Anda di halaman 1dari 22

Gambar 8

Huruf Kaganga

6.4. Pantun
Pantun Besambut (Gayung Besambut)
Di Kedurang terdapat satu jenis pantun yang disebut Pantun Besambut
(Gayung Besambut) yaitu berbalas pantun dan Pantun Ratapan. Pantunpantun yang terdapat didaerah ini menggunakan bahasa Pasemah Semende.
Berikut ini terdapat beberapa contoh Pantun Besambut dan Pantun Ratapan
yang bersal dari Kedurang.
Pantun Gayung Besambut :
NDAK TIDUK DIKBETIKAGH
DIK BEGUNE ADE BANTAL
DUDUKLAH SINI SAMBIL NYANDAGH
DIDE KAH NGAPE KITE LAH KENAL
KAH KEMANE BADAH TIDUK
LAGI TIKAGH DIKBEDIE
UDE KUDAI CACAK ILUK
NGAJAK SINGGAH LAGI DIKDE
Pantun Percintaan
KALU BEJALAN NGIRING GALAK NUMIT
NGAMBIN GALAS DIKBESEMBIKE
JANGAH MARAH BETANYE DIKIT
AKU NDAK BEKENALAN SAPE NAME
SALAH NIAN PEGHASEANKU

SATE KUKINAK DENGAH MENDAM


KALU NDAK PACAK NGA NAMEKU
AKU SENAME NGA BINI ADAM
PAILAH DUDUK TUNGGAL KERSI
NEGAHGHI CERITE JEME BAGHAGHI
KALU DENGAH GALAK KAH KUTEMUNI
KEMANE MIDANG KITE PAGI
PEGI BEJALAN KE TENAM BUNGKUK
SINGGAH DIAYIK KITE GHEGHADU
KATEKALAH KENDAK SAMBIL DUDUK
DIDE NDAK BINGUNG ATAU RAGU
DARI PELIMBANG KE BENGKULU
NAIK MUBIL GUNUNG INDAH
DINDAK BIMBANG ATAU RAGU
TUAPE DIJANJI TAHAN SUMPAH
EMBAK INI BANYAK BUDAK SEKULAH
KEBILE TAMAT IJASAH NEGERI
KALU LUM DAPAT TAHAN BESUMPAH
DAMI LAH DAPAT DIK TEGHINGAT AGI
AKU LAH UDIM NAIK PEDATI
SATE BEJALAN NGUNJAK-NGUNJAK
KANYE DIKIT AKU TEBUDI

LAIN DIKATE LAIN DISURAT


KABARNYE DENGAH ADE MUTUR
KITE MIDANG CUGHUP TENANG
PETANG KELE AKU KAH NGATUR
KALU DIAJUNG ENDUNG NGAH BAPANG

AGHI MALAM BALIK KE GHUMAH


NGAMBIK AYIK ADE SEIMBIR
KAH MAK MANE ACAKAN DENGAH
NGAPE DUNIE LAH NDIK BEPINGGIR
KALU DENGAH DIKPERCAYE
SATE TUGHUN KE DUNIE LAH BEJANJI
AMU BUKAN RIBANGKAH DENGAH
KAHKUTAHANKAH NDIK BEBINI
Pantun Memotong Padi
PADILAH KUNING NGAMBIK JEMUWAN
ADE SELANJUNG TEKE TANGKAINYE
NANAK SEPEGHIUK NGAJAK PANTAWAN
MAKAN PADI EMPAI ITU NAMENYE
PADI LAH KUNING DILIRING BUKIT
NGETAM BANYAK MAKAN TUAI

EMPUK DIMAK TAHANKAH DIKIT


KEBILE AGUNG DIK BETEMBAI
SAPE YE DIMAK DITULUNG
SAWAH LIBAGH PADI BEGHENAS
SAMBIL NGETAM KITE BEREJUNG
DIKDE TEGHASE AGHI PANAS
KALU KAH NGETAM KEBILE NEMBAI
DIMANE KINAH AKU GALAK
AKU NAK NUMPANG MAKAN PADI EMPAI
SAMBIL NULUNG SAMBIL BERAYAK
MASAK LEMANG ADE SEBARIS
KAH NDIK MAKANAN BEBIE NGETAM
EMPUK PAYAH DIDE NAK NANGIS
SEMANG BALIK KITE TEMALAM
LEMAK NIAN NGETAM BEBIE
DIDE BE PAYAH GI RIBANG TULAH
DIKBETUE APELAGI MUDE
KECIK BESAK TUGHUN KE SAWAH
AMBIK TUAI DALAM GHUNTUNG
SE SE LANGGUM MASUK BEGHUNANG
AMBIN SELANJUNG UDIM DIGUNGGUNG
MASUKKAH PADI DALAM TENGKIANG

PADI BANYAK ADE SELANJUNG


PADI PULUT KAH NDIK JUADAH
SAMBIL NGETAM KITE BEREJUNG
GHEGHADU DIKIT UBAT PAYAH
AGHI PETANG KITE BALIK
NASI SE IBAT SE GHUAS GULAI
KEGHISKAH LEMANG DIWIK DIWIK
KITE LAH UDE MAKAN PADI EMPAI
MUSIM NGETAM KITE LAH UDE
RUGUK KAMPUH SAMPAI GALE
YE USURANNYE DIENJUK SEBAKE
ITU ADAT JEME SEMENDE
ALANGKAH SEMANGAI UDE NGETAM
PADI ADE TAGULAI KATAH
DIDE MALU MERAHE TEMALAM
ADE TETAMU KITE NJUADAH
TUNGGU TUBANG LAMBANG KITE
ANAK BETING NUNGGU GHUMAH
SAWAH NGA KEBUN DIURUS GALE
BADAH KEBALIK AN RUGUK KAMPUH
NEMBAI NGETAM MAKAN SERABI
DI ENJUK MANIS TEBU MANAU

ILUK ILUK NYIMPAN PADI


DANDANAN IMPANI BATAK KE DANGAU
JANGAH LINGAH SIANG MALAM
INGUNAN PIARE KAH NDIK GULAI
SEGALE GAWI NGGUK UDE NGETAM
KITE TUNGGUI AGUK AN JURAI
AGHUMAN JANGAH DITUNGGALKAH
TENGKIANG PENUH SAMPAI KE ATAP
NGETAM LUM UDIM GHULIHAN KATAH
SEKAT TEBAYAR LAH CUKUP NISAP
NGETAM PARAK NGAH PEGHUMPANAN
PADI DIKETAM SE SE TANGKAI
SAPE KAH NULUNG BEGHAMBINAN
KAMI KAH NULUNG NANAK NGAH NGGULAI

Pantun Ratapan
Ke kaduk andun besiang
Singgah ke talang membeli nangke
Mangke nduk ngeghase sayang
Ngguk reringge di palak tangge
Kalu ke kebun naik kerite
Jangan lagi bejalan kaki
Kalu di dusun dibenci jeme
Belaghi kiya dik balik agi
Ke kaduk andung besiang
Singgah ke talang membeli kain

