TUNKAR CHANGVAWN

Luka 24:31
Tin, an mit a lo var
a, a hmel an lo hre ta
a;tin, a ni chu a ral ta mai
a!

for

EMMANUEL AFTER
CARE CENTRE

Vo l u m e X

Bethel Veng,Champhai
Mizoram : 796321
Phone: 9612194537

I s s u e - 550 Date : 5th April 2 0 15 ( Sunday )

Bible Vawihnih Ziak Chhuak

A m a n t h l a k h a t a h R s . 20/ -

True Jokes

KOHHRAN
Catholic Kohhranin Kross kawng zawh

Catholic Kohhran Champhai

St.Thomas Church leh Holy
Cross Church te chuan Good
Friday khan Kross kawng
zawh urhsun takin an hmang.
Kawngzawh ni hian chaw an
nghei a, Thingsulthiah kawn
a\anga Holy Cross Church
Bethel thleng neih a ni a,
kawngzawh chhung hian
innghahna hmun 14 ah neih a
ni a, innghahna tinah hian
\awng\aina neih zel a ni bawk.
Innghahna hrang hrangte chu
1. Isua thi tura thiamloh
chantir 2. Isua thi tura
thiamloh chantir 3. Isuan
Kross a tluk pui 4. Isuan a nu
mangang a tawk 5. Kurini
miin Isua Kross a put pui 6.
Veronik in Isua hmai a
hruksak 7. Isua a tlu 8. Isuan
Jerusalem hmeichhiate a bia
9. Isua a tlu 10. Isua silhfen
an hlip 11. Isua Kross ah an
khengbet 12. Isua Kross ah
a thi 13. Isua Kross atangin

an la thla 14. Thlanah Isua an

zalh tihte an ni.
Tin, Ningani zan
khan zirtir kesil neih a ni a,
Fr.Tarun chuan mi 12, committee in an thlan chhuahte ke
a sil sak. Ke sil tur bik hi St.
Thomas Church a\angin mi 6
leh Holy Cross a\angin mi 6
thlan chhuan bik an ni.
Ningani zanah vek hian tui
thianghlim (Holy Water) siam
a ni a, he tui thianghlim hi
kumtluana Kohhran chhungkaw tinin an kawl tur niin, an
duh ang tawk mahni inah an
hawn hlawm a ni. Tui thianghlim hi damloh nikhuaah te,
ramhuai hnawhchhuah nan
te, chhitna dang dang laka
anmahni vengtu atante an
hmang. Inrinni zanah
Chhurahmun a\anga Biak In
thleng mombati chhiin
kawngzawh an nei a,
inkhawm banah Easter artui
an ei bawk ang.

"Mahni nuam tihzawng leh

pawmzawng chauhva nung
ringtu chuan Pathian a
bepawp ngai lovang."
- George Wills
Home
Crusade
emaw
Tawngtai leh Individual Counselling mamawhte tan koh/pan
theih reng kan ni e.
Cont; 9612194537

