Anda di halaman 1dari 26

PANSIK ASKYEN 1

TEKNIK KAD DARAB DRILL DIKENA MUTARKA PENANGGUL


NYEPIL LALU NYEBUT URUP DIFTONG BA LEKA JAKU UNGKUP
NEMBIAK PRIMARI TIGA
Digaga:
Kathy Jenah anak Igu
PISMP BAHASA IBAN JANUARI 2013

1.0 Pun Kenang


Pansik Aksyen beguna bendar dalam dunya penemu kemaya haritu. Mayuh
penemu anda jaku madahka pansik asksyen tu ulih nyungkakka pemanah sereta
kualiti pengawa ngajar enggau belajar dikena napi chabar idup ke majak maju baka
jeman diatu.Pansik asksyen tu beguna bendar laban nengah pansik aksyen mayuh
amat penemu baru, pengelandik baru sereta strategi belajar baru ditengkebang bala
pemansik dikena mutarka genap penanggul ke bisi nyadi lebuh pengawa belajar
enggau ngajar dipejalaika ba sekula. Nitihka Carr enggau Kemmis (1986), pansik
akyen tu bisi dua iti. Keterubah iya nya dikena ngemanahka kualiti ngajar, pemereti
kitai bejalaika pansik sereta ngemanahka situasyen alai endur kitai bejalaika
pansik.Kedua iya nya komitmen kitai bejalaika pansik ke digaga kitai. Nya alai
pansik askyen ke manah tentu bisi ngembuan komitmen ke tinggi ari bala pemansik
enggau rang ke dipansik dikena ngemanahka kualiti pengawa ngajar enggau belajar
ba sekula.
Dalam dunya pelajar sigi bisi penanggul ke patut diputarka bala pengajar ba
sekula dikena narit ati bala nembiak ngambika enda mudah leju lebuh belajar lalu
ulih menih pengerindu ati sida tetap belajar sereta bisi tuju dalam pengawa pelajar
sida nitihka tikas pengerembai sereta minat bala nembiak. Chunto penanggul ke bisi
ba dunya pelajar, nembiak lenyau pengerindu deka belajar laban pengajar ke ngajar
sarinya nadai nemu narit ati sida belajar. Nya alai dikena mutarka penanggul bakatu
pengajar patut nemu nukar teknik ngajar iya baka ngena elemen becherita dikena
ngetanka fokus nembiak ngambika terus rindu deka belajar. Ukai nya aja, pansik
aksyen mega tuju iya dikena mantu bala pengajar nukar strategi belajar ari chara
tardisional ngagai chara moden. Ambika chunto, pemansang dunya teknologi
pemanah enggau komunikasyen (TPK) mai bala pengajar ngemanahka fakta-fakta
ke deka diajar ngagai nembiak lalu ulih digiga nengah internet. Pengajar mega ulih
meda fakta ke digiga pengajar empu tauka nembiak iya nya chulin tauka dichelak
tiru. Nya alai pengaajr patut nemu napis informasyen ke digiga ba internet.
1

PANSIK ASKYEN 1
Pansik askyen ke ka diputarka pemansik ditu iya nya penanggul nembiak ba
pengelandik macha. Penanggul macha tu iya nya nembiak enda ulih nyepil lalu
nyebut urup diftong enggau manah. Lebuh nembiak dipinta nyepil enggau nyebut
sida enda ulih nyebut urup nya seretai.Sida macha urup nya nunda chara nyebut
vokal berimbai. Pemansik meda penanggul tu bisi nyadi maya pemansik nengah
pratikum fasa dua tu kemari ba Sk ST Peter, Saratok. Ketebal agi nembiak ke enda
nemu midaka munyi urup diftong tu iya nya nembiak seridi lalu nembiak kea pin
lanchar macha. Ketebal agi penanggul tu dipeda nyadi ba nembiak tikas satu. Nyadi
pemansik milih primari tiga nyadika raban ke dipansik laban pemansik meda
penanggul tu nyadi lebuh pemansik ngajar nembiak primari tiga.
Nya alai, pansik aksyen tu mai bala pengajar dalam proses ngajar enggau
belajar ngemanahka agi bidang pelajar enggau matih bala pengajar chakah
bejalaika pansik,ngaga refleksyen dikena ngulihka idea sereta strategi baru dikena
ngajar lalu nemu penyemitan teknik ke udah digaga ari pansik dikena pengajar nisih
asil pelajar ulih dijuluk tauka enda. Ba ditu,pengajar diberi kuasa penuh ngaga
pemutus di dalam kelas lalu ulih ngerembaika pemanah ulah profesionalisma
pengajar nya empu.
1.1 Pelasar enggau Konteks
Pemansik udah kala pratikum dua kali iya nya fasa satu ba SK Ulu Binatang
lalu fasa kedua ba SK ST Peter, Saratok. Ba fasa ketiga diatu,pemansik pratikum ba
SK Bukit Nibong, Bintangor. Diatu pemansik benung ba semester ketujuh ngambi
Program Ijazah Sarjana Pendidikan Bahasa Iban Ambilan Januari 2013. Ba SK
Bukit Nibong penyampau nembiak bisi 140 iku nembiak. Majoriti nembiak ditu
bebansa Iban,kedua ditangkanka Melayu lalu ketiga bisi Cina. Sk Bukit Nibong tu
enda jauh ari pasar Bintangor pia mega enda jauh ari Institut Pendidikan Guru
Kampus Rajang ba kandang menua Skim B lalu nembiak ke sekula ditu iya nya
majoriti iya Iban lalu bisi mega bansa Melayu,Cina,Melanau enggau Orang Ulu.
Kebuah pia, komuniti ba genturung pendiau ditu udah bisi jadi enggau raban bansa
Melayu,Cina enggau Orang Ulu ketebal agi. Pia mega bisi bala anak pengajar ditu
empu ke bebansa Melayu jadi enggau bansa Melanau dibai apai enggau indai sida
besekula ditu.Pengajar ba sekula tu bisi 16 iku pengajar. Pengajar ba sekula tu bisi
nya bebansa Melayu,Cina,Melanau,enggau Iban. Semua nembiak ba sekula tu
berundang magang ari rumah laban nadai buding disendiaka. Nya alai pupu raban
bansa ke bakatu udah nyura sekula Sk Bukit Nibong tu diwan pupu raban bansa ke
bisi ba menua Sarawak.Ari tu nembiak ulih ngelala bansa,adat,main asal enggau
2

