mail us at : mzsynfo@gmail.com; mizoramsynod@gmail.com - Phone - 2314648 9 th November, 2017
1 Synod Executive Committee (SEC) Vawi 269-na an thu Synod Executive Committee ni thum awh tur chu Nov. 7, 2017 atang khan Synod Office-a Lloyd Hall-ah an thu a. SEC meeting hi Synod Moderator Rev. Lalzuithangan a kaihruai a, Synod Secretary Rev. Lianhmingthanga Sailo in report a pe a. Secretary report-ah chuan Shillong Mizo Kohhran leh Shillong Baptist Kohhran ten Biak In chungchanga inremna thuthlung an siam tawh a, inremna inkhawm pawh Oct.15, 2017 khan neih a nih thu te, Rampum Huap Kohhran Pavalai Pawl Meet neih a nih thu leh hemi denchhena Rampum huap beihpui atana Speak- ers puala training neih a nih thu te, kum 2018 a MLA General Election lo awm tur puala rampum huap beihpui neih mek a nih thu te, Synod 2016 in a phal angin Synod Hospital a Doctor 8 ten June 2017 atanga Limited Private Practice an neih tan thu te, Synod Hospital-ah Dental Unit chu kum thum chhung atan Out-Sourcing anga kalpuia nih rih tur thu te pawh tarlan a ni a. Tedim Synod ten tuilian an tuar avangin Rs. 2,50,000/- a tanpui a nih thu te, Mizorama Kohhran Inpumkhatna leh thawhhona chungchanga Seminar Paper Rev. Dr. H. Vanlalauva buatsaih chu a bu-a chhuah a nih tawh thu te tarlan a ni bawk. Tun tum SEC ah hian thurel tur 92 lai a awm a, chungzinga langsar zual deuh te chu Synod Higher Secondary School a Section hawn belh chungchang te, Mission Field a in sak te, India ram khawpui liana Biak in hmun leina tur Budget ruahman te, Synod dang nena partnership neih chungchang te, Kohhran Pavalai Pawl Inkaihhruaina enthat te, Synod Hospital-a Nursing College hawn chungchang te a ni hlawm a. Presbytery atanga thu lut Campus Ministry tihlen te, Synod Conference hman dan fimkhur zawka kalpui chungchang te, Mizoram Kohhran Hmeichhe Inkhawmpui Lian-a General Secretary ruat dan enthat te, India ram khawpui hrang hrang a Presbyterian Kohhran din a nih chhan Kohhranhote hnena chiang zawk a hrilhfiah rawtna te, Nupa chungchang Dan leh Kohhran Pawl dang nena inkungkaihna Dan bu a Mo lawm chungchang hi uar zawka inzirtir rawtna te leh a dangte an ni a, SEC meeting hi Nov. 9, 2017 ah zawh tura ruahman a ni. For more visit www.mizoramsynod.org 1 Mission Board Nov. 9 & 10, 2017 chhung hian Jiribam Bial (Barak Area)-ah Revival Meet neih a ni a, he revival meet-ah hian Pu K. Ronghaka, Mission Promoter, Synod Office chu Speaker a ni. 1 MSSU Nov. 11 & 12, 2017 chhung hian Cachar Kahrawt Bialah Sunday School Zirtirtu training neih a ni dawn a, training pe tur hian Upa Lalthahluna Ralte, MSSU Asst. Coordinator, Upa K. Zoremsanga, Kulikawn, MSSU Trainer leh Upa Lalhmachhuana, Tuikual North, MSSU Trainer te an kal ang. 1 Worship Deptt. Nov. 9 & 10, 2017 chhung khan Ratu Kohhranah Khuang vuak Training neih a ni a, hemi hunah hian Pu Lalromawia, Senior Instructor leh Upa Thanghuta, Dam Veng te an kal. 1 Synod Social Front-in Plumber Training a buatsaih Synod Social Front chuan a vawi 2-na atan pipe fit thiam (Plumber) Training a buatsaih chu Nov. 7, 2017 (Thawhlehni) chawhma dar 10 khan Synod Conference Centre-ah Pathian hnena hlanna neia bul tan a ni. He hun hi Upa H. Lalhmingmawia,Co-ordinator, Synod Social Front chuan a kaihruai a. Trainee te fuihna thu a sawi bakah training kalphung turte sawiin Pathian hnenah a hlan a. Pu C. Lallunghnema, CE, PHE chuan thuchah sawiin trainee te tana pawimawh thuziak a hnutchhiah bawk. Tun tuma Plumber training-ah hian Synod Social Front chuan zir tur mi 12 a la a. PHE Department lamin Trainer tur mi pahnih an tirh bakah practical neihna tur a