gnas kyang sbyin pa la rab tu goms pas glo bur pa rnams dus su 'ong na rtsa ba dang 'bras bu ji snyed pa dang/ chu gtsang ma dang 'dir 'ongs pa legs so zhes bya ba'i tshig gis shis pa brjod pa/ yid du 'ong ba skye bo dka' thub can rnams kyis mchod par byed do/ /*glo bur du lhags pa rnams la mgron byas pa'i lhag ma rnams nags tshal nas byung ba 'tsho ba'i phyir za zhing gnas so/ /de'i dka' thub mchog tu gyur pa'i grags pa 'phros pas/ lha rnams kyi dbang po brgya byin sems mgu bar gyur nas/ sems dpa' chen po de nyams*@21b brtan nam mi brtan nyams bskyed pa'i phyir/ dgon pa'i gnas de na rtsa ba dang/ 'bras bu dka' thub can rnams kyis bzar rung ba thams cad mthar gyis mi snang bar byas so/ /byang chub sems dpa' yang yid bsam gtan la zhugs pa dang/ chog shes pa la goms*pa dang/ kha zas la zhen pa med pa dang/ lus la ma chags pa'i phyir de dag mi snang bar gyur pa'i rgyu yid la mi byed do/ /des shing gi lo ma gzhon nu rnams btsos te des kha zas kyi dgos pa byas nas zhen pa med cing zas khyad par can mi tshol bar blo bde bar byas te der*gnas so/ /chog shes nges pa'i bdag nyid can/ /'tsho ba gang na'ang btsal mi dka'/ /rts)a dang lo mchu yi gnas/ /gang na'ang med pa ma yin no/ /de de ltar gnas pas lha'i dbang po brgya byin nyid yid la ngo mtshar che bar gyur nas/ /yon tan rab tu brtan pa*de dag brtag pa'i phyir nags tshal dgon pa de na shing ljon pa dang ldum bu thams cad dpyid kyi rlung gis btab pa bzhin du lo ma thams cad med par byas so/ /de nas byang chub sems dpa' des lo ma lhags shing rnyings pa cung zad yod pa rnams btus te chu'i nang du btsos pa*de dag za zhing mi dga' ba med par der bsam gtan gyi bde bas yid tshim par byas te/ bdud rtsi'i dam pa bzhin du gnas so/ /mang du thos pa snyems pa med/ /'byor pa rnams ni ser sna med/ /nags tshal gnas rnams chog shes pas/ /yon tan rgyan gyi mchog*yin no/ /de nas de'i chog shes brtan pa ngo mtshar du gyur pa des/ brgya byin ngo mtshar cher gyur nas bos pa bzhin du/ sems dpa' chen po de dro la babs pa'i tshe/ me la sbyin sreg bya ba ni zin/ bzlas brjod ni rdzogs nas/ skye bo glo bur du 'ongs pa lta ba'i phyir*phyogs su bltas pa dang/ lha'i dbang po brgya byin bram ze'i gzugs su bsgyur nas glo bur du 'ongs pa 'dra bar mdun du 'ongs so/ /byang chub sems dpa' yid rab tu dga' nas/ de'i drung du 'ongs nas/ 'dir 'ongs pa legs so/ /zhes bya ba la sogs pa'i*@22a */ /tshig snyan par brjod nas/ zas kyi dus la babs pa bstan nas mgron du bos so/ /des kyang mi smra bas khas blangs pa bdag nyid chen po des shes nas/ sbyin pa 'dod pas mig bgrad bzhin ni 'dzum pas mdzes/ /yid 'ong rnar snyan tshig gis*dga' bar byas nas ni/ /dka' bas rnyed de btsos pa de dag thams cad kyang/ /de la byin nas bdag nyid dga' bas tshim par gyur/ /de de bzhin du bsam gtan gyi gnas su zhugs nas dga' zhing mgu ba nyid kyis nyin mchan gnas so/ /de nas brgya byin de phyi de*gnyis dang/ nyi ma gsum la yang de bzhin du brtul zhugs kyis de'i mdun du 'ongs so/ /de'ang rab tu dga' nas de bzhin du de la mchod pa byas so/ /sbyin par 'dod pa'i dge ba rnams/ /snying rje goms pa las skyes pas/ /sdug bsngal srog la babs na yang/ /*dman zhing zhum par yongs mi 'gyur/ /de nas brgya byin sems la ngo mtshar che bar gyur nas/ 'di ni dka' thub che bas sum cu rtsa gsum pa'i bdag po'i dpal thob par bya ba yang 'dod pa tsam gyis 'grub par rig nas dogs pa dang 'jigs pa skyes nas/ bdag*gi lus lha'i cha lugs ngo mtshar che bar bzang po dang ldan pa mngon par bstan nas/ de la dka' thub kyi dgos pa dris so/ /gnyen dang mdza' bshes mchims 'ju ba dang/ /bde ba'i rgyur gyur yongs su bzung bor nas/ /bsam pa'i lcags kyu gang du dmigs nas ni/ /*dka' thub sdug bsngal 'di la gnas par gyur/ /bde ba 'byor pa'i longs spyod yongs bor zhing/ /gnyen bshes rnams kyang mya ngan bslongs nas su/ /rgyu rkyen chung du dag gis brten pa rnams/ /bde dang 'gal ba'i dka' thub nags mi 'gro/ /gang gi yon*tan thos nas khyod lta bu'i/ /blo yang de ltar dbang du byas pa de/ /bdag la gal te smra bar bya rung na/ /de bas bdag gi rtog pa bsal bar rigs/ /byang chub sems dpas smras pa/ gang gi phyir bdag ltar 'bad pa grogs po khyod nyon cig /yang dang yang du*@22b skye ba'i sdug bsngal dang/ /rgas dang rgud dang na ba'i sdug bsngal dang/ /'chi bar gyur snyam sems pa'i 'jig rten rnams/ /bskyab pa'i phyir na bdag ni de ltar gnas/ /de nas brgya byin gyis bsams pa/ 'di ni bdag gi dpal 'dod pa ma yin no snyam nas*dbugs phyin te/ legs par smras pa des dga' bar gyur te/ de'i tshig de rigs so/ /zhes bya bas dga' ba bskyed de/ byang chub sems dpa' la mchog sbyin par byas so/ /'dir khyod kyis dka'

thub can dang mthun pa'i tshig legs par smras pa'i phyir 'ongs*bas/ khyod la mchog sbyin gyi gang 'dod pa de slongs shig /de nas byang chub sems dpas srid pa'i bde ba la ma chags pa dang/ slong ba nyid sdug bsngal du rig cing chog shes pa la goms pas/ brgya byin la smras pa/ rjes su phan par byed pa'i mchog /gal*te bdag la sbyin 'dod na/ /lha yi mchog la dam pa 'di/ /bdag gis da ni bslong bar bya'o/ /chung ma yid du 'ong dang bu dang dbang byed dang/ /mngon par 'dod pa'i nor rnams rgya chen thob gyur kyang/ /gang gis yid gdungs rnams kyang chog mi shes pa yi/ /brkam*pa'i rlung de bdag gi snying la med par byos/ /de nas de'i chog shes pa la gzhol ba la legs par smras pas bsal bar byas pa des/ brgya byin yid rab tu dang bar gyur nas/ byang chub sems dpa' la legs so zhes bya bas bstod de/ yang mchog sbyin pas 'dun*bar byas so/ /'dir yang skye bo dka' thub pa dang mthun pa'i tshig khyod kyis legs par smras pa la dga' bas/ skyes lan dang 'dra bar mchog gzhan la yang sbyin par bya'o/ /da nas byang chub sems dpas mchog slong ba la snyad btags te/ nyon mongs pa dang bral ba*thob dka' ba nyid de la bstan pa'i phyir yang de la chos bshad do/ /yon tan mchog ni brgya byin khyod/ /nga la gal te mchog sbyin na/ /lha yi dbang po dam pa'i mchog /de bas gzhan yang 'di bslang ngo/ /sems can gang gis zil non dgra bo bzhin/ /nor*@2!a */ /yang nyams shing mdog bzang grags pa dang/ /bde ba las kyang nyams par gyur pa yi/ /zhe sdang med de bdag la ring du byos/ /lha'i dbang po brgya byin gyis de thos nas/ ngo mtshar du gyur te/ legs so zhes bya bas de la gus pas bstod de/ yang*smras pa/ rab tu byung la grags pa de/ /rjes su chags bzhin bstan par 'os/ /de bas legs par smras pa yi/ /mchog de bdag la bzhes su gsol/ /de nas byang chub sems dpa' nyon mongs pa dang mi mthun pa'i phyir/ mchog 'dod pa la snyad btags nas*sems can nyon mongs pa can dang 'grogs pa smad pa'i phyir 'di skad smras so/ /byis pa rnams ni nam yang mi thos shing/ /mthong bar mi 'gyur nams kyang mi smra zhing/ /de dang 'grogs par skyo ba'i sdug bsngal yang/ /mi myong mchog ni bdag gis khyod la slong/ /brgya byin*gyis smras pa/ phongs par gyur la khyad par du/ /dam pas phan btags ma yin na/ /phongs pa'i gnas su gyur pa'i phyir/ /byis pa tha ma yin par 'dod/ /byis pa 'di dag khyad par du/ /snying rje'i gnas su gyur pa ni/ /ci phyir snying rje can yin yang/ /mthong ba*tsam du khyod mi 'dod/ /byang chub sems dpas smras pa/ grogs po khyod mi nus mod 'di la ltos shig /ji ltar byas kyang byis pa la/ /phan gdags par ni mi nus te/ /bdag cag lta bu ji ltar na/ /de la phan par brtson mi byed/ /de lta bas na 'di dag phan*gdags par bya ba'i snod ma yin par zung shig /'di dag tshul min pa yang tshul bzhin byed/ /gzhan yang 'di la rab tu sbyor bar 'dod/ /'dul dang drang po'i rim dang mi mthun par/ /phan par bstan kyang rab tu 'khrug par 'gyur/ /mkhas pa'i nga rgyal gti mug*mes bsregs shing/ /phan par smra la'ang khro bas rtsub 'gyur ba/ /'dul dang brtson 'grus chung bas gzu lums can/ /de la ji ltar phan btags rung ba smos/ /lha'i gtso bo de lta bas na/ snying rje chen por gyur pa yang/ /byis pa rjes su mi rung ba/ /mthong*@2!b ba tsam du'ang mi 'dod do/ /brgya byin gyis de thos nas/ legs so legs so zhes de la bstod de legs par smras pas sems rab tu dad par gyur nas/ yang smras pa/ legs par smras pa rin chen la/ /rin ni ci yang yod ma yin/ /dga' bas me tog snyim*bkang nas/ /'dir yang khyod la mchog sbyin no/ /de nas byang chub sems dpas skyes bu dam pa gnas skabs thams cad du bde ba bstan pa'i phyir/ brgya byin la smras pa/ brtan pa mthong zhing brtan pa thos pa dang/ de dag nyid dang brgya byin bdag 'grogs gyur/ /*de dang smra zhing spobs pa'i bde ldan gyur/ /lha yi dam pa mchog de bdag la stsol/ /brgya byin gyis smras pa/ khyod ni brtan pa la rab tu dga' na/ de smros shig /brtan pas khyod la ci zhig byas/ /'od srungs de yi rgyu smros shig /brtan pa mthong bar 'dod pa yi/ /*gang phyir mi brtan bzhin du 'gyur/ /de nas byang chub sems dpas skyes bu dam pa'i yon tan bstan pa'i phyir smras pa/ bdag gang gi phyir brtan pa 'ba' zhig mthong bar 'dod pa de grogs po khyod nyon cig /yon tan lam du bdag nyid 'gro bar byed/ /gzhan yang*lam de nyid du 'dzud par byed/ /rtsub mo'i tshig kyang mi bzod bskyed mi 'gyur/ /de yi tshig ni phan par ldan pa yin/ /g yo sgyu med pa'i 'dul bas rtag tu brgyan/ /de ltar phan pa dag kyang bstan par nus/ /de ltar bdag blo yon tan dga' ba la/ /yon tan*dga' phyir rab tu gzhol bar gyur/ /de nas de la brgya byin gyis/ legs so 'di ni legs so zhes bstod do/ /sems rab tu dang bar gyur nas/ yang mchog sbyin par byas so/ /chog shes pa la goms gyur pas/ /khyod kyis kun tu bzlog gyur

kyang/ /bdag*la pan btags blo yis su/ /mchog ni blang bar bya ba'i rigs/ /gus dang phan pa'i bsam pa dang/ /mthu yang ci yod thams cad kyis/ /mchog ni sbyin par byas pa la/ /ma blangs pa ni sdug bsngal che/ /de nas byang chub sems dpas de rab tu phan 'dogs par*@2"a */ /'dod pa rtogs nas de dag la dga' ba dang phan par 'dod pas sbyin pa la rab tu dga' ba de la brtan pa'i phyir smras pa/ khyod kyi kha zas zad pa'i nyes pa spangs/ /yid kyang sbyin la dga' dang mthun gyur zhing/ /slong mi rnams ni tshul khrims rnam dag*brgyan/ /'di dag bdag la yod gyur mchog slong ngo/ /brgya byin gyis smras pa/ 'dir yang khyod ni legs par smras pa rin po che'i 'byung khungs su gyur to/ /gzhan yang khyod kyis gang blangs pa/ /de dag thams cad de bzhin du 'gyur ro/ /legs par smras pa 'di la*yang/ /khyod la mchog ni sbyin par bya/ /byang chub sems dpas smras pa/ lha rnams kun gyi mchog tu gyur pa khyod/ /bdag la phan 'dogs rgyur gyur mchog sbyin na/ /gsal bar bdag drung slan chad mi 'byon pa'i/ /mchog 'di lha min 'joms pa khyod la bslong/ /*de nas brgya byin ngo mtshar du gyur nas/ /mi bzod pa bzhin du de la smras pa/ khyod re zhig ltos shig dang/ bzlas brjod brtul zhugs mchog sbyin dka' thub spyad pa yis/ /skye bo 'di dag kho bo'i rjes su mthun 'dod na/ /kho bo mchog sbyin 'dod phyir 'di ltar 'ongs pa la/*khyod ni de ltar mthong bar mi 'dod ci yi phyir/ /byang chub sems dpas smras pa/ 'di la bdag gis khyod mnyes par bgyi yis/ lha'i dbang po khyod ma bkyon cig /'di mi srun pa'i tshul kyang ma lags/ ma gus par bgyid pa yang ma lags/ khyod dang 'phrad par*mi 'tshal ba yang ma lags na/ lha yi gzugs mchog rmad du byung ba mthong ba dang/ /gzi brjid gsal zhing mdangs dang ldan pa mthong gyur na/ /khyod ni rab tu dang zhing zhi bar gyur pa yang/ /bdag gi dka' thub nyams par 'gyur du dogs lags mod/ /de nas brgya*byin gyis de la phyag 'tshal te bskor ba byas nas de nyid du mi snang bar gyur to/ /de nas nam langs pa dang/ lha'i bza' ba dang btung ba brgya byin gyis sbyar ba rnams dang/ rang sangs rgyas brgya phrag du ma brgya byin gyis sbyan drangs pa rnams dang/ lha'i bu gzhon nu bshos 'dren*@2"b par chas shing bsdogs pa du ma tsam lhags pa/ byang chub sems dpas mthong bar gyur to/ /bza' ba dang ni btung ba sbyar ba de dag gis/ /drang srong chen po de dag mchod par byas pa dang/ /thub pa de ni dga' ba chen po thob par gyur/ /skye bo dka' thub can dang*mthun pa'i tshul dag dang/ /bsam gtan tshad med sdom dang zhi ba'i gnas/ /de bas na de ltar dka' thub kyi nags tshal na gnas pa rnams la yang gtong phod pa dang dpa' bas rgyan du gyur na/ khyim na gnas pa rnams lta smos kyang ci dgos te/ de bas na mi rnams*kyi gtong phod pas bdag brgyan par bya'o/ /zhes sbyin bdag gzengs bstod pa'i phyir de ltar bcom ldan 'das de sku tshe snga ma la yang legs par gsungs pa khyad par can rin po che'i 'byung gnas su gyur pa yin na/ mngon par rdzogs par sangs rgyas pa na lta smos kyang ci dgos*zhes de bzhin gshegs pa'i che ba nyid bstan pa la yang sbyar bar bya'o/ /aa gastya'i skyes pa'i rabs te bdun pa'o// //bam po gsum pa/ snying rje chen po gzhan gyi sdug bsngal gyis gdung ba rnams ni bdag gi bde ba la mi lta ste/ de yang 'di skad*thos so/ /byang chub sems dpa' dag gi che ba nyid kyis snying rje dang ldan zhing/ 'gro ba yongs su bskyab pa'i lhag pa'i bsam pa can/ sbyin pa dang dul ba dang sdom pa dang/ nges pa la sogs pa 'jig rten la phan 'dogs pa dang/ mthun pa'i yon tan khyad par can mngon par*'phel ba/ sems can thams cad la byams pa'i yid du gyur pa/ byams pa'i stobs zhes bya ba'i rgyal por gyur to/ /zhes grags so/ /skye dgu rnams ni bde dang sdug bsngal gang/ /rgyal po de yang de dag de bzhin gyur/ /de bas de ni skye dgu bsrung la mkhas/ /*mtshon cha dang ni gtsug lag rnams la goms/ /mi yi bdag po'i bka' khrims spyi bos mnos/ /de yi mtshon cha rgyan dang 'dra bar gyur/ /'jig rten phan byung bstan bcos tshul rnams kyi/ /gtsug lag dag kyang rnam par gsal bar snang/ /tshar gcad pa dang phan gdags byas*@2#a */ /pa la/ /chos dang 'gal ba de ni yongs mi byed/ /tshul la mkhas shing phan par sems pa'i phyir/ /skye dgu rnams la rtog mkhas pha dang 'dra/ /de de ltar chos kyis skye dgu rnams skyong ba na/ bden ba dang gtong ba dang/ shes rab la sogs pa*gzhan la phan pa yongs su bsngos pa'i phyir khyad par can gyur pa la rlabs che ba'i rim pas byang chub kyi tshogs bsags shing mngon par dar ba las/ re zhig cig nyes pa 'ga' zhig byung ba'i phyir gnod sbyin gzhan gsod pa la mkhas pa mdangs 'phrog pa la dga' ba lnga*sde cig /gnod sbyin gyi bdag pos rang gi yul nas spyugs pa yul der lhags so/ /de'i yul na gnod pa thams cad med pa

dang rtag tu dga' ba sna tshogs yod pa dang/ phun sum tshogs pa mchog dang ldan pas rtag tu mi rnams rab tu dga' mgu zhing dar ba mthong nas/ de*dag yul de na gnas pa'i mi rnams kyi mdangs 'phrog 'dod par gyur to/ /de dag rab tu bsgrims nas ni/ /rang gi las la 'jug byas kyang/ /de na gnas pa rnams kyi mdangs/ /'phrog par bya bar mi nus so/ /rgyal po de'i mthu khyad par che bas na/ /bdag gi yin pa'i*blo ni gar bzhag pa/ /de nyid de yi srung ma mchog yin pas/ /de dag gis ni mdangs 'phrog nus ma gyur/ /de ltar rab tu 'bad kyang yul de na gnas pa'i mi gang gi mdangs 'phrog par ma nus pa de'i tshe/ de dag gcig la gcig bltas nas/ grogs po dag 'di ci zhig*yin snyam du sems par gyur to/ /bdag cag mthu la gnod par nus pa yi/ /rig sngags dka' thub dngos grub khyad par yang/ /de dag la ni yod pa ma yin na/ /'on kyang de ring bdag cag thams cad kyi/ /ming ni don dang mthun par ma gyur to/ /de nas gnod sbyin dag*bram ze'i gzugs su bsgyur te song song ba dang/ grib shing sngon po cig gi drung na nags na rgyu ba'i ba glang gi rdzi'u cig lham dang bcas par 'dug cing/ nags tshal gyi shing gi me tog lo ma dang bcas pa'i phreng ba ni thogs/ dbyug pa dang dgra sta ni g yas rol du bzhag /gcig*@2#b pus srad bu ni 'khal/ spyugs glu ni len cing 'dug pa mthong nas/ de'i drung du lhags te smras pa/ kye ba glang rdzi'u 'di lta bu'i dgon pa dben pa 'gro ba med pa na gcig pur ji ltar mi 'jigs/ des de dag la bltas nas su la 'jigs zhes smras so/ /gnod*sbyin rnams kyis smras pa/ srin po rnams dang 'dre rnams rang bzhin gyis gtum zhing ma rungs pa yin par khyod kyis sngon ma thos sam/ rig sngags dka' thub bde legs ldan pa dag /grogs kyis bskor ba'i nang na 'dug gyur zhing/ /dpa' la 'jigs pa med pa'i*mi dag kyang/ gang las thar bar 'gyur ba rab dka' ba/ /nags tshal rab tu dben zhing zab pa la/ /'jigs pa'i sa na grogs kyang yong med par/ /mi yi sha dang tshil dag za ba yi/ /srin po de dag ci phyir khyod mi skrag /de skad ces smras pa dang/ ba glang rdzi'u*des dgod nas smras pa/ bde legs chen pos 'gro ba 'di/ /yongs su bskyang bar gyur ba na/ /lha yi dbang po dag gis kyang/ /'di dag gtso bar mi nus na/ /sha za rnams kyis ga la nus/ /de bas nags na khyim bzhin du/ /mtshan mo dag kyang nyin par bzhin /*gcig pu 'ang grogs kyi nang 'dug 'dra/ /bdag ni 'jigs pa med par 'dug /de nas gnod sbyin de dag ngo mtshar cher gyur nas/ de la zil gyis gnon pa bzhin du ched cher byas nas smras pa/ kye bzang po khyod kyi bde legs kyi bye brag de ci 'dra ba zhig re zhig smros*shig /de dgod cing de dag la smras pa/ bdag cag gi bde legs kyi bye brag rmad du byung ba ci 'dra ba nyon cig /gser gyi ri bo'i brag ltar yangs pa'i brang/ /ston ka'i zla ba dri med mdzes ba'i zhal/ /dpung pa gser gyi sdong po lta bur rgyas/ /mi dbang khyu mchog*spyan 'dra rnam par gnon/ /bdag cag gi bde legs kyi khyad par ni 'di'o zhes smras nas/ ngo mtshar che zhing khro ba dang bcas pas gnod sbyin de dag la bltas te yang smras pa/ ae ma ho 'di ngo mtshar che'o/ /mi dbang thub chen 'di ltar grags pa yang/ /khyed*@2$a */ /kyi rna lam ci ltar ma grags kye/ /'on te thos kyang shin tu rmad byung bas/ /khyed cag yid mi ches phyir ma bzung ngam/ /khyed cag gang nas lhags pa'i yul de yi/ /mi rnams yon tan tshol la mi mkhas sam/ /ched cher mi 'jin skal ba med pa'i*phyir/ /mi dbang grags pas rnam par spangs su dogs/ /de bas na yul de lta bu mtha' 'khob nas 'dir lhags pa ni/ khyed cag la skal ba cung zad cig yod do/ /gnod sbyin rnams kyis smras pa/ bzang po de'i yul na gnas pa'i skye bo rnams la mi ma yin pa rnams kyis*gnod pa byed mi nus pa rgyal po de'i mthu de lta bu ci las gyur/ ba glang rdzi'us smras pa/ nged kyi rgyal po chen po'i mthu 'di lta bu 'di ni rang gi che ba nyid kyis thob pa'o/ /bram ze dag ltos shig /de'i dpung byams pa'i ru mtshon khro bo'i dpung ni cho ga tsam/ /de ni mi khro tshig rtsub mi*smras yang legs par bsrung/ /de yi bka' khrims chos yin rgyu med nor yang dam pa mchod/ /de ltar rmad du byung yang ngan pa'i chos nyid dregs pa med/ /kho bo cag gi rje 'di ni de lta bu la sogs pa'i yon tan mang po dang ldan te/ de bas yul na gnas pa'i skye bo rnams la gnod*par mi nus so/ /de lta bas na kho pos khyed la ci snyed cig smra bar mi nus kyis/ mi'i bdag po'i yon tan thos par 'dod na khyed grong khyer de nyid du 'dong bar rigs so/ /khyed der song dang skye bo rnams rang rang gi chos la dga' bas ya rabs kyi tshul la gnas pa dang rtag tu bde zhing*lo legs pas rab tu dga' ba phun sum tshogs shin tu lugs bzang la mi 'phya ba dang/ skye bo glo bur du lhags pa rnams la khyad par du byams pa dang/ mi'i bdag po'i yon tan snying la dran pa dang/ de'i grags pa'i gzhi bstod pa dang bkra shis pa dang bde legs bzhin

du rab tu*dga' zhing goms par byed pa dag mthong na rgyal po'i yon tan rgya cher shes par 'gyur ro/ /de ltar yon tan mang po brjod pas de mthong bar 'dod pa la nges par de'i yon tan mngon sum du 'gyur ro/ /de nas gnod sbyin de dag rang gi mthus ma tshugs pas rgyal po de la sems*@2$b mi bzod pa dang bcas pas yon tan snying nas brjod cing tshig rigs pa dang/ bden par smras pa des kyang sems 'jam por ma gyur to/ /dman pa rnams ni phal cher yang/ /mi bzod pas ni yid gdungs pas/ /dngos po gang la de grags pa/ /de yis lhag par*gdungs par gyur/ /rgyal po de sbyin pa la dga' bar shes nas/ de la gnod pa byed par 'dod pa'i gnod sbyin de dag gis rgyal po de mthong nas mthong ba'i tshe/ bza' ba slongs so/ /de nas rgyal po de rab tu dga' nas de'i las su bskos pa'i mi rnams la kha zas zhim po*bram ze rnams la myur du byin cig ces bka' stsal to/ /de nas bram ze la dgos pa'i kha zas rnams khyer te 'ongs na yang/ gnod sbyin de dag na re kha zas de lta bu bdag cag mi bza'o zhes smras nas/ stag gzig rtsa sngon po mi 'dod pa bzhin du len du ma btub bo/ /de*rgyal po des thos nas/ de dag gi drung du song ste/ 'o na khyed cag rnams kha zas ci lta bu 'dod de 'dra ba btsal lo/ /zhes smras so/ /gnod sbyin rnams kyis smras pa/ mi sha shin tu dron po dang/ /mi yi khrag ni dron mo dag /brtul zhugs mnyams padma'i spyan/ /gnod*sbyin rnams kyi bza' btung lags/ /zhes smras nas/ rang gi lus kha nas mche ba gtsigs pa/ mig dmar zhing ser la g yo zhing mi sdug pa dang/ sna leb cing mi sdug pa dang/ skra dang kha spu me 'bar ba ltar ser ba dang/ lus char sbrin ltar gnag cing mi sdug pa 'jigs pa*bstan pa de dag mthor nas/ rgyal po des bsams pa/ 'di dag ni sha za yin te mi ma yin no/ /de bas na bdag cag gi bza' ba dang btung ba ma 'dod do snyam du nges par gyur to/ /de nas mi'i dbang po de snying rje can yin pas/ bsam pa dag pas de dag la snying rje de bas*yang ches gyur snying la snying rje 'ba' zhig sems/ gnod sbyin de dag la mya ngan byed cing don 'di lta bu nges par bsam mo/ /snying rje can la 'di lta bu'i/ /bza' dang bca' ba rab tu dkon/ /nyin re zhing yang de btsal ba/ /de las sdug bsngal che ba med/ /snying rje med*@2%a */ /cing mi nus na'ang/ /'bad pa don ni med par 'gyur/ /nus na'ang phan byed goms pa la/ /de bas dka' ba ci zhig yod/ /snying rje med cing yid ni ma zhi ba/ /de lta bu yi kha zas za ba rnams/ /tshe 'di dang ni pha rol rang don bsreg /'di dag*sdug bsngal nam zhig med par 'gyur/ /da 'di dag gi kha zas sbyar bas nyin zhag 'ga' tsam yang gzhan gsod pa la zhugs pa 'di las ci ltar bzlog par bya/ phongs te slong du 'ongs pa rnams kyi gdong/ /re ba bzlog pas ngo 'dzum gnag gyur pa/ /bu yug rlung gis padma*rnying pa bzhin/ /mi dga' byas pas nams kyang bdag mi dran/ /gdon mi za bar bdag lus rgyas pa 'di/ /khrag dang bcas pa'i sha rnams sbyin bar bya/ /phongs pa 'ongs na de ni rigs pa snyam/ /de las gzhan pa bdag gis gang du btsal/ /bdag rang shi ba'i sha*rnams drod med la/ /khrag rnams 'ang del yod pa ma yin no/ /bru ba tsha bas sems ni gdungs pa la/ /de yis legs par mgu bar 'gyur ma yin/ /gson po'i sha yang bdag gis ji ltar btsal bar bya/ /'di dag bdag gi thad du 'ongs nas bkres pa la/ /skom pas*mig dang gdong gi mdongs nyams shing/ /bslong dang re ba'i 'bras bu med pas yid/ /sdug bsngal bzhin du slar dong na yang ci zhig bya/ /de bas na 'di ni dus la bab kyis/ rtag tu na zhing gdug pa'i rma dang 'dra/ /nad kyi 'byung khungs ngan pa'i lus 'di la//*dgos pa khyad par can du spyad pa yis/ /bcos pa'i sdug bsngal shin tu bzod par bya/ /de ltar nges par byas nas rgyal po rab tu dga' bar gyur pas/ mig rtsa dang gdong gi mdangs bzang pos rang gi lus bstan nas/ gnod sbyin de dag la smras pa/ bdag gi sha*ni khrag dang bcas pa 'di/ /'jig rten rnams la phan pa'i phyir bzung ste/ /gal te de ring mgron du byar rung na/ /de ni bdag gis mngon par thob par 'gyur/ /de nas gnod sbyin de dag rgyal po de'i lhag pa'i bsam pa shes bzhin du ngo mtshar rab tu che bas yid ma ches nas/*@2%b rgyal po la smras pa/ phongs pas bdag gi sdug bsngal dag /slong zhing dman pas bstan pa lags/ /de las sbyin pa po nyid kyis/ /dus la bab pa mkhyen par mdzod/ /de nas rgyal po des bsams pa da ni 'di dag dga' 'dod do snyam nas/ snying rab tu dga' ste/*rtsad bral ba'i phyir sman pa rnams bos shig ces bka' stsal to/ /de nas rgyal po de'i blon po rnams rgyal po'i sha dang khrag rnams sbyin par stsol bar rig nas/ rtab rtab por gyur to/ /mi bzod cing sems 'khrugs nas byams pa'i dbang gis don 'di lta bu cung zad*cig gsal bar smras so/ /lha sbyin pa la dgyes ches pas 'bangs glo ba nyeb rnams la phan pa dang/ gnod par 'gyur ba mi gzigs pa mi rigs so/ /lhas 'di dag ni mi mkhyen pa yang ma lags te/ /'di ltar skye dgu rnams la

gnod pa gang dang gang/ /de dang de dag*gnod sbyin rnams la dga'/ /gzhan la gnod pas 'tsho zhing dga' ba skye/ /'di dag rigs dang rang bzhin de lta lags/ /rgyal srid dpal 'di 'jig rten phan pa'i phyir/ /bde la ma chags lha yis bzung bar mdzod/ /de bas bdag gi sha sbyin gsol ba yi/ /log*pa'i lam du yi dam bcas pa mthong/ /skyes bu dpa' bo khyod kyi mthus bskyabs pa'i/ /'jig rten gdon mi za bar 'di mi bzod/ /pung bar byed la mkhas pa 'di dag ni/ /tshul gyis tshul min skye dgu phung bar 'dod/ /mchod sbyin tshe na sum cu rtsa gsum pa'ang/ /*tshil dang zhag la sogs pa bsregs pas mgu/ /khyod kyi zhal zas phun sum tshogs pa dag /gus par sbyin yang 'di dag 'dod mi 'gyur/ /lha'i thugs ni bdag cag lta bu'i skye bos bcos pa ma lags mod kyi/ 'on kyang 'di ni bdag cag gi don du gces pa'i slad*du bdag cag 'di ltar ko long gsol bar gyur to/ /gnod sbyin lnga po 'di rnams kyi don du 'bangs thams cad mgon ma mchis par bgyi'am/ lha 'di lta bu'i chos gang gi lam lags/ gzhan yang 'di lta bdag cag la mi byams pa ci las gyur/ rje'i ched du 'tshal ba*@2&a */ /la sha dang khrag yongs su rdzogs par mchis pa 'di dag sngon bdag cag gang gis sbas te ma phul na lha nyid kyis stsal bar bzhed/ de nas rgyal po des blon po de dag la smras pa/ yod bzhin du ni med ces su/ /nged cag lta bus ci ltar smra/ /brtul te gsal*bar slong ba la/ /mi sbyin zhes kyang ci skad smra/ /chos kyi bka' khrims thog mar 'gro ba dag /gal te ngan pa'i lam du bdag song na/ /nga yi spyod pa'i rjes su 'jug pa yi/ /nga yi 'bangs rnams gnas skabs ci ltar 'gyur/ /'di yang skye dgu rnams kyi don gyi*phyir/ /ngas ni lus la snying po dbyung bar bya/ /nga yi sems ni ser snas phrogs gyur na/ /skye bo'i don la dge ba'i gzi ci 'dra/ /khyed kyis nga la gus pa dang bcas par byams pa dang bag phab ste gang smras pa/ 'di ltar bdag cag la ni mi byams pa ni ci las gyur/ sha*dang khrag bdag cag la yongs su rdzogs par mchis bzhin du/ lha nyid kyis stsal bar bzhed ces zer ba de yang khyed la bshad do/ /nga khyed la mi 'byor zhing mi byams pa yang ma yin la/ ma byin du dogs pa yang med mod kyis/ rim gyis nor ni nyung ngur gyur pa'am/*skal ba chung pas zad par gyur na ni/ /mdza' bo rnams la slong ba mdzes par gyur/ /nor ldan dbul la slong ba yongs mi mdzes/ /skye bo phongs pa rnams kyi phyir bskyed pa'i/ /lus ni sha rgyas shin tu mtho ba dang/ /nga bdag nyid la chen po yod bzhin du/ /khyod la*slong ba legs pa ma yin no/ /mi shes gzhan gyi gnod pa'ang mi bzod na/ /khyod kyi gnod pa bdag gis ga la bzod/ /'di dag khyod la mi slong nga la slong/ /de bas nga bdag sha ni sbyin par bya/ /de bas na nga la rab tu byams pas chos kyi gegs la 'dzem pa med pa*'di thong shig /nga'i don du khyod kyis spyod pa 'di lta bu bya ba mi rigs so/ /'di ni re zhig dpyad dgos te/ bza' ba la sogs bdog bzhin du/ /sbyin pa 'gog pa ji ltar 'gyur/ /legs sam gal te ma legs na/ /de ltar byed pa ci 'drar 'gyur/ /de*@2&b ltar 'dir bsam pa de lta bu de thong la/ nga'i grogs rjes su mthun par byas na rigs pas dpyad par bya'o/ /lam log par 'gro ba las bzlog pa'i yid can du byas la rjes su yi rang ba dang mthun par 'di la khyed kyis byas na bzang gi de ltar mi brtan par bya ba mi rigs so//*ci'i phyir zhe na/ nor ni gcig pus spyad pa ma yin la/ /slong ba 'ang nyin re rtag tu 'ong ma yin/ /slong ba 'di lta bu dang 'phrad pa ni/ /lha dag mnyes par byas kyang mi 'grub na/ /slong pa 'di lta bu'ang 'ong 'gyur zhing/ /lus kyang chud za mi bde'i gnas gyur la/ /the tshom*za na 'ang rgya cher mi 'grub na/ /'dzum zhing zhum pa med pa'i mchog yin no/ /de ltar rgyal po des rang gi 'khor rnams la khyed kyis de ltar nga la brgal bar mi rigs so/ /zhes tshig 'jam pos bsgos nas/ sman pa rnams bos te rang gi lus la rtsa lnga dbral te/ gnod sbyin*de rnams la smras pa/ nga yi lus 'di khyer nas su/ /chos kyi grogs kyang bya ba dang/ /nga yang rab tu dga' gyur par/ /khyod kyis da ni bya bar rigs/ /de dag gis de ltar bgyi'o zhes smras nas/ rgyal po'i khrag tsandan dmar po'i khu ba 'dra ba snyim pa zed de btung bar chas so/ /*rgyal po de'i lus gser mdog 'dra ba la/ /mtshan mo spyod pa rnams ni khrag 'thung ba/ /ri rab lhun po'i ri la dpyar dus kyi/ /char sprin stug pos nye bar bskor ba bzhin/ /dga' ba mchog ldan bstan dang ldan pa dang/ /lus kyi yon tan ldan pas rgyal po de/ /lus kyang*ma nyams sems kyang brgyal ba med/ /khrag gi rgyun yang zad pa yod ma gyur/ /gnod sbyin de dag skom gyis gdung ba zhi nas da ni 'dis 'tshal to zhes rgyal po la smras so/ /sdug bsngal mang po 'byung ba'i gnas kyi lus/ /rtag tu byas pa mi gzo yin yang rgyal po de/ /*slong ba dag la sbyin ba'i don grub pas/ /rab tu dga' dang rjes mthun bzung bar gyur/ /de nas rgyal po de rab tu dga' bas bskul bas mig dang bzhin gyi mdangs lhag par gsal bar gyur nas/ autpa la

mthing ga'i 'dab ma ltar mdog sngo ba'i ral gri rnon po rdo rje rin po ches spras*@2'a */ /pa'i 'od kyis mdzes pa blang ste/ bdag gi sha bcad cing de dag la byin no/ /byin la dga' bas yang dang yang/ /skabs ni med par byas pa na/ /bcad pa'i sdug bsngal de yid la/ /dmigs par byed ni ma nus so/ /ral gri rnon pos bcad*pas drangs pa yi/ /dga' bas phyir yang ring du bsregs pa bzhin/ /de yi sdug bsngal skyo zhing ngal ba ltar/ /yid la 'jug par byed pa chung bar 'gyur/ /rang gi sha yis gnod sbyin de dag ni/ /tshim par byas pas de ni de bzhin dga'/ /de dag sems ni khro ba'i*rang bzhin yang/ /de ltar byas nas 'jam zhing nges par gyur/ /chos la dga' zhing snying rje'i dbang gyur te/ /gzhan gyi don du bdag lus gces btang bas/ /zhe sdang me yis bsregs pa'i yid rnams kyang/ /rab tu dang zhing mdog kyang gsal bar byas/ /de nas*gnod sbyin de dag rgyal po des rang gi sha gcod pa la 'bad cing sha bcad pa'i sdug bsngal gyis bzhin mdangs ma gyur pa dang/ mi g yo ba de bzhin du bzhugs pa mthong nas/ rab tu dga' zhing ngo mtshar che bar gyur to/ /ae ma ho ngo mtshar rmad byung 'di dag ci/ /bden*nam brdzun zhes dpyod cing dga' ba skyes/ /brgya la mi bzod zhi nas yid kyang dang/ /de la bstod cing phyag kyang 'tshal bar gyur/ /lha nyid kyi sku'o brgyal bar mdzad pa btang du gsol/ bdag kyang tshim par bgyis lags so/ /skye bo slong ba yid dga' bar bgyid pa*shin tu rmad du byung ba khyod kyi spyod pa 'di ngo mtshar gyis btang du gsol/ zhes rgyal po la gus pa dang bcas/ phyag 'tshal ba dang bcas pas rab tu dga' zhing gdong mchi ma can gyis bltas nas yang smras pa/ gus pa'i dbang gis skye bos khyod kyi grags pa sgrogs pa*thog tu bab/ /dpal yang padma'i nags tshal btang ste khyed la brten pa thog tu bab/ /brgya byin mgon du gyur kyang khyod kyi mthus bskyabs sa yi lha mo 'di/ /mtho ris kyis mthong smon par nges te gal te mi smon bslus su zad/ /mar du smos kyang mi dgos te/ skye bo*@2'b 'di lta bus mngon par bzung ba'i mi'i 'jig rten 'di dag ni skal pa dang ldan pa'o/ /khyod lta bu'o brgyal bar bgyis pa 'dis ni bdag cag bsregs kyi 'gran zla ma mchis so/ /de ltar gyur pa las kyang skye bo khyod lta bu la brten nas bdag cag thar par nus nges so/ /*bdag cag gis nongs pa bgyis pa gsol ba'i slad du zhu bar 'tshal lo/ /bde ba brnyes par gyur pa dang/ /rgyal po'i dpal yang bor nas ni/ /'di lta bu yi spyod pa yis/ /rmad du byung ba'i gnas ci bzhed/ /thams cad sa yi bdag po'am/ /nor gyis phyug*pa'am dbang po'am/ /tshangs pa'am rnam par grol ba dag /dka' thub 'di yis bzhed lags sam/ /'di lta bu yi rtsol phod pas/ /bzhed pa'i don ni mi ring ste/ /gal te bdag cag thos rung na/ /bdag cag la ni bka' stsal rigs/ /rgyal pos smras pa/*ci'i phyir ngas 'di ltar byed pa nyon cig /rnyed par dka' la 'jig par sla ba dang/ /chog pa'i bde med rab tu zhi med pa'i/ /srid pa'i longs spyod bde ba nga mi 'dod/ /lha dbang dpal yang 'dod pa ma yin na/ /de las gzhan pa smos kyang ci zhig dgos/ /bdag*gis sdug bsngal zad pa tsam gyi phyir/ /nga yi yid ni mgu bar 'gyur ma yin/ /sdug bsngal mi bzad nang kyis nyen pa yi/ /lus can mgon med 'di rnams ngas bltas na/ /bsod nams 'dis ni thams cad gzigs pa yi/ /go 'phang thob cing skyon gyi dgra btul nas//*rga dang na dang 'chi ba'i rlabs 'khrugs pa'i/ /srid pa'i mtsho las skye bo 'don par 'dod/ /de nas gnod sbyin de dag rab tu dang zhing ba spu langs nas/ rgyal po la phyag 'tshal te smras pa/ 'di lta bu'i rtsol ba khyad par can gyi las 'di ni rigs te/ de bas na khyod lta bu'i dgos pa*grub pa ni/ ring por mi thogs so snyam du yid la nges par bsams pas gsol ba btab pa/ khyod kyi bsam pa 'di kun ni/ /'jig rten phan pa'i phyir lags kyang/ /bdag cag rang la phan 'tshal bas/ /de tshe bdag cag dgongs su gsol/ /ma 'tshal bas*@!(a */ /na bdag cag gis/ /bdag gi don yang ma mthong bas/ /de ltar khyod ni 'o brgyal ba/ /de yang bzod pa mdzad du gsol/ /khyod kyi bka' yang bdag cag la/ /rjes su bzung ba'i rgyur gyur pa/ /blon po dag la bgyi ba bzhin/ /'dzem pa med*par stsal ba rigs/ /de nas rgyal po des de dag sems rab tu zhi zhing 'jam par gyur pa rig nas smras pa/ 'di ni nga la phan pa yin gyi gnod pa ma yin pas mi bzod du dogs pa ma bskyed cig /gzhan yang/ chos kyi lam la 'di ltar grogs byed pa/ /byang chub thob nas rjed[+]*par ga la 'gyur/ /rnam par thar pa'i chos kyi bdud rtsi las/ /khyed cag nyid la thog mar bgo bar bya/ /nga ni de la dga' bar shes byas nas/ /srog gcod khyed kyis dug bzhin spang bar byos/ /gzhan nor chung ma dag la chags pa dang/ /brdzun du smra dang chang gi sdig pa*spongs/ /de nas gnod sbyin de dag gis de bzhin du bgyi'o zhes de la mnyan nas/ de la bskor ba byas te phyag 'tshal nas de nyid du mi snang bar gyur to/ /sems dpa' chen po des bdag gi sha dang khrag nges par

sbyin par byas pa de nyid kyi tshe/ sa ni rnam pa mang por g yos*par gyur to/ /gser gyi ri bo rnam par 'gul bar gyur/ /de na gnas pa'i bya rnams sgra yang 'gyin/ /shin rnams 'gul bas me tog lhags par gyur/ /de dag rdzis bskyod mkha' la sprin ltar chags/ /la la bla res bres shing bya brgyus bzhin/ /kha cig tu ni phred*ba brgyus pa bzhin/ /mi yi bdag po khor yug mnyam par lhags/ /rgya mtsho chen po shin tu g yo ba'i rlabs/ /rang bzhin las ni lhag pa'i shugs dang sgras/ /'gro ba brtul ba'i lus ni gzi mdangs can/ /sa yi bdag po'i bzlog pa bzhin du byung/ /de*nas lha yi dbang pos 'di ci zhes/ /brtags par gyur nas de yi rgyu rtog cing/ /rgyal po nyes par dogs te rab myur bar/ /rgyal po'i pho brang mya ngan 'khrugs par 'ongs/ /sa yi bdag po de ltar gyur na yang/ /gzi mdangs gsal bas lhag par ya mtshan skyes/ /*@!(b thad du 'ongs nas snyan pa'i tshig rnams kyis/ /dang zhing dga' bas de yi spyod pa bstod/ /ae ma ho/ /skye bo dam pa'i cho rigs bzang/ /ae ma ho/ /yon tan bsgoms pas rgya re che/ /ae ma ho/ gzhan la phan pas blo re bde/ /sa 'di khyod la gtad pa mgon dang*bcas/ /zhes bstod nas/ lha'i dbang po brgya byin gyis lha dang mi'i sman gyi khyad par gyi rma gsar pa sos par byed nus pa rnams kyis/ de'i lus sngon bzhin du sdug bsngal med par byas nas/ rgyal po des kyang mthun pa dang gus pa dang yo byad kyis slar mchod par byas te/*nyid kyi gnas su slar song ngo/ /de ltar na snying rje chen po rnams ni gzhan gyi sdug bsngal gyis sdug bsngal zhing/ bdag gi bde ba la mi lta ba yin na/ nor tsam la chags nas gtong mi phod pa lta su zhig yod ces/ skye bo sbyin pa byed pa dag la gzengs bstod pa dang/*snying rje'i yon tan bsngags pa dang/ /de bzhin gshegs pa'i che ba bstan pa dang/ bsti stang du byas te chos nyan pa la yang brjod par bya'o/ /bcom ldan 'das kyis dge slong lnga po 'di dag ni mang du byed byed pa'o/ /zhes gsungs pa de yang 'di la dgongs te/ de'i te*gnod sbyin lnga por gyur pa de dag la bcom ldan 'das kyis ji ltar zhal gyis bzhes pa de bzhin du chos kyi bdud rtsi byin pa yin no/ /byang chub sems dpa' byams pa'i stobs su skyes pa'i rabs te brgyad pa'o// //byang chub sems dpa'i spyod pa ni sems*can phal pa rnams kyis rjas su yi rang ba tsam yang lags par mi nus na kun tu spyad pa lta ga la nus/ de yang 'di skad thos te/ dbang po thul ba goms par gyur pa dang/ dpa' ba dang/ tshul dang dul ba phun sum tshogs pas rnam par rgyal ba'i dpal thob pa/ rgan*pa la bsnyen bkur nges par byas pas rig byed gsum dang brtag pa'i don gyi de kho na nyid khong du chud pa rang gi 'khor rang gi chos dang las la 'bad pa/ yid de'i rgyu med pas ma gyur zhig bde bar 'tsho ba snying nye ba rnams kyis bka' khrims bzang po bsgrags pa/ so chis byas*@!1a */ /pa legs par 'byor pa/ yul shi bi pa rnams kyi rgyal po kun tu rgyal ba zhes bya ba zhig byung ngo/ /yon tan ldan pas mi yi bdag po'i dpal/ /rigs ldan chung ma bzhin du snying nye ba/ /ri phug seng ges bsrungs pa'i ri d)ags bzhin/ /sa yi*bdag po gzhan rnams glags mi lta/ /dka' thub rnams dang rigs dang sgyu rtsal la/ /nang gi 'khor gyis goms par byas pa rnams/ /'ongs nas rim gro lhag par che bar 'gyur/ /bkur sti byas pa gtso bo yin par snang/ /dar rgyal srid thob ma thag tu de'i bu*thams cad sgrol zhes bya ba yon tan mang po rab tu grags pa cig rgyal tshab tu gyur te/ de'i tshe rgyal tshab de bcom ldan 'das 'di nyid yin no/ /gzhon yang rgan pa'i nye bar zhi la dga'/ /gzi brjid che yang bzod cing des pa'i dang/ /mkhas par gyur kyang shes ba'i*nga rgyal med/ /dpal dang ldan zhing 'byor yang dregs pa med/ /de yi grags pas 'jig rten gsum khyab pas/ /phyogs rnams rab tu rgya chen mthong gyur kyang/ /gzhan gyi grags pa cung zad yod pa rnams/ /'phro ba'i skabs kyang med pa bzhin du 'gyur/ /skye bo*rnams kyi sdug bsngal dpag med pa/ /de yis ma bzod snying rje'i gzhu dag dang/ /sbyin pa'i mda' rnams char bzhin 'bebs pa yis/ /de dang lhan cig g yul chen 'gyed pa 'dra/ /de nyin re bzhin slong ba lhags pa rnams la bslongs pa bas kyang lhag phar nyon ma*mongs par nar gtong zhing tshig 'jam po dang gus pa dang yid du 'ong bas rab tu tshim par byed par gyur to/ /dus mtshams kyi nyi ma dag la yang gso sbyong nges par gnas pa dang/ rab tu zhi bas brgyan te/ mgo khrus byas te gos dkar po bgos nas glang po che'i mchog*gangs ri 'dra ba/ dregs pa dngul gyis gdong brgyan pa/ mtshan nyid dang/ dul ba dang/ mgyogs pa dang/ snying stobs che ba phun sum tshogs pa/ grags pa bzhon par 'os pa'i spos kyi glang po che mchog zhon nas/ grong khyer gyi khor khor yug na bdag gis sbyin*@!1b pa btang ba'i khang pa skye bo phongs pa rnams kyi rdzing bu dang 'dra ba bshams te bzhag pa rnams nyul du song ngo/ /dga' ba'i khyad par 'di lta bu dag

thob par gyur te/ phongs pa rnams la sbyin 'dod pa'i/ /dga' ba gang dag skye ba ni/ /khyim na gnas pa'i longs spyod la/ /*de tsam du ni dga' ba med/ /de nas re zhig cig de de ltar sbyin pa la rab tu dga' ba'i slong mo pa rnams kyis kun tu bskrags pa thos nas/ de'i tshe nyi 'og gi rgyal po gzhan cig gis bsams pa/ 'di ni sbyin pa la dga' ba'i dbang du gyur pas bslu bar nus so snyam nas/*glang po che'i mchog song ba'i phyir der bram ze cig btang ngo/ /de nas thams cad sgrol rang gis sbyin btang gi khang pa nyul zhing rab tu dga' bas bzhin gyi mdangs bzang po dang ldan pa la/ bram ze de dag gis rgyal ba dang shis pa brjod nas lag pa g yas pa bsgreng ste bstod nas mdun*du sdod pa dang/ /des glang po che'i mchog de bzung nas zhes dang bcas pas ci bzhed gsungs shig ces ci'i phyir lhags pa dris so/ bram ze rnams kyis smras pa/ khyod ni sbyin la dga' ba dang/ /khyod kyi glang po chen po 'di/ /'gros bzang 'gying zhing 'gro ba yi/ /yon*tan 'tshal phyir bdag cag mchis/ /ti se'i gangs dang 'dra ba yi/ /glang chen 'di ni stsal ba yis/ /'jig rten 'di dag ya mtshan gyis/ /'di ni rab tu dga' bar mdzod/ /ces smras pa dang/ byang chub sems dpa' snying dga' bas kun tu rgyas par gyur nas/*yun ring mo zhig nas gdod slong mo pa'i skye bo rlabs cher slong phod pa mthong bar gyur to snyam du bsam mo/ /bram ze 'di dag la ni glang po che'i rgyal po 'di lta bu ni cang mi dgos kyi/ gdon mi za bar 'di ni brkam pa dang/ phrag dog gi skyon gyis bdag la yid dkrugs pa'i*rgyal po 'dod chen cig gis sbyar te btang ngo snyam du nges so/ /grags dang chos la'ang ma bltas par/ /nga la phan bzhin gang byed pa/ /rgyal po de yi bsams pa dag /re thag chad par mi bya'o/ /de ltar nges par byas nas/ bdag nyid chen po de glang po che'i mchog de*@!2a */ /las myur du babs te bzhes su gsol zhes byas nas gser gyi ril ba gtad de/ de dag gi mdun na 'dug go/ /nor bsgrub ngor ni chos lam mi mthun pa'i/ /rgyal po gtsug lag dag la mkhas gyur kyang/ /chos la dga' bas de nas glang chen byin/ /*tshul dang dga' bas de ni g yos ma gyur/ /glang chen gser gyi dra bas mdzes par legs brgyan pa/ /ston ka'i sprin tshogs glog 'gyu 'dra ba de byin nas/ /mi yi bdag po'i sras de rab tu dga' bar gyur/ /tshul gyi phyogs la dga' ba'i grong khyer pa rnams 'khrug /de nas*glang po che'i rgyal po de byin pa thos nas yul shi bi pa'i bram ze rgan po dang blon po bka' la gtogs pa dang/ dmag mi dang grong khyer gyi gtso bo rnams ca co'i sga phyung nas/ rgyal po kun tu rgyal gyi drung du lhags nas/ rtab rtab por gyur nas mi bzod cing sdangs te zhes btang nas ko*long du smras pa/ lha rgyal srid kyi dpal 'di ltar mchog tu gyur pa yal bar dor ba ni ci lags/ lha nyid kyi rgyal srid 'di ltar nyams par gyur pa bzod par mdzad pa mi rigs so/ /rgyal pos rings rings skad du 'di ci nyes zhes smras pa dang/ yang smras pa/ ci lha*mi mkhyan tam/ gang gi 'gram pa bud pa sgra sgrogs pa/ /dngul gyi dri zhim rlung gis reg ba yi/ /gzhan gyi glang po myos shing dregs pa rnams/ /stsal ba'i sdug bsngal med par zil gnon pa/ /gang gi gzi yis khyod kyi dgra bo rnams/ /mthu stobs mnan zhing*drags pa med byas pa/ /thams cad sgrol gyis glang po de byin bas/ /khyod kyi rgyal ba gzugs can gzhan yul song/ /ba dan gser dang gos dang bza' ba dag /rgyal pos bram ze rnams la sbyin par 'os/ /gang la dpal dang rgyal ba nges yod pa'i/ /glang chen btang ba*sbyin pa dpa' ches so/ /tshul dang 'gal ba'i lam du song ba 'dis/ /rgyal po'i dpal ni ji ltar 'gro zhes 'gyur/ /'di ni yal bar dor ba khyod la gnod/ /khyod kyi dgra ni mdun na dga' bar byed/ /de skad thos nas rgyal po bu la byams pas de dag nyid la cung zad cig mi*@!2b dga' bar gyur nas/ dgos pa'i dbang gis mi dga' bzhin du de ltar bya'o smras nas/ yul shi bi pa'i mi rnams la yid bzhos te smras pa/ thams cad sgrol 'di sbyin pa la zhugs shing/ /tshul gyi rim pa la mi lta ba ngas shes te/ rgyal srid la dbang byed du bcug pa ni de*ltar spang bar bya ba mi rigs mod/ 'dis kyang rang gi glang po che byin zin pas/ skyugs pa dang 'dra bar bor ba lta bu cig slar 'phrog /'on kyang 'di ci nas sbyin pa la tshod shes par bya yis khyed de ltar 'khrug par ma byed cig /shi bi pa rnams kyis smras pa/ rgyal po chen po*thams cad sgrol 'di ni don de lta bu dag la gtams pa tsam gyis dam bca' bzlog tu btub pa ma lags so/ /kun tu rgyal bas smras pa/ 'o na de la ngas gzhan ci zhig bya/ /nyes pa spyod la gang zhig rab dga' zhing/ /yon tan brtan la skyon du bzung ngam ci/ /glang po de yi*phyir ni bdag gi bu/ /bsad dam 'on te bzung ngam ci zhig bya/ /de bas na khyed rnams 'di la rngam zhing 'khrug par ma byed cig /ngas thams cad sgrol la 'di lta bu dag byed du mi 'jug go/ /de nas yul shi bi pa rnams khros nas rgyal po la smras pa/ mi yi bdag po khyod kyi*sras 'di la/

/bsad dam bcing ngam brdeg par su zhig 'tshal/ /chos la zhen pa snying rje'i bdag nyid pas/ /'dis ni rgyal srid bzung ba yongs mi nus/ /'khor gsum brten zhing gzi brjid che ba la/ /grags pa thob pa seng ge'i khri la 'os/ /tshul la mi lta*chos la rab dga' bas/ /'di ni dka' thub nags na gnas par 'os/ /sa yi bdag po rnams kyi tshul nyes skyon/ /de la brten pa rnams la 'byung mod kyi/ /'on kyang de dag bcos su rung ma mchis/ /sa bdag gtso bo nyams na bcos mi rung/ /'di la mang du gsol*yang ci 'tshal te/ /khyod kyi srid nyams mi bzod shi bi pa/ /'di rnams kyis ni 'di ltar nges par bcad/ /mi rje'i sras 'di bka' thub 'phel ba'i phyir/ /thub pas bstan pa'i ri po 'bang kar btang/ /tshul ma yin par nyams su dogs shing phan par dga' ba'i skye bo de*@!!a */ /dag gis ngo bzlog ma phod par smras pa dang/ de nas rgyal po de bu dang bral ba'i sems gdungs bas ngo tsha ba bzhin du/ mgo smad de nyam nga nga ltar shugs nar se byung nas/ byams shing sbobs pa dang/ yid gcugs pa'i dbang gis yul shi bi*pa rnams la smras pa/ khyed de ltar 'di la gal gyis 'chu na re zhig nyin zhag gcig tsam cig spro srings shig dang/ sang nang par khyed kyis bsams pa bzhin du thams cad sgrol byed du bcug go/ /yul shi bi pa rnams kyis de ltar bgyi'o zhes smras nas/ bsgo ba nyan pa dang/*rgyal po des gsol ka ba la khyod song la 'di ltar gyur pa thams cad sgrol la spron cig ces bka' stsal to/ /des kyang de bzhin du bgyi'o zhes mnyan nas/ mya ngan gyi mchi mas gdong khebs shing/ thams cad sgrol rang gi khang pa na 'dug pa de'i drung du song ste/ mya ngan gyi sdug*bsngal gyis shugs kyi skad phyung ste dus nas/ de'i rkang pa gnyis la phyag 'tshal lo/ /thams cad sgrol gyis rtab rtab ltar/ ae ma rgyal po thugs bde'am zhes dris pa dang/ mi dga' bas tshig mi gsal bar de la rgyal po thugs bde zhes smras so/ /'o na ci'i phyir de ltar*mi brtan par gyur zhes thams cad sgrol gyis yang yang dris pas/ gsol ka ba mchi mas brnangs shing skad 'jor la dbugs kyis brnangs pa'i tshig mi gsal bas/ gcom chung dus smras pa/ shi bi pa rnams mi srun pa/ /'khrugs par gyur nas rgyal po'i bka'/ /'jam*por stsal yang mi nyan par/ /rgyal po khyod ni yul nas 'byin/ /thams cad sgrol gyis smras pa/ yul shi bi pa rnams ci'i phyir 'khrugs nas nga skrad/ 'dul dang 'gal ba'i lam mi 'gro/ /bag med pa la nga mi dga'/ /nyes par byas pa ma mthong na/ /shi bi pa rnams ci phyir*'khrug /gsol ka pas smras pa/ ha cang rlabs ches pas len no/ /khyod ni chags pa med la dga' bar gyur/ /slong ba rnams kyi yid ni chags la dga'/ /glang po'i rgyal po khyod kyis byin pa'i phyir/ /shi bi pa rnams 'khrugs nas bstan pa nyams/ /de bas rang gi*@!!b chos bor te/ /khyod la tsham tshom med par ni/ /gang du spyugs kyang mi dang pas/ /lam der khyod kyang song zhes zer/ /de nas byang chub sems dpa' snying brtse ba la goms pa shas che ba dag/ gzhung lugs skye bo slong ba rnams la byams pa dang/ rang gi bstan pa phun sum tshogs*pa'i phyir smras pa/ yul shi bi pa rnams ni mi brtan pa'i rang bzhin can yin te/ ngas rang bzhin mi shes pa ltar byed mod/ /'jig rten don du nga yi lus 'dzin na/ /phyi rol nor lta smos kyang ci zhig dgos/ /rang gi mig dang mgo yang ngas sbyin na/ /phyi rol nor sbyin smos*kyang ci zhig dgos/ /slong ba rnams kyi slong ba'i tshig rnams la/ /rang gi lus kyang gtong bar sems pa la/ /skrag par byas nas mi sbyin sems snyam pa/ /byis pa rang gi rang bzhin ston pa zad/ /shi bi pa rnams thams cad kyis/ /nga ni bsad dam spyugs kyang rung/ /mi*sbyin pa ni ngas mi byed/ /dka' thub tshal du 'gro zad mod/ /de nas byang chub sems dpa'i btsun mos gtam ngan de thos nas bzhin 'gyur ba la/ yul shi bi pa rnams kyis 'dir ji ltar nges par byas pa khyod kyis thos sam/ nga las khyod kyis ci thob dang/ /gang yang khyod kyi pha ma*yi/ /nor rnams cung zad ci yod pa/ /de dag khyod kyis gter du spos/ /ma dris smras pa/ lha 'di dag gar gter du sba bar bgyi/ thams cad srol gyis smras pa/ rtag par tshul khrims ldan pa la/ /sbyin pa bkur stis brgyan pa sbyin/ /nor rnams de ltar gter bcug*pa/ /rjes su 'gro zhing phrog tu med/ /gyos sgyug gnyis kyang dga' bar byos/ /chos la gcig tu bag yod byos/ /nga med mya ngan ma byed cig /ma dris de thos nas snying rab tu gdungs nas/ khyim thab mi dga' ba spang ba'i phyir mya ngan dang mi dga' ba btang ste smras pa/ rgyal*po chen po nyag gcig pu/ /nags su gshegs pa'i chos ma mchis/ /rgyal rigs gang du gshegs pa der/ /bdag kyang de bas mchi bar 'tshal/ /khyod spangs nas ni yongs bskor te/ /gnas kyang bdag nyid nges par mchi/ /dul ba khyed gang gson pa der/ /'chi*@!"a */ /ba'i sdug bsngal med par 'gyur/ /lha bdag ni nags na gnas pa mi bde bar ma mthong lags so/ /ci'i phyir zhe na/ mi srun mi med shing dang chu mang bskyed/ /bya

rnams sna tshogs sgra 'byin ri d)ags mang/ /ne'u gseng sngon po yid 'ong bee *'u ra 'dra/ /skyed*mos tshal bas dka' thub nags tshal dgyes/ /lha gzhan yang/ nags tshal lcug ma'i khrod dag na/ /gzhon nu 'di gnyis phreng ba yis/ /brgyan cing brtse ba gzigs na ni /rgyal srid dag kyang dgos mi 'gyur/ /dus kyi dbang gis gyur pa yi/ /nags tshal mdzes*pa gsar pa dang/ /sman ljongs 'bab chur bcas pa yi/ /nags tshal dag na dgyes par 'gyur/ /dga' bas 'tshal ba'i bya rnams ni/ /sna tshogs sgra 'byin sil snyan bzhin/ /'dod chags bde ba'i slob dpon gyis/ /bstan pa'i rma bya gar yang bgyid /bung*ba'i na chung glu len pa/ /rab tu snyan cing ma smad pa/ /nags tshal dag na glu gar gyis/ /khyod kyi thugs ni dgyes par bgyid/ /nags tshal dag na mtshan mo zla 'od ni/ /ras dkar bzang pos g yogs pa'i rdo leb dang/ /me tog shing gi dri zhim bsgos pa yi/ /nags*tshal ser bu'i bsil yab g yob par bgyid/ /'bab chu'i na chung gor mas bskyod pa yi/ /chab sgra snyan pa lhang lhang sgra sgrogs pa/ rgyan gyi sgra rnams sil khrol mchis pa bzhin/ /khyod kyi thugs ni rab tu dgyes par bgyid/ /de de ltar btsun mo gnang chen gyis yid*bzhos pa dang/ nags su 'gro ba la sems spro bar gyur nas/ skye bo slong mo pa rnams la bltas te/ sbyin pa chen po sbyin pa la zhugs so/ /de nas thams cad sgrol de ltar btang bar gyur pa thos nas/ rgyal po'i pho brang na dud mo'i sgra chen po byung bar gyur to/ /skye bo slong*mo pa rnams kyang mya ngan gyis gdungs pa'i shugs kyis brgyal ba bzhin du gyur zhing/ smyo bla can du gyur pa bzhin du smre sngags rnam pa mang po 'don par gyur to/ /'bras bu zhim po yod pa'i grib shing dag /bcad pa'i phyir ni sta re gzas pa rnams/ /'dzin pa'i sa ni ngo mtshar*@!"b ma gyur pa/ /'di ni sems dpa' med par gsal bar mngon/ /chu gtsang zhim po bsil bas gang ba yi/ /rdzing bu 'dra ba dag kyang mi 'gog na/ /'jig rten skyong rnams ming ni don med gyur/ /grags pas zad dam gal te gud du song/ /gang na rgyal po thams cad sgrol/ /*rang gi srid las phyung bas na/ /kye ma'o chos min gnyid ma log /chos ni gnyid log yang na shi/ /bdag cag phongs pa slong mo pa/ /nyes pa cung zad med pa la/ /srog la rgol ba mi srun pa/ /de las phung byed mkhas pa med/ /de nas byang chub sems dpas nor bu*rin po che dang/ gser dngul gyis gang ba'i mdzod 'bum phrag du ma dang/ nor dang 'bru mang por ldan pa'i bang mdzod rnams dang/ bran pho dang/ bran mo dang/ theg pa dang/ bzhon pa dang/ gos dang yo byad la sogs thams cad phongs pa rnams la ji ltar rigs pa*byin te/ pha ma mya ngan gyi sdug bsngal gyis brtan pa zil gyis gnon pa'i rkang pa gnyis la phyag 'tshal nas/ bu dang chung mar bcas te shing rta'i mchog la zhon nas/ bsod nams kyi nyin bar gyi sgra bzhin du skye bo mang po cho nge 'don pa'i sgra sgrogs shing/ grong khyer chen po mchog*gi nang nas phyir byung ste/ /rjes su chags pa'i dbang gis rjes su 'brang ba'i skye bo mya ngan gyis gdungs pa'i mchi ma la gdong g yogs pa rnams nan gyis slar bzlog ste bkye nas/ bdag nyid kyis srab skyogs bzung ste/ ri bo 'bang ka la gal ba der song ngo/ /grong khyer gyi*mchog gi nye kor ba skyed mos tshal bzang po yid du 'ong ba dngar ba 'das nas kyang/ yid la 'khrugs pa med pa mthar gyis grib shing nyung zhing skye bo mang po 'du ba'i rgyun chad pa/ ri d)ags mang po rgyu ba/ phyogs gsal bar snang ba/ tshad pas byi'u tsa tsa'i sgra grag pa'i*dgon pa cig tu phyin to/ /de nas bram ze 'khyams pa dag cig gis de la shing rta 'dren pa'i rta bslangs so/ /dpag tshad du ma'i lam du de lus pa/ /bu smad bcas shing grogs ni med gyur kyang/ /sbyin la dga' bas phyi rjes mi lta bar/ /bram ze rnams la rta bzhi byin*@!#a */ /par gyur/ /de nas byang chub sems dpa' bdag nyid kyis shing rta drangs par brtsams nas legs par chas pa dang/ gnod sbyin gzhon nu bzhi ri d)ags dmar po'i gzugs su bsgyur nas rta bzang po rab tu dul ba bzhin du bdag nyid kyi shing rta'i gnya'*shing gnya' bar thogs par gyur to/ /de mthong ba dang ma dris dga' zhing ngo mtshar du gyur pas mig bgrad pa la byang chub sems dpas smras pa/ gang na 'di ltar glo bur 'ongs pa la/ /byams pa'i rtsa zug ri d)ags mchog 'khod nags/ /dka' zur can gyi nags bcas bkur ba*yi/ /mthu chen khyad par 'phags pa 'di la ltos/ /ma bris smras pa/ dam pa rnams kyi yon tan dang/ /rab tu goms kyang mi 'dra bas/ /bdag gis bsams na mthu chen 'di/ /rgyal po khyod kyi lags pa snyam/ /mtsho yi nang na skar ma'i gzugs brnyan rnams/ /*ku mud rgyas pa lhag par mdzes gyur pa/ /zla ba'i 'od zer ltad mo lta ba bzhin/ /'dir mchis pa rnams rgyur gyur lags pa snyam/ /'di ltar de dang de dag phan tshun rjes su mthun pas gcig la gcig snyan par smra zhing lam du zhugs te dong pa las/ bram ze cig byung nas byang*chub sems dpa' la shing rta

