Anda di halaman 1dari 4

Baga baga tu haroro ni Sipalua I

17. A : Alai adong do nian sipalas roha ni angka jolma na parjolo I dibahen Debata?

18. B : Bah, aha dope sihirimon ni jolma na mangalaosi patik dohot hata ni Debata?

19. Tagaman dope adong sihirimon ni jolma pardosa nang pinabali?

20. A : Bege, diparbaga Debata do tu nasida na ingkon lehononna sada anak ni jolma
gabe sipalua jolma manisia.

21. B : Alai nungnga songoni lelengna, nunga pola marribu taon hape Sipalua na
pinarbaga-baga I dang ro.

22. A : Olo, ima na naeng pabotohononhu tu ho. Tung pe songoni leleng na, ianggo
hata ni Debata sai hot do i. Dang songon hita jolma, mura lupa, ngol-ngolan, dungi
mintor mandele.

23. B : Ido tutu, ai hea do hujaha di buku na badia I, saribu taon di jolma doshon sada
ari do anggo di Debata, alai patorang majolo manang songon dia do sasaut ni
haroro ni sipalua na pinarbaga-baga i.

24 A : Ianggo i beta ma asa hupaboa tu ho.

21. Marende BE No. 51 : 1-2

22. Vocal Group

23. Liturgi VI

HATUTUBU NI SIPALUA I

A : Nunga torang be tabege taringot tu panompaon ni Debata dohot hadadabu ni jolma i tu


dosa i gabe bali nasida sian jolo ni Debata.

B : Songon dia ma dibaen Debata pasauthon baga-baga Na marhite Sipalua i?

A : Oooo,, ianggo i beta ma tapamanat majolo hira songon na laho hita tu hatutubuan ni
Sipalua i. Beta ma.

B : Beta ma tutu. Bah, ai hurippu do huta na balga huta Betlehem on.


A : Dang huta nabalga on. Alai huta na tarbarita do on, ala on do huta ni si Daud na tarbarita
i.

B : Amang-amang,, torop ni jolma na ro dompak huta on. Aha do namasa umbaen na


songoni? Na hona buhar do nasida ulaning?

A : Dang na hona buhar i, alai na songonon pangalahona, na ro do parenta ni Kesar Agustus


na sangap I, na marhabangsa di huta Rom. Ala ni bidangni na ni rajaan na, diparentahon tu
sude asa mulak tu bona ni pinasana lao pasurathon dirina be marompu-ompu.

B : Bah, ai halak Rom do pangisi ni luat on?

A : Dang nian, ima antong hancit ni roha ni halak YAhudi ala digomgomi halak Rom nasida.
Sai tarpaima-ima do bangso on di Sipalua I nab oi paluahon bangso I muse sian
gonggoman ni angka bangso parbegu songon halak Rom on.

24. Marende BE No. 49 : 1 2

25. Puisi

26. Liturgi VII

HATUTUBU NI SIPALUA II

A : Ah,, sai lam mandadati do jolma I rot u huta on, ba tudia ma nasida anon marborngin?
Huta na met-met hape pangisina nunga mansai torop tudia ma angka on sude?

B : Songonima mar ponjot-ponjot, ba tu sopo i deba.

A : Ai laos tinggal di huta on nama nasida?

B : Daong. Molo dung sidung tikki pamilangan I, mulak be do nasida tu huta na be.

A : Ise do na ro parpudi an? Dua halak do nasida, sada ama-ama dohot sada anak boru.

B : OOo, si Josep do I, oroanna ma dongan na I ima sian pomparan ni si David, si Maria do


goarna.

A : Na sian dia tagamon nasida umbaen parpudi nasida sahat?

B : Sian Nazaret na di Galilea, na dao an i.

A : Patuk do antong, ida ma nunga mansai loja situtu idaon si Maria I, hira so tarhindat sa be
simanjojak nai idaon Alani lojana na mardalani.
B : idama, dung sahat nasida, nunga sai dituktuki si Josep angka jabu ni huta on.