DANGLAM
-C.Hranghluna.
Tin, kain an chelh a, Kan hnenah awm ta che; khua a tlai dawn ta a, ni
pawh a tlak dawn tawh hi, an ti a.
- Luka 24:29
Isua khawvela a chenlai khan miten mitin an hmu a, a \awngkam chhuak
bengin an ngaithla \hin a. Mahse Kross a khenbeh a nih tak hnu khan Lalpa chu mita
hmuh mai theih te, benga hriat mai theihte a ni ta mang lova. Chuvang tak chuan
zirtirte an chiai a, mangang tak leh beidawng takin an awm hlawm a nih kha! Hetihlai
hian Emau daiah mi pahnih an kal bek bek a, chutihlai chuan an zingah Lalpa chu a
pathumna ni turin a lo tel ve ta bawk a. Lalpa chu an kiangah a awm a, an ti ti a
zawm ve a; an bulah a kal ve zel a! Mahse an ni pahnih chuan Lalpa chu an hre
hauhlo!
Mahse Lalpa chu an \hiandun chuan, an hnena cheng turin an sawm ve ta a.
Lalpa pawh chuan an sawmna chu pawmin an zingah a chenpui ve ta a. Tichuan
chhangte a phel a, a eitir ta a. Tichuan Lalpa hmuturin an mit a lo var ta a, mahse
Lalpa chu hmuh theihloh turin a ral ta daih a ni.
Diktak chuan Lalpa hi thlarau a ni a, a thlarauna lai tak pawhtu kan nih a \ul
takzet a ni. Mit a kan hmuh leh benga kan hriatte hmanga Lalpa hi kan zawng a nih
chuan, Lalpa hi kan hmufiah tak tak ngai lovang. Kan mit hi kan chhawr nasa a, kan
beng hi kan chhi nasa em em a, kan beng hi kan chhi nasa hle bawk a, mahse Lalpa
hi thlarau a nih miau avangin, kan hmu theilo a; kan tawng theilo bawk a ni. Chu
chuan Emau daia kal mi pahnihte ang mai hian rilru nguai tak leh beidawng takin mi
a siam fo a, Lalpa hi a awm tak tak lo nia rinna, rinhlelhna sualin rang takin min bei
a. Kan Pathian hi, thil awmlo leh zeldin thubawl mai mai anga ngai khawpin, kan
rinhlelhna hian mi a hneh thei a ni. Kan finna te, kan thluak hriatna te, kan remhriatna
te, kan ngaihtuah thiamnate hmang chauhva Lalpa hi bel \hin leh, Lalpa hnaiha awm
\hin kan nih chuan, Lalpa hriatfiahna tak tak neih a har takzet a ni.

Granite lungah pheikhawk thla...

Fisher Canyon bul lawk, Pershing County, Nevada
ah chuan kum 5 million vela upa lung chang tak chungah
chuan pheikhawk rahna
thla anga khuar chu mining engineer leh geologist
pakhat John T. Reid
chuan January 15, 1927
khan a hmu chhuak a..
A hmuchhuaktu,
a hmuhchhuah ni leh a
hmuhchhuahdan hi
sawidan hrang hrang a
tam khawp mai.
Chanchinbu hrang hrangin
an sawidan lar ber chu
Reid-a hmuh chhuahdan
hi a ni.
He pheikhawk thla hi pheikhawk chhuat angin a
awm a,a keartui zawnte pawh a khuar zual bik.. Han bih
hnaih deuh chuan phekhawk thruina thla te pawh a lang
tel... Engtin nge hetiang khawpa lung upa leh chang tawhah
hian he ke hniak a lo awm ringawt ni... A lung hi a kehniak
hma lam awmna chu a kim tawh lo a, mihring ke nena teh
chuan size 13 vel a ni e an chi...

EMMANUEL for

WORLD

: C.Hranghluna
9612194537
News Editor : Chanchinmawia
9615820416
Contributor: TN Vanlaltana.
9862648080
Lalnunsanga Fanai
9862120903

Date 5th April 2015

SUNDAY

PAGE - 2

Editor

Dak a la duhtan kum khat lakman

pek lawk a ngai. Tin, thuchhuah tur
nei chuan hawrawp felfai tak emaw
khawlchhut hmangin, Office,
Emmanuel After Care Centre,
Bethel Veng, Champhai ah thehluh
tur a ni. Thu lut a piang erawh
chhuah vek a remchang kherlo
th e i .

www.champhai.net

Editorial
Rinhlelhna sual
Setana chuan Isua hi a thi
tih chin chiah hi min awihtir a duh a.
A tho leh a ni tih erawh kan rin a
phallo thung.
Setanan min beihna
hmanraw lar tak chu rinhlelhna hi
a ni. Pathian hi a awm tak tak lova
rinna te, kan nunah a tel ve lova
hriatna te, kan duh ang ang in awm
mahila, Pathian hian min en liam mai
mai nia hriatna hmang hian, setana
hian ram a la nasa hle a ni.
Isua khawvela a awmlai ang
khan, a hringhranin Isua hi hmu
tawhlo mahila; amah ringtute chu
thlarauvin a chenchilh tlat a ni.
Pathian hi thlarauva biak chi a nih
thu Bible-ah kan hmu bawk. Mit a
kan hmuh theih leh kan ngaihtuah
thiam tawk chauhva Pathian biak hi,
ringtute tan a tawk zo lo hle. Thlarau
a nih ang taka, kan hnena thlarauva
a inpuanna pawh pha tura kan
inbuatsaih pawh a \ul hle a ni. Isua
tho leh nun hmang hian, rinhlelhna
sual a hneh theih a ni.