Lagi nduk lagi dik sayang


Mandani pule jeme lain
Kalu ndak nginak kalangan kami
Kinai kalangan di pucuk jukuh
Amu ndak nginak malangan kami
Kinai ujan campur guruh
Anak
Anak
Adak
Adak

elang anak lelayang


berebah terbang tinggi
hilang adak melayang
bejalan dik balik lagi

Nduk-nduk belalang panduk


Singgah ke kubang kekeringan
Alangkah sial si anak nduk
Bejalan sunghang die besedingan
Selame dik nanak minyak
Buah kepayang belah-belah
Selame dik paling kinak
Nginaki bebayang ase nyelah
Mbak mane ndak gulih padi
Sawah tanjungan gajah gale
Mbak mane rasan ndak njadi
Jurai mah dengah negah gale
Alangkah pedih lukeku ini
Balut nggah kain mangke dik kuyak
Alangkah sedih idupku ini
Idup melain ndik jeme banyak
Lah diketawi jalannye licin
Mengae adik lah bekerita
Akuni karut lagi miskin
Kenapa adik lah jatuh cinta
Betaghik kayu diambik
Dibtak tughun lah belah due
Kecik ati nggi sape ngambik
Batakan tughun keduninye
Alangkah iluk si manau itu
Iluk diambik ndik bingkai rungkuk
Alangkah iluk si budak itu
Iluk diambik ndik nantu nduk

Petang-petang silaplah lampu


Lampu tekedan di pucuk meja
Petang-petang kemane aku
Idupni numpang selalu susah
Bedepas memancung buluh
Buluh berisi lah ular lidi
Kalu adinda berkate sungguh
Di dalam laut kah kutimpasi
Cak ciluk ikan kerali
Sipat melanting lah ke pematang
Cacak iluk amu di dai
Kelam seliku lah nuduh bapang

Alangkah mahal buah kuingi


Waktu digutuk umban meberaibai
Alangkah sial nasibku ini
Idup di duninye dik pernah senai
Amu dindak nggah seghai seghut
Ambiklah seghai di lembak siring
Amu dindak nggah kami karut
Cakelah jeme ye putih kuning

6.5. Cerpen berbahasa Pasemah


Merajeku jeme gerut
Makkk.mamang balik, die dang di Simpang Mio, (aku belari
menyongsong Umak dang nyuci baju di bak belakang). Dimane dengah
pacakkate umakku sambil bergegas ngudimkah cucian pakaian. Kate mubil
Drun, die tadi betemu di simpang Mio dang moto-moto ayik terjun Cughup
Tenang. Nah, ame mbak itu nak besiap. Lah pacak makwo dengah? Lum
tau, aku tadi dang main geling, di jalan betemu mubil drun ngenjuk tau kalu
mamang lah balik. Njuk tau kudai, pegilah. katekah nga makwo mamang
dang di jalan, siapkalah nasi angat, ambiklah ikan mas di pauk tu. Kele
umak berayak ke sane nyiapkah ramuan gulainye, Aumak (tanpa basa-basi
langkah seribu menuju rumah makwo).
Toktoktok. Asalamualaikum wo.. makwooo. makwooo
(terdengar suara derit lantai papan yang sudah seumur dengan presiden
pertama AS, menuju pintu) Walaikum salam, sape titu.?? Madyan Wo
Madyannnn..(sambil nunggu pintu dibuka, kuase-asei geling di kucikan
celane, sambil temenung dengat?dik ape-apelah fikirku, melepas tanganku
dari kucikan celane), sambil nafas naik tughun, kuomongke pesan umak

dengan makwo mangke die besiap, mamang kah datang dari Jakarta,
sekarang masih di jalan. Satelah dengagh ceriteku, makwo langsung besiapsiap, merapikah rumah dan sekaligus nanak nasi dengan jumlah lebih dari
biasenye ndik rumbungan mamang yang nak datang.
Udim ke rumah makwo, aku belghi ke lapangan parak ghumah
pangeran di bawah batang ghukam, disane kance-kanceku lah nunggu,
ngajak main geling lagi. Dasar nasib sial, geling-geling sepokok dengan Apri
yang kami dapat dengan susah payah melanting gale dalam tebat, waktu aku
belari nyampaikah pesan Umak. Akhirnye aku dikde di ajak lagi maen geling
malah kene dende due kali lipat dari geling yang kulengitkah tadi. Anye
sekali ini aku dik nyesal, karne aku teringat mamang hari ini balik, luk
biasanye kalu die balik die selalu menyempatkah ngenjuk duit ndik ponaanponaan nye di dusun (momen inilah yang selalu kutunggu-tunggu)
mbakitulah luk aghi ni, aku fikir dengan mudah kugenti geling-geling yang
kulengitkah tadi karne aku dapat jatah dari mamang kele, aku tersenyum
mikirkah berapa ribu duit kah dienjuk mamang nga aku. Jadi selame
beberape jam, aku menjadi penonton, nak maen dik bepokok lagi.
Sedangkan utang geling harus dibalikkah paling lambat pagian pagi udim
istirahat keluar main.
Menjelang dzuhur aku dan kance-kance mulai beranjak dari arena
menuju rumah masing-masing. Dik luk aku, aku dik nuju ghumah melainkan
ke rumah makwo. Dari kejauhan kinaan li ku ade due mobil sedan sikok
warne hitam dan sikok lagi warne abang ati. Dalam benakku mobil mamang
tini ni. Kuparaki dan kubace mereknye same gale BMW. Alap pule mubil
mamang ni dalam ati. Dasar dakecik dusun lum puas kalu lum natap,
kutataplah kace spion mubil abang. Dik tau ngape ade bunyi sirene luk
ambulan bebunyi bias kiamat. Tekanjattepucat daiku luk nasi basuh,
merusak aku ni. Peghaseanku dik tekeruan agi, ase kah umban jantung.
Makmanelah ame rusak? kah makamane bakku nggentinye kele? aku
terus befikir. Sedangkan sirene masih meraung-raung dikberenti-renti.
Daripada aku nak nggentinye kele lemaklah aku belaghi saje (tanpa fikir
panjang aku belaghi). Sate lah jauh, masih kuperatikah mubil tu, akhirnye
berenti juge bunyinye, lege juge asenye. Awak masih takut-takut aku nuju
ghumah makwo, anye dik berani lewat pintu depan, beghaninye lalu wah
gaghang. Sesampainya di belakang kukinai banyak tetangge makwo,
sepupuku, kulu kiligh mbasuh piring nga beres-beres bekas idangan.
Aku dik nginak umak di belakang, cuma ade tetangge nga sepupuku
tulah dang begawi beres-beres. Aku langsung nuju bebar, kusingkapkah dikit
nginaki suasana dalam rumah. Disane kukinai ade gale, umak, makwo,
mamang nga bibik, wakan, nga famili-famili lainnye. Ku kinai kambangan
keluarge dang rangap negaghi cerite mamang, sambil sesekali tetawe
ngerakak, sesekali saling cintung umungan li kambangan kerbai sebelah
nining bugagh. Ribang nian aku nginaknye, ku kinai pule parak duaghe ade
jeme asing bagiku, mungkin ini pengawal sekalian supir pribadi mamang.
Jemenye ganteng, gempal, ghumbak cepak gi mude. Matenye nganan ngiri

