Byin Mai Na Kun?

Daw-(2).
Munghpawm Myen Mungdan e byin taw nga ai Dinghku Majan gawMungchying Sha Laknak Hpai ai Uhpung Uhpawng ni hte sha seng ai n-re sha, Lapran kaw na Mung Shawa ni yawng hkra mung Ruyak Tsin-yam hkrum ai lam hte, Dai ni rawt jat galu kaba wa nga ai Ramma ni a Shawng Lam hpe mung grai wa Ahtu hkra taw nga ai lam Generation Wave kaw na- Ko Moe Twe tsun ai. Moe Simsa lam gaw Anhte a shawng Lam a matu grai Ahkyak ai. Ndai Ten N-simsa lu yang gaw du na (10/20)- Ning hta e Mungdan gaw Hpyen Majan ni matut nna naw byin taw nga na sha re. Shaloi Anhte Ramma ni hkawm sa na Shawng lam ni gaw.. Mung Shawa hpe Akyu jaw na shara ni n-re ai sha Anhte Ramma ni hkawm sa na Shara ni gawHpyen Majan Pa she rai taw sana re Ramma ni kabye sa wa na Hkrun Lam gaw. BAWM hkam tawn ai Hkrun Lam n-tsa hku hkawm sa wa ra na re. Anhte Ramma ni hkrum katut na Shawng Lam gaw- langai hte langai Dudaw Saihkaw rai,Asi asat Gasat hkat ra na Dinghku Majan byin tai wa na re Dai re majaw..Anhte Ramma ni lata la ra na ga ai. Ya yang Ta tut Up hkang taw nga ai asuya ni mung nga ai. Simsa hkra galaw na kun? N-galaw na kun? ngu ai hpeasuya lit nga ai Ningbaw Ningla ni,Seng ang ai ni yawng hkra Simsa hkra galaw na i? N-galaw na i? Tinang a Kashu Kasha ni hpe dai zawn re Nam kata e Si Si htan htan sa Gasat hkat shangun na i? Kashu Kasha shada myit tau hkat chye ra na ga ai Tinang a Kashu Kasha ni hpe Majan Pa kaw n-sa Gasat hkat shangun mayu yang gawMasha wa a Kashu Kasha ni hpe mung hkum sa Gasat shangun mu. Lama wa n-dai Ten hta Simsa hkra n-galaw lu jang Masha a kasha ni rai nga ai Ramma ni (shn) Mungdan

a Maku(Ahpu Anyunt ) ni rai nga ai Ramma ni yawng hkra gaw Dai Nam kata kaw sha kahtap nna Ap nawng ra na sha re Re majaw.Simsa lam gaw Anhte Ramma ni a Shawng lam hte seng nna, Grai Ahkyak taw nga ai.nga nna tsun ai. Myen Mungdan a kaba htum ai Manghkang gaw- Mungchying Sha ni a Laknak Hpai ai Mayak rai nga ai. Dai Manghkang gaw Myen Mung Shanglawt Labau a Lam yan kaba langai mi re hte maren, Munghpawm Mungdan a Asak daram Ahkyak ai Labau Maubyin ni mung rai nga ai. Ramma ni gaw- Mungchying Sha ni a Mayak Manghkang hpe atsawm n-chye ai,Simsa Lam Magam Bungli ni hpe hkawn hkrang na yak nga ai. Rap ra ai lam nnga ai majaw- byin pru wa ai Laknak Hpai Rawt Malan ai Manghkang a Ningma Hkang gaw kata lam e naw Akrau Alai Sha taw nga ai re. Dinghku Majan hte Myu Sha Manghkang ni a lapran dauyin Ningwan taw nna,Ramma ni a Shawng Lam gaw Myit mada ai lam kata,Yaw shada ai Pandung ni mung mat mat sai nga nna Myen Ramma ni.tsun taw nga ai hpe na chye lu ai. (Ref: Kamayut Media) Mung Masa lam nau n-kam gazik ai nga nna Shingdu dat tawn kau ai hkrum ai majaw- Mungchying Sha ni hte Hpyen asuya a Manghkang gaw Dai ni du Hparan la rai n-lu nga ai re. Hparan lu na matu mung Hpyen asuya a Myit Masa lam hta grai Madung rai nga ai. Kade nna ai Ten hta Ndau Shabra lu na rai sai Myen Mungting Gap jahkring ai lam gaw.. Shaning (60) jan byin lai wa sai (Ningma Hkang) hpe Tsi shamai lu na kun?nga ai hpe gaw, Ramma ni a matu mung, Myen mung ting a matu mung, Mungkan ting a matu mung Ahkyak dik rai taw nga sai re. Myen Mungting na Myen Ramma ni mung- Myen Hpyen asuya hte Mungchying Sha ni a Shaning (60) jan Gasat hkat lai wa sai Dinghku Majan hpe matut nna n-byin shangun mayu sai. Simsa lam lawan woi lajang na matu Hpyen asuya hpe Laja lana Hpyi lajin,Tsun garu wa ai lam mung rai nga ai. Dai hta n-gaDai ni na Dinghku Majan a Ya hkyak hkyak byin taw nga ai Majan N-hpan lam hpe yu yu yang mung- Myen Hpyen La ni gaw Nam kata kaw sa

Si ru jawng taw ai lam ni hpe Internet Shiga ni hta tut mu taw ai hta n-ga,..Du na Ten hta Shanhte Myen Ramma ni a Baw de bai du wa na hpe Mu mada ai majaw mung Simsa Lam hpe lawan lajang na Tsun garu wa ai lam rai nga ai. Myen Hpyen asuya ni Anhte mungchying Sha ni hta Laknak kade grau yang grau u ga, Myit Masa lam gaw Grai naw shai nga ai. Myen ni gaw.. Bungli n-kam galaw jang- Hpyen shang (Shn) Hpungkyi galaw na. Dai lam lahkawng sha rai nga malu ai. Hpyen La mung n-la,Hpungkyi tai na mung laika grai bai chyet ra rai jang gaw.Masu sha yang Masu sha, shing n-rai yang. Kawk hpai nna Mawhpyi hpyi sha hkawm na. Madung gaw-shanhte Myen ni Salat n-pru ai lu sha na matu sha Ahkyak rai nga malu ai. Dai majaw- Lagaw Lata hkum taw tim- Maw Hpyi hpyi sha ai Myen ni hpe Myen Mung ting Abyen Sat n-ma mu mada lu nga ai. Rai yang. N-pu tsang na sha dai zawn re Grit Nun ai Myit rawng a ta? nga yang.. nrai nga ai. N-tsa Pan na Up Hkang Rung ni,Hpyen Dap ni yawng hkra mung. Ngup hte jahkrit shama,Shagyeng shakat Gumhpraw hpyi sha, Mungdan a Ja, Lung Seng, N-hprang Sut rai ni hpe Lata Layung Madi nna Dut Sha,Shap sha rai nga ma ai re. Grau nna Miwa ni gaw- Gumhpraw Sumpum hte kabai bun nna Munghpawm Myen Mung ting hpe Ma-ut,Ma-yu Sha mat wa nga masai. KIO/A shanglawt hpe Gasat na matu Miwa ni Myen hpe Mayun Makoi garum taw ai mung Dai Sut Masa a majaw byin ai Sut Majan sha rai nga ai. Dai Sut Majan a n-pawt gaw Lahta na Myen Hpyen Du ni Salat n-pru ai Miwa hpe Ta layung madi Dut sha ai majaw byin hpang ai Manghkang ni hkrai rai nga ai. Mong Ywa- Letpadaung Bum ni yawng krin htum nna Pa layang tai mat ma ai,Mung Masha ni a Sun,Hkauna ni hpe zing la nna Miwa ni hpe Dut sha ai lam ni gaw.. gara hku hparan la na pyi n-chye ai Manghkang kaba ni rai taw nga masai re. Ya dai Manghkang a majaw Asia a Sharaw kaba,Baren kaba re nga ai- Miwa ni a Dawng Hkawn 2013-Ning,November (29) Ya shani,Yangon e Wan Nat katut sai. N-gawn N-sawn hkrum sai. Dai Sari hpe Gumhpraw Sen,Wan kade hte bai mari la/galai la na rai ta? Miwa Mung a Sari Sadanggaw- Hkyi N-