PANSIK ASKYEN 1
jaku ke bisi dalam pupu raban bansa ba genturung pendiau sekula tu.Pengelandik
macha iya nya siti ari empat pengelandik jaku ke beguna dalam pengawa ngajar
enggau belajar. Pengelandik macha nyadi bejurut ari pengelandik mending enggau
bejaku. Nengah macha,siku-siku mensia bulih penemu baru ke enda kala diasaika
sida ari peneleba idup mensia besehari-hari. Macha ulih mantu ngerembaika
runding sereta buah penemu sereta nyungkakka daya kreatif dalam mayuh bansa
bidang penemu. Macha bebida ari kitai pengawa kitai mending laban iya begunaka
dua aktiviti sechara seretai iya nya aktiviti verbal enggau literasyen. Macha mega siti
proseska dinamik tang iya kompleks.Macha mai mensia macha enggau
jampat,ngingkatka pekara ke dibacha, sereta ulih ngaga timbang penemu sechara
pintar bejalaika tisih. Lebuh macha,pemacha nguji nyelam buah penemu sereta
runding deka dikenataika penulis. Siku-siku mensia ke landik macha disemaka ulih
ngeruntuhka dinding ke besai antara orang ke macha enggau laut penemu ke bisi
dalam mayuh bansa tukuh bup ke bisi dibacha (Zulkifley Hamid,1994).
Niithka Pumfrey (1977) madahka macha iya nya siti proses ke bepeneba
mekanik iya nya ngemunyika urup-urup ke dichelak lalu ulih nyaut tanya senentang
pekara ke dibacha. Pumfrey mega madahka pengelandik macha ulih mai pemacha
ngaga tisih ngagai pekara ke dibacha,ngaga kedut lalu ulih meri penemu enggau
betul, meretika situasyen ti bisi nyadi ba rampa pengdup ngelingi pemacha enggau
menih ulah enggau buah runding ti positif. Nya alai pengelandik macha tu beguna
amat dikena nembiak ngulihka penemu ke enda kala diasaika sida nengah
peneleba sida iya. Ukai nya aja ari macha,nembiak mega deka meretika pekara ke
bisi dibacha sida ngambika ulih menih ulah ti positif ari aspek runding enggau juluk
ati sida iya. Beduduk ari pengelandik macha tu dikena ngulihka penemu baru nya
alai bala pengajar patut nemu mutarka penanggul bala nembiak ke empai landik
macha enggau betul. Bakani mutarka ke nya dah? Ari pansik aksyen bala pengajar
nguji mantu lalu berundingka teknik sereta strategi ke semitan dikena mantu
nembiak ke bisi ngembuan penanggul macha.
Sekali tu pemansik ngena pansik aksyen tu dikena nentuka penyemitan
teknik kad darab drill ulih mutarka penanggul nyepil lalu nyebut urup diftong ba
leka jaku dalam matapelajar Jaku Iban. Sebaka enggau Jaku Melayu,Jaku Iban
mega bisi ngembuan tiga iti urup diftong iya nya /ai/, /au/ enggau /oi/ tauka /ui/
(Chemaline,2011). Kebuah iya sebaka laban jaku Iban tu iya nya seperugan enggau
Jaku Melayu. Penanggul tu nyadi ari peneleba pemansik ke udah pratikum ba fasa
satu enggau fasa dua tu kemari. Berindik ari nya,pemansik udah milih penanggul tu
3

PANSIK ASKYEN 1
deka diputar lalu meda penanggul tu endang bisi nyadi ba nembiak primari tiga
lebuh nembiak diasuh nyepil sereta macha.Penanggul tu nyadi ari pemansik
beratika bala nembiak macha,dia nembiak empai ulih mida ni bagi urup diftong
enggau vokal berimbai.Pemansik udah milih nembiak. Nembiak pansik bisi lima iku
iya nya dua iku indu lalu tiga iku lelaki ba kelas primari tiga Sekolah Kebangsaan
Bukit Nibong, Bintangor.
Nembiak primari tiga sekula tu bisi 13 iku aja nembiak kitai Iban ngambi
mata pelajar Jaku Iban tang pemansik semina ngambi lima iku aja nyadi nembiak
bepelasarka tis diagnostik ti udah dipejalaika bala pengajar ba tengan bulan tiga tu
tadi. Ukai nya, pemansik mega bulih nembiak ari pemansik bejalaika perati lebuh
lima iku nembiak tu diasuh macha ba mua kelas sechara kediri. Pemansik mega
bulih nembiak ari kereja latih ke bisi digaga bala nembiak. Pemansik mega bisi
bekolaborasyen enggau pengajar seridi ke bisi ba sekula tu ngambika nemu data
nembiak ni ke agi diberi seridi lalu baru udah lepas ari seridi. Dua ari lima iku
nembiak agi diberi seridi lalu tiga nembiak baru udah lepas ari kelas seridi. Nya alai
pemansik udah netapka lima iku tu endang nyadi nembiak pansik aksyen dalam
penanggul nyepil lalu nyebut leka jaku ke ngundan urup diftong ba leka jaku.
1.2 Refleksyen Ngajar enggau Belajar
Pemansik udah kala nengah pratikum fasa satu enggau fasa dua. Ari
peneleba pratikum dia pemansik beratika sereta ngasai situasyen ngajar enggau
belajar ba siti-siti sekula endang enda sama tang penanggul ba pelajar nya nyau
deka bekabih sama. Kebuah situasyen tu enda sama laban pemansik kala ngasai
sekula ke jauh ari nengeri lalu sekula ke semak nengeri. Penteba nembiak endang
enda sama.Nembiak ke semak nengeri lebih cheregas agi ari nembiak ba luar
nengeri laban latar belakang nembiak ba nengeri apai enggau indai sida iya mayuh
udah ngembuan kereja ke tetap bebanding enggau nembiak ke diau ba luar
nengeri.Tu endang bisi marit pengerembai runding, emosi tauka kaul sosial enggau
fizikal sida. Tang ari peneleba nembiak ba luar nengeri lebih cheregas sereta pintar
agi ngasaika peneleba ti amat nyadi ba genturung pendiau sida. Ambika chunto
lebuh pemansik ngajar nembiak ba pengelandik bungai jaku nembiak ba luar
nengeri ulih nyadaka lalu madahka peneleba sida kala meda orang bebiau,
bedindang,bepantun,enggau mayuh agi bungai jaku ke bukai ba rumah panjai sida
tauka ba rumah pnajai orang bukai tang nembiak nengeri bisi nya enda kala meda
lalu ngasai pengelandik ungai jaku tu tajapan apai enggau indai sida iya datai ari
rumah panjai.Nembiak ba nengari sida cheregas lebuh kitai ngajar sida enggau
4