ase kah neguk jeme bulat-bulat, geme ige aku nginaknye. Lum lame aku
ngintip di duaghe, ade tetangge ngguil belakang ngajak makan. Karne lah
ndi tadi nak makan, semangat nian aku nuju idangan ye lah disiapkah
tetangge makwo.
Anye.sate tekinak li ku, piring kosong, badah nasi, pembasuhan
tangan, timun ditetak-tetak, ikan asin bulu ayam dikit, sambal caluk ade se
sidu, terus nga semangkok gulai masam ancau nga iku ikan mas bekas
kubitan jeme. Sekilas pemandangan ini mbuat aku mual, lengit gale selera
makan, awak lah lapagh dengat agi sapean. Dasar dakecik, kutanyekah agi
nga jeme yang ngidangkah nasi tadi. Madai giade gulai luk ini saje, uji umak
tadi ikan mas ingunanku lah digulaikah, sambil merajuk. Tetangge makwo
yang ghapat dipanggil Sri njelaskah seadenye saje. Inilah mbuat aku nak
nangis, anye lum telebus. Laju sepupuku manggil umak yang lagi
nengaghkah cerite mamang, dibisikkanye kalu aku dindak makan karne dik
begulai agi. Umak laju pegi ke paun nemui aku.
Diumunginyelah aku tadi, diujuk-ujuknye, kalu ikan mas ingunanku
tadi lah abis ndik njamu rombongan mamang, kele kah digentinye nga ikan
kalang besak gulehan mbeli di kalangan minggu. Anye jangan nangis agi,
sambil ngenjuk duit Rp. 50,- ndik mbeli geling. Dasar umak lah tau nian nga
aku, kalu lah nangis dik begulai makan cengki die ngancei aku makan sambil
nyuapi nasi ye lah dilamaikanye nga sambal campur ikan asin. Walhasil, hari
itu cuma makan nasi sambal nga ikan asin saje, kuah asam acau dikdke
dituleh agi, karne geme makannye bekas kubitan jeme gale.
Ude makan, masih ngindil-ngindil di paun sambil bediang, dikbeghani
ke depan betemu rombongan mamang. Sambil bediang aku ngayal berape
ribu lah mamang kele kah ngenjuk duit, tahun lalu enjuknye Rp.7500,susukan mbeli rukuk Gi Pe, due tahun lalu Rp. 5000,- susukan mbeli
kerupuk, tahun lalu, tahun lalu.. aku lah dik tingat agi. Sambil melamun
diktaunye mamang lalu depan dai nak ke kamar mandi. Sambil basa basi
berenti tepat di depanku bediang, nah Madya.?? ngape dik ke depan
betemu nga mamang?? cukah sujud kudai nga mamang ni (sambil
mengulurkan tangan, dan kusambut tangannye), maluan mang, jawabku
malu-malu. Lah kelas berape, lah besak menagh, nga banyak agi pertanyaan
tentangku. Aku jawab seadenye saje, dan beliau berlalu menuju kamar
mandi.
Sate lah agak sepi, beguyur ke depan, tekinak li ku mamang dang
sembahyang, tikagh-tikagh pughun lah digelar gale, ade selusin lebih cangkir
kupi kosong disana sini, wakan lah ngguling diranjang nenek ye bekelambu,
mbakitulah pule kukinai sepupuku dang nuggit mberesi cangkir-cangkir nga
asbak rokok yang dik tekeruan agi isinye kemane-mane. Kapuh tetangge ni
kulu kiligh ade ye ngambik sendal ye bajik kanye dibelakang lemari, ade ye
mbawe kuali besak nga dandang ndik nyighang ayik, pokoknye sedakde nye
sibuk kiamat, ntah tuape gawi kanye ndik nyambut rombongan jeme balik ni
tadi. Rupenye petang itu rombongan mamang lah istirahat gale, anakanaknye nga supir ntah midang kemane keliling dusun, yang tinggal

mamang, wak, nga bibik saje yang bejelintuan tidu di kasur nga sarung
bantal ye masih mbau toko. Jarang nian tekinak sehari-hari bende luk itu
kalu dikde dalam lemari. Pokoknye sekali mamang balik segale baru, segale
lemak, segale rapi dienjukkah gale.
Nduk, jeme ni lah istirahat gale, bejelintuan, dimak pule aku nak
marainye kalu dang mak ini (fikirku dalam ati). Lemaklah aku ke depan
kiah, ngumpul nga kapuh dengasanak di gaghang depan. Di gaghang
kudengaghi cerite dengasanak-dengasanak nga kelawai sebelah makwo,
nceritekah mamang njadi jeme disegani, jeme bepangkat, sambil sesekali
ngomong lunde tentang pangkat mamang. Walhasil gara-gara nengaghkah
cerite dengasanak nilah aku mpai pacak kalu mamang tu Jendral bebintang
due. Anye aku masih bingung ngape lah njadi Jendral awak bintangnye masih
due, kate guruku di SD, Jenderal tu bintangnye ade empat bukan due luk
mamang, anye dik beghani nanyekanye, ye penting Jendral, mpuk berape
kinah bintangnye, aku nak luk die. Sambil duduk meghangkung nengaghi
cerite aku ngayal aku lah njadi luk mamang, ade pangkatnye, bebaju warne
ijang, besepatu licin ngecaki tungkat alap. Sambil senyum-senyum dikit aku
mbayangkah njadi luk mamang, ngecaki senampang mesin luk di filem-filem
Rambo. Saking kelemaan ngayal dik tau agi kalu rumbungan dengasanak lah
dikde becerite agi. Aku beghangkat ndi duduk, teghase lah geghit gale betis
karne lah lame ige duduk meghangkung. Dalam ati aku bangga nga mamang,
aku nak njadi luk mamang ame lah besak kele.
Ai, balik kudai,. anye sebelum balik aku teghingat nga bajikan duit
njukan umak Rp. 50,- ndik mbeli geling tadi. Duitnye kubajikah di pucuk
lemari di paun parak badah bediang, karne badah duduk tadi lah njadi
badah puntung, njadi kalu nak gambik duitnye harus naiki lemari. Sambil
nginak kanan-kiri, aku mulai naik lemari. Dasar lemari tue badah
penyimpanan dik kuat agi penguncinye, ampir sampai nga badah duit tadi,
dik taunye badahku bepaut tadi liut, laju tegerihul, duaghe lemari tenganga
due-duenye. Kinaan gale isi lemari, ade gurengan ikan mas, ade sambal
gureng, ade pule macam-mcam gulai baguk lah penuh li gulai. Nginaki isi
lemari tu, laju mbuat aku dikpecaye agi nga jeme dighumah ini. Madai aku
dienjuk gulai sambal, ikan asin, nga sisa gulai jeme. Padahal dalam lemari
masih banyak gulai lemak-lemak yang masih pacak dimakan. Dasar nian,
makwo ni, umak ni, pengeghit nga aku, sedakde jeme ni jahat gale nga aku,
.karuuttttt gale nga makan.pengeghittttttttttttttttttttttttttt..(aku
nangis sambil belaghi ke ghumah, kutinggalkah bajikan duit Rp. 50,- tadi).
Sampai di ghumah, aku langsung masuk kamar, disane aku nangis
sejadi - jadinye, keting bekas licak dik kubasuh agi, langsung besaput.
Sambil seduan teghingat gale nga gawi petang tadi, teghingat nga umak dik
sayang agi, teghingat nga makwo dik luk kemaghi, ame aku midang
badahnye selalu disiapkanye makanan lemak-lemak. Tuape kendak
diepenuhinye gale, anye sate mamang lah balik dik bedie teghingat agi nga
aku. Bak, kelawai, muanai lah kisit gale nemui mamang di ghumah makwo,
ngumpul gale disane. Ase dindak idup agi, lemaklah mati kiah.!!!
Luk biasenye kalu dang merajuk atau kene marah aku selalu ngayal. Sekali