Tih tak takah chuan Silchar leh Guwahati leh a

thlang lamah hian zu hi kan lo duh khawp. He lama
kan duhloh derna zawng zawng hi kawmthlang
lamah te, kawmchhak lamah te kan hlip a, kan
che tak tak \hin hi chu zahpuiawm tak kan ni. Biak
in compound a\ang ringawt hi chuan a fiah kim lo
ve bawk te pawh a ni ang e, kan lem lutuk rei ta
bawk a, i han belchiang law law teh ang. Thil
pawimawh tak erawh chu miin zu a in avanga pawi
a khawih chuan, kan ngaidam hauh tur a ni lo. Zurui
thiltih mai mai, kan tih chhung chuan miin zu um
phena biru chungin pawi a khawih zel ang. Zu rim
a nam chuan a duh duh tihtheihna permit neiah a in
ngai anga, harhfima a tih hreh, tih a duh si apiang
hlen chhuak turin zu chu inhumhimna kulhbing
sangah a hmang zel ang.

- RK.Lianzuala.

French Revolution lai khan mi pakhat

hian bishop hnenah, Kristian sakhua din a awl
tur thu a sawi a. Bishop chuan, A dik mai thei,
mahse kraws a khenbeh hnuah nithum nia a
thawhleh phawt loh chuan a din theih kher
lovang, a lo ti a.
Josepha thlana thil lang chiang tak
pakhat chu - kha thlanah kha thlan ni lovin
tihdanglamna pindan a ni. Isua chu a ropuina
hmuna a haw lehna atana a ithlakna pindan a
ni.
- H.R.L. Sheppard
Hna \ha thawhna bul chu thawhlehna a
ni.
- St.Cyril of Jerusalem
Thawhlehna thu hi kan Lalpa a\ang lo
pawhin, nipuia hnah chawrno a\ang pawh hian
a chiang a ni.
- Martin Luther

Upa Daikhawzama, Presbyterian Kohhran

Bethel hian Bible vawihnih zet a ziak chhuak tawh a,
tunah hian Sap\awng Bible ziak chhuah tumin a
vawithumnan bul a \an leh mek a ni.
A chanchin tawi: Upa Daikhawzama hi ni
20 April,1962 khan Tualpui khuaah a piang a, kum
1984 khan Hnahlan Kohhranah Upa atan nemngheh a
ni a, Bethel Kohhranah hunrei tak Tual Upa a nih hnuin
kum 2014 khan Bethel Kohhranah Upa atan nemngheh
nawn leh a ni ta a ni.
Bible ziak chhan: |awng\ai mi, \awng\ai vak
vak chi ka ni lem lova, Bible ka ziah hian ka \awng\ai
tam phah ka beisei a; Bible ka ziah lai hian ka ziah
dawn apiangin ka \awng\ai ziah nghe nghe a ni. Tin,
ka taksa hrisellohnain mi a tlakbuak a, hnarum thawk
hlei theilovin ka awm a. Ka hunawl hnawhkhah nan
Bible ziah chhuah chu \ha dawn hlein ka hria a, tin,
Bible hmangin Pathian ka pawl tam phah dawn bawk
si a, tiin Bible ziah bul ka \an ve ta chawt mai a ni.
Bible ziak chhuah kum: Kum 2007 khan
Mizo\awng Bible ka ziak a, ka ziah hun chhung hi kum
1 leh thla 1 chiah a ni. A vawihnihna atan Tedim Bible
hi ka ziak leh a, kum 2013 kum bula ka ziak kha; kum
2014 January ah ka ziak zo chiah bawk. Ni 1 June,
2014 a\ang khan Sap\awng Bible ka ziak leh \an leh
mek a ni.
Harsatna: Mizo\awng Bible ka ziah chhung
hian ka bul\an a\anga a tawp thlengin ka tui tluang hle
a, Tedim Bible ka ziah lai hian vawikhat chu thlemna
ka tawk ve thung a, Ezekiela lehkhabu ka ziahlai hian
ka rilruah Ka Bible ziah hi engnge a \ulna? Ka chapo
phahna tur mai a ni em? Sum ka seng a, ka hun a hek
a, ka mitin a tuar a; sum ka lakluhna tur lah a ni silo!
tih ngaihtuahna hi a lo lut vang vang a. Hemi \um hian
ka inthlahdah hman teuh hle. Mahse ngaihtuahna fim
ka nei leh vat a, setana min beihna ngei a ni tih ka
hrefiah ta vat a. Hetiang thil t> thamah pawh hian setana
hi a inrawlh duh zel a nih hi tiin sual hnathawh chu ka
hmuthiam ta a, ka hna chu ka chhunzawm leh ta a.
Ka chhungte hian min support \ha hle a, Bible
ka ziah avang hian hun tam tak ka pek a ngai a,