PANSIK ASKYEN 1
strategi

ke

moden

baka

ngena

pengelandik

teknologi

pemanah

enggau

komunikasyen (TPK) sida lebih rindu laban sida nemu ngena TPK lebuh belajar.
Berindik ari nya, pemansik meda lalu ngasaika tanggungpengawa nyadi
pengajar ukai semina dataika ke sekula ngenataika penemu tauka pengelandik
ngena jaku Iban aja tang mayuh aspek ke bukai patut diperatika sereta diambi kira.
Chunto ari chara nyaga lalu ngatur kelas, penatai nembiak, displin nembiak lebuh
ngaga kereja beraban enggau individu, ulah nembiak,tikas pengulih nembiak
pengaya enggau seridi,penteba kereja latih enggau kereban kena ngajar engau
belajar nyadi fokus ngasuh pengawa ngajar enggau belajar bejalai enggau manah
nitihka udah diperambu. Ambika chunto lebuh nyendiaka kereja latih,pengajar ukai
semina ngambi kira nembiak ke pintar cheregas aja tang pengajar patut mega
berundingka nembiak ke seridi ngambika sida mega sama bulih penemu baru
ngagai pekara ke dipelajarka ungkup ke seharinya. Semua nembiak endang bisi
ungkup pengawa iya kediri empu. Pengajar enda tau ngelak lalu bechiping lebuh di
dalam kelas laban pengajar patut meretika tikas pengulih nembiak nerima siti-siti
utai dipelajar enda sebaka. Ari aspek tu semua nembiak berasai disayau sereta
diterima ulih pengajar enda ngira nama tikas pengulih sida. Ukai nya aja, situasyen
ke baka tu ulih meri ajar ke manah belalauka chuan ulah pengajar nya empu
tajapan pengajar enda madah tang nembiak ulih beratika pengajar nya endang bisi
ngembuan ulah ke manah lebuh ngajar.
Lebuh ke pratikum mega endang bisi chabar ke di. asai ari pengawa
nyendiaka langgur pelajar sehari,nembuka kerja kus,nyendiaka kereja latih enggau
nyendiaka langgur pelajar kena gerko lemai, Chabar ke baka tu meri empas ti
chukup besai dalam ngatur pengawa lalu mai pemansik tuai dalam runding laban
tangungpengawa pengajar ukai mina siti aja ba sekula. Pemansik mega bisi
nanggam kaul ke manah enggau kepala pengajar, bala pengajar sereta bala staf
sekula ke bukai ngambika. Chabar ke baka tu meri peransang ke manah ngagai
bala pengajar laban aktiviti tu udah mai bala pengajar besedia sereta belajar ngasai
peneleba ke amat-amat nyadi maya udah gawa nyadi pengajar ila.
Kelimpah hari nya, bala pengajar mega mayuh begunaka teknik enggau ripih
jalai dikena ngajar ngambika terus narit ati bala nembiak awakka terus rindu sereta
enda leju lebuh belajar. Bisi maya belajar befokus ngagai pengajar lalu bisi ga maya
belajar befokus ngagai nembiak enggau kereban ngambika pengajar enggau
nembiak sama-sama belajar sereta ngaga kelas sarinya rindu endur belajar seriran
enggau objektif pelajar.Ari fokus kelas ke bakatu,pemansik meda nembiak kemaya
5

PANSIK ASKYEN 1
haritu bisi nya ulih ngaga organisasyen kediri empu lebuh sida belajar lalu pemansik
semina nyadi fasilitator aja. Nya alai,bala pengajar patut meri peluang ngagai
nembiak ngenataika penemu sereta pengelandik sida lebuh belajar ngambika
potensi ke bisi dalam genap nembiak nya ulih disungkit sereta dikemanah ke agi ba
awak ke ka datai. Ari organisasyen kelas ke baka tu nya alai mayuh amat teknik ke
dikena ngajar ninting hari alu iya enda sebaka nitihka objektif pelajar sereta potensi
nembiak. Chunto teknik ke bisi dikena pemasik lebuh ke pratikum iya nya becherita,
ngaga

kuiz,tanya

lalai,bekelulu,belagu,bemain

kereban

muzik,ngelukis,ngaga

karung mua jelu,ngaga bup besai enggau ngena kereban ICT dikena narit ati
nembiak. Ari mayuh teknik enggau ripih jalai ke dikena tu dia pemansik beratika
empas iya endang bisi lebuh belajar. Keterubah nembiak besaup enggau pemansik
deka belajar. Nembiak dipeda rindu ati deka belajar lalu ngaga kelas sarinya nyamai
endur belajar. Ukai nya aja, empas iya ke bukai iya ulih ngubah ulah ke enggai
belajar lalu bisi penanggul ba pelajar ulih diputarka. Pemansik mega nyamai ngatur
sereta narit ati nembiak belajar. Nembiak ke pasif ba dalam kelas sama ngambi bagi
ba pengawa belajar ari teknik ke digaga pemansik. Teknik tu mega ulih nyungkak
tikas pengerembai runding ti tinggi ba bala nembiak ari pengawa sida ngaga kereja
beraban tauka kediri dia lalu meri ukur pemanah baka bagas, begerempung ngereja
pengawa lalu ngasika jaku pengajar lebuh pengawa ngajar enggau belajar
dipelajalaika. Empas ke bukai mega pemansik ulih nemu pengurang enggau
pengeleblih diri empu maya ngajar. Bisi mega pemansik belajar ari bala nembiak
lebuh sida ngenataika buah runding enggau isi ati sida lebuh belajar. Ari tu tadi
pemansik ulih nemu pengelebih enggau pengurang diri empu lebuh ngajar lalu
nukar strategi ngajar ke diulih pemansik ari meda tikas pengulih nembiak enggau
situasyen kelas ke bisi nyadi ba ke seharinya. Ari peluang endur pratikum tu mayuh
amat reti sereta empas ti chukup besai ngagai pemansik dataika pemansik ulih
ngaga pansik aksyen dikena mutarka penanggul nembiak.
Ari pansik aksyen ke mayuh udah dipansik lalu diasai bala pemansik ke
udah dulu mansik dia pengawa peanggul ba pelajar ulih diputarka nitihka tikas
pengulih nembiak. Pia mega ba dalam pansik askyen tu,pemansik ngarapka pansik
askyen ti udah digaga tu ulih nulung mutarka penanggul nembiak ti empai ulih nyepil
lalu nyebut leka jaku ke bisi ngundan urup diftong ba leka jaku enggau betul. Ari
teknik ke bisi ditengkebang mega ngarapka ulih nulung pengajar ba sekula mutarka
nembiak ke enda ulih macha enggau betul. Pemansik mega ngembuan pengandal
ati ari teknik ke udah digaga mega mai pemansik bebendar agi deka mansik
penanggul pelajar ba awakka ke bukai. Ari pengawa penyuah mansik mega,
6

PANSIK ASKYEN 1
pemansik ngarapka mega bisi inovaysen ke baru ulih ditengkebang pemansik ke
ulih meri empas ke besai ba dunya pelajar. Teknik ke udah ditengkebang mega ukai
mina ulih dikena mutarka penanggul ba nembiak tikas primari aja tang mega ulih
dibai ngagai nembiak sekondari. Arapka pansik askyen ke udah diperambu tu mujur
dipejalaika nitihka tikas pengerembai nembiak lalu ulih ngubah pemai ulah nembiak
ari enda rindu belajar bisi ngembuan pengerindu deka belajar ari teknik ti udah
ditengkebang.

1.3 Ngumpul Data Pun


Ngumpul data pun tu nyadika evidens pemansik udah nyidi penanggul nyepil
lalu nyebut urup diftong tu endang bisi nyadi ba nembiak ungkup primari tiga
pemansik. Pemansik udah ngena empat iti chara dikena ngumpul data pun.
Keterubah iya nya nengah perati lebuh pemansik beratika bala nembiak macha ba
dalam kelas. Pemansik meratika chara nembiak macha enggau selampur lalu ulih
nyidi penanggul macha urup diftong bisi nyadi ba bala nembiak kelas primari tiga.
Kedua iya nya meanalisis tis diagnostik bala nembiak ke udah diuji ba ujung taun tu
tadi. Ketiga iya nya nengah tis nyepil bala nembiak ke bisi digaga sida ba dalam
kelas maya tis sepil digaga dalam kelas. Keempat iya nya nengah eksperimen.
Pemansik udah ngerikod lalu ngaga eksperimen ngasuh nembiak macha leka jaku
ke udah disendiaka pemansik.Rikod tu bisi dilimpir lalu disertaka pemansik dalam
pansik tu. Keempat-empat iti chara tu mih dikena pemansik ngumpul data pun
dikena nyadi penanggul lalu ngulihka nembiak. Chunto iya ulih dipeda baka ba
gambar ba baruh tu.