ini aku ngayal kalu lah besak kele kah njadi jeme gerut nian. Kah mbeli
mubil alap banyak-banyak, dikbedie jeme kah kuajaki midang, kah
kutinggalkah gale midang jauh. Umak, bak, nga sape kinah di ghumah ini
dikbedie kuajaki. Mangke jeme tau sape nian aku ni, ame jeme lah mintak
ajaki midang dikbedie kah kuajak. Sate lah udim ngayal biasenye aku
senyum-senyum diwik, mbayangkah kalu aku lah njadi jeme gerut kele.
Akhirnye aku tetiduk.
Lah udim sembayang ashar, tambah banyak rugu kampuh
bedatangan, ade ye nak nengagh cerite saje, ade ye nak nawakkah anaknye
mangke diajak mamang, ade pule ye bebasa-basi katah kiamat, ujungujungnye nak mintak duit mbeli rukuk, mpuk sebungkus lagi jadilah. Ade
pule ye nak numpang ngupi saje. Macam-macam nian kendaknye,
sedakdenye dilayani li mamang. Mimang nian Mamang njadi panutan jeme
dusun, banyak endung-endung kalu ngumungi anak-anaknye; iluk-iluklah
belajagh.. rajin-rajinlah sekulah, mangke kele pacak luk mamangan Madya,
Alex Oesman. Die tu njadi Jendral karne galak nengagh umungan jeme tue,
galak belajagh, nga dikde banyak ige gawi luk dengah, ame dengah nak duit
saje, nak main geling saje, diajung umak lagi dindak, makmane nian nak
njadi Jenderal . Luk itulah pule mpuk umak nasihati aku, ame dengah
dindak nengagh umungan, dik kuajung kabah milu mamang, urung njadi
Jendral. Namenye dakecik SD, dang diumungi nengagh, nurut kate ndung,
anye sate lah udim diumungi masih kinah nyalat, nenincit itulah gawinye.
Petang itu tunggu tubang pantawan, famili-famili parak ghumah,
keluarge dekat sekaligus alim ulama diajak gale. Uji kah ade syukuran dikit,
mbagukah anak mamang lah tamat sekulah AKMIL, sekaligus minta doa
ruguk kampuh ndik anaknye ye tue kah nyambung S2 ke Inggris sane. Petang
tu pokoknye semliwai kapuh kaum kerabat sibuk kulu kiligh nyiapkah aguk
an. Mbak itulah pule kapuh umak nga Bak lah ndi sane gale mulai siang
tadi, mikut meramikah agukan. Dengasanak sughang yang dikde milu
kghumah makwo, karne die dang ade gawi ngapalkah lagu Serasan
Sekundang ndik pementasan lagu daerah di Pelimbang minggu depan, njadi
die dikde mikut ke ghumah makwo.
Sangkup magrib cuguk tiduk, sate kinaan aghi lah akap. Datuk lah
ngebang di masjid Akbar, waktu magrib lah nyampai ngajak kite sembahyang
gale. Engkas licak lah keghing di betis luk peta pulau sumatera. Sambil
kluagh kamar tekinak dengasanak lah bekain cete betuguk itam dang rukuk
sembayang magrib. Bebar di kace nako lah di tutup rapi, lampu depan lah
idup gale, suaghe sesiagh lah bebunyi dikberenti ngibur telinge siape kinah
ye masih jengar. Mate masih ngantuk pepuguan mbukak duaghe sambil
ngidupkah lampu PLN nak kayik mandi.
Sambil bekain anduk udim mandi langsung ke luan nanyekah Bak nga
Umak. Dasar Kamaludin sibuk nga gawi nye sughang, die njawabi aku
seadenye saje. Bak nga Umak dang di ghumah makwo, nulungi jeme
bagukan. Kalu kabah nak nyusul, nyusul lah diwik aku dindak ngancei, tadi
ade bawean Umak di bakul tu ndik kabah. Makanlah sughang. Aku lah ude

makan petang tadi, jawabnye ketus. Nengaghi jawabannye sengkiap nak


nangis anye urung karne aku lah bewudhu. Satelah risai gale, aku besiuk
baju, kah mbukaki bakul bawean Umak. Ku kinai isi dalam bakul, ade nasi
sebungkus diibatkah nga daun pisang, splastik bihun tumis, ade gulai
besantan isinye teghung masih bulat betangkai ye terakhir ade balung ayam
sutik lah udim digureng mbak bai keting kakangku, ngah ade pule sambal
cingeh keribanganku. Dikbedie palak ikan mas, atau balung ayam bangkok
luk biasenye diibatkah umak ndik engkuk kalu ade jeme bagukan, semele
nian aku saghi ni, sah ndi siang tadi makan dibedie ye melemakkah ati.
Segalenye ndik mamang gale. Anye karne lah lapagh, mane dikbedie agi ye
meratikah, laju gulai nga nasi seibat bantas li ku sughang.
Udim makan, aku maraki Kamaludin dang benyanyi sambil begitar, makini bunyi
lagunye:
Lagu Serasan Sekundang
Ui.. lemak niannnn aku lah ude
Tinggal besame. nga jeme tue
Balik keghumah lah ade gale
Kapuh meraje lah kumpul pule
Midang-midang keliling ume
Ngambik ingunan di pauk kite
Dami lah balik lah ade gale
2X pailah kite makan gegale
Mimanglah elok adat dikale
Kite diatur ahli meraje
Lemak-lemaklah.. ui jeme tue
Kami ye mude kah nguruskanye
Segale gawi sampai ngguk ngudim
Jangah lah lupe tingkah perbase
Jeme ye mude nengagh kah kate
2X Itu pancinye jeme Semende
Bejalan-jalan lemak bekance
Dikmak banyak dik kuawe sughang
Pailah bejalan sebimbing kite
Itu namenye Serasan Sekundang 2X

Sebenarnye aku maraki die li ade kendak nak mintak antat ke badah
makwo, soalnye aku nak maraki mamang sape tau ajungnye mbeli rukuk
lagi luk taun lalu, kalu ade susuknye kah kuambik, ndik mbayar geling ye
kulengitkah siang tadi. Mangkenye mangke die dik marah, aku sok nanyenanye tentang lagunye ye mpai dinyanyikanye tadi. Soalnye die ni ribang
nian kalu ade ye betanye tentang daerah Semende, apelagi tentang lagu dan
pantun-pantun Semende.