ngaihtuah sak a. Synod hruaitute an lawm hle. Training hian November 23, 2017 thleng a awh ang a, November ni 24, 2017-ah kharna hun hman a ni ang. 1 Kohhran Hmeichhia Nov. 11 & 12, 2017 chhung hian Zawlnuam Bialah Leadership Training leh Kristian Chhungkaw Campaign neih a ni dawn a, Central Kohhran Hmeichhia atangin Pi Lalbiakhluni, Fin. Secretary leh Committee member te - Pi R. Vanlalruati leh Pi R. Lalrampari te an kal ang. 1 Kristian Thalai Pawl Nov. 11 & 12, 2017 chhung hian Biate Bialah Diamond Jubilee lawmna hmanpui turin Central KTP atangin Upa Zonunmawia, General Secretary leh Nl. Lalfamkimi, Committee member te an kal ang. 1 Praise On 2017 Third Round Result puan a ni ta Praise On 2017 Third Round Intihsiakna chu November 2 & 3, 2017 zan khan Khatla Kohhran Hall-ah neih leh a ni a, Second Round tling Group 20 ten he intihsiakna hi neiin Nov. 7, 2017 zan khan Hruaina Eng TV Channel-ah Final Round lut tur Group 10 te hming puanchhuah a ni. Final Round lut turte chu : 1. Armed Veng Branch, Armed Veng Bial 6. Electric Veng Branch, Electric Veng Bial 2. Chanmari Branch, Chanmari Bial 7. Govt. Complex Branch, Zonuam Bial 3. Chawnpui Branch, Chawnpui Bial 8. Kanan Veng Branch, Vaivakawn Bial 4. Dam Veng Branch, Dam Veng Bial 9. Tlangnuam West Branch, Tlangnuam Bial 5. Dawrpui Vengthar Branch, Dawrpui Vengthar Bial 10. Tuikual North Branch, Tuikual Bial 1 Missionary Training College (MTC) Nov. 8 - 11, 2017 chhung hian Rev. K. Lalrinkima, MTC Principal chu PCI Assembly Mission Commission member a nih angin Haflong-ah Mission hmun tlawh leh missionary interview leh tuldang hrang hrang buaipui turin a kal. 1 Synod-in chhawmdawlna pe Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni. S.No Khua Pek chhan Chhungkaw zat Chhawmdawlna pek zat www.mizoramsynod.org
1. Khawlian Khuai zuk hlum 1 Rs. 10,000/-
2. N.E Tlangnuam Tla Hlum 1 Rs. 10,000/- 3. Persang Damlo 1 Rs. 8,000/- TOTAL Rs. 28,000/- 1 Zin Nov. 9 - 12, 2017 chhung hian Tripura Provisional Synod, Tuidu, Tripura-ah neih a ni a, Synod hmanpui hian Upa Dr. H. Vanlalhluna, Synod Statistician leh Rev. C.M Zalenthanga te an kal. Contd,.. Synod Information & Publicity Department, Synod Office (Third Floor), Mission Veng, Aizawl
1 Hruaina Eng FM Radio & TV Programme
w NOVEMER 10, 2017 (FM ZOAWI AIZAWL @ 7:30 P.M.): Solo - Zoramchhani - Chatuanin, Group - One in Christ - Chhum zin lohna, Thusawi - John Lalhruaitluanga - Sunde Sikul thiltum, Zaipawl - TBZ - Khawvel hrutchhak ila, Band - The Rubber Band - Danglam ngam w NOVEMER 10, 2017 (FM LUNGLEI @ 7:30 P.M.): Solo - Zoramchhani - Chatuanin, Group - One in Christ - Chhum zin lohna, Thusawi - John Lalhruaitluanga - Sunde Sikul thiltum, Zaipawl - TBZ - Khawvel hrutchhak ila, Band - The Rubber Band - Danglam ngam 1 Susamachar Prasaran Programme NOVEMER 12, 2017 (Pathianni) 5:00 pm. : Group/Choir/Solo : Luangmual Vengthlang - Tumhara Mann Biakul Na Ho, Group/Choir/Solo : Champhai Vengthlang Pastor Bial - Hamara Kal, Sermon : Rev PC Rohlira - Parmeswar Ke Samit Rahena, Group/Choir/ Solo : Siyon Swaram - Tere Charno, Group/Choir/Solo : Vaivakawn Kohhran - Jay Jay Prabhu 1 NOVEMER 12, 2017 (Tv Programme) @ 4:00 - 6:00, 8:00 - 9:00 p.m) : Weekly Round Up, Praise On 2017, KTP Aizawl Chhimthlang Presbytery Meet 1 Moderator Programme Nov. 10, 2017 Zirtawpni Bethlehem North Biak In hawn Nov. 11, 2017 Inrinni Zan Electric Veng Kohhran Khawzawl Vengthar Bial Nov. 12, 2017 Pathianni Chawhma Neihdawn Kohhran Khawzawl Vengthar Bial Nov. 12, 2017 Pathianni Chawhnu Hermon Kohhran Khawzawl Vengthar Bial Nov. 12, 2017 Pathianni Zan Khawzawl