bslangs so/ /slong la dga' bas snyan gyur pa/ /bdag gis nor la ma chags des/ /shing rta byen pas bram ze de/ /re ba yongs su rdzogs par byas/ /de nas byang chub sems dpa' yid dga' bzhin du/ bdag dang bu smad shing rta*las babs te/ shing rta'i mchog bram ze la byin nas/ gzhon nu dra ba can pang du thogs te rkang pas lam du zhugs so/ /ma dri yang yid la mi dga' ba med par gzhon nu ma kr,-./a 'dzin pang du thogs te de dang 'grogs te song ngo/ /ljon pa'i shing rnams 'bras bu bzang po yi//*rtse mo btud nas mgron du gnyer ba bzhin/ /bsod nams mthu yis mngon du lta byed cing/ /slob ma dul ba phyag kyang 'tshal ba 'dra/ /gang du chu 'dod gyur pa de dag tu/ /dad pa'i dpung mgos padma bskyod pa yi/ /ze ba lhags pas ser po gsal gyur pa'i/ /mtsho rnams*@!#b de la rab tu byung bar gyur/ /sprin rnams kyis kyang bla re bzang po bres/ /ser bu bde ba'i dri zhim ngad kyang ldang/ /ngal ba'i sdug bsngal myong ba mi bzod pas/ /gnod sbyin rnams kyis de yi lam yang bstungs/ /de ltar byang chub sems dpa' skyed mos tshal gyi nang du 'gro ba*bzhin du chos la dga' ba'i bde ba rjes su myong zhing/ /lam gyis dub pa'i sdug bsngal ma myong bar bu smad dang bcas te phyin nas/ 'bang ka'i ri mthong bar gyur te/ de na yang me tog dang/ 'bras bu dang/ lo mas brgyan pa'i shing ljon pa snum snum ltar 'dug pa du mas*gang ba/ bya mang po 'dod pas myos shing/ dga' ba'i sgra 'byin cing/ rma bya mang po gang byed pas mdzes par gyur pa/ ri d)ags kyi rigs du ma rgyu ba mtsho chu sngon po gtsang mas ched du bskor ba ltar 'dug pa/ me tog gi dris bsgos pa'i ser bu'i ngad ldang ba'i dka' thub kyi*nags tshal du/ nags tshal na rgyu ba rnams kyis lam mtshon te zhugs pa dang/ de yang brgya byin gyis bka' stsal te/ las sna tshogs byed pa nyid kyis byas pa/ shing lo'i khang pa mthong na yid du 'ong ba/ dus thams cad du bde ba de lta bu zhig na gnas bcas te 'dug go/ /nags*tshal de na chung ma 'dug pas bkur sti byas/ /bdag gis byis pa'i snyan ngag ma bsgrib snyan pa nyan/ /skyed mos tshal na 'dug bzhin rgyal srid bsam pa med/ /lo phyed lhag tsam de ni dka' thub spyod par gyur/ /de nas rgyal po'i btsun mos rtsa ba dang/ 'bras bu tshol du song ba'i*'og tu byis pa gnyis skyong ba'i phyir rgyal po bu dang gnas bsrung zhing 'dug pa na/ bram ze lam gyi rdul gyis rkang pa dang byin pa rtsub rtsub ltar 'dug pa/ shin tu ngal ba bzhin mdog dang mig rtsa nyams pa/ ril ba spyi blugs dbyug pa la btags pa phrag par thogs pa/*chung mas g yog khrid la shog cig par ched cher sbran pa cig phyogs der 'ongs par gyur to/ /de nas byang chub sems dpa' yun ring mo cig nas slong mo ba 'ongs pa mthong nas yid rab tu dang bas mig dang bzhin gyi mdangs rab tu gsal bar gyur nas bsus te 'ongs pa*@!$a */ /legs so zhes bya ba la sogs pa tshig snyan pa brjod de/ dka' thub kyi nags kyi nang du bzhag nas/ glo bur du 'ongs pa la bkur sti byas te/ ci'i phyir 'ongs pa dris so/ /de nas bram ze de chung ma la byams pas brten pa dang ngo tsha ba bor zhing slong ba 'ba'*zhig tu chas pas don 'di ltar smras so/ /gang na snang zhing mnyam pa'i lam yod pas/ /'jig rten 'di dag der dong nyam ngar min/ /'gro ba 'di ni phal cher ser snas bsgribs/ /bdag gis gzhan du slong ba'i tshig mi phyin/ /sbyin la dpa' ba'i grags dang dpal dag*gis/ /mthar byung ma lus khyod kyis mthar phyin pas/ /de phyir bdag ni slong mo bgyid par gyur/ /de bas sras gnyis bdag la g yog tu stsol/ /de skad smras pa dang/ byang chub sems dpa' sems dpa' chen pos sbyin pa la dga' bas goms par byas shing/ slar*bzlog pa ni ma bslabs pas/ /rab tu sdug pa'i bu gnyis kyang/ /tsham tshom med par sbyin zhes smras/ /bde legs su gyur cig /da 'di na mchis te ci bgyis zhes bram zes smras pa/ bu gnyis kyis sbyin pa'i gtam thos nas skrag pas mig rig rig por gyur pa la/*byang chub sems dpa' sems dpa' chen po byams pa'i shugs kyis snying gdungs par gyur te smras pa/ /khyod la 'di gnyis ngas byin na/ /'di gnyis ma ni nags tshal du/ /rtsa ba 'bras bu tshol du song/ /de yang de ring 'dir 'ong gis/ /'dir yang zhag gcig ngal sos*la/ /da dang 'phrad nas gtam byas pa/ /rgyan gyis brgyan cing phreng ba can/ /nga yi bu gnyis sang khrid cig /bram zes smras pa/ khyod 'di la dus kyi 'tshub 'di thong cig /bud med rnams ni mi drang bas/ /ming ni g yo can zhes su btags/ /khyod kyi sbyin la gegs*byed kyis/ /de bas bdag ni 'dug mi 'dod/ /byang chub sems dpas smras pa/ sbyin pa'i gegs su 'gyur du ma dogs shig /de ni nga yi chos spyod pa'i grogs yin mod kyi/ 'on kyang 'di la khyod ci dgar zad mod/ gzhan yang bram ze chen po/ rab tu gzhon zhing*@!$b byis pa gnyis/ /g yog gi bya ba mi mkhas pas/ /'di gnyis khyod kyi bran byed kyang/ /ji lta bur na mgu bar 'gyur/ /shi bi'i rgyal po nga yi yab/ /'di

gnyis 'di ltar gyur mthong nas/ /'di gnyis bslu ba'i nor dag ni/ /ci 'dod khyod la nges par ster/ /de bas*de yi yul du ni/ /'di gnyis khrid na legs par 'gyur/ /de ltar byas na nor chen dang/ /chos rnams dang yang ldan par 'gyur/ /bram zes smras pa/ bdag ni rgyal po sprul gdug pa dang 'dra ba'i drung du mi dga' ba skyes 'tshal te mchi ba'i rngo mi thogs so/ /rgyal pos*bdag gi 'di gnyis 'phrog /yang na chad pas gcod kyang srid/ /de bas 'di gnyis bram ze chen mo yi/ /g yog tu bdag gis khrid de mchi/ /de nas byang chub sems dpas don yongs su ma rdzogs par 'o na ci dgar zad ces smras nas/ bu gnyis la chags pa dang bcas par*g yog legs par byos shig ces gdams nas len du gzhug pa'i phyir/ bram ze'i lag pa brkyang pa las/ ril ba spyi blugs gtad do/ /de yis bsgrims pa'i mthu dag gis/ /ril ba las ni chu byung nas/ /mig ni padma'i 'dab 'dra las/ /ma bsgrim par yang*mchi ma byung/ /de nas bram ze de brkam pas ha cang yang dga' ches nas/ rtabs pa dang bcas pa'i yid kyis/ byang chub sems dpa'i bu 'phrog par rings nas shis par brjod pa'i tshig mdor smras pa/ tshig drag po rtsub mos phyir byung zhes smras nas/ gzhon nu*gnyis dka' thub kyi nags nas phyir phyung ngo/ /de nas gzhon nu gnyis pha ma dang bral ba'i sdug bsngal gyis snying gdungs pas/ pha la phyag 'tshal nas/ mig mchi mas gang bzhin du smras pa/ yab gcig yum yang slad rol byung/ /khyod kyis bdag cag gtong*bar bzhed/ /ma dang ma 'jal bar du gzhes/ /de nas bdag cag khyod kyis stsol/ /de nas bram ze des bsams pa/ 'di gnyis kyi ma yang de ring tshur 'ong la/ 'di yang bu la byams pas/ 'gyod pa skye yang srid do snyam nas/ padma'i bam po bcings pa bzhin du*@!%a */ /de gnyis kyi lag pa lcug mas bcings pa dang/ de gnyis gcig la gcig 'khri zhing/ /pha la bzhin slar phyogs te/ lta ba rab tu gzhon pa'i gzhon nu gzhon sha can gnyis bsdigs shing khrid do/ /de nas gzhon nu ma kr,-./a 'dzin sdug bsngal dang po*myong ba des skad phyung ste du zhing pha la smras pa/ pha gcig bdag la bram ze 'dis/ /brtse ba med par lcug mas bkyigs/ /bram ze chos dang ldan zhes gda'/ /'di ni bram ze ma lags nges/ /gnod sbyin bram zer bsgyur nas ni/ /nges par za ba'i phyir khrid do/ /sha*zas bdag cag khrid gyur na/ /yab kyis ci phyir yal bar bor/ /de nas gzhon nu dra ba can gyis smre sngags 'don cing smras pa/ bram zes bdag la brdeg pa yi/ /de tsam sdug bsngal mi che yi/ /de ring yum dang ma 'jal ba/ /de yis bdag snying gas pa*bzhin/ /dka' thub nags tshal stong pa na/ /yum ni yun ring nges par bshum/ /nyon mongs bu yi sdug bsngal gyis/ /byi'u phrug bsad pa'i ma ma bzhin/ /bdag cag phyir ni nags tshal nas/ /rtsa ba shing thog mang po rnams/ /bsnams te byon nas gnas*stong 'dir/ /gzigs nas yum ni ji ltar 'gyur/ /yab gcig chibs rta 'di rnams dang/ /glang chen shing rta gang mchis las/ /phyed tsam yum la phul na ni/ /de yi thugs ngal chung yang srid/ /'phrin gyis yum la phyag 'tshal zhing/ /thugs ngal mdzad*las bzlog tu gsal/ /yab gcig khyod dang yum de yi/ /zhal ni mthong ba rab tu dka'/ /kr,-./a tshur shog bdag cag 'dong/ /bram ze'i bran g yog 'dod pa la/ /yab kyis bdag cag byin zin gyis/ /bdag cag gson yang ci zhig rung/ /de nas byang*chub sems dpas bus smre sngags btan pa snying rje rje skad zer ba de'i blo rab tu bskyed kyang byin zin pas da 'gyod kyang ci phan snyam nas/ mya ngan gyi me bzlog dka' bas/ snying brtse ste dug langs nas brgyal ba bzhin du sems blong blong por gyur nas de nyid du 'dug go/ /*@!%b ser bu bsil ba'i rlung yab kyis 'du shes slar rnyed pa dang/ sgra ci yang mi grag cing bu mi 'khor ba'i gnas mthong nas/ /mgrin pa dbugs kyis brnangs bzhin du rang la rang gis smras pa/ nga yi snying bu gces pa la/ /'dzem dogs med par mngon sum du/ /mtshon*gyis 'debs pa ci ltar na/ /bram ze ngan pa ngo mi tsha/ /lham yang med par rkang gis dong/ /rab tu gzhon pas ngal mi bzod/ /ji ltar lam du zhugs te dong/ /ji ltar de yi bran g yog byed/ /lam du ngal zhing dub pa la/ /su zhig de ring ngal bsor 'jug /*bkres skom sdug bsngal nyen pa gnyis/ /slong pa'i gnas kyang su zhig yod/ /bdag ni brtan par byed 'dod kyang/ /'di lta bu ni sdug bsngal na/ /nga'i bu bde bar skyes pa gnyis/ /gnas skabs ji ltar 'gyur zhing 'khong/ /kye ma 'o bu dang bral ba yi/ /sdug*bsngal mes ni bdag sems bsregs/ /dam pa rnams ni chos dran nas/ /su zhig rjes su 'gyod pa byed/ /de nas ma dris mi dga' ba byung ba'i ltas ngan pa rnams kyis yid mi dga' bar gyur bzhin du rtsa ba dang 'bras bu khyar te rab tu myur bar 'ong bar 'dod kyang gcan*gzan khro bo rnams kyis lam chod pas rings shig lon nas dka' thub kyi gnas su phyin nas bsur 'od ran pa'i sa dang/ rtsed mo rtse ba'i sa na yang bu gnyis mi snang ba dang/ rab tu mi dga' ba'i dbang du gyur to/ /ltas ba

na byung nas dogs pa skyes par gyur/ /de nas bu*btsal phyir ni mig kyang blta/ /yang dang yang bos bu gnyis len med pas/ /mya ngan gdung nas smre sngags 'don par gyur/ /byis pa smra ba'i sgra grag nags tshal 'di/ /sngon ni bdag la mang po tshogs bzhin snang/ /de gnyis mi snang de gnyis de ring ni/ /bdag la*'brog dgon bzhin du skyabs med snang/ /kye ma gzhon nu de gnyis ci nyes kye/ /rtse rtse ngal nas gnyid kyis log gyur tam/ /nags tshal 'thug por brlag gam 'on te nyal/ /bdag 'ong phyis pas ma mgu mchis gyur tam/ /byis par gyur pas gang zhig gab*@!&a */ /cing 'khod/ /gal te bsad pa mthong na 'khrugs nas ni/ /bya 'di kun kyang ci ste sgra mi 'byin/ /'bab chu drag po rlabs chen 'khrug pa yi/ /chu yis gal te de gnyis khyer gyur tam/ /'on kyang da ni bdag gis log par rtog pa 'di ltar ma gyur*cig rgyal po yab sras bde legs su gyur cig /ltas ngan mtshan ma ngan pa ston pa yang/ bdag gi lus la smin par gyur cig /bdag gi snying 'di yang ltas ngan/ dga' ba ni bzlog /mi dga' ba'i mun pas ni khebs nas gsab bzhin du gyur tam ci/*bdag gi lus kyang lhu tshigs bral snyam byed/ phyogs rnams kyang 'khrug pa snyam byed/ nags tshal 'di yang dpal nyams shing g yo ba snyam byed par gyur to/ /de nas dka' thub kyi nags kyi nang nas 'ongs nas rtsa ba dang 'bras bu rnams phyogs gcig tu bzhag ste/*zhes dang bcas pas khyim thab la byis pa gnyis gar song dris so/ /de nas byang chub sems dpas/ ma ni bu la byams pas stobs chung ba dang/ mi dga' ba'i tshig brjod par dka' bar shes nas/ de la cung zad kyang smra ma nus so/ /dga' bar bya rigs skye bo*la/ /mi dga' smra ba'i mi dag gis/ /ched kar yid ni gdungs bya ba/ /snying rje can gyis rab tu dka'/ /de nas ma dris bsams pa/ 'di 'di ltar mya ngan gyis gdungs nas cang mi smra ba dang sbyar na bdag gi bu gnyis gdon mi za bar ma rung bar gyur to snyam*nas/ dka' thub kyi nags kun tu sems kyis brtags na bu gnyis mi snang bas mchi mas brnangs nas yang smras pa/ byis pa gnyis kyang yong mi snang/ /khyod kyang bdag la cang mi gsung/ /mi dgar gyur pa mi gsungs pas/ /kyi hud bdag ni bsad*kyis med/ /de skad ces smras nas/ mya ngan gyi mes snying bsregs pas lcug ma rtsa ba nas bcad pa bzhin du 'gyel to/ /de 'gyel ma thag tu byang chub sems dpas blangs nas rts)a'i stan la bzhag ste/ chu grang mo btab nas slar sos pa dang/ dbugs phyung*@!&b pa'i phyir smras pa/ byams pa'i yid kyis mi bzod la/ /brtan po med du dogs pas na/ /ma dri khyod la nga yis ni/ /sdug bsngal myur du ma smras so/ /rgas shing dbul ba'i sdug bsngal gyis/ /nyen pa'i bram ze nga can byung/ /de la nga yis bu gnyis byin//*mya ngan ma byed spro bsrings la/ /bu la ma sems nga la ltos/ /bu yi mya ngan gdungs snying la/ /mtshon gyis 'debs pa bzhin ma byed/ /bslangs par gyur na srog dag kyang/ /mi sbyin par ni ji ltar nus/ /de bas nga yi sbyin pa la/ /bzang mos rjes su*yi rang byos/ /ma dris de thos nas bu shor dogs te snying brtse ba la/ bu gnyis gson pa'i gtam thos nas mya ngan chung ngur gyur nas/ khyim thab mya ngan bsad ba'i phyir/ mchi ma phyis te/ ya mtshan che bar bltas nas khyim thab la smras pa/ mang du gsol*yang ci 'tshal te ngo mtshar che'o/ /'di ltar khyod kyi thugs la ni/ /'dzum pa'i skabs kyang ma rnyed pa/ /lha yi sems kyang nges par ni/ /ya mtshan che ba'i dbang du gyur/ /khyod kyi grags pa'i tshig bsdeb sgra grag pa/ /lha yi rnga chen brdungs pa'i sgra rnams*kyi/ /brag cha'i sgra yis phyogs rnams thams cad du/ /tshig 'bru gsal bas nam mkha' khyab par gyur/ /sa gzhi ri yi nu ma g yo ba can/ /'dod chags langs pa bzhin du rab tu g yos/ /gser gyi me tog rnams kyang mkha' la lhags/ /glog 'gyu'i*'od kyis nam mkha' gsal gyur bzhin/ /de bas thugs ngan ma mdzad par/ /stsal bas thugs ni dgyes par mdzod/ /'jig rten rnams la btung chu bzhin/ /slan chad kyang ni sbyin bdag mdzod/ /de nas lha'i dbang po brgya byin sa gzhi g yos pas/ ri'i*rgyal po ri rab 'gul ba dang/ 'di ci yin zhes rtog pa skyes pa/ 'jig rten skyong ba ya mtshan skyes pas mig bgrad pa rnams las g yos pa'i rgyu thams cad sgrol gyi sbyin pa yin par rtogs nas sems rab tu dga' bar gyur te/ de'i mtshan mo nam langs pa dang/*@!'a */ /brgya byin gyis bram ze'i gzugs su bsgyur nas slong mo spyod pa 'dra ba byas te/ thams cad sgrol gyi drung du 'ongs so/ /byang chub sems dpas glo bur du byung ba la bkur sti byas nas/ ci 'dod ces skabs phyes pa dang/ de la chung ma bslangs so/ /*mcho chen dag la chu ni mi zad bzhin/ /dam pa rnams la sbyin pa'i chos mi zad/ /de bas lha 'dra khyod la 'phags ma slong/ /btsun mo 'di ni bdag la stsal bar rigs/ /byang chub sems dpa' yid mi dga' ba med pa nyid du de bzhin du bya'o zhes sbyin par byas so/ /*de

nas lag pa g yon pas ma dri bzung/ /lag pa g yas pas ril ba spyi blugs bzung nas ni/ /de yi lag g yas rtse la chu sbreng nas/ /'dod lha'i sems ni mya ngan me yis tshig /de yi rang bzhin phan sems shes nas ni/ /sems kyang ma 'khrug dus kyang ma dus te/ /*sngon med sdug bsngal khur gyis non gyur nas/ /de la mig tshugs lta zhing bris bzhin 'dug /lha'i dbang po brgya byin gyis de mthong nas snying la ngo mtshar rab dang ldan par gyur te/ sems dpa' chen po de la bstod nas smras pa/ ya rabs ma rabs chos gnyis ni/ /ae ma*khyed par re che ste/ /bdag nyid ma spyangs pa rnams ni/ /sus kyang yid ches mi nus so/ /'dod chags bral bar ma gyur pas/ /bud med rab tu sdug pa dag /de ltar ma chags sbyin byed pa/ /'di dra'i rlabs chen su la yong/ /khyod kyi yon tan chags pa'i gtam*dag gis/ /khyod kyi grags pa phyogs su bsgrags pa des/ /nyi ma'i 'od kyis gzhan 'od zil mnan bzhin/ /gzhan gyi dpal grags zil gyis non par gyur/ /khyod kyi spyod pa mi las 'das/ /'di la gnod sbyin dri za dang/ /ltos 'go sum cu rtsa gsum pa/ /brgya*byin bcas pa yi rang 'gyur/ /brgya byin gyis de skad smras te/ bdag gi lus 'od gsal bar 'dug pa bstan nas/ bdag ni brgya byin lags so zhes sbran te/ byang chub sems dpa' la smras pa/ zla ba btang ste zla 'od rnams/ /gzhan du 'gro bar mi rigs kyi/ /khyod*@!'b kyi btsun mo ma dri 'di/ /khyod bdag nyid la bdag 'bul lo/ /brtan pa rnams ni bslangs na ster/ /seng ge'i chung ma ce sbyang la/ /byin yang de yis ci zhig bya/ /de ni seng ge nyid la 'os/ /mthon po rnams dang dman pa la/ /rgyal po'i myu gu 'dra bar sems/ /de bas*de yi spyod pa des/ /'jig rten rnams ni dga' bar 'gyur/ /de bas bu dang bral bar ma sems shig /rgyal srid nyams pa'i mya ngan ma byed cig /khyod kyi yab ni tshad byug gnyis dang 'grogs/ /khyod kyi mgon byas yul na rgyal srid byed/ /de skad ces smras nas/*brgya byin de nyid du mi snang bar gyur to/ /brgya byin gyi mthus bram ze des kyang/ byang chub sems dpa'i bu gnyis yul shi bir khrid de song ngo/ /de nas yul shi bi pa rnams dang/ yul shi bi pa'i rgyal po kun tu rgyal bas/ byang chub sems dpa'i spyod pa ni shin*tu bya dka' ba thos nas snying brlan par gyur te/ bram ze las byang chub sems dpa'i bu gnyis bslus nas/ thams cad sgrol mgu bar byas te bsus nas rgyal srid byed du bcug go/ /de ltar byang chub sems dpa'i spyod pa ni shin tu rmad du byung ba yin no/ /de la*phyogs pa'i sems can khyad bar can rnams la brnyas pa'am gnod par mi bya'o/ /de bzhin gshegs pa'i yon tan bsngags pa dang/ bkur sti byed de dam pa'i chos nyan pa la yang sbyar bar bya'o/ /thams cad sgrol du skyes pa'i rabs te dgu pa'o// //*bam po bzhi pa/ bsam pa dge ba rnams ni sdig pa byed du gzhug par bslur mi tshugs te/ de bas na bsam pa dge ba bya ba la 'bad par bya'o/ /de yang byang chub sems dpa' 'di ltar rang gi bsod nams kyi mthu thob pa/ rgyal phran thams cad phyag 'tshal ba/ bdag*dang gzhan gyi 'khor la sogs pa'i gnod pa rab tu zhi bas 'tshe ba med pa/ gdugs zla med pa/ bgo skal gyi rim pas thob pa'i sa skyong zhing 'dug go zhes grags so/ /dbang po'i dgra thul de ni sa yi mgon/ /'bras bu smin pa spyad la ma chags shing/ /dngos po kun*@"(a */ /gyis 'gro la phan byed pa/ /thub pa bzhin du chos don gcig pur byed/ /skye dgu rnams ni gtso bo'i rjes spyod par/ /'jig rten rang bzhin de yis shes gyur nas/ /skye dgu rnams ni dge la gzud par byed/ /khyad par du ni chos la spyod par gyur/ /nor*yang sbyin zhing tshul khrims spyod pa mnos/ /bzod pa brtan cing 'gro ba'i don yang spyod/ /'gro la phan sems mthong na zhib snang/ /gzugs can chos bzhin bzhin de ni rnam par mdzes/ /de nas re zhig cig de'i mthus de'i yul bskyabs kyang ma phan te/ sems can rnams kyi las*kyi nyes pa dang/ lha'i bu char 'bebs pa'i las su bskos pa rnams bag med par gyur pa'i dbang gis kha cig tu than pa byung bas 'khrug cing gnod par gyur to/ /de nas rgyal po des bsams pa 'di ni bdag cag skye dgu rnams kyis chos legs par ma spyad pas lan gyis ma rung*par gyur to/ /zhes blo nges par gyur to/ /skye dgu rnams la phan pa'i bsam pa che ba dang/ de'i sdug bsngal mi bzod pas chos kyi de kho na nyid la bslab par gyur pa mdun na 'don pa'i gtso bo bram ze rgan po rnams dang blon po rnams la de ci ltar thar pa'i thabs dris so/ /de nas*de dag gis mchod sbyin gyi cho ga rig byed las byung ba/ srog chags dum gsod pa 'jigs 'jigs skad zer ba byas na/ char legs par 'bab par 'gyur bar bsams nas cho ga de de la gsol to/ /rgyal po des mchod sbyin las byung ba'i cho ga srog chags gsod pa'i rgyus*shes nas/ snying rje'i bdag nyid yin pa'i phyir de dag gi tshig yid la 'bab par ma gyur te/ 'dul ba'i 'khor rjes su mthun par de dag la ngo bzlog phong ba'i tshig rtsub mo ma smras par skabs gzhan dag gis de

dag gi gtam de khyad du bsad do/ /de nas yang rgyal po de la*chos kyi gtam bya ba'i skabs rnyed nas/ de'i bsam pa zab cing dga' zhing/ dad pa skye ba'i 'gro ba 'di dag ni shin tu ma /rgyal pos bgyi bar nges pa gang lags pa/ /sa gzhi thob dang yongs su skyong ba ste/ /de dag khyed ni dus las 'da' mi mdzad/ /de dag*@"(b go rims chos dang bde ba bzhin/ /'khor gsum brten la mkhas par gyur pa dang/ /'bangs la phan phyir gnam ru bsnams pa ste/ /mchod sbyin cho ga mtho ris them skas la/ /ji ltar khyod thugs bag med dbang du gyur/ /khyod kyi bka' ni rgyal po gzhan rnams kyis/ /*'di ni dngos grub mngon du grub yin zhes/ /'bangs dang 'dra bar rab tu gus nod na/ /mchod sbyin dag gis grags 'bar legs pa dag /da ni khyod kyis mdzad pa'i dus la bab/ /sbyin pa mdzad cing sdom la gnas pa yis/ /rtag par khyod ni dbang bskur lags gyur kyang/*'on kyang rig byed grags pa'i mchod sbyin gyis/ /lha yi bu lon bral par mdzad par rigs/ /mchod sbyin legs par bgyis pas lha mnyes na/ /char pa 'bab pas 'byung po mgu bar bgyid/ /de bas 'bangs dang bdag la phan pa'i phyir/ /grags par gyur pa'i mchod*sbyin cho ga mdzad/ /des bsams pa/ kye ma'o gzhan gyi drid la 'jog cing/ /blo chung la dpyod pa mi nus pa'i chos tsam la dga' zhing/ dad pa skye ba'i 'gro ba 'di dag ni shin tu ma legs par bstan to/ /gang yang/ 'jig rten dag na gang la skyabs btsal ba/ /de dag bsad*pas chos su 'gyur ba ni/ /de yis bstan pa'i skye bo lam ngan song/ /ngan song mi bde dogs pa'i nang na 'khod/ /phyugs rnams bsad pas chos 'gyur zhing/ /lha yi 'jig rten skye ba dang/ /lha pyang mnyes par 'gyur bdag /ci lta bur na 'thad par 'gyur/ /phyugs*rnams bsad pa'i sngags kyi mthus/ /mtho ris 'gro phyir de bas de bsad na/ /chos su 'gyur zhes zer ba de yang brdzun/ /gzhan gyis byas pa pha rol su zhig thob/ /legs par spyod las yid ni ma bzlog cig /dge ba'i las la nges par ma byas pa'i/ /phyugs rnams*mchod sbyin dag la bsad gyur kyang/ /bdag byas gzhi med ji ltar tho ris kye/ /mchod sbyin la bsad mtho ris 'gro na ni/ /bram ze bdag nyid phyugs su bskyur la rag /gang phyir tshul 'di gang na'ang mi snang bas/ /de phyir de dag chig ni su zhig nyan/ /mtshungs med*@"1a */ /mthu bsung ro gang gzi ldan pa'i/ /bdud rtsi'i zas mchog lha mos phul ba dag /bor nas phyugs bsad sha khrag la sogs pas/ /lha rnams mgu bar gyur pa ga la srid/ /rgyal po des da ni 'di 'di ltar bya dgos so snyam du bsams nas/ mchod*sbyin byed pa la mos par 'dra bar byas te/ de dag gi tshig mnyan nas/ de dag la smras pa/ khyed cag 'di ltar bdag la phan par sems pa ni/ bdag mgon dang bcas shing phan 'dogs pa dang ldan par gyur to/ /de bas na bdag ni mi stong gi mchod sbyin byed 'dod kyis/*ji skad du bskos pa'i blon po rnams de'i yo byad sbyor du chug shig /bkod sa rtsig tu rung ba'i sa phyogs dang/ de dang mthun pa'i tshes grangs dang/ byed pa dang yud tsam dang/ rgyu skar dang sbyor ba yang rtogs shig /de nas de'i mdun na 'don gyis smras pa/ 'dod pa'i don grub*par bgyid pa'i slad du/ rgyal po chen po re zhig khrus mdzod cig dang mchod sbyin cig bgyis lags na/ bdag cag rnams kyis bkod pa brtsam mo/ /cig char mi stong bzung na khyod kyi 'bangs rnams gdon mi za bar yid 'byung bar 'gyur ro/ /bram ze rnams kyis kyang de*mad do zhes smras so/ /rgyal po des de dag la smras pa/ khyed 'bangs 'khrug par gyur du ma dogs shig dang/ bdag gis ci nas kyang yid 'byung bar mi 'gyur ba de ltar bya'o/ /de nas rgyal po des grong khyer gyi mi rnams bsdus nas smras pa/ ngas ni mi stong gi mchod*sbyin byed 'dod na nyes pa med par mi 'dod bzhin du su yang phyugs su byar ngas mi nus kyi/ de bas na de ring phan chad khyed cag las gang dang gang tshul dang bka' khrims las 'gal bar byed cing/ nga'i bka' gcog pa de dang de dag nga'i rtog chen gyi mi bag med pa'i gnyid kyis ma*lo gcig /dri ma med par brtag par bya'o/ /rang gi rigs la gnod pa dang yul la gnod par byed pa dag yod na/ ngas phyugs kyi gor bzung bar khyed kyis shes par gyis shig /de nas de dag gi nang nas gtso bo rnams kyis thal mo sbyar nas de la smras pa/ khyod kyi spyod pa*@"1b thams cad 'bangs la phan par gzhol/ /mi rje lhas mdzad de la brgal ba ga la srid/ /khyed kyi spyod la tshangs pa rjes su yi rang ngo/ /khyod ni legs par tshad ma'i nang nas tshad ma mchog /lha gcig dgyes pa gang lags pa/ /bdag cag kun kyang de la dgyes/ /'o*skol dgyes shing smon pa las/ /dgyes par gud na gzhan ma mchis/ /de ltar grong khyer gyi 'bangs rnams kyis bka' stsal pa mnyan pa dang/ rgyal po des blon po thugs ches pa rnams skye bo mang bos mthong bar gyur pa'i yo lang chen po dang bcas par ljongs dang grong khyer rnams*su sdig pa byed pa'i mi rnams 'dzin du bkye'o/ /kho ra khor yug tu yang

nyin re zhing 'di skad bsgos so/ /brtan zhing gtsang ma'i tshul khrims nor ldan mi mchog la/ /rgyal po mi 'jigs sbyin pas mi 'jigs sbyin par mdzad/ /'bangs la phan phyir tshul min byed pa'i mi rnams ni/ /*phyugs su bsgyur ba stong gis mchod sbyin mdzad par bzhed/ /de bas de ring phyin chad gang zhig tshul min rjes sbyod cing/ /rgyal po'i bka' lung sa skyong blon pos bkur dang 'gal byed pa/ /de ni rang gi las kyi mchod sbyin phyugs su byas gyur nas/ /mchod sdong lus btags*grim shing skams pa skye pos mthong bar 'gyur/ /de nas yul de na gnas pa'i mi rnams kyis mchod sbyin gyi phyugs su bya ba'i phyir/ rgyal pos tshul bzhin mi byed pa'i mi tshol du 'jug pa dang/ nyin re bzhin 'jigs 'jigs skad bsgo ba de thos pa dang/ rgyal po'i mi rnams*kyis sdig byed pa'i mi rnams bzung ba'i phyir/ thams cad du tshol zhing 'ong bar mthong nas/ tshul ma yin par byed pa la dga' ba ni btang/ tshul khrims dang sdom pa dang yang dag par blangs pa la ni 'bad/ dgrar 'dzin pa las ni phyir phyogs/ gcig la gcig dga'*ba dang mgu bar ni byed/ 'thab pa dang rtsod pa ni rab tu zhi/ bla ma'i man ngag nyan cing rjes su mthun par ni byed/ bgo bsha' byed pa la bag tsha ba ni med/ glo bur du 'ongs pa la mgron byed pa la ni dga' zhing dul ba dang/ gus par bya ba la ni 'bad par gyur te/ rdzogs*@"2a */ /ldan gyi dus bzhin du gyur to/ /shi bas 'jigs shing 'jig rten pha rol sems/ /rigs kyi nga rgyal grags pa bsrung ba dang/ /bsam pa dag cing ngo tsha shes pa yis/ /skye bo rang gi tshul khrims dri med brgyan/ /ji lta ji ltar skye bo chos 'bad pa/ /de lta*de ltar srung ma khyad par du/ /tshul bzhin mi byed skye bo tshol bar gyur/ /des ni chos las su yang g yos ma gyur/ /rang gi yul ni de ltar thos gyur nas/ /rgyal po dga' ba'i khyad par brgyan pa ni/ /dga' ba'i gtam snyan rgya cher bsgrags pa yis/ /blon po mgu bar byas nas*bka' stsal pa/ /nga ni 'bangs rnams bsrung bar rab tu sems/ /de rnams kun kyang da ni sbyin gnas gyur/ /nga ni mchod sbyin byed 'dod ces bsams nas/ /mchod sbyin phyir ni nor rdzas bsags pa 'di/ /gang zhig bde ba bskyed pa'i nor gang 'dod/ /nga yi drung nas 'di*dag ci bder khyer/ /'di ltar nga yi yul ni dben spyod pa'i/ /dbul ba ni nas yul na med par 'gyur/ /'bangs rnams bsrung bar sems par nga 'dug cing/ /grogs ldan yo byad phun sum tshogs bzhin du/ /skye bo phongs byed nga ni mi bzod pa/ /nga yi sems ni yang yang*bsregs pa bzhin/ /de nas rgyal po de'i blon po rnams legs so snyam nas de'i chig mnyan te/ /grong dang ljongs dang grong khyer thams cad dang lam gyi ngal bso ba'i sa phyogs thams cad du sbyin btang gi khang pa brtsigs nas/ rgyal pos ji skad bka' stsal pa bzhin du/*nyin re zhing phongs pa rnams ci 'dod pa'i nor gyis mgu bar byas so/ /de nas skye bo de dag dbul bor te/ /sa bdag las ni mthun par nor thob nas/ /rnam mang gos dar rin chen rgyan gyis brgyan/ /dga' ston bzhin du bzang pos brgyan par gyur/ /phongs pa rab tu dga'*nas bstod pa'i tshig /rgyal po'i grags pa phyogs su rgyas gyur pa/ /mtsho las padma'i ge sar phye ma dang/ /rlabs kyis bskyod de kun tu khyab pa bzhin/ /de ltar rgyal po'i tshul bzang yon tan gzhis/ /skye bo ma lus legs par spyod gyur pas/ /dge ba chen*@"2b pos gnad pa rnams kyi mthu/ /zil gyis mnan nas chags med zad par gyur/ /dus tshigs rnams kyang dus la mthun par bde/ /rgyal po de bzhin chos la gzhol bar gyur/ /sa gzhi 'bru rnams sna tshogs skye bar gyur/ /chu bzhi chu gtsang sngon po padmar bcas/ /*'gro ba nad chen dag gis mi 'debs gyur/ /sman rnams yon tan rab tu che bar gyur/ /dus tshigs dbang gis ser bu'i ngad kyang ldang/ /gza' rnams lam ni bzang por rgyu bar gyur/ /gzhan gyi dmag gi 'jigs pa med par gyur/ /phan tshun gnod dang dmag gi 'jigs*pa med/ /skye bo nges par chos spyod dul gyur pas/ /rdzogs ldan dus bzhin phun sum tshogs par gyur/ /de nas rgyal pos de ltar chos kyi mchod sbyin byas pa dang/ /skye bo phongs pa rnams kyi sdug bsngal dang/ gnod pa rnams ni rab tu zhi bar gyur/ sa gzhi ni skye bo rab*tu dga' ba mang pos gang zhing mngon par mtho ba nyams dga' bar ni snang/ 'jig rten pa rnams ni rgyal po'i shis pa brjod pa 'ba' zhig kha ton du byed/ rgyal po'i grags pas ni thams cad du rgyas par gyur pa dang/ blon po'i gtso bo cig yid rab tu dga' bar gyur nas rgyal po*la 'di skad ces gsol to/ /mchog dang 'bring dang tha ma yi/ /dgos pa rtag tu gzigs pas na/ /dbang phyug rnams kyi blo dag ni/ /gong nas gong du dpyod par 'gyur/ /zhes bya ba 'di ni legs par smras pa legs so/ /'di ltar lha'i zhal snga nas phyugs 'gum pa'i*skyon ma mches par/ chos kyi mchod sbyin gyis 'bangs rnams 'jig rten dang 'jig rten las 'das pa gnyis ka la phan par bgyis so/ gnod pa dang dbul ba'i sdug bsngal yang rab tu zhi bar gyur te/ mang du gsol yang ci

'tshal te/ 'bangs de dag ni skal ba dang ldan pa lags*so/ /zla ba bzhin du sku la dri med 'od gsal zhing/ /dbang bskur sngom pas rang bzhin mdzes pa'i spyod pa yongs ma zhum/ /spyi bo gdugs dang 'dra ba'i dbu mdzes bskyil ba de bzhin gnas/ /khyod kyi gtong bas brgya byin grags pa rmad byung zil gyis non/ /'jig rten mchod sbyin*@"!a */ /phal cher gsod cing smad/ /'bras bu 'tshal bas mchod sbyin ma lags kyi/ /khyod kyi mchod sbyin grags pa'i rgyan gyi brgyan/ /tshul khrims skyon med yid du 'ong dang mthun/ /gang rnams skyob pa khyod bzhugs pa'i/ /skyed gu de rnams skal dang ldan/ /*bu rnams la yang pha dag ni/ /nges par de ltar skyob mi 'gyur/ /gzhan zhig gis smras pa/ sbyin zhes bya ba nor yang ster ba'i skye bo de yi dbang du gyur/ /tshul khrims bsrung ba'ang 'jig rten bde la phyogs shing mtho ris 'dod la chags/ /gzhan gyi don bsgrub phyir ni de gnyis*de bzhin spyod pa gang lags pa/ /mkhas pa ma lags sems stobs mi ldan pa la de dag yod ma mchis/ /de lta bas na bsam pa dge ba rnams ni/ sdig pa byed du gzhug par bslur mi tshugs pas bsam pa dag par bya ba la 'bad par bya'o/ /de bas 'bangs la phan brtson la//*legs dang grags dang bde ba thob/ /de bas rgyal po'i tshul de las/ /'gal bar bya ba yongs mi rigs/ /de bzhin du rgyal po'i gdams ngag la yang brjod par bya'o/ /chos la goms par byas pa ni/ skye dgu rnams longs spyod che bar 'gyur bas na/ longs spyod che bar*'dod pas chos kyi rjes su 'brang bar bya'o zhes de ltar yang sbyar bar bya'o/ /mngon par mtho ba ni sbyin pa dang dul ba dang sngom pa la gnas pas thob par 'gyur gyi/ phyugs bsad pas ni nam yang mngon par mtho bar mi 'gyur ro/ /de bas na de 'dod pas sbyin pa la sogs pa*la gus bar 'bad par bya'o/ /bcom ldan 'das de ni sku tshe snga ma la yang 'jig rten gyi don spyod pa la thugs gzhol ba yin no/ /zhes de bzhin gshegs pa'i yon tan bsngags pa la yang brjod par bya'o/ /mchod sbyin gyi skyes pa'i rabs te bcu pa'o/ /sngom la/*stag mo shi bi kos la bdag /tshong dpon gnyis dang ri bong dang/ /aa gastya dang sha sbyin dang/ /thams cad sgrol dang mchod sbyin byed/ /btsu tshan dang po'o// //bdag nyid chen po rnams ni rgud par gyur tam/ dbang phyug phun sum tshogs par gyur kyang rung*@"!b ste/ sems can rnams la snying brtse ba lhod par mi 'gyur/ de yang 'di ltar byang chub sems dpa' yun ring po nas bsod nams spyod pa la rab tu goms shing sbyin pa dang/ dul ba dang/ sngom pa dang/ snying rje la 'dris par gyur pa/ gzhan la phan par sbyod pa khyad*par can la nges par byed pa de re zhig lha rnams kyi dbang po brgya byin du gyur to zhes grags so/ /lha dbang dpal ni de la brten byas pas/ /gzhi byin chen pos lhag par mdzes gyur pa/ /yang thog rdo thal gsar du bskus pa la/ /zla ba'i 'od zer phog pas gsal ba bzhin/*gang phyir lha ma yin rnams tsham tshom med par ni/ /phyogs kyi glang chen mche ba lto bas zed 'ong ba/ /skal ba che bas bde ba thob pa'i dpal de ni/ /de snying dregs pa'i dri ma can du byed par gyur/ /de lha'i yul dang mi'i yul legs par bskyangs pa las gyur pa'i grags pa*phun sum tshogs pa 'jig rten thams cad kyi mthas klas pa rmad du byung ba'i dpal de lha ma yin rnams kyis ma bzod nas/ glang po che dang shing rta dang/ rta dang rkang thang gi dmag bshams te ches pa rab tu 'jigs 'jigs ltar snang ba/ sgra 'jigs 'jigs skad sgrogs pas/*rgya mtsho 'khrug par byed pa/ mtshon cha dang go cha dri ma med pa bgos pas 'bar 'bar ltar 'dug pa/ mig gis mi bzod pa'i dpung gi tshogs chen po dang bcas te/ de la dmag rgol du lhags so/ /chos kyi bdag nyid yin yang de la gzhan bsngo ba/ /rol pa'i gegs gyur*yid 'byung 'gro ba 'jigs par gyur/ /gzi brjid can gyis tshul bzhin bya ba rigs pas na/ /snying ni dmag drangs g yengs la mngon par phyogs par gyur/ /de nas byang chub sems dpa' chen po des/ gser gyi shing rta ngam pa rta bzang po stong dang sbyar ba/ gos bzang*po 'os pas brgyan pa'i ba dan mdzes pa phyar ba'i rgyal mtshan bsgreng ba/ rin po che sna tshogs kyi 'od gsal bar snang ba/ lus 'bar ba rgyan gdags pa'i go rims nges par byas pa/ ngos gnyis mtshon cha rnam pa sna tshogs 'bar bas mdzes par byas pa/ lha'i gos dkar po*@""a */ /can gyi steng na 'dug nas/ rta dang glang po che dang/ shing rta dang rkang thang rnam pa sna tshogs dang ldan pa'i lha'i dmag gi dpung chen pos yongs su bskor nas/ lha ma yin gyi dmag gi dpung tshogs de rgya mtsho'i 'gram du thug par bsus so/ /de nas der ni g yul*bsres pas/ /sngar ma rnams ni skrag par byed/ /phan tshun mtshon 'debs phye mar lhags/ /go cha rnams ni ral bar gyur/ /nga ni 'di na 'dug bzhin du/ /mthong bzhin thar pa ga la 'gyur/ /thob shig 'di ni med zin to/ /de ltar phan tshun dmyal 'drar gyur/ /de nas*mtshon cha 'khrug pa yi/ /sgra chen

g yul ni bsres pa dang/ /rnga brdungs sgra ni grag ba yis/ /nam mkha'i ngos ni ral ba bzhin/ /brtag ltar 'jigs pa'i glang chen dag /phan tshun 'thab mo 'gyed pa yi/ /rdul gyi dri ni mi bzod pa/ /dus mtha'i rlung gis g yos pa*bzhin/ /glog ltar 'gyu ba'i ba dan can/ /shing rta'i sgra chen grag pa ni/ /phyogs rnams kun tu khyab gyur pa/ /sprin chen glo bur langs pa bzhin/ /phan tshun mda' rnams 'phangs pa yis/ /lha dang lha min dpa' bo yi/ /gdugs dang rgyal mtshan go cha dang/ /cod pan*dag ni 'gyel bar gyur/ /de nas lha min mda' 'phangs bsdad pa dang/ /lha dbang dpung ni 'jigs pas byer bar gyur/ /dgra yi dpung ni shing rtas rnam bcil nas/ /lha dbang gcig pu g yul ngor 'then par gyur/ /de nas lha ma yin gyi dpung rab tu dga' bas shin*tu nga rgyal bar gyur te/ ca co'i sgra chen po seng ge'i sgra bzhin sgrogs pa mthong ba dang/ lha'i dbang po'i kha lo sgyur ba ma ta lis bdag cag gi dpung bros par gyur pa mthong nas/ da ni slar log pa'i dus la bab po snyam nas lha'i dbang po'i shing rta slar bzlog go /de nas*lha'i dbang po brgya byin gyis shing shal ma li la nam mkha' lding gi tshang bcas pa cig shing rta drangs pa'i gnya' shing gi rtse mos phog par gyur pa'i steng du bab pa mthong ngo/ /mthong ma thag tu sems snying rje la dmigs pas kha lo sgyur ba ma ta li la 'di skad ces smras so/ /*@""b shal ma li yi shing la bya tshang dag /bcas pa'i nang na byi'u phrug ma tshar ba/ /'khod pa 'di ni shing rta'i gnya' shing gis/ /phog nas mi lhung bar ni shing rta drangs/ /ma ta lis smras pa/ 'phags pa lha ma yin gyi dmag 'di dag da rung slar mi ldog go/ /brgya byin gyis*smras pa/ 'o na 'di ci nyes nam mkha' lding gi tshang 'di dag las legs par zungs shig /ma ta lis smras pa/ shing rta 'di ni slad du ldog na 'dod/ /bya rnams la ni rab tu phan gyur na/ /lha rnams la ni gnas nas skabs rnyed pa'i/ /dgra yi dmag tshogs 'di dag mngon*phyogs mchis/ /de nas lha'i dbang po brgya byin snying rje'i dbang gis rang gi lhag pa'i bsam pa khyad par can/ snying stobs kyi khyad par bstan pa'i phyir smras pa/ sems can 'jigs pas nyen pa 'di bsad phyir/ /smod pa'i gtam ngan phog cing gsod ba pas/ /lha*min mtshon gyis phog ste shi yang sla/ /de bas shing rta slad du bzlog par byos/ /de nas ma ta lis de ltar bgyi'o zhes mnyan nas/ de'i shing rta rta stong dang ldan pa slar ldog go/ /dgra rnams kyis ni de yi mthu mthong zhing/ /shing rta g yul ngor slar log mthong pa dang/ /char*sprin nag po rlung gis gtor ba bzhin/ /skrag nas rtab bzhin rab tu mgyogs par byed/ /bdag gi dmag tshogs pham yang slar log cing/ /dgra yi dmag tshogs lam ni bkag ste 'then/ /gcig pur gyur kyang rab tu dpa' srid pas/ /dgra rnams dregs pa spa*ni bkod bar gyur/ /lha min dpung de pham par gyur mthong nas/ /lha dbang dpung yang de nas slar log gyur/ /lha yi dgra rnams 'jigs nas byer gyur pa/ /de nas slar log phod pa yongs ma gyur/ /lha rnams dga' zhing ngo yang mtshar bzhin du/ /lha yi dbang*po la ni phyag kyang byed/ /rgyal ba'i dpal gyis rab mdzes mdangs gsal zhing/ /sras rnams dga' ba'i mkhar gyi nang du song/ /de ltar de nyid de'i g yul las rnam par rgyal bar gyur to/ /de bas na gsung rab las kyang/ ngan pa rnams ni snying rje med par sdig pa*@"#a */ /spyod/ /blo 'bring rnams ni phongs na snying rjes bcas shing spyod/ /skye bo dge ba rnams ni srog dang bral gyur kyang/ /rgya mtsho'i dus bzhin rang gi tshul dang 'gal mi byed/ /de ltar lha'i rgyal srid dang srog kyang bor te/ bcom ldan 'das kyis yun ring*po nas sems can rnams yongs su bskyangs pas na/ /shes rab can gyis de dag la/ 'dir ngan sems bskyed pa'ang mi rigs na/ gnod par byed pa lta smos kyang ci dgos/ de bas na 'phags pa rnams kyis ni srog chags rnams la snying rje dang ldan par bya ba rigs so/ /*de lta bas na chos spyod pa rnams ni chos nyid srung bar byed do zhes gsungs pa dang yang sbyar bar bya'o/ /de bzhin gshegs pa'i yon tan bsngags pa dang/ rim gro bskyed de chos mnyan pa la yang sbyar bar bya'o/ /brgya byin gyi skyes pa'i rabs te bcu gcig pa'o// //*skyes bu dam pa rnams ni bdag ngo tsha ba nyid kyis spyod tshul gyi dus las mi 'da'o/ /de yang 'di ltar byang chub sems dpa' bram ze'i rigs chen po rus dang spyod pa ma smad pa/ rang gi chos la spyod pa'i sgra grag pa dang 'dul ba dang spyod tshul bzang po cig tu skye ba yongs su bzung bar*gyur to zhes grags so/ /de go rims bzhin du skyes nas khrus bya ba dang/ skra mtshams dbye ba dang/ btsas pa'i cho ga bya ba la sogs pa yongs su sbyangs nas/ rig byed bslab pa'i phyir/ bla ma thos pa dang rigs btsun pa dang/ spyod tshul phun sum tshogs pa cig la bcar*te gnas par gyur to/ /des ni thos pa slob cing 'jin gsal dang/ /rang rigs gags dang gus dang dul ba dang/ /lang tshos che yang zhi zhing chos bzang bas/ /de la bla ma byams shing

dga' bar gyur/ /yon tan dbang du byed pa'i sdags/ /rtag tu ma nyams mthu dang*ldan/ /zhe sdang 'khrugs pa dbang byed na/ /tha mal sems lta smos ci dgos/ /de nas de'i mkhan po dang slob ma thams cad kyi ngan tshul brtag pa'i phyir/ bsang ba'i dus dag tu bdag nyid dbul ba'i sdug bsngal rtag tu bsgrags so/ /dbul ba 'bras bu re ba med/ /*@"#b bdag gi mi la smra med cing/ /dga' ston tshe yang dga' mi myong/ /kyi hud sbyin pa'i gtam yang zhan/ /sma dbab gnas gyur nyon mongs ngal ba'i rgyu/ /bde ba yongs spangs shin tu mi brjid pa/ /nyams nyes bzhin du rtag tu mya ngan byed/ /nor med gyur pa shin tu 'jigs*su rung/ /de nas da'i slob ma de dag rta bzang po la lcag gis bskul ba bzhin du/ bla ma la byams pas mi dga' bar gyur to/ /bsod snyoms rab tu bzang zhing shin tu mang du byung ngo/ /des de dag la smras pa/ bsod snyoms kyi zas kyis su 'i dbul phongs pa yang phyed*par mi 'gyur gyi/ khyed cag nyon mongs par byed pa 'di thong shig /nga nyon mongs pa mi bzod na/ khyod kyis nor bsgrub ba la 'bad par bya ba 'di ni rigs so/ /de ci'i phyir zhe na/ bkres skom zan dang chu yi phyir/ /sngags bcas sman gyis nad sos 'gyur/ /rgyun gnas*nor gyis dbul por 'gyur/ /thabs kyis nor btsal dbul ba 'dor/ /slob ma rnams kyis smras pa/ bdag cag skal ba chung bas 'di tsam las lhag par rdo mi thogs na ci ltar bgyi/ gzhan yang/ mkhan po nor yang bsod snyoms bzhin/ /gal te rnyed par gyur na ni/ /*khyod kyis dbul ba'i sdug bsngal 'di/ /de ltar bdag cag ga la bzod/ /bram ze rnams kyis nor bsgrub tu/ /blang ba'i thabs ni rab tu chung/ /skye bo 'di yang sbyin mi phod/ /de bas thabs med bdag cag phung/ /mkhan pos smras pa/ bram ze rnams la ni nor*bsgrub pa'i thabs gtsug lag las byung ba gzhan dag kyang yod na/ bdag ni rgas pas mthu med par gyur te de sgrub mi nus so/ /slob ma rnams kyis smras pa/ slob dpon bdag cag ni ma rgas pas mthu nyams par ma gyur na/ gal te gtsug lag las byung ba'i thabs de*dag bdag cag gis bsgrub tu rung bar dgongs na gsungs shig dang/ bdag cag la chos 'chang pa'i drin lan bla na par bgyi'o/ /mkhan pos smras pa/ gzhon yang snying la rtsol mi phod pa rnams kyis ni 'di lta bu'i nor bsgrub par dka' mod kyi/ 'on kyang de ltar khyed*@"$a */ /kyis dus kyis 'tshun na legs kyis nyon cig nor bsgrub pa'i rim pa gcig yod pa de yang gang zhe na/ bram ze rgung tshe rku ba chos su 'chad/ /'jig rten na yang nor med rgud pa'i mchog /de bas gzhan nor ma mthong blang bar gyis/ /'di dag kun kyang bram ze'i nor*yin no/ /mngon sum du ni nor 'phrog nus gyur kyang/ /bdag gi grags pas bsrung bar bya dgos so/ /khyed cag lta bus 'di ltar byar mi rung/ /de bas de ltar ma mthong bsgrub par bya/ /de ltar des bsdam pa glod pa dang/ slob ma de dag gis de'i tshig de mi rigs kyang/*rigs pa bzhin du de ltar bgyi'o zhes mnyan nas/ byang chub sems dpa' 'ba' zhig ni ma gtogs so/ /de la rang bzhin dge bas na/ /de la rjes su yi mi rang/ /de dag gis ni ma brtags par/ /byar rung bzhin du khas blangs so/ /byang chub sems dpa' ni ngo tsha bas*mgo smad de cung zad cig shugs nar zhes phyung nas cang mi smra bar 'dug go/ /de nas de dag gi mkhan po des byang chub sems dpa' de cho ga bstan pa de la dga' bar yang ma gyur/ slar ldog par yang ma gyur pa mthong nas/ sems dpa' chen po de la yon tan zhig yod par bsams nas/*'dis ci stsol mi phod dam/ nga la mi byams sam/ 'on kyang chos kyi 'du shes kyis rkun po byed du mi btub bam snyam nas de'i rang bzhin brtag pa'i phyir/ byang chub sems dpa' la smras pa/ kye bram ze chen po/ /bram ze 'di rnams nga rgud mi bzod pas/ /mi rnams dpa' bo'i*lam la brten par gyur/ /khyod ni spro ba med cing blun par mngon/ /nga rgud pas ni nges par ma gdungs so/ /nga yi sdug bsngal rgya cher rab bsgrags shing/ /tshig tu smras pas ma bcabs bstan gyur kyang/ /khyod ni ji ltar mi bsgrim brten gyur na/ /de ltar tha mal bzhin du gnas*par gyur/ /de nas byang chub sems dpas gus pa dang bcas pas phyag 'tshal te/ mkhan po la smras pa/ sdig pa zhi bar gyur cig /bdag ni mi byams shing snying sra ba'i phyir bla ma'i sdug bsngal gyis ma gdungs te/ 'di ltar ma mchis pa ma lags kyis/ mkhan pos bstan pa'i*@"$b rim pa 'di mi srid pa'i phyir 'di ltar mchis so/ /sus kyang ma mthong bar sdig pa spyad du rung ba ni gang yang ma mchis so/ /de ci'i phyir zhe na/ dben pa ni mi srid pa'i slad du'o/ /sdig pa'i las rnams byed pa na/ /'jig rten na ni dben pa med/ /mi snang ba yi 'byung po rnams/ /mi*rnams la ni lta bar byed/ /lha yi spyan ni phye ba yis/ /thub pa bdag nyid sbyangs pa rnams/ /de yis ma mthong dben snyam nas/ /byis pa sdig pa spyod la 'jug /bdag gis gang na'ang bstod pa ni/ /cung zad mchis par ma mthong ngo/ /gang na gzhan

dag mi snang ba/ /de ni*bdag gis stong ma lags/ /nyes phyas gzhan gyis mthong ba dang/ /gang yang bdag gis mthong ba dag /bdag gis mthong ba gang yin pa/ /de ni legs par mthong ba yin/ /bdag gis dgos pas yid ni g yengs gyur phyir/ /pha rol spyod pas gzhan gyis mi mthong srid//*bdag ni chags pas rtse gcig yid gyur phyir/ /sdig pa byed pa nges par rigs par gyur/ /de yi slad du bdag ni de ltar mchis par ma gyur to/ /de nas byang chub sems dpas mkhan po'i yi dga' bar rigs nas/ yang smras pa/ khyod ni de ltar nor gyi phyir zhugs par/ /bdag*gi tshig la nges par mi 'dzin to/ /skyon dang yon tan bye brag shes gyur pa/ /su zhig nor phyir yon tan chung gson byed/ /lha dbang phyir yang ngo tsha bor nas ni/ /yid la chos dang 'gal bar byed pa las/ /gyo mo'i snod thogs gos ngan gon nas ni/ /dgra yi khyim na 'byor pa bslong*yang sla/ de nas de'i mkhan po snying rab tu dga' zhing ya mtshan du gyur nas stan las langs te/ de la lag pas 'khyud nas smras pa/ bu legs so legs so bram ze chen po legs so/ /khyod kyi shes rab rab tu zhi bas brgyan pa 'di la don de rigs so/ /byis pa rnams ni*mtshan ma cung zad la/ /brten nas rang gi chos lam 'dor par byed/ /dka' thub thob dang shes pa'i nor ldan pa/ /dge ba rnams ni phongs kyang mi 'gyur ro/ /khyod kyis rang rigs dri med brgyan pa 'di/ /ston zla shar bas nam mkha' brgyan pa bzhin/ /khyod kyi thos pa rnams*@"%a */ /ni don dang ldan/ /nga yis 'bad pa'i nor yang legs par 'byung/ /de bas na skyes pu dam pa rnams ni/ /de ltar bdag ngo tsha ba nyid kyi sbyod yul gyis dus las 'da' bar mi byed do/ /de bzhin du 'phags pa rnams kyis kyang ngo tsha shes pa'i stobs dang*ldan par bya ba'i rigs so/ /de bzhin du 'phags pa nyan thos rnams ni ngo tsha shes pa'i 'obs kyis bskor bas mi dge ba rab tu spong bar 'gyur ro/ /zhes bya ba la sogs pa ngo tshe shes pa'i bsngags pa dang ldan pa'i mdo sde dang 'jig rten la dbang byed pa'i mdo sde dag la yang*sbyar bar bya'o/ /bram zer skyes pa'i rab te bcu gnyis pa'o// //skyes pu dam pa rnams ni bdag rang sran thub pas brtan pa'i phyir sdug bsngal mi bzad pas gdungs kyang lam ngan par 'jug par mi 'gyur ro/ /de yang 'di ltar byang chub sems dpa' bden pa dang*gtong ba dang/ nye bar zhi ba dang/ shes rab la sogs pa'i yon tan khyad par can rnams kyis 'jig rten la phan par brtson pa de/ re zhig cig yul shi bi pa rnams kyi rgyal por gyur to/ /zhes grags so/ /chos dang 'dul ba las mngon sum du gyur pa bzhin skye dgu rnams la*pha dang 'dra bar phan 'dogs nus par gyur to/ /nyes pa spyod las rnam par bzlog pa dang/ /yon tan 'phel ba rab tu dgongs pa'i phyir/ /rgyal po des ni pha yis bu dag bzhin/ /'jig rten gnyis kar mi rnams dga' bar 'gyur/ /nang gi mi dang phyi mi 'dra bar snyoms/ /de*yi bka' khrims chos dang rjes su mthun/ /skye bo'i chos min lam ni bsgribs nas su/ /mtho ris lam ni them skas rim pa bzhin/ /'jig rten phan pa chos ldan de mthong nas/ /mi rnams skyong ba chos rnams 'ba' zhig spyod/ /rnam pa kun tu chos kyi lam la dga'/ /gzhan*gyi chos la gnod byas yongs mi bzod/ /rgyal po chen po de'i blon po chen po'i bu mo zhig dpal mo gzugs dang ldan pa bzhin/ dga' ba mngon sum gyur pa bzhin/ lha'i bu mo bzhin gzugs dang gzi mdangs mchog dang ldan pa/ blta na sdug pa/ bud med rin po che rab tu bkur*@"%b ba zhig yod par gyur to/ /'dod chags ma bral bas ni de yi lus/ /ji srid mthong bar gyur pa de srid du/ /de yi gzugs dang yon tan rnams la chags/ /de yi lta ba bzlog par yong mi nus/ /de bas na gnyen rnams kyis kyang/ de'i ming myos byed ma zhes btags so/ /*de nas de'i phas rgyal po la gsol pa/ lha khyed kyi yul du bud med rin po che zhig byung bar gyur na/ phyag tu bzhes sam mi bzhes pa lha nyid mkhyen to zhes gsol to/ /de nas rgyal po des bud med kyis mtshan nyid la mkhas pa'i bram ze rnams la 'di ci la 'os pa yin nam ma yin*khyed kyis ltos shig ces bka' stsal to/ /de nas bu mo de'i phas bram ze de dag rang gyi khyim du phyin nas myos byed ma la/ bzang mo khyod rang gis bram ze rnams la kha zas drangs shig ces smras pa dang/ bu mo des de bzhin du bgyi'o zhes mnyan nas/ bram ze rnams la go rims*bzhin du kha zas drangs so/ /de nas bram ze de dag de'i gdong du mig mi 'dzums par lta/ 'dod chags kyis ni brten pa nyams par gyur/ /mig dang yid la dbang yang med par gyur/ /'dod pas myos nas 'du shes nyams par gyur/ /gang gi tshe brtan cing mi g yo bar*'khod par yang gnas ma nus par gyur pa de'i tshe/ kha zas bza' ba lta ga la nus te/ de nas khyim bdag des rang gi bu mo de dag gi mig lam du mi snang bar byas te/ bdag nyid kyis bram ze rnams la kha zas byin te slar gyis so/ /de nas de dag gis bsams pa/ 'di ni*bcos ma'i gzugs yin no/ /bu mo 'di'i gzugs byad ni yid 'phrog par byed pa zhig go /'di ni rgyal pos gzigs

par bya ba yang mi rigs na/ btsun mo 'bul du lta ga la rung/ 'di byad bzhin bzang ches pas gdong mi za bar rgyal po de sems myos nas chos dang srid*kyi don bsgrub pa la g yel bar 'gyur zhing/ rgyal po'i don bsgrub rgyu dus las yol bas 'bangs rnams la phan pa dang/ bde ba'i lam chad de 'dis phung bar 'gyur ro/ /'di ni mthong bar gyur pa tsam gyis kyang/ /drang song rnams la'ang dngos grub gegs gyur na/ /*@"&a */ /'dod chags can gyi mig la lang tshor ldan/ /rgyal po bde bar gnas pa smos ci dgos/ /de bas na da ni dus la bab po snyam nas/ skabs cig tu rgyal po'i spyan sngar song ste/ rgyal po chen po bu mo de bdag gis mthong ste/ de'i byad gzugs ni rab tu bzang*la mtshan ngan te/ /dpal dang mi ldan pa zhig lags pas/ rgyal pos gzigs su mi rung na/ /khab tu bgyid lta ga la rung/ /smad pa'i bud med khyim ni gnyis kar yang/ /grags pa dang ni 'byor pa med par byed/ /mtshan mo'i zla ba sprin rum nub pa ni/ /gnam sa'i bye*brag mdzes pa med pa bzhin/ /rgyal pos de'i don thos nas bu mo de mtshan ngan zhes grags pas/ nga'i rigs dang mthun pa ma yin no snyam nas de la chags pa med par gyur to/ /rgyal pos mi bzhed par shes nas/ khyim bdag de'i bu mo de rgyal po de nyid kyi blon po cig la*byin no/ /de nas re zhig cig rgyal po de mthar gyis rang gi grong khyer na me tog ku mu ta'i dga' ston bzang po byung ba la lta bar 'dod nas shing rta mchog la zhon te grong khyer gyi lam po che srang dang tshong khang thams cad phyag dar byas shing chag chags gdab pa dang/ gdugs dang/ rgyal*mtshan dang/ bdan bsgreng ba/ sa'i steng thog dag me tog sil mas bkram pa glu gar dang bzhad gad dang/ rtsed mo dang sil snyan sgrogs pa/ me tog dang/ gdugs dang/ rgyal mtshan dang/ spos dang/ phye ma dang/ gos dang/ phreng ba dang/ khrus dang/ byug spos kyi*bsung zhim po'i ngad ldang ba/ tshong zong bzang ba rnam pa mang po bkram pa/ grong khyer gyi mi dar zhing dga' la chas rab tu bzang ba rnams kyis gang ba'i grong khyer mchog gi nang nas song song ba las/ blon po de'i khyim dang nye ba cig tu phyin pa dang/ de nas myos byed mas bsams pa/*bdag ni rgyal po 'dis mtshan ngan zhes btags nas spongs so snyam ste/ snying na bzhin du rgyal po la lta 'dod pa 'dra ba byas nas lus byad mdzes par bstan nas/ sprin gyi steng na glog 'gyu ba bzhin du/ yang thog gi steng na rab tu gsal bar snang bar byas te 'dug go /da*@"&b bdag lta bu mtshan ngan pa mthong na/ 'di'i dran pa rnam pa g yo ba/ bdag rang gis 'dzin nus sam mi nus lta'o snyam mo/ /de nas rgyal po des grong khyer mchog brgyan pa la bltas pa las/ bu mo de mig snga na 'dug pa mthong bar gyur to/ /de nas rgyal po des/ pho brang steng*du na chung bzang mo yi/ /lus bzang ches pa tshim par mthong gyur cing/ /chos lam rjes su dga' bas ma 'phyar la/ /dbang po dul bar byed la brtson gyur cing/ /brten pa'i yon tan che la ngo tsha shes/ /gzhan gyi bud med lta la ma smos kyang/ /'dod chags langs*shing ya mtshan cher gyur nas/ /bud med de la mig gis ring bzhin bltas/ /'di ci ku mu ta yin nam/ /'on te khyim 'di'i lha yin nam/ /lha 'am lha min chung ma yin/ /'di ni mi lus ma yin no/ /snyam nas/ /rgyal pos de ltar dpyod dpyod nas de la bltas pas tshim*par ma gyur bzhin du/ shing rta de phyogs de nas thal byung du byed pa dang yid la mi 'bab par gyur te/ de nas rgyal po de snying stor ba bzhin du de la sems rtse gcig tu gyur zhing bdag gi gnas su phyin pa dang// 'dod chags kyis brten pa med par gyur pa dang/ kha lo sgyur*ba rab tu dga' ba zhes bya ba la gsang ste smras pa/ phyir dkar pos bskor ba yi/ /khyim de su'i yin khyod shes sam/ /sprin dkar steng na glog bzhin du/ /de na mdzes pa su zhig yin/ kha lo sgyur bas smras pa/ lha nyid kyi blon po aa bhi pa ra ka zhes bgyi ba zhig*mchis te/ khyim de ni de'i lags so/ /bu mo de yang de nyid kyi mchis 'brang lags te/ ki r'i ta b'a tsha zhes bgyi ba'i bu mo myos byed ma zhes bgyi ba lags so/ /rgyal po des de skad ces thos nas/ gzhan gyi chung ma yin no snyam ste re thag chad nas sems khong du chud nas*mig rtsa dang mdangs nyams shing shugs nar gyis phyung nas/ de la sems chags pa bzhin du dal bus bdag rang la smras pa/ ae ma'o 'di ming 'di ltar btags pa ni/ /don dang rjes su mthun zhing tshig kyang snyan/ /'dzum pa'i mdangs dkar myos byed ma zhes pa/ /'di*@"'a */ /ltar bdag ni myos pa bzhin du byed/ /de ni bzhed par bdag 'dod na/ /sems kyis mthong ba bzhin du gyur/ /bdag gi sems ni de la gnas/ /sems ni de yi dbang du gyur/ /gzhan gyi chung ma yin pa la/ /bdag kyang de ltar mi brten par/ /de ni myos*te ngo tsha dang/ /bral ba bzhin du gnyid dang bral/ /de yi lus bzang chas shing 'greng dang ldan pa la/ /chags pas rtse gcig yid du gyur zhing 'dug

pa'i tshe/ /don sgrub go rims spron pa'i chab tshod sgra grags pa'i/ /chab tshed de ni nga yi sems la zhe sdang ldang/ /de ltar rgyal po de*'dod pas myos pa'i mthu brten pa ni nyams/ /bdag rang gis brnag ste bor yang mdangs ni sems skyar gyur cing lus kyang sha bri srab mor gyur/ sems khong du chud cing shugs nar gyis phyung ba la/ /glal ba yang dang yang du ni byung/ 'dod chags kyis myos par gyur pa'i rnam pa ni*rab tu mngon par gyur to/ /brtan pa chen pos brnags shing bsgrims byas kyang/ /rgyal po de yi yid ni gyur pa de/ /sems khong chud pa'i mig dang bzhin mdangs dang/ /sha bri srab mor gyur pas rab tu mngon par gyur/ /de nas blon po aa bhi pa ra ka brda dang mtshan ma la mkhas*pa des/ rgyal po de de ltar gyur par shes nas snying nye bas rgyal po ma rung bar gyur du dogs pa dang/ 'dod chags kyang mthu che bar shes nas rgyal po la zhus te/ nang du mchis par gnang ba dang/ dben par gsang ste gsol pa/ da nang bdag ni lha mchod bgyis pa'i che /gnod*sbyin zhig gis mngon sum mchis nas su/ /myos byed ma la rgyal po'i thugs chags pa/ /khyod kyis mi shes sam zhes bdag la mchis/ /de skad smras nas mod la mi snang gyur/ /bdag ni rtog pa skyes nas 'dir mchis lags/ /de ltar med na lha gcig 'di lta bu/ /ci yi*slang du bdag la bka' mi stsal/ /de bas na lha bdag la thugs brtse ba'i slad du/ bu mo 'di phyag tu bzhes par rigs so/ /de nas rgyal po de ltas kyis bskul bas ngo tsha ste/ mgo smad nas 'dod chags kyi dbang du gyur kyang/ chos la sems rab tu goms pa'i phyir brten pa*@"'b nyams par mi 'dod pa'i tshig rab tu gsal bas de la smras pa/ de ni mi rigs so/ /de ci'i phyir zhe na/ bsod nams nyams gyur bdag kyang mi 'chi min/ /bdag gi sdig 'di'ang gzhan gyis shes par 'gyur/ /de dang bral bas 'gyod par 'gyur ba'i mes/ /khyod kyi*sems kyang rtsa bzhin bsreg par 'gyur/ /'jig rten 'di dang pha rol gnyis ka la/ /bdag cag gnyis la der ltar gnod pa'i las/ /gang phyir mi mkhas bsten par byed gyur pa/ /de phyir mkhas pas bsten par yong mi byed/ /aa bhi pa ra kas smras pa/ lha chos dang*'gal bar dogs pa mi mdzad du gsol/ /sbyin pa bgyid pa'i grogs bgyid pas/ /khyod la bsod nams nyid du 'gyur/ /de ni bdag las ma bzhes na/ /sbyin la gegs pas chos min 'gyur/ /lha las bka' mchid ngan pa'i skabs kyang ma mthong ngo/ /de ci'i*slad du zhe na/ 'o skol gnyis las ma gtogs pa/ /gzhan ni su zhig 'di shes 'gyur/ /de bas mi yis khrel gyur pa'i/ /thugs la dgongs pa ma mdzad cig /de ltar bgyis na bdag la phan yon btags par 'gyur gyi gnod par ni mi 'gyur ro/ /rje yi don du sbyad pas*mgu ba yis/ /sems la khyab par gyur na ga la gnod/ /de bas thugs la bzhes pa don bcas mdzod/ /bdag la gnod par dogs pa khyod ma mdzad/ /rgyal pos smras pa/ sdig pa zhi bar gyur cig /nga la rab tu byams pa'i phyir/ /khyod kyis de ni ma brtags*so/ /'di ltar sbyin pa thams cad du/ /chos bsgrub pa yi grogs ma yin/ /rab tu byams pas nga yi phyir/ /srog kyang phangs par mi lta bar/ /gnyen pas lhag pa de lta bu'i/ /grogs po'i chung ma grogs mo yin/ /de bas na de lta bu byed du bcug pa mi rigs so/ /gang*yang 'di gzhan sus kyang shes par mi 'gyur ro/ /zhes zer ba de yang/ 'di ci sdig tu mi 'gyur ram/ ma mthong bar ni sdig pa byas pa dag /dug zos bzhin du bde bar ci ltar 'gyur/ /lha dang rnal 'byor can gyi mig dag ni/ /rnam dag mig gis mi mthong mi srid do//*@#(a */ /gzhan yang/ de ni khyod la mi phangs zhe'am/ /de ni btang ma thag tu yang/ /sdug bsngal 'byung bar mi 'gyur zhes/ /su zhig de la yid ches 'gyur/ /aa bhi pa ra ka sa smras pa/ bdag ni bu smad bcas pa 'bangs/ /khyod ni bdag gi rje dang lha/ /de bas bran mo 'di*lta la/ /chos dang 'gal ba ci zhig mchis/ /'di bdag la phongs zhes bgyi ba de yang/ phangs na phangs su bas mod/ /'di ni bdag la phangs pa lags mod kyi/ /de yi slad du 'di ni khyod la 'bul/ /phangs pa byin na tshe rabs phyi ma la/ /rab tu dga' zhing phangs pa thob par*'gyur/ /lha de bas na 'di bzhes su gsol/ rgyal pos smras pa/ de ltar byar mi rung gis/ de skad ma zer cig /ci'i phyir zhe na/ chos spyod pa las dpal ni thob gyur na/ /de nyid la yang gnod par byed pa bas/ /bdag ni mtshon cha rnon pos btab pa'am/ /me stag 'phro pa'i*me nang zhugs kyang sla/ /aa bhi pa ra kas smras pa/ gal te 'di gzhan gyi phyir 'brang lags pa'i slad du/ lha mi bzhes na yang 'di skye bo thams cad kyi btud du rung ba smad 'tshong ma'i tshul 'dzin du 'tshal lo/ /de bas lha 'di bzhes su gsol/ rgyal pos smras pa/ khyod myos sam*ci/ skyon med chung ma bor na ni/ /nga yi chad pas bcad ta re/ /smad pa'i gnas su khyod gyur na/ /'di dang pha rol bsreg par 'gyur/ /de bas na byar mi rung ba la/ yus ma che bar rigs pa la dga' bar gyis shig /aa bhi pa ra kas smras pa/ khyod la bde bas bdag yid bder*gyur na/ /gal te chos dang 'gal bar

