August 5, 2014

Headlines

Awan plano ti sangguniang bayan ti san Nicolas nga agputar iti

local ordinance ti no-helmet law

Inisnab ni chief justice maria Lourdes sereno ti awis ti kamara

nga agpalawag iti mainaig iti judicial development fund

Nasarakan ti mausoleum ti maibilang nga ari iti emperor ti china

ag-2,100 a tawenen ti napalabas

Impangas ti makalaban ni manny pacqiuiao inton November idiay

macao a kabaelanna a tutupan ti pigsa ti pinoy boxing icon

==

August 5, 2014
Local

Imbatad ni atty Reynaldo corpuz, chairman ti committee on laws

a saan pay a nasken kadagitoy wenno kasapulan ti local helmet
ordinance idiay san Nicolas

Segun kenkuana, adda ti national law iti panagusar iti helmet ken
patienna nga umdasen dayta a pagbasaran iti pannakaipatungpal
ti linteg babaen kadagiti law enforcers

Namunganay ti saludsod iti komento ti police officer idiay san

Nicolas a saanda a makapag- apprehend wenno makatiliw
kadagiti nakamotorsiklo nga awan iti helmet gaou iti kaawan iti
local ordinance a mangibilin iti panag-helmet dagiti motorist

Ti RA 10054 a helmet law ti insurat ni senador ramon bong

revilla

Iti ciudad ti laoag ti adda local helmet ordinance idinto nga idiay
batac ket maiparit ti aghelmet iti uneg ti sentro

==

Maisayangkat inton august 15 ti jobs fare iti ciudad ti laoag a

pagpartisiparan dagiti local ken overseas companies manipud alas
8 ti bigat agingga iti alas 4 ti malem iti laoag city hall
Imbalakad ni ms mylene pascual, city community affairs division
head kadagiti agaplikar iti trabaho nga agitugotda iti dua a
bansada ti resume ken brgy clearance a para iti local ken
overseas employment

Segun kenkuana, adu dagiti kompanya a makipartisipar iti jobs

fare

==

NATIONAL NEWS

Impasingked ni DSWD sec Corazon soliman nga adda umdas a

relief goods a para kadagiti maibakwit a maapektaran iti bagyo
jose

Imbagana nga addan nakasagana a family food packs ken non

food itemsti DSWD para iti ilocos region nga aggatad iti nasurok 6
milyon a pisos

Innayonna nga uray ti DSWD field office II idiay Cagayan valley

ket addan insaganada a 13,000 family food packs para iti 65 nga
evacuation center

Adda pay insagana dagiti provincial offices ti DSWD idiay

Cagayan, isabela, nueve viscaya, quirino ken batanes a family
food packs

Malaksid kadagitoy, adda pay ti standby fund ti DSWD a 5.18

milyon a pisos para iti 3,660 a family food packs, 314 a cases ti
assosrted canned goods, 987 cases ti bottled water ken 36,o
000 a lata a ready to eat food a nakasagana para distribution

Segun iti weather bureau, ti mabalin a saanen nga agdisso pay ti

bagyo ngem daytoy ti manggutigot iti south west monsoon

==

Mapilitton dagiti govt agencies ken local govt agencies a

mangikabil kadagiti CCTV cameras a pangmonitor kadagiti
luglugan iti public utility vehicles iti intero a pagilyan
Impila ni diputado mark llandro Mendoza ti batangas ti house bill
4618 a mangimandar iti pannakaikabil dagiti CCTV saan laeng a
mausar iti crime investigation no di ket para iti food surveillance

Inlawlawagna a dagiti CCTVs ti mangted iti accurate ken real-

time traffic situations ken video information kadagiti aksidente iti
kalkalsada

Innayon ti diputado nga addan CCTVs nga inkapet dagiti LHGUs

ngem adda dagiti kalkalsada a pagdaldaliasatan dagiti public
utility vehicles iti 24/7 monitoring

==

Kinunbiktaran ti Paranaque city court dagiti tallo a chinese

nationals iti tungal biag a pannakabalud kalpasan a naduktalan
nga addada iti uneg ti shabu laboratory kabayatan iti pannaka-
raid ti pagtaenganda uppat a tawenen ti napalabas

