Dindang ngelugi

Punsi tebu diatas batu

Umbang iya buai ke lubuk
Igat enjup besai jaku
Lubang ti mit ngasuh tepuruk

Reti : orang ti sumbung deka bulih penusah

Ari ujan atap nyau tuduh

Tuduh ditimbun aya jawai
Mayau belanda digagai munsuh
Chit dirumah gaga begawai.

Reti: maya orang ke pangkat besai nadai, sida ti bepangkat mit nyau gaga

Ai pasang bemain perau

Pangka bena igat engkechit
Ringin bejugit dibalut rau
Pama ba tebing abis techirit

Reti : semua mensia bisi ditinggang penusah taja iya bekuasa

Asi angat lauk pan angat

Dini enda angat baru ditanggung
Pasal ngayap sigi dah adat
Anang aja labuh ke parung

Reti : ngenang adat ngayap kelia nadai bebai lampu

Buah puak mali digusak
Enti digusak tutu semut
Kala biak tau bejengkak
Udah tuai ambis tesangkut

Reti: kala agi biak tau ngelantangka ati laban maya tuai nyau enda dapat agi

Lain amat tebah bebendai

Enda setimbal munyi tawak
Lemai kemari mandi ba pendai
Engkarung lungau dikumbai bayak

Reti: ngemesaika utai ti mit

Pait pait daun peria

Pait agi getah empasa
Tudah ke ringat baka ke gila
Ambis tesipakka sarang kesa

Reti: pengeringat tau ngerugi diri

Madu manyi chukup pemanis

Enti dieempa deka berari
Ku jaku madah ka nyadi komunis
Ketup semada belanda lari.

Reti: jaku besai tang enda ulih ngereja pengawa

Bungai ngerembai pagi hari
Udah layu labuh ke tanah
Aram tua mutuska danji
Bebai pulai besain nikah

Reti : enti ka jadi melaki bini , jadi enggau chara ti betul

Manuk betelu dalam babas

Telu iya matu udah dibuai,
Ingin ati ku deka ngabas
Keni rita nuan wai ambai.

Reti : mangka ba orang ti bepangan jauh menua.

Tema : Orang Bujang Ngelugi Indu Dara.

Inik andan bekain ngepan,

Nyereta pekit pemajik kumang,
Seharitu tua bekaban,
Taun baru tua melah pinang.

Reti : Madahka pengelama pangan diri ke begulai lalu ngujungka seduai iya nyau jadi.

Nurun mansai kitai seraban,

Ngetu enda lama ba sungai jawa,
Ati ku gidan ga chukup keran,
Ngining nuan wai dara lawa.

Reti : Nyeritaka pengeran lelaki nya deka nguntik indu dara ti dipeda iya.
Temuai datai niki ke ruai,
Lalu dibasu ai pengayu,
Mayuh amai bungai di tangkai,
Semina nuan ngasuh ku rindu.

Reti : Ari pemayuh indu dalam dunya tu, semina siku indu nya aja ti ngasuh iya lelengau.

Duri ridan anang dipegai,

Enti dipegai tau ngasuh rajai,
Oh wai dara anang guai pulai,
Ditu dulu tua begagai.

Reti : Madahka lelaki nya agi belala begulai begagai enggau indu dara tauka sulu iya.

Nurun kepasar ka meli tali,

Tali dibeli ga salah ambi,
Kapa nuan dara tusah ati,
Ambi meh aku nyadika ganti.

Reti : Lelaki nya enggau ati ti tebuka nerima indu nya nyadika pangan.

Ini Andan bekain ngepan,

Nyereta pekit pemajik kumang,
Seharitu tua bekaban,
Taun baru tua melah pinang.

Reti : Madahka pengelama pangan diri ke begulai lalu ngujungka seduai iya nyau jadi.
Nurun mansai kitai seraban,
Ngetu enda lama ba Sungai Jawa,
Ati ku gidan ga chukup keran,
Ngining nuan wai dara lawa.

Reti : Nyeritaka pengeran lelaki nya deka nguntik indu dara ti dipeda iya.

Temuai datai niki ke ruai,

Lalu dibasu ai pengayu,
Mayuh amai bungai di tangkai,
Semina nuan ngasuh ku rindu.

Reti : Ari pemayuh indu dalam dunya tu, semina siku indu nya aja ti ngasuh iya lelengau.

Duri ridan anang dipegai,

Enti dipegai tau ngasuh rajai,
Oh wai dara anang guai pulai,
Ditu dulu tua begagai.

Reti : Madahka lelaki nya agi belala begulai begagai enggau indu dara tauka sulu iya.

Nurun ke pasar ka meli tali,

Tali dibeli ga salah ambi,
Kapa nuan dara tusah ati,
Ambi meh aku nyadika ganti.

Reti : Lelaki nya enggau ati ti tebuka nerima indu nya nyadika pangan.

Abi jari (nicky,andy,aril)