hkun de hkrat bang mat sai re. Kabu ai. La Hpawk Dum ga. Myen Mung ting hta- Myen Hpungkyi 500000- (Sen Manga) jan nga ai lam chye lu ai. Dai ram law ai Hpungkyi ni hpe Moi de Myen Budda ni jaw sha lu ma ai. RaitimYa prat gaw..shanhte Daga/Dagama ni.. Lu na/Sha na pyi chyip chyap she rai taw nga ai majaw- Hpungkyi ni mung Shat n-hkru sha wa masai. Hpa majaw ta? nga yang.. Gun Rai Manu gaw..Lamu lai nna,Shata Mung pyi du taw nga ai majaw rai nga ai. (Anhte W-P Myu Sha ni Hkarang Yi chye hkyen Sha ai gaw.. N-dai kaw Akyu kaba hkam sha saga ai). Shaloi - Hpungkyi ni mung Myen asuya hpe bai nhtang Ninghkap wa ai gaw- Letpadaung Manghkang kaw- Wan Bawm katut Naw nna Hkru Magyi jawng taw sai n-re ni? Teng sha nga yang dai Wan Bawm ni gaw KIO/A Shanglawt ni hpe Gasat ai kaw lang na Miwa kaw na la shang wa ai Bawm ni rai nna,Sagaing e Htun tawn da ai ni re lam chye lu ai. Wan Hkut Bawm hte Wan Bawm shut nna 2012-Ning, November (29) Ya shani Mong Ywa,Letpadaung Bum Lagaw e-Hpungkyi ni hpe sa kabai bang hkrup dat ai Manghkang rai nga ai. Dai majaw- Letpadaung Manghkang Laning mi hpring hku nna- 2013-Ning November (29) ya shani Yangon Miwa Mung Embassy de sa nnaMiwa Dawng Hkawn hpe Wan sa Nat,Marawn N-gun madun masai re. Mungdan a Dawng Hkawn Wan Nat katut ai ngu gawRoi katut ai hta Gate htum mat sai re. Dai majaw- Myen Hpyen asuya ni gaw Shanhte a Chyeju Madu Miwa hpe chyan pyi Yu Mada gwi sana n-re. Miwa ni mung shanhte a Dawng Hkawn Wan Nat katut ai majaw- Adit Si na daram Pawt taw na masai. Mungkan hta Miwa a Peng/Sari yawm dik ,hkrat dik mat sai hpe mu mada lu ai. N-dai zawn Munghpawm Myen Mungdan hta Mungchying Sha ni hte Myen Hpyen asuya ni Mung Masa/Hpyen Masa pyi mazang n-rin naw rai nga yang- Miwa ni a Myen Mung kata na N-hprang Sut rai ni Maw Hkalawk Htu Akrawk shaw la taw nga ai lam ni gaw- Simsa Lam hpe grau grau tsan gang shangun mat sai re. Myen hte Shanglawt a Manghkang hpe mung Zim mat na hpe pyi Miwa ni tsang nga ma ai. Hpa majaw nga yangN-ta Madu ni Ga law hkat,Abyen hkat taw jang she,Shi Htingbu wa- Lagu Sha, Manaw sha mai

na n-rai ta? Dai majaw Mungchying Sha ni hte Myen ni byin ai Manghkang hpe grau grau hkru grung hkra Miwa ni Wan Nawn ya taw nga ma ai re. Mungchying Sha Laknak Hpai Uhpung ni a Myen Mungting Gap Jahkring Htingram Hpung(NCCT) a (3) Ya hkrum zuphpawng hpe Thai Mungdan Chiangmai Mare Win Place Hotel e galaw lai wa masai. Dai hkrum Zup Hpawng hta Myen Hpyen asuya ni shangun jaw tawn da ai Laika N-hprang hpe hkap la Myit hkrum lawm na yak ai lam UNFC Amu Madu(2) Khun Okka tsun ai. Myen asuya ni shagun jaw ai Laika N-hprang Ga Baw (11) kaw na (6) hpe November (26) hte (27)hta Bawngban nna- Malawm n-kau mi hpe NCCT hku nna N-hkap la lu ai nga nna Tsun N-dau Shabra masai re. Myen Hpyen asuya ni a Gap Jahkring Laika Nhprang gaw- Laknak ni hpe dawm kau na lam tsun tawn nna,Hpyen lahkawn ai lam ni hpe mung hkum pat ai lam,Hpyen Dap nnan n-mai Gawgap ainga ai lam ni gaw N-hkap la lu ai lam ni re nga- NCCT ni tsun ai. Laknak Hpai ai Mahkrun Lam hpe dawm kau nna Tara Masa kata de shang wa nangu ai Lam ni,Gaw Da ai Tara (Tise Upade) hte Shingdaw nna Lam magup hpe tsun ai,Machyu Pala Laknak n-mai jahting ai,Mung Shawa kaw na Lahkawn lu,lahkawn sha ai lam ni n-mai galaw ainga ai ni hpe NCCT hku nna Shaw kau/Reject galaw kau ai lam chye lu ai. Dai hta n-ga- Gap jahkring ai Ginra ni de Shanhte Myen asuya ni a Balik Dap ni hpe Up Hkang ai lam hte seng nna Lit la shangun nanga ai lam ni hpe mung(NCCT) hku nna tsep kawp n-hkap la ai lam chye lu ai. KIO/A Shanglawt Asuya hku nna mung- Myen ni a Laika N-hprang hta, Laknak Hpai ai lam hpe Dawm kau nangu ai lam ni lawm taw nga ai majaw- Hkap la na lam nnga ai.Myen asuya ni a Laika N-hprang gaw shanhte byin mayu ai hpe sha tsun taw ai lam re. Dai n-tsa e Anhte bai Htingram sa mat wa ra na ga ai. Shanhte a Laika N-hprang hpe Hkap la lu ai lawm ai zawn, nhkap la lu ai ni mung nga ai. Madung hku nna gaw Concept/Ningmu ni hpe tsun ai shaloi-Laknak hpai ai gawShut ainga ai lam gaw Laknak Hpai ai Mungchying Sha ni hte KIO/A hku nna n-hkap la lu ai. Shing rai laknak Hpai ai lam gaw- Tinang a lu la ging, lu la ang ai Ahkaw Ahkang ni n-tsa e Tsap ai lam renga nna Du Kaba Sumlut Gun Maw tsun ai.

Dai Chiangmai NCCT zuphpawng kaw- Laiza Conference hta n-ngut kre lu ai lam ni matut Bawngban nna,Kayin Mungdaw KNU Ginra hta matut Bawngban sa mat wa na lam ni hpe mung hkyen lajang ma ai lam chye lu ai. Myen Hpyen asuya ni a laika N-hprang hte seng nna shanhte jai lang ai Ga Hkin Dat (Vocabulary) ni hpe hkap la na lam nnga ai nga nna tsun jahta ma ai. Dai hta n-ga rai nngut kre lu ai Mungchying Sha Uhpung ni a Laiza e Myit hkrum Dawdan tawn da ai Ga Baw (11) hpe mung matut Bawngban jahpring jat nna,Myen asuya hte Bawngban na Mung Masa Hkrang ni hpe mung Ka lajang ma ai lam chye lu ai. NCCT gaw- KNU Ginra hta December Shata e galaw na Mungchying Sha Laknak Hpai Uhpung ni a Lahkawng lang ngu na Conference de Tang madun na matu Sam Rawt Malan Hpung (RCSS), Wa Rawt malan Hpung (UWSA) hte kaga Mungchying Sha Rawt Malan Hpung ni the mung kahtap hkrum zup Bawngban na matu lajang taw nga ai lam chye lu ai. N-dai NCCT ni a Chiangmai (3) Zuphpawng ngut ai hpang- Du Kaba Sumlut Gun Maw hte DVB ni San/Htai bai galaw ma ai.