Kang, ngape kamu ni semangat menagh nak nyanyikah lagu jeme


dusun mak ini..? banyak ige lagu baru ye ngetop luk di tivi-tivi tu. Ade Peter
Pan, Nidji, ade pule rumbungan Dewa 19, lagunye keren-keren dik luk
nyanyian kamu ni, base dusun gale. Ui..kabah, base kite ni jeme Semende,
njadi nak bangga nga gawi dusun kite diwik. Kalu nak milu-milu jeme saje
gawian, retinye kite ni njadi ikuk jeme, pacak kabah nga ikuk.
kepacakannye ndik nepak atau ngusir nyamuk saje. Kinailah ikuk sapi,
ikuk ayam. Nah carenye, kalu nak cete mikuti care mereka tu ndik
memperkaye jenis lagu kite ni, asal jangan kite rubah prinsip dasar base
kite, mbak itu kabah. (sambil ngumung melodi gitarnye dikberenti nggual
lagu Serasan Sekundang). Ai, kamu ni cacak belagak saje, sok-sok nak
nahankah adat kite? (biaselah bujang kecik Semende, sukagh menagh
nerime ide positif. Tuape nian kepacakan kabah, mpai pacak begitar
setetak sekutung saje lah begaya, kabah tu sekulah Teknik, kanye sekulah
seni, kateku dalam ati). Bukan cacak belagak atau sok-sok an luk kate
kabah tu Ding. Anye kite ni nak ade ciri khasnye, mangke jeme keruan siape
nian dighi kite ni. Ude tu sape agi kah makai, nga ngembangkah gawi dighi
kite ni kalu bukan kite diwik. Galak kabah diumungkah jeme daerah Anu
misalnye, awak kabah tecuguk di Semende ini, lagu Semende sutik kabah dik
apal..?? (aku tediam, kene sekak). Aku terus tediam, soalnye fikiranku
masih tefikir nga bakal duit njukan mamang kele.
Aku masih ngayalkah duit pengenjukan mamang kele, soalnye kalu
dik dapat pengenjuan mamang, lukak ude istirahat dik tau nggenti geling
Apri, dik beghani aku sekulah kalu lum dapat duit. Anye dik beghani minta
antat ke badah makwo.Nak pegi sughang aku gi takut, akap gale jalan.
Jarang menangh ye galak ngidupkah lampu di depan ghumah, alasannye
bayaran PLN mahal, padahal kalu 5 watt saje kalu dik kah mahal menagh,
anye entah base pendapatan jeme di dusun dik besak luk jeme di kota. Aku
masih tebayang nga dai Apri, cengki marah menagh kalu pagi aku diktau
mbayar geling siang tadi. Aku takut nga die, die galak nggucuh, badan besak
lah die, mane kuat ngaguk pule. Mane beghani aku kalu ajaknye belage,
pening palak ku mikirkanye. Akhirnye aku ngibe-ngibe minta antat nga
Kamaludin ke ghumah makwo alasanku nak nggaghi umak, anye die tetap
saje dindak. Aku lah ude kesane siang tadi, lah betemu nga rumbungan
mamang, lah udim gale salaman, lah ngupi lah makan disane pule. Jadilah,
mpuk kabah mbak itulah pule. Tadi lah dibawekah umak bakul, tuape gawi
agi kabah luk penting menangh kesane.!!! uji lah ngamuk siang tadi karne
dik disisakah gulai, njadi ndik ape agi kabah kesane, mane aghi lah malam.
Anye kabah, aku lum salaman nga mamang!!!(kateku agak nyegak dikit,
ndik alasan). Jadilah kudai kabah kesane, tadi lah udim, aku lah nginak
kabah ngumung di paun, nyelah dikde..?? (aku tediam, kene sekak sekali
agi) aku lah mbauk luk kah nangislah, anye lum telebus.
Ude ngumung mbak itu die becerite.Madyan, base titu tu meraje kite,
kite harus hormat nga die, kite harus baik nga die, jangan kurang ajar, kite
beduse kalu kite kurang ajar. Pacak dikde kabah. mbak ini mamang lah balik
kah bagukan, tadi lah ditulungi gale, bemasak, betanak, sampai mbuatkah
tarup lah ude gale. Umak, Bak, kelawai kabah, muanai kabah, cebuk an