gyur kyang rung/ /skye bos smad cing bde ba nyams kyang rung/ /de dag thams cad lto bas bzod par gyis/ /sa bdag chen po 'jig rten 'di na ni/ /khyod las lhag pa'i mgron mchog gzhan ma mthong/ /bdag gi bsod nams 'phel phyir myos*byed ma/ /dus tshigs mchod pa'i yon bzhin bzhes su gsol/ /rgyal pos smras pa/ ngal rab tu byams pa'i phyir/ /bdag la phan pa dang gnod par gyur pa la yang mi lta bar khyod 'di ltar 'bad pa ni da'i don du skyod pa yin pas/ /de'i phyir yang khyod lhag par yal bar dor du*@#(b mi rung ngo/ /'jig rten pas smad pa la yang 'dzem pa med par bya ba'i mi rigs so/ /ltos shig /'jig rten smod pas 'dzem pa med pa dang/ /chos dang phyi ma'i 'bras bu mi lta bar/ /gang yin de la skye bo yid mi ches/ /lha dang dpal gyis rab tu spang bar 'gyur/ /de bas nangs khyod la'ang*smra'o/ /srog gi phyir ni chos dang ni/ /'gal bar gyur la dga' mi byed/ /nyes pa cher 'gyur gdon mi za/ /legs 'byung chung la dogs dang bcas/ /gzhan yang/ dam pa rnams ni pha rol smod la sogs/ /sdug bsngal byas na bdag nyid bde mi 'grub/ /de bas nga ni ci la'ang*mi gnod par/ /chos la gnas nas bdag gi don grub po/ /aa bhi pa ra kas smras pa/ rje'i don du gus pa'i 'bangs kyis spyad pa 'di la bdag cag la chos ma lags pa'i skabs ci zhig mchis/ 'di bdag gis phul ba lhas ba zhes pa la yang nongs pa ci mchis/ de'i smad du yul*shi pi pa'i ljongs kyi mi dang bcas pas kyang 'di la chos ma lags pa'i snyad gdags su ci zhig mchis/ de lta bas na lha 'di bzhes su gsol/ /rgyal pos smras pa/ khyod ni nga'i don spyad pa la rab tu gzhol bar ngos mod kyi/ 'di la 'o cag gnyis dang/ yul shi bi pa'i ljongs*kyi mi dang bcas pa'i nang na su chos shes pa'i mchog yin pa 'di ni dpyad dgos so/ /de nas aa bhi par kas gus pa dang bcas pas rgyal po la smras pa/ rgan pa bsnyen bkur bya ba byas pa dang/ /thos pa mang zhing blo yang rno ba dang/ /'khor gsum don gyi mchog nyid rig pa ni/ /lha*gcig khyod dang bdag po che la mchis/ /rgyal pos smras pa/ de bas na 'di la nga bslu bar mi rigs so/ /ci'i phyir zhe na/ 'jig rten pa la phan pa dang gnod pa ni rgyal po rnams kyi spyod pa la rag lus te/ de bas 'bangs rnams snying nye bsams nas su/ /gtam snyan 'byung ba'i lam gyi*mchog dga'/ /khyu mchog 'gro ba dang ngam g yo ba bzhin/ /rjes su 'gro ba rnams ni dogs med cing/ /'khrul pa med par rjes su 'brang ba bzhin/ /'bangs kyang de bzhin rgyal po'i rjes su 'brangs/ /gzhan yang khyod ltos shig /nga bdag rang yang srung ba ni/ /gang tshe nus*@#1a */ /par ma gyur pa/ /de tshe nga yis bsrung 'dod pa'i/ /skye bo rnams ni ji ltar 'gyur/ /de ltar 'bangs la phan par lta ba dang/ /bdag gi chos dang grags pa dri med la/ /bltas nas sems kyi dbang du nga mi 'gro/ /khyu mchog bzhin du nga ni 'bangs kyi mgon/ /*de nas blon po aa bhi pa ra kas/ rgyal po sran tshugs par de mgu nas/ rgyal po la phyag 'tshal te/ thal mo sbyar te smras pa/ gang rnams bsrung ba'i rgyal po khyod bzhugs pa'i/ /ae ma ho 'bangs rnams skal ba phun sum tshogs/ /chos la bgyis shing bde la ma chags pa/ /de*lta bu ni dka' thub nags na'ang dkon/ /rgyal po chen po chen po'i sgra/ /'di ni rgyal po khyod la mdzes/ /yon tan med la yon tan brjod/ /smad cing rtsub pa'i tshig tu gyur/ /rgya mtshor rin chen 'byung gnas bzhin/ /yon tan 'byung gnas khyed lags pas/ /khyed ni de ltar zhi gyur*pa/ /de la ngo mtshar cher mi 'dzin/ /de ltar skyes bu dam pa rnams ni bdag rang sran thub pas bstan pa dang chos kyi 'du shes rab tu goms par byas pa'i phyir/ sdug bsngal mi bzad pas gdungs kyang lam ngan par 'jug par mi 'gyur ro/ /de bas na sran thub par bya ba dang/*chos la goms par bya ba la brtson par bya'o/ /myos byed ma'i skyes pa'i rabs te bcu gsum pa'o// //bam po lnga pa/ chos la gnas na bden pa'i tshig tsam gyis kyang ma rungs par gyur pa las thar bar 'gyur na/ de'i 'bras bu lta smos kyang ci dgos/ /de bas na*chos kyi rjes su 'jug par bya'o/ /de yang 'di ltar byang chub sems dpa' chen po blo rab tu rno ba gru'i kha lo sgyur ba cig tu gyur to/ /zhes grags so/ /'di ltar byang chub sems dpa' rnams ni rang bzhin gyis shes rab rno bas gtsug lag khyad par can gang dang gang slob par 'dod pa dang/*sgyu rtsal khyad par can gang dang gang slob par 'dod pa de dang de dag la shes rab rno zhing skye bo gzhan pas lhag par gyur to/ /bdag nyid chen po de ltar skar ma rgyu ba la mkhas pas/ phyogs kyi bye brag la blo ma rmongs shing nar ma dang/ glo bur du 'byung ba'i ltas shes la/ mtshan ma la*@#1b mkhas shing dus dang dus ma yin pa'i go rims la mkhas pas nya dang chu'i kha dog dang sa'i bye brag dang bya dang ri dags la sogs pa'i mtshan mas kyang rgya mtsho'i phyogs ni legs par rtogs/ dran pa dang ldan zhing le lo dang gnyid ni chung/ grang ba dang tsha ba dang char 'bab pa la sogs pa'i sdug*bsngal ni ci mi

snyam/ bag che la brten pa dang ni ldan/ drang ba dang bzlog pa la sogs pa la mkhas pa'i phyir/ tshong pa rnams 'dod pa'i yul du phyin par byed pa cig tu gyur to/ /des 'gro ba'i don rab tu 'grub par 'gyur ba'i phyir/ ming yang legs pa'i pha rol tu phyin par byed*pa zhes bya'o/ /de gnas pa'i ming yang legs par pha rol phyin pa zhes sngon grags so/ /ding song ni su p'a ra ka ra zhes bya'o/ /de rab tu bkra shis pa phun sum tshogs pa'i phyir/ rgas pa rnams kyang rgya mtshor 'dong ba'i tshong pa don 'grub par 'dod pa rnams kyis gsol ba btab pa*dang bkur sti cher byed de gru bo che'i nang du 'jug par byed do/ /de nas re zhig cig yul bha ru ka tstsha nas tshong pa gser gling du 'dong ba don grub par 'dod pa cig yul legs par pha rol tu phyin par lhags nas/ sems dpa' chen po de gru bo che de'i nang du gzhag pa'i phyir gsol ba btab*po/ /nges de dag la smras pa/ rgas pa'i dbang gis lta ba nyams gyur zhing/ /gzhon sha chung bas dran pa rab tu nyams/ /bdag gi lus kyi bya ba'ang nyam chung na/ /bdag la grogs byar re ba ga la srid/ /tshong pa rnams kyis smras pa/ khyod kyi lus ni gnas skabs ci 'dra ba*bdag cag gis 'tshal te/ khyod la drag shul spyad pa'i mthu ma mchis lags kyis kyang/ bdag cag ni khyod la phrin las bgyi bar mi gsol gyi/ gzhan du na/ khyed kyi zhabs kyi padma la brten pa'i/ /mthu yis gru ni bkra shis ldan gyur na/ /mtsho yi nang nas rab tu bgrod*dka' yang/ /bde bar thar 'gyur slad du bdag cag mchis/ /de nas bdag nyid chen po des de dag la snying brtse ba'i phyir rgas pas lus shig shig por gyur du zin kyang gru bo che'i nang du zhugs so/ /de gru nang du zhugs pa dang/ tshong pa de dag thams cad kyis bsams pa/ /da ni*@#2a */ /gdon mi za bar bdag cag rnams don gyi mchog grub par 'gyur ro snyam nas sems rab tu dga' bar gyur to/ /de nas mthar gyis rgya mtsho chen por nya'i rigs rnam pa sna tshogs rnam par rgyu ba/ chu rlabs kyi sgra chen po grag pa/ rlung gis bskyod pa'i chu rlabs mang po*gnyer ba/ rin po che rnam pa sna tshogs dang sa'i kha dog gi khyad par mang pos mdog bsgyur ba/ lbu ba sbreng bas me tog gi phreng ba bzhin du mdzes par byas pa/ lha ma yin dang klu mchog rnams kyi gnas su gyur pa/ gting dpag dka' ba chu tshad med pa'i nang du zhugs so/ /de nas*aanda rnyil gyi 'od ltar sngo/ /nyi ma'i 'od kyis gnam sngon bzhu ba bzhin/ /khor khor yug chu 'gram ba ltar mi snang/ /gting dpag dka' ba'i mtsho 'jing nang du zhugs/ /de nas de dag der phyin pa dang phyi dro'i dus su nyi ma'i 'od kyi dkyil 'khor ni chung ngur gyur/ glo bur du ltas ngan chen po*rab tu 'jigs su rung ba cig byung ba dang/ /rlabs ni rnam par 'khrugs shing lbu ba 'thor/ /drag po'i rlung gis bskyod pas 'jigs sgra 'byin/ /chu kun tha mal 'dug las rab tu g yos/ /rgya mtsho de ma thag tu 'khrugs par gyur/ /ltas ngan glo bur langs pa'i rlung gis bskyod/ /*rlabs chen 'jigs su rung ba'i shugs kyis dkrugs/ /dus mtha'i rlung gis ri g yos sa gzhi bzhin/ /rgya mtsho'i 'jing ni rab tu 'khrugs par gyur/ /glog phreng rgyu ba'i 'od 'bar lce g yo ba/ /sbrul nag mgo mang bzhin du mdog sngo ba'i/ /sbrin gyis nyi ma'i lam yang*bsgribs par gyur/ /'brug sgra 'jigs su rung ba rgyun mar grags/ /sbrin chen 'thug pos 'od kyi dra ba sgrib/ /nyi ma mthang gyis nub tu nye la gyur/ /nyi ma nub pa'i skabs ni rnyed pa dang/ /mun pa'ang rim gyis gnag tu nye bar gyur/ /char rgyun mda' yis rlabs la phog*pa dang/ /rgya mtsho'i 'jing ni gnam du brgal ba 'dra/ /gru yang 'jig pa bzhin du rab tu g yos/ /de dag snying la 'jigs pa skyed par byod/ /de dag skrag cing spa bkong mi smra zhum/ /brten po dag ni thar pa'i thabs la 'bad/ /kha cig yi dam lha la gsol ba 'debs/*@#2b sems stobs yon tan bsam ba rnam par ston/ /de nas tshong pa de dag rlung dang chu'i shugs kyis brdas pa'i gru bo che g yengs nas nyin zhag du mar chu'i 'gram ma mthong zhing/ rgya mtsho'i mtshan ma ji ltar 'dod pa yang ma mthong la/ rgya mtsho'i mtshan ma sngar ma mthong ba sha stag mthong bas/*ci'i phyir sems mi dga' la/ 'jigs shing bag tsha bas/ ci bya gtol med par gyur to/ /de nas byang chub sems dpa' legs par pha rol phyin pas/ de dag spro bsring ba'i phyir smras pa/ rgya mtsho'i nang na zhugs pa rnams la ltas ngan glo bur du byung bas 'khrugs shing/*nyon mongs par 'gyur ba 'di lta bu ngo mtshar mi che khyed cag bag tsha bar ma byed cig /zhum pa phangs las thar la mi phan gyis/ /de bas mya ngan gdung bar ma byed cig /dgos pa'i don sgrub mkhas la brten byas nas/ /rab tu dka' ba'ang sla bas thar par 'gyur/ /de bas*'jigs shing mi dga' ma byed par/ /ji ltar bya ba'i thabs kyis dgos pa bsgrub/ /mkhas pas gzi brjid brtan pas gzengs bstong nas/ /don rnams thams cad 'grub pa lag na yod/ /de ltar bdag nyid chen po des tshong pa de dag sems brtan par byas pa dang/ rgya

mtsho'i*'gram mthong du re nas/ rgya mtsho la bltas nas mi'i gzugs 'dra ba dang dngul gyi ya lad gyon pa cig chu'i nang du yang bying steng du yang 'byung ba mthong ngo/ /de dag gi byad gzugs dang mtshan ma lags par brtags nas ya mtshan cher gyur te/ legs par pha rol byin pa la smras pa/*rgya mtsho 'di'i nang na sngon ma mthong ba'i mtshan ma dag cig snang ste/ de dag ni lha ma yin gyi dmag mi bzhin du dngul gyi go cha bgos/ mig mi sdug la sna yang spu gri 'dra bar snang/ /steng du bying zhing rgyal ba'i zhor la ni/ /rgya mtsho'i chu la rtsed mo byed pa su zhig lags/ legs*par pha rol tu phyin pas smras pa/ 'di dag ni mi ma yin gyi nya mi 'dra ba snang ba dag yin gyis/ 'di dag gis ma 'jigs shig /'on kyang/ bdag cag yul ni gnyis ka las/ /de las rab tu ring bar gyur/ /rgya mtsho de ni spu gri'i phreng/ /de las bzlog la 'bad par bgyis//*@#!a */ /chu yang drag tu 'bab pa dang/ /nub phyogs nas langs pa'i rlung drag pos gru rab tu mgyogs par song bas chong pa de dag gis slar bzlog ma nus so/ /de nas chus khyer ba las mthar gyis dngul gyi mdog 'dra ba'i chu dkar po lbu ba mang po 'khrigs pa'i rgya mtsho*gzhan cig mthong nas ya mtshan cher gyur te/ legs par pha rol tu phyin pa la smras pa/ chu rnams rang gi lbu bas g yogs pa bzhin/ /rgya mtsho chen pos gos dkar gyon pa bzhin/ /zla ba'i 'od zer zhu ba 'bab pa bzhin/ /ngang pa bzhin du bab pa 'di ci lags/ /legs*par pha rol tu phyin pas smras pa/ rab tu ring du chus khyer bas shin tu dka'o/ /'o ma'i rgya mtsho zhes bya ste/ /'di ni zho phreng rgya mtsho yin/ /gal te bzlog par nus na ni/ /'di las thar te 'gror mi rung/ /tshong pa rnams kyis smras pa/ gru bo che rab tu mgyogs pa dang rlung yang drag*tu langs pas gru dal bus btang ba yang mi nus na/ slar log pa ga la nus/ de nas rgya mtsho de yang 'das pa dang/ yang rgya mtsho gzhan cig rlabs kyi phreng ba rab tu 'khrugs pa gser gyi mdog 'dra ba/ chu'i mdog me 'bar ba 'dra ba mthong nas/ tshong pa de dag ya mtshan dang ngo*mtshar cher gyur te/ legs par pha rol tu phyin pa la dris pa/ nyi ma 'char ka'i kha dog 'dra ba la/ /sngon po ma yin chu rlabs gnam du rgal/ /me chen rab tu 'bar ba 'dra ba yi/ /mtsho 'di'i ming ni 'di ltar ci phyir gyur/ /legs par pha rol tu phyin pas smras pa/ 'di*ltar snang ba'i rgya mtsho 'di/ /me yi phreng ba zhes grags te/ /de bas 'di las bzlog nus na/ /khyed la rab tu legs par 'ong/ /de ltar bdag nyid chen po de'i ming tsam zhig bstan nas rgyang ring du bltas pas chu'i kha dog gyur pa'i gtan tshigs ni ma bstan to/ /de nas tshong pa de*dag rgya mtsho de las kyang thal ba dang/ yang rgya mtsho gzhan chu'i kha dog rin po che sdur len dang/ aa na da rnyil gyi mdog kyang 'dra la/ rts)a ku sha smin pa'i kha dog kyang 'dra ba mthong nas ngo mtshar du gyur te/ legs par pha rol tu phyin pa la dris pa/ ku sha smin pa'i 'dab*@#!b ma 'dra ba'i mdog /drag tu langs pa'i rlung gis bskyod pa'i rlabs/ /lbu ba bkram pa me tog bcas pa bzhin/ /'di ltar gda' ba rgya mtsho gang zhig lags/ /legs par pha rol tu phyin pas smras pa/ kye ded dpon dag slar bzlog pa'i phyir 'bad pa gyis shig /'di las*'das na mi rung ngo/ /ku sha'i phreng can rgya mtsho 'di/ /glang po lcags kyu med pa bzhin/ /bzod par dka' ba'i chu 'bab pa/ /bdag cag dga' ba 'phrog par byed/ /de nas tshong pa de dag gis rab tu 'bad kyang gru bo che de bzlog par ma nus nas/ rgya mtsho de las kyang thal te/*chu'i mdog sngon po smyug ma'i mdog dang/ bee*'u rya'i mdog 'dra ba'i rgya mtsho gzhan zhig mthong nas/ legs par pha rol tu phyin pa la smras pa/ rin chen mar gad mdog ltar sngo ba'i chu/ /ne'u gsing sngon po mdzes pa bzhin du 'bab/ /ku mu ta dang 'dra ba'i lbu bas brgyan/ /*de ltar gda' ba'i rgya mtsho 'di gang lags/ /de nas bdag nyid chen po des tshong pa de dag sdug bsngal bar gyur pa des sems gdungs nas mi dga' zhing shugs ring du nar gyis phyung ste dal bus smras pa/ da ni rab tu pha rol thal/ /'di las bzlog pa rab tu dka'/ /'jig rten tha mar*byed pa bzhin/ /rgya mtsho 'di ni 'dam bu'i phreng/ /tshong pa de dag gis de skad thos nas mi dga' zhing sems ni zhu ma lus kyi tshigs ni shig shig por gyur/ shugs nar gyis 'byin pa tsam la brten cing de nyid du mchis so zhes 'khod do/ /rgya mtsho de las kyang thal nas phyi dro'i dus las*bab cing nyi ma'i 'od zer je chung je chung du gyur te/ nyi ma yang mtsho'i nang du nub par gyur ba 'dra ba la/ rgya mtsho yang bla 'og bzlog pa 'dra zhing rgya mtsho'i chu sgra yang ser ba drag po 'bab pa dang/ smyug ma'i tshal mes tshig ste tog yar gyis 'gengs pa dang 'dra bar sgra che zhing rab tu 'jigs par byed*pa thos par gyur to/ /de thos nas kyang rab tu skrag cing snying 'dar bzhin du la 'ur du langs nas phyogs kun du bltas nas/ chu'i 'jing chen po de g yang sa gcong rang gi nang du

'bab pa 'dra ba mthong ngo/ /de lta bu mthong nas rab tu blong blong por gyur te/ legs par pha rol tu phyin pa'i*@#"a */ /drung du lhags nas smras pa/ bdag cag rna ba gas shing snying yang 'jigs pas dkrugs pa bzhin du gyur/ /chu yi bdag po khros pa 'dra ba'i sgra 'di rgyang ring nas kyang grag /chu 'di thams cad gcong rong 'jigs pa'i nang du mdun na 'bab pa 'dra/ /rgya*mtsho 'di 'dra ci lags khyod kyang 'di la ci ltar bgyi ba dgongs/ /de nas bdag nyid chen po de rtab rtab por gyur nas/ ae ma ho mtshar byas mtshar byas zhes smras te/ rgya mtsho la bltas nas smras pa/ gang du phyin nas slar mi ldog /'chi bdag khar ni sngon song bzhin/ /bdag cag ma*rungs gyur gyis med/ /rgya mtsho'i glong de 'di yin no/ /tshod pa de rnams kyis de skad thos nas/ bdag cag ni rgya mtsho'i glong gi khar song ngo snyam nas gson du re ba med cing shi bas 'jigs pas sems blong blong por gyur te/ kha cig skad phyung ngus par gyur to/ /kha cig smre sngags 'don zhing*'bod/ /kha cig ci yang byed ma nus/ /kha cig skrag nas sems kyang stor/ /phangs par gyur pa'i yid kyis rab bskul nas/ /kha cig lha dbang gus pas phyag kyang 'tshal/ /kha cig nyi ma drag po tha skar dang/ /nor lha rgya mtsho nyid la skyabs su 'dong/ /la la gsang sngags bzlas brjod*byed/ /gzhan dag lha mo nyid la phyag 'tshal gyur/ /legs par pha rol phyin la kha cig gis/ /drung du 'ongs nas bskor nas smre sngags 'don/ /phongs par gyur la 'jigs pa med byed pa/ /gzhan la phan 'dogs yon tan bsags pa yi/ /khyod kyi mthu chen khyad par can de ni/ /*da ni sbyar ba'i dus la bab cir mchis/ /bdag cag mgon med phongs nas skyabs su mchi/ /de bas brtan pos bskyab par thugs la dgongs/ /rgya mtsho 'di ni khros bzhin bdag cag rnams/ /rgya mtsho'i glong gis cir char ril mid bgyid/ /skye bo chab kyi nang du 'gum pa 'di/ /*khyod kyis yal bar dor ba mi srid do/ /rgya mtsho 'dis kyang khyod kyi bka' mi gcog /de bas 'khrugs par gyur pa 'di las bzlog /de nas bdag nyid chen po de snying rje chen pos sems gdungs nas/ tshong pa de dag spro bsring ba'i phyir smras pa/ 'di la yang bdag la bcos su yod*@#"b pa'i thabs 'ga' zhig yod par mthong ste/ de la re zhig snying rjes sbyar bar bya/ /de'i phyir khyed cag re zhig spro srings shig ces smras pa dang/ de nas tshong pa de dag gis 'di la'ang bcos su yod do zer ro snyam nas re thag ma chad de/ bsam pa brtan po brtas par gyur nas/*de la yid rton cing kha rog ste sdod cing 'khod par gyur to/ /de nas byang chub sems dpa' legs par pha rol tu phyin pas bla gos phrag pa gcig tu gzar nas/ pus mo g yas pa'i lha nga gru bo che la btsugs te/ lus thams cad kyis btud de/ de bzhin gshegs pa rnams la*phyag byas nas/ tshong pa de dag la smras pa/ tshong pa khyed rnams dang/ rgya mtsho dang nam mkha' la gnas pa'i lha khyad par can rnams gson cig /bdag ni shed bye tshun chad du/ /nam yang ched du bsams nas su/ /srog chags rnams ni nam du yang/ /bsad par bdag*ni yang mi dran/ /bden pa'i tshig ni 'di dag dang/ /bdag gi bsod nams mthu dag gis/ /rgya mtsho'i glong du ma song bar/ /gru 'di bde bar slar log cig /de nas bdag nyid chen po des bden pa'i byin rlabs kyi mthu dang/ bsod nams kyi mthus rlung de chu'i shugs*dang bcas pas slar log pa dang/ gru de yang slar log par gyur to/ /gru de de ltar slar log par mthong nas/ tshong pa de dag rab tu ya mtshan che zhing yid rab tu dga' bar gyur nas/ legs par pha rol tu phyin pa la phyag 'tshal zhing zhes bskyed de/ gru slar log go slar*log go zhes smras so/ /de nas bdag nyid chen po des tshong pa rnams la smras pa/ ba dan myur du tshug cig ces bsgo ba dang/ de'i las su bskos pa de dag rab tu dga' zhing stobs dang spro ba bskyed de bsgo ba bzhin du byas so/ /de nas skye bo dga' ba'i sgra 'byin pa/ /ba*dan dkar po phyar ba'i 'dab ma mdzes/ /rgya mtsho'i nang na 'jug pa gru mdzes pa/ /sprin med mkha' la ngang mo mdzes pa bzhin/ /gru de de ltar slar log ste/ chu dang rlung mthun par bab cing langs pas gzhal med khang mdzes pa'i tshul du rang dgar ni 'gro/ nam srod du nye ba'i*@##a */ /mchams kyi dus ni khad kyis sngo zhing phyogs rnams mun nag gi bla res khebs shing skar ma'i rgyan gyis brgyan par snang/ nam srod gyi dus la bab pa dang/ legs par pha rol tu phyin pas tshong pa de dag la smras pa/ kye ded dpon dag 'dam bu'i phreng ba tshun chad kyi*rgya mtsho las bye ma dang/ rdo ba ci mthong ba rnams long la grus ci theg pa gru'i nang du rdzongs shig /de ltar byas na gru 'di ljod kyis non pas ldog par mi 'gyur ro/ /bye ma dang rdob 'di dag kyang bkra shis par bkur ba sha stag yin pas khyod gdon mi za bar rnyed pa grub par gyur to/ /legs*par pha rol tu phyin pa la yid dga' zhing gus par gyur pa'i lha rnams kyis bstan pa'i gling rnams las de dag gis bye ma

dang rdo ba yin snyam pa'i blos/ bee *'u rya la sogs pa'i rin po che rnams blangs nas gru bo che'i nang du brdzongs so/ /de nyid kyi mtshan mo la gru de yul bha ru katstshar*phyin to/ /de nas nang par dngul dang/ aan da rnyil dang/ bee *'urya dang/ gser gyis gru bkang ste/ de dag bdag yul chu 'gram phyin gyur nas/ /rab dga' byams pas de la mchod pa byas/ /de bas na de ltar chos la gnas pa la bden pa'i tshig tsam gyis kyang ma rungs par*gyur pa las thar bar gyur na/ de'i 'bras bu lta smos kyang ci dgos/ de bas chos kyi rjes su 'jug par bya'o/ /dge ba'i bshes gnyen la brten na de ltar bde ba thob par 'gyur bas na/ dge ba'i bshes gnyen la brten pa'i yon tan bsngags pa la yang brjod par bya'o/ /*legs par pha rol tu phyin par skyes pa'i rabs te bcu bzhi pa'o// //tshul khrims dang ldan pa rnams ni tshe 'di nyid la yang dge ba'i bsam pa 'grub par 'gyur na/ tshe rabs gzhan la lta smos kyang ci dgos/ de bas na tshul khrims rnam par dag pa la 'bad par bya'o/ /*de yang 'di ltar byang chub sems dpa' re zhig cig mtsho mi che ba me tog ka la ha ra dang/ padma dmar po dang/ padma dkar po dang/ autpal rnams kyis chu bzang po brgyan pa ngang pa dang/ bya ka ran dag dang/ dur pa khyo shug tu 'grogs pa rnams kyis mdzes par byas pa/ chu*@##b 'gram na shing ljon pa dang me tog mang po yod pa cig na nya'i rgyal po zhig tu gyur to zhes grags so/ /tshe rabs mang por gzhan gyi don spyad pa la goms par byas pas/ de na gnas pa'i tshe yang gzhan la phan pa dang bde ba byed pa 'ba' zhig tu gyur to/ /dge dang mi dge'i las*rnams goms byas na/ /mi rnams la ni 'dris pa nyid du gyur/ /de lta bu dag ched du ma bsgrims kyang/ /tshe rabs gzhan la rmi lam bzhin du spyod/ /sems dpa' chen po des nya de rnams la bdag gi bu sdug pa rnams la byams pa bzhin du/ sbyin pa dang tshig 'jam po dang don*spyod pa la sogs pa'i rim pas rab tu phan 'dogs par gyur to/ /phan tshun gnod par byed las rab tu bzlog /gcig la gcig ni byams pa rab tu bskyed/ /thabs la mkhas shing rigs pas de dag la/ /nya yi chos tshul rab tu brjod par bya/ /de yis de dag legs par*bskyangs pas na/ /nya rigs de dag rab tu dang bar gyur/ /mi yi bdag po tshul bzhin spyod pa yis/ /'bangs rnams bskyangs pas gnod pa med pa bzhin/ /de nas re zhig cig sems can rnams skal ba med par gyur pa dang/ char 'bebs pa'i lha'i bu rnams bag med*par gyur pas char legs par ma bab par gyur to/ /de ltar char legs par ma bab pa dang/ mtsho me tog rgyas pa padma dkar po dang ldan pa'i chu gcang mas sngon bzhin du gang bar ma gyur to/ /de nas rim gyis dpyid kyi dus la bab pa dang/ ngal zhing le lo'i dbang gis bul*bar gyur pa 'dra ba'i nyi ma'i 'od zer rno zhing tsha bas sa gzhi mngon par gdungs shing 'bar bar gyur pa'i rjes su 'brang ba'i rlung skam pa'i dbang gis bsil ba 'dod pas nyin re zhing 'thungs pa bzhin du mtsho de lteng ka bzhin du gyur to/ /dpyid kyi dus su nyi ma 'bar ba dang/ /'bar ba'i*rjes 'brang rlung ni drag po dang/ /rims nad gdungs 'dra'i sa gzhi tsha ba yis/ /khros pa bzhin du chu ni bskams par byas/ /de nas byang chub sems dpas nya mang po de rnams la kh)a da rnams kyis glags lta bar gyur na/ chu 'gram na rgyu ba'i bya rnams kyis lta smos kyang ci*@#$a */ /dgos te/ dpa' bskum zhing mi dga' ba'i dbang du ni gyur/ cung zad 'gul nus pa rnams la bltas nas/ snying rje bzhin du bsams pa/ kyi hud kye ma nya 'di rnams ni ma rungs par gyur na mi rung ngo snyam nas/ chu yang nyin re bri bar gyur/ /tshe zad*pa dang 'dren pa bzhin/ /char bzhin 'du bar 'gyur ba yang/ /da rung rab tu dka' ba 'dra/ /bros te 'gro ba'i lam yang med/ /gzhan du khyer ba'ang su yang med/ /bdag cag brlag par dga' ba yi/ /ded kyi dgra yang de ring byung/ /chu yi lhag ma 'di bskams na/ /gdon*mi za bar g yo bzhin yang/ /bdag gis mngon sum mthong bzhin du/ /dgra rnams kyis ni zos yang dag /de la 'di ci ltar byas na rung snyam du bdag nyid chen po des rnam par brtags nas/ bden pa'i byin rlabs 'ba' zhig gis phongs pa rnams la phan 'dogs par*mthong ngo/ /snying rjes kyang sems gdungs pas shugs nar gyis phyung ste/ gnam du bltas nas smras pa/ rab tu phongs par gyur nas bdag gis ni/ /bsam bzhin srog chags bsad pa mi dran te/ /bden pa 'di yis lha yi rgyal po rnams/ /char pa 'bab cing mtsho ni*gang bar shog /de nas bdag nyid chen po des bsod nams bsags pa'i yon tan dang/ bden pa'i byin rlabs kyi mthu dang/ de la dga' bar gyur pa'i lha dang klu dang gnod sbyin rnams kyi mthus dus ma yin pa'i sprin chus gang ba'i gzugs can rnams sgra snyan pa zab mo ni sgrogs/*glog 'gyu bas ni brgyan sprin mgo sngon po rgya che ba rab tu 'phro ba ni kha glal ba bzhin sprin gyi rtse mo phan tshun du 'dus pa ni lag pas

'khyud pa 'dra bar sprin nag po rnams byung bar gyur to/ /nag po'i sprin rnams ri bo'i grib ma bzhin/ /phyogs kyi tha gru'i tshad ni 'jal ba bzhin/ /sprin mgo nag pos*mun nag spel ba bzhin/ /me long nang bzhin nam mkha'i dkyil na mdzes/ /rma bya rab dga' ze pa sbrel ba rnams/ /glu gar mdzes pas rab tu bstod pa bzhin/ /sprin tshogs de dag dpa' bo dgod pa bzhin/ /rgyun chags zab mo'i sgra 'dzin rnam par mdzes/ /de yis char pa mu tig*@#$b gtor ba bzhin/ /chu rgyun 'bab pas rdul rnams rab zhi zhing/ /char sprin langs pa'i rlung gis rnam bskyod pas/ /sa gzhi dri zhim ngad kyis khyab par gyur/ /dpyid kyi dus la bab pas rnam spel kyang/ /nyi ma'i 'od zer snang ba med par gyur/ /lbu ba'i phreng ba 'khrigs pas bskor ba yi//*chu rnams shong bu dma' bar 'bab par gyur/ /'brug gi rnga sgras rab tu dga' gyur nas/ /glog phreng 'gyu ba bro gar byed pa bzhin/ /yang dang yang du gser 'od gsal ba yi/ /'od zer 'phro bas phyogs rnams khyab par gyur/ /de nas char pa'i rgyun mdog skya bo kun tu khyab par bab*par gyur pas mtsho gang bar gyur te/ char gyi rgyun bab ma thag tu kh)a da la sogs pa bya mang po rnams ni byer/ nya mang bo rnams gson du re ba'i bsam pa grub cing rab tu dga' bar gyur pa dang/ byang chub sems dpa' snying rab tu dga' bar gyur kyang char chad du dogs nas char sbrin la smras*pa/ char sprin 'brug sgra zab cing brtan par sgrogs/ kh)a da rab tu dga' ba med par mdzod/ /glog rgyun 'bar ba 'gyu ba'i 'od zer can/ /char pa'i rgyun rnams rin chen 'dra bar phob/ /lha'i dbang po brgya byin gyis tshig de thos nas/ yid la ya mtshan rab tu che bar gyur te/ de'i*drung du mngon sum du 'ongs nas mgu bar gyur te smras pa/ char sprin 'brug sgra snyan pa rab sgrogs shing/ /bum pa bsdus pa bzhin du gang bab pa/ /'di ni nya dbang mthu chen khyod nyid kyi/ /bden pa khyad par can gyi mthu yin te/ /'jig rten don la brtson par gyur pa yis/ /skyes*bu khyod lta bu yi sbyod pa la/ /ngan sgrogs bya ba bdag gis gang byas pa/ /bdag gis bag med 'khrul pa mtshar cig byas/ /skyes bu dam pa'i grogs ni bdag gis bgyis/ /de ring slan chad de ltar khyod ma dgongs/ /yul phyogs 'di yar khyod kyi yon tan gzhi/ /slan chad*'di ltar phongs par yang mi 'gyur/ /de ltar tshig snyan pas mgu bar byas nas de nyid du mi snang bar gyur to/ /mtsho de yang chus gang zhing rab tu 'byor par gyur to/ /de ltar na tshul khrims dang ldan pa rnams ni tshe 'di nyid la yang dge ba'i bsam pa 'grub par 'gyur na/ tshe rabs gzhan*@#%a */ /lta smos kyang ci dgos/ de bas na tshul khrims rnam par dag pa la 'bad par bya'o/ /nya ru skyes pa'i rabs te bco lnga pa'o// //bden pa'i tshig bsgoms na mes kyang 'da' bar byed mi nus so/ /de bas na bden pa'i tshig la brtson par bya'o/ /de yang 'di*ltar byang chub sems dpa' dgon pa'i gnas cig na/ bya sreg pa'i phru gu zhig tu gyur to zhes grags so/ /de yang sgo nga'i sbubs nas byung nas zhag grangs mang po ni ma lon/ spu gsar pa ni ma skyes/ rab tu rid pas yan lag dang nyid lag gi phyogs rnams ni gsal bar mngon/*pha ma gnyis kyis rts)a dang ldum bu stug po'i nang du tshang bcas pa'i nang na phru gu mang po spun dang lhan cig tu 'khod do/ /de lta bu'i gnas skabs na yang chos kyi 'du shes ma nyams pa'i phyir/ pha ma gnyis kyis zas rnyed ba srog chags khyer te 'ongs pa ni zar mi btub cing rts)a'i sa bon dang shing n0ya gro*dha'i 'bras bu khyer te 'ongs pa de 'ba' zhig zos te/ pha ma gnyis kyis kyang de 'ba' zhig gis gsos so/ /de kha zas rtsub cing chung ba des/ lus rgyas par ma gyur 'dab gshog kyang ma rdzogs so/ /bya sreg pa'i phru gu gzhan rnams kha zas ci 'ongs pa zos pas mthu che zhing 'dab gshog*rnams kyang rgyas par gyur to/ /'di ni chos nyid yin te/ 'di ltar/ chos dang chos min mi 'dzem zhing/ /thams cad za ba bde bar gnas/ /chos dang ldan pa'i tshul 'dod na/ /cho ga'i zas za bzhin du 'dug /bcom ldan 'das kyis kyang ngo tsha mi shes pa ni bde par 'tsho'o/ /zhes tshigs*su bcad pa gnyis gsungs te/ de yang 'phags pa gnas brtan pa'i gzhung las 'byung ba/ brkam zhing bya rog ltar dpa' ba/ /ngo tsha med pa legs par 'tsho/ /brnab cing spyi rtol che ba yi/ /'tsho ba shin tu nyon mongs ldan/ /rtag tu skyon med tshol ba dang/ /zhum zhing bag*dang bcas pa dang/ /'tsho ba skyon med blta ba dang/ /ngo tsha shes pas 'tsho mi bde/ /de dag gi gnas skabs dang mi ring ba cig na nags tshal chen po mes tshig ste/ 'jigs su rung ba'i sgra ni 'ur 'ur zer/ dud pa'i tshogs ni 'khyil/ me lce g yo ba 'khrigs shing me stag ni rnam*@#%b bar 'phro/ nags tshal na rgyu bar byed pa rnams ni skrag par byed pa/ nags tshal stug po rnams ni 'jig par byad pa cig byung bar gyur to/ /de ni rlung gis bskyod pas rnam par 'phro/ /me lce 'khrug pa'i lag pa gar mdzes byed/ /dud pas 'khrigs pa'i sgra ni bsdigs

pa bzhin//*sgra dang bcas pa de dag 'jigs pa bskyed/ /drag po'i rlung gis bskyod pas rab tu g yo/ /nags kyi rts)a rnams 'jigs pas nyen pa 'dra/ /me de rngam pa bzhin du mngon par 'ongs/ /me stag 'phro ba mang pos khyab par bsreg /bya tshogs mang po skrag nas rab tu byer/ /ri d)ags*'jigs pas rgyu zhing kun tu bros/ /dud pa'i nang nas me sgra drag po grag /de yis skrag nas nags tshal du ba 'dra/ /me de rlung drag pos bdas pas gnod pa bzhin du rts)a mthug po la me mched pas de dag gi tshang dang nye bar 'ongs so/ /de nas sreg pa'i phru gu de rnams 'jigs shing*skrag pas 'khrug pa'i sgra mi snyan pa 'byin cing gcig la gcig mi lta bar rtab bzhin du 'phur te song ngo/ /byang chub sems dpa' ni nyam chung bas 'dab gshog ma rdzogs par 'phur bar ma stsal to/ /byang chub sems dpa' chen po de bdag gi mthu stobs shes pas ma 'khrugs pa nyid du*me de btsan thabs su 'ongs pa 'dra ba la tshig 'jam pos smras pa/ bdag gi rkang pa'i ming don med cing 'dab ma med/ /bdag gi pha ma gnyis kyang khyod la skrag nas bros/ /khyod la mgron byar rung ba 'di na ci yang med/ /de bas me khyod 'di nas slar ni ldog par rigs/ /sems*dpa' chen po des bden pa yongs su bsgoms pa'i tshig gis de skad smras pa dang/ rts)a rnams tshang tshing skam po 'dab chags la/ /me de rlung gis rab tu sbar gyur kyang/ /'bab chu klung chen 'brub dang 'phrang pa bzhin/ /de yi tshig thos de ma thag tu zhi/ /deng song dus na gangs ri'i*khrod nas sa phyogs der/ /dgon pa'i mi lce rlung gis bskyod de rgod pa yang/ /mgo mang sprul ni sngags kyis btab ste bzlog pa bzhin/ /me lce g yo ba dal zhing zhi bar 'gyur zhes grags/ /de ci'i phyir bstan zhe na/ smras pa/ rgya mtsho'i dus shugs rab tu g yo ba'i gdengs*@#&a */ /can dang/ /bdag la phan 'dod thub dbang bstan pa'i bslab pa bzhin/ /bden pa'i bdag nyid can gyis gang dag bsgo ba ni/ /mes kyang mi 'da' de bas bden pa mi btang ngo/ /de ltar bden pa yongs su bsgoms pa'i tshig ni mes kyang 'da' bar mi nus*te/ de bas na bden pa'i tshig la brtson par bya'o/ /de bzhin gshegs pa'i yon tan bsngags pa la yang brjod par bya'o/ /bya sreg pa'i phru gur skyas pa'i rabs te bcu drug pa'o// //chang 'thung ba ni nyes pa du ma 'byung zhing/ shin tu ma rungs par 'gyur ba'i phyir/*dge ba rnams ni gzhan dag kyang 'di las zlog par byed na bdag nyid lta smos kyang ci dgos/ de yang 'di ltar byang chub sems dpa' snying rje chen pos yongs su bsgos pa'i blo can/ gzhan la phan zhing bde bar byed pa la dga' ba/ sbyin pa dang dul ba dang zhi ba la sogs pas bsod*nams 'phel ba nyams su len pa ste/ de re zhig cig lha rnams kyi dbang po brgya byin du gyur to zhes grags so/ /de lha'i longs spyod kyi bde ba rnams phun sum tshogs kyang snying rje'i dbang du gyur pas 'jig rten gyi don bya ba la brtson pa lhod par ma gyur to/ /'jig rten yongs kyi phal cher*dpal ldan na/ /chang gis myos bzhin bdag gi don yang 'dor/ /thag[+] yod rnams ni gzhan gyi don la yang/ /lha dbang dpal dang ldan yang des mi myos/ /sdug bsngal mang pos gdungs pa'i sems can la/ /gnyen bshes sdug pa rnams la byams pa bzhin/ /brtan*zhing dpal gyi rang bzhin shes pas na/ /de ni gzhan gyi don spyod yod mi brjed/ /de nas re zhig cig bdag nyid chen po des mi'i 'jig rten nyul ba'i tshe/ /snying brtse ba dang byams shing mthu che ba'i mig gis mthong ba ni/ thams cad kyi mdza' bo zhes bya ba'i rgyal po cig mi dge ba'i bshes*gnyen la brten pa'i skyon gyis blon po dang 'bangs su bcas par chang 'thung ba la dga' bar gyur te/ de la skyon du mi lta bar gyur pa la chang 'thung ba yang skyon che bar mthong nas/ bdag nyid chen po de snying rje chen pos mi dga' bar gyur te bsams ba/ kye ma ho/ 'jig rten 'di dag ni rab tu*@#&b ma rungs par gyur cing 'khod do snyam nas/ 'thung na thog mar rab tu zhim/ /skyon du lta ba rmongs par gyur/ /legs par 'gyur ba med par byas/ /log pa'i lam ni bzang po bzhin/ /de la 'dir ni ji ltar byas na rung snyam pa dang/ slar thabs yod do snyam nas/ gtso bor gyur pa rnam*pa gang spyod par/ /skye bo rnams kyang de yi rjes su 'jug /de bas 'dir ni rgyal po nyid bcas na/ /'jig rten dag na dge sdig de las 'byung/ /de ltar rnam par nges par byas nas/ sems dpa' chen po de gser btso ma'i mdog ltar yid du 'ong ba skra'i thor tshugs cung zad rtsub pa 'khyil ba*can shing gi shun lngags dang ri d)ags aa dzi na'i pags pa gyon pa tshangs pa'am/ lus gzi byin ldan pa cig tu mngon par sprul nas/ char gis gang ba'i bum pa ha cang mi che ba zhig ni lag pa g yon na thogs te 'ongs pa/ de nas thams cad kyi mdza' bo rgyal po'i 'khor gyi nang du 'dus te/*chang dang sbrang chang dang bu ram shing gi chang dang/ chang bcos ma dang rgun chang gi gtam gyi gnas skabs gleng ba'i tshe/ mdun gyi nam mkha' la byung ste 'dug par gyur

to/ /da nas skye bo de dag ngo mtshar che zhing rab tu gus pas langs te thal mo sbyar nas rim gro bskyed pa dang/ char sprin*'brug sgra zab mo'i sgra 'byin pa bzhin du gsar bstod de smras pa/ me tog phreng ba mgul na bkod/ /mgrin pa man chad rab tu gang/ /bum pa rgyan gyis brgyan pa yi/ /bum pa 'di ni su nyo 'dod/ /me tog phreng bas gdu bur btags pa bzhin/ /bum pa'i kha rgyan 'dam*bus brgyan pa dag /rlung gis bskyod pas rab tu g yo ba yi/ /bum pa 'di ni rin gyis su nyo 'dod/ /de nas rgyal po de ya mtshan dang ngo mtshar che bar gyur te/ rab tu gus pas lta zhing thal mo sbyar nas smras pa/ gzi chen nyi ma 'bar 'dra mdzes pa zla ba bzhin/ /khyod kyi sku mdzes*thub ba 'ga' zhig lags par gda'/ /de bas 'jig rten kun gyis 'tshal bar gsung pa'i rigs/ /khyod kyi yon tan mtshar cig mchis pa bdag cag re/ /brgya byin gyis smras pa/ nga ni su yin phyis kyang shes 'gyur gyis/ /khyed cag 'jig rten gzhan la mi 'jigs shing//*@#'a */ /tshe 'di la yang brlag par me 'jigs na/ /bum pa 'di ni nga las nyo bar gyis/ /rgyal pos smras pa/ ae ma ho/ /khyod kyis tshong zong btsong ba 'di ni sngon ma byung ba zhig go/ /'jig rten na ni tshong zong rnams/ /gang la yod kyang yon tan brjod/ /nyes pa'i*skyon ni bcas pa yin/ /tshong zong btsong pa de ltar grags/ /brdzun du smras pas 'jigs pa rnams/ /khyod lta bu yi tshul 'dzin te/ /dge ba rnams ni bden pa dang/ /phongs par gyur kyang mi gtong na/ /bum pa 'di ni ci yis bkang/ /khe spogs chen po ci yod na/ /khyod lta*bus yang bdag la tshong/ /bdag nyid chen po des smros shig /brgya byin gyis smras pa/ rgyal po chen po gson cig /'di ni chu dang zho dang dar ba'am mu tig chu yis gang ba min/ /ge sar dri zhim khu ba'i chang dang mar gyis gang ba yang ma yin la/ /ku mu ta dang sprin med zla*'od 'dra ba'i 'o mas gang ba min/ /sdig pa'i rang bzhin can gyis gang ba'i bum pa de yi yon tan nyon/ /gang zhig 'thungs na ra ro song nas gom pa dbang med 'dor zhing 'gro/ /yul phyogs ma 'dris par yang 'khyams shing rdeg 'chos dran pa nyams par 'gyur/ /bza' dang mi bza'*dpyad pa med par de dag bzar gyur pa/ /de dang de yis gang ba'i bum pa tha shal 'di nyos shig /gang gis bdag gi sems la dbang med blo nyams rnam par 'khyams/ /phyugs dang 'dra bar blun zhing dgra bos 'phyas kyang byed par 'gyur/ /gang gis mdun sar gar byed 'gyur zhing*brang gis 'khar rnga brdungs/ /dge ba med pa'i bum pa'i chang 'di khyed kyis nyo bar rigs/ /'thungs na gang gis bdag gi ngo tsha 'os pa 'dor/ /gos dang bral zhing gcer bur byung yang ngo tsha med/ /grong khyer skye bo mang po'i lam du yid rton 'gro/ /bum pa 'di ni btsong bar 'os te*de blugs so/ /gang 'thungs na ni skyugs pa'i zas kyis gos 'gyur zhing/ /khyi yis kha yang dogs pa med par bldag par 'gyur/ /dran pa med par lam po che na nyal bar 'gyur/ /btsong na 'grim pa de ni bum pa 'dir blugs so/ /gang zhig 'thungs nas myos te dbang med par/ /*@#'b pha ma dag kyang shi la 'ching bar byed/ /nor gyi bdag po dag kyang khyad du gsod/ /phan brlags de ni bum pa 'dir blugs so/ /gang zhig 'thungs na myos pas dran brlags te/ /'bri sna aan dha dag kyang dme byung nas/ /dbyug tshen thogs te phan tshun tha mal phyung/ /myos 'gyur de*ni bum pa 'dir blugs so/ /gang la chags na dpal gyi gzhir gyur rigs/ /je mtho je mthor 'gyur ba'ang brlag par 'gyur/ /nor gyi dbyig ldan rigs kyang phung bar 'gyur/ /btsong rgyu de ni bum pa 'di na 'dug /glo bur du zhing 'dug la dgod cing ma nges smra/ /gdon gyis*zin pa bzhin du mig ni mchims gang/ /smad cing brnyas par 'gyur ba'i gnas su nges 'gyur ba/ /blo nyams 'gyur ba 'di ni bum pa 'di na yod/ /rgas par gyur kyang gang gis sems nyams shing/ /bdag la phan par 'dod pa'i lam du mi 'jug na/ /ma brtags mang du*smra bar nges 'gyur la/ /btsong rgyu de ni bum pa 'di na yod/ /gang gi nyes pas sngon gyi lha rnams myos/ /lha yi rgyal po'i dpal ni nyams byas nas/ /skyabs 'dod phyir ni rgya mtsho'i nang na gab/ /de yis gang ba'i bum pa 'di nyos shig /mi bden pa yang bden pa bzhin du ngo*mthon smra/ /mi bya ba yang bya ba bzhin du dga' bzhin byed/ /gang gi lan gyis yod med phyin ci log tu shes/ /de ni smad pa'i lus bzhin bum pa 'di na 'dug /myos 'gyur rig sngags sdug bsngal rgyur 'gyur ba/ /sdig pa'i ma mo byung ran mngon sum bzhin/ /rtsod*pa'i lam dang tha dad ma yin pa/ /snying gi mun pa mi bzad de myos shig /gang gis blo ni rab tu nyams gyur nas/ /pha ma nyes pa med pa'ang gsod 'gyur zhing/ /bde la ma chags dka' thub can yang gsod/ /btsong pa'i mchog 'di rgyal la phul bas bzhes/ /mi yi bdag*po chang ni 'di 'dra yang/ /'jig rten na ni lha zhes rab tu grags/ /yon tan la ni gang dag mi dga' ba/ /de dag chang 'di nyos la 'bad par gyis/ /gang zhig bsten na ngan pa spyod par 'gyur/ /rab tu 'jigs pas sems can dmyal bar

ltung/ /dud 'gro'i gnas dang*@$(a */ /yi d)ags dbul gyur pa/ /mthong bar 'dod pa de ni su zhig yod/ /chang de nyung du 'thungs kyang rnam par smin pa ni/ /mi yi gnas su skyes kyang tshul khrims lta ba nyams/ /gang gis phyogs kyang mnar me 'bar bas bsreg par 'gro/ /yi d)ags yul dang dud*'gro dman par gnas par 'gyur/ /tshul khrims nyams par 'gyur zhing gtam ngan mngon sum 'byung/ /ngo tsha med cing blo gros dri ma can du 'gyur/ /gang zhig 'thungs na yon tan de dang de nyams pa/ /de bas rgyal po khyod kyis chang 'thung ga la rigs/ /de nas rgyal po des snying la*bab pa'i tshig rnams chang 'thung ba'i nyes pa khong du chud par byas pa dang/ chang 'thung ba la ma chags shing zhen pa med par gyur nas/ brgya byin la 'di skad ces smras so/ /byams pa'i pha ma'am 'dul bas mnyes byas bla ma bzhin/ /tshul dang tshul min mkhas pa'i thub pas smras*pa bzhin/ /khyod kyis bdag la phan phyir legs par gdams pa de/ /spyod pas nyams su blang ste tshul bzhin mnyes par bgyi'o/ /legs par smras pa'i lan du mchod pa 'di khyod kyis bdag las bzhes par rigs so/ /yul gru bzang po lnga yang khyod la 'bul/ /bran brgya po dang bzhon pa lnga brgya*'bul/ /rta mchog sbyar ba'i shing rta 'di bcu bzhes/ /bdag gi bla ma phan pa ston par 'gyur/ /gzhan yang bdag gis gang dang gang bgyi ba 'dir spring zhing slan chad kyang bdag la spyan ras kyis stsal par gsol/ brgya byin gyis smras pa/ yul gru mchog la sogs pa'ang nga mi 'dod/ /lha*dbang nga yin rgyal pos shes par byos/ /phan par smras la mchod par bya ba ni/ /bsgo ba'i tshig bzhin nyams su len pa yin/ /grags dang dpal gyi lam ni 'di yin te/ /tshe rabs gzhan la bde ba de yang thob/ /de bas chang la chags pa rab spongs la/ /chos la gnas pa*nga yi yul la brten/ /de skad smras nas brgya byin de nyid du mi snang bar gyur to/ /rgyal po de yang blon po dang 'bangs su bcas pa chang mi 'thung bar gyur to/ /de ltar na chang 'thung ba ni nyes pa du ma 'byung zhing shin tu ma rungs par 'gyur ba'i phyir/ dge ba rnams ni gzhan dag kyang 'di*@$(b las zlog par byed na/ bdag nyid lta smos kyang ci dgos/ bcom ldan 'das de tshe rabs snga ma la yang 'jig rten la phan pa 'ba' zhig mdzad pa'o zhes/ de bzhin gshegs pa'i yon tan bsngags pa la yang brjod par bya'o/ /bum pa'i skyes pa'i rabs ta bcu bdun pa'o// //*bam po drug pa/ khyim na gnas pa ni tshul khrims kyi gnyen por 'gyur zhing gnod pa'i phyir bdag la phan par 'dod pa rnams khyim na gnas pa yongs su gtong ngo/ /de yang 'di ltar byang chub sems dpa' re zhig cig rgyal rigs phyug po'i rigs 'tsho ba'i tshul dang spyod pa phun sum tshogs*pa/ cho rigs mthon po la dga' ba rnams kyis gnyen bya bar gsol ba btab pa/ dge sbyong dang bram ze rnams kyi re ba'i gnas su gyur pa/ bang mdzod rnams na gnyen bshes dang thun mong du spyod pa/ phongs shing slong ba rnams ni mngon par 'khor ba/ lag bzo ba rnams kyi*'tsho ba'i gnas su gyur pa/ dpal gyi gzhir gyur pa dang/ rgyal pos bkur sti bya zhing phan btags par gyur pa/ 'jig rten pas mngon par bkur ba'i khyim cig tu skyes par gyur to zhes grags so/ /de rim gyis nar son par gyur pa dang/ 'jig rten pas bsngags pa'i*rig pa'i gnas rnams ni bslab pa dang sgyu rtsal gyi thabs rnam pa sna tshogs la ni blo gsal bar gyur/ lus byad bzang po skye bo'i mig tu sdug pa dang/ chos dang mi 'gal bar 'jig rten gyi tshul la mkhas pas 'jig rten pa rnams kyis nang mi bzhin du snying la chags par gyur to/ /nang*mi rnams ni nang mi zhes/ /lhag par dga' bar 'gyur ba med/ /phyi mi rnams kyang phyi mi zhes/ /nang mi dag las gzhan du min/ /skyon dang yon tan las brtags nas/ /nang mi'am yang na phyi mi'ang rung/ /'jig rten na ni bkur sti dang/ /smad par bya ba'i gnas su gyur//*sems dpa' chen po de sngon rab tu byung ba la goms par byas pas/ /khyim na gnas pa tshol ba'i sdug bsngal dang/ chos dang 'gal bar rab tu shes gyur cing/ /dka' thub nags tshal bde 'byung gnas rig nas/ /khyim gyi bde la yid ni chags ma gyur/ /de pha ma gnyis*@$1a */ /tshe 'das pas snying mi dga' bar gyur to/ /khyim gyi rdzas dang dbyig brgya stong du ma yod pa de yang gnyen bshes dang dge sbyong dang bram ze dang phongs pa rnams la ci ltar rigs par byin nas rab tu byung bar gyur to/ /de rim gyis grong dang ljongs dang pho brang 'khor du rgyu zhing song*song ba las grong khyer cig tu brten te/ nags tshal gyi gnas cig tu gnas par gyur to/ /de bsam gtan gyi yon tan la goms pas tshul bcos pa ma yin par dbang po rang bzhin gyis dang ba dang ma khengs pa dang rnyed pa la re ba'i brkam pa dang zhum pa med pa dang/ dul zhing gzi brjid che ba*dang/ ci ltar rigs par 'jam por smras shing gsal ba dang chos dang chos ma yin pa rab tu 'byed pa la mkhas pa dang/ rna ba dang snying chim par byad pa'i

tshig la mkhas pa yin par mngon par smra ba dang/ rab tu byung ba'i spyod tshul bzang po dang ya rabs rnams dga' ba'i spyod pas*de na yang rab tu grags par gyur to/ /skye bo rtog dpyod can rnams kyis kyang/ de'i cho rigs btsun pa las rab tu byung bar shes nas/ de nas 'jig rten pa rnams kyis bkur sti cher byas par gyur to/ /rigs dang gzugs kyi yon tan las/ /yon tan rab tu brjid par 'gyur/ /*sa gzhi rab tu bzang po la/ /zla ba'i 'od zer shar pa bzhin/ /de nas der 'ongs par de'i pha'i mdza' bos shes nas de'i drung du 'ong ste/ yon tan brjod cing gus par nad dris nas de la bdag pha'i mdza' bo yin par shes par byas te/ gtam gyi gleng bslang nas 'jam pos smras*pa/ na tshod 'di tsam las cho rigs la yang mi lta bar 'di ltar rab tu byung ba ni/ btsun pa khyed kyis mi brtan pa bzhin du byas so/ /khyim na 'dug gam dgon par song yang rung/ /legs par bsgrubs pas chos ni brnyes gyur na/ /khyim bzang dpal dang ldan pa bor nas ni/ /ci phyir*khyod blo dgon par dga' bar gyur/ /gzhan gyi dring la ltos shing slong mo spyod/ /ngan pa bzhin du skye bo rnams kyis smad/ /ngan pa'i gos gyon gnyen bshes rnams dang bral/ /bas mtha'i sa na lus ni bskyur te bor/ /dbul po'i lus ni nye bar blangs pa bzhin/ /khyod kyi gnas*@$1b skabs 'di la bltas na ni/ /dgra yi mig kyang mchi mas gang 'gyur na/ /mya ngan dbang du ji ltar ma gyur kyang/ /de bas khyod kyi pha yi khyim du 'dong/ /thos pa'i don ni khyod kyis yod par byos/ /bu mchog khyod kyis der ni gnas bcas nas/ /chos dang yid la bsam pa*grub par gyis/ /'jig rten na yang 'di skad du grags te/ gzhan gyi las byed pa dag kyang/ /bdag gi khyim na re gnas bde/ /'byor pa'i dpal ni 'byor gyur pa/ /bde ba thob pa smos ci dgos/ /de nas byang chub sems dpa' dben pa la gnas pa'i bde ba'i bdud rtsi*'di la blo goms par byas pa dang/ snying de la gzhol bar gyur pa/ khyim na gnas pa dang nags tshal na gnas pa'i bye brag shes par gyur pa/ ltos 'grangs zin pa la kha zas kyi gtam zer ba yid du mi 'ong ba bzhin du 'dod pa la bstabs pa yid du mi 'ong bar gyur nas smras pa/*khyod kyis tshig 'di smras pa yi/ /smras pa nyes pa chung mod kyi/ /btson ra 'dra ba'i khyim la ni/ /nam yang bde bar ma sems shig /phyug gam yang na dbul yang rung/ /khyim na gnas pa nad du che/ /gcig ni bsrung bas nyon mongs la/ /gnyis pa tshol bas sha thang*ngo/ /phyug gam yang na dbul yang rung/ /gang na bde ba med gyur pa/ /de la dga' ba rmongs pa ni/ /sdig pa'i 'bras bu smin pa nyid/ /khyim na gnas pas kyang chos 'di mnyes par byar rung ngo/ /zhes zer ba de yang khyim yang chos kyi gnyen po dang 'dom pa dang/ las*su bya ba mang ches pas rab tu dka'o/ /khyod ltos shig /khyim gyi so nam byas na ni/ /brdzun du mi smra mi rung zhing/ /pha rol nyes pa byed pa la/ /nan tur mi byar mi rung ngo/ /de lta bas na skye po 'di dag khyim gyi bde ba la snying chags nas/ de bsgrub ba la 'bad pa ni/ gal*te chos spyad khyim gyi so nam 'chor/ /khyim la chags na chos kyang ga la 'grub/ /chos kyi lam ni rab tu zhi ba yin/ /khyim gyi don ni drag shul can gyis 'grub/ /de bas chos dang 'gal ba'i skyon yod phyir/ /bdag la phan 'dod su zhig khyim na gnas/ /chos ni bde la chags pa*@$2a */ /spong ba yin/ /bde ba bsgrub pa'ang nges pa yod ma yin/ /gdon mi za bar grags pa med par 'gyur/ /yid la gdung ba skye zhing ngan 'gror ltung/ /de bas chos dang 'gal ba bde ba'i thabs/ /tshul la mkhas pa rnams ni mi bsgrub po/ /gzhan yang*khyim na gnas pa bde'o zhes bya ba 'di yang yid ches par bya ba yin par bdag gis ma mthong ngo/ /bsgrub cing bsrung la sogs pa'i sdug bsngal des/ /bcing zhing bsad pa'i sdug bsngal gzhir gyur pa/ /rgyal po dag kyang 'byor pas chog mi shes/ /char chu 'bab pas*rgya mtsho mi gang bzhin/ /yongs su rtogs pa'i dbang du ma gyur na/ /'di la ci ltar nam zhig gang la bde/ /rmongs pas 'dod chags nye bar spyod pa yang/ /rma g ya' 'phrugs pa'i bde ba bzhin du zad/ /gzhan yang phal cher ni 'di lta bu yin no/ /khyim ni 'byor na phal*cher rgyags par 'gyur/ /rigs btsun nga rgyal che zhing stobs kyis bsnyems/ /sdug bsngal khro zhing rgud na zhum par 'gyur/ /des na nam zhig rab tu zhi bar 'gyur/ /de bas na 'dir btsun pa khyod la gdams ngag tu bya ba ni/ dregs dang nga rgyal gti mug sbrul gyi tshang/ /*rab tu zhi la dga' ba'i bde 'jigs pa/ /sdug bsngal mi bzad mang po'i gnas gyur khyim/ /khung dang 'dra bas su zhig gnas par byed/ /skye bo chog shes rnams kyi khyim/ /rab tu bde ba dben pa'i tshal/ /ji ltar sems ni dga' 'gyur ba/ /de 'dra lha yi*yul na'ang med/ /de bas tshal na ngan pa'i gos gyon te/ /gzhan gyi dring la 'jog cing 'tsho yang rung/ /bdag la phan 'dod dug can mi bza' bzhin/ /chos min 'dres pa'i bde ba mi 'dod do/ /de ltar des yid du 'ong ba'i tshig gis pha'i mdza' bo de yid ches

par*byas pa dang/ sems dpa' chen po de la rab tu gus shing bkur sti'i bya ba khyad par can gyis rab tu mgu bar byas so/ /de lta bas na khyim na gnas pa'i tshul khrims dang rab tu zhi ba'i gnyen po la gnod pa yin pas/ bdag la phan par 'dod pa rnams yongs su gtong ngo//*@$2b rab tu dben pa'i ro myong na 'dod pa las slar log go zhes rab tu dben pa'i gtam bya ba la yang sbyar bar bya'o/ /rgyal rigs phyug por skyes pa'i rabs te bco brgyad pa'o// //rab tu dben pa bde ba'i ro myang ba rnams ni/ 'dod pa las 'phyas kyi gnas dang/ gnod*pa lta bur mi mthun par sems so/ /de yang 'di ltar byang chub sems dpa' re zhig cig /bram ze'i rigs chen po yon tan gyi grags pa rgyas pa 'phyas su byas pa'i skyon med pa zhig tu skyes par gyur to zhes grags so/ /de la yang nu bo drug yod pa yang/ de'i gzugs dang*yon tan mthun pa/ byams shing gus pa'i yon tan dang ldan pa/ rtag tu rjes su 'brang ba dag dang sring mo gcig dang bdun 'khod pa las/ de ni rig byed yan lag dang bcas pa/ nye ba'i rig byed dang bcas pa ni lobs/ mkhas pa'i grags pa ni thob/ skye bo rnams kyis*ni bkur sti byas/ pha ma gnyis la lha bzhin du rab tu gus par bsnyen bkur byas/ nu bo de rnams la slob dpon dang pha bzhin du rig pa slob cing/ tshul dang 'dul ba la mkhas par byas nas khyim na gnas so/ /de yun ring zhig na pha ma gnyis dus byas pa'i mya ngan*gyis gdungs pa las pha ma gnyis kyi shid byas zin nas/ mya ngan byed pa'i nyin zhag 'das pa dang/ nu bo rnams la smras pa/ yun ring lhan cig 'khod 'dod kyang/ /'chi bas so sor bral gyur zhing/ /mya ngan chen pos gdungs gyur pa/ /'di ni 'jig rten 'di na nges//*bdag ni khyim na chags bzhin du/ /'chi ba'i dgra yis de'u re bsad/ /de bas phan pa'i lam bzang po'i/ /bdag ni rab tu byung bar 'dod/ /de bas na khyed rnams kyis shes par gyis shig /bram ze'i khyam na chos kyi lam gyis rnyed pa'i longs spyod tsam yod de/ des*'tsho ba 'byor gyis de bas na khyed rnams phan tshun byams pa dang/ bkur sti ni byed/ tshul khrims dang gcang sbra spyod pa la ni 'bad/ rig byed slob pa la ni 'grus/ gnyen bshes dang slong ba rnams ni re thag mi gcod/ chos la ni gzhol bar byos la khyim na legs par*@$!a */ /'khod cig /'dul ba la ni rtag tu 'bad/ /kha thon slob pa dag la 'grus/ /sbyin pa legs par rab sbyin zhing/ /khyim gyi dka' thub spyad par gyis/ /de ltar byas na khyed la grags pa 'phel/ /chos dang srid dang bde ba'ang 'phel/ /'jig*rten phyi ma la yang bde bar 'gyur/ /de bas bag yod khyim na gnas par gyis/ /de nas de'i nu bo rnams kyis de rab tu byung zhes zer ba thos nas bral du dogs pa'i mya ngan gyis sems gdungs te/ mya ngan gyi mchims gdong khebs bzhin du phyag 'tshal te/ de la 'di skad*ces smras so/ /bdag cag pha ma dang bral ba'i mya ngan gyi zug rdu'i rma ma sos par sdug bsngal gzhan gyis mnan te/ khyod kyis 'dir rma dkrugs par mi rigs so/ /pha ma'i mya ngan zug rdu da rung du/ /bdag cag yid la rma ni ma sos bzhin/ /de bas brtan pa'i blo can*'di btang legs/ /bdag cag rma ni 'jig par ma mdzad cig /'on te khyim na gnas pa mi bzhed la/ /nags tshal gnas pa bde ba'i lam dag na/ /bdag cag mgon med khyim du bor nas su/ /ci phyir gcig pu nags su bzhugs par dgyes/ /de bas na khyod gang du*bzhud pa der bdag cag kyang mchis te/ bdag cag kyang rab tu byung ngo zhes smras pa dang/ byang chub sems dpas smras pa/ dben par gnas la ma goms shing/ /'dod la chags pa'i rjes 'brang ba'i/ /skye bo phal cher rab byung la/ /g yang sar lhung ba bzhin du lta/ /*de bas na khyim du gnas pa dang/ nags chal na gnas pa'i bye brag shes bzhin du rab tu byung ba la gnas par bdag cag gi ched du ma smras so/ /de ltar khyod rab tu byung bar 'dod na/ yu bu cag rab tu byung bar 'dod kyis 'dod ngo/ /de nas bu bdun po de dag dang/ sring mo*dang brgyad char gyis khyim gyi longs spyod chen po bzang po dang/ mdza' bo dang/ nang mi dang nye du'i 'khor gdong mchi mas gang ba rnams bor te dka' thub nags su rab tu byung ngo/ /de dag gi grogs po cig dang/ bran pho dang bran mo snying nye ba cig kyang de'i phyi bzhin du rab tu byung ngo//*@$!b de dag dgon pa'i nags tshal chen po cig na mtsho chen po me tog padma mang po kha bye bas mdzes pa ni 'bar ba bzhin/ me tog ku mu ta mang po kha 'bus pa bkod pa bzhin/ bung ba mang po ni ti ri ri chu gtsang sngon pos ni gang ba cig gi 'gram du brten nas/ shing lo'i spyil po rab tu gtsang*zhing yid du 'ong ba grib shing gis bsgribs pa/ so so so sor bar mi nye bar byas pa rnams su brtul zhugs dang sdom pa la rab tu 'bad cing yid bsam gtan la sbyor bas gnas par gyur to/ /zhag lnga lnga zhing byang chub sems dpa'i drung du chos mnyan pa'i phyir 'du'o/ /byang chub*sems dpa' de yang de dag la bsam gtan gyi man ngag la 'jug pa 'dod pa'i nyes dmigs ston pa/ skyo