vawikhatmah an
phunnawi lo.
Bible ziahna
lehkhabu leh
pentui
ka
mamawh a, ui
hauh lovin heng
ka mamawh
leina tur hi ka
chhungte hian
min pe zel a ni.
Upa Daikhawzama
Bible ziah hun: Bible ka ziah hun hi a tlangpuiin zing
4:30 velah ka bung \an a, tlai lamah ka ziak leh a; zan lamahdar
9:00 vel a\angin ka ziak \an leh \hin a ni. Mizo Bible aiin
Tedim Bible hi ziah harsa ka ti zawk a, Mizo\awng hi kan
hman \han a nih avangin ziah a nuam bik hle. Sap\awng Bible
phei hi chu Sap\awng thiamlo ka ni bawk a, a harsa hle a; a
ziah hun chhung pawh hi ka bei rei dawn hle.
Tin, Bible ka ziah \um khata ka ziah thui ber chu
Sam Bung 10-18 inkar hi a ni. A bikin Chronicle, Lalte leh
Roreltute hi ziah a ninawm duh deuh bawk.
Bible ziah nana hmanral: Bible ziah nan hian
Mizo\awng bikah Register 6 kgs a rit ka hmang ral a, pentui
hi 40 vel zet ka hmang ral bawk. Tedim Bible ziak nan hian
Register 7 kgs a rit zet ka hmang thung a ni.
Chang duh ber: Mizo\awng Bible ka ziak lai a ka
chang duhber chu Jeremia 48:10 Thlahdah taka Lalpa
rawngbawltu chu anchhedawngin awm rawh se, tih hi a ni.
Upa Daikhawzama hi BSI lamin lawmpuina Certifcate
leh Bible an present a, a Bible ziah hi Bible House, Aizawl
ah a duh apiang en theih turin an dah a ni. Tin, Tedim Bible a
ziah hi Zomi Baptist Church, Bethel Veng in an vawn\hat sak
bawk a ni. ZBC hian, Kan \halaite tan he kutziak Bible hi
chona ropui tak a nih kan beisei a ni, tiin, an hlut hle.
Tin, Upa Daikhawzama hian, Tunlai khawvel

sakhuana dal telh telh karah hian, ka tu leh fa ten ka

thih hnuah pawh; min ngaihtuah apiangin hetiang taka
Bible ngaina leh tui pui ka nih hi an hriatreng ka duh a
ni, a ti bawk.

Good Friday leh Easter Sunday hmang

Mizoram chhunga Kohhran

pawl tam zawkte chuan Good
Friday leh Easter Sunday hi
urhsun takin an hmang mek.
Baptist Kohhran chuan he
hunpui chhung hian, Kross
Thu hmangin semon hrang
hrang an ngaithla a. Presbyterian Kohhran bik chuan Easter Sunday pual sermon

hetiang hian thupui an siam

a, Pathianni chawhmaah
Thihna chelh hlen rualloh
Isua, Pathianni Chawhnuah
Tichaktu
Thlarau
Thianghlim Pathianni zan
inkhawmah Thlamuantu
Thlarau Thianghlim tih
hmangin thupui an ngaithla
ang.

