Since 2006

ZAM Information Department

ZAM Hotline
016-293 9027
ZAM Office
03-2142 6659

informing people, transforming lives

Volume 11, Issue 18

...not to be served, but to serve (Matt 20:28)

Email:
zomiassociationmls@gmail.com

09 October 2016

2016 ZOMI KHUADO PAWI COMMITTEE PAN SAPNA

Zomi khuado pawi hunsung ah pello aa pawi nongsim nang un KHUADO PAWI COMMITTEE min tawh kong
zawn uh hi. Zomi Khuado pawi pen Chinwoo
Stadium ah I banner tung a
bangin nasia takin kibawl ding hi. 10am-5pm
sung ahih manin tutna nuam
nadeih leh a hunlap hongpai pah in. Pawlpi leh
khua makai te tutnang zong
nasia takin hong kigelsak a hih manin nong
tunbaih nangun kong theikhol
sak uh hi. Malaysia, Kawlgam, USA, India leh
Singapore pan sum leh paai,
tha leh ngal tampi bei in Khuado pawlsiam
ding hong tung ziahziah ta uh
hi. Nangzong Zomi a it te veina leh Lainatna theihpih dingin ni khat bek hunna piak ding kong deihsak mahmah uh
hi.
Pawipi ah MC hong sepsak dingin Rev. Dai Sim Mang leh Zolia&Taang te kiseh a, tua hunsung ah, Mitphial, Gaw
tahlam te a kipan ngeinalaam a tuamtuam, lasiam minthang gampua pan B Muan Ngaihte, R Khaia, Sia Dalpi leh
Malaysia pan Pu Lengtong te hong zai ziahziah ding hi. Zolia&Zotaang kidemna, Zomi Idol kidemna zong om ding
hi. Zomi League pan gual tungtuang Football leh Volleyball team 1,2,3 na leh kungpang, nungthup, maikah, bawl
lung hawmsiam, kimawlsiampen te pahtawi piakna zong om ding hi. Khuado thugenna hong neihsak ding Pu
Hang Khan Lian, Short Speech nei ding Pu Neng Hau Kim ZAM founder, Pu L P Tuangpu te kiseh hi. Music
Incharge dingin Rev. Gin khan En. Lamakai ding Zomi Idol 2014-2015 te kiseh hi. Media hong sepsak ding Sia
Mangsen -Zomi Daily, Sia Hauthang, Sia Khampu, Sia Sangpi leh Sia Lianbawi ten nasia takin hong sepsak ding
hi.
Kum 1 Khatvei i neih Zomi Khuado Malaysia ah na taksa mahmah, na innkuan, na Sangbup, na pawlpibup a pawi
nongsim na dingun itna lianpi tawh Khuado Committee ten kong zawn phapha uh hi. Hunsia, mat leh hen tuam
tuam tawh kipelh nang thungen ciat ni.
MANGNGILH LOH DING: ***Khuado pawisim khempeuh minampuan silh kim ding.*** Zuu kamnam sain pailo
ding, ***kunza cil sialo ding. Nin thangpaihlo ding. Laibu khat tawh hong kuan in. Tuni a khangno te zingciang
makai ding ki thawi ta ni
ZOMI KHUADO PAWI FUND NGETNA LEH LUNG
DAM KOHNA
Zomi Ngeina Khuado Pawi pen October 15, 2016(Satur
-day) ni in kibawl ding a, khuado pawi a dingin sum leh
paai hong piakhin sa khempeuh tung ah nakpi takin
lungdam mahmah na kong pulak uh hi. Na piakna te
tung uh ah Topan a zah tampi in hong thukkik ta hen.
Hih Zomi Khuado pawipi picing takin I bawlzawh na
dingin sum leh paai tampi kisam ahih manin muanna leh
lametna lianpi tawh Khuado Committee in anuai a bang
in ma i pankhopding kong zawn uh hi. *Khuakhat pan
RM200 pan a tung siah.*Biakna pawlpi khat ciang RM
300 pan a tungsiah.* Khua kipawlna leh Pawlpi pan bek
hilo in, mimal in zong piaknop zahtek kipia thei hi. Zomi
bup akua maciat in mapangkhawm dingin muanna leh
zah takna lianpi tawh kongzawn uh hi.
Khuado a dingin mapang khopna sum tukal sung hong
pia thak te :
1. Singgial Khua Kipawlna
:RM200
2. Selbung Khua Kipawlna
:RM100
3. Haicin Khua Kipawlna
:RM100
4. Phaileng Khua Kipawlna
:RM100
5. New Darkhai Innkuan
:RM100
6. Zawl Hel Group
:RM100
7. ZCF-Bukit Tinggi
:RM200
8. Tuicinlui Khua Kipawlna
:RM100
Khuado pawi a ding pawlpi, Khua kipawlna bek loin
mimal in zong ki pia thei lai hi. I minam pawi a ding
mapang khawm ni.