DVB -

NCCT a Chiangmai (3) ya Bawngban Hpawng a Mahtai ni hpa baw lu sai kun? Anhte NCCT ni a Lit gaw- Myen Mungting Gap Jahkring Laika N-hprang(Draft) pru wa hkra Ka lajang na Lit rai ga ai. Dai majaw n-dai Zuphpawng hta mung dai lam hpe sha Madung hku nna Bawng ban jahkrum ga ai Bochuk ni hku nna- Mung Masa lam Bawngban ngut jang she Gap Jahkring na nga tsun lai wa sai. Raitim Myen asuya ni hku nna gaw-Gap Jahkring Lekmat Htu ngut jang she Mung Masa lam Bawngban sa wa na nga tsun ai. Dai lahkawng a lapran Shai ai,N-bung ai lam ni kade ram nga ai kun? Grai Shai ai lam gaw nnga ai. Raitim shara n-kau mi hta Frame Work hpe shawng myit hkrum ra ai. N-kau mi gaw.. n-re ai. Gap Jahkring ai

Gun-

DVB -

Gun-

lam shawng galaw ra ai. Ngut jang she Frame Work hpe Bawngban na nga ai hku re. Ratim kalang lang gaw,Gap Jahkring na lam hpe Bawngban nga ai Ten hta Frame Work hpe mung kalang ta myit shalawm ra ai lam ni mung nga ai DVB Chiangmai e Myen Mung Party (11) hte Federal hte seng nna Bawngban jahkrup ai lam chye lu ai. Dai loi mi naw kahtap sang lang dan rit Anhte Mungchying Sha ni tsun taw nga ai gaw- Munghpawm Mungdan hta rau sha jawm shanu nga na nga jang gaw, Federal Hkrang gaw kaja htum ngu nna mu mada ai Dai majaw- Mungdan hpe Gawgap ai shaloi mung Federal Hkrang hte Gawgap ga ngu nna hpyi shawn ai lam rai ga ai. Federal HKrang..ngu nna tsun ai lachyum gawMunghpawm Mungdan kata e rau sha shim shim,lum lum hte maren mara nga lu ai Hkrang langai mi hpe ra sharawng ai majaw rai ga ai DVB N-dai Ten hta asuya hte Tatmadaw hku nna Federal hpe hkap la wa sai. Raitim Bochuk ni ra sharawng ai Federal hte asuya ni tsun ai Federal a lapran hta kaning re lam ni shai nga ai kun? Shanhte a lachyum shaleng ai lam hte Mungchying Sha ni maga de na Lachyum shaleng ai lam bung ai i? Shai ai,N-bung ai lam ni gara hku nga ai kun? N-dai Ten du hkra Anhte gaw Federal Hkrang hpe sha tsun taw nga ai hku re. Kaning re Hkrang rai na hpe gaw rai n-bawngban lu ga ai. Raitim Anhte ra sharawng ai gaw Federal Hkrang hte asuya ni myit tawn da ai Federal Hkrang hpe kade ram bung pre ai,Shai ai ngu ai hpe rai n-chye ga ai Laiza Conference shaloiLt-General Myint Soe tsun ai gaw., Mungchying Sha ni hku nna gaw, Shanhte Ra sharawng ai lam ni Shanhte nga na re. Ratim Tatmadaw hku nna gaw- Anhte a Lit (3) rai nga ai- Munghpawm Mungdan tut grin nga lu na matu, Mungchying

Gun -

Gun -

DVB -

Sha ni a Kahkyin Zinlum ai lam tut grin nga lu na hte Achuk Acha Arnar tut grin nga lu na matunga nna, Moi.. Hpyen Arnar Shin asuya tsun ai hpe sha bai tsun taw nga ai shaloi. Dai n-tsa kaw gara hku mu mada ai kun? Gun Dai shanhte a Lit (3)- Du Tawun Aye Tungba gaw.Hkam la ai lam ni hte Principle rai nga ai. Federal hte gaw Adingtawk seng ang ai lam nnga ai. Kaning re Magam Lit ni hte Gara hku hkan sa ra na ngu ai Daw rai nga ai. Dai majaw (Du Tawun Aye Tungba) gaw- Federal hte n-byin mai na re..ngu mu mada ai Dai kaw- Munghpawm Hpyen Dap..nga nna Bochuk ni bang tawn da ai hpe mu lu ai. Shaloi dai Pyithaungzu Tatmadaw ngu ai gaw kade ram du hkra Ahyak a ta? Dai Munghpawm Hpyen Dap hpe kaning re Hkrang hte Hpaw Ninghtan na myit tawn ai kun? Federal Munghpawm Hpyen Daphpe Daw lahkawng hku nna tsun mayu ai. Shawng nnan na Daw gaw- Anhte laknak Hpai Mungchying Sha ni hpyi shawn mayu ai gaw, Mungdan hpe Federal Hkrang hte Gawgap sa wa na re nga jang- Hpyen Dap mung Munghpawm Hkrang hte Gawgap tawn ai Hpyen Dap byin ging ai..ngu ai Daw re Nambat lahkawng Daw hku nna- Anhte Mungchying Sha ni gaw- Tinang a Shim lam hpe tam ai lachyum rai ga ai. Dai ni du hkra Mungchying Sha ni a myit hta hkam sha taw nga ai gaw- kaja wa Mungchying Sha ni hpe Makawp Maga ai Lam jaw na kun? N-jaw na kun? ngu ai lam myit hta hkam sha nga ga ai. Dai re majaw- Ten ladaw langai mi hta N-dai Tatmadaw Myen Hpyen Dap gaw Mungchying Sha ni yawng hkra hpe Makawp Maga ai Tatmadaw re. N-dai Tatmadaw gaw- Mungdan Makawp Maga ai Lit hte Hpyen Dap hte sha seng ai Magam Bungli ni hpe sha gun hpai ai Tatmadaw rengu ai Madang de du mat wa jang she- Tatamadaw(Hpyen Dap) a lam kaga tsun na lam nnga sai Raitim ya Anhte Myen n-re ai Mungchying Sha ni a myit kraw kata hta-Tinang a Mungchying Sha ni hpe