PANSIK ASKYEN 1

Gambar 1: Tis Nyepil Urup Diftong enggau Vokal Berimbai

Gambar 2 : Tis Diagnostik


Ari pemansik ke bisi ngaga tinjau pemacha,pemansik bisi tetemuka
penanggul nyebut urup diftong tu mega bisi nyadi ba Jaku Melayu enggau Jaku
Arab. Tinjau pemacha ulih dipeda baka ba baruh tu:
Nitihka Maimon bt. Abdul Latif udah mansik pengelandik nyebut lalu macha urup
diftong enggau vokal berimbai ba matapelajar Bahasa Melayu Primari Dua Gigih,SK
Sultan Omar,Terrenganu. Nembiak ke sipansik iya bisi sepuluh iku nembiak lalu
fokus iya nyebut lalu macha leka jaku ti bisi ngundan urup diftong enggau vokal
8

PANSIK ASKYEN 1
berimbai, Iya udah nengkebang siti teknik iya nya teknik lagu lebuh nembiak iya
nyepil lalu macha urup diftong ba ayat. Asil pansik iya madahka nembiak dipeda bisi
berubah ari enda nemu macha lalu bisi udah nemu macha urup diftong. Ukai nya
aja,nembiak mega bisi nunjukka ubah ulah ti positif dalam pengawa belajar.
Siti Fatimah Binti Kassim (2012) mega bisi mansik munyi diftong dikena
nyungkakka pengelandik merumikan leka jaku Jawi ke ngundan leka jaku tebuka.
Teknik ke dikena iya nya Permainan Cari Saya Berserta Darab Vokal + Diftong
(Ai/Au) ba SK indah Permai,Kuching. Asil Pansik iya madahka ari peresa ti udah
dipejalaika mark bisi niki ba genap renggat peresa ti dipejalaika. Purata niki iya nya
26.66%
Christina Paw mega bisi mansik penanggul ke sama. Iya mansik nembiak ke
enda mereti chara macha enggau manah leka jaku ke bisi ngundan urup diftong. Iya
udah bejalaika pansik tu ba SK Jangkar,Lundu Primari 1. Nembiak ke dipilih iya bisi
lapan iku. Penanggul ke bisi nyadi nembiak enda ulih macha leka jaku ke ngundan
diftong ketegal nembiak enda mereti chara macha enggau yakin.Lebuh diasuh
macha beraban ulih macha enggau betul tang diasuh kediri macha iya enda nemu
chara macha leka jaku ke bisi ngundan urup diftong.
Kelimpah hari nya Siti Nor Farizah (2011) ke bisi mansik pengelandik macha
patah sebut enggau leka jaku KVK ba nembiak primari satu LINUS nengah teori
pengelandik kinestetik ba SK Wawasan Seremban 2,70300 Negeri Sembilan mega
udah mujur bejalaika pansik. Iya ngena teknik Jejak Labah-Lbah dikena
nyungkakka penelansik macha pata sebut leka jaku KV enggau KVK ba empat iku
nembiak primari 1 Lily SK Wawasan Seremban. Asil ari tis post ke udah dipejalaika
ke iya sepengalama dua bulan,nembiak iya bisi penegrindu macha lalau meretika
pengelansik macha enggau betul. Teknik Jejak Labah-Labah tu nyau ulih menih
pengerindu nembiak lalu nyungkakka pengelandik macha ba bala nembiak.
Munyi vokal tauka konsonan antara munyi jaku ke diasilka kereban artikulasyen
mensia. Semua munyi vokal ngembuan munyi ke nyengenda,konsonan bisi nya
ngengenda lalu bisi nya enda. Munyi nyengenda tauka enda bekait enggau peti
sura nyawa. Lebuh peti sura nyawa ditutp lebuh angin pansut neresa peti sura
nyawa deka ngasilkaa munyi ti begetar tang enti peti sura nyawa dibuka lebuh angin
pasnut neresa peti sura nyawa dia munyi ke ena nyengenda diasilka kitai mensia.
( Junainah enggau Syuhada,2010)

PANSIK ASKYEN 1
Joelabu (2010) bisi mansik senentang pengelansik macha. Iya madahka
pengelansik macha tu beguna dikena kitai ba pengidup. Ari macha genap iku
mensia deka bulih mayuh bansa informasyen ke ka digiga kita. Kitai macha
suratkhabar ngambika kitai nemu berita ke ayan ba artikel berita. Kitai macha
mayuh macham adar betulis lalu nitihka iya ngambika kitaiulih bejalika pengawa
nitihka atur ti udah ditetapka enggau manah. Nembiak macha ngambikasida bulih
peneu ari bup ke dibacha sida iya.
2.0 Fokus Pansik
Fokus pansik tu iya nya penerang tauka jurai senentang isu tauka penanggul ti
deka diputarka. Nitihka Chow Fook Meng enggau Jaizah Mahamud

(2014)

madahka fokus pansik tu patut dipilih lalu sidi enggau manah ngambika pemansik
ulih ngaga askyen ti tau ngemanahka agi penanggul ke ka diputar. Lebuh milih
kriteria pansik aksyen bisi empat pekara ke patut diambi kira iya nya skop pansik,
relevan, ulih diadu sereta bisi bekaul enggau peneleba pemansik.
2.1 Jurai Fokus Pansik
Ba pansik askyen aku tu aku deka mutarka penanggul pengelandik macha urup
diftong. Urup diftong tu iya nya /au/, /ai/ enggau /oi/ tauka /ui/. Fokus pansik aku ditu
iya nya mutarka penanggul nembiak nyepil lalu nyebut leka jaku ke bisi ngundan
urup diftong ba leka jaku ungkup nembiak primari tiga. Penanggul tu dipeda nyadi
lebuh nembiak dipinta macha kediri maya ba mua kelas.Penanggul tu nyadi laban
nembiak ke bisi penanggul ba pengelandik macha nadai ngembuan pemerani lebuh
diasuh macha kediri.Lebuh diasuh macha kediri nembiak ke bisi penanggul macha
tu enda ulih nyepil lalu nyebut leka urup diftong nya enggau betul ba leka jaku. Sida
iya enda ulih ngemunyika urup diftong nya seretai lalu sida ingatka munyi urup nya
sebaka munyi enggau vokal berimbai lebuh diasuh nyepil enggau nyebut. Nya alai
fokus pansik tu beguna ngambika pemansik nemu penanggul ke patut diputar
sereta teknik ke semitan dikena ngemutarka penanggul nyebut urup diftong tu
ngambika nembiak ulih mida sereta ngelala ni bagi urup diftong enggau vokal
berimbai ti bisi ba leka jaku .
2.2 Aksyen
Secara rama aksyen mai reti ngaga lalu bejalaika pengawa ti udah diperambu
pemansik ba dalam pansik aksyen. Pemansik nguji mutarka penanggul lalu
ngemanahka agi penanggul ke bisi ditemu lalu ditapi nembiak lebuh enda
10