zhing yid 'byung bar 'gyur ba/ rab tu dben pa dang chog shes pa'i bsngags pa mang du 'byung la/ tshul 'chos pa dang/ gcam sgyu dang le lo la sogs pa'i skyon*la smod pa/ nye bar zhi ba dang rab tu dad pa'i lam du gyur pa'i chos kyi gtam de dang de dag zer ro/ /de dag gi bran mo de yang rab tu gus shing snying nye bas de bzhin du g yog byed do/ /des mtsho de'i nang nas padma'i rtsa ba bton te/ padma'i lo ma chen po la mtsho 'gram du gtsang*bar cha mnyam par bkod nas/ tog brdung ba'i sgras dus bstan te slar song ngo/ /de nas drang srong de dag bzlas brjod dang sbyin sreg gi cho ga byas zin pa dang/ rgan rims kyis re re nas song ste/ padma'i rtsa ba char bgos te bzhag pa de las go rims bzhin du re re nas blangs*nas/ rang rang gi shing lo'i spyil por cho ga bzhin du zos te/ bsam gtan la brtson pa'i blos gnas so/ /de dag de ltar 'khod pa na/ chos nyan pa'i dus ma gtogs par gcig la gcig ltar mi 'dod do/ /de dag de ltar tshul khrims dang spyod tshul de lta bu dang*rab tu dban pa la dga' ba dang bsam gtan la gzhol bas grags pa 'dra ba gtsang ma/ padma'i me tog gi 'dab ma dang ze ba'i brtag pa'i phyir der song ngo/ /des kyang de dag bsam gtan la mngon par phyogs pa dang/ bya ba ngan pa dang ma 'brel zhing gdung ba med*@$"a */ /la/ rab tu zhi ba la mngon par dga' zhing 'khod par mthong nas/ yon tan rab tu brtan pa yod par re zhig de brtag pa la yid gzhol bar gyur to/ /rtsol ba med par bas mtha' nas/ /zhi la rab tu gzhol zhing 'khod/ /dge ba rnams ni yon tan*la/ /re ba snying la 'jog par byed/ /de nas padma'i rtsa ba glang po che'i phru gu'i mche ba ltar dkar la 'jam pa rnams bton te bkrus nas padma'i lo ma sngon po rin po che mar gad 'dra ba gtsang ma/ padma'i me tog gi 'dab ma dang ze ba'i rgyan gyis brgyan pa la cha mnyam par bkod nas/*tog brdungs pa'i sgras drang srong de dag la dus bstan te bran mo de slar song ba dang/ byang chub sems dpa' brtag pa'i phyir lha'i dbang po brgya byin gyis/ padma'i rtsa ba'i cha dang po de mi snang bar byas so/ /sdug bsngal 'byung bar gyur pa dang/ /bde ba med par gyur kyang rung/ /dga'*ba rnams kyi brtan pa'i rgyu/ /rnam par 'phro ba bzhin du mthong/ /de nas byang chub sems dpa' song song nas cha dang po'i gnas de na padma'i rtsa ba ni med/ padma'i lo ma ni rgyan 'khrugs shing 'dug pa mthong nas/ bdag gi padma'i rtsa ba'i skal ba cig gis khyer ro snyam ste/*sems 'khrug pa dang khong khro ba med par de nas slar log nas shing gi spyil por zhugs te/ bsam gtan gyi cho ga tshul bzhin du brtsam mo/ /drang srong gzhan rnams snying mi dga' bar mi 'gyur bar bya ba'i phyir don ma smras so/ /da'i nu bo gzhan gyi snying lam na/ 'dis rang*gi skal ba nges par blangs ba 'dra snyam nas/ rang rang gi padma'i rtsa ba'i skal ba blangs nas/ rang rang gi lo ma'i spyil por cho ga bzhin zos te bsam gtan byed cing 'khod do/ /de bzhin du zhag gnyis pa dang/ gsum pa dang bzhi pa dang zhag lnga pa'i bar du yang de'i padma'i rtsa*ba'i skal pa brgya byin gyis mi snang bar byas so/ /byang chub sems dpa' sems dpa' chen po de yang de bzhin du sems 'khrugs pa med cing rab tu zhi bar gyur to/ /dam pa rnams ni sems dkrugs pas/ /tshe zad nas ni shi yang sla/ /de bas mkhas pas srog phyir yang//*@$"b yid ni 'khrug par mi 'gyur ro/ /de nas phyi dro'i dus la bab ste/ drang srong de dag chos mnyan pa'i phyir/ byang chub sems dpa'i shing lo'i spyil por go rims bzhin du lhags pa dang/ de'i lus ni rab tu ring 'gram pa dang mig ni kong/ bzhin gyi mdangs rnams ni ngan/*skad kyi gdangs ni chung/ nyams dmas kyang brtan pa dang rab tu zhi ba'i yon tan zla ba tshes pa mthong na dga' ba 'dra ba mthong ba dang/ nye bar brten nas zhes bskyed de rtabs pa bzhin du 'di ci nongs zhes rid par gyur pa'i rgyu de la dris so/ /de nas byang chub sems dpas de dag la*de'i don ci ltar 'gyur ba smras so/ /de nas dka' thub can de dag 'di snyam du 'di lta bu'i chos ma yin pa mi srid do snyam nas/ de nyam thag pas kyang mi dga' bar gyur te/ mtshar byas so zhes gcig la gcig smras nas ngo tsha zhing mgo smad de 'khod do/ /shes pa*'jug pa'i yul yang brgya byin gyi mthus bsgribs pas/ 'di ci las gyur pa yang nges par ma gyur to/ /de nas byang chub sems dpa'i nu bo 'og mas rang gi yid la gcags med pa/ bdag nyid gtsang bar bstan pa'i phyir/ mna' khyad par can bor ba/ bram ze*khyod kyi rtsa ba sus khyer ba/ /'byor pa'i mtshan mas brgyan pa'i khyim dag dang/ /chung ma yid du 'ong ba rnyed pa dang/ /bu dang tsha bo rnams dang ldan par shog /de'i 'og mas smras pa/ bram ze khyod kyi rtsa ba sus khyer ba/ /phreng ba do shal tsandan gos bzang dang/ /*bu yis reg pa'i rgyan rnams thogs pa yi/ /'dod pa mi zad pa la spyod par shog /yang gcig gis smras pa/ khyod kyi rtsa ba

gang gis khyer ba de/ /zhing rmos pa las nor dang 'bru rnyed cing/ /bu dang smra bas rab tu dga' bar 'gyur/ /tshe la'ang mi lta khyim na*dga' bar 'gyur/ /yang gcig gis smras pa/ khyod kyi rtsa ba brkam pas gang khyer ba/ /rgyal po bran bzhin dul bar spyod pa yi/ /gtsug tor btud pas rab tu phyag byas shing/ /rgyal po'i tshul gyis ma lus sa skyong gyur/ /yang gcig gis smras pa/*@$#a */ /khyod lta bu yi rtsa ba gang khyer ba/ /de ni rgyal po'i mdun na 'don gyur te/ /sangs la sogs pas bde legs byed gyur cig /de bzhin rgyal pos bkur sti bya bar shog /yang gcig gis smras pa/ rtsa ba 'dod cing yon tan mi 'dod pa/ /rig byed*legs par lobs nas ston par byed/ /dka' thub can du re ba chen po yis/ /yul mi kun gyis de la mchod par shog /grogs pos smras pa/ khyod lta bu yi rtsa ba la chags gang/ /yul gru dam pa 'byor pa bzhi brgya tsam/ /rgyal po dag las thob nas spyod gyur cing//*'dod chags ma bral bar ni shi bar gyur/ /bran gyis smras pa/ rtsa ba'i phyir ni bdag don chud gson pa/ /grogs po'i nang na de ni grong dpon gyur/ /rgyal po'i chad pa dag gis mi gcod par/ /bud med glu gar dag gis dga' bar gyur/ /sring mos smras pa/ khyod lta*bu yi rtsa ba gang khyer ba/ /de ni rgyal po'i btsun mor gyur nas su/ /gzugs dang dpal gyi gzi byin 'bar 'gyur zhing/ /btsun mo dam pa stong gi mchog tu gyur/ /bran mos smras pa/ gang gis rtsa ba mthong la chos ma mthong/ /de ni gcig pu dge ba rnams dang bral//*bkur sti byas nas myos par gyur nas su/ /kha zas zhim po dag la dga' bar gyur/ /de nas nags tshal de na 'khod pa'i gnod sbyin dang/ glang po che dang/ spre'u dag cig der chos nyan du lhags pas gtam de thos nas/ rab tu ngo tsha zhing mi dga' bar gyur te/ /de nas*gnod sbyin gyis bdag gtsang mar bstan pa'i phyir/ de dag gi mdun du mna' bor ba/ khyed kyi rtsa ba'i phyir ni gang 'khrul ba/ /gtsug lag khang chen dag ni brgyan par gyur/ /bkru bshal stor khung dag gi zhig ral 'chos/ /nyi ma'i 'od kyis snang bar byed par 'gyur/ /glang*po ches smras pa/ thub mchog khyod kyi rtsa ba gang brkus pa/ /de ni zhags pa dam pa drug brgyas 'chings/ /lcags kyu rnon pos dkrugs pa'i rma nad bzhin/ /nags tshal nyams dga' bor nas grong 'dab song/ /spre 'us smras pa/ khyod kyi rtsa ba brkam pas gang brkus*@$#b pa/ /de ni me tog phreng can zha nye thogs/ /dbyug pas brdeg cing sbrul gyi khar gtong zhing/ /se ral khar bcings khyim na gnas par shog /de nas byang chub sems dpas de dag thams cad la/ 'jam zhing dul ba dang bzod ba dang zab pa ston pa'i tshig 'di skad*ces smras so/ /gang zhig ma brlag par ni brlag ce'am/ /gang zhig 'di 'drar khyed la dogs gyur pa/ /'dod pa'i yid 'ong ci bder spyad nas su/ /khyim na gnas bzhin 'chi ba'i dus byed gyur/ /de nas lha'i dbang po brgya byin de dag 'dod pa la nye bar sbyod pa*dang mi mthun pa smod pa zhi nas khyad par can du gyur par smras pa des/ gus pa dang ya mtshan skyes par gyur te/ der rang gi gzugs 'bar ba drang srong de rnams kyi mdun du bstan nas/ mi bzod pa bzhin du smras pa/ khyed re zhig sdod cig /gang dag thob phyir yid*la rtsol byed cing/ /bde ba 'dod phyir yid la gnyid kyang med/ /dka' thub 'bad pas gang dag thob 'dod pa'i/ /'dod pa de dag ci phyir dmod par byed/ /byang chub sems dpas smras pa/ grogs po 'dod pa ni nyes dmigs mtha' yas te/ gang la brtags*na thub pa rnams 'dod pa la mi spyod pa de mdo tsam zhig nyon cig /'dod pa'i phyir na 'jig rten bcing zhing bsad par 'gyur/ /mya ngan gdungs shing 'jigs pa mang po'i sdug bsngal myong/ /rgyal po rnams kyang 'dod pa'i phyir ni brlag par 'gyur/ /phyi ma la*yang chos nyams sems can dmyal bar ltung/ /gang gis mdza' bo rnams dang myur du 'khon 'byung 'gyur/ /gang gis g yo sgyu dri ma can gyi lam du 'gro/ /grags pa nyams shing phyi ma la yang sdug bsngal myong/ /de dag thob par 'gyur ba'i rgyu ni 'dod pa yin/ /*de bas rab dang 'bring dang tha ma rnams/ /'di dang pha rol du yang 'dod pas gsod par byed/ /bdag la phan 'dod sbrul gdug khros pa bzhin/ /thub pa rnams ni de la mi bsten no/ /de nas lha'i dbang po brgya byin gyis tshig de bden no snyam nas/ mngon par*@$$a */ /bstod de/ drang srong de dag gi mthu des yid dga' bar gyur nas/ de dag la bdag gi nyes pa khas blangs so/ /gang dag brtags na yon tan rnams/ /re ba bzhin du rtogs par gyur/ /brtag pa'i phyir ni bdag gis 'dir/ /padma'i*rtsa ba sbas pa yin/ /padma'i rtsa ba 'di dag gis/ /khyed cag rnams kyis spyod pa brtan/ /thub pa bden par smra ba yi/ /'gro ba mgon dang bcas pa mthong/ /de skad ces smras nas/ padma'i rtsa ba de dag byang chub sems dpa' la phul lo/ /de nas byang*chub sems dpa' de'i spyod pa rlabs po che de la ga zi brjid zil gyis non pa'i tshig drag pos smras pa/ nged cag khyod kyi gnyen dang grogs ma yin/ /gar mkhan khyod

min nged cag 'phyas gdags min/ /lha dbang ci phyir khyad du bsad nas su/ /drang srong rnams la rtsed*mo'i lam bzhin bya/ /de skad ces smras pa dang/ lha'i dbang po brgya byin rab tu gus pas rna cha dang cod pan 'gul ba'i 'od kyis gdong gsal bar gyur te rab tu gus pas phyag 'tshal nas/ de la bzod par gsol ba/ bdag gis 'di ltar mi brtan pa/ /bgyis pa*dgos pa sngar smras lags/ /pha dang slob dpon 'dra ba ru/ /bdag la khyed kyis bzod par mdzod/ /shes pa'i mig ni btsums par gyur pa rnams/ /rang bzhin gyis ni mnyam pa'ang 'khrul par 'gyur/ /bdag la phan pas de la bzod par mdzod/ /de*bas bdag la thugs la mi 'chang gsol/ /de ltar bzod par gsol nas de nyid du mi snang bar 'gyur ro/ /de lta bas na rab tu dben pa'i bde ba'i ro myong ba rnams ni/ 'dod pa la 'phyas kyi gnas dang gnod pa lta bur mi mthun par sems so/ /de la skyes pa'i rabs 'di*yang bcom ldan 'das kyis lung bstan te/ nga dang sha ra d)a ti'i bu/ /mood gal bu dang 'od srungs dang/ /gang po ma 'gags kun dga' bo/ /de yi tshe na spun du gyur/ /sring mo autpal mdog yin no/ /bran mo kubdza autta ra/ /bran pho khyim bdag mdzes pa yin/ /*@$$b gnod sbyin ri bo bde ba yin/ /glang po pa ri lo ka yin/ /spre'u ni sbrang rtsi 'bul ba yin/ /brgya byin nag po 'char ka yin/ /skyes pa'i rabs ni de ltar bzung/ /dka' thub can du skyes pa'i rabs te bcu dgu pa'o// //yon tan med pa la yod par grags pa ni skyes bu*dge ba rnams la bskul ma btab ba dang 'dra bar 'gyur te/ de bas na yon tan bsgrub pa la 'bad par bya'o/ /de yang 'di ltar byang chub sems dpa' thos pa dang dul ba dang cho rigs btsun pa dang/ ma 'jungs shing khong bzo ba dang/ 'jig rten gyi tha snyad bya ba la 'gal ba med*pa/ gtsug lag mang po la goms pas tshig la mkhas par grags pa/ snying rje dang ldan zheng sbyin gtong che bas nor gyi 'byor pas thams cad khyab pa/ rab tu phyug pas khyim bdag rin po che ltar bkur ba'i rgyal po zhig gi tshong dpon du skyes par gyur to zhes grags so/ /de*nas rang gzhan chos kyi bdag /thos la sogs pa'i yon tan brgyan/ /'jig rten dag gis phal cher ni/ /bkur sti bya ba'i gnas su gyur/ /de nas re zhig cig sems dpa' chen po de rgyal po'i pho brang du song ba'i 'og tu de'i sgyug mo gcig don zhig gnyer zhing bu*mo dang 'phrad pa'i phyir de'i khyim du song ngo/ /mgron 'ongs pa'i bkur sti'i bya ba byas nas/ gtam gleng langs pa las rang gi bu mo byang chub sems dpa'i chung ma la bde 'am mi bde dris pa'i skabs su/ bu mo khyod kyi khyim thab kyis khyod la byams sam mi byams/*khyod kyis bkur sti byas pa'i yon tan drin du gzo 'am mi gzo mi bde ba lta yod dam med ces dris pa dang/ de ni ngo tsha bas mgo smad de mi spobs bzhin du gcom bskyungs te smras pa/ de lta bu'i tshul khrims dang/ yon tan dang spyod yul ni rab tu byung ba la ma mchis so*zhes byas pa dang/ de nas de'i ma de rgas nas/ rna ba mi gsang zhing sems mi gsal ba dang/ bu mos de skad du smras pa'i tshig kyang ngo tsha zhing gcom chung bas legs par ma thos nas/ rab tu byung ba'i sgra cig kyang thos pas/ bdag gi dmag pa nges par rab tu*@$%a */ /byung ba lta ci zhig snyam nas/ bu mo de'i mya ngan dang de'i sdug bsngal gyi dbang du gyur nas smre sngags 'don cing des kyang skad phyung ste dus so/ /'di ltar snying nye ba'i bdag gi mi yang bor te/ rab tu byung bas de'i tshul khrims kyi yon tan dang spyod*tshul yang ci 'dra ba zhig go/ /bu de'i rab tu byung ba yang ci lta bu zhig go/ /dar la bab cing byad gzugs bzang/ /gzhon sha can la bde bar gsos/ /de ni rgyal po'i gnad chen yin/ /dgon par gnas blo ci ltar skyes/ /nang mi dag dang 'khon ma byung/ /rgas*pas mi sdug ma gyur zhing/ /nad med ci ltar tshig gcig gis/ /khyim gyi longs spyod de yis btang/ /mdzangs shing dul ba'i rgyan gyis brgyan/ /gzhan la snying brtse mnyes kyang gshin/ /mi brtan nang mi snying rje med/ /'di lta bu ni ci ltar lobs/ /dge*sbyong bram ze mdza' bo'i rten/ /nang mi dag dang phongs pa gsol/ /nags tshal dgon par gang 'tshal ba/ /gtsang sbra tshul khrims nor ldan pa'i/ /khyim na rnyed par mi 'gyur ram/ /rjes su mthun zhing chos grogs byed/ /nyes pa med par bor nas su/ /ha*cang chos la dad ches nas/ /chos dang 'gal bar 'di mi lta/ /'di ltar gus pa'i skye bo spangs/ /yid la snying rje cung zad med/ /chos ni cung zad 'grub re skan/ /kye ma ho gnam gyis mnar ba ltar/ /de nas byang chub sems dpa'i chung mas/ bdag gi khyim thab*rab tu byung ba'i phyir/ /bdag gi ma snying nye zhing snying nas smre sngags 'don pa des bud med kyi rang bzhin mi brten pa'i phyir snying mi dga' bas 'khom zhing blong blong por ni gyur/ mya ngan gyi sdug bsngal gyis sems dkrugs nas gtam gleng slong ba'i 'phro yang brjed/ bdag gi khyim thab*rab tu byung ba'i gtam ngan thos nas/ bdag gi ma bdag la mya ngan bsang ba'i phyir 'dir

'ongs so snyam nas/ bu mos smre sngags 'don zhing skad phyung ste du ba las brgyal bar gyur to/ /khyim gyi mi dang g yog 'khor rnams kyis kyang de thos nas mya ngan gyi sdug bsngal gyi shugs kyis cho nges*@$%b btab po/ /khyim tshes dang mdza' bo dang gnyen bshes de la brten pa'i skye bo bram ze dang khyim bdag rnams kyis kyang de thos nas khyim bdag de la rjes su chags pa'i dbang du gyur pa rnams pho brang 'khor gyi mi rnams kyang phal cher khyim der dong ngo/ /gang phyir 'jig rten dag na srid pa ni/ /*bde dang sdug bsngal dag la mtshungs par spyod/ /de bas 'di yang 'jig rten slob ma bzhin/ /bde dang sdug bsngal dag la mtshungs spyod gyur/ /de nas byang chub sems dpa' rgyal po'i pho brang nas slar log ste khyim dang nye ba cig tu phyin pa dang/ bdag gi khyim na cho nges 'debs pa*dang/ mi mang po 'dus pa mthong nas/ bdag gi g yog po la 'di lta bur gyur pa ci nyes rtogs la shog cig ces bsgos so/ /des de ltar brtags nas de'i drung du phyin nas/ des de la smras pa/ jo bos 'byor pa'i khab spangs nas/ /rab tu byung zhes thos nas su/ /skye*bo 'di dag gang zhig nas/ /byams pa'i dbang gis 'dus par gyur/ /de nas byang chub sems dpa' rang bzhin gyis bsam pa dag pas tshig des bskul ma btab pa bzhin/ ngo tsha zhing mi dga' bar gyur nas smras pa/ ae ma ho/ /skye bo rnams bdag la de ltar re ba legs so*snyam nas/ skye bo rnams kyi yon tan du/ /brjod cing bsngags pa thob gyur la/ /gal te khyim la phyogs na ni/ /bdag ltar mir yang ga la rung/ /de ltar bdag gi skyon la dad gyur cing/ /yon tan khyad du gsod la tshul ngan na/ /skye bo dge ba spangs pa nyid du 'gyur/ /*de ltar gyur na gson yang ci zhig rung/ /de bas skye bo re bar gyur pa 'di/ /spyod pa ngan pa'i nyon mongs khyim spangs nas/ /dka' thub nags na dga' ba'i yon tan gyis/ /nyams su blangs te rab tu bkang bar bya/ /bdag nyid chen po des de ltar nges par byas te/ de nas slar la*log ste/ rgyal po'i gsol kha ba la tshong dpon spyan sngar mchis 'tshal lo zhes gsol cig ces smras so/ /spyan sngar mchi bar gnang nas kyang tshul bzhin du rgyal po'i spyan sngar 'ongs pa dang/ rgyal pos ci'i phyir 'ong zhes smras pa la/ lha bdag ni rab tu 'byung bar 'tshal na*@$&a */ /gnang bar rigs so/ /de nas rgyal po des rim gro bskyed de byams pa'i tshig gis 'di skad ces smras so/ /nga 'dra'i gnyen dang mdza' mchog yod bzhin du/ /nor dang thabs dang mthu rtsal gang dag gis/ /nga yis thub par 'gyur ba ma yin pa'i//*sdug bsngal gang gis khyod ni bas mthar 'gro/ /gal te nor 'dod nga las nor khyer cig /gnod pa yod na de las bzlog par bya/ /nga dang gnyen bshes gsol ba 'debs pa rnams/ /ci zhig mi 'dod phyir ni bas mthar 'gro/ /de ltar bdag nyid chen po de la rgyal pos byams*pa dang gus pas bsgo ba dang/ de la tshig 'jam pos smras pa/ khyod la brten nas gnod pa ga la mchis/ /nor gyis phongs pa'ang mchis par ga la 'gyur/ /de bas phongs pas bas mthar bdag mi mchi/ /gang gi slad du mchi ba gsan du gsol/ /skye bo mya ngan gdungs*pa'i mchi ma can dag gis/ /bdag ni rab tu byung bar gyur ces rab tu bsgrags/ /bdag ni yon tan ldan zhes dad pa'i skabs su gyur/ /de bas bdag ni bas mtha' dben par gnas par 'tshal/ /rgyal pos smras pa/ khyod skye bo rnams kyi tshig tsam gyis nged 'dor bar mi*rigs so/ /khyod lta bu'i yon tan phun sum tshogs pa ni skye bo'i tshig bsrung ba tsam gyis chog pa yang ma yin la/ de ma byas na mi rung ba yang ma yin no/ /'jig rten mu cor smra ba'i gtam rnams ni/ /rang gar rtogs pa rnams la rnam par 'phro/ /gang zhig de dag snying la*sems na yang/ /phyas su 'gyur na byed pa ci zhig smos/ /byang chub sems dpas smras pa/ rgyal po chen po de skad bka' mi stsal du gsol/ skye bo'i bka' mchid dge ba grags pa rnams la ltar mi bgyid pa yang ma lags so/ /lha gzigs su gsol/ mi*yi bdag po gang tshe dge ba yi/ /chos dang ldan zhes grags par gyur pa las/ /mi yi de las nyams par mi bgyi zhing/ /ngo tsha'i phyir yang rab tu 'bad par rigs/ /yon tan yod ces grags shing re ba dag /ji ltar gyur kyang rung ste gnang na ni/ /grags pa dag*@$&b las gtam snyan 'phel bar 'gyur/ /gzhan du bgyis na khron pa skam po bzhin/ /don bzhin ma yin yon tan grags mi 'phel/ /rnam par rtog pa'i rlung gis bskyod pa las/ /mi rnams grags pa nyams par gyur pa ni/ /slar yang grags par 'gyur ba rab tu dka'/ /*sbrul nag khros nas gdeng ka bteg 'dra ba'i/ /yongs su bzung ba rtsod pa'i rgyur gyur cing/ /spang rigs de ni spong bar bgyid pa la/ /lha gcig bdag ni bzlog par mi rigs so/ /gus par mkhyen nas 'bangs la byams pa yi/ /khyod kyis de ltar bgyi ba*rigs mod kyi/ /bdag gis sems kyi rab tu byung lags na/ /'du 'dzi nyon mongs can gyis ci zhig bgyi/ /de ltar gsol ba btab nas/ bdag nyid chen po de rgyal pos gnang ste/ dka' thub can gyi nags tshal du 'gro bar chas so/ /de

nas de'i mdza' bo dang/ nye*du dang/ de la brten pa rnams lhags nas/ mya ngan gyis mig mchi mas gang zhing rkang pa la 'jus te 'gro bar mi ster bar gyur pa ni/ kha cig gis thal mo sbyar te gsol ba 'debs shing/ de'i lam bkag ste 'khod do/ /kha cig ni mgul nas 'jus te tshig 'jam*bos brid cing khyim logs su khrid par byed/ kha cig ni spobs pa'i tshul gyis tshig rtsub mos gtol med pa sha stag byed zer zhing gshe/ kha cig ni mdza' bo dang nang mi la ni snying mi rje 'am zhes zer zhing 'gror mi ster/ la la ni khyim na gnas pa'i dka' thub nyid bsod nams*che mod zhes zer zhing/ rnar 'ong pa dang rigs pa'i tshig gis rtogs pa bskyed/ gzhan dag ni dka' thub kyi nags tshal na gnas pa sdug bsngal che ba dang/ da dung bya ba kha cig ma zin pa yong pa skad du gsol ba 'debs/ kha cig ni tshe phyi ma la bsod nams*kyi 'bras bu yod dam med gtol med ces the tshom bskyed de/ gzhung lugs kyi khyad par de dang de dag smos shing/ de slar ci ldog tu 'bad par gyur to/ /de de ltar rab tu byung du mi ster ba nags tshal du 'gro ba la 'gog cing 'then pa/ gdong mchims gang pa'i*@$'a */ /mdza' bo de dag la bltas nas/ 'di ltar sems par mngon no/ /mdza' bo 'tham pas mdza' bo bag med pa/ /phan par 'gyur na rtsub mo'ang sbyar ba rigs/ /phan zhing 'jam na smos kyang ci zhig dgos/ /dam pa rnams kyi tshul ni de ltar*yin/ /nags pas khyim dga' snyam du 'di ltar sems/ /nags na gnas pa dogs shing 'jigs med par/ /tha mal gnas par ji ltar mi sems kye/ /sdig pas gos pa bzhin du 'gog par byed/ /mi dag shi 'am shi bar gyur pa la/ /chos las nyams na*du bar 'gyur ba bzhin/ /nags tshal gnas 'dod nga ni gson bzhin du/ /ci zhig sems shing 'di dag du bar gyur/ /nga dang bral bas de ltar mi dga' na/ /nga dang lhan cig nags na cir mi 'khod/ /gal te du bas khyim na 'khod dga' na/ /mchi ma zad par du ba ci ched*che/ /de ste bdag gi mi la chags pa'i phyir/ /dka' thub byed du 'gro bar mi ster na/ /dgra dang dmag 'gyed de dang de dag tu/ /'gro ba na yang de ltar cis mi byed/ /phongs par gyur pa'i tshe na mdza' bo rnams/ /mchi mas 'ju zhing 'ong ba'i mthu yang*mthong/ /mdza' ba'i rang bzhin rab tu brten gyur kyang/ /phyi bzhin mi 'brang g yo dang thabs byed bzhin/ /slar du bzlog pa'i phyir ni skad 'dzer zhing/ /mig ni mchi mas gang bzhin smras pa dang/ /mtshungs pa la yang bla ma 'dra bar ni/ /mgo bo btud de*bdag la phyag 'tshal ba/ /rab tu byung ba'i rjes su rab byung ba/ /'di dag byams na de bzhin bya bar rigs/ /dam pa'i sems ni ngo mtshar gyur pa yi/ /gar mkhan spyod pa bzhin du mi 'gyur ram/ /yon tan med la phongs par gyur pa'i tshe/ /grogs*la gnyis gsum yod par nges par 'gyur/ /yon tan yong bzhin nags su 'gro ba na/ /grogs po gcig kyang med pa ngo mtshar che/ /glong chen smyon pa'i g yul ngo dogs pa na/ /nga yi sngon du 'gro zhing sgrib pa dag /nags su nga 'gro'i phyir ni mi 'brang ba/ /de*@$'b dag yin nam nga yang de ma yin/ /de ltar byams pa med par 'gyur ba'i rgyu/ /nyes pa byas par bdag ni mi dran nam/ /bdag ni mdza' bo 'di ltar 'khon bzhin du/ /'di ltar gyur pa rung bar 'ong ngam kye/ /bdag ni nags su 'gro phyir mi 'brang ba/ /*bdag la yon tan med pas de ltar grang/ /yon tan dag la rjes su chags pa rnams/ /de ltar 'bral bar nus pa su zhig yod/ /gang dag khyim gyi nyes pa gsal bar mngon/ /dka' thub nags tshal yon tan mi mthong ba/ /shes pa'i mig ni btsums*gyur de dag la/ /bdag gi gzhan du brtag tu ci yang med/ /phyi ma'i tshe dang tshe 'di'i sdug bsngal rgyu/ /'dod pa dag ni spong bar mi 'dod pa/ /dka' thub nags dang 'gal bar byed pa de/ /de ring bdag 'dod pa ni gti mug yin/ /bdag gi mdza'*po 'di rnams gang gis bslus/ /'jig rten ma lus zhi bar ma gyur pa/ /dka' thub nags tshal rnyed pa'i mthu chen gyis/ /nyes pa de dag mngon du gzhom par byed/ /de ltar nges pa'i bdag nyid can gyis yongs brtags nas/ /mdza' bshes spobs pa rnams kyi rnam*par spyod pa dag /'jam zhing rab tu mnyen par smra ba'i tshig rnams kyis/ /bags kyis brid de bor nas dka' thub nags su song/ /de lta bas na yon tan med pa la yod par grags pa ni skyes bu dge ba rnams la bskul ma 'debs pa dang 'dra bar 'gyur te/ /de bas*na yon tan bsgrub pa la 'bad par bya'o/ /de ltar dge slong ngo zhe'am dge bsnyen no zhes yon tan du brjod par gyur na/ dge ba rnams kyis yon tan de bsgrub pa'i phyir bdag yon tan gyis brgyan par bya'o/ /de bzhin du chos sgrub pa'i grogs byed pa rab tu dkon no zhes de ltar yang*sbyar bar bya'o/ /tshong dpon du skyes pa'i rabs te nyi shu pa'o/ /sngom la/ brgya byin bram ze myos byed ma/ /legs par pha rol phyin dang nya/ /bya dang bum pa phyug po'i bu/ /dka' thub can dang tshong dpon no/ /bcu tshan gnyis pa'o// //*@%(a */ /khro ba thul na dgra zhi bar 'gyur gyi gzhan du byas na dgra 'phel lo/ /de yang 'di

ltar byang chub sems dpa' chen po bram ze'i rigs chen po yon tan la goms pa'i mthus grags pa rgyas pa'i 'byor pa'i yon tan nges pa/ rgyal pos bkur sti byas*pas/ 'jig rten pas lha bzhin du bkur ba cig tu skyes par to zhes grags so/ /de yun ring du gyur nas cho ga'i las su bya ba rnams ne byas pa dang/ mang du thos pa'i yon tan la goms par byas pas mkhas pa rnams kyi nang du ming grags par gyur to/ /mkhas pa*rnams kyi grags pa ni/ /mkhas pa nyid kyi nang du 'phel/ /rin chen shel la rin chen dang/ /g yul ngo dag tu dpa' bo bzhin/ /de nas byang chub sems dpa' chen po de tshe rabs snga ma la rab tu byung ba la goms shing chos la sems goms par byas pa dang/ blo dang shes*rab rab tu gsal ba'i phyir khyim na gnas ba dag la dga' bar ma gyur to/ /de 'dod pa rnams 'thab mo dang rtsod pa dang dregs pa dang/ 'khon dang mi mthun pa mang po dang/ rgyal po dang/ rkun po dang/ chu dang/ me dang/ dgra dang/ bgo skal la dbang ba rnams dang/ thun mong ma*yin pa dang/ chog mi shes par gyur pa dang/ nyes pa mang po'i gnas su gyur pa'i phyir bdag cag la phan par 'dod pa rnams/ zas dug can spong ba bzhin du yongs su spangs nas skra dang kha sku bzang po rnams bregs te/ gos kha dog bsgyur ba dur smrig ni gyon/ khyim pa'i cha*lugs ni bor/ rab tu byung ba'i 'dul ba dang sdom pa'i dpal la gnas par gyur pa dang/ de'i chung ma de la snying nye ba'i dbang du gyur pa yang skra bregs te/ lus la rgyan dang lhab lhub ni med par byas/ rang bzhin gyi yon tan mang pos ni brgyan/ gos dur smrig ni gyon nas de'i phyi*bzhin du rab tu byung bar gyur to/ /de nas byang chub sems dpa' de dka' thub kyi nags tshal du 'gro ba'i rjes su 'brang bar shes nas/ bud med sdug ma myong ba dka' thub kyi nags tshal la gnas mi nus pa'i phyir de la smras pa/ bzang mo khyod nga la byams pa'i rang bzhin*@%(b bstan zin gyi/ khyod nga'i phyi bzhin du 'gro bar chas pa thong shig /bud med rab tu byung ba gzhan dag gang na 'khod pa de dag dang lhan cig 'dug pa'i rigs so/ /dgon pa'i nags na 'dug pa ni rab tu dka'o/ /ltos shig dur khrod dang ni khang stong ri bo dang/ /nags*tshal gcan gzan khro bos gang ba na/ /nyi ma gang du nub par gyur pa der/ /dka' thub can rnams gnas byed 'khod par 'gyur/ /bsam gtan byed cing rtag par gcig pur gnas/ /bud med dag ni bltar yang med par byed/ /khyod kyi 'bad pa 'di ni ci zhig dgos//*de bas khyed blo slar du log par gyis/ /de yang de'i phyi bzhin du 'gro bar yid dam bcas pas mig mchi mas gang bzhin du cung zad cig 'di skad slar smras so/ /khyod kyi phyi bzhin 'gro ba la/ /bdag ni gal te nyon mongs na/ /bdag sdug khyod kyang mi dgyes bzhin/ /ci yi*slad du de ltar bgyi/ /bdag ni khyod dang bral bzhin du/ /mchis par nus pa ma lags kyis/ /de ltar bka' dang 'gal ba ni/ /bdag la bzod par mdzad du gsol/ /de ltar de lan gnyis lan gsum du bsgo yang slar log tu ma rung ba dang/ de nas byang chub sems*dpas de la cang mi smras pa dang/ bya dur pa'i phyi bzhin du dur pa mo 'brang ba dang 'dra bar de'i phyi bzhin du 'brang ste/ grong dang ljongs su rgyu zhing song song ba las/ zas kyi bya ba byas nas re zhig cig nags tshal rab tu dben pa nyams dga' ba shing ljon pa sna tshogs kyis brgyan pa/*grib ma stug pa/ la la dag na nyi ma'i 'od zer tig tig po dag gis me tog sil ma bkram pa ltar 'dug pa/ me tog sna tshogs kyi phye mas khebs pa'i sa gzhi gtsang ma cig tu bsam gtan gyi cho ga byas nas phyi dro'i dus su ting nge 'dzin las langs te/ phyag dar khrod kyi*tshem bu drub cing 'dug go/ /bud med rab tu byung ba de yang de dang mi ring ba cig na rang gi lus kyi gzi mdangs lha mo dang 'dra bar mdzes pas shin tu brgyan pa bzhin du 'dug cing/ yid la bya ba'i man ngag des bstan pa'i tshul bzhin du bsam gtan byed cing 'dug go/ /de na*@%1a */ /yul de'i rgyal pos sa phyogs de dang nye ba'i nags tshal/ dpyid kyi dus la bab pa'i shing lo lhag par mdzes pa dang ni ldan/ bung ba che phra mang po'i sgra ti ri ri zer/ bya ko ki la mang po ni sgra snyan pa 'byin/ mtsho'i gnas rab tu nyams dga' ba me tog*padma dang/ autpa la kha bye ba ni rab tu dgod pa bzhin du 'dug pa/ me tog dri zhim po sna tshogs kyi bsung gis bsgos pa'i ser bu'i ngad nyams su bde ba dang ldan pa yod pa nas mthar gyis rgyu zhing song song ba las phyogs der phyin to/ /me tog sna tshogs tshom bu rab tu mdzes/ /*dpyid kyi dpal gyi ched du bshams pa bzhin/ /ko ki la dang rma bya'i sgra yang 'byin/ /mtsho gnas bzang po chu skyes me tog ldan/ /ne'u gsing sngon po mdzes pa'i rts)a 'jam yod/ /bung ba myos pa'i nags tshal sgra 'byin dag /'dod pa'i lha yi rtsed mo'i gnas gyur 'dra/ /*yid la lta ba rab tu 'dod par gyur/ /de nas rgyal po de dul zhing zhes bskyed de/ byang chub sems dpa' la dga' ba'i gtam byas nas/ de dang nye ba'i phyogs gcig tu

'dug go/ /des bud med de rab tu byung ba mthong nas yid rab tu 'phrog par 'gyur ba de mthong nas/*de'i gzugs bzang ba de la snying chags par gyur te/ de ni chung ma yin yang dag go snyam nas/ 'dod pa'i rang bzhin can yin pa'i phyir de 'phrog pa'i thabs bsam mo/ /dka' thub can gyi dmod pa me 'bar ba'i/ /mthu ni khro bo'i me 'bar de shes nas/ /yid la*'dod pa bstan pas g yengs gyur kyang/ /de la 'phral du brnyas thabs ma byas so/ /des bsams pa/ de'i dka' thub kyi mthu shes par byas la nus na ni de bya bar rigs kyi/ de lta ma yin na ni mi rung ngo snyam nas/ gal te 'di de la sems chags pa'i dbang du gyur*na ni/ de la dka' thub kyi mthu med gor ma chags so/ /de ste 'dod chags dang bral ba zhig yin na ni de la mi lta bar rigs so/ /de bas de'i dka' thub kyi mthu che 'am chung brtag go snyam nas/ rgyal po des dka' thub kyi mthu brtag pa'i phyir/ byang chub sems dpa' la*@%1b phan par dga' ba bzhin du smras pa/ kye rab tu byung ba khyod 'jig rten 'di na mi g yon can dang thub chod can rab tu mang na/ nags tshal dben pa rab mda' bzlog tu yang med pa 'di lta bu na chung ma 'di lta bu dang lhan cig 'khod du rung ngam/ khyod kyi chung ma 'di la 'ga'*zhig gis gtses na ni nga la yang gshe bar 'gyur ro ltos shig /dben pa'i gnas na dka' thub chung ma pa/ /'ga' zhig chos dang bcas te brnyas byas nas/ /chung ma 'di ni mngon sum phrogs gyur na/ /mya ngan byed las gzhan ni ci byar yod/ /khro ba bskyed na'ang*yid ni 'khrugs 'gyur zhing/ /chos dang 'gal ba grags pa med par 'gyur/ /de bas 'di ni grong du bzhag par rigs/ /dka' thub can la bud med bsnyen ci dgos/ /byang chub sems dpas smras pa/ rgyal pos gsungs pa'ang mad na gal te de ltar gyur na*bdag gis ci ltar bgyi ba gsan du gsol/ rgyags pas snyems sam gal te ma brtags par/ /bdag la gnod par byed pa 'dir byung na/ /sa rdul stug po char pas mnan pa bzhin/ /bdag nyid gson bzhin de ni yong mi gtang/ /de nas rgyal po des bsams pa/*'di ni chung ma 'di la rab tu chags pas dka' thub kyi mthu med do snyam nas/ sems dpa' chen po la brnyas par gyur to/ /des gnod pa byas su mi dogs la 'dod pa'i 'dod chags kyi dbang du yang gyur pas/ bud med de mthong ba'i mi rnams la bsgos pa/ khyed rnams song la*bud med rab tu byung ba de pho brang gi nang du khrid cig ces bsgos so/ /bud med rab tu byung ba des de skad zer ba thos nas nags tshal gyi ri dags mo gcan gzan ma rungs pas gtses pa bzhin du 'jigs shing bag tsha bas ngo 'dzum ni gyur mig mchi mas gang skad ni 'dzer phongs nas*smre sngags 'di skad bton to/ /'jig rten phongs shing dgra yis gtses gyur na/ /rgyal po dag la pha bzhin skyabs tshol na/ /de nyid gang la mi rigs byas gyur na/ /de yis su la pha skyabs btsal bar bya/ /kye ma ho 'jig rten skyong ba'i tshul las nyams/ /gang dag phongs*@%2a */ /pa legs par mi skyong ba/ /'on te med dam shi bar gyur tam ci/ /chos kyang grags pa tsam du zad par lta/ /jo bo bzhugs bzhin lha yis ci zhig bya/ /gzhan zhig yin na'ang rjes su bsrung rigs na/ /sdig can rnams kyis bdag*ni khrid bzhin du/ /bdag la skal ba med pas cang mi gsungs/ /bdag la dmod pa'i ser ba bab gyur na/ /ri yi gzugs kyang mi snang dran gyur pa/ /bdag ni 'di ltar gyur kyang cang mi smra/ /'on kyang byur ngan ma ni cung zad gson/ /bdag ni 'di ltar rab tu*phongs gyur kyang/ /snying rje'i snod du ma gyur snying re rje/ /phongs la snying rje can gyis bskyab bya ba/ /'di ni dka' thub can gyi tshul min nam/ /bdag ni slad du bzlog kyang ma log par/ /de nyid da rung thugs la 'chang ba 'dra/ /khyod ni mi dgyes bzhin du bdag mchis*pa/ /kye ma bdag dgar bgyis pa ga la srid/ /de ltar bud med rab tu byung ba des snying rje rje skad du smre sngags 'don la du ba tsam la brten pa rgyal pos bsgos pa'i mi de rnams kyis/ sems dpa' chen pos de mthong bzhin shing rta'i steng du bzhag ste/ pho brang gi nang*du khrid par gyur to/ /byang chub sems dpas kyang so sor brtags pa'i mthus khro ba'i stobs bcings te/ de bzhin du sems 'khrug pa med cing rab tu zhi bar phyag dar khrod pa'i tshem bu drub cing 'dug go/ /de nas de la rgyal pos smras pa/ mi bzod khro ba'i dbang*du gyur pa'i chig /khyod kyis bsnyems shing gsang bstod smras zin na/ /nyon mongs ma de mthong zhing phrogs gyur gyang/ /mthu med zhum nas rab tu zhi bar 'dug /de bas rang gi mthu rtsal bstan par gyis/ /dka' thub gnas pa'i gzi brjid bstsags pa'ang*ston/ /bdag gi tshod kyang bzung ba ma shes nas/ /khas 'ches don med lhag pa ma mthong ngo/ /byang chub sems dpas smras pa/ rgyal po bdag gis yid dam bcas pa'i don ma mchis par ma lags kyis/ mkhyen par mdzad du gsol/ gang zhig bdag la gnod par*@%2b bgyid pa de/ /g yo bzhin du yang bdag gis yang ma btang/ /bdag gis mngon sum du yang zhi bar bgyis/ /de bas bdag gis yid dam bcas

bzhin gyur/ /de nas byang chub sems dpa'i tshig rab tu brtan pa dang rab tu zhi ba'i tshul ston pa des/ dka' thub*can gyi yon tan yod par yid ches par gyur nas bsams pa/ bram ze 'dis ni gzhan zhig la bsams nas smras pa lta zhig na/ bdag gis de ma shes par 'di lta bu mi brtan par byas so snyam ste rtog pa skyes nas/ byang chub sems dpa' la smras pa/ rnam par g yo*bzhin khyod kyis ma btang ba/ /khyod la gnod byed de ni su zhig yin/ /char pa bab pas rdul phran bkab pa bzhin/ /khyod kyis gang zhig rab tu zhi bar byas/ /byang chub sems dpas smras pa/ rgyal po chen po gsan du gsol/ skyes na'ang gang zhig mi mngon la/ /*ma skyes pa ni dge ba mngon/ /bdag la gnod pa'i khro ba de/ /bdag gis shor bar ma gyur to/ /mi phan 'dod pa'i mi rnams ni/ /nam zhig skyes na dga' 'gyur ba/ /dgra rnams dga' 'gyur khro ba de/ /bdag gis khro bar ma gyur to/ /gang zhig skyes par*gyur na ni/ /dam pa'i don la spyod mi 'gyur/ /rgyal po log par spyod pa yi/ /khro ba de la bdag mi gnas/ /gang gis zil gnon dge ba gtong 'gyur ba/ /don rnams grub kyang nyams par 'gyur ba yin/ /khro ba ma rungs gdon gyis bsgyur ba 'dra/ /tshul min*byed pa gdon gyis zin pa'o/ /gtsub shing gtsubs pa las ni me byung na/ /de nyid rab tu tshig par 'gyur 'dra ba/ /log par rtog las 'bar bar 'gyur ba yin/ /khro bas de bzhin bdag nyid phung par byed/ /rab tu 'bar zhing tshig pa'i me 'dra ba/ /snying la gdung ba'i*khro ba ma mchis na/ /spong bar gyur bas de la gtam ngan 'byung/ /nang bar nam langs zla ba'i 'od nyams bzhin/ /gzhan la gnod par bya bar mi sems par/ /khro ba la ni dgra bzhin gang lta ba/ /de yi grags pa nges par rgyas par 'gyur/ /zla ba yar gyi 'od zer*@%!a */ /gsal ba bzhin/ /khro ba la ni nyes dmigs chen po 'di/ /'di lta bu ni gzhan dag kyang yod de/ /khro ba'i me yis bzhin mdangs nyams gyur na/ /rgyan gyis brgyan yang bzang por yong mi snang/ /mal stan bzang po dag la nyal gyur kyang/ /*khro ba'i zug rdus sems ni sdug bsngal 'gyur/ /bdag la phan pa'i don grub byed gyur te/ /khro bas gdungs nas lam ngan 'gro bar byed/ /grags dang don grub pa las nyams gyur te/ /zla ba mar gyi ngo bzhin dpal las nyams/ /mdza' bshes dag gis rab tu gcugs*gyur kyang/ /khro bar mi rigs g yang sar lhung bar 'gyur/ /phan dang gnod pa sems las blo nyams na/ /phal cher 'gal zhing sems ni rmongs par 'gyur/ /khro bas sdig pa'i lam ni goms byas pas/ /ngan song dag tu lan brgyar sdug bsngal 'byung/ /gnod*pa chen por byas pas shar gnyer ba'i/ /dgras kyang de la lhag par ci byar yod/ /khro ba 'di ni nang gi dgra/ /bdag gis de ltar shes nas su/ /de yi mthu ni khro ba dag /skyes bu su zhig bzod par byed/ /de bas bdag ni gson bzhin du/ /khro ba g yos kyang ma shor ro/ /*phung par byed pa'i dgra bo de/ /su zhig yal bar dor mi byed/ /de nas de'i rab tu zhi ba'i yon tan rmad du byung ba dang tshig snying la bab pa des rgyal po de'i yid rab tu mgu bar gyur nas smras pa/ khyod kyis smra ba'i rim 'di dang/ /zhi ba'i rjes su mthun pa 'di/ /mang du smos kyang ci*dgos te/ /khyod dang ma 'phrad brlag par 'gyur/ /de skad ces bstod nas drung du bsnyen te/ de'i rkang pa gnyis la phyag 'tshal nas/ sdig pa byas pa yang bshags so/ /bud med rab tu byung ba de la yang bzod par gsol nas slar btang ngo/ /bdag nyid kyang byang chub sems*dpa'i g yog tu khas blangs so/ /de lta bas na khro ba thul bar gyur na dgra zhi bar 'gyur gyi/ gzhan du byas na dgra 'phel lo/ /de bas na khro ba thul bar bya ba la 'bad par bya'o/ /de ltar na khon du 'dzin pa med na dgra zhi bar 'gyur la dul bar byas na dgra me 'phel lo/ /de*@%!b bzhin du mi khro ba ni gnyis ka'i don spyod par 'gyur ro/ /zhes bya ba la sogs pa bzod pa'i phan yon 'byung ba'i mdo sde dag la [+] bar bya'o/ /khro ba'i nyes dmigs kyi gtam bya ba dang/ de bzhin gshegs pa'i che ba nyid la brjod par bya'o/ /gtsug phud*byang chub tu skyes pa'i rabs te nyi shu gcig pa'o// //bam po bdun pa/ dam pa rnams dud 'gror lhung pa'i spyod pa la yang/ skyes bu dam pa ma yin pa rnams kyis rjes su mthun par bya ba tsam yang mi nus so/ /de yang 'di ltar byang chub sems dpa'*yid bzhin gyi rgya mtsho chen po'i nang na/ ngang pa'i khyu chen po brgya stong phrag du ma grangs mang po'i bdag po ngang pa'i rgyal po yul 'khor srung zhes bya bar gyur to/ /zhes grags so/ /de'i blon po ngang pa'i rgyal po rigs pa dang mi rigs pa yongs su shes par bya ba la mkhas*pa yun ring por yang dran pa'i mthu dang ldan pa/ rigs mthon po'i nang nas gtso bor gyur pa/ mkhas pa dang des pa dang dul bas brgyan pa brtan pa dang gtsang sbra dang tshul khrims dang spyod tshul dang spyod lam phun sum tshogs pa/ dpa' la sdug bsngal bzod cing bag yod pa/*g yul ngor

'gyed pa'i dgra thabs la mkhas shing mi 'jigs pa jo bo la snying nye zhing legs par lta ba bzhin bzang zhes bya ba zhig kyang yod par gyur te/ de'i tshe de ltar gyur pa de yang gnas brtan 'phags pa kun dga' bo yin no/ /de gnyis gcig la gcig byams shing mdza'*ba'i yon tan gyi gzhis yon tan gyi mthu rab tu che bar gyur te/ 'jig rten gnyis ka la phan par 'byung bar bya ba'i don du legs par 'jog pa ni/ slob dpon dang slob ma'i gtso bo gzhan rnams ni slob ma phal ba bzhin/ rnam pa gcig tu na pha dang bu rab thu bo bzhin gzhan ni bu phal*ba bzhin no/ /lha dang/ klu dang/ gnod sbyin dang/ dri za dang/ grul bum dang/ rig sngags 'chang dang/ dka' thub can mngon sum du mthong ba rnams rab tu ngo mtshar che bar gyur to/ /de gnyis ngang pa'i tshogs rnams 'khod pa de'i/ /bde pa'i lus 'degs spyod pa gcig tu gyur/ /*@%"a */ /mkha' la rgyu bar byed pa'i 'dab ma gnyis/ /lus 'degs phyir ni spyod pa gcig pa bzhin/ /de ltar de gnyis kyis ngang pa'i tshogs de dag rjes su skyong ba ni chos dang srid dar ba gnyis kyis mi rnams rjes su bskyang ba bzhin du rab tu dar bar gyur*pa des mtsho de yang rab tu mdzes par gyur to/ /dang pa mang po tshogs pa yi/ /sgra snyan yid du 'ong ba de/ /padma dkar po 'gyu ba bzhin/ /mtsho de rab tu mdzes par byas/ /la la ngang pa so sor gyes/ /kha cig tu ni phang phung chas/ /mkha' la sbrin rnams gyes*phung ba'i/ /mdzes pa'i dpal yang zil gyis non/ /de nas ngang pa'i rgyal po sems can thams cad la phan par dga' ba de dang/ blon po dang pa'i sde dpon bzhin bzang bya ba de'i yon tan khyad par can gyi mthu chen pos yid la ya mtshan cher gyur pa'i grub pa dang drang srong*rig sngags 'chang ba dang lha mang po rnams de gnyis kyi grags pa'i gzhi las gyur pa'i gtam 'ba' zhig 'dzer zhing de dang de dag na 'khod do/ /gser mchog btso ma'i kha dog 'dra ba'i mdog /dpal ldan lus can tshig 'bru gsal bar smra/ /dul zhing rig pa chos kyi tshul las*byung/ /ngang pa'i lus can 'di gnyis nges par gzhan/ /phrag dog med pas yon tan bsgrags pa dang/ /de gnyis grags pa phyogs su rgyas par gyur/ /rgyal po rnams kyang de la dad pa skyes/ /dam pa tshogs sar skyes dang 'dra bar gyur/ /de'i tshe yul b'a r'a /a*s'ir rgyal po tshangs byin bya ba zhig yod de/ des ngang pa'i rgyal po de dang ngang pa'i sde dpon de'i yon tan khyad par can gyi gtam/ blon po yid ches pa dang bram ze rgan po rnams kyis tshogs pa'i nang du glong bslangs pa la lan du ma zhig thos te/ de gnyis lhag par lta 'dod nas/ /*blon po bka' la gtogs pa'i gtsug lag du ma la goms shing mkhas pa'i blo dang ldan pa rnams la smras ba/ kye ngang pa'i mchog de gnyis ci nas kyang nga'i spyan sngar brim du rung ba'i thabs bzang po 'ga' zhig tshol cig /de nas blon po de dag gis rang rang gi blo la ci dran pa dang*@%"b gzhung lugs dag dang yang sbyar te rgyal po la gsol ba/ sems can rnams ni bde ba 'chal/ /bde bar gyur ba'i yon tan mchog /de dang de nas 'gugs par bgyid/ /de pas de thos de gnyis mchis/ /de bas na mtsho gang na de gnyis mngon par dga' bar gyur*pa'i bka' mchid gda' ba de bas kyang/ yon tan khyad du 'phags pa'i mtsho zhig /yul 'dir yang dgon pa'i sa phyogs gcig tu bgyid du stsal la/ gdugs re re zhing yang bya thams cad la mi 'jigs pa sbyin pa'i sgra bsgrags shing/ ci nas kyang ngo mtshar cher*gyur pa'i bde ba'i yo byad kyi yon tan khyad par can thos nas/ de gnyis 'dir mchi bar 'gyur ba de ltar bgyi bar rigs so/ /lha gzigs su gsol/ lha gcig sems can phal cher ni/ /bde brnyed pa khyad du gsod/ /thos nas bde ba'i dga' bdag /*gud du 'dug kyang yid 'phrog gyur/ /de nas rgyal po des bsams pa/ de bden no snyam nas ring por ma lon par gong khyer gyi skyed mos tshal dang ha cang mi ring ba cig tu yid bzhin gyi mtsho'i longs spyod kyi yon tan la 'gran du rung ba me tog padma dang/ autpa la dang/ ku mu*ta dang/ padma dkar po dang/ soo gan dhi ka dang/ padma dmar po dang/ ku mu ta dmar pos khebs shing chu gtsang mas gang ba/ rab tu yid du 'ong ba'i mtsho chen po cig byed du bcug go/ /ljon shing me tog bzang ldan zhing/ /lo ma bzang po 'od gsal rnams/ /de la ltad*mo ltar lhags bzhin/ /mtsho yi mtha' ma yongs su bskor/ /padma rnams ni dgod pa bzhin/ /chu rlabs 'khrug pas g yo bar gyur/ /de la chags pa'i bung ba rnams/ /g yo zhing 'phur ba mang pos gang/ /kha cig na ni zla 'od kyis/ /kha bye ku mu ta dag dang/ /*shing gi grib mas bar bcad pas/ /kha cig zla ba'i dum bu 'dra/ /padma autpal phye ba rnams/ /rlabs kyis sor mos bris pa bzhin/ /mtsho yi 'gram dag rab tu brgyan/ /kha cig gser phye'i ri mo bzhin/ /padma autpa la 'dab ma dag /ge sar bcas pa de dang der/ /*@%#a */ /me tog sil ma bkram pa bzhin/ /rab tu nyams dga' rnam par mdzes/ /chu ni rab gsal mi g yo bas/ /lus kyi yon tan gsal mdzes

pa'i/ /nya yi chogs ni mang po dag /mkha' la rgyu ba 'dra bas brgyan/ /la la mu tig*phreng bcad bzhin/ /glang chen sna nas bus pa dang/ /brag la phog pa'i chu 'phros pas/ /rlabs kyi phye ma rab tu 'phro/ /rig 'dzin na chung khrus bya zhing/ /glang chen rgyal ba'i bsung dag dang/ /me tog rnams kyi phye ma yis/ /kha cig tu ni bsung bsgos bzhin//*zla ba'i chung ma skar ma rnams/ /spyi yi gdong lta me long bzhin/ /bya rnams dga' ba mang pos gang/ /de yi sgra snyan rab tu grags/ /mtsho chen po de lta bur bya mang po dag thams cad kyi bde ba'i yo byad dgag pa med pa de lta bu byed du bcug nas de dag la byin te bya rnams*yid ches par bya ba'i phyir/ nyin re zhing yang mi 'jigs pa sbyin pa'i sgra sgrog tu bcug go/ /mtsho 'di me tog padma dang/ /autpal 'dab mas gang ba'i chu/ /rgyal pos bya rnams kun la sbyin/ /dga' zhing mi 'jigs yon tan bcas/ /de nas re zhig cig ston gyi*dus la bab pa'i tshe/ sprin gyi mun pa yol ba ltar sgrib pa ni med/ ston gyi dus su yon tan bzang po ni byung/ phyogs rnams ni gsal ba ltar snang/ me tog padma mang po kha phye bas ni mdzes par gyur/ mtsho'i chu rnams ni rab tu dangs shing yid du 'ong bar gyur/ zla ba ni*gzi mdangs kyi mchog dang ldan zhing 'od zer rab tu 'phel ba bzhin du gyur/ sa gzhi ni me tog rnam pa mang po phun sum tshogs pas brgyan par gyur/ bya ngang pa gzhon nu mang po ni rgyu bar gyur pa'i tshe/ yid bzhin gyi mtsho'i nang nas ngang pa mang po 'khod pa de'i nang nas ngang pa*khyo shug gnyis/ ston gyi dus nyams dga' ba'i tshe yul ljongs su rgyu zhing mthar gyis song song ba las rgyal po de'i yul du phyin to/ /de na yang bya mang po ni sgra 'byin/ bung ba mang po ni sgra ti ri ri zer/ ser bu bsil ba langs pas rlabs kyi phreng ba 'khrigs par*@%#b byas shing kho ra khor yug tu me tog padma dang/ autpa la'i dri zhim po'i ngad ni ldang/ padma kha bye ba rnams ni 'bar ba bzhin/ me tog ku mu ta dkar po rnams ni dgod pa bzhin du 'dug pa'i mtsho de mthong bar gyur to/ /ngang pa khyo shug gnyis po de yid bzhin gyi mtshon*'khod kyang/ mtsho de'i dpal rab tu yid du 'ong ba mthong nas/ rab tu ya mtshan che zhing rang gi ngang pa'i tshogs kyang rjes su dran par gyur te/ ae ma ho/ /ngang pa'i tshogs de dag kyang 'dir lhags kyang ci ma rung snyam nas/ 'jig rten pa ni phal cher du/ /spyi yi bde ba*myong nas ni/ /byams shing rjes su chags pa yis/ /mdza' bshes thog mar dran par 'gyur/ /de nas ngang pa khyo shug gnyis po de na re/ ji srid 'dod pa 'khod 'khod nas/ dbyar gyi dus su bab pa dang glog 'gyu ba ni mtshon cha 'debs pa 'dra/ sprin gyis*khebs pa'i mun pa ni ha cang mi gnag /sprin gyi tshogs mang po 'du ba ni lha ma yin gyi dmag tshogs 'du ba bzhin/ rma bya'i mdongs yongs su rgyas pa ni mdzes par gyur/ rma bya'i sgra cong cong bu 'byin pa ni dbyar sprin rnams rgyal bar gyur pa bzhin du mgu bar byed/*rma bya mang po ni gar sna tshogs byed/ bya bran mang po ni sgra sna tshogs 'byin cing rnam par rgyu/ me tog ka dam pa dang/ sardza dang/ aardzu na dang/ ke ta ka'i dri zhim pos bsgos pa'i ser bu bsil ba'i ngad ldang ba ni nags tshal dbugs 'byin pa bzhin/ bya mang po'i phreng ba brgyus*pa ni sprin gyi so'i phreng ba gtams pa bzhin/ ngang pa'i tshogs rnams ni gud du 'dong 'dod pas/ sgra cher mi 'byin zhing 'gro chas byed pa de bzhin du dang pa khyo shug gnyis po de yang yid bzhin gyi mtsho de nyid du slar song ngo/ /ngang pa'i bdag po'i drung du lhags nas kyang yul dang phyogs*kyi gtam gleng bslang ba'i tshe/ mtsho de'i yon tan khyad par can de gleng ngo/ /lha gangs ri'i lho phyogs na yul b'a r'a /'a s'i zhes bgyi ba na rgyal po tshangs byin zhes bgyi ba zhig mchis te/ des mtsho chen po rmad du byung ba/ bzang ba/ yon tan che ba brjod kyis mi lang ba cig bya rnams la rang dga*@%$a */ /spyod cing/ bde ba'i longs spyod du stsal te/ nyin re zhing yang mi 'jigs pa sbyin pa'i sgra yang sgrogs/ bya rnams kyang de na rang gi khyim na mchis pa bzhin du 'jigs shing bag tsha ba ma mchis par spyod cing mchis so/ /de bas na lha yang dgung*lo slad ma la der gshegs pa rigs so/ /de skad ces zer ba thos nas dang pa'i tshogs de dag thams cad lta bar 'dod par gyur to/ /de nas byang chub sems dpas ngang pa'i sde dpon bzhin bzang la gros dris pa'i tshig dang yi ge gsal ba rgya cher bstan nas ji ltar bya bar*rigs zhes smras so/ /de nas bzhin bzang gis phyag 'tshal nas de la smras pa/ lha der gshegs pa mi rigs so/ /de ci'i slad du zhe na/ 'o skol gyi lus 'di dag ni sha bzar rung ste chags pa'i gnas lags shing yid du 'ong ba sha stag lags la/ bdag cag 'di na*cis kyang phongs pa ma mchis so/ /mi rnams kyi snying yang tshig 'jam po bcos ma phyi bzhag can du smra la/ gnod par sems pa'i rang bzhin ngan pa ni mi mngon par bgyid cing phal cher

snying rje chung ba ngan g yo can lags so/ /rje gcig gzigs su gsol/ phal cher*bya dang ri dags rnams/ /smra dang sems pa mthun par bgyid/ /mi yi nang na kha cig ni/ /de las bzlog pa'i tshul la mkhas/ /'jam zhing snyan pa'i tshig smras kyang/ /don dang mthun par ma mchis so/ /tshong pa rnams kyis khe tshol phyir/ /bdag gi nor*yang 'god par bgyid/ /skyon dang bcas shing mi rigs pa/ /dgos pa mchis kyang mi sman te/ /de bas lha gcig de tsam gyis/ /thugs ches mdzad par mi rigs so/ /gal te der mi gshegs su mi rung na yang/ der gshegs la mtsho de'i longs spyod btang*ste/ slar myur du gshegs par rigs kyis de na yun ring du bzhugs par yang mi rigs la/ gtan du bzhugs dgongs par mi rigs so/ /de nas byang chub sems dpa' ston gyi dus la bab cing zla ba dang skar ma dang rgyu skar dri ma med pas brgyan pa'i tshe/ ngang pa'i tshogs*@%$b mang po yul b'a r'a /a s'i'i mtsho lta bar 'dod pa rnams kyis der 'dod ba'i phyir yang dang yang du gsol ba gdab pa dang/ ngang pa de dag gi ngo bzlog ma phod nas/ bzhin bzang la sogs pa ngang pa mang pos yongs su bskor te/ zla ba ston gyi sprin gyis bskor ba bzhin du der*song ngo/ /mtsho chen de yi nyams dga' dpal mthong nas/ /yid du 'ong dgu bkod pa sna tshogs rnams/ /rab tu dga' bas sems pa de rnams kyi/ /gnas su rung pa yon tan mtshungs par gyur/ /mtsho de gnas skabs de dang de dag gis/ /yid bzhin mtsho bas*gang dag lhag gyur pa/ /de yi phyir na ring du gnas par sems/ /yid bzhin mtsho la de dag mi sems so/ /de dag gis mi 'jigs pa sbyin pa'i sgra de yang thos la/ de na bya mang po rnams kyang bde bar 'khod/ mtsho de'i longs spyod kyis sems rab tu dga' zhing de nas*skyed mos tshal du rtser dong dong ba bzhin du longs spyod rjes su myong zhing dga' bar gyur ro/ /de nas mtsho de dag bsrung bar bskos pa'i mi rnams kyis dang pa de dag der lhags par rgyal po la bzlas par gsol pa/ lha sngon ngang pa mchog gnyis shig yon tan dang gzugs dka'*mchid du gda' ba/ de kho na dang 'dra ba'i dang pa mchog gnyis shig 'dab ma ni gser gyi 'dab ma ltar mdzes/ gdong dang rkang pa gnyis ni gser btso ma bas kyang lhag par mdog 'jam zhing mdzes/ lus kyi tshad ni lhag par che zhing legs pa dag cig /ngang pa'i g yog*'khor brgya phrag dums bskor te/ lha'i mtsho brgyan pa'i phyir mdzes pa bzhin du 'dir mchis so zhes gsol to/ /de nas rgyal po des bya bshor ba'i mi bya bshor ba'i las la mkhas par grags shing grub pa cig btsal nas/ bya de gzung ba'i phyir rim gro bskyed de bka'*stsal to/ /des kyang de bzhin du bgyi'o zhes rgyal po'i bka' nyan nas ngang pa de gnyis kyi gnas dang spyod yul legs par brtags te/ de dang de dag tu rnyi dam po rnams ni mi mngon par byas te btsugs so/ /de nas ngang pa de dag brtan zhing mi rung du dogs pa med pas*@%%a */ /rab tu dga' nas yid g yengs su rgyu zhing 'khod 'khod pa las/ ngang pa'i bdag po'i rkang pa gnyis rnyis zin par gyur to/ /brid pa'i thabs ni mkhas pa yis/ /nyes su dogs pa med pa rnams/ /bag phab pa ni log par 'gyur/ /*bag med brlag pa'i 'byung khungs yin/ /de nas byang chub sems dpas bsam pa gzhan dag las kyang kha cig 'di lta bu'i nyams nyes par gyur na mi rung ngo snyam nas sgra 'byin pa'i bye brag gis mtsho 'di 'jigs pa dang bcas pa yin no/ /zhes bsgrags so/ /de nas*ngang pa de dag ngang pa'i bdag po rnyis zin pas snying 'dar nas 'jigs shing skrag la rtab pa'i skad mi snyan pa phyung ste gcig la gcig mi lta bar dmag gi dpung g yul ngor pham pa bzhin du phyogs phyogs nas 'phur te byer ro/ /ngang pa'i sde dpon bzhin bzang ni ngang*pa'i bdag po'i drung nas ma g yos so/ /byams pa'i bcing bas yid ni bcings pa rnams/ /rang gi srog dang bral ba'ang mi sems so/ /mdza' bshes nyams nyes gyur pa'i mya ngan ni/ /srog dang bral ba bas kyang sdug bsngal che/ /de nas byang chub sems dpas bzhin*bzang la smras pa/ song shig song shig bzhin bzang khyod/ /'di na 'dug pa mi rigs so/ /nga ni 'di ltar gyur pa la/ /khyod kyi srogs byar ga la yod/ /bzhin bzang gis smras pa/ 'di na mchis na'ang 'gum par nges ma mchis/ /gud du mchis kyang rga shi med mi*'gyur/ /bde ba'i tshe na rtag tu khyod bkur la/ /nyams nyes tshe na dor du ga la rung/ /bdag gi srog bzung tsam gyi phyir/ /bya yi rgyal po khyod bor na/ /gtam ngan char bzhin bab pa yi/ /skyabs ni bdag la ci zhig mchis/ /rgyal po chen po nyams nyes pa/ /bor*te 'gro ba cha mchis sam/ /bya rgyal khyod ni cir gyur pa/ /de ltar bdag nyid gyur kyang rung/ /byang chub sems dpas smras pa/ rnyis ni zin par gyur pa la/ /tshang mang min pa gang du 'gro/ /khyod ni ma zin bde bar gnas/ /ci phyir de ltar 'gyur bar 'dod/ /de ltar byas na cir*@%%b 'gyur ltos/ /gnyis ka srog dang bral gyur na/ /gnyen bshes phyir ni 'khod pa dang/ /khyod dang nga la ci

zhig phan/ /bde dang mi bde mun khung bzhin/ /phan pa'i don ni mi mngon pas/ /de lta bu la srog bor na/ /khyod kyis don ni ci zhig bstan/ /bzhin*bzang gis smras pa/ 'dab chags rnams kyi gtso bo mchog /chos kyi don kyang ma gzigs sam/ /chos don legs par bgyid na ni/ /srid pa'i don mchog thob par 'gyur/ /bdag ni chos kyi don la lta/ /chos kyi srid kyang thob par 'gyur/ /khyod la glo ba nye*ba'i phyir/ /bdag ni gson par mi 'tshal lo/ /byang chub sems dpas smras pa/ /mdza' bo nyams nyes gyur pa la/ /grogs po gang dag chos dran zhing/ /srog gi phyir yang mi gtong ba/ /dam pa rnams kyi chos yin bden/ /de bas khyod kyis chos bzhin byas/ /*nga la gus pa bstan zin gyi/ /ngas ni gsol ba btab pa bzhin/ /nga bdag 'dod pa bzhin du song/ /de ltar byas na rung ba ni/ /mdza' bshes nga dang bral ba rnams/ /blo gros phun sum tshogs pa khyod/ /song na 'byor pa mchog tu 'gyur/ /de ltar de gnyis*gcig la gcig /byams pa'i yid kyis smras pa la/ /'chi bdag mngon sum 'ongs pa bzhin/ /rngon pa de yang 'ong ba mthong/ /de nas ngang pa'i mchog de gnyis kyis rngon pa de 'ong ba mthong ba dang cang mi smra bar 'khod do/ /des kyang ngang pa mang po de dag byer te*med par gyur pa mthong nas/ 'dir 'ga' zhig ni rnyis zin yang dag go snyam nas/ blo la nges pa skyes te rnyi btsugs pa'i nags rnams nyul du song sod ba dang/ ngang pa'i mchog de gnyis mthong ngo/ /de'i gzugs bzang po des yid la ngo mtshar cher gyur te/ gnyis ka*rnyis zin to snyam nas/ der btsugs pa'i rnyi gnyis bsgul ba dang/ de nas gcig ni rnyis zin gcig ni ma zin par bde bar 'dug bzhin du/ rim gro byed cing 'dug pa mthong nas/ snying la yang mtshan cher gyur te/ /bzhin bzang la ched du smras pa/ /bya 'di rnyi yis zin*@%&a */ /pas na/ /'phur te 'gro ba'i mthu rtsal med/ /nga yang drung du 'ongs bzhin du/ /mkha' la 'phur te mi 'gro 'am/ /khyod ni ma zin bde bar 'dug /'dab gshog rdzogs shing mthu dang ldan/ /nga ni 'di ltar 'ong gyur kyang/ /ci phyir mkha' la myur*mi 'gro/ /bzhin bzang gis de skad zer ba thos nas/ tshig 'bru rab tu gsal zhing spel legs la rang bzhin gyis yid du 'ong zhing brtan pa'i yon tan gyi gzi byin dang ldan pa'i sgra phyung ste/ mi'i skad du smras pa/ nus bzhin du ni mi 'gro ba/ /bya 'di rnyi yis zin gyur te/ /sdug*bsngal chen po myong bar gyur/ /de phyir nga ni mi 'gro'o/ /khyod kyis 'di yi rkang pa gnyis/ /rnyi yi zhags pa chen pos bzung/ /bdag kyang 'di yi yon tan gyi/ /rnyis ni de bas dam du zin/ /de nas rngon pa de rab tu ya mtshan cher gyur te/ ba spu zing zhes byed par gyur*nas/ bzhin bzang la yang smras pa/ nga yis 'jigs nas ngang pa gzhan/ /'di bor nas ni gud du song/ /khyod ni 'di ltar 'di mi gtong/ /bya 'di khyod kyi cir 'ong gi/ /bzhin bzang gis smras pa/ ngang pa'i rgyal po srog dang 'dra ba'i grogs/ /bde ba sbyin pa de ni*nyams nyes gyur/ /de bas bdag gi srog ni yal gyur kyang/ /'di ni btang bar bdag gis mi nus so/ /de nas bzhin bzang gis rngon pa de yid mgu zhing ya mtshan cher byed par shes nas yang smras pa/ bzang po bdag cag smras pa 'dis/ /gal te bde ba 'byung 'gyur zhing/*de ring bdag cag btang na ni/ /chos dang ldan pa'i grags pa thob/ /rngon pas smras pa/ ngas ni khyed la gnod mi byed/ /khyod ni nga yis bzung ba'ang med/ /de bas khyod ni ci ba der song/ /gnyen dang 'phrad cing dga' bar gyis/ /bzhin bzang gis smras pa/ bdag gi*sdug bsngal mi bzhed na/ /bdag gis gsol ba bzhin du mdzod/ /gal te gcig gis mnyes gyur na/ /'di ni thong la bdag zung shig /bdag cag chu dang zheng yang mnyam/ /na tshod la yang rgan gzhon med/ /'di ltar bslus par gyur pa la/ /khyod dang bdag*@%&b gnyis pham rgyal med/ /bdag la thugs ches mi 'gyur na/ /khyod kyis bdag nyid sngar zung la/ /bya yi rgyal po phyi nas thong/ /khyod kyi rnyed pa'ang de bzhin la/ /bdag gis gsol ba'ang gnang bar mdzod/ /ngang pa mang po'ang dga' bar gyis/ /de bas mdza' ba'ang de bzhin*'gyur/ /khyod kyis btang na'ang ji ltar 'gyur ba gzigs/ /ngang pa mang po grags pa'i bdag po 'di/ /nam mkha' dangs pa'i nang na rnam mdzes pa/ /lha min rgyal po zla ba bzang po bzhin/ /de nas rngon pa de snying sra zhing rtsub pa la goms kyang/ de rang gi srog la yang mi blta*bar jo bo la snying nye zhing byams pas chu gang khrel ltas che ba'i yon tan gyi gzi byin dang ldan pa/ brtan zhing 'jam por smra ba'i rgyan gyis brgyan pa'i tshig des sems dul bar gyur nas ngo mtshar che zhing rab tu gus pa'i dbang gis thal mo sbyar te bzhin bzang la smras pa/ skal ba chen*po legs so legs so/ /jo bo'i don du srog btang ba/ /khyod kyis 'dir ni gang bstan pa/ /de lta bu yi chos bzang ba/ /mi 'am lha yi nang na dkon/ /de bas khyod kyi rgyal po de/ /mgu bar byas nas gtang bar bya'o/ /khyod kyi srog pas phongs de la/ /gnod pa byed pa*su zhig yod/ /de

skad ces smras nas/ rngon pa des rgyal po de'i bka' mnyan par ngang pa'i rgyal po snying rje can de la rim gro byas nas rnyi bkrol te btang ngo/ /de nas dang pa'i sde dpon bzhin bzang de/ ngang pa'i rgyal po de btang bas snying rab tu dga' bar gyur te/ rngon pa la dga'*zhing byams pa'i lta bas bltas nas smras pa/ ngang pa'i rgyal po khyod kyis de btang bas/ /bdag ni mdza' bos ji ltar dga' gyur pa/ /mdza' bo khyod kyang gnyen dang lhan cig tu/ /ston brgya mang po rab tu dga' bar shog /khyod kyi las byas don med mi 'gyur phyir/ /nga dang ngang*pa mang po'i bdag po gnyis/ /bde bar zung la khur gyi ngor bsngos te/ /pho brang nang du rgyal po'i spyan sngar brim/ /ngang pa'i rgyal po g yog dang bcas gzigs nas/ /rgyal po de ni nges par dgyes par 'gyur/ /khyod la mgu bar gyur pa'i nor chen rnams/ /de yang*@%'a */ /mi re ba dag stsol bar 'gyur/ /de nas des de ltar gal gyis gcus pa dang/ rngon pa des bsams pa/ 'di lta bu'i ngang pa ngo mtshar rmad du byung ba 'di gnyis re zhig rgyal po'i spyan sngar brim mo snyam nas/ ngang pa'i mchog de gnyis khur gyi ngor*bsngos te/ bde zhing ma bcings par khyer te song song nas rgyal po'i spyan sngar brim mo/ /bdag gis ngang pa'i rgyal po 'di/ /sde dpon dang bcas 'tshal te mchis/ /rmad du byung ba'i spyan gzigs 'di/ /rgyal po'i spyan sngar brim du gsol/ /de nas rgyal po de ya mtshan*che zhing snying rab tu dga' bar gyur nas/ ngang pa'i mchog gser gyi pha bong 'dra ba gzi mdangs dang ldan pa'i gzugs yid du 'ong ba de gnyis la bltas nas/ rngon pa de la smras pa/ bya 'di gnyis ni ma bcings la/ /snad cing smas pa'ang yang med par/ /khyod ni sa la*'gro ba yis/ /ji ltar zin pa zhib tu smros/ /de skad ces smras pa dang/ rngon pa des rgyal po la phyag 'tshal nas smras pa/ mtsho dang lu ma'i 'gram dag na/ /bya rnams rgyu ba'i sa phyogs su/ /bya rnyi rab tu mi bzad pa/ /bdag gis shin tu mang po btsugs/ /de nas ngang*pa'i mchog 'di ni/ /bag phab dogs pa med par rgyu/ /rnyi rnams btsugs pa de dag gis/ /rkang pa gnyis nas zin par gyur/ /gcig ni ma zin de la 'khor/ /bdag la de yis gsol ba btab/ /ngang pa'i rgyal po'i srog glud du/ /bdag nyid mchis bgyis zer bar gyur//*mi yi skad du tshig smras pa/ /rnam par gsal la tshig 'bru 'jam/ /bdag gis srog kyang yongs btang zhing/ /gsol ba 'debs shing gzi byin che/ /de bas 'di tshig rab tu 'jam pa dang/ /rje la snying nye spyod tshul brtan pa des/ /bdag ni mgu bar gyur nas 'di yi rje/ /bdag*gis khro ba btang nas 'di yang btang/ /de ltar bya rgyal 'di ni btang ba yis/ /dga' bar gyur nas snyan pa mang du smras/ /bdag gi sug las don med mi 'gyur phyir/ /khyod kyi spyan sngar bri ma zhes bdag la mchis/ /de bas 'di ni bya'i gzugs can chos dang mthun pa gzhan zhig*@%'b lags/ /gang gis bdag gi sems kyang de ma thag tu 'jam zhing mnyen par gyur/ /de bas bdag gis bya yi rgyal po rnyi las bkrol te btang ba dang/ /bdag la drin gzo phyir ni rje khol bcas te khyod kyi spyan sngar mchis/ /rgyal po des de skad thos nas rab tu dga' zhing yid la*ngo mtshar cher gyur te/ gser gyi stan khri rgyal po'i gdan du 'os pa'i khri des rkang pa rin po che sna tshogs kyis spras pa'i 'od zer 'phro zhing sdug pa/ lha'i gdan rim pa du mar bshams shing bzang ba rgyab rten bde zhing nyams dga' bas brgyan pa/ rkang rten btsugs pa gcig dang*pa'i rgyal po de'i stan du things shig ces bka' stsal to/ /blon po chen po'i gdan khri gcig ni bzhin bzang gi sten du things shig ces bsgos so/ /de nas byang chub sems dpas bsams pa/ da ni dga' bar gyur pa'i gtam bya ba'i dus la bab po snyam nas/ dril bu ltar*snyan pa'i skad phyung ste/ rgyal po la smras pa/ gzi byin che zhing mdangs dang ldan pa'i sku/ /bde bar gnas khyod da lta thugs bde 'am/ /khyod kyi chos kyi sku la rma med dam/ /bka' lung snyan pas rgya cher dbugs phyung ngam/ /phan btags nan tur bgyi ba'i bka' khrims*kyis/ /'bangs kyi skye dgu bsrung ba'i dbang bskur tam/ /bdag gi grags pa'i gtam snyan rgyas gyur tam/ /'bangs rnams glo ba nye zhing phan btags sam/ /blon po mdzangs shing glo ba nye rnams la/ /brtag pa'i thabs kyis legs par brtags lags sam/ /'bangs*la sman pa rtag tu dgongs lags sam/ /de dag mi mkhyen pa ni mi bzhugs grang/ /dpa' zhing thabs la mkhas pa'i thugs rje can/ /rgyal phran de dag bka' ni nyan lags sam/ /thugs rje chen po'i mdzad pa ma lags sam/ /thugs chen bag med par ni mi mnal grang/ /*chos dang bde dang srid rnams mthun lags sam/ /khyod kyi spyod pa dam pa dga' ba yi/ /grags pa phyogs su rgyas par gyur pa yis/ /dgra rnams shugs 'byin spyod par gyur lags sam/ /de nas rgyal po de sems rab tu dang zhing dbang po rnams kyang dang la gsal bar gyur*@&(a */ /nas/ de la slar smras pa/ ngang pa de ring bdag kyang bde/ /thams cad du yang bde bar