DVB -

Gun -

Makawp Maga na Hpyen Dap ni nga ra ai ngu ai Ningmu a n-tsa e..Ndai Federal Union Army hpe tsun ai lam rai ga ai DVB Gun DVB Grau nna gawMyit rai n-mai kam aingu ai lachyum i? ReDai hku mung mai tsun ai Shada kam hpa ai lam hte seng nnaDemocracy Ningbaw Daw Awng San Suu Kyi hpe N-dai zawn re Simsa bawngban ai lam ni hta shang lawm shangun na lam hte seng nna-Gara hku mu mada ai kun? Anhte gaw- 2012-Ning hta asuya ni hpe Proposor Daw (3) hku nna jaw da ga ai. Shawng na Daw hta- Gap jahkring na hte seng nna Bawngban ai lam,Daw lahkawng hta gaw- Myen Mungting na shang lawm ging ai,Shang lawm ra ai ni yawng hkra shang lawm ai Zuphpawng Kaba langai mi galaw na matu,Daw (3) hta she-Ta Tut galaw sa mat wa na ngu ai Proposor ni re Dai majaw- Daw Lahkawng hta lawm ai shang lawm ging,shang lawm ang ai ni yawng hkra shang lawm na tsun ai hta ASSK ni zawn re Ahkyak ai Ningbaw Ningla ni yawng hkra shang lawm na matu re. Dai majaw ASSK langai sha n-re sha, ASSK zawn re Ningbaw Ningla ni yawng shang lawm na matu Anhte Myit mada ga ai DVB Dai ni- Awng san Suu Kyi gaw Australia du taw nga ai. Dai kaw Jinghpaw Uhpung ni hku nna- ASSK hpe n-hkap tau la lu ai lam N-dau Shabra ai Laika ni hpe mu lu ai. Dai hte seng nna kaning ngu tsun mayu ai kun? Dai gaw..myit yu yang- Jinghpaw ni hku nna ASSK hpe kam ai, Myit mada ai lam kaw nna bai n-htang byin pru wa ai Reflection rengu nna tsun mayu ai. Hpa majaw i?..nga yang- Anhte a Mungdan gaw, Bo Chuk Awng San hpe myit kam, myit mada lai wa ai zawn ASSK a n-

Gun -

Gun -

tsa e mung- kam hpa ai. Bai nna- Myit mada tawn da ai lam ni mung grai nga lai wa yu sai re Dai niN-dai Ahkying Aten hta Lam amyu myu a majaw, ASSK hku nna- Mungchying Sha ni a lam hta Rai n-tsun,Rai ngalaw ai shaloi- Dai Mabyin a majaw N-htang gashaw wa ai Hpungtang Nsen ni rai nga ai. Dai re majawDai Shadawn Shadang langai mi hpe lai di lu mat wa jang gaw,Ya tsun ai Kumla ni mung galai shai mat wa n-hten? DVB Langai mi bai kahtap San mayu ai gaw,Ya Aten Pyihtaungzu Wungyi U Awng Min ni,asuya ni hku nna Laknak Hpai Mungchying Sha ni hte Simsa Lam galaw taw nga sai. Galai Shai ai Mahkrun Lam de sa wa nga sai. KIA hte mung Bawngban jahkrup taw nga ai nga nna tsun ai. Dai hpe gara hku mu mada ai law? Ga shadawn- shanhte galaw sa wa ai lam ni gaw kaja wa sha,Yawng hkra pri nyem hkra galaw lu na kun? Madung hku nna Simsa lam hpe Hkrang Shalat taw nga ai lam re i? Gun Ya shanhte galaw taw nga ai lam ni gawkaja wa sha Tsawra myit hte galaw taw nga ai lam re hpe mu mada lu ai. Raitim shanhte hta Shadawn shadang tawn da ai lam ni nga ai Kaning re lam ni rai kun? Ga shadawnU Awng Min ni a galaw lu ai Ahkaw Ahkang hte Lit Magam ni gaw.. Myen Mungting hta gara hku galaw sa wa ra na re ngu ai lam ni hpe N-dau Shabra ngut chyalu re. Raitimkalang lang gaw,Simsa Bawngban Hpung ngu nna tsun na hta, Mungdan asuya ni hku nna jahkrat tawn da ai Hkrang Masa ni hpe Ta Tut galaw ya taw nga ai Uhpung zawn byin taw nga ai Raitim Shada Htingram na Ahkaw Ahkang lu ai. De a n-tsa e Awng dang hkra Jahkrum na.ngu ai hpe mu mada lu ai

DVB Gun -

DVB -

Gap Jahkring ga nga nna,Lekmat Htu ai ni mung galaw ngut sai. Bawngban Hpawng ni hpe Laiza hte Chiangmai ni hkan mung galaw sai. Raitim- Jinghpaw Mung kaw Gasat Gala ai lam ni naw matut byin taw nga ai. Nam Lim Pa kaw nga jang mung..Hpyen Yen Tsin Yam ni yawng hkra hprawng nna kaga shara langai mi de bai sa shingbyi taw nga ra ai. Dai zawn re lam ni gaw Hpa majaw re ngu shadu ai kun? Ya Anhte KIO hte asuya ni gaw Gap Jahkring ai lam ni rai n-galaw ga ai. Raitim myit hkrum ai lam ni Lekmat Htu tawn ai lam ni nga ai. Dai gaw Gasat gala ai lam ni hpe shayawm mat wa nangu ai re. Dai majaw Gasat gala ai lam ni gaw tsumra mi grit mat wa sai hpe mu mada lu ai. Raitim ya na zawn langai hte langai Myit kam ai lam ni hpe Gawgap taw nga ai Ten hta n-dai zawn Gasat Gala ai lam bai byin wa ai gaw- kaja wa nan n-htuk ai n-hkrak ai lam re. Majan n-hpan ni byin ai majaw Bawngban ai lam ni hta Dingbai Dingna ni byin wa lu ai Bailangai mi gaw- Mung Shawa a kam hpa ai lam ni grai hten za mat wa lu ai. KIO a n-tsa e myit kam ai lam nnga mat wa ai zawn,asuya a n-tsa e mung myit kam ai lam ni yawm mat wa lu nga ai

Gun -

DVB -

Lai wa sai shata lahkawng daram hta asuya Hpyen Du langai mi hpe Baw Htau Sat ai nga nna KK Chyi (Hkarang Makawp Maga Dap) kaw nna mung, Media hte asuya Shi Laika hkan mung Mu hti hkrup ga ai. Dai lam hte seng nna gara hku sang lang tsun dan mayu ai kun? Dai lam gaw Shara n-kau mi hta Shiga chyashut ni lawm ai. N-kau mi gaw jaw ai. Dai Shara gaw..Ya Anhte Gasat gala taw nga ai shara hte tsumra mi tsan gang ai hku re. Dai Manghkang hpe Anhte gaw Rau Pawng hpawn nna San sagawn na matu Laika Mara tawn tim dai lam hpe rai n-lu galaw ga ai

Gun-

Dai Hpyen Du wa..Anhte a masha ni kaw du mat wa ai lam gaw teng ai. Ratim Baw Htau nna Sat ainga ai gaw n-re. N-teng ai Raitim lapran e maga mi hte maga mi chye na hkat ai lam ni Shai taw nga ai lam ni gaw nga ai. Ya du hkra hkrak tup rai n-jawm sagawn lu ai hku re. Rau jawm Sawk sagawn,San sagawn gangu ai Tsang kaw sha naw rai taw ai hku re DVB KIA ni kaw nna Baw Htau sat ai lam n-galaw ai nga jang gawshanhte hku nna Hpa majaw dai hku N-dau Shabra ma ai da i? Kaning re lam ni a majaw Tatmadaw de na ni mung, asuya de na ni mung dai zawn nga Mara shagun taw ma ai rai ta? Anhte Na lu ai Shiga hku nna gaw- Dai Mare kaw Ga n-chye shaga,Na hpang ai Masha langai mi gawShi a Lagaw Lata galang nna tsun dan ai shaloi Lachyum htai la ai lam Shut mat ainga nna Na lu ai. Dai Shiga shawng lung wa ai shaloi (Na ai shaloi)Dai zawn Baw Htau nna Sat hkrum ai ngu ai hku chye na shut mat ai lam re Ngai San mayu ai lam gaw htum sai. Raiyang Ya Tenmatut galaw taw nga ai Simsa Lam,NCCT a byin taw nga ai Masa lam ni hte seng nna Hpungdim hku nna Tsun mayu ai lam nga ai kun? Anhte KIA ni hku nnaJinghpaw Mungdaw/Mungdan masha ni hte Daidaw Masha ni a Malai tut nawng Myit Sumru taw nga ga ai. Rapdaw hta raitim, Kaga ngam ai Ten ni hta raitim,Galoi raitim Mung Masha ni a matu tut nawng Baw bang Myit shalawm nga ga ai. Dai gaw hpa baw rai ta?..nga yang- (Shawng lam de Mung Masa lam Bawngban sa wa lu na matuMyen Mungting Gap Jahkring ai lam hpe byin lu hkra shakut sa mat wa na ga ai)..ngu nna tsun mayu nngai

Gun -

DVB -

Gun -

N-dai lahta na Lam ni gaw Du Kaba Sumlut Gun Maw hte DVB ni a San/Htai rai nna..Dai san/Htai hte seng nna Myen Mungting na Comments/ Tsun Maram ai lam ni hpe mung n-pu na hte maren Na lu nga ai.