PANSIK ASKYEN 1
meretingagai siti-siti pekara diajar tauka topik ke bisi di ajar. Nya alai Mc Niff (1988)
madahka pansik aksyen siti ripih jalai ke ngemanah sereta nyungkakka kualiti
pelajar nengah ulah penagajr ti sellau deka mansik ba sekula. Pansik aksyen tu mai
bala pengajar lebih bepikir inkuiri ari sida mansik kelimpah ari mai bala pengajar
bukai enggau sida mansik. Nya alai perambu akyen ke betul digaga mesti bisi
pelasarka model ngambika nyamai endur bala pemansik bejalaika pansik sereta
meda baru pengawa ke udah diperambu sereta ke udah digaga.Enti bisi model,
pansik aksyen nya mega entap agi laban bisi ngena chuan ke betul sereta ulih
dipechaya lebuh bejalaika pansik.
2.2.1 Model ke dikena (Model Kemmis enggau McTaggart,1988)
Pemansik udah milih model pansik aksyen Kemmis enggau McTaggart
(1988) nyadika chuan dikena mutarka penanggul nyepil lalu nyebut urup diftong ba
leka jaku ungkup nembiak primari tiga. Model pansik askyen ulih dipeda baka rajah
ba baruh tu:

Gambar 3: Model Pansik Aksyen Kemmis enggau Mc Taggart (1988)


Model pansik aksyen tu dipilih pemansik laban model tu bisi ngena peneleba
ke kala diasaika pemansik lebuh pemansik nyidi baru penanggul ke bisi nyadi ba
bala nembiak nengah refleksyen.Model tu mega bisi ngembuan perambu pengawa
ke sistematik. Intervensi ulih ditandu baru enti nyema intervensi keterubah enda
mujur dipelajaika. Model tu bisi ngembuan latih ti pratikal ngagai bala nembiak laban
model tu endang bisi bejalaika perati,eksperimen,saut tanya enggau lis perati
dikena ngumpul data. Ukai nya aja iya mega pratikal laban pemansik endang ngasai
enggau nyengenda peneleba lebuh pansik askyen tu dipejalaika. Asil pansik mega
betukuh

nyata

ti

ulih

dipandang

nengah

graf,charta

pai

tauka

statistik
11

PANSIK ASKYEN 1
deskriptif.Objektif ba model tu mega ngembuan fokus ti nyengenda sereta ulih
diukur . Model tu mega bisi meri empas enggau ukur pemanah ti positif ngagai
pemansik enggau mega nembiak.Ukur pemanah tu baka enda putus pengarap
sereta komited lebuh mansik. Kelimpah hari nya, iya mega neguhka daya kreativiti
enggau inovatif ba bala pemansik. Pemansik mega ulih nemu pengelemi enggau
pengelebih lebuh bejalaika pansik lalu mai pemansik datai enggau teknik ke baru
dikena mutarka penanggul belajar tauak dikumbai kitai inovasyen. Nya alai
pemansik udah milih model tu dikena bejalaika pansik aksyen.
2.2.2 Teknik ke diperambu dikena mutarka penanggul

Gambar 4 : Kad Darab Drill


Teknik ke diperambu dikena mutarka penanggul tu iya nya teknik Kad drill /au/,/ai/
enggau /ui/ dikena mutarka penanggul nyepil lalu nyebut urup diftong ba leka jaku
ungkup nembiak primari tiga.Pemansik udah milih penama teknik tu dikena
pemansik mutarka penanggul laban pemansik ngambi konsep drill kena tukang
rumah nebuk lubang ba dinding. Seagi dinding bedau belubang seagi nya tukang
rumah ngena drill nebuk lubang ngambika iya bulih asil lubang ke manah endur iya
ngantung gambar tauka pasu bungai dikena iya ngelawa bilik.Nya alai pemansik
ngena konsep drill ditu deka bulih asil ke manah lebuh nembiak macha leka jaku ke
bisi ba kad darab ke ngundan urup diftong. Ari konsep drill iya nya pemansik ngasuh
nembiak nyepil lalu nyebut leka jaku ke bisi ngundan urup diftong lalu nipakka leka
jaku enggau urup diftong ngambi leka jaku nya bisi reti ke menyana. Proses nyepil
enggau nyebut nya enda sekali aja tang betandu baka ke macha darab dataika
nembiak ulih nyepil, nyebut,mida sereta ngelala urup diftong enda sama chara
nyepil iya enggau vokal berimbai ba leka jaku.Nya alai teknik tu udah diambi
pemansik nyadika teknik dikena dalam pansik askyen pemansik.
3.0 Objektif Pansik enggau Tanya Pansik
12

PANSIK ASKYEN 1
Objektif pansik selalu datai ari tuju mansik.Tuju mansik suah dilansa
sepengudah pemansik nemu penanggul pansik. Objektif pansik iya nya jurai ke mit
senentang tuju mansik. Objektif pansik tuju iya dikena ngumpul sereta nisih data ke
udah dipansik (Chua Yan Piaw,2011). Objektif pansik selalu iya bepun enggau leka
jaku dikena ngelala, dikena nyidi enggau ti bukai. Penanggul pansik mega
dipadah ba tanya pansik. Tanya pansik iya nya spekulasyen tauka tanya ke bisi
nyadi lebuh ngiga penanggul. Iya dijuraika ngena tukuh tanda tanya. Genap iti tanya
pansik ke digaga patut seriran enggau objektif pansik (Chua Yan Piaw,2011). Tanya
pansik enda ulih datai kediiri dalam pansik enti enda nengah objektif pansik. Nya
alai objektif pansik enggau tanya pansik tu enda ulih diseraraka bala pemansik
laban obejtif enggau tanya pansik tu deka nentuka penyemitan teknik ke udah
digaga ulih mutarka penanggul ti udah digiga bala pemansik. Dalam pansik aksyen
tu,aku udah ngaga obejtif enggau tanya pansik aku baka ke dibaruh tu:

3.1 Objektif
3.1.1

Nentuka kebuah penanggul nyepil lalu nyebut leka jaku ke

3.1.2

bisi ngundan urup diftong ba nembiak.


Aplikasyen Teknik Kad Darab Drill dikena mantu nembiak napi
penanggul nyepil lalu nyebut leka jaku ke bisi ngundan urup

3.1.3

diftong.
Nentuka empas aplikasyen Teknik Kad Darab Drill dikena
napi penanggul nyepil lalu nyebut leka jaku ke bisi ngundan
urup diftong ba nembiak.

3.2 Tanya Kes


3.2.1 Nama kebuah penanggul nyepil lalu nyebut leka jaku ke bisi
ngundan urup diftong nyadi ba nembiak?
3.2.2 Kati Teknik Kad Darab Drill tu ulih mantu nembiak napi
penanggul nyepil lalu nyebut leka jaku ke ngundan urup
3.2.3

diftong?
Naka ni empas Teknik Kad Darab Drill tu napi penanggul
nyepil lalu nyebut leka jaku ke bisi ngundan urup diftong ba
nembiak?