Naragsakan ni Philippine drug enforcement agency director

general Arturo cacdac jr iti desisyon ni judge danilo suarez ti
Paranaque regional trial court branch 259 iti pannakakunbiktar da
chu kin tung, agtawen iti 39 a taga-hongkong; wong meng pin
agtawen iti 47 sa taga-macau ken chinese li A ging, agtawen iti
29

Naisaklangda iti panagsalungasing iti section 8 a panagaramid iti

droga ken panagikot iti precursors ken essential chemicals ken
section 11 a possession of dangerous drugs, articleII ti republic
act 9165 wenno comprehensive dangerous drugs act of 2002

Inmandar pay ti korte nga agmulta ti tumunggal maysa

kadakuada iti 10 milyon a pisos

==

Kwinestion ni chief justice maria Lourdes sereno ti tiempo iti

panagimbestigar ti kamara iti judiciary development fund ti korte
suprema kagiddan ti panangibatad a ti ar-aramiden da ket saan
a mangipakita iti napintas a relasyon dagiti dua a sanga ti
gobyerno
Iti surat ni house speaker Feliciano Belmonte a napetsaaniti
august 4, imbagana a ti ar-aramiden ti kamara ket saan a
napintas iti relasyon ti kongreso ken ti korte suprema

Immunan a sinuratan ti kamara babaen kenni house speaker

Feliciano Belmonte ni sereno idi august 4 a nangimbitaranna
kenkuana nga agatendar iti deliberasyon ti house bill 4690 nga
agkalikagum a mangamendar iti PD 1949 wenno ti linteg a
nangamendar iti JDF

Impalagip ni sereno iti kongreso a ti hudikatora ket co-equal

branch ti gobyerno a ti panangawisda iti mangidadaulo iti public
hearing ket saan a maiyannatop

Naawis pay nga agatendar iti hearing nga idauluan ni diputado

niel topas da deputy court administrator raul Villanueva ken atty
Corazon ferrer-flores a mangidadaulo iti fiscal management and
budget office ti korte suprema

Maibasar iti PD 1949, 80 percent iti JDF ti pangnayon iti

allowances dagiti mahistrado, hues ken court personnel, ti nabati
a 20 percent ket para iti office equipment ken facilities

==

Napilitan ti kamara a nangisardeng iti panagsaludsod ti kamara iti

judiciary development fund iti kaawan ni chief justice maria
Lourdes sereno

Imbaga ni diputado neil topaz jr, chairman ti house committee on

justice a ti kalikagumda ket ti mangtulong iti hudikatora ken ti
panangawisda kenni chief justice maria Lourdes sereno ket
panangited ti courtesy kenkuana

Naipila iti kamara dagiti gakat a pannakaamendar wenno

masuktan ti linteg a nangipasdek iti JDF kalpasan nga indeklarar
ti korte suprema nga unconstitutional ti pork barrel fund

Ngem impetteng ni diputado rudy farinas, maysa kadagiti

nagsurat iti gakat kontra JDF a saan a mabalin nga i-invoked ti
korte suprema ti fiscal autonomy nga iti babaen ti kontitusyon ket
karamanda iti appropriated budget
Innayonna nga awan apprproations by law gapu ta di met simrek
iti treasury

==

Indarirag ni senador grace poet i pannakaipatungpal ti linteg a

mangobligar kadagiti mobile service providers nga agited iti libre
a disaster warning alerts kadagiti subscribersda no adda ti
mapaspasangasangan a kalamidad kabayatan ti tudtudo

Imbaga ti senador a ti one text alert ti mangsalbar iti rinibribu a

biag iti pannakaipatungpal ti RA 10639 wenno free mobile
disaster alerts act

Ti RA 10639 ti pinirmaan ni presidente Aquino idi june 20 a

mangobligar kadagiti mobile service providers nga agipatulod iti
alerts iti regular intervals no adda ti mapaspasangasangan a
didigra

Mamulta dagiti telecommunications company a mapaay a

mangipatungpal iti linteg iti 1 milyon a pisos agingga iti 10 milyon
a pisos wenno suspension wenno revocation ti legislative
franchise

