Synfocity = 656

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 12 th October, 2017

1 Mission Board
w Oct. 6 - 8, 2017 chhung khan Arunachal West Mission Field te chuan Joint Pastorate Meeting (JPM) Vawi 16-
na Simenchapori-a School Compound-ah an hmang. Palai an kal thain riak lut mi 220 an ni a, langa kal mi 133 an
awm bawk a, member nilo chhimtu engemaw zat an awm bawk. Pathianni-ah mi 500 laiin ruai an kil a. Inkhawm lam
pawh an tha thei hle a, inkhawm apiangin mi 200 chuang an inkhawm ziah a ni. Zaipawl tum 11 lai an zai a ni. He
JPM-ah hian Bial pali atangin rorel palai 95 an kal a, chhimtu mi 9 an awm bawk.
w Oct. 8, 2017(Pathianni) zan khan Odisha Mission Field leh Jeypore Evangelical Lutheran Church, Rayagada te
chuan Joint Service an nei. Hemi hunah hian Synod Mission Board rawngbawlna report Field Secretary in a pe a,
Pastor Zairemtluanga'n thuchah a sawi bawk. Mizo missionary ten Mizo hla leh Odia hla an sa a, Lutheran kohhran
lamin an adivasi mission chungchang te an sawi bawk a. Hun hlimawm tak leh hlawk tak hman ho a ni.
Lutheran kohhran Pastor leh an President te chuan Odisha a Mizo ten rawng kan bawl chu lawmawm an ti hle a,
Mizote chu tribal ni ve tho, Pathian thu avanga hmasawn tak nia min hriat avangin anni tribal zinga rawng kan bawl
hi Pathian remruat ngei niin an ngai a ni. Mizo Missionary te chu puih an ngaih hun apianga pui turin an inhuam thu
an sawi bawk. He Joint Service hian rawngbawlna kal zel turah Lutheran kohhran te nena inhriattiam tawnna leh a
tul huna thawhhona kawng a sial ngei a beisei awm hle. Odisha Mission Field, Gandahuer khuaa ringthar an neih
tleirawl mi paruk te chu an chhungten an tiduhdah hle a, tawngtaipui turin Kohhranhote min sawm a ni.
1 MSSU
Oct. 14 & 15, 2017 chhung hian Chhiahtlang Bialah Sunday School zirtirtu training neih a ni dawn a, hemi hunah
hian training pe turin Upa Lalthahluna Ralte, MSSU Asst. Coordinator, Upa Hrilthansanga, Mission Vengthlang,
MSSU Trainer leh Pu Lalthanchhunga, Bungkawn, MSSU Trainer te an kal ang.
1 SL&PB
Oct. 13, 2017(Zirtawpni) chawhnu dar 2 hian Pi Zaii Hall, Synod Conference Centre-ah SL&PB lehkhabu chhuak
thar - Kohhrana mi hmasa biru leh tangkaite tih lehkhabu tlangzarh a ni dawn.
Tlangzarh inkhawm hi Rev. Dr. C. Chawnghmingliana, Editor, SL&PB in a kaihruai ang a, Upa H. Ronghaka, Addl.
Editor, SL&PB hnen atangin inhmelhriattirna leh thupuan ngaihthlak a ni ang a. Upa R. Lalmalsawma, Gen. Man-
ager, PRESCOM-in lehkhabu tlangzarh tur thlir lawkna hun a hmang ang a, Rev. PC Pachhunga, Executive Secre-
tary-in tlangzarhin thusawina hun a hmang bawk ang.
1 Worship Deptt.
Oct. 13, 2017(Zirtawpni) hian Lengpuiah Khuangvuak Training neih a ni dawn a, training pe tur hian Pu Lalromawia,
Senior Instructor a kal ang.
1 Social Front
Oct. 14 & 15, 2017 chhung hian Champhai Vengthlang Bialah Social Front Programme-in Intodelh Seminar neih a
ni dawn a, hemi hunah hian Upa Zothanmawia leh Dr. Saithantluanga leh te an kal.
1 Kohhran Hmeichhia
Oct. 14 & 15, 2017 chhung hian Rengtekawn Bialah Leadership Training leh Kristian Chhungkaw Campaign neih a
ni dawn a, hemi hunah hian Central Kohhran Hmeichhe Committee atangin Pi Lalnunsiami, Pi Lalrinpuii, Pi R.
Nuzawni leh Pi Vanlalrovi te an kal ang.
1 Kristian Thalai Pawl
w Oct. 9 - 13, 2017 chhung khan South Asian Christian Youth Network (SACYN) programme-in Pamunugama, Sri
Lanka-ah Leaders Training neih a ni a, hemi hunah hian Central KTP atangin Nl. Lalfamkimi leh Dr. David C.
Vanlalfakawma te an kal.
w Oct. 13, 2017 (Zirtawpni) zan hian Chanmari West Kohhranah KTP General Conference vawi 57-na March 1 - 4,
2018 chhunga West Phailenga neih tur atana Zaihruaitu tur te, Musician tur te, Hla hriltu tur te leh Central Commit-
tee te inhmuhkhawmna hun an nei dawn a. He inhmuhkhawmna hun hi Pu Zonunsanga Ralte, Treasurer-in a
kaihruai ang a, Tv. Robert Lalduhzuala hnen atangin thupuan leh inhmelhrittirna ngaihthlak a ni ang a, Upa Zonunmawia,
Central KTP General Secretary hnen atangin thuchah ngaihthlak a ni ang.
w Oct. 16, 2017(Thawhtanni) zan hian Dawrpui Branch KTP-in YRC Pual Inkhawm an hmang dawn a, hemi hunah
hian Central KTP atangin YRC Sub-Committee member te an kal ang.
1 Praise On 2017 Second Round neih a ni dawn
Synfo buatsaih KTP Group zai intihsiakna Praise On 2017 chu Oct. 12 & 13, 2017 zan hian Khatla Kohhran hall-ah
Second Round intihsiakna neih leh a ni dawn a, Hruaina Eng TV channel-ah live-a pekchhuah a ni ang. Second
Round-ah hian Group 38 an intihsiak ang. Second Round result hi Oct. 17, 2017(Thawhlehni) zan dar 8:30-ah
Hruaina Eng TV channel-ah puan a ni ang a, Third Round lut turin Group 20 thlanchhuah tura ruahman a ni a.
1 Campus Ministry
October 3 - 6, 2017 chhung khan Centenary School, Dawrpuiah Crusade neiin hun an hmang a. Zirlai an tam deuh
avang leh kum lamah tlema an inthlauh deuh avangin group 2-ah then a ni a. Class III & IV hi group khatah awmin
Speaker Tv. Lalhmunzauva Tlau (Counsellor) a ni a. Class V - X(Ten) hi group khatah awm lehin Speaker Rev.
Zoramsanga niin Director Rev. Lalchungnungan a pui bawk a ni. Oct. 10, 2017(Thawhlehni) khan Apollo School of
Nursing-ah hun an hmang a. He hunah hian Director Rev. Lalchungnunga'n hun hmangin 'Thlarau mina' chungchang
www.mizoramsynod.org

