CHHIMBAL
www.chennaimizo.org
AN OFFICIAL ORGAN OF THE CHENNAI MIZO WELFARE ASSOCIATION
VOL. XVVV ISSUE NO. 23
Editorial board
Editor
Reuben Lalremruatkima
9566008218
Jt.Editors
R. Lalvena IAS
9436960360
Jonathan Lalbiaknunga
9962095269
Nicholas Vanlalfela
7358647114
Lalramenga Hmar
9884243934
Note:-Article, feedback leh NEWS hriat
kan neih chuan
CHHIMBAL10@gmail.com ah engtik lai
pawh in kan dawng thei reng e.
CMWA INKHAWM
PROGRAMME
Dt. 15th January 2017
A Hmun: CSI Wesley Church, Egmore
Tan Hun : 03:30 pm
Chairperson : Tv. Vanlalhungchhunga
(MCC)
Tantu : Tv. Joel H Hmingthanga (MCC)
Thawhlawm khawntu: Receptionists
Thawhlawm hlantu : Nl. Saidingpuii
Sailo (UCA)
Hun hmangtu : Pi Lalchawiliani (Shenoy
Nagar)
Receptionists:
1. Nl. Jubilee Darhmingthangi (MU)
2. Nl. Lianmawii (MU)
3. Tv. Medalsthanga (Chepauk)
4. Tv. Zothanpuia (UCA)
Hlathu hriltu: Nl. V. Lalnunmawii (MU)
Musicians
1. Tv. Rohluzuala (Chepauk)
2. Tv. Nicholas Vanlalfela (Loyola)
3. Tv. C. Lalrawngbawla (Chepauk)
Nimin (Jan 7) kha kan Editor
Reuben-a leh, Worship Asst.
Secy Tv. Vanlalhruaia te birthday
a ni a. Chhimbal Editorial Board
chuan kan lawmpui hle a ni.
Min hmangaihtu dik tak chu kan
hlim ni ni lovin, kan lungngaih ni
ah an langchiang zawk fo thin.
chhimbal10@gmail.com
2 Pages
Free Circulation
Since 1998
SUNDAY 8th January 2017
ENGKIM HRE TU PATHIAN
-Gospel Ramdinmawia, Chawnpui
Thalai te hi khawvel hmasawnna in na taka min nek avang hian
kan nuna hngaihtuah leh lungkham tam tak kan nei niin a lang. Zawhna tam tak
heng- Zirna lamah eng line nge ka thlan ang? Hna nghet/sum hnar nghet engtin
nge ka neihtheih ang? Lo nei ta ila engtin nge chhungkua ka din ang? In leh lo tha
tak engtinnge ka neih theih ang? Chhungkua lo din ta ringawt ila ka rethei leh si
ang em? tih te leh thil dang tam tak kan in zawt thin in a rinawm.
Heng kan lungkham te phuhruk tur hian kawng dik leh tha pawh dawn lo in a tha
anga lang apiang hmanhmawh takin kan um a, tam tak chu kan hlawhchham a,
beidawnna khur ah kan tlu lut ta thin niin a lang. Kristian Thalai te chuan heng kan
zawhna chhang thei tu, engkim ti thei, rintlak Pathian kan nei tih hriat a tha awm e.
Sam 139:6 ah chuan Kutke ka neih hma pawhin mi hmu vek a, Ka dam chhng
nitrte a in an hma daihin, I lehkhabu-ah chuan ziak vek a ni. m tih kan hmu a, hei
hian mi tu a te pawh hi kan lo pian hma daih hian Pathian hian kan awm dan tur min
lo duan sak vek tawh a, min dah tumna a nei sa vek a lo ni. He khawvel boruak kan
hip hma hauh hian ka nitin nun dan tur te, kan ke pen engkim leh kan thil tawn tur chi
hrang hrang hi Pathian hian a lo hre lawk vek a ni. Mihringte hian chakna leh chak
lohna lai te kan nei vek a, chung kan chakna te leh chak lohna nen lam chuan
Pathian hian dah min tumna hmun kan thlen theihnan hmanrua ah a hmang vek a ni.
Tin, harsatna leh hlimna kan tawn te hi Pathian hmanrua a ni tih hriat hi a pawimawh
hle bawk a ni.
Jeremia 29:11 ah Pathian in ti hian min tiam, In tna ka remruat chu
keimah chauhvin ka hria, tih hi Lalpa thu chhuak a ni. Chhiatna ni lo, thil ha in
beisei chu in chan theih nn ka ruahman a ni. He Bible chang ah lo lang chiang
em em chu Pathian thil rel reng reng hi a tha lo a awm lo a, kan chhiatna turin
engmah a rel ngai lo a ni. Heng a nih a vang hian keini Kristian Thalai te chuan
hmathlir eng tak kan nei a ni tih hriat a tha.
Amaherawhchu tih tur kan nei ve thung a, chumi kan tih tur chu Pathian hnena dil
te, kan thlen chin apiangah rim tak leh rinawm taka thawh te hi niin a lang. Chung
bakah chuan dawhthei taka Pathianin kan tana rem a ruat sa lo nghah mai hi kan tih
tur pawimawh tak a ni.
Heng khawvel thil, min lungkhamtu, amaherawhchu mihring kan nih chhung a kan
mamawh si te hi Pathian hian keini amah ringtute hi kan mamawh tawk zel in min
pe dawn a ni tih hi hria ila. A pawimawh ber ah chuan Matthaia 6:33 ah A ram leh
a felna chu zawng hmasa zwk rawh u; tichuan, hng hi a pk belhchhah dwn che
u nia. tih ziak ang hian, keini Kristian thalai te hian a khawngaih rawngbawl hna
hlu tak min pek te hi thahnemngai takin thawk ila, he khawvel a kan mamawh te hi
chu pekin kan awm zel ang. Kan Pathian hi Pathian rintlak a ni si a.