(1). Demo Fattee- Bochuk Gun Maw Htai sai. Kahtap Share ya marit. Chyahkring hkring Share ya mu. Share nna Myit N-gun n-lu jang Downgalaw nna Bai Mara ya mu Fattee Wa tsun mayu ai gaw- Myen Hpyen asuya ni makoi magap tawn da ai lam ni,Manghkang n-byin byin hkra Myen Hpyen Du langai mi hpe Baw Htau Sat ainga zawn re ,Mara tam ai,Jahte tam ai, Mung Shawa hku nna KIO/A a n-tsa e Chye na yit kau na matu Shiga Chyashut hte Jinghpaw hte Myen Amyu Bawsang ni a Lapran Manghkang byin na matu Wan nawn ya ai lam re hpe,Myen Mungting sha n-ga, Mungkan jut shingnaw shagu du taw nga ai Myen Mung Masha ni yawng hkra chye lu na matu- kahtap nna garan kachyan Share galaw munga nna Tsun Shatsam ai lam rai nga ai. Myen Hpyen asuya ni N-myit dum kau ai lam langai mi gaw..Shanhte Myen Hpyen asuya hpe Mungchying Sha ni sha nga,Shanhte Myen ni shada da pyi (Nyep Baw Baw re ai Ma kaw na hkawt) N-kam mat saingu ai lam rai nga ai. Masha ngu ai Kam ai Myit hkoi mat jang- Ja Gumhpraw Arawng Sadang kade lu tim Kaman sha rai nga ai. Anhte Kam ai galaw na.. nga nna Ting gyeng myit hte Up Hkang sha mat wa ai lam ni gaw- Myen Shada Mala hka mat shangun ai lam ni rai nga sai. Bai nna. Anhte W-P Jinghpaw Myu sha ni a Manang wa hpe Tsawra hku hkau chye ai,Garum shingtau chye ai,Myit san seng ai,Shagrit shanyem chye ai,Sadi dung ai lam ni hpe Myen ni yawng hkra ngu na daram chye nga ma ai. Dai re majaw, Myen Hpyen asuya ni Anhte W-P Jinghpaw ni hte Myen Amyu Bawsang ni a lapran e Sumprat kade dawk bang tim Jinghpaw ni dai hku galaw na n-re ngu ai hpe Myen Amyu Bawsang ni hte Mungchying Sha ni yawng hkra mung chye da chyalu rai nga sai. N-dai zawn- DVB hte San/Htai galaw ai marang eDai teng man ai lam ni yawng hkra chye na mat nna Myen Hpyen asuya ni a Masu Magaw,Matsat shabat re ai Myit kyang ni yawng hkra dan dawng mat sai re. Dai majaw Fattee gaw- Share nna Myit n-dik jang- Down Load galaw nna bai shabra bra rai ga nga..Tsun Shatsam taw ai lam rai nga ai.

(2). Soe Min,Helen Aye Kyaw,Tun Wai,Ye Yint Nge,Nan Lwin,Khun Dee Ram,U Awng Gyi,Lu Min,Martin Swe hte Ko Tun Wai ni kahtap Share ai lam chye lu ai. (3). Dai hta n-ga Chit Loon Thu,Yan Maung,Zayar Aung hte kaga Marai (205) ni hku nna Ra sharawng Like byin ai lam chye lu ai. (4). Marai (286) mung Bai kahtap Share ai lam mu mada lu ai. (5). Philosopher Mg Myathar- Bochuk Gun Maw gaw Ga shaga grai Zen ai (Nat De). Adawt hkra, Ahtu hkra na zawn re n-lawm hkra chye Htai mat wa ai. Grai Ram, Grai byin aingu nna tsun mayu nngai (Ra Sharawng/Madi Shadaw ai Marai- 9) Ndai wa mung- shi nan philosopher re majaw Du Kaba Gun Maw a Ga Hkum,Ga Si ni kade ram Lachyum Sung ai ngu ai hpe langta chye na kau ya ai wa rai nga ai. Myen ni gaw Baw Nu zen ai,Nyan Heng ai ni hpe Grai hkrit ai re. Shanhte a Man kaw Angawk Angak gaw hkum sa nga dam. Kalang ta yu kaji kau ai hkrum na. Raitim n-rai tim..(75) Miles/Hour daram sha gaw Gawut chye ra nga ai. Dai ram Gawut chye na sha pyi loi dam ai Bungli n-rai nga ai. Myathar tsun ai. Du Kaba Gun Maw- grai Zen ai (Nat De)da. She zen law. Masha wa Myen Hpyen Du Kaba ni zawn Marai Masum Pawng yang Tan (10) pyi n-du ai Tsang n-re gaw. Jan Mau Gup chyalu le. Kanang sa bung na. (Moi de gaw Hpyen Dap shang jang Hpaji Madang kaga Masat da ai lam nnga ai.Gap Shalun la ai hkrai re). Shawng/Hpang N-adawt, N-ahtu hkra hkra chye Htai ai. Grai ram/Grai byin ai ngu tsun mayu ainga nna Du Kaba Gun Maw hpe Shakawn ai hpe mu lu ai. Kabu hpa rai nga ai hte maren Du Kaba gun Maw hpe mung grai chyeju kaba sai. Hpa majaw i?...nga yang- Du kaba hpe Shakawn ai gaw Anhte W-P Myu Sha ni yawng hkra hpe Shakawn ai the bung nga ai. Du Kaba Ram ai gaw Anhte W-P Myu Sha ni yawng hkra Ram ai hte maren sha rai nga ai. Dai re majawAnhte Myu Sha ni yawng hkra mung Myiman Pa lu saga ai. (6). Zaw Maw Shadaw aiMarai-3) GREAT !!!!!.da. (Ra Sharawng/Madi

(7). Aung Ko Latt- Share sai da. (8). Ma NilarYou Tell the True thing,Straight man,Real Man, GREAT!!!. Bai nga taw sai. (Ra Sharawng/Madi Shadaw aiMarai-5) Anhte a Tengman,Dinghpring, Myit san seng ai lam ni gaw Anhte a Sari,Sadang hpe Shatsaw ya taw nga aingu ai hpe mu mada lu nga ai. NTara ai ni chyawm gaw N-bung gawut shapoi ai Numhkaw hte bung mat na sha re. (9). Yein Myaw- Bochuk Gun Maw Htai ai n-re. Bochuk Gun Maw gaw..Jinghpaw Mung Shawa ni Htai mayu ai hpe Htai ya ai she re (Ra Sharawng/Madi Shadaw ai Marai-11) N-dai Comment gaw- Du Kaba Sumlut Gun Maw (Shn) KIO/A gaw WP Jinghpaw Myu Sha ni yawng a Gawng Malai rengu ai lam grai dan dawng shangun nga ai. Mung Shawa hte KIO/A gaw Langai sha re ngu ai lachyum hpe mung Htawng madun dan nga ai. Dai hta n-ga KIO/A gaw Mung Shawa a kam Hpa ging ai Asuya rengu ai lam hpe mung chye na lu nga ai. (10). Yein Myaw- Grai Tengman, Si Mani ai Mahtai re (Ra Sharawng/Madi Shadaw ai..Marai-7) Ga shajan nau n-tsun ai,Ra ai hpe hkrak tup,Shawng/Hpang Shingdaw nna tsun chye ai Du Kaba Gun Maw a Myit Kraw San ai lam hpe mu mada lu ai. (11). Demo Fattee- Lamu Hpungtang Kashaw hkra..Chye lu Na lu mu ga law (Ra Sharawng/Madi Shadaw aiMarai-6) Ndai- Du Kaba Gun Maw a Mahtai ni hpe Nna kau dat,N-chye kau dat ai ni nnga mu gangu mayu ai lam rai nga ai. Hpa majaw i? nga yang Munghpawm Myen Mungdan gaw Shaning (60) Ning jan teng sha byin ai Shiga ni hpe Makoi Magap da nna,Shiga shadam ni, Shiga Chyashut ni hte chyu Mung Shawa hpe Masu sha,Up Sha taw nga ai majaw Ndai Du Kaba Gun Maw zawn nga nna- Teng man ai lam ni hpe Lachyum Sung Sung, Kadun Dawk hte chye tsun jahpra dan ai hpe Nna kau dat ai ni nga na tsang ai majaw..Lamu Hpungtang Kashaw hkra.Chye mu gaNa mu ganga nna Shi a myit hta rawng ai lam ni