Innayonna a panagisaknap iti palso wenno mangyaw-awan nga

impormasyon ti maisalungasing iti linteg ken adda pannusa a
pannakabalud iti saan a nalablabes ngem innem a bulan ken
pannakamulta iti 1,000 agingga iti 10,000 a pisos

==

Imbatad ti malacanang a naka-focused ni presidente Aquino ken

ti gabibetena iti panangserbi kadagiti tattao imbes a ti agplano
para iti 2016 elections

Reaksyon daytoy ti malacanang iti nasarita ni vice president

jejomar binay a mabalin nga adaptaren isuna ti liberal party a kas
guest candidate

Impataw ti vice president ti mabalin a panangala kenkuana ti

liberal party a kas guest candidate wenno maki-alyansa ti ruling
party iti united nationalist coalition
Imbaga ni communications sec sonny Coloma a ti
pakakumikoman ti administrasyon ket panangserbi kadagiti
tattao saan ketdi a panagpolpolitika

Immunan a naibagbaga ni bina a nagtalinaed a napintas ti

relasyonda iti presidente iti baet ti kaada dagiti tattao iti aglawlaw
a mamagpallot kadakuada

Nasaritan ni manila mayor joseph Estrada a saanen nga

agkandidato a presidente ken suportaranna lattan ni binay

Iti naudi a survey ti pulse asia, ad-adu dagiti mangayat kenni

binay a kandidato a presidente ngem kadagiti dadduma

==

Imbatad ni senate pres franklin drilon a ni DILGa sec mar roxas ti

suportaran ti liberal party no agdesisyon a kumandidato a
presidente iti 2016

Reaksyon daytoy ni drilon, vice chairman ti liberal party idi

masaludsod kenkuana no ni roxas ti standard bearer ti liberal

Innayonna nga ababa laeng ti maysa a lawas iti politika a

sungbat iti saludsod no mamati a dakkel ti tyansa ni roxas kontra
kenni vice president jejomar binay a kanayon nga umun-una
kadagiti presidential surveys

Naiget pay a ninigar ni drilon ti nasarita ni binay a mabalin nga

isu ti alaen ti ruling party a guest candidate iti 2016 elections

==

August 5, 2014
World

Nadiskobre ti ag-2,100 a tawennan a mausoleum a nabangon

para iti ari a ni liu fei iti xuyi county iti Jiangsu, china

Natay ni liu fei idi 128 BC kabayatan ti maika-26 a tawen ti

panangidaulona iti pagarian idiay jiangdu a paset ti chinese
empire
Naperdin ti mausoleum ngem naduktalan dagiti archaeologists
nga addaan daytoy kadagiti ag-10,000 nga artifacts
pakairamanan dagiti sanikua kas ti balitok, silver, bronze, jade
ken lacquer

Nakasarakda pay iti sumagmamano a life-size chariot ken pinullo

a babbabasit a karetela

Addaan ti mausoleum iti tallo a kangrunaan a tanem, 11 nga

attendant tombs, dua a chariot and horse pits, 2 a weaponry pits
ken adda pay ti pader a segun kadagiti archaeologists ket ag-
1,608 a kadapan wenno 490 meters

Nabigbig ni liu fei a nagbangon kadagiti palacio ken observation

towers ken nagawis kadagiti local heroes ken mamaingel a tattao
iti intero a lubong

Adda pay nakita dagiti archaeologist a musical instruments

pakairamanan ti chime bells, zither bridges, ken jade tuning pegs
a nadekoraran iti dragon

Malaksid iti daytoy, adu pay dagiti agkakapateg a sensilyo

==

Sports

Impanakkel ni WBO kight welterweight champion chris algieri nga

ad-adu pay dagiti mabalinna nga ipakita iti labanda kenni pinoy
boxing icon manny pacquiao malaksid laeng iti kinapaspasna a
pakakellaatan dagiti tattao

Imbagana kenni david greisman ti boxing scene.com a

kabaelanna nga akkoban ti kinapaspas ni pacquiao

Ti awan pay abakna a boksingero a taga-new york ti

nangipangas nga adunto ti maklaat iti ipakitana iti labanda kenni
pacquiao inton November idiay macau

Pagparparangen ni algieri nga underdog ni pacquiao iti

panangipangasna iti namindua a pannakatumba ni ruslan
provodnikov iti umuna a rikos ti labanda

==