UNHCR LEH CLU TE TAWH MEETING KINEI

October 05,06 UNHCR leh ClU te thusiamna tawh meet
-ing hong neihpih uh in Bank card bawl vai ding leh
Qualitas Health clinic (Sikhan) tawh kisai hong kuppih
uhhi. Bank tawh kisai in, UNHCR card tawi Bank
account bawl nuam te ading in Bank nam 3 ki bawl thei
hi
1. CIMB Bank
2. Public Bank
3. RHB Bank
Na nasepna Boss NU/PA in
in hih bank khat a nei hi
hamtangh ding hi. Na Boss
Nu /PA kiangpan in recomdi
-tion(hih Nu /Pa ka nasem
takpi mah hi cih theihpih na lai) leh bank number, a
bank zat address leh Na UN min/UN number zong
kigelh hamtang dinga tua teng na ngah theih ciangin
Zum panin zong hong kipanpih ding hi. Community
makai/Pastor te ahih leh amau bawl nop na bank ah pai
in lai ngen ding hi. A ni pen Monday -Friday zingsang
nai 8:00 AM 11 AM dongh hi ding hi.
UNHCR/IAD gelsiamna tawh Malaysia gam sungah gal
tai gambel mi tampi i om a, dam loh ciangin sikhan ah i
va kilah ciangin Sikhan pawl khat te ah a tawm pen RM
50 bang hongngen thei uh hi. Gam thumna apai thei nai
lo honpikhat mah omlai i hih manin UNHCR/IAD in Mal
-aysia gam sungah refugee te ading sikhan atawm
manthei pen a hong velzo ding hong zonsak uh in, Mala

ZAM Thupuak pen leitung muntuamtuam aom Zomi khempeuh in asimtheih dingin www.zomidaily.org website ah ki koihden hi.

-ysia gam sungah clinic (sikhan-72) a om Qualitas

clinic tawh hong kizom thei uh a, 06 10 2016 in
Federal Hotel ah UNHCR pan Representative Mr.
Richard Towel leh Chairman & Managing Director of
Qualitas Medical Group pan Rr. Noorul Ameen Bin
Mohamed Ishack te in thukimna MoU suaikai uhhi.
Richard Towel in Qualitas tawh kizop theih lungdam
na gen a, Dr. Noorul Ameen in Qualitas clinic pen
Malaysia gam sung bek ah zongh mun 72 ah omin
tua ban ah gam dang gam 4 ah zong a om thu hong
gen hi. Hih Qualitas sikhan tawh kisai in Siavuan 8 te
hong hong kihel thei uhhi. Qualitas sikhan ah natna
tuamtaum leh Datman kizaih(TB) cihte pen RM 35
hongla ding uha, Naupaai nupite zongh kilak thei in
kilah man pen RM 35 mah hi ding hi. Altersound(gil
sung a nau et) zongh hong bawl sakthei a tua pen RM
25 hongla ding uh hi. Tua ban ah Sisit leh Zutsit bek
pen RM 70 hongla ding uh hi. A diakin Qualitas si
khan ah tulianin Haa tawh kisai bang mah hong huh
theihna uh om lian thei nailo ahih man mailam ah neih
zawh nang hong han ciam sak sawm uh hi.
Qualitas Sikhan pen nai (24) sung kihong a, hih si
khan napai ciangin UN nei leh neilo i vekpi in RM 35
hi ding hi. Hih Sikhan pen veng tuamtuam ah om ahih
manin tulian in i thupuak ah kita zolo ahih manin mipi
ten hong telsiamin sikhan na painop leh nang omna
veng tawh kinai pen namun ZAM ah hong kan un.
Naupang kum 12 nuaisiah vaccination sut ding mai
kha sungah a vengveng ah neihtheih dingin vaihawm
uh hi.
UN ZUM AH THUKAN HUN KILAIH
UN zum ah UN maban te kan theih uh pen Thursday
leh Friday ni in kilaih ta a, zingsang nai 8 pan sun 11
kikal in kikan thei hi. Ni khat mi (50) ta bek kilut sak hi.
ZAM KHASIM PALAI THUNGET
ZAM palai te khasim thungetna ah Rev. Gin Hau
Tuang (Victory Living Assembly)
pawlpi kem siapa in Pasian thu
tawh thapiakna leh deihsak thu
ngetna hong neihpih aa, ZAM palai
teng a vot leh moh tawh hong vak
in nakpi in kilungdam mahmah hi.
Topan siapa te innkuan leh a
pawlpi tungah thupha hongpia sem
sem ta hen.
REV. THAWNG NGAIH KHUP TE INNKUAN ZAM
ZUMPI PAN LUNGDAM PIHNA
Sia Khupboihte innkuan September 21, 2016 ni in
USA hong zuatsanta uh ahih manin I lungdampih mah
mah aa, langkhat ah i mai tai zokei hi. Siapa pen i
Zumpi ah hong hawh zel
zeltha hongpia mipicing, mi
thupi khat ki taan leuleu hi
zelmaw ci-in kithanem mah
mah hi. Rev.Khupboih pen
ZAM/ZSM in 2011 a ki pan
kum 6 sung bang thudotpi
(Advisor) a ih neih mi citak
mahmah khat a hihi. Siapa pen a pumpi silh leh ten a
siangtho sitset den ahih mah bangin alungsim leh a
ngaihsutna zong siangtho in navaak mahmah hi. Zomi
a dingin athu theihna leh a pilna te ZAM/ZSM in nop
tuampih mahmah hi. Hun tawh kisai in a zekai ngeilo
leh hun a lap den khat a hihi. Thu kikupna tuamtuam