Salvation Army in Speaker ruai

Salvation Army, Champhai
Corps chuan Karkalta Nilai
zan a\anga Pathianni zan thleng
hian Denghmingthanga R.S.
Suangpuilawn Corps ruaiin
Crusade an nei mek a,

Vengthlang Corps, Cham

phai pawhin Commissioner
Lalkianglova chu Ningani
zan a\anga Pathianni zan
thleng hian Speaker atan an
ruai mek bawk.

Seventhday Adventist te \awng\ai

Seventhday Adventist,
Champhai bial chuan kumtina
an tih \hin angin, ni 4-11 April
chhung hian |awng\ai Hapta

an hmang mek. |awng\ai

Hapta chhung hian Kohhran in tinah \awng\aina an
nei \hin dawn a ni.

Kelkangah Mikhual an tam zel

Kelkang khuaa Pathian

hnathawh chhimtu an la tam
\hin hle a, karkalta chhunga
mikhual an neihdan \henkhat
kan rawn tarlang e.Ni 30.3.`15
(Thawh\anni) khan mikhual
riak lut 5063 an nei a, Ni
31.3.`15 (Thawhlehni) khan
mikhual riak lut 6960 an awm
a, Ni 1.4.`15 (Nilaini) khan
mikhual riak lut 3460 an awm
bawk a ni.
Mikhual hi a nei ngah
berin 100 an nei a, a tam zual
dangteah mi 50, 60, 70, 80 te
an awm bawk. A bik takin tui
an harsa hle a, riahna leh
inthiarna a indaih tawklo hle
bawk a ni. Tin, khawtual mite
tan hian hnathawh a harsa hle
bawk a, mikhual buaipui leh

eirawngbawl reng rengin an

\ul hlawm a ni. Hetihrual hian
mikhualte hi ei leh in ah an
intodelh deuh vek a, in
todelh lo chu tlemte an ni.
Kohhran a\angte
leh mimal a\angtein \anpuina
an dawng nasa hle a. Tui
lama an harsatna tizangkhai
turin PHE Dept ten theih
tawp an chhuah a, Electric
Dept in theihtawk chhuahin
eng pek hna an thawk
bawk. Tin, Pu H.Laldawng
liana, Zotlang in tui a pek te,
Assam Rifle, Champhaiin
tui an rawn pek avangtei leh
\anpuina petu zawng
zawngte chungah Kelkang
Kohhran chuan lawmthu a
sawi takzet bawk a ni.