'gyur/ /dam pa bdag dang 'phrad pas 'dir/ /yun ring bsam pa 'grub par gyur/ /khyod ni rnyi yis zin pa na/ /dga' bas sems ni g yengs*gyur nas/ /khyod la dbyug pas brdegs nas ni/ /'di yis snad par ma byas sam/ /de ltar rngon pa 'di dag ni/ /bya rnams zin cing snad gyur te/ /dga' bas sems ni g yengs gyur na/ /ngan pa dag kyang spyod par 'gyur/ /byang chub sems dpas smras pa/ 'di lta*bur ni nyams nyes kyang/ /rgyal po chen po bde zhing mchis/ /'dis kyang bdag la dgra bzhin du/ /gnod pa ci yang ma bgyis so/ /bzhin bzang 'di yang ma zin par/ /bdag la byams pas zin bzhin 'dug /'jam por smras pa mthong ba dang/ /ngo mtshar che bar gyur pa*yis/ /'di yi tshig ni 'jam po yis/ /de nas yid ni mgu gyur nas/ /dul zhing rim gro cher bskyed de/ /bdag ni 'di yis rnyi las bkrol/ /de bas 'di ltar bzhin bzang gis/ /'di la phan yon gdags pa dang/ /bde ba chen po 'byung ba'i phyir/ /bdag cag*gnyis ni 'dir mchis so/ /rgyal pos smras pa/ bsam pa gnyis ni 'dir byon te/ /khyed gnyis byon pa rab tu legs/ /khyed gnyis mthong bar gyur pas na/ /bdag ni rab tu dga' bar gyur/ /rngon pa 'di yang de ring nas/ /don chen grub pa gzigs su gsol/ /'o skol*gnyis ka dga' bgyis pas/ /'di ni mgu bar 'gyur bar rigs/ /de skad ces smras nas/ rgyal po des rngon pa de la nor rab tu mang zhing rgya che ba byin te mgu bar byas nas/ yang rgyal pos smras pa/ khyed gnyis ched du bdag gi khyim du byon/ /de bas bdag la 'dzem dogs ma*mchis par/ /ci dang ci bzhes de dag bdag la gsungs/ /bdag gi bdog pa khyed dang thun mong lags/ /mdza' bos spobs te dogs med tshig gsal ba/ /longs spyod bdog la bslangs nas mgu gyur pa/ /de lta bu ni nor gyis mgur mi 'gyur/ /de bas mdza' bo'i spobs*@&(b pa phan yon che/ /de nas rgyal po des bzhin bzang la smrar gzhug par 'dod nas 'dzum dmul te bzhin bzang la bltas nas smras pa/ skye bo gsar bu bshes shing ma 'dris pa/ /rab tu spobs shing bag phab mi rung yang/ /des shing mnyam par bzhag pa'i tshig dag gis/ /*zhe sar bcas shing snyan par mi smra min/ /de bas tshig tsam smra ba yis/ /bdag ni spobs par re ba dang/ /phyi phyir mdza' bar 'dod pa dang/ /bsam pa don yod bgyi bar rigs/ /de skad ces smras pa dang/ ngang pa'i sde dpon bzhin bzang gis de la tshul bzhin du phyag*'tshal te smras pa/ dbang chen 'dra ba khyod dang gnyis/ /de ltar bka' mchid gsungs pa ni/ /rab tu dgyes pa'i tshul bstan na/ /su zhig yid la bsam mi rdzogs/ /mi yi bdag po bka' mchid gsung bzhin la/ /bya yi bdag po rab tu dga' bzhin du/ /bka'*mchid de lta'i nang du 'bangs dag gis/ /spyi brtol bskyed de smra ba gal rigs/ /ya rabs dul ba'i tshul ni de ma lags/ /de ltar 'tshal bzhin rab tu ji ltar 'jug /rgyal po chen po de bas bdag mi smra/ /bzod par mdzad pa'i rigs na bzod par gsol/ /*de skad ces smras pa dang/ rgyal po rab tu dga' zhing bzhin gyi mdangs phyung nas bzhin bzang la 'di skad ces smras so/ /khyod kyi yon tan gtam snyan mi rnams zer bar rigs/ /ngang pa'i bdag po dang yang grogs po 'thams par rigs/ /dul ba dang ni tshul la*mkhas pa 'di lta bu/ /rang gi sems ni ma sbyangs ga la yod/ /de bas bdag cag mdza' ba 'di/ /ci nas rgyun mi chad pa dang/ /de bzhin bdag la spobs par gyis/ /ya rabs 'phrad pa nyams ma gyur/ /de nas byang chub sems dpas rgyal po de rab tu mdza'*par 'dod pa dang byams par shes nas/ de la mgu bar byed cing 'di skad ces smras so/ /dang po bshes par gyur pa na'ang/ /bdag nyid chen po'i tshul 'dzin pas/ /mdza' bo dam pas bya ba gang/ /de ni khyod kyis bdag la byas/ /bkur sti bgyi ba'i cho ga 'dis/ /*@&1a */ /khyod kyis bdag la gang bstan pa/ /rgyal po chen po su yis sems/ /dran bzhin dmigs par mi 'gyur mchis/ /dgos pa lta zhig ched che ci zhig mchis/ /rgyal po chen po khyod la brten zhing lta/ /khyod ni mgron la dga' zhing yon tan 'dod/ /*'di ltar gyur pa nges par goms pa yis/ /'bangs la phan phyir rgyal po'i tshul 'dzin pa/ /drang srong mnyam gzhag dka' thub 'bad pa bzhin/ /khyod kyi yon tan rang gi ngang gis gnas/ /rang bzhin dul ba khyod lta lags kyang mod/ /de bas bstod par 'os pa'i yon tan bde//*'byung po nges pa'i gcong rong mi 'dod do/ /yon tan skyon gyi chos nyid 'di shes nas/ /sems yod su zhig mi phan lam ngan 'gro/ /dpa' bas yul 'khor thob par mi 'gyur la/ /nor dang rtsol phod thabs kyis de mi thob/ /yon tan med na nor gos 'bad mi phan/ /rgyal*po yon tan gyis ni thob par 'gyur/ /lha yi dbang po'i dpal yang yon tan ltos/ /yon tan yod na rgyud kyang rab tu 'phel/ /grags pa rnams kyang yon tan nyid las 'phro/ /bdag nyid che ba'i mthu yang yon tan gnas/ /zla ba'i 'od las gsal ba'i yon tan ni/ /*dgra bo mi bzad dregs pas sdang ba dang/ /'khon snying yod cing phrag dog che ba dang/ /yid ni dang zhing rab tu mgu bar byed/ /rgyal po de ltar dul la sogs pa yi/ /yon tan bzang zhing che ba ma nyams par/ /rgyal

phran dregs pa mthu yis btul nas ni/ /sa 'di skyong la*'bangs kyang bskyang du gsol/ /'bangs la phan gdags rgyal po'i don gyi mchog /rgyal po chos la dga' bar gyur na ni/ /tshe rabs gnyis ka bde ba'i lam 'di yin/ /rgyal po'i spyod pa bzhin du 'bangs kyang spyod/ /de bas chos bzhin sa la gnas pa slobs/ /sum cu rtsa*gsum rje yang khyod la bsrung/ /khyod kyi drung na bde bar gnas gyur kyang/ /bdag gi grogs mang sdug bsngal 'bod pa bzhin/ /de nas rgyal po 'khor dang bcas pa de'i tshig de la mngon par dga' bar gyur nas/ bkur sti dang tshig snyan par smras te/ ngang pa'i gtso bo de gnyis*@&1b slar bkyes so/ /de nas byang chub sems dpa' ston gyi nam mkha'i dkyil ral gri dri ma med pa ltar sngo zhing dangs la mdzes pa la 'phur nas/ bzhin bzang de'i phyi bzhin du 'brang ba ni/ gzugs brnyan drung na 'dug pa dang 'dra bar byas te/ ngang pa'i tshogs mang po'i drung du 'ong ba*dang/ mthong ma thag tu rab tu dga' ba dang ldan par byas so/ /dus dus dag tu ngang pa'i rgyal po de/ /gzhan la snying brtse'i phyir ni rgyal po yi/ /ched du song nas chos kyang ston par byed/ /rgyal po des ni mchod pa gus par byas/ /de lta bas na dam pa rnams dud 'gror lhung*ba'i spyod pa la yang/ skyes bu dam pa ma yin pa rnams kyis rjes su mthun par bya ba tsam yang mi nus na/ bde 'gro la gnas pa rnams la lta smos kyang ci dgos/ de ltar tshig snyan pa ni gnyis ka la phan par 'gyur ba yin no/ /zhes tshig snyan par smra ba'i yon tan*bsngags pa la yang sbyar bar bya'o/ /de ltar dge ba'i bshes gnyen dang ldan pas don bsgrub dka' ba yang grub par gyur to/ /zhes dge ba'i bshes gnyen gyi yon tan bsngags pa la yang brjod par bya'o/ /gnas brtan kun dga' bo'i sngon gyi ris mthun pa la yang*brjod par bya ste/ 'di ltar byang chub sems dpa' dang lhan cig tu 'grogs te/ yun ring por byams pa dang rab tu gus pa 'ba' zhig byed pa yin no/ /zhes brjod par bya'o/ /ngang par skyes pa'i rabs te nyi shu gnyis pa'o// //bam po brgyad pa/ skyes bu dam pa*rnams ni phan btags pa la drin du gzo ba dang bzod pa la goms pas rim gro ma byas kyang sngon phan 'dogs pa la snying brtse ba lhod par mi 'gyur ro/ /de yang 'di ltar bcom ldan 'das 'di sngon byang chub sems dpar gyur pa'i tshe/ kun du rgyu byang chub ces bya bar grags so/ /de khyim*na gnas bzhin du 'jig rten pas bsngags pa'i gnas rnams kyi go rims ni rgya cher shes/ sgyu rtsal rnam pa sna tshogs la ni mkhas par byas/ rab tu byung nas kyang 'jig rten la phan 'dogs par brtson pas chos kyi gtsug lag rnams la lhag par yang blo zhen par gyur te/ de dag*@&2a */ /la slob dpon gyi go 'phang thob par gyur to/ /de bsod nams dang ldan zhing shes pa rgya che ba dang 'jig rten gyi spyod tshul la mkhas pa dang nan tan che ba'i yon tan dang ldan pas/ gang dang gang du song ba de dang der mkhas pa rnams dang mkhas pa la dga'*ba rnams dang/ rgyal po'i blon po rnams dang/ bram ze dang/ khyim bdag rnams dang/ gzhan mu stegs can rnams dang/ rab tu byung ba rnams kyis bkur sti bya zhing dran par bya bar gyur to/ /bsod nams gzhi las 'bar ba'i yon tan rnams/ /nan tan bsgrub pa'i byin*gyis dga' bar gyur/ /dgra yang rang gi grags pa bsrung ba'i phyir/ /lhag par bkur sti byed pa nyid du gyur/ /de nas bdag nyid chen po de 'jig rten la phan btags pa'i phyir/ grong dang grong khyer dang ljongs dang/ grong rdal dang yul 'khor dang rgyal po'i pho brang 'khor du*rgyu zhing song song ba las/ rgyal po zhig gi yul gyi 'dab tu phyin par gyur to/ /de'i yon tan gyi mthu rgya chen po des thos shing de rgyang ring po nas 'ongs par shes nas yid rab tu dga' ste/ rang gi skyed mos tshal nyams dga' ba'i sa phyogs gcig tu de'i gnas byed du bcug go//*bsu ba la sogs pa bkur sti cher byas te/ de rang gi yul du bzhag nas slob dpon la slob mas bya ba bzhin du rim gro dang bkur sti tshul bzhin du byas te mchod cing bkur ro/ /longs spyod yon tan phun sum tshogs/ /khyim du re ba'i mgron 'ongs nas/ /yon tan can la*dga' ba rnams/ /rab tu dga' zhing spro bar gyur/ /byang chub sems dpas kyang de la chos kyi gtam yid du 'ong zhing rna bar snyan pa rnams kyis phan par 'gyur ba'i lam bstan pas nyi ma re re zhing phan 'dogs par 'gyur ro/ /gus pa med la'ang chos la dga' ba rnams/ /*gzhan la snying brtse phan pa'i tshig smran/ /phan par 'dod cing yon tan dga' ba yi/ /skye bo snod gtsang 'dra la smos cing dgos/ /de nas rgyal po de'i blon po rnams dang mkhas pa'i thabs thob pa rnams 'khor tshogs pa'i nang du/ byang chub sems dpa' sems dpa' chen po la rim*@&2b gro cher byas pa dang/ yon tan phun sum tshogs pa la phrag dog gi sems skyes nas mi bzod par gyur to/ /rang gi yon tan grags pa khyad par can/ /'gro ba mgu bar nus pa'i mthu can la/ /yon tan bcos mas bkur sti thob pa rnams/ /phrag dog me ni gor ma chags*par 'bar/ /de la gtsug lag

gi gtam gyis mngon sum du zil gyis mnan mi nus shing/ rgyal po chos la brten pa'ang ma bzod nas/ thabs de dag gis rgyal po byang chub sems dpa' la mi dga' bar gyur pa byas so/ /lha kun tu rgyu byang chub la thugs che par mdzad*par mi rigs so/ /gdon mi za bar 'di ni lha yon tan la dgyes pa dang chos la phyogs par 'tshal nas/ brlag par bgyi ba'i slad du g yo dang bcas pa'i tshig 'jam po smra zhing spyod pa'i nyams drod 'dzin pa lags te nyi 'og gi rgyal po 'ga' zhig gis bya ma rta btang bar lags*par gor ma chags so/ /de ltar ci mngon zhe na/ 'di ltar chos kyi bdag nyid can du bgyis nas/ lha'i zhal snga nas cig kho na thugs rje che ba dang/ ngo tsha mkhyen zhing 'jam des can du bslab ste srid dang 'dod pa dang mi mthun pa rgyal rigs kyi chos ma yin pa snyan dngags dang*mi mthun pa/ chos la skul ma 'debs shing/ snying rje dang ldan pa bgyi ba'i don du bsgrub cing ched cher bgyis nas thabs kyis bag 'bebs so/ /nyi 'og gi rgyal po'i pho nya gzhan dag dang bshes shing 'drul la/ 'di nyid kyang rgyal po'i gtsug lag gi rgyus la mi mkhas pa yang*ma lags te/ de bas na bdag cag ni 'di la glo ba mi ches so/ /de nas rgyal po de la dbyen gyi thabs yang dang yang du lan du mar phan par 'dod pa bzhin du mi mang pos smras pa dang/ byang chub sems dpa' la yid mi ches par gyur te byams pa dang bkur sti chung zhing sems sngon dang mi*'dra bar gyur to/ /'brug sgra drag po ser ba 'dra ba yi/ /dbyen gyi ser ba rdo rje 'bab pa ni/ /ming tsam tshod kyis mdza' ba brtan pa dag /nyams shing zhig par mi 'gyur su zhig yod/ /de nas rgyal po de byang chub sems dpa' de la bag mi 'bebs shing dga' dga' ltar byed pa btang ste*@&!a */ /bkur sti chung bar gyur nas/ sngon bzhin du rim gro mi byed par gyur to/ /byang chub sems dpa' yang sems gtsang bas rgyal po rnams 'bangs kyi bya ba mang pos blo brel to snyam nas/ de ltar gyur pa yid la yang mi byed na/ de'i 'khor 'khod pa rnams gus pa*dang rim gro byed pa la g yel bar gyur pa mthong ba dang/ rgyal po thugs ma dgyes par gyur pa shes nas/ kun tu rgyu'i yo byad dbyug pa gsum dang ril ba spyi blugs la sogs pa khyer te 'gro bar chas so/ /de ltar gyur pa rgyal po des thos nas da dung 'khon byung ba nyid du yang ma gyur pas/ des*shing dul ba'i tshul bstan te/ de'i drung du song nas rtab rtab por gyur pa 'dra bar byas te slar log par 'dod bzhin du smras pa/ ci phyir 'di ltar 'phral du bdag por te/ /khyod ni 'gro bar chas pa bzhin du sems/ /nongs par dogs pa 'ga' zhig 'byung ba'i gzhi/ /bdag gi nongs*pa khyod kyis mthong ngam ci/ /de nas byang chub sems dpas de la smras pa/ /bdag ni 'phral la 'di ltar mi mchi zhing/ /bkur sti chung ba tsam gyis khros ma lags/ /khyod ni chos kyi snod du ma gyur cing/ /g yo dang bcas pas 'di nas bdag ni cha/ /de nas rgyal po des khyi*gnang chen cig khros zhing zug ste so gtsigs nas der zar 'ongs pa bstan nas yang smras pa/ rgyal po chen po mi ma lags pa 'dis mche bzhi bgyis pa gzigs su gsol/ khyi 'di sngon ni khyod kyi rjes 'brang zhing/ /bdag la rab tu 'dris par bgyis pa las/ /mdzad stangs gsang*bar shes par ma gyur nas/ /zugs shing za bas khyod kyi dgongs pa bstan/ /bdag la mgus rtsub pa cung zad cig /khyod las nges par 'di yis thos lags grang/ /de bas 'dis kyang rjes su 'brang bar gyur/ /'khor rnams spyod pa khyod ni dgyes par bgyid/ /de nas rgyal po*de brtags pa la bab pa dang ngo tsha bas mgo smad de 'di'i blo rno ba des sems mi dga' bar gyur te/ nga ni g yo bya ba'i dus la ma bab po snyam nas/ byang chub sems dpa' la phyag 'tshal te smras pa/ khyod las gleng nas bka' mchid 'di lta bu/ /bdag cag tshogs pa'i nang du bgyis kyang*@&!b mad/ /dgos pa'i dbang gis bdag gis yal bar bor/ /de bas bzod par mdzod la ma bzhud bzhugs/ /byang chub sems dpas smras pa/ bdag ni bkur sti chung ba'i phyir mi bzod de mchi ba ma lags kyi rgyal po chen po da ni mchi ba'i dus lags pa'i slad du mchis so/ /khyod kyis*gzigs su gsol/ bkur sti cung zad bri bar gyur pa'i tshe/ /bdag rang langs te song bar ma gyur na/ /phongs shig 'dug pa ngan zhing byis pa'i chos/ /ma bltas na ni slad kyis bskrad par 'gyur/ /de bas na ni mchi ba'i dus la bab/ /mi dga' bzhin du mchis su gal rung/ /*lan cig tsam gyis sma bab gyur pa yis/ /sngon chad phan btags pa yang ga la snyam/ /byams pa'i rlan med brten du mi rung ste/ /khron pa skam po chu 'dod mi bsten bzhin/ /de la rab tu bsgrims te don bsgrub kyang/ /de don chung zhing rnyog pa can du gyur/ /bde ba 'dod cing nyon*mongs mi 'dod pas/ /mtsho chen ston ka'i chu gtsang 'dra ba ni/ /rab tu dangs pa nyid la brten par rigs/ /tshul 'di 'jig rten dag na gsal bar grags/ /gus par byed kyang gzhan du phyogs pa dang/ /gzhan du phyogs kyang zhum pas de la lta/ /sngon chad phan*btags drin du mi gzo pa/ /mi yi gzugs

de ci lags gtol ma mchis/ /ma brten pa dang rab tu brten drags dang/ /bslang ba drags na byams pa med par 'gyur/ /de bas gnas pa'i skyon la mdza' ba'i mjug 'di ni/ /bsrung bar 'tshal gyis bdag ni re zhig*mchis/ /rgyal pos smras pa/ gal te khyod mi 'gror mi btub yang/ /nga la sems nas da rung slar yang 'dir byon cing bdag spyan ras kyis btsal bar rigs so/ /ha cang ma brten pa las 'khon byung ba mi rigs so/ /byang chub sems dpas smras pa/ rgyal po chen po 'jig*rten gnas pa 'di dag ni bar chad mang la gnod pa dang dgra mang bas gdon mi 'tshal bar mchi'o zhes mchid kyis 'tshal du mi rung ngo/ /gal te mchi ba'i skabs dang ldan na khyod kyi zhal lta'o zhes bdag nyid chen po des/ rgyal po de la tshig 'jam pos dga' bar byas nas/ rgyal po*@&"a */ /de ma bkur sti byas te/ de'i yul las byung ste song ngo/ /de khyim pa dang brten pa des/ sems mi bde bar gyur nas dgon pa'i gnas zhig tu gnas te blo bsam gtan la brtson par de na gnas pa las/ ring por ma lon par bsam gtan bzhi dang/*mngon par shes pa lnga thob par gyur to/ /rab tu zhi ba'i bde ba'i ro myong ba des rgyal po la snying brtse ba'i dran pa byung bar gyur pa ni/ rgyal po de da lta ji ltar 'dug snyam pa dang/ de nas des 'di ltar blon po de dag gis lta ba gang la chags pa de dag la ltar bcug pa mthong ngo/ /de la*blon po la las ni rgyu brtags mi bzod pa'i dpe rnams kyis rgyu med pa'i lta ba las drangs so/ /padma'i sdong po lo ma me tog snying po dang/ /kha dog dbyibs dang 'jam la sogs pa'i rgyu ni gang/ /bya yi 'dab ma sna tshogs ris su bris pa su/ /'gro ba 'di dag ngo bo nyid kyis de*bzhin nges/ /kha cig ni dbang phyug gi blos sbyar ba rgyu yin par ston te/ 'di dag thams cad rgyu med byung bar mi rigs te/ /'di la kun tu bdag po mtha' yas gcig cig yod/ /sna tshogs 'di dag rang dgar byed pa nges par yod/ /'jig rten byas na phyis kyang*mnyam du med par byed/ /yang la las ni bde dang mi bde ba 'di dag thams cad sngon gyi las kyis byas kyi 'bad pa'i mthus byas pa ma yin no zhes de la de ltar 'dzin du bcug go/ /dngos po mtha' yas so sor gnas pa mang po rnams/ /gcig pus dus gcig tu ni ji*ltar bya bar nus/ /bde bar byed la'ang mkhas pa sdug bsngal myong bar 'gyur/ /de bas 'di dag thams cad sngon gyi las las gyur/ /gzhan dag ni chad par lta ba'i gtam gyis de 'dod pa'i longs spyod byed du gzhug pa'i phyir smras pa/ rnam pa sna tshogs kha dog yon tan ldan*pa'i shing/ /las kyis byas pa ma yin 'on kyang 'byung bar 'gyur/ /chu dags na rnams kyang slar ni de bzhin skye mi 'gyur/ /'jig rten de dang 'dra bar bde la gzhol bar mdzod/ /kha cig ni de la rgyal rigs kyi gtsug lag las 'byung ba g yo dang dgra thabs dang 'brel pa/ snying rje med cing*@&"b skyon dang bcas pa chos dang 'gal ba la/ 'di ni rgyal po'i chos lags so zhes ston to/ /brten pa'i mi rnams la ni grib ma'i ljon shing bzhin/ /de dag ji srid dgos pa'i dus la ma bab pa/ /de srid byas pa gzo bas rang gi grags pa bsrung/ /dgos pa byung na mchod sbyin phyugs*bzhin de dag spyad/ /de ltar blon po de dag gis rgyal po de lta ba ngan pa'i lam de dang de dag tu drangs par gyur to/ /de nas byang chub sems dpas rgyal po de skye bo sdig pa can dag brten cing blo gzhan gyi dring la 'jog pas lta ba ngan ba'i g yang sar lhung du nye bar dgos nas de la snying brtse bar*gyur nas de las bzlog pa'i thabs bsams pa/ yon tan goms pas dge ba rnams/ /legs par byas pa sems la gnas/ /padma'i 'dab las chu bo bzhin/ /nyes par byas pa mi chags so/ /de nas byang chub sems dpas bsams pa/ da ni de'i dus la bab po*snyam nas/ rang gi dka' thub kyi gnas su spre'u chen po zhig mngon par sprul nas/ rdzu 'phrul gyi mthus de'i pags pa bshus te/ gzhan mi snang bar byas nas/ des spre'u'i pags pa chen po sprul pa de gyon nas rgyal po'i pho brang gi sgor phyin pa dang/ chab sgo bas kyang sbran nas/*rgyal po'i 'khor tshogs pa go rims bzhin du mi 'khrug par 'khod pa'i mtha' ni mtshon cha thogs pa rnams kyis bskor/ blon po dang/ bram ze dang/ pho nya dang/ nang mi gtso bo rnams kyis ni gang/ skye bo rnams kyi chas ni brtan zhing dul la rgya che/ chab sgo chen po'i sgo ba ral gri dang*dbyug pa thogs pa rnams kyis ni bsrung/ mi'i bdag po ni seng ge'i khri la 'dug par 'ongs so/ /rgyal po des kyang bsu ba la sogs pa mgron 'ongs pa'i bkur sti bya ba dang snyan par smra pa gdan bting ba byas nas/ spre'u'i pags pa gyon pa ngo mtshar cher bzung nas dris pa/*'phags pa la spre'u'i pags pa 'di phul bas bdag nyid la phan pa chen po btags pa su zhig lags/ byang chub sems dpas smras pa/ rgyal po chen po 'di ni bdag nyid kyis rnyed kyi gzhan sus kyang ma 'tshal to/ /sa gzhi rang bzhin gyis mkhrad ba la/ rts)a ku sha dang rts)a tsam*@&#a */ /bting ba la mchis shing nyal bas gdungs na/ chos kyi cho ga bde blag tu bgyi ba rdo mi thogs

la/ spre'u chen po 'di yang dka' thub kyi nags na mchis pa bdag gis mthong nas/ de la bdag gis bsams pa/ bdag gis chos spyod pa'i yo byad spre'u*'di'i pags pa rnyed do snyam mo/ /'di la 'dug gam nyal na chos kyang 'grub nus la/ rgyal po'i mal stan bzang po lam chags par yang rang gi chos kyi cho ga bsgrub tu rung ngo snyam nas/ bdag gis de'i pags pa bcang ste de yang ma mchis par bgyis so/ /de skad zer ba*thos nas/ rgyal po des dul zhing des pa'i tshul bzung ste/ byang chub sems dpa' la ci yang slar ma smras so/ /de ngo tsha bar gyur nas cung zhig ma go smad de 'dug go/ /de nas blon po de dag sngon yang sems dpa' chen po de la sems mi bzod cing smra ba'i skabs rnyed bas*'dzum dmul te mdangs phyung nas rgyal po la bltas nas/ byang chub sems dpa' de bstan te smras pa/ ae ma ho/ /khyod kyi chos la rjes su dga' bas blo la ltos/ /ae ma ho/ /rtsol phod pa'i mthu che zhing brtan kyang bka' thub kyi nags na 'dug bzhin du/ gcig pus*dka' thub spyod cing lus nyam chung yang/ spre'u chen po 'di lta bu sod pa ngo mtshar che'o/ /dka' thub grub par gyur cig /de nas byang chub sems dpas ma khros par smras pa/ khyod rang gi lta ba bzang po la mi lta bar 'di ltar bdag smad par mi rigs so/ /'dis mkhas pa'i grags pa phyin*par mi 'gyur ro/ /tshe dang ldan pa dag gzigs su gsol/ bdag gi lta la gnod pa'i tshig /gang gis gzhan la gnod byed pa/ /de ni bdag la gnod pa yis/ /gzhan gyis mi snyan sgrogs par 'dod/ /de ltar bdag nyid chen po des blon po de dag la spyir smras pa/ so sor smra*bar 'dod nas blon po rgyu med par smra ba de la smras pa/ 'gro ba'i ngo bo nyid kyis de bzhin nyid zer na/ /gal te de ltar bden na bdag la ci zhig smad/ /spre'u ngo bo nyid kyis shi bar gyur pa la/ /bdag la ci phyir sdig 'gyur bsad du ma zad dam/ /de ste de bsad bdag la sdig tu gyur na ni/ /*@&#b 'o na 'di ni rgyu las gyur par grub par 'gyur/ /de bas rgyu med smra ba 'di ni dor bar rigs/ /'dir ni de skad smra ba khyod la mi rigs 'gyur/ /gal te padma'i sdod bu skyes la sogs 'dra na/ /'o na rtag tu rgyu med par yang cir mi 'byung/ /chu la sogs dang sa bon dag gis de byas nges/ /*de dag yod na skye la med na mi skye'o/ /gzhan yang tshe dang ldan pa dag re zhig legs par rtogs shig /gtan tshigs bcas pa rgyu med zer ba ni/ /bdag nyid kyis ni khas 'ches sun phyung ngo/ /de ste gtan tshigs bstan par mi 'dod na/ /khas 'ches tsam gyis 'di la ci zhig phan/ /*gang zhig kha cig tu ni rgyu rkyen ma mthong bas/ /de nyid kyis ni thams cad rgyu med smra na ni/ /de dag rgyu dang bcas par mngon sum mthong bzhin du/ /de la sdang bas 'gal ba'i tshig ngan smra bar 'gyur/ /gal te gang na'ang rgyu ni yod par ma mthong na/ /de ni med ces nges par ci ltar*smra bar 'gyur/ /nyi ma nub tshe nyi ma'i dkyil 'khor dri med bzhin/ /yod bzhin du yang rgyu rkyen gzhan gyis mi snang mod/ /gzhan yang khyed cag yid du 'ong ba'i yul ni bde bar 'dod phyir brten/ /de dang 'gal ba dag ni brten par yong mi 'dod/ /de yi phyir yang rgyal po*dag la brten par byed/ /rgyu yang yod pa ma yin zhes ni rtag tu smra/ /gal te dngos rnams de ltar yin/ /rgyu yang yod par ma mthong na/ /rgyu med mthong na spre'u bsad pa/ /bdag la smad du ci zhig yod/ /de ltar bdag nyid chen po des rgyu med par smra ba de gsal ba rnams kyis*spobs pa med par byas nas/ dbang phyug rgyur smra ba de la bos te smras pa/ chos dang ldan pa dag gis kyang/ bdag de ltar smad par mi rigs so/ /thams cad kyi rgyu dbang phyug gi byed par khyed 'dod na ltos shig /gal te thams cad dbang phyug byed na ni/ /'o na spre'u de de nyid kyis*bsad pas/ /khyed ni bdag la ci phyir sems mi dga'/ /gzhan gyi nyes pa bdag la ci phyir bsgo/ /de na spre'u chen po de shi ba/ /de yi snying rje bltas te ma bsad na/ /'gro ba'i rgyu ni dbang phyug yin zhes su/ /khyed cag ci phyir rgya cher sgrogs par byed/ /kye bzang po gzhan yang*@&$a */ /thams cad dbang phyug gis byas par lta na/ dbang phyug la ni re ba yis/ /ci phyir phyag la sogs pa 'tshal/ /khyod kyi de ni rang byung ste/ /gang gis byas pa de las yin/ /mchod sbyin khyod kyis gang byas pa/ /de ni mi byed ma yin te/ /bdag*nyid 'byor pa thob pa'i phyir/ /gang byed de nyid byed pa po/ /sdig pa chen po ma lus pa/ /gal te dbang phyug byed na ni/ /de la gus par byed pa dag /yon tan ci zhig mthong nas byed/ /sdig pas 'jigs na de dag kun/ /gal te de ni mi byed na/ /thams cad dbang phyug gis*byas zhes/ /de bas smra bar mi rigs so/ /de yang dbang phyug nyid du gyur pa ni/ /chos sam gzhan nas 'gyur grang na/ /gal te chos las gyur na ni/ /de yi sngon rol dbang phyug min/ /gang dag gzhan gyis byas gyur pa/ /de ni bran du gyur pa nyid/ /dbang phyug de ni ci yi*phyir/ /rgyu yis byas par ma gyur kye/ /de ltar gyur kyang gus shing chags/ /rigs dang mi

rigs pa dor nas/ /gal te 'gro ba ma lus pa yi rgyur/ /dbang phyug chen po nyid du khyod 'dod na/ /dbang pos spre'u'i rgyal po bsad pa'i skyon/ /bdag la skur pa btab pa mi rigs so/ /*de ltar bdag nyid chen po des dbang phyug rgyur smra ba de la gtan tshigs bzang po rnams kyis shags med par byas nas/ sngon gyi las kyis byas pa smra ba de la bos te sngon du ltar bcug nas smras pa ni/ khyed rnams kyang bdag la smod pa legs pa ma yin no/ /'di dag thams cad sngon gyi las*kyis byas so zhes pa rgyal skye ba de'i phyir khyed la smra'o/ /gal te thams cad sngon gyi las kyis byas na ni/ de bas spre'u 'di bdag gis bsad pa nyes pa med/ /sngon gyi las kyis dgon pa mes tshig gyur pa las/ /gang phyir bdag la smad pa'i sdig pa ci zhig yod/ /de ste bdag gis spre'u*bsad sdig yod na/ /bdag gis bsad kyi sngon gyi las ma yin/ /gal te las dang las kyi rgyu 'dod na/ /de ltar yin na su yang grol mi 'gyur/ /sdug bsngal rgyu la'ang gal te bde bar 'gyur/ /bde ba bsgrub la'ang sdug bsngal gnas par 'gyur/ /da ltar gyur na bde dang sdug bsngal*@&$b dag /sngon gyi las kyis byas pa nges par mngon/ /bde dang sdug bsngal de ltar gyur pa'ang med/ /de bas sngon gyi las kyi rgyu ma yin/ /gsar du byas pa'i las kyang med par 'gyur/ /de ma grub na snga ma'ang ji ltar 'grub/ /sngon gyi las kyis kun byas zhes/ /'on kyang de*ltar sems na ni/ /ci phyir las ni spre'u bsad pa/ /bdag gis byas par yongs su brtag /de ltar bdag nyid chen po des slar bzlog tu med pa'i gtan tshigs rnams kyis de ltar mi smra ba'i dga' thub blangs pa bzhin du byas/ chad par smra ba de la 'dzum dmul te smras pa/ cho*dang ldan pa dag ci'i phyir bdag dmong pa la 'di ltar dga' bar 'gyur/ gal te chad par lta ba de kho na nyid yin par sems na/ 'jig rten pha rol med na sus kyang ci zhig yang/ /sdig dang dge ba dag la'ang su zhig 'bad du yod/ /mkhas pa rnams kyang rang dgar ci bder*spyod pa'i rigs/ /de ltar gyur na spre'u de bsad kyang nyes pa med/ /'gro bas 'phya ba dag gis 'jigs nas su/ /sdig pa spong zhing dge la gnas nas ni/ /bdag gi tshig dang mi mthun spyod pa yis/ /'gro bas 'phya ba 'di yang shes mi 'gyur/ /'jig rten tshul la gnas*par 'gyur na ni/ /rang gi gzhung lugs bde ba mi thob ste/ /de bas smra bar 'khrul bar don med 'gyur/ /'di ni byis pa'i dus na tha ma yin/ /gang yang khyed kyis smras pa la/ rnam pa sna tshogs kha dog yon tan ldan pa'i shing/ /las kyis byas pa ma yin 'on kyang 'byung*bar 'gyur/ /chud gzan rnams kyang slar ni de bzhin skye mi 'gyur/ /'jig rten de dang 'dra brgyu ni gang zhig yin/ /de ltar gyur kyang khyed cag ni/ /chad par lta la dag 'gyur na/ /spre'u 'am yang na mi yang rung/ /gsod pa smad du ci zhig yod/ /de ltar sems dpa' chen po des//*chad par lta ba de la lan btab pa'i rim pa legs shing gsal bas cang mi smra bar byas nas/ rgyal rigs kyi gzhung lugs la mkhas pa de la bos te smras pa/ khyed cag bdag la ci phyir smod/ gal te srid gzugs pa'i gtsug lag las 'byung ba'i cho ga rigs par sems na/ srid*@&%a */ /phyir dge 'am mi dge'ang rung/ /ci yang rung ba byas nas su/ /de nas bdag nyid thar nas ni/ /nor kyis chos ni bsgrub par bya/ /zhes zer ba de'i phyir khyod la smra'o/ /dgos pa dag ni 'byung bar gyur pa'i tshe/ /mdza' dang gnyen la'ang dge tshul mi lta*na/ /spre'u 'di pags pa'i phyir ni ngas bsad na/ /gtsug lag gzhung lugs kyis ni smad du med/ /'on te snyeng rje med phyir smad 'gyur ram/ /'di 'dri'i las dag 'bras bu sdug bsngal mthong/ /gzhung lugs snang ba bzhin du mi byed par/ /gang gi sgo nas khyod kyis 'di ltar byed/ /*gang na rigs pa'i gzhung ldan 'di 'dra ba/ /de ni ma rig 'khrul pa ci 'dra ba/ /ae ma ho spyi brtol can gyis zil mnan nas/ /gtsug lag lam gyis chos min dar bar byas/ /khyed cag dga' ba de ni yong ma mthong/ /gtsug lag las ni gsal bar bstan ces grags/ /gzhung*las byung ba'i tshul gyis 'gro ba la/ /spre'u bsad pas ni smad pa mi rigs so/ /de ltar 'khor gyi nang nas rgyal bar gyur pa spobs pa che bar goms pa'i blon po rnams kyang mngon sum du zil gyis mnan te/ rgyal po 'khor dang bcas pa sems rab tu mgu bar gyur pa shes nas/*de dag gis spre'u bsad pa snying la gcags pa med par bya ba'i phyir rgyal po la smras pa/ rgyal po chen po bdag gis srog dang bcas pa'i spre'u bkum pa ni ma lags kyi/ 'di ni sprul ba lags te/ bka' mchid kyi go rims 'di lta bu gleng bslang ba'i slad du spre'u sprul pa'i pags*pa 'di bdag gis 'tshal to/ /de bas na bdag la gzhan du mi dgongs su gsol/ zhes smras nas/ rdzu 'phrul mngon par 'du byas pa de btang ste/ rgyal po 'khor dang bcas pa sems rab tu mgu bar gyur pa shes nas smras pa/ rgyu las grub pa mthong bzhin la/ /rang dbang*'jig rten pha rol shes/ /dge bar khas len snying rje can/ /srog chags gsod pa su zhig byed/ /rgyal po chen po gzigs su gsol/ /rgyu med smra dang rang dbang lta ba dang/ /yod par

mi lta rgyal rigs gzhung lugs can/ /grags pa cung zad phyir ni gzhung byed pa/ /rigs*@&%b par smra de ci ltar khas blang bya/ /mi yi bdag po lta ba bzang ngam ngan/ /ris mthun las ni bsgrub pa'i rgyu dag gis/ /de dang de dag khyod kyis brtags na ni/ /tshig dang spyod pa rnams kyis nges par ston/ /de bas lta ba bzang po brten par rigs/ /lta ba ngan pas phung*bar 'gyur ba yang/ /skye bo ngan pa ring du spangs nas ni/ /dam pa rnams la brten na 'di shes 'gyur/ /mi sdom pa yang sdom pa'i tshul 'dzin pa/ /sa yi steng na dge slong srin po rnams/ /lta ba ngan pas skye bo byis pa rnams/ /gdug pa sbrul bzhin brlag par byed cing*rgyu/ /rgyu med smra ba sogs pa rtsub pos bsgos/ /des na khyad par mngon pa ce spyang bzhin/ /de bas mkhas pas de dag rten mi rigs/ /de dag don ni nus pa spyad pa'i rigs/ /skye bo mi mthun pa dag grags pa cher gyur kyang/ /dgos pa yod par gyur kyang mdza'*bar mi bya ste/ /dgun gyi dus kyi yul ngan 'byung bas bsgribs na ni/ /mtshan mo gsal byed zla ba'i 'od kyang mi gsal 'gyur/ /skye bo yon tan spong ba de dag spang ba dang/ /yon tan ston la mkhas pa rnams dang bsten pa yis/ /'bangs rnams skyon la mi dga'*yon tan dgar 'jug cing/ /bdag gi grags pa rab tu gsal zhing rgyas par mdzod/ /khyed kyi chos spyad gyur na mi yi 'jig rten phal cher ni/ /legs par spyod la phyogs shing mtho ris lam la gnas par 'gyur/ /khyod kyis brtson 'grus bskyed de 'gro ba 'di dag rjes su*skyongs/ /de bas 'dul ba bzang po'i lam dang ldan pa'i chos la brten/ /tshul khrims rnam par sbyongs la sbyin pa'i grags pa spel/ /nang mi bzhin du phyi mi la yang byams par gyis/ /sa la 'khod pa chos kyis skyong la bag med spongs/ /de ltar byas na grags pa dang ni mtho*ris thob/ /chun pa rnams dang phyugs lug 'tsho ba rnams/ /me tog 'bras bur ldan pa'i ljon shing bzhin/ /rgyu dpya 'bul ba'i 'bangs rnams ma skyong na/ /sman rnams kun dang rgyal po 'bral bar 'gyur/ /tshong zong sna tshogs nyo tshong bgyid pa yi/ /tshong pa rnams*@&&a */ /kyang pho brang 'khor gyi mi/ /de bzhin sho gam gcod cing dpya 'bul ba/ /rgyal pos mi skyong dkor gyis brel bar 'gyur/ /skyon med g yul ngor rab tu dpa' ba dang/ /mtshon cha dgra thabs mkhas pa de lta bu/ /rgyal pos yal bar dor zhing ma bkur na/ /*dgra las rgyal ba'i dbu rmog btsan mi 'gyur/ /de bzhin tshul ldan mkhas pa dge ba dang/ /yon tan che bar grags pa dge ba rnams/ /rgyal pos smad cing yal bar bor na ni/ /mtho ris 'gro ba'i sgo dang 'gal bar 'gyur/ /'bras bu ma smin shing las gang 'thog pa/ /sa bon*chud gsan ro yang des mi myong/ /de bzhin rgyal po chos min spyod pa na/ /yul yang phung la des kyang phan mi thogs/ /de ltar ljon shing yon tan phun sum tshogs/ /'bras bu smin pa shing thog cher 'phel ba/ /rgyal pos bsrungs pa'i yul yang de bzhin du/ /chos dang srid dang*bde ba 'byor par byed/ /blon po mdzangs la glo ba nye ba dang/ /grogs po skyon med bdag gis nang mi rnams/ /rim gro byas pa'i bya dga' stsal ba dang/ /dga' bar smra bas kyang ni chags par mdzod/ /de bas khyod kyis chos ni lhur blang ste/ /bde ba thob phyir 'bangs rnams sems*par mdzod/ /chags dang zhe sdeng med pa'i nan tur gyis/ /'bangs rnams skyongs la bdag gis 'jig rten srungs/ /de nas bdag nyid chen po des rgyal po 'khor dang bcas pa de lta ba las gyur pa'i las ngan pa de dang phral nas yang dag pa'i lam la btsud de de nyid nas nam mkha'*la lding ba dang/ skye bo de dag gis thal mo sbyar te gus par phyag 'tshal zhing mchod pa byas nas dgon pa'i gnas de nyid du slar song ngo/ /de lta bas na skyes bu dam pa rnams ni phan btags pa la drin du gzo ba dang bzod pa la goms pas rim gro ma byas kyang/ sngon chad phan 'dogs pa*rnams la snying brtse ba lhod par mi 'gyur ro/ /de bas na rim gro ma byas pa tsam gyis sngon phan btags pa brjed par bya ba mi rigs so/ /de bzhin du bcom ldan 'das de mngon par rdzogs par sangs ma rgyas pa'i tshe na yang pha rol gyi rgol ba rnams zil gyis mnan nas sems can 'dul*@&&b bar mdzad do/ /zhes sangs rgyas kyi yon tan bsngags pa la yang brjod par bya'o/ /de bzhin du lta ba log pa la rjes su chags par bya bar mi rung ba dang/ sdig pa'i gzhir gyur pa brten du mi rung ba'i phyir/ lta ba log pa smad pa la yang sbyar bar bya'o/ /de las bzlog nas yang*dag par lta ba'i yon tan bsngags pa la yang sbyar bar bya'o/ /byang chub sems dpa'i skyes pa'i rabs te nyi shu gsum pa'o// //skyes bu dam pa rnams ni gnod pa byed pa rnams dge ba'i phyogs las nyams na ji ltar sems gdungs par gyur pa de tsam du bdag gi sdug*bsngal gyis sems gdung bar mi 'gyur ro/ /de yang 'di ltar byang chub sems dpa' re zhig cig /gangs ri dpal dang ldan pa'i ngos 'byung khungs kyi rdzas rnam pa sna tshogs kyis brgyan pa nags stug po bzang pos ni koo sh'amb'i'i

dar sngon po'i stod g yogs byas pa bzhin/ thel*lding dang/ shang shang rnam pa mang po kha dog dang dbyibs rnams pa du ma dag ni ched du bshams pa bzhin/ shing drung gi gad pa bang rim rnam pa sna tshogs kyis ni brgyan/ 'bab chu rnam pa du ma dag ni kha du ma nas 'bab/ gcong rong dog mo g yang za ba dag ni mang po yod/ bung*ba mang po ni sgra ti ri ri zer/ shing ljon pa me tog 'bras bu sna tshogs dang ldan pa dag ni ser bu bsil ba yid du 'ong ba langs pas bsil yab byed pa bzhin rig sngags 'chad rnams kyi rtsed mo'i sar rung ba zhig na/ spre'u chen po gcig pur rgyu ba zhig tu gyur to zhes grags so/ /de de lta bu'i*gnas skabs su gyur pa'i tshe yang/ chos kyi 'du shes ni ma nyams la byas pa gzo ba la 'dzum pa'i rang bzhin can rab tu brtan pa dang ldan pa de la rjes su chags pa bzhin du snying rje ma btang ngo/ /nags tshal ri mchog rgya mtshor bcas pa'i sa/ /dus mtha'i me dang chu dang rlung dag gis/ /brgya phrag*du mar rnam par zhig par gyur/ /byang chub sems dpa'i snying rje yongs ma nyams/ /bdag nyid chen po dga' thub can du nags kyi shing gi lo ma dang 'bras bu tsam gyis 'tsho zhing/ tshul de dang de dag gis spyod pa'i spyod yul du bab pa'i srog chags rnams la snying brtse bar byed cing/ dgon pa'i phyogs*@&'a */ /de na gnas par gyur to/ /de nas mi zhig ba stor ba tshol ba'i phyir kun tu rgyu zhing song song ba las/ lam stor zhing phyogs slad der 'khyams shing/ sa phyogs der 'ongs so/ /de bkres pa dang skom pa dang tsha ba dang ngal bas lus ni rmya/ yid mi dga' ba'i sems*kyis ni khong pa'i nang gdungs/ mya ngan gyi khur lci bas ni non pa bzhin du shing gi drung du 'dug pa dang/ shing tin du'i 'bras bu smin nas lhags par kha dog ser por gyur pa cung zad cig mthong ngo/ /des de dag myangs nas bkres pas nyen pas rab tu zhim par rtogs te/ de gang las*byung ba'i shing btsal ba'i phyir spro ba skyes nas kun tu bltas pa dang/ shing tin du cig gad pa g yang za ba'i kha na 'dug pa'i yal ga 'bras bu smin pa'i lcid kyis drud cing ser por gyur pa zhig mthong ngo/ /de'i 'bras bu de 'dod pa'i phyir ri'i gad pa g yang za ba de la 'dzeg ste/ shing*tin du'i yal ga 'bras bu can g yang sa logs su drud pa de la 'dzegs pa dang/ 'bras bu len pa'i phyir shing de'i rtse mo la thug par phyin to/ /de nas ljon pa'i shing gi yal ga de/ /lci ba'i ljid kyis non zhing phra ba yis/ /sta res ched du rtsad nas bcad pa bzhin/ /sgra dang bcas*par chag nas lhung bar gyur/ /de yang de dang bcas te lhung ba las ni ri'i gcong rong khor khor yug brag gis bskor ba khron pa dang 'dra ba zhig tu lhung ba dang/ shing lo stug po dang/ chu gting zam mo zhig kyang yod pas/ lus kyi yan lag la ni chag grugs su ni cung zad kyang ma gyur to/ /*de chu'i nang nas langs te kho ra khor yug tu bskor nas kyang thar bar 'gyur ba'i lam ma mthong ba dang des bsams pa/ thabs ci yang med pas bdag ni de ring du 'chi 'o snyam nas/ gson du re ba ni med mya ngan gyis gdungs pa'i mchi mas ni gdong g yogs/ yid rab tu mi bde ba'i zung rdus ni*btsugs/ sems spa gong nas smre sngags de dang de dag 'don par gyur to/ /nags khung dgon pa bgrod dka' ba/ /skye bo 'drul ba yong med pa/ /'di lta bur ni bdag lhung ste/ /gang du brtags kyang 'chi las med/ /gnyen ba shes kun dang bral nas gcig pur gyur/ /sha*@&'b sbrang mang po sbrang ma 'du ba'i sa/ /gcong rong zab mo kha yi nang du song/ /ri d)ags 'dra ba su zhig bdag la 'byin/ /skyed mos tshal dang nags tshal lding khang sna tshogs mtsho/ /nor bu rin chen dkar bkra sprin mdzes 'gro ba dag /nag po'i phyogs kyi mun nag 'dra ba'i gshin rje yis/ /*kyi hud bdag la de dag snang ba med par byed/ /de ltar mi des smre sngags de dang de dag 'don zhing chu der bdag dang lhan cig tu ltung ba'i shing tin du'i 'bras bu des 'tsho zhing re zhig de na 'dug 'dug pa las/ de nas spre'u bdag nyid chen po de zas tshol zhing nags de'i nang nas song song ba dang/ shing*tin du'i yal ga'i rtse mo rlung gis bskyod pas g yabs te bos pa bzhin du der 'ongs nas/ de gad pa de'i khar 'dzegs te bltas nas mi de ltogs pas mig rtsa ngan zhing bzhin mdangs ni nyams/ lus ni rid la skya bo sing sing por gyur te/ de nas 'gre ldog byed cing rtsol ba mthong bas/*mi de phongs shing nyam thag pas spre'u chen po des snying brtse bar gyur te/ zas btsal ba btang nas mi de la yun ring du brtags te/ mi'i skad du smras pa/ mi yis thar sa ma yin pa'i/ /g yang sa 'di na 'dug pa khyod/ /ci phyir 'dir 'ong su zhig yin/ /de ni legs par smra*par rigs/ /de nas spre'u chen po de la mi des rab tu phyogs nas phyag 'tshal zhing thal mo sbyar te lta zhing 'di skad ces smras so/ /lha dpal bdag ni mi zhig lags/ /'khyams nas nags na rgyu ba las/ /shing 'di'i 'bras bu tshol tshol nas/ /'di lta bu yi nyams nyes*byung/ /de bas gnyen bshes dang yang bral/ /nyams nyes chen

po 'byung ba la/ /spre'u tshogs mang po'i mgon po khyod/ /bdag gi skyabs kyang mdzad du gsol/ /de skad ces zer ba thos nas sems dpa' chen po de snying rje chen po skyes par gyur to/ /nyams nyes gyur zhing*gnyen bshes rnams dang bral/ /thal mo sbyar nas dman pas gsol ba ni/ /dgra bo rnams kyang snying rje skye bar 'gyur/ /snying rje can rnams brtse ba g yo bar 'gyur/ /de nas byang chub sems dpas de la snying rje bltas te/ de lta bu'i dus na dkon pa'i tshig 'jam pos dbugs phyung ba/*@'(a */ /g yang sar lhung bas bdag la skyabs med cing/ /gnyen bshes med snyam mya ngan ma byed cig /khyod la gnyen gyis bya ba ci yod pa/ /thams cad ngas bya 'jigs par ma gyur cig /de ltar sems dpa' chen po des mi de dbugs phyung nas/ de'i 'og tu de*la shing tin du'i 'bras bu gzhan dag cig kyang byin te/ de dbyung du rung ba'i thabs su rdo ba ljid mi'i khur tshad tsam cig la goms par byas so/ /de nas bdag gi mthu stobs nyams sad pa dang/ bdag gis mi 'di dbyung nus so snyam du nges par bsams nas g yang sa de'i nang du*zhugs te/ snying rjes bskul nas mi de la smras pa/ tshur shog nga yi rgyab tu zhon/ /khyod ni steng du phyin pa dang/ /rang gi lus las snying po dag /phyin gyi bar du legs par 'jus/ /mkhas pas gzhan la phan pa'i phyir/ /sgrub par byed pa gang yin pa/ /snying po med pa'i lus la ni/ /*dam pas snying po blang bar 'dod/ /des de ltar bgyi'o zhes mnyan nas phyag 'tshal te de la zhon no/ /de nas mi des mngon par zhon pa des/ /rab tu lci ba'i khur gyis non bzhin yang/ /snying stobs che bas brtan pa ma nyams par/ /sdug bsngal chen pos de ni steng du phyin/ /de ni phyin nas*rab tu dga' bar gyur/ /ngal zhing chad pas gom pa 'khyor zhing 'dor/ /char sprin sngon po 'dra ba'i rdo leb la/ /ngal ni sos par bya phyir nyal bar gyur/ /de nas byang chub sems dpa' rang bzhin yongs su dag pa dang/ phan btags pa'i phyir mi des nyes pa byed du dogs pa med de bag pab*nas de la smras pa/ kun nas thar pa med pa'i sa phyogs 'dir/ /gcan gzan khro bo thags thogs med par 'ong/ /la la nga dang rang la phan pa dang/ /ngal ba gnyid kyis log pa gsod kyang srid/ /nga ni ngal zhing lus kyang rab tu rmya/ /de bas nga ni cung zhig nyal bar 'dod/ /de phyir khyod*kyis phyogs su mig ltos la/ /nga dang khyod bdag gnyis ka bsrung bar gyis/ /de nas dul ba ltar tshul 'chos pa la mkhas pa des na re slar yang bde bar sad par gyur pa'i bar du khyod ci bde bar mnol cig dang/ khyod bsrung ba'i phyir bdag nyid 'di ltar mchis so zhes de la bsgos so//*@'(b de nas sems dpa' chen po de ngal bar gyur pa'i mthus gnyid kyi dbang du gyur pa dang/ mi des sems ngan par bsams pa/ rab tu 'bad pas rnyed pa'i rtsa ba dang/ /nags kyi 'bras bu ci dgar rnyed pas kyang/ /'di ltar yongs su rmya bar gyur pa'i lus/ /'tsho ba tsam yang*dka' na 'di ltar bltas/ /dgon pa 'di yang thar bar bya ba dka'/ /mthu stobs med par ji ltar thar bar 'gyur/ /dgon pa bgrod dka' 'di las thar byas na/ /'di yi sha 'dis bdag ni sos par 'gyur/ /phan pa byas kyang bzar ni rung ba nyid/ /bza' ba 'di yi rang bzhin*de 'dra ste/ /phongs par gyur na chos 'di bsgrub pa yin/ /de bas 'di ni lam gyi brgyags su rung/ /ji srid bag phab bde bar gnyid log pa/ /de yi bar du bdag gis bsad par nus/ /'di dang 'thab mo sngon du sprad gyur na/ /seng ge dag kyang pham du dgos pa bskyed/ /*de bas bdag gis 'di ni bshol bar mi rigs so/ /snyam nas nges par byas te/ bdag nyid ngan pa de chags pa'i skyon gyis blo ni rmongs/ byas pa'i drin ni med/ chos kyi 'du shes ni nyams/ snying rje dang des pa'i ngo bo nyid ni rab tu spangs/ nyam chung yang mi dgos pa byed pa la rab tu*chags/ rdo ba chen po zhig bteg ste/ spre'u chen po de'i mgo steng du 'phang ngo/ /de nas de ni nyam chung mi brtan zhing/ /dgos pa rab tu che bas rings par des/ /rdo des gnyid las sangs par bya ba'i phyir/ /'phangs pa bzhin du spre'u de gnyid sangs gyur/ /rdo de ril gyis phog*par ma gyur nas/ /de yi mgo bo phye mar ma gyur nas/ /mtha' ma'i zur gyis de la rma byung nas/ /rdo leb steng du ser ba bzhin du bab/ /rdo 'phangs pas ni mgo bo ma zhom ste/ /byang chub sems dpa' myur du mchongs nas ni/ /bdag la su zhig gsod pa yin snyam bltas/ /de nyid skyengs*bzhin can du 'dug pa mthong/ /skyengs pas gzi nyams spobs pa med par gyur/ /mi dga' spa gong mdog kyang nyams par gyur/ /skrag par gyur pas skang 'gag kha yang skam/ /rdul gyis gsher zhing lta yang yong ma nus/ /de nas spre'u chen po des bsams pa/ 'di nyid kyis 'di*@'1a */ /ltar byas so snyam du blo la nges par byas nas/ bdag snad pa'i sdug bsngal la mi sems par/ des bdag la phan pa la yang mi lta bar mi bzod pa'i las byed pa des yi chad cing snying rje

skyes nas/ khro ba dang 'khrug pa'i skyon med par mig mchi mas gang bzhin du mi de la/*bltas te mya ngan byed cing smr as pa/ bzang po khyod ni mir gyur kyang/ /'di 'dra bdag la khyod kyis byas/ /bya ba ci ltar byas bsams nas/ /ji lta bur yang rtsom par gyur/ /nga la gnod pa byed pa ni/ /gzhan dag 'ongs na'ang khyod nyid kyis/ /brtson 'grus rab tu bskyed nas su/ /mthu rtsal*chen pos bzlog par rigs/ /bdag gis dka' ba spyad do snyam/ /nga rgyal skyes par gyur nas nyal/ /ha cang dka' ba spyad khyod kyis/ /de yang ring du spangs par gyur/ /'chi bdag kha yi nang 'dra ba/ /'jig rten gzhan nas blangs pa bzhin/ /g yang sa 'di nas ngas phyung nas/ /*khyod ni gzhan du lhung bar 'gyur/ /spyod pa ngan pa khyod ci rung/ /mi shes shin tu mi bzad pa/ /'gro ba bde bar 'dod pa rnams/ /gang gis sdug bsngal rnams su lhung/ /bdag nyid ngan 'gro rnams su lhung/ /nga la'ang mya ngan me yis gtor/ /grags pa'i dpal ni med par byas/ /*yon tan dga' bas 'gal bar 'gyur/ /ngan par smra ba'i gzhir yang gyur/ /yid kyang brtan du mi rung ngo/ /khyod kyis de ltar byas pa yis/ /don ni ci zhig grub par 'gyur/ /ji ltar 'di nyid nga yi yid la gnod gyur pa/ /de ltar nga la rma 'dis gnod par mi 'gyur ro/ /khyod kyi*phyir ni nga yang sdig pa can du gyur/ /gang phyir 'di ni ngas kyang med par byed mi nus/ /nags khung stug po 'jigs pa mang po 'di nas khyod/ /grong 'dab lam du bskyal te phyin par ma gyur pa/ /de yi bar du nga yi drung nas gnang bzhin 'dong/ /gtan du ma rungs dogs par gyur kyang legs par*bskyal/ /khyod ni gcig pur lus kyang nyam chung la/ /lam yang mi shes nags na 'khyams na ni/ /'ga' zhig 'ongs nas gnod pa byed par 'gyur/ /khyod la gnod nang yang don med 'gyur/ /spre'u chen po des mi de la yang de ltar byas te 'phyas nas grong 'dab tu phyin par byas te de la*@'1b lam yang bstan nas yang smras pa/ nags 'dab nyams dga' 'di nas grong 'dab khyod phyin gyis/ /dgon pa 'gro dka' 'jigs pa bor la bde bar sod/ /sdig pa'i las kyang yongs su spang bar 'bad par rigs/ /de yi rnam par smin pa nges par sdug bsngal 'gyur/ /*der spre'u chen po des mi de la snying brtse bas slob ma bzhin du rjes su gdams nas/ slar nags kyi nang du song ngo/ /de nas mi des de lta bu'i sdig pa'i las mi bzad pa byas pas 'gyod pa'i mes sems gdungs nas/ de ma thag tu mdze'i nad chen pos btab/ gzugs ni gzhan du*gyur/ lus kyi pags pa ni khra bor song/ /rma zhig pa'i chu ser gyis ni lus gsher bar gyur/ lus kyi dri ni rab tu mi zhim pa mnam par gyur to/ /de gang dang gang du song ba de dang de dag tu rab tu 'jigs par snang bas mi'i gzugs yin bar yid ches su mi rung bas/ skad 'dzer*zhing dman par smra ba mthong nas/ mi rnams kyis 'di ni sdig pa mngon sum du 'ongs so snyam nas/ rdo 'phan zhing dbyug pas gdengs te/ skrod pa'i tshig rtsub pos rab tu skrod par gyur to/ /de nas rgyal po zhig ri d)ags bshor du song song ba las dgon pa zhig na ri d)ags bzhin du 'khyams*pa nyam rab tu chung zhing gos dri ma can gen pa/ pa char gyis mdoms dkris pa de lta na rab tu mi sdug pa zhig mthong nas/ sdangs shing ngo mtshar du bzung ste dris pa/ mdze yis lus ni mi sdug gyur/ /shu bas lus kyi pags pa bkra/ /skya bsed lus rid rab tu dman/ /skra*ni rdul gyis gang zhing spags/ /khyod ni su zhig yi dags 'dri'am/ /sdig gi gzugs sam srul po'am/ /nad rnams mang po'i tshogs pa'am/ /nad kyi nang na gang zhig yin/ /des de la phyag byas nas skad dman pas smras pa/ rgyal po chen po bdag ni mi lags te/ mi ma*lags pa ma lags so/ /rgyal pos 'o na ci'i phyir 'di ltar gyur ces dris pa dang/ de la bdag gis nyes par spyad pa rnams smras pa/ byams la snying ring byas pa yis/ /me tog 'di ni re zhig myos/ /de bas rab tu mi bzad pa'i/ /'bras bu gzhan ni slad kyis mchis//*@'2a */ /de bas byams pa snying ring ba/ /dgra bo bzhin du lta bar rigs/ /rang bzhin byams pa'i mdza' bshes la/ /rang bzhin byams pas lta bar mdzod/ /byams pa rnams la sdang bar spyod pa'i tshul bzung nas/ /tshe 'di nyid la 'di 'dra'i gnas*skabs myong bar 'gyur/ /chags la sogs pa'i skyon gyis yid ni rnyog pa rnams/ /byams la snying ring 'gro ba gzhan du 'di las dbag /mdza' bo rnams la sems shing byams pas grags pa thob/ /yid brtan rim gro byed pa'i bde ba'ang de las thob/ /ngan grogs byed*pa'i yon tan thob cing yid kyang dga'/ /dgra rnams kun gyis mi tshugs mtho ris thob par 'gyur/ /byams pa'i phyogs la legs nongs ci mchis pa'i/ /mthu rnams grub pa rgyal pos mkhyen nas su/ /skye bo dam pa 'dod pa'i lam la brten/ /lam der song nas 'byor pa*rjes su 'brang/ /de lta bas na skyes bu dam pa rnams ni gnod pa byed pa rnams la dge ba'i lam las nyams na/ ji ltar sems gdung par gyur pa de tsam du bdag gi sdug bsngal gyis sems gdung bar