hpe Tsun Shabrawng dat ai lam rai nga ai. Loi sha n-rai. Hpungtang she Kashaw hkra Chye mu ga. Na mu ga ngu ai hku rai lu ai. Ndai ram hpa majaw Fattee a myit Kraw hta Katu rawng taw a ta? Du Kaba Gun Maw a Mahtai ni gaw grai Manu dan nna,Yawng hkra chye da ging, Na da ging ai majaw rai nga ai. (12). Tun Tun Naing- Bochuk Gun Maw gaw Zen ai.(Nat de). Tsit Uzichuk hta Grau ai. Jinghpaw ni a matu Kam Hpa ging ai Ningbaw Ningla langai mi re ngu nna Shagrau Masat ya mayu nngai (Ra Sharawng/Madi Shadaw aiMarai-8) Gai!....Kade ram Kabu hpa rai ta? Shanhte Myen ni a Tsit Uzichuk Min Awng Hlaing hta pyi grau ai da. She grau law. Min Awng Hlaing gaw Tsang (10) hpe B-List hte sha Awng nna DSA (Defence Service Academy/ Hpyen Dak Kasu) sa lung ai wa. Du Kaba Gun Maw gaw Jan Mau Gup ngut nna Myu Sha ni a Hpyen Magam hpe Asak ap Nawng nna sa gun hpai ai wa. Ganang sa bung na law. Shabung ai baw pyi n-rai nga ai. Bailangai mi gaw- Min Awng Hlaing gaw Ram ai majaw Tsit Uzichuk tai wa ai n-re sha,Than Swe wa hpe chye Aba ai majaw (shn) Than Swe wa Ra ai Masha re majaw- Jump Promotion hte Shi hta Service grau kaba ai Hpyen Du ni hpe Shingkawt,Shingkra nna Tsit Uzichuk shara kaw lu wa ai wa rai nga ai. Gara hku mi nga tim- Du Kaba Gun Maw hpe ram ai majaw,Byin ai Majaw, Tsun shaga ai lam hta Madang tsaw,Lachyum Sung ai majaw Shanhte a Hkum hpe Shanhte Grai byin dum ai Myen ni pyi shagrau wa,Kam wa,Hkungga wa ai lam re ai hpe mu mada lu nga ai. Du kaba Gun Maw a San/Htai gaw.. Myen ni W-P Jinghpaw Myu sha ni hpe Masu n-lu sai. Myen hta Anhte Myu sha ni grau zen saingu ai Sakse rai nga sai. Grai kabu ai. Grai Arawng la nga ga ai. Gara hku- Min Awng Hlaing ni sa shachyut dep dam sana law? N-madawm, N-mayawm she rai mat sai. Dai hta n-ga, Awng Min ni ngu ai gawDu Kaba Gun Maw hte..Lamu hte Ga..Nai Lap hte Lahpra..le. Gazik dam ai baw pyi n-rai sai. Hpaji Madang, Machye Machyang Madang,Tsun shaga ai Madang kaga ga rai mat sai. Goi.Grai chye dum ai Myen ni hpe Matsan pyi dum sai yaw. Gaya chye yang gaw- Adit Si mat mu ngu mayu ai.

Du Kaba Sumlut Gun Maw hte Myutsaw Mungtsaw Ningbaw Ningla kaba ni,Myutsaw Share Shagan ni yawng hkra.. N-gun Nnan bai ban jahpring jat la nna,matut Shakut Shaja sa mat wa ga nguTsawra Hkungga let Numhtet Shatsam mayu nngai re. (13).Mr-Ko Ko Hkungga ai. Min Awng Hlaing hta grau nna Hkungga nngai (Ra Sharawng,/Madi Shadaw ai Marai-4). Shanhte a Myen Tsit Uzichuk Min Awng Hlaing hta pyi Du Kaba Gun Maw hpe grau Hkungga ai lam hpe mu Mada lu ai. Hpa majaw ta? Myen Hpyen Du ni hte Myen Hpyen Dap ni gaw- Masu Magaw Hkalem hkalau rai nna Mung Shawa hpe Roi Rip,Dip lu Dip Sha ai majaw rai nga ai. Mung Shawa a Madi Shadaw ai lam n-lu ai Hpyen Dap (shn) asuya gaw Lani mi hkrat sum mat na sha re. Dai hpe Anhte grai Sadi ra na ga ai. Mung Shawa hpe Gawng Malai tai ai,Mung Shawa a Ra Sharawng ai lam hpe Shawng Numshawn tawn chye ai Hpyen Dap (shn) Asuya rai ra nga ai. Dai gaw Jet ai Democracy Asuya/Jet ai Myutsaw Mungtsaw Makawp Maga Dap nan rai sai. (14). Thunder Pa Yit - Ading tawk, Asan Senga ai. Gai.Ngut sai gaw! (Ra Sharawng/Madi Shadaw aiMarai-6). Hpyen La re majaw yawng hkra gaw Ading Tawk sha tsun chye ai lam bung nga ai. Raitim ..Tsun sang lang dan ai lam hta, Madat ai ni chye na hkra (Short to the Point) naw chye tsun ra nga ai. Dai zawn Kadun Dawk sang lang ai lam hta Ga Si,Ga Hkum ni mung Namnak Rawng ra nga ai. Atang chyahpa Ngut Daw n-mai Htai nga ai. Htawra gaw Loi mi Shut mat nga nu ai. N-dai gaw naw Sharai na zawn she nga re nga ainga ai zawn re ni.. n-mai lawm nga ai. N-chye Na ai wa hpe tsun Sang Lang dan ai re majaw- Tsun dan na Ga Baw a Mabyin ni hpe mung Azin Ayang chye tawn ra nga ai. Ningbaw re majaw Tsun ang jang she,Tsun shangun jang she ngu ai hku n-re sha,Tinang a Myu Sha ni a Lam Yan gaw Tinang a Lam Yan, Myu Sha ni a Gam Maka gaw Tinang a Gam Maka re ngu ai hpe tut nawng myit sumru ai wa chyu sha she Myu a matu raitim, Mungdan a matu raitim.. Manu dan ai Mahtai ni pru wa lu na rai nga ai. Myen Hpyen asuya ni gaw- Gara Dut Sha na,Kadai