Tunlai khawvelah hian kan hriatna hi kan va chhawr nasa in, kan va hmang
rim tehlul em! Lalpa biak nan meuh pawh kan tisa hriatna hi kan hmang rim lutuk a;
Lalpa hi kan hmuhfiah tur ang leh kan hriat tur ang tak pawhin kan hriattheihloh
phah \hin a ni. Kan Pathian biak dan pawh hi tihdan phung pangngai leh thluak
hriatna lama kan khawlsa hmanga kalpui a awl hle bawk a nih hi!
Nia, Emau daia mipahnihte chuan Lalpa chu k^in an chelh a, Kan hnenah
awm ta che, tiin. Hetia an sawm tak hnuah chauh hian Lalpa hi an hnenah a inpuang
ta chauh a ni. Lalpa an sawm hma kha chuan, Lalpa chu Lalpa a ni tih reng an hrelo
anih kha. Hetiang deuh hian Lalpa hi kan hnenah a awm reng a, thlarauvin min
chenchilh a. Lalpa chuan kan sawm hun nghakin, mi a zui a zui \hin a ni. Mahse
Lalpa chu kan sawm ngailoh avangin kan hnenah a inpuang tak tak thei lova, keimahni
ngei pawhin Lalpa chu kan hmufiah tak tak thei hek lo. Emau daia mipahnihten
Lalpa chu an sawm ve leh, an hnenah Lalpa chu inpuang a, tichuan Lalpa chu an
hrefiah thei ta a ni. Mahse Lalpa chu an hriatfiah hnuah Lalpa chuan a kal bo san ta
daih thung a, mahse Lalpa chu an hriatfiah em avangin; an thil hriat chanchin chu
zirtir dangte hnenah an puang chhuak ta a ni.
Lalpa hi kan chhunga a chen a, a inpuanna a\ang chauhlo chuan hriatfiah
hleihtheih a ni tlat lova. Tho leh thlarau hian min chenchilh in, min umzui reng mahse,
kan chhunga a chen a ngai tlat a ni. Emau daia mipahnihte ang hian, Lalpa kan
chhunga cheng nena kan inpawl tak tak apiangin, kan mitin ani chu hmu lovin; kan
bengin hrelo mahsela, amah chu kan chhunglamin a hrefiah thung tawh dawn a ni.
Lalpa nena cheng dun nun nei tur chuan, amah nena inpawmchilh a lo ngai ta a.
Thlarauva Lalpa inpuanna ni tura kan inphal chu a ngai takzet a ni.
Lalpa nena kan inpawlna tur hmun diktak chu kan chhungril nun hi a ni a,
mahni chhunga Lalpa inpuanna hmulotu tan chuan Lalpa hmuhfiah a har takzet a ni.
Lalpa chu khawiah emaw awm turah te kan ngai a, khawiah emaw zawn chi ni tein
kan hria a, mahse kan chhunga inpuang duh a, min awmpuina hrefiah tura Lalpa
beisei a pawimawh ber zel a ni. Kan chhunga Lalpa inpuanna hmufiahtu tan chuan
Lalpa hi rinhlelh rual a nihlohzia a chiang telh telh a, chu kan chhunga cheng Lalpa
chuan Biak In leh a chhehvelah te chauh nilovin, kan fianrial nunahte pawh mi a
thunun chhunzawm zel thei dawn a ni.
Tunlai khawvelah mi tam takin Lalpa hi a awm tak tak an ring tawhlo.
Hetiang rinhlelhna sual avang hian kan \halai \henkhatte phei chuan setana an be
hial tawh a ni. Tin, ringtu tam tak zingah Pathian rinhlelhna chi hi a darh nasat em
avangin, mahni chhunga Lalpa zirtirna leh thununna dawng ngailo ringtu kan pung
nasa ta hle mai a. Chutiang mite chuan an hriatdan leh thlirdan bak chuan Lalpa hi
an be thiam tawh lo bawk a ni. Vawiin Lalpa thawhlehna ni kan hman meklai hian,
thlarauva kan hnena cheng Lalpa hriatfiahna nei tur a Lalpa kan sawm a pawimawh
hle a ni. Thlarau Thianghlim kan chhungah a lo chen chauhin, van lam thilte hmuhfiah
theihna te, van lam thil \ha tem theihna te, van nun chen theihna leh Krista nun
\awmpui theihna kan nunah a lo thleng thei ta chauh \hin a ni. Emmau daia mipahnihte
ang hian, Lalpa chu kan thinlunga cheng turin i sawm thar leh ila. A lo chenpui \hin
tawh kan nih pawhin, amah kan pawl theihna daltu sual lakah in thiarfihlim nachang
i hria ang u.