mi 'gyur ro/ /zhes de bzhin gshegs pa'i bdag nyid che ba la yang brjod*par bya'o/ /rim gro bskyed de dam pa'i chos mnyan pa dang/ bzod pa'i gtam bya ba dang/ byams pa la snying nye bar bya ba dang/ sdig pa'i las kyi nyes dmigs bstan pa la yang brjod par bya'o/ /spre'u chen por skyes pa'i rabs te nyi shu bzhi pa'o// //bam po dgu pa/*snying rje chen po dang ldan pa rnams ni bdag la gsod par byed pa rnams kyang nyams nyes par gyur na snying brtse bar byed kyi yal bar mi dor ro/ /de yang 'di ltar byang chub sems dpa' re zhig cig 'brog dgon pa mi'i rgyun lhung med cing sgra mi grag pa/ ri d)ags kyi rigs mang po gnas pa shing gi rtsa*ba dang ldum bu mang po rts)a stug po'i nang du nub pa/ mgron po rnams kyi shing rta dang bzhon pa'i rkang pas lam gyi srol ma btod pa/ 'bab chu 'bab pa dang/ grog mkhar dang/ gad pa dag gis sa gzhi'i phyogs mi bde ba zhig na ri d)ags sha ra bha stobs rtsal dang/ mgyogs pa dang/ sems*@'2b stobs phun sum tshogs shing lus srab pa dang ldan pa zhig tu gyur to zhes grags so/ /de snying rje la goms pa dang sems can rnams la gnod pa mi byed cing rts)a dang lo ma dang chu tsam gyis 'tsho ba chog shes pa'i yon tan gyis dgon pa na gnas pa la dga' ba'i blo dang ldan pa'i rnal 'byor pa rab tu*dben pa la dga' ba bzhin du 'brog dgon pa de na brgyan te gnas par gyur te/ /ri d)ags lus la mi ltar brtan pa'i sems/ /dka' thub can bzhin 'gro ba rnams la brtse/ /nags tshal dben pa der ni der gnas pa/ /rnal 'byor can bzhin rts)a mchog dag gis mgu/ /de nas*re zhig cig yul de la dbang ba'i rgyal po shing rta bzang po la ni zhon/ lag na mda' gzhu thogs te/ bdag nyid ri d)ags la 'phong skyen nam mi skyen tshad pa'i phyir chags pa'i dbang gis ri d)ags bsnyegs pa dang/ rta rab tu mgyogs pas rta dang/ glang po che dang/ shing rta dang/ rkang thang*gi tshogs rnams rgyang ring por lus bzhin du phyogs der 'ongs pa dang/ rgyang ring po nas sems dpa' chen po de mthong nas bsad par bsams te/ mda' mde'u rnon po can phyung nas/ bdag nyid chen po gang na 'dug pa de'i phyogs su rta mgyogs pa de brgyugs pa dang/ de nas byang*chub sems dpas rgyal po de rta mgyogs pa la zhon te mda' gzhu thogs nas bsnyegs pa mthong ba dang/ slar rgol bar nus su zin kyang gya tshom du rgol ba spang ba'i phyir/ rab tu mgyogs pa'i shugs kyis brgyugs te song ngo/ /de rta bzang des bsnyegs pa dang lam ka na grog rong chen*po cig yod pa la ba glang gi rjes la bya ba bzhin du mchongs nas bros te song ngo/ /de nas rta de ri d)ags sha ra bha bros pa'i lam de nyid du mgyogs par bsnyegs pa dang/ grog rong de la thug nas mchongs ma nus nas 'then no/ /de nas rta yi thog nas rgyal po mtshon cher bcas pa ste/ /grog*rong chen po'i nang du lhung/ /lha min dmag mi mtshor lhung bzhin/ /de yi mig ni ri d)ags de la yengs/ /grog rong de yang mthong bar ma gyur zhing/ /mi brtan skyon gyis rta yi gong nas g yos/ /rta mgyogs shugs kyis rgyal po lhung bar gyur/ /de nas byang chub sems dpas rta'i*@'!a */ /rmig pa'i sgra mi grags pa dang/ ci rgyal po de slar log gam snyam du rtog pa skyes te slar bltas pa dang/ rta zhon pa med par grog rong kha na 'dug pa mthong ngo/ /des bsams pa/ rgyal po de grog rong gi nang du lhung gor ma chag go snyam mo/ /'di*na ngal bso rung ba'i rten nam/ shing drung grib ma stug po can nam/ autpa la'i 'dab ma sngon po 'dra ba'i mtsho yang med/ 'di lta bu'i 'brog dgon pa gcan gzan khro bo rnams rgyu ba na rta bzhag ste ngal bso zhing 'dug pa'i gnas kyang med/ ri dags bshor du yang med/ gab tu*rung ba'i rts)a mthug po yang cung zad kyang med de/ /de bas na rgyal po de ni gdon mi za bar grog rong 'di'i nang du lhung bar gyur to snyam mo/ /bdag nyid chen po des de ltar nges par gyur nas/ des bdag gsod pa la 'ongs pa yin kyang/ de la snying rje chen po skyes par gyur to/ /de nyid*rgyal mtshan bzang po'i rgyan rnams dang/ /phub dang mtshon cha mang pos rnam par mdzes/ /rta dang glang chen shing rta rkang thang dang/ /sil snyan sna tshogs sgra sgrogs dpung dag gis/ /phyi bzhin bskyal zhing mdzes pa'i gdugs kyis bskyabs/ /g yag rnga'i bsil g yab*g yob pas mdzes par byas/ /skye bo mang pos lha yi dbang po bzhin/ /mchod pa'i rgyal srid bde ba myong gyur nas/ /de ring kho nar g yang sa chen por lhung/ /lhung ba'i shugs kyis yan lag grugs par gyur/ /rgyal bar gyur tam yang na mya ngan byed/ /kye ma'o*mtshar byas nyon mongs rang bzhin gyur/ /sdug bsngal ma myong rab tu gzhon sha can/ /ya rabs rnams la nyams nyes gnod pa bzhin/ /ma rabs rnams la rma rnying sos 'dra bar/ /sdug bsngal rnams kyis de la gnod mi 'gyur/ /de bas na 'di nas bdag rang thar*bar ni mi nus te/ srog gi lhag ma tsam cig lus su zin kyang 'di yal bar 'dor bar mi rigs so

snyam nas/ bdag nyid chen po de snying rjes sems drangs nas g yang sa'i 'gram du phyin pa dang/ de de na 'thab ber ni rdul gyis g yogs/ thod bcings pa ni zhig /g yang sar*@'!b lhung ste snad pa'i tshor ba myong bas ni sems la khyab par gyur te/ 'gre zhing 'dug pa mthong ngo/ /grog rong de yi nang na 'gre zhing 'dug pa yi/ /rgyal po mthong nas mig ni mchims gang/ /snying rje'i dbang gis dgra yi 'du shes brjed/ /de yi sdug bsngal thun mong nyid du*gyur/ /skye bo dge ba'i rang bzhin ston byed cing/ da bugs 'byin 'gyur ba 'jam zhing gsal ba'i tshig /zhe sar bcas shing yid du 'ong ba yis/ /ya rab sa tshul bzhin de la 'di skad smras/ /rgyal po chen po snad par ma gyur tam/ /g yang sa zab mo 'dir ni lhung ba*yis/ /lus la chag grugs byung bar ma gyur tam/ /khyod kyi nad rnams rgyas par ma gyur tam/ /mi yi bdag po bdag ni gzhan ma lags/ /khyod kyi yul na gnas pa'i ri d)ags lags/ /khyod kyi rts)a dang chu yis bdag skyed bskyed/ /de bas bdag la bag ni phab par*rigs/ /g yang sar lhung bas mi dgyes ma mdzad cig /khyod ni 'di nas bdag gis dbyung bar nus/ /bdag la thugs rjes rung bar dgongs nas su/ /'o na bdag mchis myur du bka' stsol mdzod/ /de nas rgyal po des de skad smra ba rab tu ngo mtshar che bar gyur pa des ya*mtshan du gyur zhing sems mgu yang ngo tsha skyes te bden nam rdzun snyam nas bsams pa/ dgra la rgol bar nus bzhin du/ /bdag la ji ltar snying rje skyes/ /bdag gis gnod par byas pa'ang shes/ /skyon med 'di ni su zhig yin/ /ae ma ho 'jam zhing rno ba yi/ /las kyis*bdag ni bskul bar gyur/ /bdag nyid phyugs sam ri d)ags yin/ /ri d)ags gzugs can 'di ni gzhan/ /de bas na 'dis bag phab ste smras pa 'di bzhin du bya bar rigs so snyam nas de la smras pa/ 'thab ber mthug po bgos pas na/ /bdag gi lus 'di cher ma snad/ /*g yang sa na ni lhung ba yis/ /cung zad snad pa bdag gis bzod/ /khyod ltar dge bar sems pa la/ /nongs pa bgyis pa'i sdug bsngal tsam/ /g yang sa na ni lhung ba yi/ /sdug bsngal bdag la ga la mchis/ /gzugs kyi rkyen gyis ri d)ags ltar/ /bdag gis khyod*@'"a */ /ni mthong bar gyur/ /khyod kyi rang bzhin ma 'tshal ba/ /de ni thugs lam bcangs shig /de nas rgyal po de yi tshig /dga' bar ston pa smras pa des/ /grog rong nas dbyung bar 'dod pa sha ra bhas rig nas/ rdo ba mi'i ljid tsam du ljib gcig la tshad*de dbyung nus par goms par byas nas/ bdag gi stobs kyi nyams drod rig pa dang/ rgyal po de dbyung bar chas te/ grog rong de'i nang du zhugs nas de'i drung du 'ongs nas gus par smras pa/ bdag la phan par gyur par gzigs nas su/ /dgyes shing dang ba'i zhal gyis mngon phyogs*pa/ /de yi bar du bdag lus reg pa 'di/ /dgos pa'i dbang gis re zhig bzod par mdzod/ /rgyal po chen po de bas na bdag gi rgyab tu bcibs la bdag la legs par 'jus shig ces smras pa dang/ des kyang de bzhin du bgyi'o zhes mnyan nas rta la zhon pa bzhin du de la zhon no/ /*de nas ro stod gyen du mngon bstod nas/ /mi yi bdag pos legs par zhon pa dang/ /snying stobs chen po drag po'i shugs kyis mchongs/ /rta babs rgyan bzhin steng du byung bar gyur/ /de nas rgyal po grog rong nas phyung ba dang/ dga' bar gyur nas rta yang blangs te byin/ /rang gi*khyim du 'gro ba'i lam bstan nas/ /nags tshal nang du 'gro bar chas par gyur/ /de nas rgyal po de byas pa drin du gzo bas/ de'i phan btags pa'i dul zhing 'jam pa des sems rab tu dga' bar gyur nas/ sha ra bha la mgul nas 'khyud de smras pa/ bdag gi srog kyang ri d)ags*khyod mnga' na/ /bdag la bzlog pa gzhan lta ci zhig smos/ /des na bdag gi khyim 'di gzigs par rigs/ /bzhugs su gnang na de na bzhugs su gsol/ /nags tshal rngon pa gang zhig 'jigs dang bcas/ /grang dang tsha dang char 'bab sdug bsngal can/ /'di lta bur*ni bdag gis khyod bor nas/ /bdag ni gcig pur khyim du 'gro mi rigs/ /de bas na 'o skol 'grogs te bzhud kyis tshur spyon zhes smras pa dang/ de nas byang chub sems dpa' 'dul zhing 'jam pa'i tshig gis mgu bar byas nas de la slar smras pa/ mi mchog yon tan*@'"b dga' ba khyod lta bu/ /nyid la tshul 'di rab tu rigs pa lags/ /goms par byas pas skye bo dam pa rnams/ /yon tan mang po rang gi ngang du gyur/ /gal te bdag la phan btags bzhed na ni/ /bdag cag khyim na mi gnas nags na goms/ /de bas mi rnams bde ba'ang*gzhan khyim lags/ /ri dags rigs dang mthun pa'i bde pa'ang gzhan/ /gal te bdag ni dga' bar khyod bzhed na/ /dpa' bo khyod kyis rngon pa'i phrin las spangs/ /dud 'gro'i rang bzhin sems ni glan pa can/ /ri dags nyon mongs rnams la snying rje mdzod/ /bde la*gnas dang sdug bsngal bral 'dod pa/ /sems can thams cad mtshungs par thugs la dgongs/ /de bas bdag nyid mi 'dod gang yin pa/ /de dag gzhan la bgyi bar mi rigs so/ /grags pa med cing dam pas smad par 'gyur/ /sdug bsngal sdig las byung bar rig*nas ni/ /dgra bo'i

phyogs bzhin sdig pa spong bar mdzod/ /de ni rang bzhin yal bar dor mi rigs/ /gang la brten nas dpal gyi gnas gyur pa/ /'jig rten bsngags pa'i rgyal srid thob 'gyur ba'i/ /bsod nams de nyid rnam par 'phel bar mdzod/ /phan*'dogs phyogs ni spong bar yong mi rigs/ /dus su rim gro byas pa'i sbyin pa rgya chen dang/ /skye bo dge dang mthun pa'i tshul khrims brtan pa dang/ /bdag dang gzhan la phan pa bsgrub pa'i blos/ /bde ba bsgrub dang grags dang bsod nams sogs/ /de ltar bdag nyid chen po*des rgyal po de la tshe 'di dang tshe phyi ma'i don du bya ba la phan ni btags/ rgyal po des kyang dgos pa'i tshig mnyan te rab tu gus pas lta bzhin du nags tshal de nyid kyi nang du bzhud de song ngo/ /de lta bas na snying rje chen po rnams ni bdag la gnod par byed pa rnams kyang nyams nyes par gyur na*snying brtse bar byed kyi yal bar mi dor ro/ /de bzhin du snying rje chen po'i yon tan bsngags pa la yang brjod par bya'o/ /de bzhin gshegs pa'i yon tan bsngags pa dang/ rim gro bskyed de dam pa'i chos mnyan pa dang/ 'khon med par byas na dgra zhi bar 'gyur ba'i dpe dang/*@'#a */ /bzod pa'i gtam bya ba la yang sbyar bar bya ste/ dud 'gror gyur pa rnams kyang 'di ltar bdag gsod pa la snying rje byed pa yod na/ mir gyur pa'am rab tu byung bar khas 'ches pa la sems can rnams la snying rje med na ltag la rung zhes srog chags rnams la*snying rje dang ldan par bya zhes kyang brjod par bya'o/ /ri d)ags sha ra bhar skyes pa'i rabs te nyi shu lnga pa'o// //dge ba rnams ni gzhan sdug bsngal ba nyid kyis bdag sdug bsngal te de mi bzod kyi bdag gi sdug bsngal bzod pa ni ma yin no/ /de yang 'di ltar byang chub*sems dpa' re zhig cig dgon pa'i nags tshal chen po'i shing s'a la dang/ ba ku la dang/ pi ya la dang/ hi na ta la dang/ mu le grum shing dang/ ta ma la dang/ nag ta la dang/ bi du la dang/ ni tsu la mang po dang/ shing sha pa dang/ aa ti ni sha dang/ sha mi dang/ pa*la sha dang/ rts)a ka sha dang/ ku sha dang/ 'od ma dang/ smyug ma'i nags tshal stug po can dang/ shing ka dam pa dang/ sardza dang/ aardzu na dang/ dha ba dang/ seng ldeng dang/ ku 1a dza stug po yod pa/ shing ljon pa ldum bu mang po 'khri shing sna tshogs kyis dkris pa/ ri d)ags*ru ru dang/ pr, -.a ta dang/ sri ma ra dang/ g yag rgod dang/ glang po che dang/ ba man dang/ ma he dang/ dgo ba dang/ nya ku dang/ phag rgod dang/ stag dang/ gzig dang/ seng ge dang/ spyang ki dang/ dom dang/ dred la sogs pa mang po rgyu ba/ mi'i rgyun lugs med*pa'i sa phyogs cig na/ ri d)ags ru ru gser btso ma'i kha dog gsal ba 'dra ba/ spu rab tu 'jam pa/ lus kyi mdog rin po che aan da rnyil dang/ mar gad dang/ bee *'urya'i kha dog 'dra ba'i tshon sna tshogs kyi thig les brgyan pa/ mig gi dkyus ni ring zhing bkrag bzang ba/*r)a dang rmig pa rin po che ltar 'jam zhing 'od dang ldan pa/ gzugs blta na rab tu sdug pa/ rin po che'i 'byung gnas 'gro shes pa 'dra ba cig tu gyur to zhes grags so/ /de yang rang gi lus chags su rung ba dang skye bo rnams snying rje chung bar shes nas/ nags tshal*@'#b stug po skye bo med pa dag na nyams dga' bar 'dug go/ /de sems rno bas phyogs gang dang gang na rngon pa rnams rgyu ba dang/ 'khrul 'khor dang/ gtor dang/ rgya mo dang/ rnyi bcugs pa dang/ rnyong dang/ shing gi 2a dang 'dzol rnams legs par spangs nas ri*d)ags mang po rjes su 'brang ba rnams la yang slob dpon dang pha ma bzhin du slob pa dang/ ri d)ags rnams kyi bdag po byed cing 'dug go/ /gzugs dang shes pa phun sum tshogs/ /bya ba rnams la mkhas pas brgyan/ /bdag la phan 'dod skye bo la/ /mchod pa mi byed su zhig*yod/ /de nas re zhig cig bdag nyid chen po de nags tshal stug po de na gnas bcas shing 'dug 'dug pa las/ de dang nye ba cig na 'bab pa'i chu gsar du bab pas gang ba rab tu shugs drag pos mi zhig khyer nas du zhing 'bod pa'i sgra thos par gyur to/ /chu chen 'brub pa rab tu*drag po yis/ /khyer nas mgon med gzings kyang yod ma yin/ /bdag ltar phongs shing nyam thag bsgral ba'i phyir/ /sdug bsngal byams pas myur du brgyugs te bzung/ /da ni shol du rung ba ma yin te/ /ngal zhing dub pas dpung pa'ang 'gyur mi nus/ /zug cing*'bog tu rung ba'ang cung zad med/ /de bas brgyugs te 'ong ba'i dus la bab/ /de nas byang chub sems dpa' des snying rje rje skad du du zhing 'bod pa'i sgra des snying la brdeg pa bzhin du gyur nas/ ma 'jigs ma 'jigs zhes zer ba'i tshig 'jigs pa dang/ mi dga' ba dang/*ngal ba dub pa med par byed pa lo brgya goms par byas pa gsal bar gsang bstod de snying rjes gdungs nas mi'i skad du phyung ste/ /nags tshal stug po de nas byung ba dang thag ring po nas mi gde chus khyer ba yid du 'ong ba'i skyes bskur te btang ba bzhin du 'ong ba mthong ngo/ /de nas de*bsgral phyir ni ngas

byas pas/ /bdag srog yal bar bor yang mi sems par/ /de ni 'bab chu drag po'i 'jing der bzhugs/ /dgra yi dpung rnams 'joms pa'i dpa' bo bzhin/ /de nas lus kyis de yi lam bkag nas/ /nga la 'jus zhes de la tshig tu smras/ /skrag*@'$a */ /pas nyan la ngal bas yan lag 'khums/ /de ni de yi rgyab tu zhon par gyur/ /mi de'i ljid kyis rab tu non gyur zhing/ /'bab chu drag po'i shugs kyis bdas gyur kyang/ /dpa' snying brtan la rtsol ba drag po yis/ /yid du 'ong ba'i 'gram du*ma nyams phyin/ /de nas mi de 'gram du phyin par byas nas su/ /rab tu dga' bas ngal ba'i sdug bsngal med par gyur/ /bdag gi drod kyis de yi grang ba med par byas/ /lam yang bstan nas de la song zhes smras pas btang/ /de nas mi de des grogs byas shing phan*btags pa de lta bu nye du dang grogs po mdza' ba su la yang med par rab tu ngo mtshar che ba des sems ni rab tu mgu bar gyur/ de'i gzugs bzang po des kyang ya mtshan dang zhes bskyed nas phyag 'tshal te/ de la tshig snyan pa de dang de dag smras pa/ khyod kyis bdag la bgyis*pa ni/ /gnyen bshes byis pa tshun chad nas/ /byams par gyur pa bdag gis kyang/ /'di lta bu dag byar mi nus/ /bdag gi srog 'di khyod kyi lags/ /khyod kyi don du cung zad tsam/ /dgos pa cig tu spyad nas su/ /bdag la rab tu bka' drin che/ /de bas ci bgyi*bka' stsal bas/ /bdag la rjes su bzung bar rigs/ /khyod la gang du ci 'tshal ba/ /de ni bdag nyid bskyed du gsol/ /de nas byang chub sems dpas de la gus par smras pa/ skye bo dam pa drin gzo rmad mi che/ /de yi chos nyid rang bzhin grub pa yin/ /'gro ba rnams*ni 'gyur ba mang du mthong/ /byas pa drin du gzo ba deng song yon tan che/ /de bas na khyod la gdams pa ni phan btags pa rjes su dran par bya ba na/ sems can 'di lta bu zhig gis bdag chu'i nang nas phyung ngo zhes khyod su la yang ma zer cig /nga'i lus 'di yang sha bzar rung*bas rab tu chags par gyur pa cig yin la/ mi rnams kyi snying yang 'dod pa che la bag med pa mang ste/ de bas na bdag gi yon tan dang/ nga yang legs par bsrung bar rigs/ /mdza' bo dag la snying ring ba/ /gang na'ang bde ba yod ma yin/ /nged cag ni ri d)ags*@'$b yin la mi ni g yo sgyu dang phyi bzhag la goms pa'i phyir/ ngas de skad smras pa la 'khon du 'dzin pa'am/ snying mi dga' bar ma sems shig /gzhan yang/ log pa'i chos la mkhas pa yis/ /de lta'i g yo dag byas pa'i phyir/ /rang bzhin gyis ni dul ba yi//*skye bo rnams kyang dogs pa skye/ /de skad ces smras pa dang/ khyod la phan par 'dod pa'i phyir ro/ /des kyang de bzhin bgyi'o zhes mnyan nas phyag 'tshal te/ sems dpa' chen po de la bskor ba byas nas rang gi khyim du song ngo/ /de'i tshe yul de'i rgyal po zhig gi btsun mo*rmi lam rno ba zhig yod de/ de yang rmi lam ngo mtshar che ba gang dang gang mthong ba de dang de dag de bzhin du 'gyur ro/ /de re zhig cig gnyid kyis log pa las tho rangs kyi rmi lam du/ ri d)ags ru ru zhig rin po che thams cad brtsegs pa'i tshogs bzhin du/ dpal rab*tu 'bar ba seng ge'i khri steng na 'dug cing/ rgyal po dang bcas pa'i 'khor gyis yongs su bskor te tshig gsal zhing sdeb legs pas chos 'chad pa mthong ngo/ /de nas sems de las ngo mtshar cher bzung ba las/ rgyal po bzhengs su gsol ba'i rnga sgra thos te sad pa dang*spobs shing gnang ba'i skabs shig tu rgyal po de'i spyan sngar song ngo/ /ngo mtshar che bas mig bgrad dpal ldan de'i/ /dga' bas mkhur tshos mdzes par g yo bzhin du/ /rmi lam ngo mtshar mthong ba bzlas pa des/ /skyes 'bul bzhin du mi yi bdag po'i ltas/ /rmi*lam bzang po rgyal po la gsol nas/ /zhes bskyed de slar smras pa/ lha gcig de bas ri d)ags bzang po de/ /rnyed pa'i slad du nan tan bskyed du gsol/ /ri d)ags rin chen de yis pho brang nang/ /mkha' la skar ma bzhin du mdzes par mdzod/ /de nas rgyal po des*btsun mo de'i rmi lam rno ba yin pas/ de'i tshig mnyan te de dga' bar bya ba dang/ ri d)ags rin po che rnyed par 'dod pas/ ri d)ags de btsal ba'i phyir rngon pa thams cad la bsgos te/ nyin re zhing yang pho brang dam pa'i 'khor du 'di skad sgrogs su bcug go/ /ri d)ags*@'%a */ /gser gyi mdog can rin chen sna tshogs kyis/ /lus brgyan grags pa thos sam gang gis mthong yang rung/ /de ni rab tu ston pa rgyal pos yul gru mchog /bzhi bcu tsam dang bud med rab tu sdug pa sbyin/ /de nas mi des skad du bsgrags*pa yang dang yang du thos nas/ dbul ba'i sdug bsngal bsams nas sems ni yongs su skyo/ ri d)ags ru rus phan pa cher byas pa yang dran/ brkam pa dang ni phan btags de ni dran pas na/ /snying ni bar ma dor gyur de dang de dag sems/ /ji ltar bya kye yon tan la*lta'am yang na nor 'byor pa la lta/ /phan btags pa de rjes su bskyang ngam 'on te khyim gyi so nam bskyang/ /'jig rten pha rol gyi srid bya'am 'on te 'jig rten 'di'i srid bya/ /dam pa'i tshul bzung ngam 'on te 'dod chen gyi tshul

bzung/ /dpal chen nyams su myong*bar bya'am 'on te dben pa rnams la dga' ba'i ngo tsha lta/ /da lta 'phral gyi don ched cher lta'am 'on te yun rings kyi don ched cher lta/ /skye bo dam pa'i phyogs su bzung ngam 'on te skye bo ngan pa'i phyogs su bzung snyam pa las/ /de nas 'dod chen gyi g yen spyo ba'i blo can des*'di snyam du bsams so/ /nor mang po rnyed de phun sum tshogs par gyur na/ mdza' bshes dang nang mi dang mgron dang phongs pa rnams kyang mgu bar byed cing/ bde ba nyams su myong bar byas nas/ 'jig rten pha rol gyi don bsgrub kyang nus so snyam du nges par bsams nas/ ri*dags ru rus phan pa chen po byas pa de ni brjed de/ rgyal po'i drung du song nas smras pa/ lha ri d)ags kyi mchog de gang na gnas pa bdag gis 'tshal te su la ston par bgyi bka' stsal du gsol/ rgyal po des de skad zer ba thos pa dang/ yid rab tu dga' bar gyur to/ /bzang po nga*nyid la de ston cig ces smras nas/ ri d)ags bshor du 'gro ba'i cha lugs su chas te/ dmag gi tshogs chen pos yongs su bskor nas pho brang dam pa'i nang nas byung ste/ mi des lam drangs nas 'bab chu de'i dogs su song ngo/ /nags tshal stug po de yang dmag gi dpung thams cad kyis*@'%b yongs su bskor te/ lag na mda' gzhu ni thogs yid ches pa'i mi rnams kyis bskor nas/ rgyal po mi de nyid kyis lam drangs nas nags tshal stug po de nyid du zhugs so/ /de nas mi des ri d)ags ru ru de bag phab cing 'dug ba mthong nas/ rgyal po la bstan pa/ lha ri d)ags*kyi mchog de ni 'di lags te/ de bas na nan tan che bar mdzad du gsol zhes smras so/ /ri d)ags legs par bstan pa'i phyir/ /de yi lag pa bsgrengs pa dang/ /ral gri rnon pos bcad pa bzhin/ /lag pa'i mkhrig ma chad de lhung/ /dngos po de lta bu la brten pa dang/ /*bya ba'i khyad par dag gis btang nas ni/ /gnyen po chung na rab tu rgyas gyur nas/ /las rnams 'bras bu 'phral du smin par 'gyur/ /de nas rgyal po de mi des bstan pa'i lam phyogs su ri d)ags lta 'dod pa'i phyir mig gis bltas pa dang/ char sprin 'dra ba'i nags tshal*sngon po na/ /rin chen gter 'dra lus kyi dpal gyis 'bar/ /ri d)ags ru ru yon tan mchog de mthong/ /sprin gyi nang na glog 'gyur me 'bar bzhin/ /de nas de'i gzugs bzang pos yid 'phrog nas/ rgyal pos de ni bzung bar 'dod pa yis/ /gzhu bdungs mda'*ni ltong du bcug nas su/ /de la 'phen ba'i phyir ni gzhu bkang ngo/ /de nas byang chub sems dpas bsams pa/ kho ra kho ra yug na mi mang po ku co 'don pa grags pa dang sbyar na/ bdag ni kun nas bskor zin gor ma chag go snyam nas/ rgyal pos bdag la mda'*'phen par chas bshes te/ da ni bros kyang mi phan no snyam nas/ mi'i skad du phyung ste tshig 'bru gsal bas rgyal po la smras pa/ rgyal po chen po re zhig dgongs/ /mi mchog bdag la mda' 'phen par/ /re zhig ngo mtshar chen po yi/ /the tshom 'di ni bsal du gsol/ /nags*tshal stug po 'di lta bu/ /skye bo rgyun lugs med pa na/ /ri d)ags 'di 'dra gnas so zhes/ /khyod la su yis bka' mchid gsol/ /de nas rgyal po de ri d)ags mi skad du smras pa rab tu ngo mtshar che ba des sems rab tu dul bar gyur nas/ de la 'di lta bu'i ngo mtshar*@'&a */ /chen po bdag la ston pa ni 'di lags so/ /zhes mi de la mda'i rtse mos bstan to/ /de nas byang chub sems dpas mi de ngo shes nas smad pa'i phyir smras pa/ kyi hud da kye khyed lta bu'i ngan pa/ /khrol med mi dag phyung ba bas/ /chu yi shugs*kyis khyer ba yi/ /shing dag phyung yang sla'o zhes/ /gtam du grags pa de re bden/ /de ltar 'bad pa de yi lan/ /'di lta bu yis phan gdags sam/ /bdag la'ang phan pa ma mthong na/ /tshul min mthong bar gal 'gyur/ /de nas rgyal po des 'di ltar su*la yod snyam nas ngo mtshar cher gyur te/ mi dga' bzhin du ri d)ags ru ru de la smras pa/ ming gis ma phyes don zab pa/ /spyi la rnam par smad pa 'di/ /bdag gis thos par gyur nas su/ /bdag gi yid kyang 'dra bar 'dra/ /de bas ri d)ags dam pa khyod/ /*su la brtsams te bkyon pa gsungs/ /mi'am 'on te mi ma yin/ /bya 'am 'on te ri d)ags lags/ /byang chub sems dpas smras pa/ rgyal po chen po gzhan la 'di ni smad ma lags/ /las 'di smad par 'os pa'i phyir smra'o/ /'di 'dra phyin chad bya bar mi rigs*snyam/ /bdag gis bsams nas de phyir de skad smras/ /smad pa'i rmal su zhig rtsub por smra/ /sdug pa'i bu la phan par 'dod pa'i phyir/ /nad kyi dbang gis sman dpyad byed pa'ang yod/ /'bab chu drag pos khyer te song ba las/ /snying rje'i dbang gis bdag gis phyung ba*las/ /de bas bdag la 'jigs pa 'di 'dra byung/ /ma rabs bsten du rung bar ga la 'gyur/ /de nas rgyal po des mi de la sdang mig bltas te 'phya ba'i tshig smras pa/ k)a ye khyod de ltar nyams nyes pa las ri d)ags 'dis phyung ba bden nam/ de nas mi de 'jigs shing skrag la*bzhin gyi mdog nyams shing ngo tsha bas gcom bskyungs te mad do zhes smras so/ /de nas rgyal po des khyod lta bu'i ngan pa med do/ /zhes

phyas nas mda' 'dren du bcug ste smras pa/ k)a ye khyod sdod cig /de ltar 'bad de phan pa char byas kyang/ /bdag gi sems ni dul bar ma gyur*@'&b la/ /tshogs pa'i nang na gtam ngan rgyal mtshan thogs/ /mi ngan de 'dra gson te ci zhig rung/ /de skad ces smras nas/ mda' ltong du bcug ste gsad pa'i phyir ni gzhu bkang ngo/ /de nas byang chub sems dpa' snying rje chen pos snying gdungs nas de gnyis kyi bar du 'dug*go/ /rgyal po la smras pa/ rgyal po chen po gums lags pa bkum ste ci rung ma mdzad ma mdzad/ gang gi tshe na 'dod chen dgras bskul te/ /smad pa'i gnas su nye bar 'dir song ba/ /grags pa ngan pas de tshe bkum par 'gyur/ /bsod nams min pas slad ma'i tshe la'ang*bkum/ /sdug bsngal bzod par dka' bas yid gdungs nas/ /mi rnams 'di lta bur ni brlag par gyur/ /'bras bu phun sum tshogs pa 'dod pas bslus/ /mar me'i 'od kyis phye ma leb brid bzhin/ /de bas snying rje mdzod la ma bkyon cig /'di nyid cung zad ci*dang ci 'tshal ba/ /de dag stsol la thub chod don yod mdzod/ /bdag ni khyod kyis bka' stsal spyi bos nod/ /de nas rgyal po de de ltar gnod pa byed pa po la yang snying rje ba dang bcas shing g yo ba med par de la phan 'dogs par byed pa des rab tu ngo mtshar che bar gyur nas de la*sems dang ba skyes te/ gus pa dang bcas pas bltas nas/ re d)ags kyi mchog de la smras pa/ skal pa chen po legs so legs so/ /'phral du mi bzad gnod pa la'ang/ /gang gis snying rje 'di 'dra ba/ /khyod ni yon tan nyid kyi mi/ /bdag cag mi yi gzugs*su bas/ /blun po 'di la khyod kyis brtse bar mdzod/ /skyes bu mchog dang bdag mjal rgyu lags pas/ /de nyid 'tshal ba'i nor rnams stsal bar bgyi/ /rgyal srid 'di la'ang khyod ni ci bder spyod/ /ru rus smras pa/ rgyal po chen po khyod kyis gnang ba 'di don mchis*bar bgyis te bdag gis blangs kyi/ de bas na khyod 'dir byon pa'i dgos pa de bdag gis sbyar bar 'tshal na bka' stsal du gsol/ de nas rgyal po chen po des ri d)ags ru ru de shing rta mchog gi steng du bzhag nas bkur sti chen po byas te/ /pho brang dam pa'i nang du bcug*@''a */ /nas mgron du bya ba'i bkur sti byas te/ seng ge'i khri chen po la bzhag nas btsun mo'i 'khor dang/ blon po mang pos bskor te dga' zhing zhes bskyed nas zhi bar lta zhing chos dris pa/ mi rnams chos la lta ba'i phyir/ /blo ni rnam pa mang du*gyes/ /khyod ni chos rnams gtan la 'bebs/ /ji ltar lags par bshad du gsol/ /de nas byang chub sems dpas rgyal po 'khor dang bcas pa rnams la tshig 'bru gsal zhing snyan pa bzang pos chos bshad pa/ rgyal po chos ni mdor bshad na/ /sems can*rnams la snying rje bskyed/ /gsod dang rku la sogs pa spongs/ /rnam pa gsum du dgyes par byed/ /rgyal po chen po gzigs su gsol/ /bdag rang nyid dang nang mi la'ang/ /brtse ba bzhin du gzhan la'ang brtse/ /de yis sems ni chos min la/ /'jug pa'i*mi dge ga la 'byung/ /skye bo snying rje med pas na/ /lus ngag yid kyi spyod pa rnams/ /nang mi la yang phyi mi bzhin/ /mi rigs spyod pa mchog tu 'gyur/ /de bas chos la dad pa yis/ /snying rje gtang bar mi bya ste/ /char 'bebs lo thog 'phel ba bzhin/ /de*las yon tan 'phel bar 'gyur/ /snying rjes non pa'i sems ni gzhan la gnod pa byed mi 'gyur/ /gtsang ma de la lus sam ngag kyang gzhan du 'gyur ba med/ /de ltar byed pa gzhan la phan 'dod de ni dga' bas dar/ /sbyin dang bzod la sogs pa'i yon tan*grags dang mthun par 'phel/ /snying rje can gnyis nye bar zhi bas gzhan gyi yid mi dbyung/ /snying rje ldan pas skye bo rnams kyi gnyen bzhin yid brtan 'gyur/ /snying rje'i dbang gyur snying la 'thab mo'i 'khrugs pa yong mi 'byung/ /snying rje'i chus brlan sems la 'khrugs*pa me 'bar yong mi 'byung/ /de bas mdor na snying rje brtan pa'i mkhas pa chos la lta/ /dge ba dga' ba'i yon tan brtse la mi brtan gang zhig yod/ /de bas bdag dang bu bzhin skye bo dag la snying rje bskyed/ /dam pa'i tshul gyis 'gro ba yid 'ong rgyal po'i tshul ston cig/*@''b de nas rgyal po de de'i tshig de la mngon par dga' bar gyur nas pho brang 'khor gyi mi rnams dang bcas pas chos nyams su len par gyur te/ ri d)ags dang bya thams cad la'ang mi 'jigs pa byin no/ /de lta bas na dge ba ni gzhan gyi sdug bsngal nyid ma bzod pas/ rang gi sdug bsngal mi*bzod pa ni ma yin no/ /zhes snying rje can gyi yon tan bsngags pa la'ang brjod par bya'o/ /skyes bu dam pa rnams ni rang nyid yal bar dor nas gzhan la phan 'dogs par mdzad pa'o/ /de bzhin du yon tan rnams ni rang nyid gsod pa la yang blang dor gsal bar ston cing 'gro ba*rnams 'dren par mdzad do/ /zhes kyang brjod par bya'o/ /byams pa dang ldan pa rnams la gnod pa'i 'bras bu mthong ba'i chos la myong bar 'gyur zhes gnod pa byed pa'i nyes dmigs la'ang sbyar bar bya'o/ /ri dags ru rur skyes pa'i rabs te nyi shu drug pa'o// //dam*pa'i tshul gyi rjes su 'brang ba rnams ni dgra rnams

kyi yid kyang mgu bar byed do/ /de yang 'di ltar byang chub sems dpa' re zhig cig gangs ri dpal dang ldan pa'i khrod/ sman gyi khyad par ro dang mthu dang rnam par smin pa'i yon tan rnam pa mang po dang ldan pa yod pa'i sa phyogs me tog dang/*'bras bu dang/ lo ma dang/ 'dab ma dang/ ldum bu rnam pa sna tshogs kyis brgyan pa'i shing ljon pa brgya phrag mang pos gang ba/ 'bab chu shel sgong ltar dangs shing gtsang ma 'bab pa/ bya mang po'i sgra snyan mang po grag pa zhig na spre'u mang po'i bdag po zhig tu gyur to zhes*grags so/ /de de lta bu'i gnas skabs su gyur kyang/ gtong ba dang snying rje la goms pa'i phyir/ gnyen po la brten pas mi dga' bar gyur pa bzhin du phrag dog dang/ 'jungs pa dang khro ba rnams nye bar 'ong bar ma gyur to/ /de de na shing n0ya gro dha chen po cig yod pa la/ ri'i rtse*mo mthon po bzhin du nam mkha' la reg la thug pa nags tshal de'i bdag po 'dra ba/ lo ma dang ldum bu rgyas pas khebs pa'i grib ma ni sprin stug pos g yogs pa bzhin/ de'i 'bras bu'i khyad par ro mchog tu mngar ba kha dog dang dri zhim pa yid du 'ong ba/ mu le grum shing gi*@1((a */ /'bras bu bas kyang che ba rnams kyi ljid kyis yal gnon pa cig gi drung na gnas shing 'dug go/ /dam pa rnams ni dud 'gror skyes gyur kyang/ /dbang thang lhag mas bde ba'i gnas su 'gyur/ /phan btags 'brel pa'i mdza' bshes skye bo rnams/ /*byes yul dong ba'i nor gyi lhag ma bzhin/ /nags tshal gyi bdag po 'dra ba'i shing de'i yal ga gcig de'i drung nas 'bab pa'i chu la gzhol bar gyur to/ /de nas byang chub sems dpas phyi rjes su rgyang ring du lta bas/ spre'u mang po de dag la rjes su gdams pa/ shing n0ya gro*dha'i yal ga 'di'i 'bras bu rnams zad par ma byas kyi bar du/ khyed cag su yang yal ga gzhan las 'bras bu btogs te ma za cig ces bsgo ba dang/ de dag kyang de bzhin du byed par gyur to/ /de nas re zhig cig yal ga de'i 'bras bu ma smin pa ha cang mi che ba gcig grog ma*rnams kyis shing gi lo ma bsdus pas g yogs pa spre'u rnams kyis ma mthong ngo/ /de mthar gyis skyes pa dang kha dog dang dri dang ro phun sum tshogs shing 'jam por gyur nas yongs su smin pa'i dbang gis rtsa ba snyi bar gyur te/ 'bab chu'i nang du lhung nas 'bab chu'i rgyun gyis khyer te*song ba la/ rgyal po zhig btsun mo'i 'khor dang bcas te chu de'i nang na rtse ba'i mtha' rgya mos bskor ba'i ngos cig na chags par gyur to/ /na chung khrus byed phreng ba dri zhim dang/ /khrus rtsis bsgos pa'i bsung zhim sogs pa'i dri/ /de yi dri zhim yon tan snar snom pa/ /khyab*par gyur pas de dag zil gyis mnan/ /na chung de dag de yi dri yis myos/ /snar snom dbugs ni bsrings bas mig kyang btsums/ /ngo mtshar che zhing de nas g yo bar gyur/ /phyogs kun tu mig kyang rnam par lta/ /bud med de dag ngo mtshar che ba'i mig g yo zhing rig*rig por lta bar gyur nas/ shing n0ya gro dha'i 'bras bu mu le grum shing gi 'bras bu smin pa bas kyang che ba de/ rgya mo bres pa'i ngos la chags shing 'dug pa mthong ba dang/ 'di ci zhig yin snyam nas de la mig chags pa bzhin du rgyal po dang bcas pa der 'dus nas 'di ci yin no*@1((b zhes glengs par gyur to/ /de nas rgyal po des 'bras bu de blangs te/ smin pa yid ches pa rnams kyis brtags te/ bdag rang gis ro myong ngo/ /de nas rmad du byung ba'i ros/ /rgyal po ya mtshan che bar gyur/ /ched du sbyar ba'i yon tan mchog /rmad du byung ba'i ro mchog*bzhin/ /sngon med kha dog dri dag gis/ /de la ya mtshan che bar gyur/ /de yi ro la chags pa yis/ /ya mtshan che ba'i rnam par gyur/ /de nas rgyal po de'i kha zas ro zhim po phun sum tshogs kyang de'i ro la chags pa'i dbang gis 'di snyam du bsams so/ /gang zhig*'bras bu 'di dag ma zos par/ /des ni rgyal srid 'bras bu ci zhig zos/ /rgyal srid bsgrub pa'i nyon mongs med par yang/ /'di 'dra za ba de nyid rgyal po yin/ /de nas des 'bras bu gang las byung ba btsal bar bsams te/ rang gi blos brtags pa/ gang las 'bras bu*'di lta bu'i shing ljon pa bzang po de ni 'di nas mi ring ba cig na yod la/ 'bab chu'i 'gram cig na'ang 'dug pa gor ma chag bgo/ /de ltar ci mngon zhe na/ 'di ltar kho dog dang dri dang ro yang ma nyams la rma med cing ma snad pa la bltas te/ chu'i nang du lhung nas kyang ring por ma lon par*'dra ste/ de bas 'di gang nas byung ba'i gnas shes par nus yang dag go snyam nas/ de'i ro la chags pa'i dbang gis chu de'i nang du rtse ba btang ste/ bdag rang gi pho brang dam pa bsrung ba'i srung ma legs par bskos nas/ dmag drang du rung ba'i dpung gi tshogs chen pos*yongs su bskor te/ 'bab chu de'i 'gram thog thag mthar gyis nags tshal stug po gcan gzan dang bcas pas ni gang zhing/ bde ba'i ro rnam pa sna tshogs ni rjes su myong bar byed/ nags tshal gyi khyad par mdzes shing nyams dga' ba ched du ma byas pa gzhan dang gzhan

dag*la ni lta/ rnga sgra drag pos nags tshal gyi ri d)ags rnams ni skrag par byed cing shing ljon pa nags tshal gyi bdag po mi rnams kyis bgrod dka' ba de dang nye ba cig tu phyin to/ /char sprin chu yi ljing kyis non pa 'dra ba de/ /ri dang 'dra yang ri rtse mthon po 'dra bar snang/ /ljon shing*@1(1a */ /gzhan gyi rgyal po bzhin du lta/ /nags tshal dbang po de ni rgyal pos ring nas mthong/ /shing aa mra'i 'bras bu sa ha ka ra smin pa'i dri bas kyang lhag par dra zhim pa yid du 'ong ba'i ngad ldang bas mdun nas bsu ba bzhin du bsung tshor ba dang/ 'bras*bu de'i shing ni 'di yin gor ma chag go snyam nas/ de'i drung du 'ong ba dang/ spre'u brgya phrag du ma shing de'i 'bras bu za ba rnams kyis yal ga khebs par mthong nas/ rgyal po des bdag 'dod pa'i don med par byed pa'i spre'u de rnams la sems khros nas/ spre'u ngan pa 'di dag*thams cad la rgyob rgyob chom kha thog ces tshig rtsub pos smra zhing rang gis mi rnams la bsgos so/ /de nas rgyal po'i mi de rnams kyis spre'u de dag bskrad pa'i sgra drag po phyung ste/ lag na mda' gzhu thogs nas 'phen par gzas/ kha cig ni rdo ba dang/ dbyug pa dang/ mtshon cha*gzas te/ dgra'i mkhar sgo non pa bzhin du shing de'i drung du lhags pa dang/ de nas byang chub sems dpas rgyal po'i dpung gi tshogs mang po rgya mtsho'i chu rlabs rlung gi shugs drag pos phul ba 'dra ba/ ca co'i sgra chen po 'byin pa mngon du phyogs te lhags pa/ shing ljon pa*mchog de'i kho ra khor yug nas/ mda' dang rdo ba dang dbyug pa 'phen pa ni ser ba 'bab pa bzhin du gyur pa ni mthong/ spre'u mang po rnams ni 'jigs shing mi dga' ba'i skad ngan 'byin pa tsam la brten cing/ ngo 'dzum gnag pa spa gong ste/ mig gyen du lta zhing 'khod pa mthong nas/*sems ni snying rje chen pos non/ 'jigs shing skrag cing skrag pa dang/ mya ngan ni btang nas/ spre'u mang po de dag dbugs phyung nas/ de dag yongs su skyabs pa'i blo bskyed nas/ shing chen po de'i rtse mor 'dzeg ste/ de dang nye ba na 'dug pa'i ri cig gi khar mchongs par chas so//*ri de yang mchongs pa gcig gis mchongs te phyin pa'i sa ma yin yang sems dpa' chen po de rang gi mthu khyad par du 'phags pas bya 'phur ba bzhin du der mchongs te phyin to/ /spre'u gzhan gyis mchongs pa gnyis kyis kyang/ /mchongs mi nus pa'i sa khyon chen po de/ /mchongs pa'i*@1(1b mthu rtsal can des bya 'phur bzhin/ /mchongs pa gcig gis legs par mchongs par gyur/ /des ni snying rje rnam par bskyed pa dang/ /dpa' ba'i shugs kyis rtsol ba drag por gyur/ /de yi 'bad pa khyad par drag po des/ /yid la bsams pa bzhin du phyin par*gyur/ /ri de'i rtse mo mthon por phyin nas kyang/ /spa thag sa khyon de'i bar bas kyang ring bar skyes shing rtsa ba brtan pa sra ba zhig gis bdag gi rkang pa gnyis bcings nas slar yang shing chen po de'i khar mchongs pa dang/ de gnyis kyi bar thag ring zhing rkang pa gnyis*bcings pas zo mdog mi bde ba'i phyir/ sems dpa' chen po des shing de'i yal ga'i rtse mor de'u ma slebs te slebs so/ /de nas yal ga de la dam du 'jus/ /spa thag de yang rab tu bsgrims te brgyangs/ /shing 'di'i kha nas 'di las myur du deng/ /spre'u'i tshogs*rnams bdag gi skad kyis sbran/ /de nas spre'u de dag 'jigs pas nyen cing bros pa'i lam rnyed nas/ rab tu rtab pa'i 'gros kyis de'i lus brdzi ba la tsham tshom med par spa thag de las brgyud de bde bar bros te song ngo/ /spre'u'i tshogs de dag 'jigs pas nyen pa yi/ /*rkang lag rnams kyis de yi lus brdzis pas/ /bdag gi lus kyi sha dang bral gyur kyang/ /rab tu brtan pas sems ni yong ma bral/ /de ltar spre'u'i rgyal po de rgyal po dang mi de dag gis mthong nas rab tu ya mtshan che bar gyur to/ /'di ni dpa' zhing blo yang phun sum tshogs/ /*bdag la'ang mi lta gzhan la snying brtse ba/ /thos par gyur na ngo mtshar che gyur pa/ /mngon sum mthong ba smos kyang ci zhig dgos/ /de nas mi de dag la rgyal po des bsgos pa/ spre'u'i bdag po 'di spre'u mang po 'jigs te bros pa'i rkang lag gis brdzis pas/ lus*snad la yun ring du zam pa byed cing 'dug 'dug pas dub pa'i phyir gdon mi za bar bdag rang ldang mi nus kyis/ de bas na 'di'i 'og tu ras brgyangs pa zed la/ spa thag 'di dang shing n0ya gro dha'i yal ga 'di yang mnga' gnyis kyis dus gcig tu chod cig ces bsgos so/ /de*@1(2a */ /nas mi de dag gis kyang de bzhin du byas so/ /de nas rgyal po des ras brgyangs te zed pa la phab nas/ lus rma byung ba'i sdug bsngal gyis brgyal bar gyur te/ sems mi dran pa de mal stan 'jam po zhig la bzhag nas rma gser pa gso ba'i sman*la sogs pas de'i lus kyi rma bkrus te cung zad cig lon par gyur cing dbugs phyung bar gyur pa dang/ rgyal po de ngo mtshar dang ya mtshan che zhing gus par gyur nas/ nad dris phyir smras pa/ snying rje bskyed de bdag gi srog bor nas/ /gang rnams phyir ni bdag gis zam

pa*byas/ /khyod kyis bsgral ba'i spre'u tshogs mang po 'di/ /khyod kyi cir 'ong khyod kyang khong gi ci/ /gal te nged kyis 'di ni mnyan rung na/ /spre'u rgyal gtso bo de ni rjes smros shig /rab tu mdza' ba'i rgyu 'brel chung ngu dag /de lta bu ni yid la byed mi 'gyur/ /de nas byang*chub sems dpas rgyal po de de ltar gus shing legs par smras pa la lan legs par glan pa'i phyir/ mi ngoms pa'i tshul gyis bdag nyid su yin par bstan pa/ bdag gi ngag mnyan gus pa 'di dag gis/ /bdag la rgyal po'i khur ni bskur bar gyur/ /de bas 'di*dag bu dang 'dra bar sdug /khur te bskur ba'i phyir ni 'di ltar bgyi/ /rgyal po chen po bdag dang 'di rnams ni/ /yun ring dus nas 'di ltar 'brel par gyur/ /rigs gcig skyes pas 'di ltar mdza' gyur cing/ /lhan cig gnas pas gnyen dang 'dra bar gyur/ /de skad*zer ba rgyal po des thos nas/ /ya mtshan che bar gyur nas yang smras pa/ /blon po la sogs rgyal po'i phyir/ /de dag phyir ni rgyal po min/ /de bas bdag gi bran gyi phyir/ /ci phyir khyod kyis bdag lus bor/ /byang chub sems dpas smras pa/ rgyal po chen po de ltar bgyid*pa ni mad na/ rgyal po'i gzhung lugs de lta bu/ /bdag gi gzhung lugs ngan par mthong/ /ma 'dris par yang sdug bsngal mi bzod pa/ /yal bar bor na sdug bsngal cher gyur na/ /sems ni rab tu gus pas skye bo rnams/ /gnyen dang mdza' bor gyur pa smos ci*@1(2b dgos/ /spre'u rnams rab tu nyams nyes cher gyur zhing/ /phongs nas mya ngan byed pa 'di mthong nas/ /bdag gi don bsgrub sems par mi 'gyur ba'i/ /sdug bsngal chen po bdag la byung bar gyur/ /de bas gzhu rnams rab tu bkang nas su/ /mde'u rtse rnon po rab tu*'phen pa yi/ /gzhu rgyud sgras 'jigs sems la ma bsams par/ /shing de'i kha nas ri kha 'dir mchongs mod/ /bdag gi 'khor ni rab tu skrag pa'i sems/ /ngu zhing 'bod pas bdag ni rab bskul nas/ /sa khyon tshad ni legs par brtags nas su/ /spa thag*bcad nas bdag gi rkang pa bcings/ /ri bo de las slar yang 'dir mchongs te/ /ljon shing 'di las bdag gi 'khor bsgral phyir/ /de yi yal ga lag pa brkyang 'dra ba/ /bdag gi lag pa gnyis kyis zin par gyur/ /spa thag de ni rab tu brkyangs pa dang/ /ljon shing*de yi yal gas btud pa las/ /bdag gi lus brdzis tsham tshom ma mchis par/ /bdag la brten nas 'khor rnams bde bar thar/ /de nas rgyal po de/ sems dpa' chen po de de lta bu'i gnas skabs na yang de ltar byed pa mthong nas rab tu dga' bar gyur te rab tu*ya mtshan che bar gyur nas yang 'di skad ces smras so/ /bdag gi bde ba khyad du bsad/ /gzhan la nyams nyes byung ba dang/ /de ltar bdag gis nyams su blangs/ /khyod kyi yon tan ci zhig thob/ /byang chub sems dpas smras pa/ gang rnams rgyal po bdag gis yun ring byas//*de dag sdug bsngal bdag gis rnam par bzlog /de bas sems ni rab tu dga' bar gyur/ /bdag gi lus lta bcad par gyur kyang rung/ /dregs pa'i dgra rnams g yul ngo pham byas nas/ /lus la rma byung rgyan gyis brgyan pa bzhin/ /dpa' bo rnams ni dpa' bo'i mtshon gyis*brgyan/ /de bzhin rma 'di bdag gis dga' bzhin bzod/ /rigs mthun rnams ni rab tu gus byas nas/ /gus pas phyag 'tshal bkur sti cher byas pa'i/ /dbang phyug bde ba thob par gyur pa yi/ /bu lon bdag gi de ring 'khor bar gyur/ /de bas bdag ni mdza' dang bral*@1(!a */ /ba'am/ /bde ba med par sdug bsngal ma mchis kyis/ /'di ltar bgyis pas bdag ni 'gums gyur kyang/ /'di ni dga' dang 'phrad par gyur pa bzhin/ /sngon du phan btags bu lon 'khor bas mgu/ /mya ngan gdungs shing grags pa dri med*thob/ /rgyal po'i mchod byas 'chi la 'jigs pa med/ /dam pas phan btags drin kyang dran par gyur/ /yon tan mchog gnas yon tan 'di dag ni/ /sdug bsngal 'di myong bdag gis thob bar 'gyur/ /bdag po snying rje med la rten bcas na/ /de dang mi mthun phyogs*rnams thob par 'gyur/ /yon tan med cing grags pa med gyur pa/ /nyes pa 'byung ba'i gnas su gyur pa rnams/ /dmyal ba'i me 'bar rab tu 'khrug pa las/ /gzhan du 'gro ba'i gnas ni ci zhig yod/ /de bas khyod la yon tan skyon gyi mthu/ /bdag gis legs par*bstan pa 'di lags kyi/ /lha dpal 'gro ba'ang bud med rang bzhin can/ /de bas chos kyis rgyal srid skyong bar mdzod/ /gzhon pa'i dpung dang ljongs dang blon po dang/ /mgon med 'bangs dang dge sbyong bram ze dang/ /rgyal pos pha bzhin phan pa'i rjes mthun par/ /thams*cad bde dang ldan par mdzad par rigs/ /de ltar byas na chos srid grags pa 'phel/ /'di dang gzhan la'ang khyod ni bde bar 'gyur/ /de bas khyod ni 'bangs la thugs brtse bas/ /rgyal po drang srong dpal gyis brjid par mdzod/ /de ltar rgyal po slob ma bzhin du bstan/ /*rab tu bstod pa'i tshig gis de bstan nas/ /snad pa'i sdug bsngal rab tu zil mnan te/ /lus de bor nas mtho ris song bar gyur/ /de lta bas na dam pa'i tshul gyi rjes su 'brang ba rnams ni yid kyang mgu bar byed do/ /zhes 'jig rten pa rnams mgu bar byed par 'dod pas/

dam*pa rnams kyi tshul gyi rjes su 'brang bar bya'o/ /bcom ldan 'das de gzhan gyi don ji ltar bsgrub pa de ltar sems can rnams bdag gis kyang bsgrub mi nus so/ /zhes de bzhin gshegs pa'i yon tan bsngags pa la yang brjod par bya'o/ /rim gro bskyed de dam pa'i chos mnyan*@1(!b pa dang snying rje chen pos yon tan bsngags pa dang/ rgyal po'i 'bangs rnams la de ltar snying rje dang ldan par bya'o/ /zhes rgyal po la gdams pa dang/ skyes bu dam pa rnams ni de ltar chu gang che'o zhes chu gang che ba'i gtam bya ba la yang brjod par bya'o/ /spre'u'i*rgyal por skyes pa'i rabs te nyi shu bdun pa'o// //bam po bcu pa/ bzod pa la goms shing so sor brtags te/ brnags pa'i shas che ba rnams ni brnags mi thub ces bya ba med do/ /de yang 'di ltar byang chub sems dpa' khyim na gnas pa ni nyes pa*mang po'i sdug bsngal dang ldan pa/ srid dang 'dod pa lhur len pas nye bar ma zhi zhing 'dod chags dang/ zhe sdang dang/ mi bzod pa dang/ 'thab pa dang/ dregs pa dang/ nga rgyal dang/ ser sna la sogs pa'i skyon rnams kyi gnas ngo tsha ba'i chos med par byed pa 'dod zhen*che ba'i skye gnas bya ba ngan pa'i skal bas chos spyad pa'i go skabs med par shes la/ rab tu byung ba ni 'du 'dzi'i dug spong zhing nyes pa de lta bu med pa'i bde ba can du mthong nas/ tshul khrims dang/ mang du thos pa dang/ rab tu zhi ba dang/ dul ba la yid des par bya ba'i dka' thub*can zhig tu gyur to zhes grags so/ /des bzod pa byas pa'i dam bcas pa ma nyams shing bzod pa'i bsngags brjod par byed pa de dang rjes su mthun pa'i chos go rims bzhin du 'chad pas/ bdag rang gi ming rus nas su yang mi 'bod par bzod par smra ba zhes 'jig rten pa*rnams kyis yang dag par blo bskyed de ming du grags so/ /dbang phyug rigs pa dka' thub phun sum tshogs/ /sgyu rtsal rnams la goms pa rgya che ba/ /lus dang ngag gi spyod pa mthu rtsal can/ /mi rnams ming ni gzhan du 'dogs par byed/ /de ni bzod pa'i yon tan mthu shes*nas/ /de yis bdag gzhan 'jig rten rab tu brgyan/ /bzod pa'i gtam yang rgyun du byed par gyur/ /de bas de ni bzod par smra zhes grags/ /bzod pa chen po rang gi ngang du gyur/ /gzhan la gnod pa mi byed rab tu brtan/ /de yi don dang mthun pa'i gtam dag gis/ /thub*@1("a */ /pa de yi grags pa rgyas par gyur/ /de nas bdag nyid chen po de nags tshal gyi phyogs rab tu dben zhing nyams dga' ba/ me tog dang 'bras bu dus thams cad du rnyed par sla ba/ mtsho chu gtsang ma padma dang autpa las brgyan pa/ skyed mos tshal*nyams dga' ba bzhin du mdzes pa zhig tu gnas bcas pas dka' thub kyi nags tshal shin tu bkra shis par byas so/ /dam pa yon tan mchog ldan pa/ /gang na gnas pa de dag nyid/ /bkra shis yid du 'ong ba dang/ /ri nyid brten dang dka' thub tshal/ /de na gnas*pa'i lha rnams ni/ /de la shin tu dad pa skyes/ /skye bo phan par 'dod cing yon tan la dga' ba rnams ni bkur sti byed cing 'ong bar gyur te/ skye bo mang po de rnams la chos kyi gtam bzod pa dang ldan pa/ rnar 'ong zhing sems la 'bab pa rnams kyis phan btags so/ /de*nas re zhig cig yul de'i rgyal po dpyid kyi dus la bab pas/ chu'i nang du rtser 'gro 'dod par gyur te/ skyed mos tshal gyi yon tan pas kyang lhag pa'i gnas su gyur pa'i nags tshal gyi phyogs der btsun mo'i 'khor dang bcas te song ngo/ /dga' ba'i tshal ltar nyams*dga' mdzes pa'i tshal/ /de yi btsun mo'i 'khor gyis gang bar gyur/ /longs spyod can gyi spyod tshul mdzes pa yi/ /na chung chas pa rnams kyis brgyan pa bzhin/ /'khri shing 'khyil pas gtibs pa lding khang bzhin/ /me tog rgyas pa'i ljon shing bkod pa bzhin//*padma rab tu rgyas pa'i mtsho 'gram na/ /btsun mo rnams ni rab tu dga' zhing rtse/ /me tog phreng dang khrus kyi byug spos kyi/ /bsung zhim ngad kyis bung ba 'dus rnams la/ /btsun mo kha cig ltad mo cher lta ba/ /ya mtshan cher gyur bsngags shing 'dzum pas mdzes/ /me tog rna*cha gsar pas rab tu mdzes pa dang/ /skra yi rgyan du btags pa'i phreng ba mdzes yod kyang/ /de dag me tog 'dod pas tshim par ma gyur te/ /de bzhin rgyal po'i btsun mo rtse bas snying ma tshim/ /me tog shing la bud med mig lta zhing/ /gzhal med khang la lta bas chags*@1("b gyur pa/ /padma'i mtshon bung ba dngar ba bzhin/ /rab tu mdzes pa rgyal pos mthong bar gyur/ /ko ki la dag myos pa'i sgra rnams dang/ /rma bya gar byed bung ba glu len dang/ /na chung tshig smra glu len gar byed pas/ /de dag de na rab tu mdzes par snang/ /'brug sgra*zab mo rnga sgra brdungs pa bzhin/ /rma bya mang po lhang lhang sgra 'byin zhing/ /rab tu sgyu rtsal thabs kyis gar byed pa/ /rgyal po de la rma bya gar byed 'dra/ /de de na btsun mo'i 'khor dang bcas pa nags tshal skyed mos tshal 'dra ba na spyod pa'i bde ba nyams su myong nas rtse rtse bas*chad cing 'dod pa la chags pa'i dbang gis shing grib dpal dang ldan pa

gzhal med khang pa'i drung du mal cha bzang po bting ba la nyal te gnyid kyis log par gyur to/ /de nas btsun mo de dag rgyal po mnal ba'i skabs su bab pa shes nas/ /nags tshal mdzes pa la snying chags*shing de lta bas ma ngoms pas dga' ste dga' ba der chas so/ /rgyan rnams sil sil zer ba'i sgra dang mdzes pa'i skad snyan pa 'byin cing kun tu 'khyams su song ngo/ /de dag gdugs dang rnga yab stan la sogs/ /gser gyis brgyan pa rnams ni bran mos thogs/ /dbang phyug*rtags dang bcas pa rjes su 'brang/ /bud med rang bzhin 'phyar ba rnam par rgyu/ /de dag ljon shing bzang po'i me tog dang/ /lo ma sdug gu bsnyab tu slebs pa rnams/ /bran mos btogs te dbul gyis mi slebs pa/ /chags pa'i dbang gis bdag cag nyid kyis btogs//*shing lo g yo ba'i shing dang gel pa rnams/ /lam dang nye ba me tog rgyas pa kun/ /me tog phreng ba'i rgyan gyis bklubs zin kyang/ /chags pa'i dbang gis ma btogs de ma dong/ /de nas rgyal po'i btsun mo de dag nags tshal nyams dga' ba de las sems g yeng bzhin du/*nags tshal de'i nang nas mthar gyis song song ba las/ bzod par smra ba'i dka' thub kyi nags su phyin to/ /bud med bsrung ba'i nyug rum pa rnams kyis/ thub pa de'i dka' thub kyi mthu che bar shes shing/ btsun mo de rnams kyang rgyal po'i gnang chen yin la bcos dka' ba'i*@1(#a */ /phyir der mi 'dod bar bzlog ma nus so/ /dka' thub kyi nags de byi dor legs par byas pas nyams dga' zhing yid du 'ong bas/ btsun mo de dag drangs pa bzhin du der lhags pa dang/ de na thub pa'i mchog de rab tu zhi zhing dul bar snang yang rab tu zab*pas dka' thub kyi dpal me 'bar ba bzhin du bsnyen par ni dka'/ bsam gtan la goms par byas pas 'dod chags kyi yul bzang po nye bar gyur kyang dbang po dul zhing ma 'khrugs pas ni mdzes/ chos mngon sum du mthong ba bzhin du bkra shis shing bsod nams dang ni ldan*par shing drung du stan bting ba la 'dug pa mthong bar gyur to/ /de nas rgyal po de'i btsun mo de dag de'i dka' thub kyi gzi byin gyis sems zil gyis non pas/ mthong ma thag tu g yeng ba dang 'dzum 'phyar ba dang 'dod pa btang ste/ dul zhing gus par byas te/ de'i drung du*lhags nas bsnyen bkur byas so/ /des kyang de dag la 'dir 'ongs pa legs so zhes bya ba la sogs pa'i tshig snyan pa brjod nas/ mgron 'ongs pa dga' bar 'gyur ba'i rim gro byas te/ de dag la nad dri ba'i skabs nas gleng bslangs te/ chos kyi gtam bud med kyis go*bar sla ba dpe dang bcas pa rnams kyis de rnams la mgron byas so/ /mi yi lus su gyur pa ma smad thob par 'gyur/ /de bzhin dbang po rnams kyang ma nyams snod dang ldan/ /'on kyang 'chi bdag des ni legs par mi byed nges/ /bag med gyur pa de dag nyin re bslus par 'gyur//*rab tu sbyin dang tshul khrims la sogs ma sbyangs na/ /rigs dang gzugs dang lang tsho'i yon tan rnams dang ni/ /stobs ni rab tu che zhing nor gyis phyug gyur kyang/ /phyi ma'i tshe la su yang bde ba thob mi 'gyur/ /rigs la sogs pa dman yang sdig la ma chags shing/ /rab*tu sbyin dang tshul khrims la sogs yon tan ldan/ /dbyar gyi dus na 'bab chus rgya mtsho gang ba bzhin/ /phyi ma'i tshe la nges par bde ba rgyas par 'gyur/ /rigs dang gzugs dang lus kyi yon tan rnams kyang rung/ /stobs ni rab tu che zhing nor gyis phyug kyang rung/ /yon tan*@1(#b yod na tshe 'di la yang rgyan du 'gyur/ /gser gyi phreng bas phyug po'i mtshan ma bstan pa bzhin/ /me tog rnams ni ljon pa'i shing gi rgyan du 'gyur/ /glog phreng 'gyu ba char sprin rnams kyi rgyan du 'gyur/ /bung ba myos pa 'du ba padma mtsho yi rgyan/ /yon tan khyad par 'phags*pa lus can rnams kyi rgyan/ /nad med tshe ring nor dang gzugs dang rigs rnams ni/ /rab dang 'bring dang tha ma'i bye brag sna tshogs pa'i/ /skye bo 'di dag ngo bo nyid las gyur ma yin/ /gzhan gyi skyed min las ni rnam pa gsum las gyur/ /'gro ba'i chos nyid 'di ltar nges par*gnas par gyur/ /srog kyang mi brtan shi dang nye bar shes nas su/ /dge ba'i phyogs la brten nas sdig pa spong bar gyis/ /grags dang bde ba thob pa'i lam ni 'di yin no/ /yid la zhe sdang yod na bdag dang gzhan dgal/ /phan par 'gyur ba me bzhin rab tu sreg*par byed/ /de bas skye bo sdig la 'dzem pa de dag gis/ /gnyen po rnams la brten nas sdig pa spang bar bya/ /dgon pa'i me ni rab tu 'bar bar gyur pa yang/ /chu klung chen po mtha' klas 'bab dang 'phrad gyur na/ /zhi ltar rab tu zhi bar gyur pa de bzhin du/ /yid kyi*gdung ba'ang bzod la brten na zhi bar 'gyur/ /de bas de'i rgyu zil gyis mnan pas bzod pa sdig pa spong/ /de phyir byams la brten pa'i stobs kyis dgra yang 'phel mi 'gyur/ /de la dga' rzhing mchod 'os bde ba'i skal dang ldan par 'gyur/ /bsod nams byas pa'i yon*gyis tha mar mtho ris 'gro bar 'gyur/ /gzhan yang kyi btsun mo dag bzod pa zhes bya ba 'di ni/ dge ba'i rang bzhin can du rab tu

grags/ /bsod nams grags pa dag kyang rab tu 'phel/ /chu yis ma bkrus par yang dag par 'gyur/ /yon tan de dang de dag phun sum*tshogs/ /gzhan la gnod pa rtag tu yong mi shes/ /snying stobs can gyi chos nyid yid du 'ong/ /yon tan mngon bsgrub bzod pa mdzes pa'i ming/ /snying rjes bka' stsal 'jigs rten don byed pa/ /mthu dang ldan pa rnams kyi rgyan kyang yin/ /dka' thub can gyi stobs*@1($a */ /mchog phun sum tshogs/ /gnod sems dgon pa'i me la chu rgyun 'bebs/ /gnyis ka'i tshe la don med zhi bar byed/ /dam pa rnams kyi go cha bzod pa yin/ /skye bo ngan pa'i tshig ngan mda' yang rdugs/ /phal cher yon tan bsngags pa me tog*'gyur/ /de ni grags pa'i yan lag can du 'gyur/ /chos kyi mi mthun phyogs rnams bzod pas 'joms/ /rnam par thar pa'i bde pa'ang bzod pas thob/ /rab tu 'bad na bzod pa phan par 'gyur/ /bzod pa de ni mi byed su zhig yod/ /de ltar bdag nyid chen po des btsun mo*de rnams la chos kyi mgron byas so/ /de nas rgyal po de gnyis kyis log pa las sad pa dang/ 'dod chags lhag ma lus pas/ mig lci bar gyur nas/ chags pa'i dbang gis btsun mo rnams gar song zhes gzims mal ba rnams la smin ma bskyur te dris so/ /lha btsun mo*de rnams ni nags kyi ltad mo rnams lta zhing longs spyod bgyid du mchis so/ /zhes gzims mal ba rnams kyis gsol pa thos pa dang/ rgyal po des btsun mo rnams spobs pas bag yangs su dgod cing smra ba dang rtse ba lta 'dod pa'i phyir mal nas langs te/ gdugs dang rnga yab*dang/ bsil yab dang/ bla gos dang/ ral gri rnams ni na chung rnams kyis bzung/ btsun mo'i 'khor nyug rum pa lag na sba gar thogs pa rnams kyis bskor te/ nags tshal de'i nang nas mthar gyis song ngo/ /des de na bud med rnams nyams rangs su rgyu zhing song song*ba'i lam me tog dang lo ma sna tshogs kyis gtor ba/ so rtsi'i khu ba'i tshon gyis khra bor gyur pa'i rjes bzhin du song song nas dka' thub kyi nags der phyin to/ /rgyal po des drang srong gi mchog bzod par smra ba de btsun mo'i 'khor gyis bskor zhing 'dug pa mthong nas/ sngon gyi*'khon snying yod pa dang/ 'dod chags kyis dran pa nyams par gyur pa dang/ phrag dog gis zil gyis non pa'i phyir sems rab tu 'khrugs par gyur te so sor brtags te brnags pa'i mthu chung bas dul ba dang nges pa'i spyod pa ni nyams/ 'thab mo rgal 'dod pa'i shugs kyis*@1($b rdul ni byung/ lus 'dar zhing smin ma bsdus te/ mig rtsa dmar po ni bgrad/ gzi mdangs bzang po ni nyams/ gser gyi gdu bu dang sor gdub kyis brgyan pa'i lag pa gnyis ni mnyes te/ /drang srong gi mchog de la skur pa 'debs pa'i tshig de dang de dag smras pa/ ngan pa des/*nga yi gzi byin zil mnan nas/ /thub pa'i cha lugs go bgos te/ /nga yi btsun mo'i 'khor lta ba/ /tshul 'chos de ni su zhig yin/ /de skad zer ba nyug rum pa rnams kyis thos nas/ rtab cing skrag pa'i shugs kyis/ rgyal po la smras pa/ lha de ltar ma mdzad cig /thub pa*'di ni yun ring po nas brtul zhugs dang sdom pa dang dka' thub bsgoms pa'i bdag nyid can lags te/ ming yang dka' thub bzod pa smra ba zhes bgyi'o/ /rgyal po de ni nang gi bsam pa ngan pas de dag gi tshig mi nyan par smras pa/ ae ma 'o khyed cag ci zer zhig /'jig rten 'di*dag yun ring nas/ /'di yis de ltar bslus par gyur/ /tshul 'chos g yo sgyu'i rang bzhin can/ /dka' thub tshul ston 'di ltar byed/ /des 'di ltar dka' thub can gyi tshul du bsgyur nas/ g yo dang/ sgyu byed pa la goms pas tshul 'chos pa'i rang bzhin can yin te/ da ngas*bstan par bya'o zhes smras nas/ gsol ka ba'i lag na ral gri 'dug pa blangs te/ drang srong gi mchog de dgra bzhin du nges par bsad par bsams nas song ba dang/ de nas btsun mo de dag la 'khor rnams kyis rgyal po gar gshegs par sbran pa dang/ rgyal po la bltas na*khros nas zhi ba'i mdangs med par mthong nas/ snying mi dga' bar rtab rtab por gyur pa'i shugs kyis mig rig rig por lta zhing langs te drang srong mchog de la thal mo sbyar te phyag 'tshal nas/ ston ka'i padma kha 'bus pa 'dra ba bzhin cung zad 'dzum bar byas te/ rgyal po'i drung du*song ngo/ /de'i yid la khros pa'i me 'bar bas/ btsun mo de dag gi spyod tshul mdzes pa dang dul zhing gus par 'ong bar mkhas pa des kyang de'i yid zhi bar ma gyur to/ /btsun mo de dag rab tu spobs shing bag phebs pas/ rgyal po de rab tu khros shing bzhin 'gyur la spyod pa*@1(%a */ /nyams shing rtsub par mngon pas lag na mtshon cha thogs te/ drang srong mchog de la sdang mig tu lta bar mthong nas yid gcugs pa'i phyir smras pa/ 'di ni bcom ldan 'das bzod par smra ba lags kyi/ lha de lta bu'i thub chod ma mdzad cig ces*byas pa dang/ rgyal po de sems rab tu gdug pas/ 'di dag ni des mgu bar byas zin to snyam nas rab tu khros par gyur te mi bzod pa'i shugs drag pos smin ma rab tu g yo zhing mig zur gyis lta bas/ btsun mo de dag gis spobs pa dang 'jam par smra ba'i tshig mi nyan

par*btsun mo'i 'khor bsrung ba'i nyug rum la khro ba dang bcas pas lta zhing mgo bsgyur bas rna cha dang cod pan zur phud g yo ba bzhin du btsun mo de dag la bltas nas smras pa/ 'di ni bzod par smra zhes zer/ /de yang nyams su yong mi len/ /'di ltar bud med bsten pa yi//*sred pa 'di ni bzod ma gyur/ /tshig tu gzhan smra lus kyi spyod pa gzhan/ /bsam pa gdug cing yid la gzhan du sems/ /dka' thub nags na ma zhi 'di su zhig /brid pa'i tshul can phyi tshul 'chos shing 'dug /de nas btsun mo de dag rgyal po khros shing rngam pas snying rtsub*par gyur pa las yid gcugs ma nus te/ rgyal po de rab tu gtum zhing bcos dka' bar yang shes nas/ yid mi dga' zhing mya ngan gyis ni gdungs/ nyug rum pa rnams kyang 'jigs shing skrag pas 'khrugs pa'i lag brdas ni bskrad/ ngo tsha bas mgo ni smad/*drang srong mchog de'i mya ngan byed cing de nas byer te song ngo/ /dka' thub chen pos dul la yon tan grags pa 'di/ /bdag cag rnams kyi phyir ni nyes pa yong med par/ /rgyal po khro ba 'di ni ci zhig gyur nas su/ /gang zhig lam du zhugs nas ci byed sus shes kyi/ /rgyal po'i rgyal srid*grags pa thob pa dang/ /thub pa 'di lus dka' thub lus 'di dang/ /bdag cag nyid ni nyes pa med 'di dag /rgyal pos cig car bsad par mi 'gyur ram/ /de ltar btsun mo de dag mya ngan byed pa'i shugs ring po 'byin pa rnams byer te song ba'i 'og tu rgyal po des/ drang srong mchog*@1(%b de la bsdigs shing khro ba'i shugs kyis ral gri phyung ste bdag rang 'debs su song ngo/ /sems dpa' chen po de ltar sma phab kyang ma 'gyur zhing brtan pa ma nyams la rang bzhin du spyod pa de mthong nas rab tu rngam zhing de la smras pa/ aa dzi na dang dbyug pa thogs/ /g yo sgyu'i brjid*bag 'chos pa ni/ /bden pa bzhin du mthar phyin kyang/ /thub pa bzhin du nga la lta/ /de nas byang chub sems dpa' bzod pa la goms pas/ smad cing 'phyas pa des kyang brtan pa ma nyams par/ rgyal po khros shing rngam pas spyod pa'i tshul ni mi sdug par gyur/ dul bar*spyod pa'i dpal ni nyams/ bdag la phan pa dang gnod pa'i lam ni brjed par gyur pa la ya mtshan cher gyur nas/ cung zad cig bltas te snying rje bzhin du tshig 'jam pos bzhams te 'di skad cung zad cig smras par nges so/ /'di ltar dmod la skal ba med las gyur pa ni/ /'gro*ba dag la srid pas de phyir bdag mi sems/ /khyod la 'os pa'i bkur sti bdag gis bya ba las/ /tshig tsam gyis kyang mi rigs ma byas sems la gcags/ rgyal po chen po gzhan yang/ 'gro ba'i don byed khyed lta bu dag ni/ /dam pa ma yin spyod pa'i lam 'jug pa/ /thub*chod byas te spyad pa mi rigs kyi/ /de bas rnam par brtags pa'i lam du 'jug par rigs/ /legs pa dag kyang cung zad mi rigs mthong/ /kha cig nyes kyang legs pa 'dra bar snang/ /gtan tshigs khyad par can dag ma brtags par/ /dgos pa'i don ni ched du mi rtogs so/ /*dgos pa'i don ni legs par brtags nas su/ /rigs dang mi rigs bya ba legs rtogs nas/ /bstan dag lam du legs par zhugs nas ni/ /chos dang srid dang bde ba'i don bsgrubs na/ /de dag nyid kyis skye bo nyams mi 'gyur/ /de bas rab tu rgod pa'i blo btul nas//*grags par gyur pa'i las nyid brtsam par rigs/ /sngon chad ma byung nyes pa spungs nas su/ /mngon pa'i nga rgyal can rnams gtam ngan 'phel/ /khyod kyi mthu yis bsrungs ba'i nags tshal na/ /gzhan gyi gnod pa byas na'ang bskyab par rigs/ /phan pa'i tshul med dam pas*@1(&a */ /smad pa dag /rgyal po chen po rang gis ji ltar spyad/ /srung ma nyug rum bcas par bud med rnams/ /bdag gi gnas su rang dgar lhags pa la/ /bdag gis nongs pa cung zad ci ltar bgyi/ /de ltar bkyon par gyur pa ga la srid/ /de ste bdag gis*nongs par gyur na yang/ /'on kyang rgyal pos bzod na mdzes par 'gyur/ /nus pa dag la bzod pa rgyan gyi mchog /yon tan rjes su srungs la mkhas par ston/ /bzod pas brgyan na ji ltar mdzes pa bzhin/ /gdong la 'od zer snang ba rna cha dang/ /rin chen sna tshogs 'od 'bar*cod pan rnams/ /de ltar rgyan du mdzes pa ma lags dgongs/ /rtag tu bsten du mi rung mi bzod thong/ /phan par gyur pa'i bzod pa bsrung bar rigs/ /dka' thub tshul du rgyal po 'ong na ni/ /des shing gus pa'i tshul du spyod par rigs/ /thub pa'i mchog des de lta bu'i tshig 'jam*pos gdams kyang/ rgyal po de mi bsrun pas blo nyams pa'i phyir de la rnam pa gzhan du dogs nas/ yang smras pa/ dka' thub can ltar khyod kyis ma bcos la/ /rang gi sdom la gal te gnas na ni/ /bzod pa'i man ngag bstan par snyad btags nas/ /ci phyir nga la mi 'jigs*sbyin par gsol/ /byang chub sems dpas smras pa/ rgyal po chen po ci phyir bdag nyid 'di ltar bgyis pa gsan du gsol/ bram ze las rab tu byung ba nyes pa med par rgyal pos bsad do zhes bdag gi slad du khyod kyi grags pa 'phyas bya bar 'gyur du dogs so/ /sems can*rnams ni 'chi 'gyur ba'i/ /tshul 'di nges pa nyid du gnas/ /bdag gi tshul la'ang rjes bltas nas/ /bdag ni de bas shis mi