4.0 Raban ti dipansik


Raban ke dipansik tauka nembiak bekait enggau proses milih subjek ari sitisiti populasyen tauka raban awakka nyadi nembiak ba pansik aksyen ti udah
digaga (Chua Yan Piaw,2011). Tuju raban ke dipansik ngambika pemansik
bulih data ari siti-siti populaysen.Milih raban ke dipansik tu pekara ke amat
13

PANSIK ASKYEN 1
beguna ba pansik askyen laban guna nembiak ke enda seriran deka
ngurangka kualiti,penggenap enggau penegap pansik. Ba pansik aksyen tu,
pemansik udah milih Primari Tiga SK Bukit Nibong nyadika nembiak tauka
raban ti dipansik. Penyampau nembiak Primari Tiga SK Bukit Nibong bisi 13
iku ke ngambi matapelajar Jaku Iban. Semua nembiak endang tulin Iban. Ari
13 iku nembiak, kelas tu semina ngembuan empat iku nembiak lelaki lalu
sembilan iku nembiak indu. Pemansik udah milih nembiak ari 13 iku nembiak
tu. Pemansik udah netapka semina ngambi lima iku aja nyadika nembiak
dalam pansik aksyen pemansik. Pemansik bulih lima iku nembiak tu lebuh
pemansik beratika nembiak macha selampur ba dalam kelas,nyidi tis
diagnostik nembiak ba peresa ujung taun,eksperimen macha enggau ngaga
tis sepil urup diftong ngagai lima iku nembiak tu. Baka nya mih chara
pemansik bulih lima iku nembiak tu nyadika raban ti dipansik. Lima iku tu
dibiah baru ngagai lelaki enggau indu. Pemansik mina ngambi tiga ari empat
nembiak lelaki ke bisi ba primari tiga lalu ngambi dua ari sembilan iku indu
primari tiga nyadika nembiak. Penteba kelas tu ulih dibagi ngagai tiga
penteba.Keterubah diberi ngagai penteba pengaya,kedua dibagi ngagai
penteba jelan iya lalu ketiga diberi ngagai penteba seridi. Prestasi nembiak
ba kelas tu mega manah.Nembiak ke seridi ulih dibantu sereta ulih
disungkakka agi sida empu tikas pengulih dalam matapelajar Jaku Iban enti
diberi embing sereta teknik ke betul lebuh ngajar. Pemansik udah bulih
nembiak ke dipansik ari pemansik meratika pemutus tis diagnostik ke udah
digaga ujung taun tu tadi ba bup rekod nembiak.Kelimpah ari nya mega,
penyampau raban ke dipansik mega betul dipilih laban lima iku nembiak ke
udah dipilih ngembuan pemutus tis diagnostik ke baruh ari nembiak ke bukai
lalu bisi ngembuan penteba bedau ulih macha enggau lanchar sereta agi bisi
diberi kelas seridi ba SK Bukit Nibong tu.

4.1: Gerim Selampur Senentang Semua Nembiak

14

PANSIK ASKYEN 1

Pechah Peratus Semua Profil Nembiak SK Bukit Nibong nitihka penempa 2016.

49%

51%

Lelaki
Indu

Gambar 5 :Pechah Peratus Semua Profil Nembiak Sk Bukit Nibong nitihka


penempa 2016.
Penyampau semua nembiak SK Bukit Nibong iya nya 140 iku. Nembiak lelaki bisi
71 iku (50.70%) lalu nembiak indu bisi 69 iku (49.30%). Nembiak primari satu bisi 22
iku. Nembiak primari dua 26 iku,primari tiga,16 iku,primari empat bisi 21 iku,primari
lima bisi 35 iku lalu primari enam bisi 20 iku.Majoriti nembiak sekula ba ditu iya nya
bebansa Iban,ditangkan enggau bansa Melayu lalu bisi nyelit mega nembiak ke
bebangsa bukai. Nya alai pemansik udah miah pemayuh nembiak tu nitihka
penempa lelaki enggau indu laban pemansik deka milih nembiak nitihka penteba.

4.2 Gerim Kelas ke dipansik

15

PANSIK ASKYEN 1

Pechah Peratus Nembiak Primari 3 Sk Bukit Nibong nitihka penempa 2016.

31%
Lelaki
69%

Indu

Gambar 6: Pechah Peratus Nembiak Primari 3 Sk Bukit Nibong nitihka


penempa 2016
Kelas ke dipilih lalu dipansik pemansik dalam pansik aksyen tu iya nya kelas primari
3.Pemansik milih kelas tu laban pemansik meda kelas tu endang bisi agi penanggul
macha bepelasarka peneleba pemansik udah pratikum ari fasa satu,fasa dua
enggau fasa ketiga. Nya alai pemansik milih kelas tu nyadika raban ke
dipansik.Penyampau semua nembiak primari tiga ba sekula tu iya nya semina 16
iku aja tang semina 13 iku aja ngambi matapelajar jaku Iban. Tiga iku agi ngambi
Jaku Arab..Ari 13 iku ke ngambi Jaku Iban, semina empat iku aja lelaki (30.80%)
lalu indu bisi sembilan iku aja (69.20). Tu mih gaya populasyen ke bisi ba nembiak
primary tiga SK Bukit Nibong.Ari populasyen tu,pemansik udah milih nembiak ke
entap. Pemansik udah milih nembiak ari tis diagnostik, eksperimen enggau perati
lebuh macha ba dalam kelas.Nembiak ke udah entap dipilih iya nya bisi lima iku.
Chunto nembiak ulih dipeda bepelasarka gerim nangkanka tu.

4.3 Gerim Raban Ti Dipansik


16

PANSIK ASKYEN 1

Pechah Peratus Nembiak Nembiak Primari 3 Sk Bukit Nibong nitihka penempa 2016

23%
Lelaki
Indu
77%

Gambar 7: Pechah Peratus Nembiak Nembiak Primari Tiga SK Bukit Nibong


nitihka Penempa 2016
Munyika udah dipadah pemansik tadi,pemansik semina milih lima iku aja nembiak
ba pansik askyen penanggul nyebut urup diftong ba leka jaku tu. Lima iku nembiak
tu dibiah ngagai laki enggau indu. Pemansik udah milih tiga ari empat iku lelaki lalu
milih dua ari sembilan iku indu ke ba kelas primari tiga. Kelima-lima nembiak tu
endang bisi penanggul enti diasuh macha. Nya alai lebuh udah dipechah ngagai
peratus,nembiak lelaki bisi tiga iku (75.0%) lalu indu diambi pemansik nyadika
nembiak bisi dua iku (22.20%). Baka nya mih gaya penyampau nembiak pemansik
ke udah dipilih nyadika nembiak ba pansik aksyen tu.
5.0 Perambu Pengawa Pansik
Ba tikas tu tuju pemansik ngaga perambu pengawa pansik ngambika pemansik
berundingka sereta ngiga chara ti semitan dikena mutarka penaggul ti udah dipilih
pemansik. Pansik ke ngembuan fokus ke nyengenda senang endur pemansik
merambu pengawa pansik. Kelimpah hari nya, perambu pengawa mansik ke dipilih
bepanggai ba pengawa ngaga tinjau pemacha sereta begunaka peneleba bala
pengajar ke udah dulu mansik ( Chow Fook Meng enggau Jaizah Mahamud, 2014).

