TAJTAKETZA PAL IJTZALKU

NE ACHTU (I) NE TUNALMIL WAN NE SHUPANMIL.

Ashan ajwituk ne tal iwan tutunik. Tesu waktuk. Seujseujti tiyawit tikpupuat pal tiktukat ne tunalmil.

Shikekchiwa nawpual taria. Shiktamuta de tasul pal tikchiwa arar ipal tiktuka ne tawial ne
tunalmil.

Ashan tiyawit tikpupuat pal tiktukat et.

Shikekchiwa nawpual taria. Musta tiktuka semaya et.

Ashan shini ne at.

Musta inte kimaka ne at. Inte wetzi ne at. Kichiwa yek tunal.

Keman panutuk yey metzi waktuka ne tunalmil. Ne ejekat kiwatza ne mil iwan ne et keman weya.

Yajika miak inte kitukat ne tunalmil. Tiktukat ne shupanmil keman ne tal waktuk, pal keman wetzki ne
at nesi ne tawial.