Anak lingsir mamargi sada alon Tungked malengis, mapinda tenggek lipi Semu girang Ngungsi margi ageng Anak lingsir Bengong, angob ngatonang Wangunan ageng sarwa asri. Katon becik, ngulangunin Malih katon Motor pasliwer saling uber Grang, grung, ngresin ati Anak lingsir makesiab mangatonang Angkihan ngoos batis ngetor Rh kesiab kaliwat Anak lingsir Kitak-kituk, kadi bengong Kirig-kirig mawali budal Tur ngrimik Saja tuah Len dedalu len tetani
Olih : I Gusti Mad Suastika.
Sumber : LKS Saraswati Bahasa Bali Kelas XI, Januari 2014