'jigs/ /phyi nas chos kyi bden pa la/ /de ltar byas na gnod du dogs/ /bde ba thob la phan pa yi/ /bzod pa de phyir khyod la smras/ /*bzod pa yon tan 'byung gnas yin/ /nyes pa rnams kyang zlog par byed/ /rab tu bzang po'i skyes bzhin du/ /dga' bas bdag ni bzod par smra/ /de nas rgyal po des tshig rab tu bden par smras kyang mi nyan par/ thub pa de'i tshig me tog dang 'dra ba la khros bzhin du*@1(&b drang srong mchog de la smras pa/ khyod bzod pa la dga' ba de ring ngas lta'o zhes smras nas/ thub pa de'i lag pa g yas pa cung zad bsgreng ste/ dgag pa'i phyir sor mo ni phra zhing ring ba bkram pa dang/ ral gri rnon pos padma'i rtsa ba bzhin du mkhrig ma bcad de/ de'i lag pa'i*mkhrig mar bcad pa na/ gcod pa po ni bde bar gnas pa las/ /phyis nas sdug bsngal mi bzod myong 'gyur ba'i/ /sdug bsngal ci ltar mi bzod sdug bsngal ba/ /de ltar bdag ni sdug bsngal ma gyur to/ /de nas byang chub sems dpas bsams pa/ ae ma ho ngo mtshar*byas kyis med/ /mi 'dis bdag la phan pa'i bsam pa las ni 'das/ /rjes su gdams pa'i snod du yang ma gyur gyi don med do snyam nas/ nad pa sman pas bor ba bzhin du de la mya ngan byas te cang mi zer bar 'dug go/ /de nas yang rgyal pos de la bsdigs nas smras pa/ de*ltar mthar gyis bcad na ni/ /khyod kyi lus ni med par 'gyur/ /ma rungs pa yi blo rnyed pa/ /tshul 'chos brtul zhugs 'di thod shig /de nas byang chub sems dpas/ de rjes su gdams su mi rung zhing 'di ltar ngan du byed par rig nas/ de la ci yang ma smras so/ /da*nas rgyal po des bdag nyid chen po de'i lag pa ya gcig dang dpung pa gnyis dang rna ba dang sna dang rkang pa gnyis kyad de bzhin du bcad do/ /de yi lus bcad 'gyel bar gyur na yang/ /lus kyi khog pa gnas pa'i mtha' shes shing/ /skye bo rnams la bzod pa goms gyur pas/ /*thub pa'i mchog de ma 'khrugs mya ngan med/ /lus de bcad par gyur kyang de yi sems/ /dge ba'i tshul bltas bzod pa gtan ma nyams/ /dga' ba'i tshul gyis sdug bsngal yong ma gyur/ /rgyal po chos nyams mthong nas mi dgar gyur/ /so sor brtags bzod snying rje can/*gzhan gyi sdug bsngal mi bzod pa/ /bdag gi sdug bsngal chen po yang/ /de tsam du ni gnod mi 'gyur/ /rgyal po de yis mi bzad las byas pas/ /de ma thag tu rims nad me bzhin 'bar/ /nags tshal nye ba'i nang nas tha mar byung/ /sa gas nang du de ma thag tu song/ /rgyal po de*@1('a */ /sags pas 'jigs pa'i sgra byung la/ me 'bar ba 'khrug pa de'i nang du song nas/ kho ra khor yug tu ku co 'don pa'i sgra chen po ni 'byin/ rgyal po'i 'khor ni rab tu 'khrug par gyur pa dang/ rgyal po'i blon po rnams kyis thub pa de'i dka' thub kyi mthu che*ba dang/ rgyal po de sa'i 'og tu song ba yang de las gyur par shes nas/ rgyal po de nyes pas drang srong 'dis ni mkhar dang yul 'di thams cad bsreg go snyam nas/ 'jigs shing dogs pa skyes nas/ drang srong de'i drung du lhags nas phyag byas nas bzod par gsol zhing thal mo sbyar*nas gsol ba gdab pa/ rgyal po blun zhing rab tu mi brtan pas/ /khyod ni 'di ltar ma rungs bgyis par gyur/ /de ni khyod kyi dmod pas mi shis song/ /mkhar 'di zhugs kyis bsreg par mi mdzad gsol/ /bud med byis pa rgan po nad pa sman/ /bram ze nyes pa med*pa bsreg mi rigs/ /de bas rgyal po 'di yi yul 'di kun/ /yon tan chos kyis rang gi phyogs bzhin bsrung/ /de nas mi de rnams la byang chub sems dpas dbugs phyung ste smras pa/ tshe dang ldan pa dag ma 'jigs shig /bdag ni nags na gnas pa la/ /nyes pa*med par ral gri yis/ /lag pa dang ni rkang pa dang/ /sna dang rna ba bcad gyur kyang/ /bdag lta bu yis ji ltar na/ /de la gnod par bsam par bya/ /rgyal po de ni tshe ring gyur/ /de la sdig tu ma gyur cig /'chi dang na ba'i sdug bsngal can/ /'dod chags zhe sdang dbang du*gyur/ /nyes par spyad pas tshig pa la/ /mya ngan byed mod ga la khro/ /gal te bcos su rung na de yi sdig /bdag la rnam par smin par gyur kyang rung/ /bde ba can la sdug bsngal rjes 'brang zhing/ /yun ring min yang mi bzad brnag mi nus/ /bdag la ban par mi shes*rgyal po de/ /de ltar tshig la bskyab par ma nus pa/ /bdag gis ma nus nyes pa de bor te/ /rgyal po la ni ci ltar 'khon du 'dzin/ /rgyal po grong na'ang 'chi la sogs pa yi/ /sdug bsngal skyes na kun gyis myong bar 'gyur/ /de bas skyel 'khon du bzung mi rigs/ /de med sdug*@1('b bsngal ci zhig ci las gyur/ /nags na gnas shing rab tu byung bar shes/ /bzod pa smra ba ring po mi thogs 'chi/ /ci phyir mi bzod skabs ni 'byed par byed/ /de bas ma 'jigs khyed cag bde bar dong/ /de ltar thub pa mchog gis rjes bstan pa/ /slob ma nyid du legs*par bzung bar byas/ /bzod la gnas pas bstan pa ma nyams par/ /bzod pa'i mthu yis mtho ris song bar gyur/ /de ltar thub pa las glengs nas bzod pa'i yon tan bsngags pa la yang brjod par bya'o/ /rgyal po de'i dpes mi brtan zhing mi bzod pa'i skyon bstan*pa la

yang brjod par bya'o/ /de ltar 'dod pa'i nyes dmigs kyi phyir nyes par spyad pas ngan song du ltung bar gyur to/ /zhes 'dod pa'i nyes dmigs kyi gtam la yang brjod par bya'o/ /'byor pa mi rtag par bstan pa la yang brjod par bya'o/ /bzod par skyes pa'i*rabs te nyi shu brgyad pa'o// //log par lta ba ni kha nam tho ba rab tu che ba'i phyir/ log par lta ba la zhen pa rnams la/ dam pa rnams kyis lhag par rjes su brtse bar bya ba rigs so/ /de yang 'di ltar bcom ldan 'das 'di byang chub sems dpar gyur pa'i tshe/*bsam gtan la goms par byas pa'i dge ba'i las kyi rnam par smin pa'i mthus/ tshangs pa'i 'jig rten du skyes so zhes grags so/ /de tshangs pa'i bde ba chen po bsam gtan gyi khyad par thob kyang tshe rabs snga ma la snying rje bya ba la goms par byas pas gzhan la phan par byed pa'i*yid la byed ba rtsol ba med par ma gyur to/ /yul gyi bde ba tsam gyi tshod kyis kyang/ /'jig rten rnams ni bag med dbang du gyur/ /dam pa rnams ni bsam gtan bde bas kyang/ /gzhan la phan par 'dod pa yong mi nyams/ /de nas re zhig cig bdag nyid chen po de 'dod*pa'i khams snying rje'i gnas su gyur pa/ sdug bsngal dang yid mi bde ba rnam pa sna tshogs brgya dang ldan pa/ gnod sems dang 'tshe ba mang po la bltas nas/ yul lus 'phags po'i rgyal po yan lag sbyin zhes bya ba bshes gnyen ngan pa brten pa'i skyon dang yang dag pa ma yin*@11(a */ /pa yid la byed pa 'dris pas log par lta ba stug po'i nang na 'khyams shing/ 'jig rten pha rol med pas dge ba dang mi dge ba'i las kyi rnam par smin pa lta ga la yod ces zer zhing des de ltar nges par byas nas/ chos spyod pa'i spro ba ni med/ sbyin*pa dang tshul khrims la sogs pa legs par spyad pa la ni rgyab kyis phyogs/ chos spyod pa rnams la ni brnyas par sems/ chos kyi gtsug lag rnams la ni dad pa med cing blo rtsub/ 'jig rten pha rol gyi gtam la ni 'phyas su 'dzin/ dge sbyong dang bram ze rnams la*ni dul ba dang bkur sti dang gus par bya ba la ni lhod par gyur to/ /'dod pa'i bde ba la gzhol bar gyur pa mthong ngo/ /dge dang mi dge'i las la 'jig rten pha rol tu/ /bde dang sdug bsngal 'byung bar rab tu nges byas nas/ /sdig pa spangs te dge ba'i las la rab tu 'bad//*dad pa med pa dag ni ji ltar 'dod par spyod/ /de nas bdag nyid chen po lha'i drang srong des/ rgyal po de lta ba ngan pa la zhen pas/ ngan song du lhung bar 'gyur ba/ 'jig rten rnams don med par gyur pa la snying rje skyes par gyur nas/ yul gyi bde ba la sems chags par gyur pa'i*rgyal po de/ gzhal med khang gtsad ma bzang po cig na 'dug pa de'i mdun du tshangs pa'i 'jig rten nas 'od 'bar zhing bab ste 'ong bar gyur to/ /de nas rgyal po des mi de mi'i phung po bzhin du 'bar/ glog mang po 'gyu ba bzhin du ni 'od gsal/ nyi ma'i 'od zer mang po ltar gzi*byin che zhing mdzes pa mthong nas/ de'i gzi byin gyis sems zil gyis gnon te rtab rtab por gyur nas/ de nas thal mo sbyar te langs nas gus par lta zhing 'di skad ces smras so/ /khyod kyi zhabs dang phyag mdzes padma bzhin/ /nam mkha' la yang sa bzhin yongs su 'dzin*par bgyid/ /'od zer 'bar ba nyi ma bzhin du gsal/ /blta na mdzes pa'i gzugs can khyod su zhig /byang chub sems dpas smras pa/ mnyam par gzhag pa'i sems kyis 'dod chags zhe sdang gnyis/ /dregs pa'i dgra rnams g yul ngo pham byas bzhin du bcom/ /*@11(b gang dag tshangs pa'i 'jig rten skyes par gyur pa yi/ /lha yi drang srong nang nas gcig ni bdag lags so/ /de skad smras pa dang/ rgyal po des gshegs pa legs so/ /zhes bya ba la sogs pa smras te/ de la mchod yon phul ba dang rkang pa bkrus pas bkur sti byas*nas/ de la ya mtshan can du bltas te smras pa/ 'phags pa khyod kyi rdzu 'phrul gyi mthu 'di lta bu ni ngo mtshar che'o/ /khang bzang rtsig pa dag la thogs med la/ /sa la 'gro ba bzhin du mkha' la'ang 'chag /glog gi 'od bzhin gzi brjid phun sum chogs/ /khyod kyi*rdzu 'phrul 'di ni ci thob smros/ /byang chub sems dpas smras pa/ bsam gtan tshul khrims dri ma med pa dang/ /dbang po rnams ni rab tu bsdams pa dang/ /srid pa gzhan la'ang goms par byas pa yi/ /de yi 'bras bu grub pa yin par 'dra'o/ /rgyal pos smras pa/*'jig rten pha rol ces zer ba 'di bden nam/ tshangs pas smras pa/ rgyal po chen po mang de 'jig rten pha rol mchis so/ /rgyal pos smras pa/ 'phags pa 'di bdag gis ci ltar yid ches par bgyi/ byang chub sems dpas smras pa/ rgyal po chen po 'di rab tu gsal te/*mngon sum la sogs pa'i rig pa'i tshad mas gzung du rung la/ yid gcugs pa'i tshig gis bstan pa dang/ brtag pa'i rim pas kyang yid ches par byar rung ngo/ /khyod gzigs su gsol/ nyi zla skar mas brgyan pa'i nam mkha' dang/ /dud 'gro brtag pa'i rnam pa mang*po 'di/ /'jig rten pha rol mngon sum bzhin du snang/ /'di la the tshom blo ngan khyod ma bskyed/ /bsam gtan goms byas dran pa gsal ba yis/ /tshe rabs dran pa'ang de dang de na yod/ /'jig rten pha rol

de la rjes su dpogs/ /da bdag las kyang mngon par mi 'gyur*ram/ /snga ma'i blo la phyi ma'i blo 'grub na/ /'jig rten pha rol yod par de las mngon/ /mngal na 'dug pa'i sngon rol blo de ni/ /de ma thag pa'i tshe rabs snga ma'i blo/ /shes bya rtogs par byed pa'i blo yin zer/ /de bas skye sogs blo ni yul yod gyur/ /mig sogs med*@111a */ /pas de ni tshe 'di min/ /de yi blo ni 'jig rten pha rol yin/ /skye dgu tshul khrims la sogs bye brag rnams/ /pha ma'i rang bzhin dag dang mi mthun snang/ /glo bur gyur pa gang yang grub pa med/ /de bas tshe rabs gzhan la goms de yin/ /blo yi mthu*stobs gsal ba med pa dang/ /dbang po rnams kyang blun pa'i rang bzhin can/ /bcas ma thag tu sus kyang ma bstan par/ /nu zho 'thung ba rtsol bar byed pa dang/ /kha zas bza' bar rtsol bar byed pa yang/ /srid pa gzhan la goms par byas pa mngon/ /de dang de 'dra'i*las la slob lobs pa/ /goms par byas pas mkhas par gyur par grub/ /de la 'jig rten pha rol yod par yid ches pa la ma 'dris pas khyed cag 'di ltar dogs pa skye yang srid/ padma rnams ni 'byed dang 'dzums pa dag /srid pa gzhan la spyod pa goms las gyur/ /de ltar*mi 'dod nu zho 'thung ba dag /tshe rabs snga ma'i goms las ci phyir 'dod/ /ces zer ba'i dogs pa de yang skyes pa mi rigs so/ /dus nges pa dang ma nges pa las 'gyur ba snang ba dang/ 'bad pa rigs pa dang mi rigs pa'i phyir te/ padma kha 'byed 'dzums la dus nges*yod/ /nu zho 'thung bar rtsol la dus nges med/ /padma mi rtsol nu zho 'thud bar rtsol/ /de bas padma kha bye nyi ma'i mthu/ /de bas na rgyal po legs par brtags na 'jig rten pha rol yod na yid yod par rung ngo/ /de nas rgyal po de leg par lta ba la blo zhen cing sdig che bas/*'jig rten pha rol yod pa'i gtam des nyams mi bde nas smras pa/ kye dang srong chen po/ 'jig rten pha rol gal te byis ba bsdigs tshul ma yin la/ /'di ni bdag gi yid ches bya bar gal te khyod sems na/ /'o na de ring 'dir ni gser srang lnga brgya nga la byin/ /de yi skyin po srid*pa gzhan du gser srang stong sbyin no/ /de nas byang chub sems dpas/ de spyi brtol che ba la goms shing 'dzem dogs med la/ log par lta ba'i dug gi sgregs pa dang 'dra ba'i mi rigs pa'i tshig de'i lan rigs pa'i tshul gyis smras pa/ 'di la'ang re zhig nor ni 'byor par 'dod pa*@111b yis/ /bdag nyid ngan pa dag la nor ni yong mi gtong/ /brkam dang mi mkhas le lo can la'ang nor mi gtong/ /de dag la ni btang na de nyid zad pa'i mthar/ /gang dag ngo tsha shes pa mngon pa dang/ /cho rigs btsun zhing nor spel mkhas pa dang/ /rab tu dbul yang bu*lon 'jal byed pa/ /de la byin na nor ni 'phel bar 'gyur/ /nor gtong tshul ni de ltar mkhyen par mdzod/ /'jig rten gzhan la bu lan 'jal bya ba/ /lta ba ngan pa spyod pa khyod la ni/ /nor rnams byin yang don ni med par 'gyur/ /lta ba ngan pa'i skyon gyur mi bzad pa'i//*bdag gi las kyis khyod ni dmyal bar ltung/ /sems nyams nad kyis gdungs par gyur pa la/ /gser srang stong gi phyir ni su zhig bskul/ /de na nyi zla'i 'od zer rnams kyis kyang/ /phyogs kyi nang du mun gyis g yogs mi snang/ /skar ma mang pos brgyan pa'i nam mkha'*yang/ /ku mud rgyas pa'i mtsho 'dra yong mi snang/ /med par lta ba tshe rabs phyi ma la/ /gnas pa de na mun nag rlung grang ldang/ /des ni rus pa'ang 'jig pa'i nad slong na/ /bdag la phan 'dod su zhig de ru 'jug /mun nag 'thibs po du ba dku ba yi/ /dmyal ba'i*nang na kha cig yun ring gnas/ /rang gi pags pa'i 'breng bas drangs par snang/ /phan tshun brngos te snad pas 'o dod 'bod/ /me mur 'bar ba'i dmyal ba gzhan dag ni/ /yang dang yang du rkang lag tshig bzhin du/ /de las thar bar 'dod phyir phyogs su rgyug /mi dge*ma byang bar du tshe mi 'da'/ /la la gshin rje'i gshed ma ma rungs pas/ /shing mkhan bzhin du yan lag gshags pa ni/ /ljon shing rlon pa dag la skabs rnyed bzhin/ /mtshon cha rnon pos rab tu gtubs shing gshags/ /de bzhin gzhan dag dum bur rab tu gtubs/ /*pags pa bshus pa'i sdug bsngal mi bzad myong/ /sha rnams btogs pas kha cig rus pa tsam/ /rang gi sdig gis srog ni chad mi 'gyur/ /kha cig 'bar ba'i srab kyis kha bsrabs nas/ /lcags kyis gzhi rab tu 'bar ba la/ /glang lcag me ltar 'bar bas*@112a */ /dbang med byas/ /rab tu 'bar ba'i shing rta 'dren cing 'khod/ /bsdus 'joms ri yis kha cig lus kyang gzir/ /de yis brdzis pas phye mar lhags gyur kyang/ /sdig pa'i las rnams ma zad par du ni/ /sdug bsngal rgyun chags che*yang yong mi 'chi/ /lcags gtun rab tu 'bar ba'i nang dag tu/ /lcags kyi bla gtun rab tu 'bar ba yis/ /lo grangs lnga brgyar tshang gi bar du ni/ /phye mar btags kyang da rung srog mi 'dor/ /byi ru bzhin du rab 'bar shing dag gi /lcags kyi tsher ma 'bar zhing rtsub pa*la/ /gshin rje'i gshed po khro bas mgon med par/ /steng dang 'og tu rab tu drangs shing bsdus/ /la la me mdag phung po chen po ni/ /btso ma'i gser ltar rab tu 'bar ba

na/ /bdag gis las ngan spyad pa'i 'bras bu myong/ /'gre ldog du 'bod tsam gyi mthu la brten/ /*kha cig sa gzhi rab tu 'bar ba la/ /phur pa brgya yis lce yang rab tu brgyangs/ /mi bzad nad kyis lus gzir sgra yang 'byin/ /de dag de tshe 'jig rten pha rol shes/ /lcags kyi leb ma 'bar bas kha cig dkris/ /gzhan dag lcags kyi rdza chen nang du bskol/ /la la*mtshon rnon char 'bab lus kyang dmyal/ /gcan gzan khro bos sha lpags zad par btogs/ /kha cig me 'bar tsha bas gdungs gyur nas/ /chu bo brgal dka' rtsub mo'i nang du 'jug /de na de rnams sha ni myags par 'gyur/ /ngan spyod mthus bzung srog ni chad mi 'gyur/ /*gzhan dag tshabs rab tu gdungs gyur nas/ /mi gtsang ro myags khrod la 'tsho snyam ste/ /zhugs nas sdug bsngal mtshungs med de na myong/ /srin bu mang pos lus dang rus pa bshig /kha cig me yi nang du lus 'bar zhing/ /rab tu tsha ba'i sdug bsngal yun ring myong/ /me 'bar*nang na lcags bsreg 'drar gyur kyang/ /rang gi las kyis thal bar lhags mi 'gyur/ /gzhan dag sogs le 'bar bas dra zhing kha cig spu gri rnon pos gtub/ /la la lcags kyi tho bas mgo bcom mya ngan gdungs shing 'o dod 'bod/ /kha cig gsal shing chen pos lus brgyangs du ba*@112b med pa'i me la rab tu bsreg /gzhan yang lcags kyi khu ba ma ltar 'bar ba blud nas mkhun sgra 'byin/ /la la sna tshogs khyi rnams stobs chen gyis/ /mche ba rnon po'i so yis rab tu 'drad/ /lus kyi sha rnams btogs pas srab mor gyur/ /dman pa'i sgra 'byin*gcom chung du zhing 'gyel/ /dmyal ba mi bzad de lta bu ni mi bde ba/ /bdag gi las kyis 'phangs nas myong ba de yi tshe/ /mya ngan sems gdungs 'jigs shing nyam thag gyur pa la/ /de tshe su zhig khyod la bu lon ded du 'gro/ /lcags kyi rdza chen rab tu me 'bar rnyed dka' ba/ /*ma bzad nang na 'gro ngan lus rnams slong gyur cing/ /rab tu bskol ba'i shugs kyis dbang med rnam par 'gyur/ /de tshe su zhig khyod la bu lon ded du 'gro/ /sa gzhi me 'bar du ba med pa ser po la/ /lcags kyi phur pa me 'bar brgya yis lus brgyangs nas/ /rab tu*lus bsregs snying rjer rung bar du ba na/ /de tshe khyod la su zhig bu lon ded du 'gro/ /rab tu mnar ba'i gnas na 'dug pa na/ /de tshe sdug bsngal chen po myong 'gyur bas/ /tshig gi lan kyang smra bar mi nus na/ /de tshe khyod la su zhig bu lon ded du 'gro/ /khu yug rlung gis rab tu*bdas gyur zhing/ /mkhun pa'i sgra yang 'byin par mi nus pas/ /rus pa'i rgya zhig phongs pa'i sgra 'byin pa/ /phyi ma'i tshe la su zhig nor ded yong/ /gshin rje'i gshed pos bsad par gyur pa'am/ /rab tu 'bar ba'i me yis tshig pa'am/ /sha dang khrag rnams khyer zhing za*bas na/ /su zhig khyod la nor slong sdug bsngal myong/ /bsad dang bcad dang gshags dang brdeg pa dang/ /bsreg dang bzhog dang brdung dang gzhig pa dang/ /gnod pa mang pos rtag tu sdug bsngal na/ /de tshe ji ltar nga la bu lon btsal/ /de nas rgyal pho des sems can*dmyal ba'i gtam rab tu 'jigs su rung ba de thos nas mi dga' bar gyur te/ log par lta ba la rjes su chags pa ni btang/ 'jig rten pha rol yod par yid ches par gyur nas/ drang srong chen po de la phyag 'tshal te smras pa/ /dmyal ba'i sdug bsngal bdag gis thos nas su//*@11!a */ /bdag gi yid ni 'jigs pas rnam par skrag /de dag bdag gis ji ltar myong gyur snyam/ /rnam rtog me yis bdag ni bsregs pa bzhin/ /bdag gi sems ni lta ngan lhung gyur zhing/ /yun ring ma mthong ngan pa'i lam du song/ /'di la*dge ba'i gnas su khyod kyis mthong/ /thub pa khyod ni bdag gi mgon dang skyabs/ /bdag gi lta ngan mun pa khyod kyis bsal/ /nyi ma shar bas mun nag bsal ba bzhin/ /gang gis bdag ni ngan 'gror mi ltung ba/ /de 'dra'i lam ni bdag la bshad du gsol/ /de nas*byang chub sems dpas rgyal po de yid mi dga' bar gyur te lta ba drang por gyur nas chos bsgrub nus pa'i snod du gyur pa mthong nas/ pha bu la snying brtse ba dang/ slob dpon slob ma la snying brtse ba bzhin du 'di ltar rjes su bstan to/ /sngon gyi rgyal po yon tan dga' ba rnams/ /*slob ma mchog tshul dge sbyong bram ze dang/ /'bangs la'ang ngang tshul snying rje ldan bstan pa/ /grags ldan de ni mtho ris 'gro ba'i lam/ /de bas chos min thub dga' thub byed cing/ /ser sna dor dka' ring du bor nas su/ /lha dbang pho brang gser gyi rta babs can/ /rin chen mchog*'bar de ni 'bar bzhin song/ /yang dag lta la khyod yid 'dris par gyis/ /skye bo mchog rnams lta ba blo gnas te/ /byis pa dga' byed skye bo'i lta ba spongs/ /chos nyid nges pa gang dag bstan la rtogs/ /da ni khyod kyis yang dag lta dge zhing/ /rgyal po'i tshul gyis 'gro bar 'dod*par gyis/ /yon tan mi dga' sems de med par byos/ /de nyid sems kyi go 'phang lam du gyur/ /de bas yon tan bsgrub pa'i dbyig tu byos/ /bdag dang gzhan la phan 'dod snying rje bskyed/ /tshul khrims brtan zhing dbang po rab tu sdoms/ /de yis phyi ma'i tshe la khyod mi

sdug /*rang gi bsod nams rgyal po'i dpal gyi gzi/ /mdza' bshes rnams la rab gsal yid 'ong dka'/ /grags pa snyan pas 'gro ba'i sdug bsngal bsal/ /bdag gi don dang ldan pa'i phan pa spyod/ /khyod 'dir bkur sti spyin pa'i shing rta dag /rang lus yon tan 'byung pa'i shing rta*@11!b nyid/ /mig rtsub mig ldan sbyin dul 'khor lo can/ /bsod nams 'dod pa'i shing rta'i mda' dang ldan/ /dbang po dul rta dran pa'i srab skyogs can/ /blo gros lcags ldan thos pa rgya chen brtson/ /ngo tsha yo byad ngan grogs mdzes pas bcings/ /bzod pa'i gnya' shing des*'gro brtan pas brtan/ /tshig ngan bsdoms pas mi snyan sgra mi 'byin/ /yid 'ong tshig tsam smra bas zab pa'i sgra/ /gdams pa ma zhig pas na mtshams ma byed/ /spyod pa ngan pa'i gya gyu spangs pas drangs/ /theg pa 'di dang grags pa'i ru mtshon dang/ /snying rje bskyal zhing zhi*ba'i rgyal mtshan mtho/ /bdag dang gzhan don ma rmongs gsal spyod pas/ /rgyal po nam yang dmyal bar yong mi ltung/ /de ltar bdag nyid chen po nges/ rgyal po de'i lta ba log pa'i mun nag de tshig gsal ba'i nyi ma shar bas bsal nas/ de la bde 'gro'i lam yang*bstan te/ de nyid du mi snang bar gyur to/ /de nas rgyal po 'jig rten pha rol yod pa'i don yang dag par ni rtogs yang dag pa'i lta ba'i sems ni rnyed nas/ blon po dang pho brang 'khor gyi mi dang bcas pa dag sbyin pa dang dul ba dang sdom pa la gzhol bar gyur to/ /de lta bas na log par*lta ba ni kha na ma tho ba rab tu che ba'i phyir/ log par lta ba la zhen pa rnams la dam pa rnams kyis lhag par rjes su brtse bar bya bar rigs so/ /de bzhin du dam pa'i chos yongs su rdzogs par mnyan pa ni dad pa yongs su rdzogs par byed par 'gyur ro/ /zhes kyang sbyar bar bya'o/ /*de bzhin du gzhin las chos mnyan na yang dag pa'i lta ba skye ba'i rkyen du 'gyur ro/ /zhes sbyar bar bya'o/ /de ltar na skyes bu dam pa rnams ni brnyas thabs byas kyang bzod pa la goms par byas pas de la phan pa'i man ngag ston par byed kyi tshig rtsub mo ni mi smra'o/ /zhes de bzhin*gshegs pa rnams kyi yon tan bsngags pa la yang brjod par bya'o/ /skyo zhing yid 'byung bar byas nas myur du legs pa'i lam la phyogs par 'gyur ba'i phyir/ skyo zhing yid 'byung bar bya ba'i gtam bya ba la brjod par bya'o/ /tshangs par skyes pa'i rabs te nyi shu dgu*@11"a */ /pa'o// //bam po bcu gcig pa/ dge ba rnams ni phyis gzhan la phan par 'gyur na/ sdug bsngal yang khe rnyed pa dang 'dra bar sems so/ /de yang 'di ltar byang chub sems dpa' glang po che'i nags tshal shing ljon pa gzhon nu bzang*po'i rtse mo me tog dang 'bras bu dang shing lor ldan pa rnams kyis de dang de dag tu brgyan pa bzhin du 'dug pa/ ldum bu dang/ shing gel ba dang/ rtsa ba rnam pa sna tshogs kyis khebs pa'i sa phyogs na/ ri'i ljongs rnams na nags tshal nyams dga' ba la snying chags nas gzhan*du g yeng ba med par gnas bcas pa bzhin du ni 'dug /nags na rgyu ba rnams kyi gnas su ni gyur/ mtsho zab mo rgya chen pos ni dgon pa dang bcas par byas/ shing dang rts)a dang chu med pa'i mya ngam dgon pa chen pos khor khor yug tu bskor bas yul dang ljongs thag ring du*gyur pa zhig na/ glang po che lus chen po gcig pu rgyu ba zhig tu gyur to/ /zhes grags so/ /de de na shing lo dang/ padma'i rtsa ba dang/ chu tsam gyis 'tsho zhing chog shes pa dang/ zhi bas dka' thub can bzhin du dga' bar gnas so/ /de nas re zhig cig sems*dpa' chen po de nags tshal de'i mtha' nas rgyu zhing song song ba las/ mya ngam dgon pa na mi'i sgra cig thos pa dang des bsams pa/ 'di ci zhig sa phyogs 'di na yul du rgyu ba'i lam ni ci yang med/ mya ngam dgon pa chen po 'di lta bur brgal te ri d)ags bshor ba yang*mi rigs na tshegs chen po byung ste/ sha thang shing bdag cag glang po che'i khyu nas 'dzin pa lta smos kyang ci dgos te 'ong ba mi rigs na gor ma chag par 'di dag ni phyogs slad nas lam nor ba cig yin nam/ de dag gis mi rigs par byas nas/ rgyal po khros te spyugs pa*dag cig yin pa 'dra ste/ 'di ltar 'di dag gcom chung zhing/ /dga' ba'i skad gsang mthon po nyams/ /rab tu nyam thag phongs pa'i sgra/ /'ba' zhig du ba bzhin du grag /de bas na 'di ci yin re zhig brtag par bya'o snyam nas/ bdag nyid chen po de snying rje chen*@11"b pos drangs nas/ mi'i sgra gang na grag pa de logs su song ste/ smre sngags 'don pa'i tshig dang mi 'gal zhing mya ngan byed pa'i tshig gis du ba'i sgra nyan cing snying rjes sems bskul nas/ sems dpa' chen po de der rings par song ste nags tshal stug po de nas byung*ba dang/ sa phyogs de na shing dang tshang tshing med pas rgyang ring por bltas pa na/ mi bdun brgya tsam cig bkres pa dang/ skom pa dang/ ngal bas nyen pa dag nags tshal de logs su'ong ba mthong ngo/ /mi de dag gis kyang sems dpa' chen po de dag gangs ri'i rtse*mo 'gro shes pa'am/ ston ka'i sprin nam/ na

bun gyi tshogs rlung gis bskyod pa bzhin tshur 'ong ba mthong ngo/ /mthong nas kyang skrag cing mi dga' ste/ da ni bdag cag rnams bsad do snyam nas yid skrag par gyur kyang bkres pa dang/ skom pa dang/ ngal bas*sgyid lug pas phyir 'bros ma nus so/ /de dag rab tu 'jigs gyur kyang/ /bkres skom ngal bas nyams smad cing/ /mi dga' 'jigs pas spa gum pas/ /'bros pa rtsol ni ma nus so/ /de nas byang chub sems dpas de dag skrag par rig nas/ nga*las khyod rnams la 'jigs pa mi 'byung gi/ ma 'jigs shig ma 'jigs shig ces glang po che sna mdog cung zad dmar zhing snum pa bsgrengs pas dbugs phyung ste/ drung du phyin nas snying rje ba bzhin du dris pa/ khyed cag su yin ci yi phyir/ /'di ltar gyur cing 'di*na 'khod/ /rdul dang nyi ma'i 'od zer gyis/ /kha dog nyams shing rid par gyur/ /mya ngan gdungs phongs khyod su yin/ /khyed cag gang nas 'dir lhags gyur/ /de nas mi de dag mi'i skad du smra zhing mi 'jigs pa sbyin par khas len pas dga' bar byed pa des*sems brtas par gyur te de la phyag 'tshal nas smras pa/ glang chen rgyal po bdag cag ni/ /rgyal po khros pa'i rlung langs pas/ /gnyen bshes mya ngan gdungs bzhin du/ /'dir ni bskrad de btang ba la/ /gnyen bshes pas kyang lhag gyur pa/ /khyod kyis bdag*@11#a */ /cag gzigs pas na/ /bdag cag skal ba lhag ma mchis/ /lha dpal mngon du gyur par nges/ /khyed kyi spyan sngar bab pas na/ /phongs pa 'di las thar bar 'gyur/ /rmi lam du yang khyod mthong na/ /phongs las mi thar su zhig mchis/ /*de nas glang po che des mi de rnams la 'di na khyed cag du tsam yod ces dris pa dang/ mi de rnams kyis smras pa/ yid 'ong sku ldan bdag cag stong tsam cig /sa yi bdag pos 'dir ni spyugs pa la/ /de las phal cher sdug bsngal ma myong bas/ /bkres dang skom*pas gdungs nas gum par gyur/ /glang chen gtso bo bdag cag 'di na ni/ /mi yi lhag ma bdun brgya tsam cig mchis/ /'chi bdag kha yi nang du mchis pa las/ /khyod ni dbugs 'byin lus dang 'dra bar gshegs/ /de skad thos nas sems dpa' chen po de*snying rje la goms pas mya ngan byed cing mchi ma phyung ste/ de dag la 'di skad smras so/ /kye ma ho khyed cag nyon mongs ngo mtshar byas kyis med/ /snying rje med cing kyi hud 'dzem pa med/ /rgyal po'i blo ni phyi tshe mi sems shing/ /rgyal po'i dpal yang glog ltar mi brtan*zhing/ /bdag la phan sems med pas dbang po 'phrog /'chi bdag de'u re 'ong ba de me sems/ /sdig pa'i mtha' yang ring bar ma thos sam/ /rnam rtog zhen pas tshig gis gdams su med/ /rgyal po nyon mongs rab tu mgon med gyur/ /nad kyi gzhir gyur chud*za ba'i/ /'di ltar lus 'di gcig bu'i phyir/ /sems can rnams la snying mi brtse/ /kyi hud gti mug 'di ci rung/ /de nas glang po che'i bdag po des mi de rnams snying rje zhing byams pa'i sems kyis bsams pa/ 'di rnams 'di ltar bkres pa dang skom pa dang ngal bas*nyam thag par ni gyur/ lus ni rid cing nyam chung bas/ /mya ngam gyi dgon pa dpag tshad du ma yod pa chu med cing grib ma med pa 'di las lam brgyags kyang med par ci ltar thar bar 'gyur/ glang po che'i nags tshal na yang 'di rnams nyin gcig tsam nyon ma mongs par gnas*@11#b su rung ba yang ci yang med na ci ltar bya/ nga'i shas 'di rnams kyi lam brgyags byas te/ nga'i rgyu mas kyang rkyal pa bzhin du chu snod byas nas/ gdod mya ngam gyi dgon pa 'di las thar bar 'gyur gyis/ thabs gzhan ni med do snyam nas/ de bas nad mang brgya yi gnas/ /*lus 'di sdug bsngal nyam thag pa/ /'di rnams phongs las bsgral ba yi/ /gzings su gyur pa bdag gis bya/ /mi yi lus su skyes pa yis/ /mtho ris thar pa'i bde ba thob/ /'di dag de ltar gyur pa la/ /phan 'dogs nus pa'ang shin tu dkon/ /bdag gi spyod*yul gnas su lhags par gyur/ /'di 'dra'i mgron kyang bsod nams byas pas thob/ /gnyen dang bral bas phongs shing nyam thag gyur/ /de bas bdag gis lhag par bskyab par rigs/ /lus zhes bya ba 'di ni don med mang/ /yun ring bar du sdug bsngal mang ba'i*gnas/ /rtag tu na bas nyon mongs mang po'i gzhi/ /gzhan gyi don du phan na spyad par rigs/ /de nas de dag las kha cig ni bkres pa dang skom pa dang/ ngal ba dang tsha ba'i sdug bsngal gyis lus nyam thag nas thal mo sbyar te/ mig mchi mas gang bzhin du phyag*'tshal zhing phongs nas lag brdas chu bslang ba ni/ bdag cag mgon med khyod mgon lags/ /khyod ni bdag cag skyabs dang rten/ /skal ba chen po ci rigs par/ /bdag cag rab tu bskyab par rigs/ /zhes kha cig de la snying rje rje skad du smras so/ /gzhan dag ni*sems rab tu brtan pas chu gang na yod pa'i sa phyogs dang/ mya ngam dgon pa bgrod dka' ba brgal ba'i lam dris te/ mtsho'i gnas sam chu bsil klung yang rung/ /g ya' chab bsil ma gang na yod kyang rung/ /grib shing zlum po'am bsil la sngon po'ang rung/ /glang*chen bdag po bdag la bstan du gsol/ /dgon pa 'di las gang dag na/ /thar bar nus

par 'gyur ba de/ /thugs ni brtse bar mdzad nas su/ /phyogs de bstan na rab tu legs/ /mya ngam dgon na yun ring du/ /bdag cag 'khyams shing mchis pa la/ /mdza'*@11$a */ /bo khyod kyis bsgral bar gsol/ /zhes smras pa dang/ de nas bdag nyid chen po des/ de dag gis snying rje rje skad du gsol ba btab pa de dag gis sems rab tu brlan par gyur nas/ mya ngam dgon pa de las thar bar 'gyur pa'i ri zhig yod pa de/*de dag la bstan pa'i phyir/ glang po che'i sna sprul chen po'i mgo bo'i gdengs ka 'dra ba brkyang ste smras pa/ ri 'di'i drung na mtsho chen po me tog padma dang autpa las brgyan pa/ chu gtsang mas gang ba zhig yod de/ de bas na lam 'di nas song la/ der yang tsha ba skom pa ngoms*shing ngal sos par gyis la/ de dang mi ring ba zhig na ri de'i kha nas lhung ba'i glang po che'i ro cig yod kyis/ de'i shas lam brgyags gyis la/ de'i rgyu mas rkyal pa bzhin du chu snod byas te chu long la/ sa phyogs 'di nas dengs shig dang/ mya ngam dgon pa 'di las thar bar*'gyur gyis khyed rnams lam 'di nas phar dengs shig ces smras nas/ bdag nyid chen po des mi de rnams dbugs phyung ste/ de nas gyes te lam gzhan cig nas song ste/ ri de'i khar 'dzeg nas/ skye bo rnams bsgral ba'i phyir/ de nas rang gi lus por ba na/ smon*lam 'di ltar btab par nges so/ /bdag gis 'di byas bde 'gro thob phyir min/ /mi dbang rgyal srid gdugs gcig dpal phyir min/ /mtho ris bde mchog myong ba'i phyir ma yin/ /tshangs pa'i dpal dang thar pa'i bde phyir min/ /mya ngam dgon par 'khyams pa'i skye bo*'di/ /bdag gis bsgral pa'i bsod nams yod na ni/ /de yis 'khor ba'i dgon par 'khyams pa yi/ /'jig rten rnams ni sgrol bar nus par shog /bdag nyid chen po des de ltar nges par byas nas rab tu dga' ba'i shugs kyis rang gi lus g yang sa na lhung ste/ zhig*nas 'chi ba'i sdug bsngal la mi lta bar ri de'i kha nas rang gi lus sa phyogs der bor ro/ /de nas de lhung ston ka'i sprin bzhin mdzes par gyur/ /zla ba'i dkyil 'khor nub kyi ri khar nub pa bzhin/ /khyung gi 'dab ma bskyod pa'i rlung gis bskyod pa yis/ /gangs ri rtse mos*@11$b stod g yogs lhung bar gyur pa bzhin/ /de nas sa dang ri rnams g yos par gyur/ /bdag por bsnyems pa'i bdud kyi sems kyang 'dar/ /gnam grum sgra bzhin sa la lhung bar gyur/ /nags tshal 'khri shing lha rnams 'dud par gyur/ /nags tshal de na gnas pa'i*lha rnams ni/ /de tshe nges par ya mtshan skyes par gyur/ /rab tu dga' nas spu langs nam mkha' la/ /lag pa bsgrengs nas mdzub mos bstan par gyur/ /kha cig tsan dan phye mas bsgos pa yi/ /me tog dri zhim rnams kyis rtag tu 'thor/ /la la ma btags*stod g yogs gser gyis brgyan/ /rgyan rnams kyis ni de la mchod par byed/ /de bzhin gzhan dag dad pas bstod pa dang/ /thal mo sbyar ba padma kha 'bus 'dra/ /cod pan mdzes ldan spyi bos btud pa yis/ /de la phyag 'chal mchod pa byed par*gyur/ /kha cig mtsho rlabs 'khrugs par byed pa'i rlung/ /me tog dri zhim ngad dang ldan pa yis/ /de la bsil g yab byed cing gzhan dag ni/ /sprin gyi bla re stug po 'dra bar byed/ /la la dad pas de la mchod pa'i phyir/ /lha yi rnga sgras nam mkha' dgod par*byed/ /gzhan dag der ni ljon shing me tog dang/ /'bras bu lo mar ldan pas brgyan par byed/ /phyogs rnams ston ka'i mdangs bzang mdzes par gyur/ /nyi ma'i zer yang sngon pos gsal ba 'dra/ /rgya mtsho de yang dangs la rlabs bskyod nas/ /dga' bas*de yi drung du 'ongs pa 'dra/ /de nas mi de dag mthar gyis song song ba las mtsho de'i drung du phyin nas der tsha ba dang/ skom pa dang/ ngal bzhi bar gyur pa dang/ bdag nyid chen po des ji skad bstan pa bzhin du/ de dang mi ring ba cig na glang po che zhig shi nas ring por ma*lon pa'i ro zhig 'dug pa mthong ngo/ /de dag gis bsams pa/ ae ma ho glang po che 'di/ glang po che'i bdag po de yang re 'dra ba zhig go/ /'di ni glang chen mchog de'i spun zhig gam/ /gnyen zhig yin nam yang na bu yin no/ /'di ltar/ phye mar lhags kyang 'di yi*@11%a */ /gzugs/ /gangs ri dkar po 'dra bar snang/ /me tog ku mud spungs ltar mdzes/ /zla ba'i 'od zer spungs pa bzhin/ /'di ni de yi gzugs brnyan zhig /me long nang na 'dug pa 'dra/ /de nas mi de dag gi nang nas rab tu mdzangs pa*kha cig gis brtags nas bsams pa/ 'di ni phyogs kyi glang po'i gzugs mchog dang 'dra ba'i glang po che de nyid yin gor ma chag ste/ bdag cag gnyen bshes med pa phongs shing nyam thag pa rnams bsgral ba'i phyir ri 'di'i kha nas lus bor ba snyam/ gnam grus*sgra skad gang grag dang/ /sa yang g yos bzhin du gyur pa/ /bdag cag rnams kyis thos pa ste/ /nges par 'di nyid lhung ba yin/ /lus 'di padma'i rtsa ba dkar po de nyid 'dra/ /zla ba'i 'od ltar lus kyi spu dkar thig le mdzes/ /sen mo rus sbal dbyibs 'dra/*dkar zhing rkang lag dkar/ /rgyab bshul gzhu ltar sku zhing mdzes pa de nyid yin/ /myos pa'i dbyes can gdong de de nyid yin/ /ngo phel

chen po dri zhim rab tu mdzes/ /mgo gtsug mtho mdzes lcags kyu'i rma yang med/ /mjing pa stug po de yang 'di nyid yin/ /*pa snyems pas gad pa bsnyogs pa'i mtshan ma can/ /mche ba mdog dkar de gnyis 'di nyid yin/ /gang gis bdag cag lam 'di bstan pa yang/ /sor mo ring ba'i sna lag 'di nyid yin/ /kye ma'o 'di ni ngo mtshar rmad du che/ /bdag cag rnams kyi cho rigs dang/*tshul dang/ /dad pa ci 'dra sngon chad ma mthong bar/ /skal nyams nged la'ang 'di ltar sems byams na/ /gnyen bshes rnams la 'di ni ci 'dra zhig /skal ba chen po de la rnam pa thams cad du phyag 'tshal lo/ /phongs shing nyam thag 'jigs la mya ngan gdungs/ /*bdag cag rnams la 'di ltar phan 'dogs pa/ /glang po ltar snang 'di ni su zhig yin/ /ya rabs spyod tshul ma nyams gsal bar byed/ /spyod bzang 'di 'dra gang du bslab zhig gu/ /bla ma gang la gnas nas bsnyen bkur byas/ /yon tan med par gzugs*@11%b bzang mi 'gyur zhing/ /skye bo smra ba de ni 'di las sngon/ /ae ma ho rang bzhin 'phags pa phun sum tshogs/ /don bzhin bsgrub pa 'di yis bstan par gyur/ /'di ni shi bar gyur kyang bdag mgu bas/ /gangs ri 'dra ba'i lus mdzes rgod pa bzhin/ /de bas na de*ni 'di ltar su zhig gnyen bshes byams pa bas kyang lhag par byams pa phan 'dogs pa bdag cag la phan pa'i phyir/ rang gi srog stsal te/ rab tu legs par byed byed pa 'di'i sha za sus phod/ bdag cag gis 'di la mchod pa byed cing mer bsreg pa'i zhal ta*byas la drin lan blan pa rigs so snyam nas/ mi de rnams nye du shi ba bzhin du sems mya ngan gyis gdungs te/ mig ni mchi mas gang skad ni 'dzer ba la bltas nas/ sems brtan po kha cig gis don la brtags te smras pa/ de ltar byas pas glang po che*mchog 'di la bdag cag gis mchod cing bkur sti byas par mi 'gyur gyi/ 'di'i bsam pa rdzogs par byas nas/ 'di la bdag cag gis mchod pa byas par 'gyur ro snyam mo/ /bdag cag rnams ni bsgral ba'i phyir/ /sngon chad ma 'dris gnyin 'di yis/ /*rab tu phangs pa'i lus btang nas/ /rab tu gces pa'i mgron byas pas/ /de bas de yi bsam rdzogs par/ /bdag cag rnams kyis bya bar rigs/ /gzhan du byas na 'di lta bu/ /'di yis byas pa don med 'gyur/ /de yis byams te ci bdog pa/ /thams*cad mgron du byas pa 'di/ /bdag cag rnams kyis ma blangs na/ /de la ci zhig bkur sti byed/ /de bas de la bla ma bzhin/ /tshig ni mnyan par byas nas su/ /bkur sti chen po bya bar rigs/ /bdag cag rnams la'ang phan par 'gyur/ /sdug bsngal 'di las thar*nas chogs pa'am/ /so so nas ni glang po mchog 'di la/ /bshes gnyen 'das pa dag la mchod pa bzhin/ /bya ba thams cad bdag cag rnams kyis bya/ /de nas mi de rnams mya ngam dgon pa de nas thar par bya ba'i phyir glang po che'i bdag po de'i bsam pa yang dran*@11&a */ /par byas te/ de'i tshig mnyan nas sems dpa' chen po de'i sha rnams kyang blang/ de'i rgyu ma rnams kyis kyang rkyal pa bzhin du chu snod byas nas chu yang blangs te des bstan pa'i sa phyogs de nas song ste/ mya ngam dgon pa de nas thar te dong ngo/ /de lta*bas na dge ba rnams ni phyis gzhan la phan par 'gyur na/ sdug bsngal yang khe rnyed pa dang 'dra bar sems so zhes skye bo dge ba rnams kyi yon tan bsngags pa la'ang brjod par bya'o/ /de bzhin gshegs pa'i yon tan bsngags pa dang rim gro bskyed de dam pa'i chos mnyan*pa dang/ de ltar rang bzhin bzang po la goms par byas nas/ tshe rabs gzhan la yang rjes su 'brang bar 'gyur ro zhes rang bzhin bzang po bsgrub pa'i yon tan bsngags pa la yang brjod par bya'o/ /nor btong ba la goms par byas na bdag gi lus la phongs pa med pa*yang thags thogs med par gtong ngo zhes gtong ba la goms pa'i yon tan bsngags pa la yang brjod par bya'o/ /bcom ldan 'das yongs su mya ngan las 'das nas lha'i me tog dang sil snyan la sogs pas mchod pa'i tshe/ bcom ldan 'das kyis gang 'di skad du/*kun dga' bo de tsam gyis ni/ de bzhin gshegs pa la bkur sti byas par mi chud do zhes gsungs pa de yang 'di ltar bstan par bya ste/ de ltar bsam pa rdzogs par byas na mchod pa byas par 'gyur gyi/ spos dang phreng ba la sogs pa phul bas mchod pa byas par mi 'gyur*ro zhes bstan par bya'o/ /glang po cher skyes pa'i rabs te sum cu pa'o/ /sdom la/ /byang chub ngang pa byang chub che/ /spre'u ri d)ags sha ra bha/ /ru ru spre'u rgyal bzod par smra/ /tshangs dang glang chen de dang bcu/ /bcu tshan gsum pa'o// //skye bo dam pa rnams*dang 'phrad na ji ltar 'phrad kyang rung ste/ legs par 'gyur ba'i phyir/ legs par 'dod pa rnams kyis skye bo dam pa rnams la brten par bya'o/ /de yang 'di ltar bcom ldan 'das ni byang chub sems dpar gyur pa'i tshe/ ku ru'i rgyud rab tu grags pa'i rigs dang ldan/ yon*@11&b tan yongs su 'dzin par byed pas 'bangs rnams ni rang bzhin gyis glo ba nye ba/ gzi byin che bas rgyal phran dregs pa rnams ni phyag 'tshal bar gyur pa/ rgyal

po'i rigs dpal dang ldan pa cig tu skyes par gyur to zhes grags so/ /zla ba dang 'dra bar mthong nas dga'*ba yon tan gyi 'od zer brgya dang ldan pa'i bu de pha mas ming yang zla ba zhes btags so/ /de zla ba yar gyi ngo bzhin du nyin re zhing gzi byin je cher gyur te/ rim gyis rig byed yan lag dang bcas pa/ nye ba'i rig byed dang bcas pa la ni mkhas par gyur pa/ sgyu rtsal mchog dang*bcas pa'i sgyu rtsal rnams kyi go rims ni mthong bar gyur/ 'jig rten pa rnams ni rab tu dga' zhing gus par byed pa'i gnas su gyur/ legs par phan 'dogs shing nye bar bsdu ba la mkhas pa dang/ gus pa je che je cher gyur pa dang/ yongs su skyong ba la nges par*byed pa'i phyir/ 'gro ba rnams kyi gnyen dang 'dra bar gyur to/ /tshul khrims thos dang gtong dang snying rje dul/ /gzi byin bzod dang shes rab brtan dang byams/ /ma dregs ngo tsha byin che mdangs ldan grags/ /de la stobs chen stobs chen dag pa rnams/ /yon tan*de dang de dag yod pa ni/ /long tshor gyur pa'i rgyan gyis brgyan pa bzhin/ /rnam par dag cing rgya cher yid 'ong ba/ /zla ba'i 'od zer 'dra ba'i gnas su gyur/ /de nas de 'bangs rnams skyong nus pa dang ma 'jungs shing rang bzhin bzang ba'i phyir rgyal pos rgyal tshab kyi longs*spyod byed du bcug go/ /rab tu mkhas pas chos ldan legs smra rnams/ /de yi gnang chen bzhin du sdug par gyur/ /gang dag de la legs par smra ba de/ /mchod pa khyad par can gyis bkur sti byed/ /de nas bdag nyid chen po de re zhig cig grong khyer dang nye ba'i skyed mos*tshal dpyid kyi zla ba'i dus la bab pa'i mthus/ shing gi lo ma rnams ni mdzes shing 'jam par gyur/ me tog sdug gu kha 'bus pa rnams ni dgod pa bzhin/ sa gzhi rnams ni ne'u gsing sngon po gsar pa rnams kyis ri mor bkram pa bzhin du mdzes par byas/ chu gtsang ma*@11'a */ /rnams ni me tog padma dang/ autpa la'i 'dab mas khebs bung ba mang po rnams ni dga' ba'i sgra 'byin/ bya ko ki la dang/ rma bya rnams ni skra cher 'byin/ ser bu bsil ba'i dri zhim po nyams su bde ba dag ni dal bus ldang yid rab tu dga' bar*byed pa zhig nas dmag gi dpung rab tu mi mang ba zhig gis yongs su bskor te/ rtse ba'i phyir rgyu zhing song song ba las skyed mos tshal gzhan cig tu phyin to/ /de ni nags tshal ko ki'i sgra 'byin pa/ lding khong rgyan can yid 'ong skyed mos tshal/ /ljon shing sna tshogs me tog*g yur gyis dud/ /dga' ba'i tshal na lta zhing dga' dang spyod/ /bud med rnams ni glu dang rnga sgra snyan dang 'brel/ /'dzin la mkhas pa'i yan lag mdzes par bsgyur ba'i gar/ /bud med bzang mo mdzes pa chas pa de dag dang/ /skyed mos tshal bzang de na de ni*dga' bar gnas/ /de de na 'dug pa'i drung du bram ze legs par smra ba la mkhas pa zhig 'ongs te/ zhes dang phyag byas nas de'i gzugs bzang po la sems chags bzhin du der 'dug go/ /de nas sems dpa' chen po de de na lang tsho la bab cing bsod nams phun sum*tshogs pa'i mthu las byung ba'i rol mo byed pa rnams la lta zhing 'dug pa las bram ze 'ongs pas rab tu dga' bar ni gyur na/ des legs par smras pa/ thos pa dang der 'ongs pa'i don ma grub par glo bur du ca co chen po glu dang sil snyan gyi sgra'i bar chad du 'gyur ba rol mo'i dga' ba*la gnod pa/ bud med gzhon nu rnams 'jigs shing bag 'khums par byed pa zhig byung ba thos nas/ nyug rum pa rnams la 'di ci yin rtogs shig ces ched cher bsgos so/ /de nas de'i chab sgo ba rnams rtab rtab por gyur nas/ 'jigs shing skrag pas ngo 'dzum gnag ste/*myur du lhags nas gsol ba/ lha su d'a sa'i bu rkang bkra mi zan po de mi mang po za ba la goms pas gshin rje mngon sum du mchis pa bzhin du/ srin po bas kyang sems rtsub pa/ stobs dang mthu la sogs pa mi las lhag pa/ srin po bas kyang lhag par mi bzad pa 'jigs*@11'b pa/ mi rnams 'jigs par bgyid pa gzugs can bzhin du 'dir mchis te/ des skrag nas shing rta dang glang po che dang rta dang dmag mi mang po'i dpung yang brtan pa nyams te byer bar gyur cing mchis na/ lha de las ci legs par mdzad cing bka' gros mdzad pa'i dus*la bab po zhes gsol to/ /de nas byang chub sems dpas su d'a sa'i bu'i ngang chul gyi skyon dang spyod pa snga nas shes pas snying rjes de gso bar bsams te/ de'i ngang tshul ngan pa zhi bar bya ba'i mthu bdag la yod par shes pas/ su d'a sa'i bu 'dir 'ongs so zhes zer*ba gtam snyan pa thos pa bzhin du dga' bar gyur nas 'di skad smras par nges so/ /mi sha 'dod pas rgyal srid nyams par gyur/ /smyon par gyur pa bzhin du rang dbang med/ /rang gi chos btang bsod nams grags pa nyams/ /mya ngan bya ba'i gnas skabs*gnas pa la/ /bdag gis brgal ba'i go skabs ga la yod/ /de lta bu la 'jigs su 'ang ga la rung/ /'di ni 'thab mo brgal ba med par yang/ /de yi sdig pa sngon du gzhom par bya/ /bdag gis song ste rjes su bzung dgos la/ /bdag gi drung du kho bdag*'ongs pa la/ /de bas de la bdag gis

mgron byar dgos/ /dam pa rnams ni de ltar mgron yang byed/ /de nas des pho brang gi nang gi mi rnams la khyed rnams la ji ltar bsgos pa bzhin du legs par gyis shig ces bsgos nas btsun mo'i 'khor mi dga' zhing yid blong pas*mig mchi mas gang/ skad 'dzer zhing smra ba'i tshig ni 'khrul bzhin du lam 'gog pa rnams dbugs phyung ste slar bzlog nas ca co chen po gang na zer ba de logs su song ba dang/ su d'a sa'i bus gos dri ma can gyis rked pa bcings te mgo bo'i skra g yengs shing ring la rdul gyis*gos pa shing shun gyis thod ni bcings/ gdong ni kha spu ring po 'dzings pas ngam gnag par gyur la/ khros shing rngams pas mig ni bgrad cing 'jigs 'jigs ltar 'dug /ral gri dang phub ni phyar nas rgyal po'i dpung byer ba'i phyi bzhin du snyegs pa mthong nas/*@12(a */ /'jigs pa dang tsha mtshom med par/ k)a ye bu zla ba ni nga yin te 'di na 'dug gis/ mi sha za ba la zhugs pa'i bkren chos ngan pa des ci zhig bya/ slar log tshur la shog /su d'a sa'i bus kyang de skad 'bod pa'i sgra thos nas/ seng ge bzhin du*bsnyems pa dang bcas pas de nas slar log pa dang/ byang chub sems dpa' gcig pu phub dang mtshon cha yang med par rang bzhin gyis zhi bar snang ba mthong nas/ nga yang khyod nyid tshol zhes smras te/ 'dzem dogs dang tsham tshom med par rngam bzhin du de'i drung du brgyugs*te 'ongs nas phrag pa la bskyon te bros nas song ngo/ /byang chub sems dpas kyang de'i sems rngam zhing dregs pas g yengs pa la/ blo rtab rtab por gyur cing/ rgyal po'i dpung byed bas rab tu dga' bar yang gyur la/ dogs pa dang bcas par yang shes nas/*da cung zhig 'di bcos pa'i dus la ma bab po snyam nas btang snyoms su bzhag go/ /su d'a sa'i bu yang 'dod pa'i don grub pas rnyed pa chen po rnyed pa bzhin du yid rab tu dga' nas rang gi gnas rdzong/ mi rnams bsad pa'i keng rus mang pos gang/ /sa gzhi khrag*gis gsher bas rtsub rtsu bltar/ /ce sbyang kha 'bar mi snyan sgra sgrogs pa/ /khro tshig rtsub mos rab tu skrong pa bzhin/ /bya rgod kha nas lo ma dmar ba'i shing/ /ro mang bsregs pa'i du bas mdog 'gyur zhing/ /srin po yi d)ags gar byed ltas ngan 'jigs/ /mgron*pos rgyang nas mthong na mig bsgyur ba/ /de lta bu'i nang du song nas der byang chub sems dpa' bzhag ste/ de'i byad gzugs bzang po phun sum tshogs pa la chags nas/ mig bgrad de de la lta zhing ngal bso zhing 'dug go/ /de nas byang chub sems dpas bram ze legs par smra ba'i*skyes khyer te 'ong ba/ rim gro ma byas pa skyed mos tshal der slar 'ong du re zhing sdod pa de rjes su dran nas bsams pa/ kye ma'o mtshar cig byas kyis med/ /legs par smra ba'i skyes bu la/ /re ba'i sems kyis ring nas 'ongs/ /'di ltar bdag khrid thos nas su/ /*@12(b bram ze des ni ci byed cig /re thag chad pa'i mi yis sems bsregs te/ /mya ngan mi bzad chen pos gdungs gyur tam/ /bdag gi mya ngan byed cing shugs 'byin tam/ /rang gi skal ba chung zhes smad cing 'dug /byang chub sems dpa' des de snyam du sems shing*bram ze'i sdug bsngal gyis sems gdungs nas snying rje'i dbang gis mchi ma byung ngo/ /de nas su d'a sa'i bus byang chub sems dpa' mig mchi mas gang ba la bltas nas dgod cing smras pa/ khyod cung zhig sdod cig /yon tan mang po de dag gis/ /khyod ni rab tu brtan*zhes grags/ /'on kyang nga yi dbang gyur na/ /'di ltar mchi ma byung ngam ci/ /nyams nyes brtan pa don med 'gyur/ /mya ngan byung na thos mi phan/ /brdeg na g yo bar mi 'gyur ba'i/ /sems can de ni gang yang med/ /ces zer ba de re bden gyi/ de bas na drang por*khyod smros shig /srog gam sdug pa'am 'on te bde ba bsgrub pa'i nor/ /gnyen nam mi i bdag po rgyal srid mya ngan byed/ /bu la byams pa'i pha ni du ba 'am bu yang rung/ /dran nas khyod kyi mig ni mchim as gang bar 'gyur/ /byang chub sems pas smras pa/ srog dang*pha ma bu dang gnyen dang chud ma'i phyir yang ma yin la/ /bdag la mchi ma byung ba 'di ni dbang phyug bde ba dran pa'ang min/ /b ram ze legs par smra ba re bas 'ongs pa bdag khrid thos nas su/ /re thag chad pas nges par de gdungs dran nas bdag ni mchi ma byung/ /de bas bram*ze re thag chad pas sems dkrugs te/ /bkur sti'i chus bkrus gsal bar byas nas de las kyang/ /legs par smras pa'i bdud rtsi myod bar byas nas su/ /slad du 'ong ba'i bar du bdag ni btang du gsol/ /bdag gis bram ze'i drin la lan blan nas/ /khyod kyi*drin yang de nas len 'don du/ /'dir ni 'ongs nas khyod kyi mig gnyis kyis/ /rab tu dga' ba'i skabs phye ltar yang gzhug /'di ni bros pa'i thabs cig yin snyam du/ /sems shing yid la dogs pa ma bskyed cig /rgyal po bdag lta bu yi lam yang gzhan/ /skye*@121a */ /bo gzhan yang de ltar min par spyod/ /su d'a sa'i bus smras pa/ /de skad khyod kyis rab tu gus smras kyang/ /ji ltar byas kyang yid ches mi rung ngo/ /'chi bdag kha