5.1 Atur Pengawa Mansik

17

PANSIK ASKYEN 1
Pansik tu dipejalaika pemansik empu enggau lima iku nembiak nembiak
ke diambi ari kelas primari tiga. Ba jadual gerim ba baruh tu jadul
perambu gerim bejalaika pansik sepengelama lima bulan.
Kar 1
Rurun Gerim Bejalaika Pansik

1. Pelasar pansik
Nama kebuah ngaga
pansik (ngaga refleksyen).
2. Rintai penanggul pansik aksyen
Ngerintaika fokus penanggul.
3. Tuju pansik
Ngerintaika objektif pansik
enggau tanya objektif.
4. Guna pansik
Madahka guna pansik
dipejalaika.
5. Ripih Jalai pansik
Madahka ripih jalai pansik ti
dikena (Chunto : ripih jalai
eksperimental. Madahka subjek
pansik iya nya penyampau subjek
enggau penteba iya. madahka
prosedur pansik iya nya ripih
pengawa pansik ti dipejalaika.
5.2 Perambu Chara Ngumpul Data

11.
Pemutus
pansik
lalu
nyungkakka ngagai aksyen ti baru.
Ngaga pemutus ke baru (ngena
penemu baru tauka meri definisi
ngagai penanggul nya baru.
10. Refleksyen
Tinjau senentang penyemitan
aksyen bepelasarka data lalu
nisih pengelemi enggau
pengelebih pansik ti dipejalaika
9. Berandau
ba pansik aksyen.
Berandauka senentang pemutus
pansik sekalika bisi pemujur.
8. Analisis data
Nguse data sechara kuantitatif
(lumur) tauka kualitatif(verbal).
7. Ngumpul lalu ngaduka data
Bejuraika aksyen ti dikena
ngubah pemai ulah nembiak.
6. Aksyen

Sebedau bejalaika pansik,pemansik udah merambu pengawa dikena


ngumpul data.Pemansik deka ngena empat iti chara tu dikena ngulihka data pansik
ari lima iku nembiak ke udah dipilih. Pemansik udah merambu empat iti chara
dikena pemansik ngumpul tauka ngulihka data. Empat iti perambu chara ngumpul
data pemansik iya nya baka baruh tu.
5.2.1

Perati

Chara ti keterubah iya nya ngena perati. Dalam perati tu pemansik ngaga lis
perati dikena meda pekara ke patut diperati lebuh nembiak diasuh nyepil lalu nyebut
leka jaku ke udah dirintaika pemansik. Lebuh nembiak diasuh macha urup
dia,pemansik lalu merati chara iya nyebut,ari entak sebut sereta senai nembiak
ngemunyika urup diftong. Ngena lis perati tu,pemansik deka meri penerang

18

PANSIK ASKYEN 1
bepelasarka chara nembiak nyepil enggau nyebut leka jaku. Chunto lis perati ulih
dipeda ba baruh tu.

POM LIS PERATI


Nembiak : ___________________

Haribulan: __________________

Primari : ___________________
No

PEKARA

Ngerintaika urup diftong


Nembiak : ___________________
Midaka urup diftong,konsonan enggau vokal
Primari : ___________________
Nyepil enggau betul leka jaku ke bisi ngundan
UMAI INDAI ARA
urup diftong

2
3

Penerang

KEREJA LATIH

Haribulan: __________________

4
Nyebut enggau betul leka jaku ke bisi
Indai Ara ngagai
kebun urup
umai.Indai
ngundan
diftong Ara mayuh nanam bansa sayur ba umai sida iya. Indai Ara bisi
5
Ngetanka fokus maya macha leka jaku ke bisi
nanam lada, jagung, padi,buah,enggau mayuh bansa sayur ba umai iya. Indai Ara mega bisi ngaga
ngundan urup diftong
langkau ba umai endur iya ngenduh sepengudah iya gawa. Indai Ara enda nurun kediri lebuh gawa ba
6
Ulih ngelala urup diftong ba pun enggau ujung
umai,iya selalu leka
begulai
jakuenggau Ara enggau aki Ara. Seduai iya mih selalu enggau indai Ara ke kebun.
7
Ulih tengahari,sida
mida chara nyepil
nyebut
urup
Lebuh ngetu
gawa
tiga enggau
selalu ninga
radio
ba ba umai. Ara mega enda jugau nulung
diftong enggau vokal berimbai ba leka jaku
indai iya berapi enggau nyumai lauk. Lebuh asi udah mansau mega,Ara nulung indai iya nyigau asi lalu
8
Ulih ngelala bida munyi urup diftong enggau
berenah. Udah tembu makai,Ara mega nulung indai iya bebasu lalu nyapu tikai udah sida iya makai.
munyi vokal berimbai lebuh nyepil lalu nyebut
Sida tiga sama lantang ati lalu nindukka diri maya tengahari sepengudah makai lalu sama bela lelak
9
Enda leju lebuh diasuh nandu baru leka jaku
sepengudah gawa
kebun.urup diftong
ke ba
ngundan

Gambar 7 : Pom Lis Perati

10
Ulih
leka
jaku keke
bukai
ngundan
1. Rintaika
12macha
iti urup
diftong
bisike
babisi
dalam
teks.
urup
diftong
kelimpah
ari
disendiaka
pengajar
5.2.2 Analisis Dokumen
I.
________________________
II.
________________________
ti kedua pemansik deka ngena analisis dokumen kereja latih enggau
III.Chara
________________________
IV.
________________________
rekod pemutus kereja latih nembiak dikena meratika tikas pengulih nembiak macha
V.
________________________
VI. ke________________________
leka jaku
bisi ngundan urup diftong.
VII.
________________________
VIII.
________________________
IX.
________________________
X.
________________________
XI.
________________________
XII.
________________________
(12 Mark)
2. Rintaika 2 iti vokal berimbai ke bisi dalam teks.
I.
________________________
II.
______________________

(2 Mark)

19

PANSIK ASKYEN 1

Gambar 9: Kereja Latih


5.2.3 Tusun Tanya SkalaLikert
Chara ti ketiga iya nya pemansik deka ngena tusun tanya skala likert dikena
ngulihka data ari responden. Nitihka Djaali (2008:28) madahka skala likert iya nya
= Amat Enda Setuju
skala ke ulih dikena ngukur ulah,1tuduh
penemu enggau tinjau penemu siku-siku
2 = enggau
Enda Setuju
mensia tauka raban komuniti bekaul
siti-siti gejala tauka fenomena dunya

pelajar. Skala likert iya nya siti skala


3 = psikometrik
Enda Nemu ke suah dikena dalam tusun tanya
lalu mayuh dikena lebuh pemansik bejalaika tinjau. Nama skala tu diambi ari nama
4 = Setuju

Rensis Likert.pengajar enggau ahli psikologi Amerika Syarikat ke nengkebang skala


5 = Amat Setuju

tu. Rensisi Likert mega udah madahka chara-chara ngena skala likert tu. Skala likert
POM
TANYA
LIKERT
ke chulin dikena ngukur setuju tauka
enda
setujuSKALA
siku-siku
mensia ba siti-siti objek

ke suah ditusun berurun ari atas bakatu:


Primari

: _____________________

Nembiak: ____________

Haribulan : ____________________

No

Pekara

Ite
m
1

Ulih midaka urup vokal,konsonan

enggau diftong.
Ulih ngerintaika semua urup vokal.