CHRISTIAN NEWS
KHAWVELA BIBLE LIAN BER
Kum 1956 khan, ACU Library (khatih lai khan ACC
tih a ni) chuan Fort Worth a Rosen Heights Church of Christ
hnen a\angin thilpek a dawng a. Hei hi he Library history a
thilpek (donation) lian ber a ni ta reng a ni. Los Angeles,
CA a cheng Louis Waynai chuan kum hnih lai a buaipui
hnuah, kum 1930 khan King James Bible hi a siam zo thei
ta a. He Bible hrawl lutuk siam zo tur hian darkar 8,700 aia
tam hun a hmang nghe nghe a ni.
Mr.Waynai chuan tualchher rubber stamppress in
Bible thute chu a print ta a ni. Chhuata dah a han keu pharh
hian, Waynai Bible hi 43.5 inches a sang leh 98 inches laia
hlai a ni. Khupthawka a chhah lam chu 34 inches niin, phek
8,048 lai a awm a, 1,094 pounds lai a rit a ni.
Tunah hian Oak thing leh glass a siam chhungah dah
\hat a ni a. Chu bawm chu Willa B Patterson(34) khan a
present a, mahse bawm (case) siamtu chu jim Mitchell (69)
niin, kum 1989 a a siam kha a ni. He Bible hi dahsawn kual
chhen turin
section 31 laia
\hendarh theih
tura siam a ni a.
Kum 1956 a
ACU ah a
rawn luh a\ang
khan, vawi
d u a i l o
dahsawn a ni
tawh
a,
dahsawn kual
vel pawh thil
harsa tak a ni.
September 2006
khan, Gaines B. stanley Sr.Theologycal Reading Room ah
sawn phei a ni nghe nghe.
Mi tam tak chuan 1800 Macklin Bible zawk kha
khawvela English Bible lian ber niin an ngai a. Chu chu Volume 7 lai print a ni a, feet 2 a sang leh 130 pounds laia rit an
ni \heuh bawk. Mackling hi printing press a\anga
siamchhuahah chuan Bible lian leh hrawl ber a ni mahna.
Mahse a size han en reng a\ang hian Waynai Bible chu a tiat
lo hle thung a ni. He Bible hrawl tak hi khawihchet ngun
atan chuan a tlo lo hle na chungin, Brown Library`s Bible
collection a khawih chet ngun tak a ni lawi si a ni.

NULA RIMNAAH :
Facebook atanga ka hriat nula,
min hmelduh ve deuhtu hian leng tura ka
inpumpekna leh ka zuk insawiluhna chu
pawmin tlai khat Office tlanbo (haw hma)
in ka zuk rim a, (ITI veng - ka rimnu hi he
Group-ah hian a awm) Amah chauh lo
awmin eirawng a lo bawl a;A nungchunga
kan inhmuhna hmasa ber anih avangin kan li dun hle;
Chutah, Danrual lovin ka k a chhuak ta, an choka bul
lawk a, an Bath room chu min kawhhmuh a; kan ta
lawm le !!! Tichuan, chumi tlai chuan lungawi takin ka
haw a. A tuk zanah ka leng leh a, a chhungte awm tho
mahse an choka lamah kan titi keuh2 va, ka haw dawn
hnaih chuan engemaw hi a rawn sawi chhuak ta!! Awiii,..
Ka zak lutuk !! Chu chu, "i pum nuam lo chu enge i an?"
"Maw?" .. "Awww.. I pu nuam lo kha" "engtin nge i
hriat?".. "Kha nimin tlai, kha..kha.. sawtah (an bathroom
a kawk a) Sound chhe te, .. Ih,ih... " nui suk pah hian a ti
a.!!!!! Ka kawthalo tur, k hma a Introduction thawm
kha a lo hre vek anih chu.. Awi.... A hnu karkhat hnu
velah kan inthen daih, ... k paha vawih thlak per2 vang
pawh ni chiah lovin.
- Thups
( I chetchhiatna kha midangte nuihpui atan rawn thet
rawh le. A tak tak ni thei se, zahmawh rawngkai erawh
a rem lo ang. sMs 9612194537 )

LAIRIL

Kum zabi 18-naa milimchher thiam

hmingthang John Bacon-a chu thihmai hmabakin a
khumah amu a, a kianga mite hnenah chuan, Ka
dam \hat lai chuan ka thiamna danglam bik tak
avangin mi pawimawh a ngaih ka ni a. Nimahsela
tunah chuan Isua Krista ringtu ka nihna hi ka tana
thil pawimawh awm chhun chu a ni ta! tiin a sawi a
ni.

KEIMAHNI

Bazar nu hote hnen a\angin chawhmeh kan

Naupang pual
Chei rawh le

ADDIDAS SHOWROOM & PUMA SHOWROOM

Diltu
( Barbie and the secret door) Shoes, Bags, Shirts, Shorts, Socks, Slipper, Caps, Deo & Perfume,

Pants, Sweaters etc.