a om simin Zum hong tung masa pen den khat a hihi.

Zumpi in thudotpi a ih muan mah bangin Zion UPC pawl
pi ah zong Church Pastor semin a muan mahmah khat
uh a hihi. Siapa pen a kiniamkhiat mahmah khat in ciam
teh uh hi. Ama bulphuh pen: Kipumkhat ding, kilem
diamdiam ding, ki it ding cih ahih mah bangin a omna
peuh ah kikhenna, ki balna cihte omlo in nuam kisa hi. A
mau innkuan in Zomi zumpi aa ding ahihtheih zahun
hong panpih uh hi, atanu Lia Cung San Lun in zong hun
thupi leh vai thupi te ah ahi thei bangbangin Zumpi hong
huhin hong panpih khat ahihi. Lia San Lun pen Harvest
sangah IGCSE aman khit ciangin Harvest mah ah Zum
nasem suakin Zomi mipihte kisapsapna ah kamlet sak
in ahihtheih zahin ma apang Zolia khat ahihi. Ama tung
ah zong lungdamna lianpi ih ko hi. Tua ban ah Siapa inn
kuanpih sianu zong i mipih naupang te deihsakna leh
veina tawh MRLC, UN sangah volunteer in kum nih leh
a lang sung siamah semin hong kipia khia hi. Pasian in
a innkuan un a omna peuhah nuam a sa tawntung ding
in thupha napia henla, minam (Zomi) aa ding leh Pasian
gam leh lei a dingin a kipia khia zo semsem innkuan
hong suak sak ta hen. Amen.
ZAM ZUM AH THUNGETNA HONG NEIH SAK
Pa Thang Sian Mung te nupa
in khasim pelhlo in ZAM zum
ah thu hong ngetsak den mah
bangin 06-10-2016 ni in Octob
-er kha ai tangin thunget sak
na hong nei uh a, lungdamna
lianpi kiciamteh hi. Topa in a
innkuan tung ah thupha tawh
hong tuam semsem ta hen.
PASTOR MUNG IN ZAM ZUM HONG HAWH
Pastor Suan Khen Mung(Kansau) tuiphum pawlpi kem
siapa in Zomi a it a vei na
tawh ZAM zum hong hawhin
thungetna hong neih sak
thei aa, kilungdam mah mah
hi. Topan siapa te inn kuan
leh a pawlpi tungah thupha
hong piaksak semsem hen.
ZATO LAM BUAIPIH TENG
1. Pau Za Mang (Anlangh) Salayang Hospital
2. Nang Khup Mung (Saipimual) HKL
3. Dai Tengh Mung(Suangpi) Salayang Hospital

KIMAT KIHEN NA TUAHKHAK LEH: ZAM member ten

kimat kihenna tuahkhak uh leh. Sia Tuangpu: 016 254
4093, Sia Go Mang: 018 202 1216
ZAM MEMBER TE A DING NASEP
Printing ah sem ding mi (5) kinawh deih hi. A mun
Serdang, Ni tha RM 55 hi in nai tam sem zote OT om
den hi. Nasep hun nai 11 sung.
Numei 2 kideih

Tadika GCC naupang sang ah semding ki deih hi.

Mangpau pauthei hamtang ding. UN a neih kei leh ZAM
card tawi hamtang ding. Khasum vai kiho pha ding.
Nasep vai Contact: Sia Khuppi 016 383 8014
UN ZUM AH VAI DAWP A PAI NUAM TE A DING
Omna gamla lua in zingsang UN zum ah vaidawp pai
nang a hamsa te ZAM zum nuai Zolimtui annsai ah man
gen loin kigiak thei hi. Pa Mang 018 202 1216
ZYA BUILDING FUND
1. Do Suan Khai(B)
:RM500
2. Tuicinlui Khua Kipawlna :RM100