kabah, lah nulung gale. Memang seharusnye mbak itu gawi kite. Sekarang ni,
tinggal urusan kapuh pejadi kite nungguinye. Sekarang aku nak becerite
dengat. Cerite ni ndik ngenjuk tau kabah saje. Bukan nak jahat apelagi
mecah belah, mangke kabah kele pacak nentukah ye baik dan buruk dimase
datang. Nah sekarang aku nak betanye. Beghape ughang rumbungan tadi
balik ke dusun..?? (aku mulai ngitung) ade 8 ughang temasuk supirnye ye
bepalak cepak, kateku seadenye saje.
Hahahahahaahha..hahahaSupir kate kabah? itulah kabah retinye
lum tekeruan, base die tu nyelah lah yang nak diagukkah tu, ye mpai udim
sekulah AKMIL tu. namenye Ikbal Putra yang ade di photo di ghumah makwo
waktu masih inguwan luk kabah nilah dulu. Nah yang tue tu namenye Asri
Abadi yang sekarang nak S2 ke Inggris sane, anye dikpernah ndie die tu balik
dusun, njadi wajar kalu kabah dik kenal nga dengasanak kabah ye itu. Ikbal
Putra ni jarang pule balik. Mungkin sate bephoto sekali itulah die balik
dusun, sampai mak ini mpai balik agi. Adelah Ghepungan 15 taun dik balik
ke dusun. Namenye saje jeme dusun anye dik pernah balik dusun. Anye
tuape namenye anak meraje masih jurai dighi nak dianjamkah kinah.
Aku kah besejarah dikit, galak kabah nengaghinye..? Au. Kang, anye
antat aku kele, kateku besyarat (die nginaki jam) Au, kele kuantat. Ntah
ape maksud dengasanak ini nginaki jam sebelum jawab umunganku. Die
mulai becerite. Ame kate umak mamang tu dulu gi kecik, tulin luk kabah
nilah, mane inguwan, makan dumi, merajuk itulah gawinye. Palaknye tu
taguk, masih kinaan li kabah makini aghi, keningnye mbak itulah pule sentul
luk ikan Lou Han. Nah, die tu dulu waktu mikut umak nga bak kelas 5 SD,
sampai tamat SMA. Belage di sekolah penggawiannye nga kekanceannye Sah
ndi Semende, karne jeme kite dulu dindak benagh dikatekah jeme Dusun,
Apelagi James Bond (Jeme Semende Besak Di Kebon) inilah masalahnye.
Sampai-sampai die nutus palak kancenye sekolah nga batu bata. Karne
itulah pule mamang tu sempat masuk penjare seminggu lebih, laju bak
ngurusinye nepung anak jeme yang ditutusnye palak tu. Karne itulah pule
laju mamang tu urung kuliah, karne duit ndik daftar kuliah tegenti ndik
nepung kancenye belage. Mamang tu dulu tekenal di sekolahannye, ngaji
pacak, pidato cete, pendiriannye teguh, ame rengking sekolah dik pernah
dibawah tige besak, dari SD sampai SMA mbak itulah saje, mangkenye
mamang tu nak Bak kuliahkah, karne potensinye pacak ndik mbangun dusun
kite Semende. Anye tuape lah nasib die, ude SMA betemu nga kance belage,
laju urung kuliah. Ude nepung anak jeme tu laju mamang dikeluaghkah ndi
penjare, bedamai.
Kuliah urung, mbuat mamang tu dulu sempat nak balik dusun bekebun
kawe milu neng bugagh. Untunglah bak bersikeras dik ngajung, percuma
saje sekulah di Pelimbang kalu nak balik wale, ngelipat luk anjing ngepit
ikuk. Nah akhirnye bak ngajung die tes tentra atau pelisi. Anye kalu tetap
nak kuliah nunggukah kudai makcik ude kuliah setaun agi, karne makcik tu
bak pule yang nguliahkanye. Kalu nak taun ini biayanye bak diksanggup,
mane anak Bak banyak pule waktu itu pangke dang dumi gale makan.
Akhirnye die nurut, nak ndaftar tentra. Sambil nunggu tes tentra mamang

dulu mikut proyek irigasi tengah utan. Lucunye waktu itu ade masalah
logistik, sampai seminggu lebih mamang nga kanceannye di utan itu dik
dikighimi jeme nasi nga makanan-makanan lainnye. Nak balik lah tanggung
gaji lum dibayar, ujung-ujungnye seminggu di utan itu die nga kekancean
Cuma makan Kates selame seminggu. Singgenye pas buang hajat same gale
penginaannye kates dimakan keluagh kates lagi. Due bulan die mikut
proyek akhirnye balik keghumah kite, ngumungkah nak mikut tes tentra. Pas
die pegi nak begawi meroyek badannye masih bunguk satelah balik luk
tengkorak idup saje badannye. Laju gajinye due bulan cukup ndik
mbungukah badan saje, baju sutik lagi diktebeli (diam-diam Madyan salut
dengan perjuangan mamangnye ini).
Kalu nasib dik kah kemane-mane, sekali tes mamang lasung lulus
njadi tentra. Bak dikpernah nitip kanye, apelagi nyogok nga duit serepiah
kian lagi dikgalak, anye pesannye, harge diri kite jangan sampai tergadai
dengan duit dan kesempatan, kalu potensi kite ade, galak beusaha, itulah
taruhannye. Walhasil, mamang lulus jadi tentra, mungkin karne saingan
dikit, njadi die mudah juge lulus.
Lah njadi tentra rupenye gajinye lum cukup ndik die sebulan-sebulan,
mane die ngatur nak kawin pule. Akhirnye umak njualkah emas simpanannye
ndik mbantu die kawin. Makcik waktu itu mpai honor ngajar lum banyak
duitnye luk makini aghi. Bulan-kebulan udim kawin nga bibi akhirnye
mamang naik pangkat, dan terus dipromosikah njadi komandan sampai mak
ini die lah njadi jenderal. Retinye kalu lah kawin rezeki kite ni gancang
betambah, nyelah dikde Mad? (Madyan ngangguk-ngangguk saje) melodi
gitarnye terus bedenting-denting, kadang tedengar melodi lagu kaos lampu.
Pas sampai di bait .jangan ncukah bebini due, selop jepang lagi
diktebeli Aku senyum sughang disamping Kamaludin.
Lime belas taun di Pelimbang udem mamang njadi tentra, nga makcik
yang bungsu lulus Unsri Fakultas Ekonomi, Bak balik jadi guru di dusun kite,
sampai mak ini aghi. Selame di Pelimbang mamang ghapat bekirim-kirim
surat, kadang nelpon Bak nga umak, ame kartu lebaran setiap tahun datang.
Satelah di dusun jarang menagh ade surat, apelagi telpon. Kamaludin
melanjutkah cerite
Madpacak kabah dikde, ading bibi Yupi yang sempakan numpak nga
Marwan anak makwo yang bekebun di pagar embun mak ini aghi, lah njadi
Letnan Satu, dik nyangke nian awak kecik kughus lulus njadi tentra. Udim
tu, Wenny ponaan bibi yang sempakan numpak nga Rogayah lah njadi
dosen di Jakarta mak ini. Nah, kalu kabah lum pacak gadis putih alap yang
kabah kinai siang tadi tu namenye Rusita die tu dang nyusun Skripsi, die tu
anak dengasanak bibi tu. Cukah kalu Rogayah dulu tahan mikut mamang
kalu lah njadi Dosen pule di Jakarta sane, dik kah balik ke dusun ini, njadi
guru SD, itupun D2 di Semende inilah (Suaghenye merendah, seolah ade
penyesalan). Abis itu die memetik gitar lagi sambil mendendangkan pantun
Anak Umang.

