Aryo Penangsang
Aryo Panangsang sawijining bupati saka kabupaten Jipang Panolan, kang mbalela marang
kerajaan Pajang.Kang jumeneng nata kerajaan Pajang Sultan Hadiwijoyo. Awit Aryo Panangsang
rumangsa duwe hak pewaris keraton Demak. Perang Jipang Panolan lan Pajang ora bisa
dioncati.Utusan Pajang kang maju perang yaiku Sutowijoyo kabantu Ki Ageng Pemanahan , juru
menteri lan penggedhe kraton liyane.
Perange Jipang Panolan lan Pajang ana sapinggire Bengawan. Perang gedhe swarane
gegaman sarwa nggirisi akeh para prajurit saka Jipang lan Pajang kang podho pralaya.
Sawijining dina Aryo Panangsang bisa katumbak nganti mbrodhol ususe,nanging Aryo
Panangsang wong sekti, dheweke ora tumeka ing pati.Usus kang mbrodhol disampirake ing
warangka keris.Suto Wijoyo rada kethetheran ,mula Aryo Penangsang pingin enggal enggal
mateni Suto Wijoyo. Nanging nalika Aryo Panangsang ngunus keris,malah medhotake usus kang
disampirake ing keris mau,wusana Aryo Panangsang tumeka ing pati.