Tirhkoh Paula Philosophy atangin a sawi.

1 Zin
Oct. 10 - 13, 2017 chhung hian Manipur Area Committee, Churachandpur-ah neih a ni a, hemi hunah hian Rev.
Lalzuithanga, Synod Moderator, Rev. Lianhmingthanga Sailo, Synod Secretary, Rev. Lalramliana Pachuau, Senior
Executive Secretary leh committee member te - Rev. R. Lalnuntluanga, Chawnpui, Rev. Lalchhuanmawia, Sihphir
Vengthar, Upa C. Thansiama, Chanmari West, Upa Lalramthanga, Armed Veng leh Upa R. Vanlalduha, Zemabawk
North te an kal.
Contd,..
 Synod Information & Publicity Department, Synod Office (Third Floor), Mission Veng, Aizawl

1 Prison Ministry
Oct. 10 - 15, 2017 chhung hian Chhiahtlangah Prison Ministry programme-in District Jail-ah rawngbawlna neih turin
Rev. R. Lalvulluaia, i/c Prison Ministry a kal.
1 Pastor Nupui Intawhkhawm Vawi 39-na
Vawiin (Oct. 12, 2017) khan Pi Zaii Hall, Synod Conference Centre-ah Presbyterian Kohhrana Pastor leh Pro. Pastor
nupui Intawhkhawm vawi 39-na neih a ni a, pastor nupui 149 an tel thei a ni. Speaker atan Rev. Dr. Lalchungnunga,
Zarkawt an hmang a, thupuiah Pastor nupui leh tunlai khawvel tih an hmang.
Chawhma hun hi dar 10:00-ah tan a ni a, Pi R. Thanmawii w/o Rev. Lalzuithanga, Synod Moderator in a kaihruai a,
Pi Zapari w/o Rev. C. Biakmawia, Ramhlun North in hunserh a hmang. Pi Lalroluahi w/o Rev. Lalramliana Pachuau,
Senior Executive Secretary-in thupuanna hun hmangin inhmelhriattirna hun a hmang a, Sunna hun hman a ni bawk.
Missionary Training College (MTC) a Minister nupuite zaipawl ngaihthlak a ni a, Rev. Dr. Lalchungnungan Pastor
nupui leh tunlai khawvel tih thupui hmangin thuchah a sawi.
Chawhnu lam hun chu dar 1:00-ah tan a ni a, Pi Laltlanhlupuii w/o Rev. P.C. Pachhunga, Executive Secretary in
a kaihruai a. Pi Rinpuii w/o Rev. C. Lianhmingthanga, Mission Vengthlang in hunserh a hmang leh a, Pi Lalhmangaihi
w/o Rev. Vanlalchhunga, Hortoki zai ngaihthlak leh a ni a, hemi hnu Dr. Martin Chawngsailova, Nursery Veng hnen
atangin 'Hriselna Chungchang' tih ngaihthlak leh a ni. Thusawi ngaihthlak zawh hian zawhna leh chhanna hun
hman a ni a, a duh apiang tan inentirna (check-up) hun hawn a ni bawk. Pastor nupuite hian tlai lamah chawhlui
an kilho nghal a ni.
Presbyterian Kohhran Pastor Nupuite hian kum tin intawhkhawmna hun an hmang thin a, mithiamte ruaiin thuchah
ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh
Kohhran tana Nu nih tling an nih theihna tura theih tawpa hma la tura infuihna hun te hman a ni bawk thin.
1 Hruaina Eng FM Radio & TV Programme
w OCTOBER 13, 2017 (FM ZOAWI AIZAWL @ 7:30 P.M.):
Group - ScapeGoatz - Pasaltha, Solo - Zoramchhani - Khawilam kawng nge, Thusawi - Upa DP Biakkhuma -
Mizoram siam that nan Zirna, Solo - Jennie Lalruatfeli - Vanram ngaihtuah hian min, Zaipawl - Mizoram Synod
Choir - Isu ka hmangaih che
