Anda di halaman 1dari 2

Leka Main- Biau/Sampi

Sa, dua, tiga, empat, lima, enam, tuuu...juh.


Aku ke ngumbai kita Petara, baka nya,
Ukai aku ngumbai Petara ngapa,
Ukai aku ngumbai Petara saja,

Aku ngumbai Petara aki,


Aku ngumbai Petara ini,
Aku ngumbai Petara kejakang,
Aku ngumbai Petara puyang,
Aku ngumbai Petara,
Pengemata anak mensia
Enti nasau,
Iya nganchau keresan,
Enti nebang,
Iya ngaduka tundan,
Enti nebas,
Iya ngidarka reban.

Kita Petara, baka nya,


Anang kita ngabang kediri,
Anang kita angkat ngengali.
Bepadah diri serumah,
Bebai diri menyadi,
Bekumbai diri beserekai,
Bekangau diri selangkau.

Kita ngabang baka nya,


Anang nurun tubuh murus,
Anang nurun tubuh untus,
Mai ubat teruba ingat,
Mai pengaruh gembar tubuh,
Mai keminan gembar badan,
Mai penchelap mai pengelindap,
Mai batu ai mali langkang,
Mai tanduk rusa labang,
Mai batu tapa tampung perempung,
Keruntuk tanduk rusa kampung,
Mai taring uting babi kepung,
Mai batu tanah ulih nyamah,
Di tingkah tebiang,
Mai batu getah ulih nyamah,
Di tengah lampung pundang,
Nyadi kami nugal sehari tu,
Nanam padi nanam puli.
Ba siti-siti tanya bisi empat iti pilih saut A, B, C enggau D. Pilih siti saut ti betul nitihka lebas tanya nya.

15. Nama reti rambai jaku puyang?


A ini wit
B aki wit
C ini ichit
D aki ichit

16. Nama pekara ti ditagang lebuh nuan nurun ngabang?

A Anang nurun tubuh murus


B Anang kita ngabang kediri
C Anang nurun tubuh untus
D Anang kita angkat gali

17. Sapa orang ti enda ditesau sebedau nurun ngabang nithka leka main di atas?

A diri serumah
B diri menyadi
C diri selangkau
D diri melaki bini

Tanya 18 20

Saut tanya di baruh tu ngena ayat penuh.

18. Padahka nama petara ti bisi dikangauka dalam sampi di atas?


[ 1 mark ]

19. Padahka dua ajar manah ti ulih nuan ari leka main nya tadi. [ 2 mark ]

20. Ba penemu nuan, nama kebuah kitai Iban chukup pechayaka pengaruh tauka ubat?
[ 3 mark ]