17. A : Alai adong do nian sipalas roha ni angka jolma na parjolo I dibahen Debata?
18. B : Bah, aha dope sihirimon ni jolma na mangalaosi patik dohot hata ni Debata?
20. A : Bege, diparbaga Debata do tu nasida na ingkon lehononna sada anak ni jolma
gabe sipalua jolma manisia.
21. B : Alai nungnga songoni lelengna, nunga pola marribu taon hape Sipalua na
pinarbaga-baga I dang ro.
22. A : Olo, ima na naeng pabotohononhu tu ho. Tung pe songoni leleng na, ianggo
hata ni Debata sai hot do i. Dang songon hita jolma, mura lupa, ngol-ngolan, dungi
mintor mandele.
23. B : Ido tutu, ai hea do hujaha di buku na badia I, saribu taon di jolma doshon sada
ari do anggo di Debata, alai patorang majolo manang songon dia do sasaut ni
haroro ni sipalua na pinarbaga-baga i.
23. Liturgi VI
HATUTUBU NI SIPALUA I
A : Oooo,, ianggo i beta ma tapamanat majolo hira songon na laho hita tu hatutubuan ni
Sipalua i. Beta ma.
A : Dang nian, ima antong hancit ni roha ni halak YAhudi ala digomgomi halak Rom nasida.
Sai tarpaima-ima do bangso on di Sipalua I nab oi paluahon bangso I muse sian
gonggoman ni angka bangso parbegu songon halak Rom on.
25. Puisi
HATUTUBU NI SIPALUA II
A : Ah,, sai lam mandadati do jolma I rot u huta on, ba tudia ma nasida anon marborngin?
Huta na met-met hape pangisina nunga mansai torop tudia ma angka on sude?
B : Daong. Molo dung sidung tikki pamilangan I, mulak be do nasida tu huta na be.
A : Ise do na ro parpudi an? Dua halak do nasida, sada ama-ama dohot sada anak boru.
A : Patuk do antong, ida ma nunga mansai loja situtu idaon si Maria I, hira so tarhindat sa be
simanjojak nai idaon Alani lojana na mardalani.
B : idama, dung sahat nasida, nunga sai dituktuki si Josep angka jabu ni huta on.
B : Ianggo di rohakku, dang siat be, hape angkup ni naung loja situtu si Maria, toho muse
denggan pamatang na.
A : Ah, hancit nai molo tung so siat nasida anon. Ba tudia nama nasida marborngin? So
Sundat muse nungga holom.
A : Bereng jolo indian, nunga ditogihon si Jose psi Maria ruar sian huta on, tagamon dope
adong dison jabu?
B : Dang nian, alai tu sopo ni angka dorbian ni parhuta on do horoa nasida. Ahh dangol na I,
tu lobu ni pinahan baenon jolma? Songon dia ma I, rotak muse so sundat lea idaon.
A : Ido nian, tutu do na nidok mi, alai beha bahenon molo I na adong baima pinarhajop.
A : Ahh, dang tarhatahon be hancit ni sitaonon nasida I, angka modom di lobu ni pinahan ma
hape jolma I ate.
A : Ahh, lungun nai di borngin on. Ah tahe so adong be tagamon jolma na dungo, so ia holan
suara ni angka binatang na di harangan, angkup ni soara ni pidong borngin-borngin.
B : Patut attong da, nunga loja sude sian pardalanan, dungi muse nunga bagas borngin.
B : Ido tutu bah, hera dompak sopo inganan ni parbornginan ni si Josep dohot si Maria I do.
Beta ma.
A : Eh aha do i? Songon na tomu ro sondang sian banua ginjang, toho dompak angka
parmahan na tinggal di lading di Betllehem hundul di adaran I, na toho mansisulu.
B : Bah, idama sude parmahan I martinggangan huhut mabiar situtu ala hatiuron na sian
ginjang i. ai ida ma adong ro suru-suru an mandapothon parmahan i.
B : OOo, didok suru-suruan I, unang hamu mabiar, ai barita las ni roha hgodang do huboan
tu hamu parsaulian ni sandok tano on. Ai naung tubu do di hamu sabornginon di huta ni si
Daud si palua I ima Kristus Tuhan i. on ma partinandaan di hamu, poso-poso do dapoton
muna na bi norhos peak di panggagatan I.
A : Bah, lam torop angka suru-suruan I huhut marende-ende aha do didok hata ni ende ni
nasida i?
B : Dang boi, muse pe dung sahat hita tu surgo i. disi pe asa boi endehononta songon uli ni
ende ni suru-suruan i.