ADDIDAS SHOWROOM
Champhai Vengthlang
ph: 8259817125

available @

PUMA SHOWROOM
Awmpui phei, Champhai

ph: 9862121849

T SHIRT PRINT NA HMUNPUI PENIEL ART WORKS

1. Englai pawhin School T.Shirt, pawlho leh mimal, Jersey, School bag, lukhum etc. kan print thei.
2. T.Shirt eng rawngah pawh A-3 size full colour thlalak etc. kan print thei. 3. Polythene Bag-ah
kan print thei a, colour hrang hrang leh size hrang quality duh ang order theih a ni. 4. T.Shirt plain
chi hrang hrang rawng chikimin kan nei a, kan T.Shirt min dawrtute tlawmtein kan chhut sak thei
a, T.Shirt kan order sak thei reng bawk. 5. Xerox leh lamination kan ti thei reng bawk. 6. Kan T Shirt
min dawrtute hnenah rate kan tlawm leh zual e.
PENIEL ART WORKS, Dawr Veng. Ph. 9862303779 / 8014356081

THLANLUNG |HABIK, THLAN KER LEH THLAN SIAM

Farkawn thlan lungchang \ha bik kan zuar reng e. Thlanlung kan ker thei a, Granite hmangin mawi
takin kan siam thei bawk. Tin, thlan pum pui kan rem/siam thei nghal vek bawk e. Min rawn pan
vela, min han chhin ve teh le. Kan thiamtawp hmangin kan theihtawp kan lo chhuahsak dawn che
nia.
- KHALTHANG ARTS
Aizawl Road, Pu C.Luaia In hnuai Champhai. Ph. 8575303365

CHANCHIN LAWMAWM..KHAWLTHAR (BANNER PRINTER)

Khawl thar \ha zawk, banner mai baka thlalak leh citation te print nana duhthusam kannei leh ta
hlauh mai. Min dartuten harsatna intawhloh nan venglai bazarah banner, thlalak,citation, name
plate, etc ulukngai bikte lokal ula. Banner pangngai leh singboard mamawh ten Awmpuiphei ah
bawk aw. Chhiatni \hatniah thla kan la thei a, kan thlalak sakte poster kan present \hin a nia. Heng
kan citationsiamte hi a reh ve theih tawhloh a, he vanneihna hi rawn pan ve rawh le.
- Thangbuta, Design & Printing
Awmpuiphei veng & Venglai Bazar, Champhai. Ph. 9862174630 / 9615445221

HENGTE HI I MAMAWH VE EM?

Intel Core i series i5, i3, dual core, AMD series etc...kan thleng thar e. Laptop sony vio,
acer, asus, hp, lenovo duhthlan tur a awm bawk e. Gaminf Playstation, Printer, Wofer,
Grapics Card, Internet 3G data card leh Printer ink chi hrang hrang kan kawl bawk e. Min
- LL Computers,
dawrtute free gift tha tak kan pe tel zel.

Khuangluaia building,Venglai Bazar, Champhai. Ph. 9615953749

ELECTRON IC MULTI-BRAND S HOW ROOM
Laptop & Desktop COMPUTER, Mobile Phone, Digital Camera, TV, Fridge, Washing Machine,
Inverter / UPS, Motor leh Inverter Battery chi hrang hrang, Laser & Inkjet Printer, Woofer, 3G/
GPRS Internet Data Card, bakah electronics bungrua chi hrang hrang kimna leh tlawnna hmun.
Company trained technician thiam leh rintlak tak tak ten an thutchilhna hmun a nih
avangin after sales service ah harsatna a awm tlem bik.

JK BUSINESS SERVICES,

dawng \hin a, kan lawm e.

Venglai Bazar, Champhai. Phone: 03831 234649 (O) 9862725644 (M)
P u b l i s h e d & E d i t e d by C . H r a n g h l u n a & P r i n t e d a t C K O f f s e t P r i n t i n g & P a p e r W o r k s , C h a m p h a i V e n g t h l a n g .