nas thar te bde gnas pa/ /su zhig de ni slad du 'ong ba yod/ /'chi bdag*'jigs pa thar bar dka' las thar/ /rang gi khyim na bde bar gnas gyur pa/ /gang phyir khyod ni nga yi drung 'ongs pa/ /de yi rgyu ni ci zhig yod par smros/ /byang chub sems dpas smras pa/ /bdag 'dir slar 'ong ba'i rgyu chen po cig yod par yang khyod kyis yid*ches su mi rung ba ci yod/ ngas slar 'ong ngo zhes khas ma blangs sam/ de ltar mi ngan pa dang mgo bsnyams te dogs pa ma bskyed cig /nga ni bu zla ba zhes bya ba yin no/ /kha cig 'dod pa'i 'jigs pa 'am/ shir dogs pas bden par smra ba rts)a dang 'dra bar dor/ ya*rabs rnams ni bden pa srog dang 'dra/ /de bas rab tu phangs kyang de ni 'dor/ /bden pa med na tshe 'di'i bde ba'am/ /srog kyang ngan 'gro dag las bsrung mi nus/ /dga' ba grags dang bde ba'i 'byung gnas gang/ /bde ba su zhig de phyir spong par byed/ /gya gyu'i*tshul zhig gal te mthong gyur tam/ /legs par spyod pa gal te ma mthong ngo/ /de ltar bden pa yid ches mi 'gyur ba/ /nga la ci zhig khyod mthong dogs pa skye/ /khyod kyis nga ni gal te 'jigs gyur tam/ /bde la chags pas snying rje med gyur na/ /dpa' bar sems*shing gtum por spyod grags pa/ /phub bzung mtshon bzung drung du nga 'ong ngam/ /khyod dang bshes pa rang yang 'dod pa nyid/ /'di nas bram ze de yi don byas nas/ /slar yang bdag ni khyod kyi gan du 'ong/ /nged cag lta bu brdzun gyi tshig mi smra/ /de nas su d'a sa'i bus byang*chub sems dpa'i tshig de rang la bstod pa 'dra bas ma bzod nas bsams pa/ /'di ni bden par smras pa dang chos dang ldan par yang mngon na/ /de bas na re zhig 'di bden pa la dga' ba dang chos la dga' ba la lta'o/ /gzhan yang 'di med du zin yang rgyal rigs kyi bu*@121b brgya cam rang gi mthus rnyed pa bdag la yod kyis/ ji ltar khas blang ba bzhin du de dag gis 'byung po'i mchod sbyin bya'o snyam nas/ byang chub sems dpa' la smras pa/ 'on song shig khyod kyis bden par smra ba khas 'ches pa dang/ chos dang ldan par khas 'ches*par lta'o/ /song la bram ze de ci dang ci 'dod pa byos la slar myur du shog cig /nga yang khyod bsreg pa'i sta gon byed cing sdod do/ /de nas byang chub sems dpas de bzhin du bya'o zhes de'i tshig nyan nas rang gi khyim du song ngo/ /rang gi mi rnams kyang rab tu dga' bar*gyur to/ /bram ze de yang bkug ste de las tshigs su bcad pa bzhi thos so/ /des de thos nas legs par smras pas yid mgu nas sems dpa' chen po des/ bram ze de la mgu bar byas pa dang/ tshig snyan pa dang/ bkur sti byas nas tshigs su bcad pa gcig*gser srang stong stong gi thang du brtsis te/ ci 'dod pa'i nor gyis mchod par byas so/ /de nas de'i phas de la gnas ma yin par god tshabs che ba dgag pa'i bsam pas skabs shig tu gleng bslang ste tshig 'jam pos smras pa/ bu legs par smras pa la mchod pa yang ran*par byas na/ /legs par shes par bya bar rigs so/ /khyod kyis 'bangs mang po gso dgos la/ rgyal po'i dpal yang nor phun sum tshogs pa la ltos so/ /de bas na khyod la smra'o/ /legs par smras pa'i mchod pa mngan brgya/ /de bas mang na nus par mi 'gyur*te/ /sbyin pa drags na nor gyi dbang phyug gi /nor yang ji srid cig tu thub par 'gyur/ /nor dang rab tu ldan na bsgrub par nus/ /de dang mi ldan na ni bsgrub mi nus/ /nor med na ni rgyal po'i dpal de yang/ /dga' bar mi 'gyur smad 'tshong bud med bzhin/ /byang chub sems*dpas smras pa/ legs par smras pa rnams kyi ri thang cig /gal te nges par bcad du rung na ni/ /de yi rin du rgyal srid nyid kyang sbyin/ /khyod kyis 'gyod kyang smra bar ga la 'gyur/ /gang zhig thos nas yid ni dad gyur nas/ /legs par dga' la brtan pa nyid*@122a */ /du 'gyur/ /shes rab skye zhing gti mug med par 'gyur/ /rang gis shes kyang de nyid nyo bar rigs/ /thos pa gti mug mun sel sgron me yin/ /rkun po la sogs mi khyer nor gyi mchog /kun tu rmongs pa'i dgra 'joms mtshon cha yin/ /thabs*tshul man ngag ston pa'i grogs kyi mchog /phongs par gyur kyang mi 'gyur mdza' bo yin/ /gnod pa med pa'i mya ngan nad kyi sman/ /nyes pa chen po yi ni dpung 'joms pa/ /grags dang dpal gyi gter gyi mchog kyang yin/ /ya rabs rnams dang 'phrad na skyes kyi mchog /*tshogs kyi nang na mkhas pa dga' bar 'gyur/ /phas kyi rgol ba nyi ma'i 'od dang 'dra/ /'dren pa rnams kyang grags dang dregs pa sel/ /mi shes rnams kyang rab tu dga' gyur nas/ /mig dang bzhin mdangs rab tu gsal gyur cing/ /lag pa'i se gol mgu*byed rdeb pa yis/ /khyad par rab tu che ba rnam par sgrogs/ gtan tshigs don rnams rab tu gsal bar ston/ /gtsug lag lung rnams sna tshogs ston dang mtshungs/ /bsnyen zhing sbyangs pas yid du 'ong ba'i phyir/ /me tog phreng ba mar rnying bkram pa bzhin/ /dul*zhing rab tu gsal ba'i spobs pa bskyed/ /grags pa chen po 'phral du 'byung bar byed/ /smra lce ba der 'gyur khyad par can gyi

rgyu/ /thos pa'i dpal goms don gsal rtogs par 'gyur/ /thos dang ldan na 'gal ba med pa yi/ /'khor gsum lam la rab tu gnas*par 'gyur/ /thos pa'i rjes 'jug sgrub pa snying por byed/ /skye ba'i rdzong las tshegs chung thar bar 'gyur/ /de ltar thos pa yon tan du ma can/ /thos pa bdag gis skyes dang 'dra rnyed nas/ /nus bzhin du ni ji ltar mchod mi bgyi/ /khyod kyi bka' yang ci phyir bcag*mi 'gyur/ /skyon gyi lam du zhugs nas don med par/ /yon tan nyams par 'gyur ba thob 'gyur ba'i/ /rgyal srid spyod pa bdag la dgos pa med/ /de bas su d'a sa yi drung du 'gro/ /de nas de'i pha de de la byams pas rtab rtab por gyur nas/ zhes bskyed nas de la*@122b smras pa/ bu khyod nyid la phan pa'i phyir ngas khyod la de skad smras kyis/ de ltar mi dga' ma byed cig khyod kyi dgra rnams su d'a sa'i bu'i dbang du 'gro 'am/ 'on te de'i drung du 'gro ba khyod kyis khas blangs te/ bden pa bsrung ba'i phyir kha 'og tu lus 'khrud par*bya 'dod na de yang ngas mi gnang ngo/ /de ci'i phyir zhe na/ rang gi srog bsrung ba dang bla ma'i don du brdzun byas kyang sdig tu mi 'gyur bar rig byed mkhas pa dag gis bshad pa'i phyir/ de bas na brtsun spong ba la 'bad pas khyod la ci zhig bya/ srid dang 'dod pa nyid dang 'gal*ba'i chos la brten pa yang thabs dang tshul ma yin la sdug bsngal yin par rgyal po thabs dang tshul ma mkhas par smra'o/ /de bas na nged kyi sems gdungs par 'gyur ba dang/ rang gi don la yang mi lta bar khyod kyi ngan dus de thong shig /de ste gzhung lugs kyi chos dang*'gal bas gtam ngan pa dang yid dam bcas pa dang 'gal bar mi rigs so snyam nas khyod kyi yid la mi 'thad na yang khyod thar bar bya ba'i phyir nga'i dmag gi dpung rta dang/ glang po che dang/ shing rta dang/ rkang thang du ldan pa'i snying nye ba/ dgra thabs la mkhas shing*dpa' ba g yul ngo du ma las rgyal bar gyur pa'i dpung chen po 'jigs 'jigs ltar 'dug pa bshams zin gyis/ de bas na des yongs su bskor te song la/ de'i dbang du gyur pa las thar pa dang/ gshin rje'i dbang du gyur pa las kyang thar bar byas nas/*khas blangs pa yang kha 'og tu lus 'khrud par 'gyur la/ bdag kyang bsrung bar 'gyur ro/ /byang chub sems dpas smras pa/ lha khas blangs las gzhan du bgyid pa'i rdo mi thogs so/ /rnam pa gcig tu mya ngan bgyir rung ba sdug bsngal gyi 'dam du bying ba/*sems can dmyal ba la mngon du phyogs pa/ mdza' bo dang gnyen bshes kyis spangs pa/ mgon ma mchis pa de lta bu la brgal ba'i gtol yang ma mchis so/ /gzhan yang mi sha 'tshol bas bdag la ni/ /de lta bu yis yang bar bgyis/ /bdag gi tshig*@12!a */ /gis yid ches nas/ /dbang du gyur pa btang bar dga'/ /de yi drin gyis bdag gis ni/ /legs par smras pa 'di yang thos/ /de bas lhag par drin che bas/ /da ni bdag gis rjes su bzung/ /lha 'di la bdag bkum du*dogs pa yang mi mdzad du gsol/ bdag 'di ltar kho bo'i drung du mchis pa la gum pa'i rdo ga la thogs/ de ltar bdag nyid chen po des phas 'gror mi ster ba la tshig 'jam pos gsol ba btab pa spobs te gsol ba 'debs pa'i mi rnams dang/ dmag gi dpung nye ba rnams*ni slar bzlog ste/ gcig pu 'jigs pa dang mi dga' ba med par bden pa rjes su bsrung zhing 'jig rten la phan pa'i phyir/ su d'a sa'i bu sems shing de'i gnas su song ngo/ /su d'a sa'i bus byang chub sems dpa' chen po de rgyang ring po nas mthong nas/ ya mtshan*cher bzung ste/ sems rtsub pa la yun ring du goms pa'i dri mas shas cher g yogs kyang rab tu gus shing dang bar gyur nas 'di ltar sems par mngon no/ /ae ma'o/ /aa la la/ aa la la/ ae ma'o ngo mtshar che/ de bzhin rmad du byung bas rmad/ /rgyal po*de yi sems rlabs nas/ /lha dang mi las rab tu 'phags/ /'chi bdag mi bzad pa la yang/ /'jigs skrag cung zad tsam yang med/ /'di ltar bdag rang 'dir 'ongs pa/ /ae ma 'o bden smra bstan la dge /'di ltar bden pa bsrung ba'i phyir/ /*srog dang rgyal srid gang gtong ba/ /bden par smra zhes grags pa de/ /thog tu bab pas rnam par grags/ /de nas byang chub sems dpa' la ya mtshan che zhing rab tu gus par gyur la/ sems rab tu dang bar gyur nas de'i drung du 'ongs te smras pa/ legs par smra*ba'i nor rnyed phongs pa mchod par byas/ /khyod kyi drin la yid kyang rab tu dga' bar gyur/ /bdag kyang da ni 'dir 'ong ji ltar 'dod pa zo/ /yang na mchod sbyin phyir ni phyugs kyi brtul zhugs 'byin/ /su d'a sa'i bus smras pa/ nga yis khyod bza'i dus ni da cung*@12!b yod/ /bsreg pa'i gnas kyang da cung dud pa 'thul/ /sha yang dud pa med par bsreg na zhim/ /legs par smras pa de dag re zhig mnyan/ /byang chub sems dpas smras pa/ khyod da 'di ltar ma rungs gyur pa las/ /legs par smras pa ci zhig mnyan*par bya/ /skye dgu rnams la snying rje med gyur pas/ /lto yi phyir ni gnas skabs ci 'dra rnyed/ /tshigs bcad 'di rnams chos nyid 'ba' zhig smra/ /chos dang chos min de bas mi mthun no/ /srin po bas kyang

spyod tshul ngan/ /'phags pa'i lam ni rab tu spangs/ /*bden pa'ang med na smos ci dgos/ /thos pas khyod la ci zhig bya/ /de nas su d'a sa'i bus 'phyas pa de ma bzod nas slar smras pa/ khyod cung zhig sdod cig rgyal po gang zhig mtshon cha gzas nas rtsed mo'i phyir/ nags tshal ri d)ags sdug gu ma bsad yod pa*smros/ /de bzhin 'tsho ba'i phyir yang gal te mi bsad na/ /de ni chos 'gal zer la ri d)ags gsod pa min/ /byang chub sems dpas smras pa/ gang dag ri d)ags bros pa bsnyags shing gzhu bdungs pa/ /de dag kun kyang chos la gnas pa ma yin te/ /mi sha*za ba de dag bas kyang rab tu smad/ /mi rnams rigs kyis mtho ba yin pas bzar mi rung/ /de nas su d'a sa'i bu la/ byang chub sems dpas tshig rtsub pos 'phyas kyang/ de'i byams pa'i yon tan gyi mthus/ khro ba'i rang bzhin zil gyis non nas/ de'i tshig*rnar 'ong ba bzhin du 'dzum dmul te smras pa/ da yis khyod btang khyim du phyin nas su/ /rgyal po'i longs spyod dga' ba thams cad myong/ /'on kyang nga yi drung du khyod 'ongs pa/ /de bas khyod ni gzhung lugs tshul mi mkhas/ /byang chub sems dpas smras pa/ de*lta ma yin no/ /tshul de spyod par mi 'dod pa'i phyir nga nyid gzhung lugs kyi tshul la mkhas so/ /de la spyod par gyur pa ni/ /chos kyi gzi byin rab tu che/ /'phral gyi bde ba rab bsgrub pa/ /de las mkhas pa su zhig yod/ /gzhan yang/ gzhung lugs tshul*@12"a */ /spyod brtan pa gang yin pa/ /de dag phal cher shi nas ngan song lhung/ /de bas gzhung lugs tshul ngan lam spongs nas/ /bden pa'i tshig bsrung slar yang 'dir 'ongs so/ /brdzun smra btang nas bden par ngas smra ste/ /de bas gzhung*lugs mkhas pa nga nyid yin/ /grags dang bde ba'i dan dang 'gal ba gang/ /de ni gzhung bzang min zhes de mkhas smra/ /su d'a sa'i bus smras pa/ phangs pa'i srog dang nang mi'i mchi mas 'ju ba dang/ /rgyal srid bde ba yid du 'ong ba bor nas su/ /bden pa'i*tshig la don du 'gyur ba ci mthong nas/ /de ba srung phyir ni 'di ltar nga yi drung du 'ongs/ /byang chub sems dpas smras pa/ bden pa'i yon tan la gnas na yon tan khyad par can mang du yod kyis/ mdo tsam zhig nyon cig /phreng ba mdzes pa'i brgyan pas khyad par 'phags*ro rnams kun las zhim pas khyad par 'phags/ /dka' thub spyod dang mu stegs 'gro ba yi/ /nyon mongs med par bsod nams yon tan bsgrub/ /'gro ba mtha' dag khyab pa'i grags pa 'phel/ /bden pa 'jig rten gsum las 'das pa'i lam/ /lha yi gnas*su 'jug pa'i sgo yang yin/ /'khor ba'i rdzod las thar pa'i zam pa yin/ /de nas su d'a sa'i bus de la legs so zhes bstod nas/ ya mtshan dang bcas pas lta zhing yang smras pa/ mi rnams gzhan ni nga yi dbang gyur na/ /brtan pa nyams nas skrag cing spa yang*gum/ /khyod ni dpa' brtan dpal gyis ma btang bas/ /mi dbang khyod ni 'chi ba'i 'jigs med 'dra/ /byang chub sems dpas smras pa/ rab tu bsgrims kyang gnas mi nus/ /gang la bcos su mi rung ba/ /'jigs shing 'dar bar byas pa yis/ /de la ci zhig*phan pa yod/ /de ltar 'jig rten chos nyid la brtags nas/ /mi rnams sdig pa byas pas rjes su 'gyod par 'gyur/ /dge ba'i las kyang legs par yong ma byas/ /phyi ma'i tshe la sdug bsngal 'byung du dogs/ /'chi bar 'gyur ba'i 'jigs pas rmongs par 'gyur/ /*@12"b gang las bdag gi yid ni 'gyod gyur pa/ /de nyid bdag gis byas par yong mi dran/ /dkar po'i las kyang rab tu goms par byas/ /chos la gnas na 'chi bas su zhig 'jigs/ /phongs pa rnams ni slong du 'ong ba la/ /mgu bar ma byas bdag ni yong mi dran/ /*de ltar sbyin pas ma gu bar rnyed gyur la/ /chos la gnas na 'chi bas su zhig 'jigs/ /ring du brtags te bsams kyang sdig bya bar/ /yid la bsams pa tsam yang yong mi dran/ /bdag gis de ltar mtho ris lam sbyangs na/ /'chi bas bdag ni ji ltar 'jigs par*'gyur/ /bram ze rnams dang gnyen dang mdza' bo bsten pa dang/ /gnas kyi rgyan gyur dka' thub can dang phongs pa la/ /ci rigs sbyin pas bdag gi nor yang mang du bzhag /gang gis bya ba ci yod de yang bdag gis byas/ /grags pa'i gzhir gyur dpal dang*ldan pa brgya dag brtsigs/ /dka' thub gnas dang 'dun sa btung ba'i gnas rnams byas/ /de byas dga' bar gyur pas 'chi bas nga mi 'jigs/ /de bas nga ni mchod sbyin bya 'am yang na zo/ /de skad smras pa dang/ su d'a sa'i bus thos nas dad pa skyes te mig ni*mchi mas gang ba dang/ lus kyi ba spu ni langs/ sdig pa can gyi mun nag ni brjid par gyur nas/ byang chub sems dpa' la gus par bltas te smras pa/ sdig pa zhi bar gyur cig /rgyal mchog khyod lta bu la su zhig shes bzhin du/ /sdig pa byed pa de ni mi*bzad dug 'thung bzhin/ /yang na myur par dug 'thung lcags bsreg 'bar ba zo/ /snying dang spyi bo tshal pa brgya ru 'gas par 'gyur/ /legs par smras pa de dag kyang/ /bdag la khyod kyis bshad du gsol/ /khyod kyi tshig snyan pa'i me tog char bzhin du bab pa des/*bdag gi sems rab tu dad par gyur pas legs par smras pa de dag rab tu nyan 'tshal bar gyur

to/ /kye gzhan yang bdag gi spyod pa ngan pa'i gzugs/ /chos kyi me long gsal mthong nas/ /yid la gdung ba rab skyes te/ /bdag ni chos la phyogs par gyur/ /*@12#a */ /de nas byang chub sems dpas de'i bsam pa snod du gyur cing chos mnyan pa la yid rab tu 'dun par rig nas smras pa/ 'o na chos 'dod pa de rjes su mthun pa'i spyod pa la mkhas par byas te chos mnyan par rigs so/ /rab tu dma' ba'i stan la*'dug /dul ba'i dpal ni rnam par bskyed/ /dga' dang ldan pa'i mig gis lta/ /tshig gi bdud rtsi 'thung ba bzhin/ /gus par bskyed cing rtse gcig btud/ /rab tu dad la dri med yid/ /nad pas sman pa'i tshig nyan bzhin/ /rim gro bskyed de chos nyon*cig /de nas su d'a sa'i bus rdo leb mthon po gcig gi steng du bdag gi stod g yogs bting ste de la byang chub sems dpa' bzhag nas bdag rang yang bar gzhan gyis mchod pa'i sa la byang chub sems dpa'i mdun du 'dug ste/ de'i gdong du bltas nas/ sems*dpa' chen po de la 'phags pa da gsungs shig ces smras so/ /de nas byang chub sems dpas dbyar gyi 'brug sgra snyan cing zab pa dang 'dra ba'i tshig gis nags tshal de gang bar gyur pa bzhin du kun tu khyab par smras pa/ dam pa dag la lan cig tsam/ /ji ltar 'dod par 'phrad*kyang rung/ /'dris par bya ba mi dgos par/ /rab tu brtan pa nyid du gyur/ /su d'a sa'i bus de skad thos nas legs so legs so zhes smras nas/ mgo bsgyur se gol gtogs nas mgu bar byas te/ byang chub sems dpa' la de nas yang gsungs shig ces smras so/ /de*nas byang chub sems dpas tshigs su bcad pa gnyis pa smras pa/ dam pa rnams ni sus kyang mi bsring ngo/ /dul ba'i tshul gyis dge ba bsten par bya/ /de dang nyen de yi yon tan rdul/ /ched du ma bsgos par yang gos par 'gyur/ /su d'a sa'i bus smras pa/ dge ba*rnams kyis legs smras pa/ /khyod kyis rnam pa kun mchod pa/ /nor yang gnas su phyin par btang/ /'bad de don grub thog tu bab/ /de nas yang cung zhig gsungs shig /byang chub sems dpas smras pa/ rgyal po'i shing rta rin chen gser gyis brgyan/ /lus*@12#b kyang rgas pas mi sdug par yang 'gyur/ /dam pa rnams kyi chos ni rgas mi 'gyur/ /dge ba rnams ni yon tan rjes chags brtan/ /su d'a sa'i bus smras pa/ ae ma'o bdag ni bdud rtsi'i char bab pas doms par bgyis so/ /de nas yang cung zhig gsungs shig*byang chub sems dpas smras pa/ nam mkha' dang ni sa gzhi'i bar yang ring/ /rgya mtsho'i pha rol tshu rol 'gram yang ring/ /shar dang nub kyi ri yi bar yang de bas ring/ /phal pa dag dang dam pa'i chos kyang de bas ring/ /de nas su d'a sa'i bu ya mtshan che zhing dad pas*dga' zhing gus par gyur nas/ byang chub sems dpa' la smras pa/ khyod kyi tshigs su bcad pa snyan pa dang/ /tshig dang don kyang rab tu gsal la 'phags/ /de thos dga' gyur de la mchod pa'i phyir/ /dam pa bzhi zhig khyod la 'bul bar 'tshal/ /de bas na ci*bzhed pa bdag la bslad du gsol/ de nas byang chub sems dpa' ya mtshan du gyur nas smras pa/ bdag la'ang rang bzhin med par gyur pa khyod/ /mi rigs byed la dga' bas pham par gyur/ /dge ba spyod la rang bzhin phyin ci log /khyod kyis ji ltar gzhan la dam*pa sbyin/ /bdag gis dam pa sbyin zhes gnang gyur na/ /khyod kyi yid kyang sbyin par spro mi 'gyur/ /skyon dang bcas pa khrel yod su zhig smra/ /de skad re zhig nga la ma smra cig /de nas su d'a sa'i bu cung zad ngo tsha bar gyur te mgo smad nas/ byang chub sems dpa' la smras pa/*khod[+] de ltar bdag la dogs pa ma skyed cig /bdag gis srog kyang yongs btang nas/ /dam pa de rnams bdag 'bul gyis/ /rgyal bo ci dang ci bzhed ba/ /bag phab nas ni de slong shig /byang chub sems dpas smras pa/ 'o na/ /bden pa'i brtul zhugs long la*sems can gsod pa spongs/ /skye bo btson du bzung ba 'di rnams ma lus thod/ /dpa' bo khyod kyis mi sha za ba rab tu spongs/ /dam pa'i nang nas mchog gyur 'di bzhi sbyin par gyis/ /su d'a sa'i bus smas pa/ dam pa snga ma gsum ni khyod la 'bul/ /dam pa bzhi*@12$a */ /pa gzhan zhig bslad du gsol/ /bdag ni mi sha mi za mi nus pas/ /snga nas khyod nyid mkhyen par ma gyur tam/ /byang chub sems dpas smras pa/ khyod kyis dam pa sbyin pa ga la nus zhes ngas ma smras sam/ ai ma 'o de ltar*zer ba de kho na bzhin du gyur to/ /kye gzhan yang khyod nyon cig /mi sha za ba ma spangs na/ /ji ltar bden par smra bar 'gyur/ /rgyal po khyod kyis srog chags rnams/ /mi gsod pa yang ga la nus/ /bdag gi srog kyang yongs spongs nas/ /dam pa 'di rnams*sbyin no zhes/ /thog mar de skad ma smras sam/ /de bas 'di ltar gzhan du gyur/ /sha yi phyir ni mi bsad na/ /srog chags mi gsod ga la nus/ /de ltar gyur na dam pa gsum/ /khyod kyis ji ltar sbyin par 'gyur/ /su d'a sa'i bus smras pa/ gang gi phyir ni rgyal*srid nyams/ /nags chel sdug bsngal bdag gis myong/ /chos las nyams shing gtam ngan thob/ /bdag gis de ni ji ltar btang/ /byang chub sems dpas smras pa/ de

bas na khyod kyis de btang ba'i rigs med/ gang phyir khyod ni chos dang srid/ /bde dang grags pa*nyams par gyur/ /phung bar gyur pa'i 'byung gnas de/ /ji ltar btang ba mi rigs kye/ /byin na 'gyod pa skye ba 'di/ /skye bo sems rgya chung du la/ /srid par 'gyur ba'i 'os yin te/ /de bas khyod kyang zil gnon tam/ /de bas na khyod sdig pa'i rjes su 'brang*ba thong la/ bdag nyid shes par bya bar rigs so/ /khyod su d'a sa'i bu ma yin nam/ sman pa mkhas pas brtags te legs par sbyar ba'i sha /grong dang dgon pa skam gsher chu dang thad las skyes/ /de lta bu yi sha rnams yod kyi de yis sems mgu byos/ /mi sha*smad par 'gyur ba btang na rab tu legs/ /rda sgra snyan pa dbyar gyi 'brug sgra bzhin du sgrogs/ /glu sgra snyan dang rgyal srid de dang de/ /gnyen dang bu dang nang mi yid du 'ong ba rnams/ /bor nas nags tshal dben pa 'di na ci zhig dga'/ /rgyal pos sems kyi dbang du 'gro*@12$b bar mi rigs kyi/ /chos dang srid la mi gnod lam du 'jug par rigs/ /rgyal po gcig pus g yul dor dmag gi dpung las rgyal/ /sems tsam tshar bcad phyir ni sdar ma ma byed cig /mi yi bdag po 'jig rten phyi ma'ang lta bar rigs/ /de bas dga' yang*phan pa ma yin brten mi rigs/ /lam gang yid du 'ong ba grags dang mi 'gal ba'i/ /de ni mi dga' 'ang sman btung bzhin du brten par rigs/ /de nas su d'a sa'i bu rab tu dad par gyur nas/ mig ni mchi mas gang skad ni 'dzer bzhin du/ byang chub sems dpa'i*drung du 'ongs nas/ rkang pa gnyis la 'jus nas smras pa/ yon tan me tog phye mas bsod nams dri zhim dang/ /khyod kyi grags pa'i rgyu yis 'gro ba 'di dag khyab/ /'di ltar sdig spyod 'chi bdag pho nyar bdag gyur la/ /khyod ltar thugs rje che ba gzhan ni su zhig mchis/ /*khyod ni bdag gi ston pa bla ma lha nyid lags/ /khyod kyis bsgo ba 'di rnams bdag gis sbyi bos mchod/ /da phyin slan chad bdag ni mi sha yong mi 'tshal/ /bdag la ci skad bka' stsal de dag de bzhin bgyi/ /mchod sbyin phyir ni rgyal po'i bu 'phrog pa/ /bdag gis*btson rar stsal bas mi dga' zhing/ /bzhin mdangs nyams la mya ngan gdungs pa'i yid/ /de dag kun kyang btang gis lhan cig bzhud/ /de nas byang chub sems dpas de bzhin du bya'o zhes des smras pa bzhin du mnyan nas/ rgyal po'i bu btson du bzung ba gang na*'khod pa der song ngo/ /rgyal po'i bu de rnams kyis bu zla ba mthong nas bltas so/ /bdag cag ni thar ro snyam nas rab tu dga' bar gyur te/ rgyal bu de dag zla ba mthong nas ni/ /rab tu 'dzum dmul mdangs gsal rnam par mdzes/ /ston ka'i dus kyi zla ba'i 'od zer*gyis/ /me tog ku mud kha bye mtsho gsal bzhin/ /de nas byang chub sems dpa' de dag gi drung du 'ongs nas dbugs phyung tshig snyan pas dga' bar byas te/ de bas rgyal bu de rnams su d'a sa'i bu la gnod pa mi byed par mna' bsgags btson nas phyung ste/ su d'a sa'i bu dang rgyal*@12%a */ /bu de dag gis bskyal te/ rang gi rgyal srid la gnas nas rgyal bu de dag dang su d'a sa'i bu la ji ltar rigs par rim gro byas te so so'i rgyal srid la bkod do/ /de lta bas na skye bo dam pa rnams dang 'phrad na/ ji ltar 'phrad kyang rung ste legs par 'gyur ba'i*phyir/ legs par 'dod pa rnams kyis skye bo dam pa la brten par bya'o/ /sangs rgyas bcom ldan 'das rnams ni tshe rabs snga ma la yang ma 'dris pa la byams shing phan 'dogs pa yin no/ /de bzhin gshegs pa'i yon tan bsngags pa la yang brjod par bya'o/ /de*bzhin du dam pa'i chos mnyan na/ skyon med cing yon tan dang ldan par 'gyur ba'i phyir/ dam pa'i chos mnyan ba'i yon tan bsngags pa la yang brjod par bya'o/ /chos thos na de ltar phan yon rnam pa du ma yod pa'i phyir/ mang du thos pa'i yon tan bsngags pa la*yang brjod par bya'o/ /bden pa'i tshig bsrung na de ltar skye bo dam pa rnams dga' zhing bsod nams dang grags pa'i 'byung gnas su gyur pa'i phyir bden pa'i tshig bsrung ba'i yon tan bsngags pa la yang brjod par bya'o/ /skyes bu dam pa rnams ni de ltar bdag gi srog*dang bde ba dang dbang phyug la yang mi lta bar bden pa'i tshig bsrung ngo zhes skyes bu dam pa'i yon tan bsngags pa la yang sbyar bar bya'o/ /zla bar skyes pa'i rabs te sum cu gcig pa'o// //bam po bcu gnyis pa ste tha ma'o/ /yid skyo bar gyur pa rnams la*ni rgyal srid kyi dpal yang legs pa'i lam la sgrib par mi 'gyur ba'i phyir skyo ba la goms par bya'o/ /de yang 'di ltar bcom ldan 'das 'di byang chub sems dpar gyur pa'i tshe/ 'jig rten na na ba dang/ rgas pa dang/ 'chi ba dang/ sdug pa dang bral ba la sogs*pa'i sdug bsngal mang po byung bas sdug bsngal ba dang/ mgon med pa dang/ skyabs med pa dang/ dpung gnyen med pa dag mthong nas snying rjes bskul nas de dag la bskyab par sems pa rab tu dge ba'i rang bzhin can te/ 'jig rten mi mthun pa dang/ ma shes pa*@12%b la yang phan pa dang/ bde ba'i khyad par de dang de dag bsgrub cid/ re zhig rgyal

po'i rigs/ 'bangs glo ba nye ba'i bde ba dang/ 'khrugs pa med pa'i dal ba phun sum tshogs pa dang/ rgyal phran dregs pa rnams phyag 'tshal nas mngon par grags par gyur cing/*dbang thang che ba dul ba la dga' ba'i rigs zhig tu skyes par gyur to zhes grags so/ /de dang po skyes pa'i tshe na'ang rgyal po'i rigs de dang pho brang 'khor gyi mi rnams kyang bde ba dang ldan zhing sdug bsngal dang bral ba de dang mtshungs par gyur pas mngon par mtho zhing dal ba'i*dpal chen po dang ldan par gyur to/ /sbyin pa thob pas bram ze mgu zhing g yengs/ /'bangs rnams dregs shing cha lugs bzang po 'phyar/ /rnga sgra mang po'i brag nas ri lung gang/ /kun du dga' ba'i gar ni rgyun mi chad/ /glu sgra snyan dang dgod sgra 'brel mar 'byung/ /*gcig la gcig 'dus dga' ba rnam par 'phel/ /gtam snyan bskyal ba'i bya dags mgu ba'i mis/ /rgyal po'i mngon par mtho ba'i shis pa brjod/ /sgo rnams phye zhing btson du bzung ba med/ /srang gi bzhi mdor rgyal mtshan btsugs pas mdzes/ /me tog phye ma*khu bas sa gzhi brgyan/ /dga' ston bzang pos grong khyer nyams dgar gyur/ /khang pa chen po'i steng nas gser dang gos/ /rgyan la sogs pa char bzhin 'bab pa yis/ /'jig rten 'di dag dpal gyis khyab par stsol/ /gangg'a smyon pa drag tu 'bab pa 'dra/ /de'i*tshe yang rgyal po de'i bu btsas so cog shi bar gyur te/ de ltar gyur pa de yang mi ma yin pas byas pa yin par sems nas/ bu de bsung ba'i phyir bu btsas pa'i khang pa lcags 'ba' zhig las byas pa bzang po nor bu dang gser dngul gyi rgyan gyis brgyan pa zhig tu bzhag ste/ 'byung*po'i rig sngags kyi cho ga dang/ rig byed las byung ba'i rim pas bsrung ba'i cho ga dang/ bkra shis kyi dpyad bzang pos bde legs ni byas/ btsas pa'i cho ga la sogs pa sbyang ba'i cho ga yang byas so/ /sems dpa' chen po de nyid kyang stobs dang ldan pa dang/ bsod nams bsags*@12&a */ /pa'i mthu dang/ bsrung ba legs par byas pas gdon rnams kyis ma tshugs so/ /de rim gyis bskyed pa'i cho ga go rims bzhin du byas nas/ slob dpon bla ma mang du thos pa dang/ cho rigs btsun pa dang/ spyod tshul bzang ba dang/ mkhas par*grags pa dang/ bkur sti thob ba dang/ rab tu zhi ba dang/ dul ba dang/ shes rab kyi yon tan dang ldan pa rnams las rig pa'i gnas du ma ni lobs/ lang tsho'i gzi mdangs ni nyin re zhing skyes pas lus ni yongs su rdzogs par gyur/ rang bzhin gyis dul ba dang dga'*bas ni skye bo dang/ yongs kyi skye bo rnams ni rab tu dga' ba'i gnas su gyur to/ /dam pa ring na gnas gyur kyang/ /ma 'dris gnyen du ma 'brel ba'i/ /skye bo dga' bas rjes 'brang ba/ /de yi rgyu ni yon tan dpal/ /'od zer rab tu gsal ba yis/ /gnam ni dgod pa*ltar byed pa'i/ /ston ka'i zla ba de dang ni/ /'jig rten rnams dang ci zhig 'brel/ /de nas sems dpa' chen po de bsod nams kyi mthu las byung ba'i bde ba chen po lha'i longs spyod dang 'dra ba'i longs spyod la nye bar spyod cing/ phas kyang byams shing rab tu bkur sti byas te*yid brtan zhing bag phab ste/ rim gro cher byas pa las re zhig cig rang gi pho brang dam pa nas me tog ku mu ta'i longs spyod kyi dus la bab ste/ rgyan bzang po dga' dga' ltar 'dug pa la bltar 'gro ba la phas kyang gnang ste/ shing rta bzang po gser dang nor bu dang dngul gyi*rgyan bzang po sna tshogs kyis brgyan/ ba dan dang rgyal mtshan kha dog sna tshogs can rab tu g yo ba rnams btsugs/ gser gyi 'jim bag gis g yogs pa/ rta dul zhing bde pas drangs pa/ kha lo bsgyur ba bzo zhing des la mkhas shing gtsang la dul zhing brtan pa dang ldan*pa/ g yog 'khor cha lugs bzang po sna tshogs su byas pas bskor ba/ rnga sgra snyan pa'i rnga brdung bas mdun du drangs pa la zhon te/ pho brang mchog de nas rgyu zhing song song ba las/ pho brang 'khor gyi mis rgyal bu de la lta bas sems ni g yengs/ ngo mtshar che bas mig ni rig*@12&b rig por ni blta/ bstod pas dga' bar byed cing thal mo sbyar te/ shis par brjod pa'i tshig ni 'don/ dga' ston gyi dga' ba'i chas bzang por zhugs pa rnams kyis mdzes pa mang po rnams la brtags na/ sems dga' bar gyur ba'i skabs la bab kyang/ tshe rabs snga ma*la sems skyo ba la goms par byas pa'i phyir dran pa 'di lta bu rnyed par gyur to/ /kye ma 'o 'jig rten nyon mongs dag /gnas pa mi brtan mi dgar gyur/ /ku mu ta yi dpal 'di yang/ /dran par bya ba nyid du 'gyur/ /'gro ba 'di lta bur ni 'khod pa la/ /skye bo 'jigs pa*med par re mtshar kye/ /lam rnams thams cad 'chi bdag nyid kyis bkag /dogs pa med par rab tu dga' bzhin spyod/ /na dang rgas dang 'chi bas gnod byed dgra/ /mthu chen dgag tu mi nus yod bzhin la/ /'jig rten pha rol nyam ngar nges 'gro na/ /sems shes su zhig*'di la dga' bar sems/ /sprin chen glog 'gyu gser phreng 'dra ba dag /rgya mtsho chen po rnams kyi sgra yang phyung/ /char chen 'bab pa'i rtsom pa chen po byas/ /kun tu 'dus kyang de nas dengs par

'gyur/ /chu 'bab drag pa'i shugs kyis shing rnams kyi/ /rtsa ba 'gram na zab*tu zug pa yang/ /rtsad nas bton te slar yang chu de nyid/ /'brel zhing bri nas mya ngan gdungs pa bzhin/ /rlung gi mthus kyang ri yi rtse mo bsnyil/ /sprin gyi tshogs kyang drag po'i shugs kyis gtor/ /rgya mtsho'i chu yang rnam par dkrugs shing klong/ /de lta'i rlung yang rab tu zhi*bar 'gyur/ /me lce rab 'bar me stag 'phro ba yis/ /nags tshal mdzes dang rts)a rnams kun bsregs nas/ /de 'dra'i me yang rim gyis zhi bar 'gyur/ /rab tu 'bar yang de nas med par 'gyur/ /'dus pa gang zhig 'bral ba ma gyur yod/ /dar ba gang zhig rgud par ma gyur yod/ /*'gro ba'i rgyud ni rab tu g yo ba la/ /ma brtags par ni skye bo dga' bar 'gyur/ /bdag nyid chen po de sems skyo ba des de ltar brtags nas/ rab tu dga' bas sems g yengs pa'i yid ni slar bzlog /pho brang dam pa rgyan gyis brgyan pa dga' dga' ltar 'dug pa dang/ mi mang po sna*@12'a */ /tshogs cher 'dus pa rnams la yang sems ma chags par slar log ste mthar gyis rang gnas su phyin nas/ bdag rang la 'di ltar rtog go/ /longs spyod kyi bde ba la sems rab tu skyo bar gyur te/ ma chags nas chos 'ba' zhig skyabs su rung ngo snyam*nas/ de bsgrub par nges par bsams te/ skabs cig tu rgyal po'i drung du song ste dka' thub kyi nags tshal du 'gro bar thal mo sbyar te gsol ba gdab pa/ rab tu byung la brten nas su/ /bdag la phan par bgyi bar 'tshal/ /khyod kyi thugs dpag mdzad nas su/ /gsol*ba de yang gnang bar mdzod/ /rgyal po de bu la byams pas de skad zer ba thos pa nas/ glang po che mda' dug can gyis tshabs cher phog pa dang/ rgya mtsho rab tu zab pa rlung gis bskyod pa bzhin du/ de'i mya ngan gyis sems gdungs nas 'khums te 'dar bar gyur to/ /de nas*rgyal po de yis de bzlog phyir/ /byams pas mchi mas brnang ste mgul nas 'jus/ /bu gcig ci phyir ji ltar glo bur du/ /bdag cag dor ba'i blo 'di skyes par gyur/ /bdag nyid phung bar byed pa su zhig gis/ /khyod ni mi dgar byas nas 'ching bar 'gyur/ /su yis rang gi mi rnams*mya ngan gyis/ /gdungs nas mig ni mchi mas gang bar byas/ /'on te nga la cung zad dogs pa 'am/ /'khrul par gyur pa cung zad thos kyang rung/ /de dag smra na de las bzlog par byed/ /de lta bu ni bdag gis ma mthong ngo/ /byang chub sems dpas smras pa/ de ltar rab tu byams khyod la/ /*'khrul pa lta zhig ga la 'gyur/ /bdag la mi dgar bgyid pa yang/ /de ltar nus pa su zhig mchis/ /'o na ci phyir nga 'bor bar sems zhes mig mchi mas gang bzhin du/ rgyal pos smras pa dang/ yang des smras pa/ shi bas 'jigs pa'i phyir lha gzigs su gsol/ dang po mngal du*zhugs pa'i nub mo nas/ /brtsams te 'jig rten 'jig rten 'di rnams ni/ /lam du zhugs nas gzhan du ma gol bar/ /'chi bdag drung du de ni nye bar 'gro/ /thabs dang rab tu ldan zhing mthu yod kyang/ /'chi dang rga las su yang thar ba med/ /'di gnyis kyis ni 'di kun rab tu gtses/ /de*@12'b bas chos kyi don du dgon par mchi/ /mi rta glang chen shing rta mang po'i dmag tshogs rnams/ /rgyal po dpung dang ldan ba thags thogs med bar thub/ /gshin rje'i dgra ni gcig pur 'dug kyang mi thub la/ /de bas bdag gi sems ni chos don bsgrub par 'tshal/ /rta dang glang*chen rkang thang shing rtas yongs bsrungs na/ /rgyal po rnams ni dgra las rnam par thar bar 'gyur/ /shed can la sogs dpung dang bcas pa'ang dbang med par/ /rab tu mthu chen 'chi bdag dgra yi dbang du gyur/ /glang chen smyon ba'i mche ba mkhar gyi rta babs dang/ /g yul dor mi*dang shing rta glang po rnams kyang bcom/ /gad pa chen po'i ngos bral brgyal bar gyur pa yi/ /mche ba de yis gshin rje'i khar song 'bebs ma nus/ /go mtshon bzang po bgos shing phub bzung nas/ /g yul dor rgyang gis mda' yang 'phen par nus/ /de ltar 'phong skyen*rnams kyang 'khon snying can/ /dgra bo gshin rjel ni 'phen mi nus/ /seng ge rnams kyang sen mo rnon pos glang chen gyi/ /gzi brjid zil mnan spyi bor sder mos 'brad cing 'bad/ sgra skad drag po grag pas gzhan gyi sems skrag byas/ /gshin rje 'ongs nas mthu dang dregs pa nyams nas*nyal/ /rgyal po rnams kyang gzhan gyis nyes byas na/ /nyes dang rjes su mthun par chad pas gcod/ /'chi bdag dgra bos nyes pa cher byas kyang/ /chad pas bcad pa'i thabs ni yong mi shams/ /rgyal po rnams ni mjal dum la sogs pa'i/ /thabs kyis nyes pa byas pa zhi bar byed/ /'chi*bdag gtum po dregs pa goms byas pas/ /mjal dum la sogs pas ni bsdum mi nus/ /sbrul chen khros pa'i rlung gis mche ba du ga can gyi/ /rtse mo 'bar bas mi rnams mngon sum du 'bigs shing/ /sha chags bsad pa'i thabs la rab tu mkhas gyur kyang/ /'chi bdag 'ongs na za bar*brtsams pa'ang nyams par gyur/ /sprul gdug khros nas rab tu 'khrugs pas zin pa yang/ /sman pa rnams kyis sngags dang sman gyis dug zhi byed/ /gshin rje 'di ni myur ba'i dug las rab gdug pa/ /sngags dang sman la

sogs pas thub par yong mi nus/ /'dab bzang khyung yang gshog pa'i rlung gis rgya*@1!(a */ /mtsho'i chu/ /nya mang 'phyo ba 'brug sgra drag pos dkrugs pa yang/ /rnam par gtor nas gdengs ka phyar ba'i sbrul rnams 'dzin/ /de bzhin 'chi bdag rab tu gzhom par yong mi nus/ /stag kyang nags tshal dag na ri d)ags bros pa rnams/ /rab tu mgyogs pas bsnyags*nas sder mo rdo rje yis/ /thang cig btab pa tsam gyis bzung nas khrag 'thung na/ /'chi bdag 'ong na de ltar rtul phod med par 'gyur/ /stag gis kha gdangs mche ba rab tu gtsigs pa yi/ /nang du sod ba'i ri d)ags rnams kyang thar ba srid/ /gshin rje'i kha gdangs na dang rgas pa'i mche ba*gtsigs/ /de yi nang du sod ba su zhig thar ba yod/ /mi sdug 'jigs la dam du 'dzin pa'i gdon/ /gzi dang bcas pas mi yi srog kyang 'phrog /'chi bdag dgra dang 'thab mo'i dus ran na/ /rab tu bsnyems pa'i mthu rtsal nyams par 'gyur/ /mchod 'dod gnod byed 'ong ba'i gdon*rnams kyang/ /rig sngags grub pa rnams kye mthu dag dang/ /dka' thub bde legs sman gyis zhi bar nus/ /'chi bdag gdon ni bzlog par yod mi nus/ /mang po 'dus pa'i nang du sgyu ma mkhan/ /skye bo rnams kyi mig kyang bslu bar nus/ /gshin rje 'di la mtshar gyi mthu ci yod/ /de*dag gis kyang bslu bar yong mi nus/ /gsang sngags grub pa'i dka' thub mthu yis dug zhi nus/ /sman pa mchog gis mi yi nad kyang zhi bar nus/ /dhan nan ta ri la sogs pa yang med par gyur/ /de bas chos phyir bdag blo bas mthar mchi bar mos/ /rig sngags 'chang rnams*gsang sngags mthu stobs sna tshogs kyis/ /mngon du byung nas bar bar slar yang mi snang gyur/ /bar bar mkha' la 'gro zhing bar bar sa 'og nub/ /'chi bdag byung na mthu stobs rab tu nyams par gyur/ /lha dbang dregs pa rnams kyang lha min dmag gis bzlog /lha min dregs pa rnams*kyang lha yi dpung gis bzlog /nga rgyal bsngo ba'i blo can dmag tshogs chen po'i dpung/ /de dag kun bsdongs pas kyang 'chi bdag yong mi thub/ /gshin rje dgra bo'i glang po mi bzlog pa/ /'di 'dra rig nas khyim na bdag mi dga'/ /khros pa 'am byams pa ma mchis phyir ma lags/ /chos*@1!(b kyi don du bdag ni nges par mchi/ /rgyal pos smras pa/ 'o na de ltar 'chi bdag gis 'jigs pa bcos su mi rung na chos yongs su bzung ste nags tshal du sod yang ci la phan/ khyod kyi nags su 'chi bdag gi dgra de mi 'ong dam ci/ drang srong chos la gnas pa 'ang nags su ma*shi'am/ /de ltar thams cad na'ang chos kyi rang bzhin na/ /khyim dag bor te nags su song yang ci la phan/ /byang chub sems dpas smras pa/ nags dang khyim na 'dug kyang 'chi bdag 'ong 'gyur la/ /chos la gnas dang log par spyod la mtshungs spyod kyang/ /chos kyi*bdag nyid can rnams mya ngan gdung mi 'gyur/ /chos kyang nags tshal dag na bde bar bsgrub tu mchis/ /lha gzigs su gsol/ bag med dregs dang 'dod chags dang/ /brkam dang zhe sdang gzhir gyur khyim/ /de yi gnyen por gyur pa'i chos/ /spyad pa'i skabs*lta ga la mchis/ /las rnams ngan pa mang pos rnam par g yengs/ /yongs su bzung dang bsgrub dang bsrung bas brel/ /sems ni ma zhi sdug bsngal 'byung ba'i gnas/ /khyim pas nam yang zhi ba'i lam mi 'grub/ /nags na bya ba ngan pa mang po btang/ /yongs su bzung*ba'i sdug bsngal spangs la gtsang/ /zhi ba 'ba' zhig byed cing yid kyang mgu/ /bde dang bsod nams grags pa'ang thob par gyur/ /mi rnams chos kyis bsrungs kyi nor dang dpung gis min/ /chos kyis bde ba chen po 'thob kyi 'byor bas min/ /chos kyi bdag nyid can ni shi na*dga' bar 'gyur/ /chos la 'bad pas ngan 'gro'i 'jigs pa med par 'gyur/ /las kyi khyad par dag kyang ji bzhin gnas/ /dge dang sdig pa'i mtshan nyid tha dad la/ /rnam par smin pa mi dge ngan 'gror lhung/ /bsod nams bsags pa bde ba'i gnas su 'gro/ /de ltar*bdag nyid chen po des pha la gsol ba btab nas/ phas kyang gnang ste/ rgyal srid kyi dpal rts)a dang 'dra bar bor nas dka' thub kyi nags tshal du gnas par gyur te/ de yang bsam gtan rnams dang/ chad med pa rnams bsgrubs nas/ 'jig rten pa rnams kyang de dag la bkod u*@1!1a */ /de/ tshangs pa'i 'jig rten du skyes par gyur to/ /de lta bas na yid skyo bar gyur pa rnams ni rgyal srid kyi dpal yang legs pa'i lam la sgrib par mi 'gyur ba'i phyir sems skyo ba la goms par bya'o/ /'chi ba'i 'du shes bskyed na myur du sems skyo bar 'gyur*pa'i phyir/ 'chi ba'i 'du shes bskyed pa'i yon tan bsdags pa la yang brjod par bya'o/ /'du byed rnams ni 'di ltar mi rtag go zhes de bzhin du 'chi ba rjes su dran pa'i yon tan bsngags pa dang mi rtag pa'i gtam bya ba la yang brjod par bya'o/ /'dus byas rnams ni 'di ltar*dbugs ma phyin pa'o zhes 'jig rten pa thams cad la mngon par ma chags pa'i 'du shes bskyed pa dang/ de bzhin du 'jig rten 'di dag dpung gnyen med cing grogs byed pa med do zhes kyang brjod par

bya'o/ /de bzhin du nags tshal dgon pa na chos bde bar bsgrub nus kyi khyim na de ltar mi*nus so zhes kyang sbyar bar bya'o/ /lcags kyi khyim la skyo ba skyes pa'i rabs te sum cu gnyis pa'o// //bzod par bya ba yod na/ bzod pa yod par 'gyur gyi med na ma yin no/ /de bas na dge ba rnams ni gnod par byed pa la yang khe rnyed pa dang 'dra bar dga' bar 'gyur*ro/ /de yang 'di ltar byang chub sems dpa' nags tshal dgon pa zhig na/ ma he rgod kyi khyu mchog lus 'dam rdzab kyis bskus pas rtsub par gyur pa/ sprin gyi phung po logs shig tu chad pa rkang gis 'gro shes pa 'dra ba zhig tu gyur to zhes grags so/ /de dud 'gro'i skye gnas*na chos kyi 'du shes dkon pas gti mug che ba'i gnas su skyes kyang/ rnam par shes pa gsal bas chos spyod pa la sems mi brtson par ma gyur to/ /de la snying rje yun ring 'dris pa bzhin/ /des ni snying rje rnams kyang yongs ma btang/ /las kyi dbang gis de ltar de gyur*tam/ /de nyid mthu yis de nyid de ltar gyur/ /de bas na bcom ldan 'das kyis 'di skad du/ las kyi rnam par smin pa bsam mi khyab/ /snying rje'i bdag nyid can yang dud 'gror skye/ /de na'ang chos kyi 'du shes skye bar 'gyur/ /las med na ni skye ba'i mtshams mi*@1!1b sbyor/ /dge ba'i rnam par smin pa mi bden med/ /chos kyi 'du shes yod kyang las kyi bag chags kyis/ /de dang de brten de lta de ltar 'gyur/ /de nas spre'u mi srun pa zhig gis/ de'i rang bzhin des shing snying rje che bas khro shing 'khrugs pa med par yun ring*po nas mngon par gsal bar shes te de la 'jigs pa med do snyam nas/ sems dpa' chen po de la 'tshe ba'i rnam pa de dang de dag gis rab tu gnod pa byed par gyur to/ /snying rje che zhing 'jam pa la/ /skye bo mi srun bsnyems shing dregs/ /de la 'jigs pa med mthong*nas/ /rab tu rnam par 'gyur bar byed/ /gang zhig cung zad 'jigs gyur na/ /rab tu dul ba ltar byas te/ /bsnyems pa bor nas de la ni/ /dman pa'i tshul gyis spyod par 'gyur/ sems dpa' chen po de re zhig cig gnyid kyis log nas bag phab ste nyal zhing 'dug pa*la/ spre'u de drag tu mgul nas glo bur du steng du mchongs te 'ongs so/ /bar bar ni de la zhon nas rab tu brgyug go/ /bar bar ni bkres te zas btsal du 'gro ba'i lam bkag ste 'dug go/ /bar bar ni shing gis kyang de'i rna ba gnyis dkrugs so/ /bar bar ni de chu nang du rkyal du*'gro ba la mgo'i steng du zhon te lag pa gnyis kyis de'i mig gnyis bkab po/ /bar bar ni de la zhon te dbyug pa phyar nas brgyugs pas gshin rje'i tshul du 'chos so/ /'on kyang byang chub sems dpa' sems dpa' chen po de ni des ma rungs pa'i kyal ka byas pa de dag thams cad la*'khrug pa dang khro ba dang mi dga' ba med par phan btags pa bzhin du bzod par gyur to/ /sdig can rnams ni rang bzhin gyis/ /'dul dang 'gal ba'i lam la brten/ /dam pa rnams ni goms pa'i phyir/ /de la'ang phan btags bzhin du bzod/ /de nas gnod sbyin zhig*gis des gtses pa de ma bzod pa dang/ sems dpa' chen po de'i bsam pa brtag pa'i phyir/ ma he khyu mchog de spre'u mi srun pa des zhon te 'ong ba'i lam du bsgugs nas smras pa/ kye khyod cung zhig cig sdod cig /khyod spre'u mi srun pa 'dis nyos sam ci/ /'on te rgyan*@1!2a */ /pos pham mam/ 'on te 'jigs pa cung zad cig yod dam/ de ste bdag la mthu med par shes sam/ ci ste 'di de ltar brnyas shing zhon/ /kye ma'o/ /khyod kyi r)a yi rtse mo rdo rje'i shugs kyis kyang/ /rdo rje 'am ri yang rdo rje bzhin du 'joms/ /*khyod kyi rkang lag khros te 'phrad na ni/ /brag gi rtse mo 'dam du bying pa bzhin/ /khyod kyi lus 'di brag bzhin mkhregs la brtan/ /mthu stobs phun sum tshogs pas kun tu mdzes/ /rang bzhin gzi che lta bas brjid pa ni/ /seng ge dag kyang rab tu spa bkong 'gyur/ /de bas*'di ni rmig pas rgyob la chom/ /yang na r)a rtsis 'di yi dregs pa sol/ /mthu med 'dra ba sprel ngan sdig can 'dis/ /rab tu gtses pa'i sdug bsngal bzod par byed/ /yon tan tshul spyod bde zhing bsil ba yis/ /skye bo ngan pa bcos su ga la rung/ /tsha zhing drod che*rtsub pas bsgrub pa yi/ /bad kan nad bzhin rab tu 'phel bar 'gyur/ /de nas byang chub sems dpas gnod sbyin de la bltas te/ bzod pa'i phyogs bzung nas tshig 'jam pos smras pa/ 'di ni mthu stobs chung ba dang/ /rtag tu ma drang spyod pa'ang shes/ /de bas 'di*la bdag gis ni/ /bzod par bya ba mi rigs sam/ /mthu chen bcos su mi rung la/ /bzod pa ci zhig byar yang yod/ /dge ba dul ba'i tshul spyod la/ /bzod par bya ba 'ang ci zhig yod/ /mthu chung 'khrul pa dag la ni/ /mthu yod bzhin du bzod na rung/ /de phyir yon*tan nyams pa bas/ /rab tu brnyas par gyur kyang rung/ /mthu stobs chung bas brnyas thabs byas pa la/ /dang du len pa yon tan rnams kyi mchog /yon tan dga' bas khyad du de bsad nas/ /rang gi bstan pa nyams phyir ci phyir brgal/ /bzod pa rtag tu bde bar 'gyur ba*yi/ /dus ni rab tu rnyed par dka' ba la/ /gzhan gyi de lta bu dag byas gyur na/ /de la 'khrul par gyur pa su

zhig yod/ /gang zhig rang gi chos nyams mi sems par/ /bdag gi sdig spyad phyir ni zhugs 'dra la/ /'di la'ad bdag ni bzod par mi byed na/ /de las gzhan pa*@1!2b drin med ci 'dra zhig /gnod sbyin gyis smras pa/ de bas na khyod ni 'dis gnod par byas pa las nams kyang thar bar mi 'gyur ro/ /yon tan rnams la mi dga' zhing/ /mi srun pa ni ma btul ba/ /bzod pa bsgom pa ma btang na/ /spa bkod nus pa su zhig yod/ /byang chub*sems dpas smras pa/ gzhan la gnod pa byas pa'i bde ba 'am/ /sdug bsngal 'byung ba dgag par 'dod pa des/ /rnam par smin pa bde ba mi 'grub pas/ /bde ba 'dod pas de ni bsgrub mi nus/ /de bas bdag gi bzod la gnas na ni/ /thabs kyis bsgo yang gal te*ma go na/ /bzod pa chung ba gzhan dag yod pas na/ /de dag 'di ni log pa'i lam las bzlog /skye bo de lta bu yis brnyas byas na/ /bdag tu lta ba 'ang de ltar de mi byed/ /nyes dmigs mthong na de ltar phyis ma byed/ /'on kyang bdag nyid de las thar bar 'gyur//*de nas gnod sbyin de sems rab tu dga' zhing ya mtshan che bar gyur te/ rab tu mgu nas sems dpa' chen po de la mgo bos btud de se gol brdab nas legs so legs so zhes smras te/ mgu bar byas nas tshig snyan pa de dang de dag smras so/ /dud 'gro rnams la chos 'di*ga la yod/ /yon tan dga' ba 'di 'dra ga la yod/ /mtshar gyis bsams pa 'di 'dra'i lus su gnas/ /dka' thub nags na khyod ni dka' ba spyod/ /ces de ltar de la mngon par bstod nas/ spre'u rmi srun pa yang de'i rgyab nas phab ste/ de bsrung ba yang*bskos nas de nyid du mi snang bar gyur to/ /de lta bas na bzod pa bya ba yod na/ bzod pa yod par 'gyur gyi med na ma yin pa'i phyir/ dge ba rnams ni gnod pa byed pa la yang khe rnyed pa dang 'dra bar dga' bar 'gyur ro/ /zhes bzod pa'i gtam bya ba la yang brjod par bya'o/ /*dud 'gror gyur pa rnams la yang de ltar so sor brtags pa'i mthu yod na mir gyur pa 'am/ rab tu byung ba khas 'ches pa la bzod pa de dag dang mi ldan na mdzes par ga la 'gyur/ /zhes de skad kyang brjod par bya'o/ /de bzhin gshegs pa'i yon tan bsngags pa*@1!!a */ /dang/ rim gro bskyed de chos nyan pa la 'ang brjod par bya'o/ /ma her skyes pa'i rabs te sum cu gsum pa'o// //rang bzhin gyis dge bdag ni bskul ma btab kyang ma goms pa'i phyir sdig pa me spyod do/ /de yang 'di*ltar byang chub sems dpa' nags tshal zhig na/ bya shing rta mo 'dab gshog kha dog sdug gu rnam pa sna tshogs dang ldan pa zhig tu gyur cing gnas so/ /zhes grags so/ /snying rje la goms pas de lta bu'i gnas de na yang bya shing rta mo'i 'tsho ba srog chags gsod pa'i skyon can*mi byed do/ /ljon shing ldum bus myu gu rab tu gsal/ /me tog bsung zhim khu bas bsgos pa dang/ /ro dang dri bsung kha dog sna tshogs pa'i/ /shing thog rnams kyis 'tsho ba chog par 'dzin/ /ji ltar rigs par gzhan la chos kyang 'chad/ /phongs pa rnams la ci nus*phan yang 'dogs/ /ngan pa rnams kyang mi rigs pa las bzlog /gzhan gyi don spyad rab tu gsal bar ston/ /sems dpa' chen po des nags tshal de na 'khod pa'i sems can mang po rnams yongs su bskyangs pas/ de dag slob dpon dang bcas pa*bzhin/ bshes gnyen dang bcas pa bzhin/ sman pa dang bcas pa bzhin/ rgyal po mnyes gshin pas bskyang ba bzhin du bde bar bya'o/ /de nas re zhig cig sems dpa' chen po de sems can la snying brtse ba'i phyir nags tshal gyi nang nas rgyu zhing song song ba*las/ nags tshal gyi phyogs shig na seng ge zhig nad drag pos btab ste/ mda' dug can gyis phog pa bzhin du/ 'gre ldog byed cing rol ba rnams ni rdul gyis gos dri ma can du gyur la 'dzings pa zhig mthong ba dang/ snying rjes bskul nas de'i drud du song ste*dris pa/ ri d)ags kyi rgyal po khyod kyi lus rab tu mi bde ba 'dra na 'di ci nyes/ glang po dag la dregs pas brgal drags sam/ /rab tu mgyogs pas ri d)ags bsnyags drags sam/ /mchongs pa drags pas 'di ltar khyod smad dam/ /rngan pa dag gis*@1!!b mda' 'phangs snad gyur tam/ /bstan du rung na khyod kyis 'di smros shig /'di la ci ltar byas na rung ba'ang smros/ /bdag gis grogs byar rung ba'i mthu yod na/ /bde bar de bsgrub khyod kyang sos par bya/ /seng ges smras pa/ bya'i nad nas mchog tu gyur pa khyod legs*so legs so/ /bdag 'di ltar mi bde bar gyur pa 'di ni/ rtsal drag po las gyur pa'ang ma lags/ rngon pa'i mda' phog ste snad pa yang ma lags te/ rus pa'i tshal pa 'di 'dra ba zhig gre bar zug ste/ nang du mid du yang ma rung/ phyir dbyung du yang ma rung ste/*zug rdus zug pa bzhin du bdag rab tu sdug bsngal zhing mchis na/ de bas nad 'di ji ltar bgyi ba grogs po dag gis bgyi ba'i dus la bab kyis ji ltar mkhyen par bdag bde bar mdzad du gsol/ /de nas byang chub sems dpa' sems rno bas zug rdu dbyung ba'i thabs bsams*te/ de'i kha gdangs su rung ba'i shing zhig blangs nas seng ge de la khyod kyis ci nus su kha legs par gdangs shig ces smras pa dang/ des

kyang de bzhin du byas so/ /de nas byang chub sems dpas shing de de'i so bar du legs par bcug nas/ de'i gre bar zhugs te*rus pa'i tshal pa bsegs khar zug pa de'i rtse mo gcig nas mchus bsgul te lhod par byas nas rtse mo gcig nas bzung ste phyung nas phyir dbyung ba'i tshe yang de'i kha bkag pa'i shing de phyung ste bor ro/ /shes rab rnon po tshe rabs brgyar goms pas/ /ma bsgoms par yang ji ltar der*phyung ba/ /rab tu goms shing mkhas pa'i sman pas kyang/ /rab tu bsgrims kyang zug rdu de mi 'byin/ /zug rdu phyung nas de ma thag tu ni/ /de yi sdug bsngal mya ngan med par byas/ /zug rdu phyung nas ji ltar de dga' ba/ /zug rdu phyung bas de ltar de dgar gyur/ /skye*bo dam pa rnams kyi chos nyid ni de lta bu yin te/ skye bo dam pa gzhan gyis de bsgrubs sam/ /sdug bsngal bzlog na'ang de dang mtshungs par ni/ /bde dang sdug bsngal rab tu myong bar 'gyur/ /rang gi bde ba 'grub kyang de ltar min/ /sems dpa' chen po des de ltar de'i sdug bsngal*@1!"a */ /de zhi bar byas nas sems rab tu dga' bar gyur te/ seng ge de la gar 'gro bar brda sprad nas/ des kyang dga' bar byas te gar dga' bar song ngo/ /de nas re zhig cig bya shing rta mo de 'dab gshog sdug gu rab tu phyar nas 'phur te 'khyams shing song*song ba las/ kha zas bzar rung ba de lta bu ma rnyed de/ /bru ba tsha bas gdungs pa dang/ seng ge de yang ri d)ags gzhon nu song ma thag pa'i sha ni za/ kha dang sder mo dang ral pa'i rtse mo rnams ni de'i khrag gis sbags pa ston ka'i sprin gyi dum bu mtshams kyi dus la bab pa'i mdog 'dra bar 'dug pa*mthong ngo/ /de yis phan pa byas nas de la ni/ /slong ba'i tshig 'bru ngan pa brjod ma nus/ /'jigs med yin yang de yi ngo tsha ni/ /de tshe mi smra'i brtul zhugs len du 'jug /'on kyang dgos pa'i dbang gis ngo tsha btang/ /de yi mig sngar bab par nye bar 'ongs/ /bdag nyid ngan pa*des ni de mthong yang/ /mgron bya'i tshig kyang de la yong ma brjod/ /rdo leb steng du sa bon btab pa bzhin/ /me med thal ba dag la bsregs pa bzhin/ /'bras bu smin pa'i dus na bye brag med/ /phan btags drin med bendu'i me tog bzhin/ /de nas byang chub sems dpas bsams pa/*'dis ni bdag gor ma chag par ngo ma shes so snyam nas/ dogs shing 'dzem pa med par de'i drung du mgron gsar du 'ongs pa'i tshul gyis shis pa brjod de slong mo btab bo/ /ri d)ags rgyal po bdud rtsir gyur/ /mthu rtsal chen pos rnyed pa las/ /phongs pas btsal ba cung zad 'tshal/ /*khyod kyi bsod nams grags pa 'grub/ /de ltar shis pa brjod pa dang tshig 'jam pos bslangs kyang seng ge de khro ba dang ser sna la goms pas ya rabs kyi tshul ni med/ mig gnyis khro ba'i me 'bar bas ser por gyur pa bzlog nas bsregs pa bzhin du/ byang chub sems dpa' la*bltas te smras pa/ k)a ye khyod cung zhig sdod cig /snying rje'i brlan bag gang med pa/ /ri d)ags rnam par g yo ba za/ /nga yi kha ni der song nas/ /gson pa de ni gnang che mod/ /'on kyang nga la brnyas thabs su/ /de ltar slong mo 'debs pa ni/ /srog gis skyo bar khyod gyur tam/ /*@1!"b 'jig rten pha rol lta bar 'dod/ /de nas byang chub sems dpa' de de'i tshig rtsub mos slar bzlog pa de ngo tsha bar gyur te/ de nyid nas nam mkha' la 'phur te 'dab ma brdabs pa'i gshog sgras nged cag ni bya yin pas ci byar yang med do zhes tshul gyis bstan nas langs te song ngo/ /de nas nags*tshal gyi lha zhig des de la brnyas thabs byas ba de ma bzod pa dang/ ci tsam du spro ring ba brtag pa'i phyir/ sems dpa' de'i drung du 'ongs te smras pa/ kye bya rnams kyi mchog bdag nyid ngan pa 'di la phan btags pa'i steng du/ bdag la yang mthu yod bzhin du 'di ltar brnyas thabs byas*pa ci'i phyir bzod par byed/ khrel med de la de ltar bzod pa byas kyang ci phan/ khyod kyi mchu yis 'di yi mig kyang dbyung bar nus/ /rnam par g yo zhing stobs dang ldan yang gzhom par nus/ /mche ba'i bar na 'dug pa'i sha yang 'phrog nus na/ /ci phyir 'di yi stobs*bsnyems dregs pa bzod par byed/ de nas byang chub sems dpa' de ltar brnyas par byas pa'i phyir/ lha des gcugs byas te rab tu bskul yang/ bdag nyid kyi rang bzhin bzang po bstan pa'i phyir smras pa/ bdag cag lta bu'i tshul de lta bu ma yin gyis/ de skad ces*ma zer cig /phongs pa dag la dge ba rnams/ /snying rjes spyod kyi khe phyir min/ /gzhan gyis shes sam ma shes na/ /de las 'khrul pa su zhig byed/ /gzhan gyis phan btags drin med na/ /kho bdag rab tu bslus par zad/ /phan pa byas pa'i lan 'dod phyir/ /su*zhig de la phan 'dogs yod/ /phan 'dogs pa ni bsod nams thob/ /phyi ma'i tshe na'ang 'bras bu yod/ /tshe 'di la yang grags dang dpal/ /gdon mi za ba thob par 'gyur/ /de ltar bsod nams byas pa la/ /'khon du 'dzin pa su zhig yod/ /de ste phan btags lan 'dod na'ang/ /bu lon*chags byas phan ma btags/ /bdag gis phan btags pha rol drin med ces/ /gang zhig de la gnod pa byed

na ni/ /yon tan grags dang bcas pas lus bkrus nas/ /glang chen tshul du spyad par mi 'gyur ram/ /pha rol phongs la phan btags drin du mi gzo ba/ /yon tan byin can dpal dang ldan*@1!#a */ /par mi 'gyur mod/ /sems dang ldan pa su zhig phyin chad phan 'dogs byed/ /bdag gi grags pa med par phyin chad rtsol du zad/ /'di la bdag gis 'di ltar byas na rung ba snyam/ /gang la dge ba'i tshul spyad kyang/ /grogs po'i chos tshul mi snang na/ /ma*khros rngam par ma gyur par/ /de nas bags kyis gud du 'gro/ /de nas lha de legs par smras pa des yid mgu nas legs so zhes yang dang yang du bsngags te/ tshig snyan pa de dang de dag smras pa/ thor gtsug shing shun gos ni med par yang/ /khyod ni drang srong mi mngon dka' thub can/ /cha*lugs tsam gyis thub par 'grub mi 'gyur/ /yon tan ldan na yang dag thub pa yin/ /de skad smras nas mngon par dga' bar gyur te/ de nas mchod pa byas nas de nyid du mi snang bar gyur to/ /de lta bas na dge ba dag ni bskul ma btab kyang ma goms pa'i phyir sdig pa mi spyod do/ /zhes skyes*bu dam pa rnams kyi yon tan bsngags pa la 'ang brjod par bya'o/ /de ltar bzod pa goms par gnas na dgra mang bar mi 'gyur zhing/ kha na mthob yang mang bar mi 'gyur ba dang/ skye bo mang po dga' zhing yid du 'ong bar 'gyur ba'i phyir bzod pa'i gtam bya ba la yang sbyar bar bya'o/ /de*ltar so sor brtags ba mang du byas na/ mkhas pa rnams rang gi yon tan bzang po rjes su bsrung bar 'gyur ba'i phyir/ so sor brtags pa'i yon tan bsngags pa la 'ang brjod par bya'o/ /de bzhin gshegs pa'i bdag nyid che ba dang/ de ltar rang bzhin bzang po*la goms par byas na/ dud 'gror gyur kyang med par mi 'gyur ro/ /zhes rang bzhin bzang po la goms par bya ba'i yon tan bsngags pa la yang brjod par bya'o/ /bya shing rta mor skyes pa'i rabs te sum cu bzhi pa'o/ /skyes pa'i rabs kyi rgyud slob dpon dpa' bos sbyar ba*rdzogs so/ /shlo ka sum stong phyed dang bzhi ste bam po bcu gnyis ma langs so// //rgya gar gyi mkhan po bidy'a ka ra si ha3 dang/ zhu chen gyi lo ts'a ba bande manydzu shr'i 2armas bsgyur cing zhus nas gtan la phab ba'o// //