Ulih ngerintaika urup diftong dalam

jaku Iban
Ulih ngelala leka jaku ke ngundan

urup diftong ba leka jaku


Ulih nyepil lalu ngemunyika urup

INTERVAL SAUT
1
2
3
4
5

20

PANSIK ASKYEN 1

Gambar 10 : Tusun Tanya Skala Likert

5.2.4

Rikod Audio

Pemansik mega milih rikod audio nyadika chara dikena ngumpul data. Pengelandik
1 = Lemi
macha endang patut begunaka rikod ngambika
pemansik nyamai berati sereta
2 =betul.
Kurang
ninga chara nembiak nyebut leka jaku enggau
BaLemi
rikod audio tu pemansik

deka ngena pom lis skala likert dikena ngumpul


data. Pom skala likert tu deka
3 = Jelan
ditanda lebuh pemansik mendingka rikod audio ke dipasang lebuh iya ninga nyawa
4 = Jelan Manah

nembiak ke udah dirikod lebuh nembiak diasuh macha kad darab enggau teks.
5 = Manah

Pom skala likert ulih dipeda baka ba baruh tu:


Pom Skala Likert Rikod Audio
Bil

Pekara
1

Ulih ngerintaika urup diftong

Ulih

diftong enggau vokal berimbai


Nyepil enggau betul leka jaku

ke bisi ngundan urup diftong


Nyebut lalu macha enggau betl

midaka

munyi

Interval Saut
2
3
4

urup

leka jaku ke bisi ngundan urup


5

diftong
Ulih ngerintaika leka jaku ke

ngundan urup diftong


Ulih ngerintaika leka jaku ke

ngundan vokal berimbai


Ulih ngerintaika leka jaku ke
bukai kelimpah hari disendiaka

21

PANSIK ASKYEN 1

Gambar 11 : Pom Skala Likert-Rikod Audio

5.3 Perambu Chara Meanalisis Data


Nitihka Akhiar enggau Shamsina (2011), madahka analisis data tu siti
ripih jalai ke dikena pemansik nguse lalu ngaga interprestasyen ngagai
data ke udah dikumpul. Data ulih diuse tauka dianalisis nengah dua iti
chara.Chara keterubah iya nya data kualitatif. Data kualitatif selalu iya
dirikod disusun nitihka leka jaku enggau ayat. Data-data patut diuse lalu
digaga interprestasyen sebedau ngaga simpul. Data kualitatif ulih digaga
dikumpul nengah analisis isi enggau analisis jaku ke dikena. Chara
enggau ripih jalai ke dikena ngerikod data kualitatif suah digumpul
nengah saut tanya,perati enggau tusun tanya. Dalam pansik askyen tu
mega, pemansik bisi ngena perati nya alai analisis data ba pom lis perati
deka dianalisis ngena chara kualitatif nitihka kriteria ti udah digaga
pemansik. Analisis dokumen, pom lis skala likert enggau pom lis skala
likert rikod audio deka ditisih nengah chara kuantitatif. Kebuah pemansik
milih chara kuantitatif laban genap pom enggau kereja latih ke udah
ditengkebang bisi ngundan skala tauka statistik ke ulih dibacha. Penteba
data kuantitatif data diuse ngena statistik deskriptif (Akhiar enggau
Shamsina,2011). Data kuantatif ke udah dikumpul deka diondah ngagai
skala

ukur.

Skala-skala

tu

baka

skala

ordinal

enggau

skala

numerikal.Pemansik deka ngaga peratus enggau simpul jurai dikena


ngaga analisis data ke udah digumpul tadi.

22

PANSIK ASKYEN 1
5.4 Perambu Chara Meresa Data
Pemansik udah merambu chara meresa data ngena empat iti chara ke
udah diperambu pemansik iya nya nengah perati, analisis dokumen,
tusun tanya skala likert, enggau pom skala likert rikod audio tauka
dikumbai kitai trangulasyen data. Chara meresa data tu deka
dipandangka nengah chara analisis data kuantitatif enggau kualitatif iya
nya nengah peratus, charta pai enggau histrogram. Trangulasyen mai
reti chara ke dikena negapka pansik aksyen nengah beberapa langkah
rapat enggau ripih jalai lebuh ngumpul data (Akhiar enggau Shamsina,
2011). Chara meresa data mega ngasuh

pemansik ngumpul data

kuantitatif dan kualitatif ari sumber primer enggau sumber sekunder.

5.5 Pelan Bejalaika Pansik enggau Kos Pansik


Pelan bejalaika pansik beguna dikena pemansik madahka proses ke
ka dikena pemansik lebuh bejalika pansik askyen. Dalam pelan tu,
pemansik deka

ngena strategi enggau amal dikena bejalaika pansik

nitihka isu enggau penanggul ke ka dipansik. Pelan pansik patut digaga


ngambika pansik askyen ulih dipejaalika nitihka awak enggau maya ti
udah ditagaka( Akhiar enggau Shamsina, 2011).Ukai nya aja,kos pansik
mega patut disendiaka sepemanjai pansik askyen ngambika pemansik
nyamai ngatur belanja enggau nemu barang ke patut dibeli sepanjai
bejalaika pansik. Kos pansik mega ngambika kira pengelama pansik
askyen dipejalaika ngambika enda ngena kos pansik ke besai lebuh
bejalaika pansik.
Kar 2
Charta Gantt Pelan Bejalaika Pansik
Bil

Langgur Pengawa
Feb

Mac

Apr

Mei

Bulan
Jun

Jul

Ogos

Sept

1. Ngelala penanggul
lalu ngaga tinjau
pun
2. Nentuka objektif
enggau tanya
pansik
3. Merambu aksyen
23

PANSIK ASKYEN 1

4. Bejalaika aksyen
5. Analisis Data
6. Meresa Data
7. Ngaga Refleksyen
8. Nulis Ripot Pansik
9. Mantaika asil
pansik askyen

5.5.3

Pelan Kos Pansik

Ba pansik tu aku udah nguse sereta nisih barang enggau kos ke dikena pemansik
lebuh bejalaika pansik. Jadual kos ulih diperambu baka ba baruh tu:
Kar 3 Kos Pansik
No

Barang

Rega Per Unit x unit

Penyampau

(RM)

(RM)

1.00 x 6

6.00

1.

Keretas Mahjung

2.

Keretas A4

8.00 x 3 rim

24.00

3.

Keretas Chura

16.00 x 1rim

16.00

4.

Ink Printer

10 x 4 iti ink printer

40.00

5.

Kereban Fotostat

0.50 x 50 helai

2.60

6.

Thum- Drive

20.00 x 1

20.00

24

PANSIK ASKYEN 1

Sanding Penemu
a) Bup
Akhiar Pardi enggau Shamsina Shamsudin. (2011). Pengantar Penyelidikan
Tindakan

dalam

Penyelidikan

Pendidikan.Selangor. Penerbitan

Multimedia Sdn. Bhd.


Chemaline Usop enggau Padang Luna.(2011). Fonologi Jaku Iban.
Perak.Emeritus Publications
Chow Fook Meng enggau Jaizah Mahamud. (2011).

Kajian Tindakan :

Konsep dan Amalan Dalam Pengajaran. Selangor. Penerbitan


Multimedia Sdn. Bhd.
Chua Yan Piaw. (2011). Kaedah Penyelidikan Edisi Kedua.Kuala Lumpur. Mc
Graw Hill.
Internet:
Siti Fatimah Kassim. (2012). Penggunaan Permainan Cari Saya Berserta
Darab Vokal + Diftong (Au/Ai) Dalam Meningkatkan Kemahiran
Merumikan Perkataan Jawi Yang Mengandungi Suku Kata Terbuka.
Diambi
https://www.tinjauan+literatur+diftong+siti+fatimah.pdf

25

PANSIK ASKYEN 1
Siti Nor Farizah. (2011). Jejak Labah-Labah Meningkatkan Penguasaan
Kemahiran Membaca Suku Kata dan Perkataan KVK di Kalangan
Murid Tahun 1(LINUS) Melalui Teori Kkecerdasan Kinestatik.
Diambi
farizahyaakob.blogspot.my/2011.
Pumfrey. (1977). Kemahiran Berbahasa-Kemahiran Membaca. Diambi ari
wajip.blogspot.my/2012

26