Vengthar Kohhran (Stn) Khawzawl Vengthar Bial HRIATTIRNA Kum 2018 a PCI General Assembly neih tura Presbytery tina Palai tur te Presbytery Secretary ten Palai hming, Kohhran leh Bial hming te Nov. 17 (Zirtawpni) ral hma-in Synod Office-ah thehluh tur a ni e. Sd/- Upa Lalrinmuana Superintendent, Synod Office PRAISE ON FINAL ROUND ATANA HRIAT TUR 1. Final Round hi Nov. 21 & 23 zan dar 7:30 ah Khatla Kohhran Hall-ah neih tur a ni. 2. A zan khatna Nov. 21 zan hian Kristian Hlabu a mi thlan sa zinga duh ber pakhat sak tur a ni a, hla thlan sa te chu : a. KHB No 13 "Engkim kan hmuh te hian an fak a che" b. KHB No. 484 "Vawiin chuan ram nuam tak chanchin" c. KHB No. 492 "Ram Ni tla ngai lovah chuan" d. KHB No. 585 "Aw Nang kan Lal, kan Pathian" 3. A zan hnihna Nov. 23 zanah chuan mahni hla duh ber pakhat sak tur a ni ang. 4. Final Round -ah hian Third Round a sak tih loh chu duh duh sak theih a ni ang. 5. Final Round ah hian a duh tan music track leh instruments hman theih a ni ang a, instrument hi hman theih chin siam a ni a, chung te chu: a. Instrument chhawp sa tur te : i. Keyboard - 1 ii. Acoustic guitar -2 iii. Bass Guitar - 1 iv. Cajon - 1 * Instruments chhawpsa ang hi chu mahni ta hman theih a ni lovang a chhawpsa chauh hman tur a ni. b. Instrument chhawpsa bakah hengte hi mahni intumin hman tel thei a ni bawk ang: i. Wind instruments ii. Ukulele iii. Mandolin iv. Violin v. Shaker * Instruments tarlan bak hi hman theih a ni lovang 6. Instruments chhawpsa baka mahni intum theih instrument te tan hian Instrument mic. pakhat chhawp a ni ang. 7. Final Round a hla sak tur hi Nov. 16, 2017 ral hma-in Synfo Office ah report tur a ni 8. Final Result hi Nov. 24, 2017 Zirtawpzan dar 7:30 ah Khatla Kohhran Hall a puan a ni ang a, Top 10 chin te chu kal vek tur a ni ang. HNARUAK DIL THEIH Mizoram Presbyterian Kohhran hnuaiah a hnuaia hnate hi a ruak a, kum 18 - 35 inkar, ni 15.12.2017-a kum 35 pumhlum lo tan a dil theih a ni. Application Form chu Synod Office atangin lakchhuah tua a ni ang. Application Form-ah hriat tur pawimawh tihlan a ni. 1. English Lecturer pakhat (1) Contract, Synod Higher Secondary School-a thawk tur. Thiamna : Master Degree with atleast Second Class from any recognised University. Hlawh : Govt. Contract Lecturer Rate 2. Foreman pakhat (1) Contract, PRESCOM-a thawk tur. Thiamna : HSLC on any recognised Board Hlawh : Synod hnuaia Contract Rate 3. Contract Missionary sawmruk (60), Synod Mission Board hnuaia thawk tur. Hlawh : Synod hnuaia Contract Missionary Rate Dil theih hun chhung : Dec. 6, 2017 (Nilaini) tlai dar 4:00 thleng Screening test/exam : Dec. 8, 2017 (Zirtawpni) 11:00 a.m, Interview : Dec. 15, 2017 (Zirtawpni) 7:00 a.m Sd/- (REV. LALRAMLIANA PACHUAU) Secretary, Synod Service Board SYNOD MULTIPURPOSE TRAINING CENTRE ADVERTISEMENT Synod Multipurpose Training Centre, Mission Vengthlang, Aizawl-ah a hnuaia Trade-ah te hian train- ing hawn a ni leh dawn a. Dilna chu a hnuaia hming ziak hnenah hian Kohhran lehkha thil telin thehluh theih a ni. Dil theih hun Nov. 21, 2017 thleng, Interview hun Nov. 22, 2017, 10:00 A.M. a ni ang. 1. Tailoring (Mipa) : Seat 20 - Course - January to December, 2018 2. Tailoring (Hmeichhia) : Seat 40 - - do - 3. Shoe Making (Mipa) : Seat 5 - - do - 4. DCA 1st Semester : Seat 20 - Course - January to June, 2018 Sd/- Programme Director, Synod Multipurpose Training Centre Synod Social Front Helpline: 9089777129; Tuai & Patil MailHelpline : 8729800130; us at : mzsynfo@gmail.com, Students Helpline :mizoramsynod@gmail.com 9856883377 Synod Information & Publicity Phone - 2314648 Synfo