w OCTOBER 13, 2017 (FM LUNGLEI @ 7:30 P.M.):
Group - ScapeGoatz - Pasaltha, Solo - Zoramchhani - Khawilam kawng nge, Thusawi - Upa DP Biakkhuma -
Mizoram siam that nan Zirna, Solo - Jennie Lalruatfeli - Vanram ngaihtuah hian min, Zaipawl - Mizoram Synod
Choir - Isu ka hmangaih che
1 Susamachar Prasaran Programme
OCTOBER 15, 2017 (Pathianni) 5:00 pm. :
Group/Choir/Solo : Luangmual Vengthlang - Tumhara Mann Biakul Na Ho, Group/Choir/Solo : Central PYF
Choir - Krus Par, Sermon : Lalramzauva, Group/Choir/Solo : The Leprosy Mission Choir - Hame Sab Kuch Vo
De Ta, Group/Choir/Solo : Champhai Bethel Pastor Bial - Jab Jab Dekho
1 OCTOBER 15, 2017 (Tv Programme) @ 4:00 - 6:00, 8:00 - 9:00 p.m) :
Weekly Round Up, Praise On 2017, Bihchianna - Kum upate inkawmhlimna hmun & Charity Store, KTP
Aizawl Chhimthlang Presbytery Meet 2017
1 Moderator Programme
Oct. 15, 2017 Pathianni Chawhma Seling Kohhran Thingsulthliah Bial
Oct. 15, 2017 Pathianni Chawhnu Tlangnuam Kohhran Thingsulthliah Bial
Oct. 15, 2017 Pathianni Zan Thingsulthliah (Stn) Thingsulthliah Bial
NEICC tawngtai rual hun
Oct. 15, 2017(Pathianni) hi North East India Christian Council puala tawngtai rual Ni a ni a, Kohhran tinin
mahni remchan angin inkhawm tum khat he ni pual hian hman thin a ni a, thawhlawm pawh NEICC
pualin lakkhawm thin a ni bawk. Hemi atan hian NEICC Office atangin thuchah leh tawngtai thupui tur
siam thin a ni a, kumin thupui chu "Ngai teh, unaute inngeih dial diala awm khawm hi a va tha-in a va
nuam em" (Sam 133:1) a ni.
Tawngtai thupui turte chu hengte hi an ni:
1) India rama remna leh muanna a awm theih nan.
2) India ram sakhaw hrang hrang te lungrual leh inngeih taka kan awm tlan theih nan leh sakhaw
behchhana inrikrapna a tawp theih nan.
3) NEICC hruaitute leh thawktute tan.
4) NEICC project - Union Christian College leh Higher Secondary School a zirlaite leh
thawktute tan.
5) NEICC member Kohhrante lungrual leh tha taka Pathian ropuina atana an thawh ho zel
theih nan.
NEICC Office atanga thuchah hmu lo Kohhran a awm theih avangin thuchah hmu lo te tan Synod
chuan Thupui a siam thin a, kuminah hian thupui chu "Kohhran Inpumkhatna" a ni.
HRIATTIRNA
Presbytery tin Secretary ten a hnuaia mi hi Synod Office-ah a rang lama thehlut turin kan inhriattir
a ni e:
1. Department, Board leh Synod Inkhawmpuia Agenda nei tur chuan Synod Secretary-in a hriattir
angin forwarding siamin thehluh tur a ni.
2. Synod Palai nisa leh Palai thlan profoma ang thlapa siamin thehluh tur a ni.
3. Kohhran Upa Inneihtirna kawltu ruat thar turte SEC-a thlen a ngaih avangin thehluh luh tur a ni.
Superintendent
Synod Office, Mizoram Synod
Synod Social Front Helpline: 9089777129;
Tuai & Patil
MailHelpline : 8729800130;
us at : mzsynfo@gmail.com,
Students Helpline :mizoramsynod@gmail.com
9856883377
Synod Information & Publicity
Phone - 2314648 Synfo