Madyan, tekanjat dengan omongan dengasanaknye tentang Rogayah,


karne sepengtahuan die dari ceritean makwo Rogayah dik tahan tinggal di
ghumah mamangannye karne Bibi itu yang membuat dik tahan. Mujur nak
dikuliahkah luk Wenny ponaan bibi itu, tamat SMA lagi lah untung. Bibi itu
dik adil dengan keluarge sebelah mamang, contohnye dengan Rogayah itu
die pelit bukan main, dan kalu bukan Bak yang ngirimi duit SPP mungkin
Rogayah ini jadi pembantu saje di ghumah mamangnye itu dik tamat SMA.
Cukup ndik makan tiap aghi saje, di dusun ini saje pacak kalu luk itu, fikiran
Madyan mulai kritis.
Sehabis dengasanaknye bedendang Madyan langsung ngungkapkah
pengetahuannye tentang Rogayah, yang menurut die Rogayah bukan dak
pacak milui mamangnye sambil kuliah, karene die tahu Rogayah itu pintar
dapat juara saje semenjak SD bahkan la sampai SMA, anye karne bibian
yang berat sebelah mbuat die dik betah tinggal di ghumah mamangannye
diwek. Apelagi dengan Marwan, die datang kesane dengan semangat njadi
tentra, bahkan dengan pangkat paling rendah sekalipun die galak. Namun
karne alasan die ade masalah bekas luke di ketingnye ahirnye die dik lulus
dan yang lulus Yupi, ponaan bibi itu. Dasar Marwan jeme Semende yang dik
kenal menyerah die ngulang tes tentra lagi tanpa pengetahuan mamangnye,
dan akhirnye die lulus secaba keluar dengan pangkat Sersan Due. Namun
karne die punye obsesi jadi pengusaha die berenti sate lah udim ikatan dinas
dan bekebun kawe dan palawija di Pagar Embun, anak buahnye lah ade
sebelas dan yang jadi penjage tokonye ade tige ughang.
Kamaludin tersenyum dengan respon adik kesayangannye ini, ternyata
pancingannye berupa cerita-cerita tentang merajenye lah kene
sasaran. Itulah Mad, sebenarnye yang tejadi dengan meraje kite ini, beliau
ini hebat, pintar, dan tekenal. Anye setiap kelebihan pasti ade
kekurangannye, salah satu kekurangan beliau ini dik bedaya ngatur bininye
diwek, padahal die kepala rumah tangge. Singgenye keputusannye lebih
besak dipengaruhi bininye, pun untuk mbantu keluargenye, apelagi kah
mbangun dusun ini, jauh gi tangeh. Kina ilah, meraje kite ini jarang balik,
lebaran saje ke ghumah bininye saje, jarang die lebaran balik nemui nineng,
sampai mak ini nining lah matik gale tambah jarang die njengal ke dusun ini.
Die balik Cuma lime taun sekali saje, ape yang bemanfaat ndik kite?
kite Cuma bangga saje dengan meraje bemubil BMW, bepangkat Jendral,
ade spupu kuliah di Inggris, mane kite pacak, pendaiannye saje kite dik
keruan. Tesantuklah dai betemu di jalan dik kah kenal li kite.
Balik Cuma ndik siarah, syukuran lah tamat S1, nak melanjut S2 anye
jemenye ye diagukkah lagi dik balik, Ngganti nian retinye titu.
Seharusnye tu kalu lah gerut badah jeme tu, cukah ghapat juge balik dusun,
kinakkah anak bininye nga jurai di dusun, mangke keruan. Lebaran tu balik,
dik pule kite ni nak ancak-ancaki nga mubil alap, bini alap, anak-anak
bebase-base kota. Pentingye tu die tu datang silaturahmi. Jeme dusun kite
ni bukan jeme dik bependidikan, Cuma nak jadi objek anca-ancaan mubil
alap, periasan alap, nga baju ngetren jaman mak ini. Karne yang itu dik
begune nga kite. Ziarah ke kubur nining, puyangan, itu lebih bereti ndik

jeme kite ni. Kalu mimang nak ngenjuk sedekah, silakan saje, anye dikde
nak luk tepakse nga befikiran kalu jeme dusun tu gi mintak tulah
kepacakan. Dik bedie jeme kite ni mati kelapaghan di dusun ini.
Ingatkalah pule li kabah, Mad!!! (Kamaludin agak nekan suarenye).
Kalu kabah besak kele lah njadi jeme gerut, sepacak kabah naghiki jeme
kite ndik dijadikah jeme, ntah nak kabah jadikah pegawai, nak kabah
sekulahkah, nak kabah njuk mudal, nak di njuk informasi mangke pacak die
mandiri. Amen dik tu, kabah lum kah gerut ige, kalu kabah mbesakkah
busung kabah sughang dindak bebagi.Anye dengan catatan sesuaikah saje
nga kapasitas kabah, jangan makse dan tepakse. Kinailah jeme Medan,
kance kakang di Pelimbang sane, uy gerut nian kesatuan jemenye, ntah
ngape laju mereka luk itu. Ame li ndie dik tau kite nak nyalahkanye jeme
dighi, itulah kenyataannye. Mangke ndik pengetahuan kabah saje titu.
Dik teghase, jam lah nunjukkah jam sepuluh kurang lime belas
menit. Makmane, njadi kabah kah ke Ghumah makwo Nggaghi mamang?
Pailah, kah ku antat! Ah, kamu ni, ame lah jam mak ini malam ige, dik kah
lame agi Bak nga Umak lah balik pule. Kate kabah nak betemu nga mamang?
Ame urung aku nak sembayang Isyak, ame kah laju pailah.(Kamaludin serius,
dalam atinye, kabah-kabh, kabah tu adingku, keruan ige kendak kabah, nak
betemu nga mamang nak minta duit, mangkenye jam mak ini kuajak mangke
dikbetemu agi nga mamang, karne die lah ngulang malam inilah ke Jakarta,
sape agi kah ngenjuki kabah duit, Ncengis saje die nginai tingkah ading
bungsunye yang masih polos rela berkorban nunggui die becerite hanya ndik
di antat betemu nga meraje ye balik aghi, sian pule die nginaknye).
Karne Madyan, masih tingat nga duit ndik nggenti geling lengit tadi, laju
dengan semangat die njawab: Pailah dik kah ngape agak malam dikit! Ude
ame kate kabah mak itu, pailah. Masukkalah gitar ni ke kamar. Belum
sampai keluagh pintu kamar, Umak nga Bak lah di depan duaghe lah masuk
mbawe bungkusan gulai baguk. Sayup-sayup tedengagh mamang lah
berangkat malam inilah langsung ke Jakarta lewat lahat. Karne nak singgah
kudai keghumah bibi selame tige hari tige malam disane.
Sambil makan mihun goreng bawe an umak, aku dinjuk lipatan kertas dik
taunye isinye duit lime ribu. Nah, madyan ini njukan mamang ndik dengah,
katenye ndik mbeli geling. Anye jangan abiskah gale, sisakah ndik tabungan
dengah, katenye dengah nak kuliah, nambunglah mpung gi masih kecik.
suage umak lembut nian dik tau melupekanye Au, mak, timkaseh. Kuambek
duit itu, atiku senang nian asenye, sambil betanye-tanye dimane mamang
pacak kalu aku nak mbeli geling. Mamang ni hebat nian fikirku, aku berhayal
lagi.
Di dapur umak ngumung nga Kamaludin, duit Madyan tu dik nak dengah
Kicii, itu tu duit umak, nggenti geling umban di tebat tadi. Bukan njukan
mamang dengah, kele dengah kiciki ndik mbeli papir rukuk. Kalu die pacak
titu duit umak pacak marah-marah die nga mamangan dengah. Karne die