hpe gara hku Akoit gayet na ngu ai lam ni hkrai myit taw ai re majaw- Mung Shawa hpang maga na myit tau ya ai lam hpa nnga,Lawu na P/A ni ka ya ai hpe sha sa Hti dan taw ai re majaw- Kaga lai lai jan jan san wa jang Pawt wa,Hprawng mat re ai hpe mu mada lu ai. America na Interview langai mi hta Myen Mung na Muslim Gala manghkang San/Htai galaw ai shaloi- Thamada Theing Sein waAten nnga sai. Shinggan de Appointment galaw da ai lam nga ai ngaInterview Gawk kaw na hprawng pru mat wa ai hpe Video File hta mu mada lu ai. Dai Interview hta Theing Sein wa gaw Thamada langai mi ting rai nna,Tinang a Mungdan lam hpe n-chye tsun Jahpra dan ai majaw Mying tsumra mi Hten mat ai re. Mani Asawng,tsun jahpyak ai mung katut sha sanu ai. Gara hku Theing Sein wa- Ram ai,Byin ai.. ngu nna Arawng la na shara nga a ta? Gaya kahpa,Sari Jahkrat, Out dik ai lam ni rai nga ai. GREAT! (Ra Sharawng/Like ai Marai-2). Grai Hkrak,Grai Nyam, Grai Byin ai. Kaga Yu Maya ni hta grau lai jan nna Hkrak ai. Ahkyak ai,N-chye N-mai re ai Ga Baw ni hpe Htai ai hta- Wam wam Dam dam nnga taw ai sha.. Hkauna Pa kaw Godzilla hkawm taw ai zawn- Grai chye Na mat saingu ai Lachyum rai nga ai. Hpa baw hpe chye Na a ta? Myen Hpyen asuya gawShanhte a Hpyen Du langai mi hpe KIO/A ni Baw Htau Sat ai nga nna, Jahte tam Mara shagun wa ai gaw Sagu Kasha hpe Hka Hku de Hka lu taw nga ai Chyahkyawn wa- Hpa majaw Hka sa hkanu ya n-ta?...nga nna- Myit magaw hte Mara tam taw ai Chyahkyawn hte bung ai lam chye na mat masai. Rau san Sagawn, Jep Sagawn gabai ngu jangZim bai nga mat ai gaw,Shanhte a Hpa n-byin ai lam hpe..Re ai Zawn nga Shiga Masu Shapoi nna KIO/A hpe Jahte tam Gasat na hkyen taw ai lam,Jinghpaw hte Myen myu Bawsang ni a lapran- Manghkang byin wa na matu Nat shagrung ya ai Wan re lam.. yawng hkra Dandawng mat sai re.Ya gaw hpa bai nnga ai Ningmai htingkup mat masai. Dai Baw Htau ai lam hte seng nna Du Kaba Gun Maw a Mahtai gaw- Myen Hpyen asuya ni a Magyi Magaw,Manai makai,Matsat shabat re ai Myit kyang ni hpe Kadun dawk hte dan dan leng leng,Lachyum Sung (15). Paye San -

Sung Hpaji Ga hte Bai N-htang Tsun Htai dat ai lam ni gaw Grai Manu dan nga ai. Myen Hpyen asuya ni a Sinda hpe Fly Kid hte Htawng Matsut bang kau dat ya ai hte mung bung nga sai. Dai majaw Paye San gaw.GREAT..da. Amat (Marks) Grai Jaw taw nga ai. (14). D Myo Chit - Bochuk Gun Maw hpe she Tsit Uzichuk hku Lata na nga jangNgai yawng a shawng kaw Madi Shadaw na (Ra Sharawng/Madi Shadaw aiMarai-8) Lachyum gaw- Shanhte Myen ni a Tsit Uzichuk Min Awng Hlaing hpe mung N-ra sai.ngu ai hku mung chye Na la lu nga ai. Dai hta ngaMungdan a Makawp Maga Dap hpe Anhte W-P Jinghpaw Myu sha ni hpe myit Kam nna Ap ya mayu ai Ga N-sen mung rai nga ai. Hpa majaw i? nga yangMoi- Rangoon Asuya nga nna,Hle Dan Kamayut/Shwe Dagon grup yin Lachyawk mi sha ngam mat ai shaloiJinghpaw ni Munghpawm Myen Mung hpe hkye tawn ai Labau mung nga ai n-rai ni? N-dai kalang mung- Shanhte Myen shada raitim, Dip sha,Roi sha taw nga ai Myen Hpyen asuya a Lata na lawt lu na gaw W-P Jinghpaw ni hta lai nna kaga kadai nnga saingu ai hpe myit hkawn nna- Du Kaba Gun Maw Tsit Uzichuk tai na nga tim myit hkrum ainga tsun wa ai lam rai nga ai. Lam mi hku tsun ga nga jang- Munghpawm Myen Mungdan hpe W-P Jinghpaw ni bai Up munga ai lachyum mung rai nga ai. Daw wa ai hte Nga wa ai hkrak rai na Masa hpe mu mada lu ai. Anhte a Pandung gaw kade n-tsan sai..ngu nna mung mu mada lu nga ai.Dai re majaw- KIO/A Shanglawt Asuya hte Mung Shawa Dawtsa ni Lata Hkindun,Makyit ngang ngang hte matut shakut shaja sa mat wa ga ngu.. Tsawra Hkungga let kahtap Tsun Numhtet,Shatsam mayu n-ngai re. (15). Jasmine Phyu WowHtai tawn da ai ni grai Hkrak( Grai Maik) ai yaw (Ra Sharawng/Madi Shadaw aiMarai- 3) Du Kaba Sumlut Gun Maw a Mahtai ni gaw yawng hkra a Myit kraw hta Hka hpang Gara taw nga ai shaloi..Hka lu lu dat ai zawn Video File hta.. Na ai ni, Mu ai ni yawng hkra.. Myit dik, myit pyaw, Na sharawng ai lam

nga ai hpe mu mada lu ai. Shanhte a Kraw hta tsun mayu ai Ga ni hte Du Kaba Gun Maw a Mahtai ni gaw Maren sha re ai hpe mung Maram lu nga ai. Hkam sha yu sai ni hte Hkam Sha taw nga ai ni a Ningmu bung taw ai lam rai nga ai. Matut nna.. Myen Amyu Bawsang ni,Mungchying Sha nihpa baw hkam sha ai lam naw bung nga a ta?..nga yang- Myen Hpyen asuya a Hpyen Gyep Din n-pu na lawt mayu ai lam, Federal Munghpawm Mungdan Gawde mayu ai lam ni gaw Dahkyaw dalam sha rai nga ai. (16). Nan LwinGrai hkrak ai (Madi Shadaw aiMarai- 6)

(17). U Myo Chit - Bochuk Gun Maw gaw..Jinghpaw a matu sha Kam Hpa ging ai n-re. Munghpawm Myen Mungting a matu Kam hpa ging nga ai (Ra Sharawng/Madi Shadaw ai..Marai-3) N-dai lahta na U Myo Chit a Ningmu hpe kalang bai kahtap hti ga ngu mayu nngai. Du Kaba Sumlut Gun Maw gaw Myen Mungting a Kam hpa ging ai Ningbaw,Ningla re da. Thamada Theing Sein,Min Awng Hlaing,Thuya Shwe Mann, Awng Min ni hpe kadai Myen wa, Sam wa dai hku tsun yu ma ta? Lawan pyi hkindit jahkrat kau mayu nga ma ai. Awng San Suu Kyi hpe mung- Moi de gaw Mungdan a Kam hpa ging ai Myanma Democracy Ningbaw Kaba nga nna grai hkungga lai wa yu sai re. Raitim N-dai Ten Awng San Suu Kyi gawAwng San Hput Chi byin mat sai. Shi Myiman hpe yu nna Hkungga na gaw hkum sa gazik..kalang lang N-dum shami- Click hkrup dat tim pyi..Laika ka ai wa a myit htaNgapaw Ma (Manu N-dan ai Jan)..ngu nna she Myit hta- tsun hkrup hkrup rai taw nga nngai. Hpa majaw dai hku Hkam sha wa a ta? Anhte W-P Jinghpaw ni dai ram Myu Shamyit Masing (Genocide) hkrum sha nga ai Ten hta ASSK Ga hkaw mi ka-ap yu ai i? Shi a N-gup gaw Hpa baw Araw taw ai kun? Hkainu Paw hte matsut ya,Baw ni Apan ya, Ahpat ya rai.. Shi a Nobel Peace Prize hpe mung- Nam Dum kaw sa kabai bang kau ya she mayu sai. Kawa Awng San zawn- Japan kaw kap dat, Inglik kaw kap dat rai Sadi N-dung ai- Shawa Num Myit Jasat rai nga ai. Dai majaw Anhte