2 CHHIMBAL
Editorial
Kum 2017 chawlhkar hmasa ber chu
kan lo hmang zo leh ta reng mai.
Thufing chuan, A bul tan that hi a
zatve zo ang a ni. a lo ti a, kumin-ah
hian tha taka bul tan theihna remchang
kan la nei a, bawhpelh loh i tum theuh
ang u.
Hunpui a liam a, chawlh hmanga haw
te pawh a then chu an rawn chhukthla
tan a, an rawn chhukthla zel bawk ang
a. Chennai-ah hian engmah ti lo a awm
mai mai kan awm a rinawm loh a, a
then chu zirlai te, a then hnathawk te,
training mek te kan ni a. A tam ber chu
in leh lo, chhungte kalsan a helai
hmuna hmasawnna zawng te kan ni
awm e. Eng line ah pawh kal ila, tun
mai piahlamah kan hmalam hun tana
rilru nei ran chungin 2017 hi hmang ila.
Kan hun kal tawh chu engpawh lo
nise, kumin hi kan hmasawn kumah
puan theuh i tum ang u.
India rama state hausa leh thiltithei tak,
zirna (higher education) ngaisang leh
intodelh hnam bula khawsa kan ni a.
Nitin khawsakna-a an chin dan
thenkhat, entawn tlak nia kan hriat chu
an hnen atanga inzir-a lakchhawn hreh
lo ila. An hnam kaihhnawih thil an hlut
thiam zia te, hnathawhna kawnga an
taimak dan te leh thildang dangah
pawh, kan chhehvel hnamdangte
tihdan tha sengluh thiam hi hmasawnna
kawng khat a ni awm e. Mimalin hma
kan sawn theuh chuan Mizo hnamin
hma a sawn sawt dawn tihna a ni si a.
Kumthar ni inkhawm report
1st January, 2017
Mipa inkhawm zat - 38
Hmeichhe inkhawm zat - 39
Inkhawm zawng zawng - 77
Thawhlawm - 1790
SUNDAY 8th January 2017
CMWA Sports in a kentel, inkhawm apianga house member inchhiar
chu January ni 15, 2017 (karleh Pathianni) atangin kalpui leh tan tur a ni
a. Member leh house hruaitute thahnemngai taka inkhawm zel turin kan
inngenin kan insawm a ni e.
ENGTIKAH EMAW CHUAN
-Dr. C. Lalrindiki
Pen leh pencil pawh la hum thiam mang lova school kan kai hmasak ber
ni khan kan chhungten kan fanu/fapa hian engtikah emaw chuan ziak leh
chhiar a la thiam ve ang a min ti a.
Pathian zarah kan dam a, hun a ral zel a, pawl kan sawn chho ve zel a.
Middle school kan zo a, High school leh Higher kan zo leh a. Engtikah
emaw chuan chumi khami chu ka la ni ve mahna tih rilru pu in kan duh
ang line te zirin kan pass chhuak a, chutah pawh engtikah emaw chuan
tih chu a lo la tawp reng reng lo. Engtikah emaw chuan nupui/pasal te
kan la nei ve anga, engtikah emaw chuan fa te kan la nei ve anga,
engtikah emaw chuankristian chhungkaw duhawm tak kan la ni ang a,
engtikah emaw chuan kan faten lehkha zirin an la rawn hlawhtling
anga..tiin engtikah emaw chuan tih chu a lo la intan dawn chauh zawk a
ni.
Kan hringnun hi engtikah emaw chuan ti reng rengin kan hmang liam
dawn a ang a, ngaihtuah neuh neuh phei chuan a lungchhiatthlak lek lek
zawk. Mahse engtikah emaw chuan kan la tih theih chhung hi chuan
BEISEINA kan la nei tihna a ni a. Chu beiseina ngei mai chu mihring
nuna pawimawh em em, min khalh ngiltu leh beidawng lova hmalam pana
min kal tir hram hram tu a lo ni si.
Engtikah emaw chuan tih thu sawi thei tawh lova beiseina reng reng nei
tawh lo te hi mi khawngaihthlak berte zing ami an ni zawk. Chuvangin
thian duhtak, engtikah emaw chuan i la tih hram hram theih chhung chu
dinhmun tha takah i la ding tih hria la, hlim ang che.
Chennai-ah MPL Best Player. Aizawl FC away fans lawmman
Mizoram Premier League season 5 khelh zawh tak-a Best Player leh
Best Forward lawmman dawng kawp thei Malsawmfela chuan loan in
I-League kaithar team Chennai City FC a zawm a, ani bakah hian a nau
Lalnunmawia bakah Mizo player dang pawhin Chennai City FC hi an
zawm nual niin thu kan dawng. Chennai Mizoten Mizo footballer tha
inkhel a hmunah ngei kan en leh thei dawn e.
Tin, Aizawl FC chuan away match an khelhna-a tawiawm tha zualtu
pathum tan lawmman a siam dawn a. Chennai City FC leh Aizawl FC te
intum hunah CMWA member ten cheng singhnih dawn theihna chance
kan nei dawn a ni. Lawmman hi an khelhna khua-a Mizo welfare hnenah
hlan a ni ang.
1. Lawmman pakhatna - Rs.20,000/- , Trophy leh Citation.
2. Lawmman pahnihna - Rs 10,000/-, Trophy leh Citation.
3. Lawmman Pathumna - Rs 5,000/-, Trophy leh Citation.