A : Tagamon dope siat nasida ulaning?

B : Ianggo di rohakku, dang siat be, hape angkup ni naung loja situtu si Maria, toho muse
denggan pamatang na.

A : Ah, hancit nai molo tung so siat nasida anon. Ba tudia nama nasida marborngin? So
Sundat muse nungga holom.

B : Ima dabah taida ma manang boa ujung na.

Luk 2 : 5-6 Rom 11 : 30-32 Pangk 2 : 20 -22

27. Marende BE No. 53 : 1-2

HATUTUBU NI SIPALUA III

A : Bereng jolo indian, nunga ditogihon si Jose psi Maria ruar sian huta on, tagamon dope
adong dison jabu?

B : Dang nian, alai tu sopo ni angka dorbian ni parhuta on do horoa nasida. Ahh dangol na I,
tu lobu ni pinahan baenon jolma? Songon dia ma I, rotak muse so sundat lea idaon.

A : Ido nian, tutu do na nidok mi, alai beha bahenon molo I na adong baima pinarhajop.

B : Ido tutu, nungga borhat si Josep papunguhon durame bahen podomanna.

A : Ahh, dang tarhatahon be hancit ni sitaonon nasida I, angka modom di lobu ni pinahan ma
hape jolma I ate.

B : Haru ta ida ma manang dia dope na naeng masa di portibi on

Luk 2 : 7 Yes 53 : 2-3

28. Marende BE No. 50 : 3-4


HAPAPATAR NI HATIURON I MARHITE HATUTUBU NI TUHAN YESUS

A : Ahh, lungun nai di borngin on. Ah tahe so adong be tagamon jolma na dungo, so ia holan
suara ni angka binatang na di harangan, angkup ni soara ni pidong borngin-borngin.

B : Patut attong da, nunga loja sude sian pardalanan, dungi muse nunga bagas borngin.

A : Alai bege jolo, adong dope jolma na dungo.

B : Ah ise be na dungo, nunga bagas borngin.

A : Hira na adong do soara ni dak-danak na tangis.

B : Ido tutu bah, hera dompak sopo inganan ni parbornginan ni si Josep dohot si Maria I do.
Beta ma.

A : Eh aha do i? Songon na tomu ro sondang sian banua ginjang, toho dompak angka
parmahan na tinggal di lading di Betllehem hundul di adaran I, na toho mansisulu.

B : Bah, idama sude parmahan I martinggangan huhut mabiar situtu ala hatiuron na sian
ginjang i. ai ida ma adong ro suru-suru an mandapothon parmahan i.

A : Bege, tupa adong didok suru-suruan I tu angka parmahan i. aha do didok?

B : OOo, didok suru-suruan I, unang hamu mabiar, ai barita las ni roha hgodang do huboan
tu hamu parsaulian ni sandok tano on. Ai naung tubu do di hamu sabornginon di huta ni si
Daud si palua I ima Kristus Tuhan i. on ma partinandaan di hamu, poso-poso do dapoton
muna na bi norhos peak di panggagatan I.

A : Bah, lam torop angka suru-suruan I huhut marende-ende aha do didok hata ni ende ni
nasida i?

B : On do, Hasangapon ma di Debata na diginjang, dame ma di tano on, diangka jolma


halomoan I.

A : Boido taendehon hita songon uli ni ende ni suru-suruan i?

B : Dang boi, muse pe dung sahat hita tu surgo i. disi pe asa boi endehononta songon uli ni
ende ni suru-suruan i.

A : Atong marende ma hita : No 56 : 1 (*Sai roma hamuna)

Sai ro ma hamuna angka na porsea, sai ro ma hamuna tu Betlehem

Ida dakdanak sipalua hita tasomba ma ibana 3x Raja ta i

Anda mungkin juga menyukai