tadi lah cerite waktu umak nyuapi die karne mamanglah die lengit gelinggelingnye di tebat.
Ternyate umak masih terus njage hubungan anak-anaknye dengan adik
kesayangannye mangke dik bedikmakan. Walaupun die keruan gale dengan
sifat-sifat bini mamangannye yang berat sebelah dengan keluargenye.
Bahkan die dik pernah mengungkit jasa-jasa yang lah dinjukkanye sampai
ding beghading umak lah njadi sarjana, guru, bahkan sudah njadi Jenderal
dengan anak-anaknye. Die takut anak-anaknye akan menjadi pamrih dan
tidak ikhlas berbuat kebaikan, karena itu tidak boleh
Sementara itu di ruang tamu, Madyan nga Bak dang asyik-asyik cerite-cerite
tentang buku cerite Si Memed yang barusan seminggu yang lalu
dibelikannye. Die nyuruh Madyan nceritekah lagi bacean ye lah dibacekanye
nga bak sebagai pendengarnye. Sekali-sekali bak ngenjuk pengarahan dan
cara becerite. Persis waktu die ngajar di kelas. Dan Madyan murid
privatenye. Bandul jam sudah berdentang sebelas kali, Madyan tampak
terlelap dipangkuan Bak, dengan hati-hati diangkatnye ke kamar dan
ditidukah di pucuk dipan yang udim dipasangi karpet anti kemih kasur.
Soalnye walau lah kelas lime SD, Madyan masih galak kemih tikagh nga
sekali-sekali umban di ranjang. Malam itu Madyan bermimpi sudah
mengenakan seragam berpangkat bintang empat sedang Macul di sawah
tunggu tubang.

6.6. Cerita Daerah


Puyang Serunting
Legenda yang terkenal di Kedurang adalah legenda Puyang Serunting
atau yang tak lain adalah si Pahit Lidah. Menurut cerita dari narasumber
yang penulis dapatkan, Puyang Serunting adalah leluhurnya orang Kedurang.
Bukti yang mereka paparkan mengenai kebenaran Puyang serunting sebagai
nenek moyang masyarakat Kedurang adalah keturunannya yang hingga saat
ini masih hidup di Kedurang.
Keturunan Puyang Serunting ini, memiliki ciri-ciri berjari telunjuk
bengkok. Kedua telunjuk dari kedua tangan keturunan Puyang Serunting ini
tidak bisa didempetkan antara satu dengan yang lain.
Menurut legenda, Puyang serunting ini berasal dari Tanah Pasemah.
Kemudian ia mencari ilmu ke Tanah Jawa, yaitu ke Kerajaan Maja Pahit.
Disana ia menemui Raja Maja pahit dan kemudian diludahi olehnya sembari
berkata Pulanglah kamu, nanti apa yang kamu katakan akan terjadi.
Maka pulanglah Puyang Serunting ke tanah Pasemah. Diperjalanan ia
menemui seseorang sedang memakan buah berwarna hijau, kemudian
ditanya dengan Puyang Serunting apa yang kamu makan itu? namun orang
yang memakan buah maja yang manis itu tidak menjawabnya. Disumpahnya

oleh Puyang Serunting jadilah pahit buah maja, maka dengan seketika
buah maja yang manis menjadi pahit. Dan masih banyak lagi sumpah Puyang
Serunting lainnya.
Puyang Serunting juga pernah menduduki Tanah Bengkulu, terbukti
dengan adanya legenda yang sama di suku Rejang dan suku Serawai yang
mengakui Puyang Serunting atau Si Pahit Lidah sebagai nenek moyang
mereka. Begitu juga dengan masyarakat Kedurang dan suku Pasemah.
Terjemahan dalam bahasa Kedurang :
Puyang kami jeme gerut, namenye Puyang Serunting. Die mintak ilmu
ke Jawe, ke Raje Maja Pahit. Udim tu diliughi nga Raje Maja Pahit. Katenye
baleklah kaba, kele tuape ye kaba kicikka la ka njadi la itu.
Baleklah Puyang Serunting ke Pasemah, dijalan die betemu nga jeme
dang makan buah. Ditanyeinye tuape ye kaba pajuhi tu? anye die maju
mendam. Udim tu dikicikka nye njadila pait buah tu. Make pait la nian buah
Maja titu, awak awale manes tegalau buah itu.
Tradisi Adat Pencucian Benda Pusaka
Pencucian benda pusaka tidak hanya ada di daerah Jawa saja. Di
Kedurangpun ada tradisi pencucian benda pusaka. Benda pusaka ini berupa
keris. Keris keramat ini dicuci pada bulan Muharam.
Orang yang melakukan pencucian benda pusaka ini tidak boleh orang
sembarangan. Yang dapat mencuci dan menyimpan benda pusaka ini
hanyalah keturunan Puyang Serunting yang bertelunjuk bengkok. Keris ini
dicuci dengan air jeruk nipis hingga bersih.

Cerita Humor Kedurang


Pak Beluk
Pak beluk ini adalah seorang perjaka tua yang malas. Karena telah
merasa berusia tua, ia ingin menikah. Lalu dikatakannya niatnya ini kepada
neneknya. Kata neneknya carilah istri yang tidak mau makan. Maksud dari
perkataan neneknya itu mana ada perempuan yang mau dinikahi bila
suaminya tidak dapat menfkahinya. Dan carilah isteri yang giat bekerja dan
mau menerima ia apa adanya.
Namun perkataan neneknya itu diterima mentah-mentah oleh Pak
Beluk. Ia mencari-cari perempuan yang tidak mau makan. Akhirnya ia
mendapatkan seorang nenek-nenek tua yang makannya hanya sesendok nasi.
Karena sudah terlalu tua, diperjalanan waktu dibawa pulang ke rumah Pak
beluk calon isterinya yang telah tua itu meninggal dunia.

Cerita humor ini sangat familiar di masyarakat Kedurang. Apabila ada


sesorang lelaki yang bertindak bodoh, maka ia akan diejek dengan kata Pak
Beluk.

Fabel
Ikan Gabus dan kucing Kecil
Alkisah dulu ada seekor ikan gabus yang berperangai buruk. Suatu
hari ikan gabus ini berbicara dengan seekor anak kucing dari pinggir sungai.
Ikan gabus berkata bahwa ia ingin digulai oleh anak kucing tersebut. Karena
masih kecil, anak kucing tersebut tentu tidak dapat menggulai ikan gabus
yang sombong itu.
Akhirnya anak kucing tersebut mengadu kepada ibunya. Lalu ibu
kucing itu mengajarkan cara menangkap ikan gabus. Suatu hari ikan gabus
sombong tersebutmengulangi perbuatannya lagi dengan mengejek
anakkucing tersebut. Namun anak kucing telah menemukan cara untuk
menangkap ikan gabus sobong itu. Iakan gabus terkena jarring yang telah
dipasang oleh anak kucing sewaktu ikan gabus tidur. Akhirnya ikan gabus
terperangkap jarring yang dipasang oleh anak kucing yang telah diajari oleh
ibunya.
Pesan moral dari fabel Ikan Gabus dan Kucing Kecil ini adalah
janganlah kita meremehkan seseorang, karena nanti bisa saja ia membalas
perbuatan kita.