Anda di halaman 1dari 2

Baka jala begulai sambung,

Baka kulat begulai tuchung,


Baka paku begulai gelung,
Baka tubu begulai rebung.
Reti: Nerangka siku-siku orang ti sama penatai tauka baka diri sebilik
Ayat: Kitai bansa sigi ngembuan pengedut sereta penyerakup ke chukup tegap enda nyalah-nyalah baka diri sebilik ti tau
disemaka baka jala begulai sambung,baka kulat begulai tuchung,baka paku begulai gelung,baka tubu begulai rebung.
Sama ngerit baka chit, mupuk baka bubuk, mansang baka tutung ti napatka tuchung Saduk rerenjung
Reti: Besaup ngemansangka bansa, diri sebilik enggau menua
Ayat: Pengawa ngemansang sereta ngentapka kaul dalam ruang bilik ukai semina dilempaika ba bau ketua bilik aja, tang
nyengkaum indai enggau bala anak. Sida mesti sama-sama berundingka chara ti pemadu semitan dikena mutarka sebarang
penanggul dalam ruang bilik enda nyalah-nyalah baka Sama ngerit baka chit, mupuk baka bubuk, mansang baka tutung ti
napatka tuchung Saduk rerenjung
Ninggang luan ninggang papan, ninggang bilik ninggang penaik, ninggang tikai ninggang balai
Reti: Penguji tauka pemedis ti chukup besai lalu enda ulih diseliahka nuntung diri empu.
Nyuaka pala, nyurukka tunjuk, nyurungka rekung
Reti: Minta ampun
Raung ngandung pama bepenti, lutung beketebung empeliau bengkak jari
Reti: Orang bukai ke ngempu pengawa, tang orang bukai ke kiruh sereta bulih pemedis.
Kelala daun ari kayu, kelala buah ari langgu, kelala basa ari penyiru, kelala bansa ari jaku
jangka enda jauh ari pelaba, peda enda jauh ari tengkila
baka landak endang temu baga, baka ular endang temu sima
dampa endang sigi ngumba ke langkau, tangga endang setipak enggau lalau
tukul enda kala bula ke tempan, labu enda mega kala bula ke peputan
diselam pan buah rian, pansut meh bau
dibungkus pan abus, tekebu meh abu
Baru ngelangkah sesingkang udah bekalau panjung neratang ka diri menang = orang ke sumbung madah ke diri lebih ari orang
bukai taja
anang mantah tingkah, laban iya endang tebiang. Anang muji sarang burung Kanji, taja iya tuchi kapas magang, anang ketawa
ke sarang burung Puna, taja iya ensara semina rangkang
Dipelam pan buah rian agi meh bebau, ditungkus pan abus agi meh tekebu
Rayah nitihka gendang, begau nitihka terantang
:Enda ulih didirika tali basah, enda ulih didudukka mangkuk belah
Duduk ditampun tuga, bediri tepantup pala
Rumban baban semalam di rantu jalai, jamah lubah tumu datai

Untung nemu beliung enda ngambuh, betuah nemu peredah enda ningkuh
Ngerabu jelu di puchuk kayu, ngerami ikan dalam ai
Bejalai betungkatka adat, tinduk bepanggalka pengingat
Baka buah jelayan; apus tangkai siti, tangkai siti ga dititi iya
Pechah periuk tanah, ganti periuk tani, padam bulan ganti mata hari, parai sida ke tuai ganti tubuh kami
BESELING KAIN = nadai penemu ba sesetengah pekara
BINGKUK BATANG EMPASA, LURUS ULU LUNGGA = enda tentu lurus ati tang enda ga kelalu jai
BETEBU DI MULUT, BELEMETAK DI ATI = manah jaku tang enti udah ulih lalu berubah ati
BERUMAHKA ATI ORANG = nyerangkung ati orang ari belakang
BAKA TEKURA ENGGAI ENDA MANTUPKA DIRI BA BANDIR = enda mantur ngapa
BATANG ENDA TELANGGARKA TUGA = anak enda telabanka apai indai / nembiak enda telabanka pengajar.
BELAKANG BUNGKUK DIASUH NGEMA PINTU, LENGAN SINGKUNG DIASUH NYAN ALU = orang ke nadai penemu diasuh
ngereja utai tauka dipadu bejaku.
BEPELING PITAK = kena manding utai ke bepeling baka pitak
BAKA BAYA DITEGAH INDU = nadai temu tunga ati laban kelalu kesal
BETUNGGANG LUPUNG = ngerepas sebarang naka pemisi utai
BAKA TUNGKU DEH TAU BESENGKI = bisi maya enda tau enda belaya enggau pangan diri sepemanjai umur begulai.
BAKA MANANG NANGKAP SEMENGAT = beguai/ berumban
BAKA NGELAKUKA TAJAU BELAH = mar bebini / belaki
BAKA KE NANYA LAUT BIRA = enggai nyaut maya ditanya
BAKA SANGKUH ADUH, DIASUR PEDIS, DIBATAK PAN PEDIS = enda ulih diseliah /nadai jalai nulung
BAKA TELU DI TAPA, ENTI DIPICHIT TENTU PECHAH = ba baruh kuasa orang
ENDA NEMU LANGIT RUNTUH = enda nemu maya penusah nyadi
ENDA KALA MINDAH ARI TELUK DAPUR = enda kala nemuai ngagai menua bukai
MATI PADI, MATI RUMPUT = duit nadai, pemakai pan nadai / pemadu penyuntuk
MANTAP BEMBAN AI, NGEMALU MUA DIRI = jaku kena nanya bini
MERANGAU BAKA MULUNG = tuai alu enda belaki
MUGU HARI = ari pagi datai ke malam
MAKAI EMPEDU BANGAH = gawa baka orang bukai
MAIN ULAR = enda lurus ati
MIT LEKA SEMAKAU = taja gamal mit tang kering sereta regas
MAPAKA RAU = ngasakka diri makai utai laban kelalu lapar
MAYUH SUNGAI ALAI MANSAI, MAYUH LUBUK ALAI NYAUK = mayuh orang dikedaka ati
MAKIN PELUH MAKIN BEKAYUH, MAKIN LELAK MAKIN BERUMPAK = enda mudah nyerah alah / bebendar ngereja pengawa
NIBARKA JALA ENDA BETATING, NIBARKA UBUNG ENDA BESAYAP= ngaga pengawa sepeneka ati enggau enda nitihka utai
ke patut
PIPIT DI TISI LANGIT DEKA DITUNU, RUSA DI KAKI TANGGA ENDA DIEMPARU= ngemeratka orang bukai ari diri sebilik.