hku nna Simsa lam tsun jahta ai shaloi Myen Hpyen asuya ni zawn ASSK a Num Labu n-mai sa Lawai na ga ai. Nau n-sa mai Bawk Hte Ahkyak Shatai na ga ai. ASSK hpe Maigan ni pyi grai hkungga ai.dai majaw Anhte mung..,Hkum sa Anhte taw. ASSK hpe Ai Nawn taw ai Maigan ni yawng hkraChyahkri ni chyu re. Hpa majaw i? nga yang- Shanhte gaw Myen Mung a Mung Masa, Hpyen Masa kata lam hpe atsawm n-chye ai Myen Hpyen asuya ni Masu shagu kam ai Bawnu N-hpring ai Masha ni re. Kade Mungdan Kaba,Kaning re Ningbaw Ningla Kaba re nga tim..Manang wa Masu Hkalem taw ai hpe pyi Hpraw ai/Chyang ai,Din ai Pyet ai n-chye garan ginhka jang gaw- Masha sangawk sha rai nga ai. Hpa yu kaba na lam nnga ai. Tinang Yu kaba na,Tinang Manu Shadan na,Tinang Makawp Maga na gaw..Tinang a Wunpawng Jinghpaw Myu Sha Ni sha re. Kaga ni hpe Marit na lam kaga nnga ai. Dai ni- Myen Mung Masha ni gaw, yawng hkra Zen ai ni hkrai rai ma sai. Nau Zen ladu lai nna pyi yak nga ai. Raitim dai Zen ai lam gaw Teng man ai lam hpe shingtawt kau n-lu nga ai. Dai teng man ai lam gaw hpa baw rai ta?..nga yang- Munghpawm Myen Mungdan hpe W-P Jinghpaw ni Up yang she Ngwi Pyaw sana rengu ai lam rai nga ai. Right? (18). U Myo Chit - Myen Mungting Kam hpa ging ai ngu ai gaw..Bochuk Gun Maw hpe sha tsun ai re. Htawra Laika N-hprang (2) shapraw ai Uhpung lahkawng hpe Kakoiye Uzichuk hkum gazikAgyi/ Sergeant pyi n-galaw shangun ai. Pawt Ka-un taw ai Myit ni yawm mat sai..ngu gaw hkum shadu. Feeling still Angry (Ra Sharawng/Madi Shadaw ai-1) (19). Nge Oo - Yu Yu Si Si sha Htai mat wa ai hpe mu mada lu ai. Ga shaga mung grai Kuptsup ai. Htawra Wungyi ni zawn Magyi Magaw nga nna mung n-tsun taw ai. Jinghpaw Ningbaw Ningla langai mi ya na zawn- ASSK a ntsa e chye na hkap la ya taw nga ai majawKabu chyeju dum nngai (Ra Sharawng/Madi Shadaw ai..Marai- 5) (20). Saw john Yan- Shi (Du Kaba Gun Maw) Htai mat wa ai lam ni grai hkrak nna (Maik ai) nna n-re.Teng ai lam hpe Tsun dan taw nga ai lam re (Ra Sharawng/Madi Shadaw aiMarai-1)

(21). Zaw Htoo - Ga shaga ai lam Hpaji Grai rawng ai (Ra Sharawng/Madi Shadaw aiMarai- 1) (22). Kyaw Zwar - Ga San ni hpe Htai ai shaloi- Kade N-de Shingdaw nna Htai Ra ai ngu ai hpe- Anhte kaw na Wungyi,Wungang ni hpe mung Hkrum ang jang Abaw dinghkrak/Ahpat ya nna naw Sharin kau da ya rit law (Ra Sharawng/ Madi Shadaw ai Marai-6) Naypyidaw na Wungyi Wungang tai taw nga ai ni..Hpa N-chye ai,Madang nnga ai nirai ma ai. Naw Sharin kau da ya ritngu ai lachyum rai nga ai. Naypyidaw na Myiman Tam, Masawp Aba chye ai Wungyi,Wungang ni Katut naw masai. Hpaji Madang nnga ai,Mahkrum Madup nnga ai Gala Shapre sha Htuk sha nna Lamu Ga Sumla/Map pyi Atsawm n-chye yu ai Leng Htawk Bu Raw Mying Hkam Hpyen pru Wungyi,Wungang ni,Mai Sa Yes Sir sha chye,Shangun ai hpe sha galaw ai Masha Duk Samak- Hpyen Mayam ni.tsun katut masai. Roi katut masai. Hkrak ai. Kabu ai. Good. Naypyidaw na Wungyi, Wungang ni hpe Shanhte Myen shada pyi N-yu kaba ma ai. Hpa majaw i?...nga yang N-tsun ging ai Ga ni tsun, N-galaw ging ai Bungli ni galaw taw ai majaw rai nga ai. Bai nna shanhte Wungyi, Wungang ni tsun ai Ga ni mung- Ma Ga, Manu n-dan,Madang nnga ai Mani mayu na zawn nga ai Funny Ga/Ga Laban ni hkrai rai nga ai. Myen shada raitim kadai n-yu kaba ma ai. Awng San Suu Kyi hpe sha Kam nga yang - Ya gaw shi mung Myen Hpyen asuya ni a Shangun N-chyang.. Awng San Hput Kyi byin mat sai majaw..Shanhte Myen Myu Bawsang ni nan Kam hpa na Masha/Ningbaw Ningla mat taw ai Ten mung rai nga ai. Dai Ten hta Myu hpe Tsawra ai, Munghpawm Myen Mungdan Shawa Dawtsa yawng a matu Gawng malai tai nna tsun shaga ya ai.. Du Kaba Sumlut Gun Maw zawn re Ningbaw Ningla ni bai paw pru wa ai shaloiMungchying Sha n-re ai Myen Amyu Bawsang ni du hkra,Myit Na N-gun lu, Kabu gara nga ma ai re. Dai majaw KIO/A Shanglawt Asuya ni hku nna Mungchying Sha ni a Lam hpe sha n-ga, Myen Hpyen asuya ni Dip Rip,Roi

sha,Dang Sha hkrum nga ai Myen Amyu Bawsang ni hpe du hkra Woi Lakawn Zinlum la ra na ga ai. Myen Amyu Bawsang ni hku nna mung, shanhte Myen ni Shaning (60) Ning jan Up hkang lai wa yu tim Dinghku Majan mung n-zim hkraw, Mungdan mung grau grau she Matsan jat wa re majaw, Mungchying Sha ni kaw na kadai mi up up,Mungdan ngwi pyaw galu kaba jang rai saingu ai Myit ni chyu rawng taw nga masai hpe mu mada lu ai. Kachin Kale Nan Tet Ma Aye nga ai Myi Htoi (Tapawng Ga) gaw Jaw wa hkyen nga sai re. Dai majaw- Anhte W-P Jinghpaw Myu Sha ni ..HKAW dung na chyawm- Myit bang wa yu saga! By-

Bum Chyangau.
(Daw-3- de bai matut hti ga).